மதஸந்தககதா²தி³வண்ணனா

369. அஞ்ஞந்தி சீவரபத்ததோ அஞ்ஞங். அப்பக்³க⁴ந்தி அதிஜிண்ணாதி³பா⁴வேன நிஹீனங். ததோதி அவஸேஸபரிக்கா²ரதோ. ஸப்³ப³ந்தி பத்தங், திசீவரஞ்ச.

தத்த² தத்த² ஸங்க⁴ஸ்ஸேவாதி தஸ்மிங் தஸ்மிங் விஹாரே ஸங்க⁴ஸ்ஸேவ. பாளியங் அவிஸ்ஸஜ்ஜிகங் அவேப⁴ங்கி³கந்தி ஆக³தானாக³தஸ்ஸ சாதுத்³தி³ஸஸ்ஸ ஸங்க⁴ஸ்ஸேவ ஸந்தகங் ஹுத்வா கஸ்ஸசி அவிஸ்ஸஜ்ஜிகங் அவேப⁴ங்கி³கங் ப⁴விதுங் அனுஜானாமீதி அத்தோ².

371-2. அக்கனாளமயந்தி அக்கத³ண்ட³மயங். அக்கது³ஸ்ஸானீதி அக்கவாகேன கதது³ஸ்ஸானி, பொத்த²கக³திகானி து³க்கடவத்து²கானீதி அத்தோ². து³பட்டசீவரஸ்ஸ வா மஜ்ஜே²தி யங் நிட்டி²தே திபட்டசீவரங் ஹோதி, தஸ்ஸ மஜ்ஜே² படலங் கத்வா தா³தப்³பா³னீதி அத்தோ².

374. ‘‘ஸந்தே பதிரூபே கா³ஹகே’’தி வுத்தத்தா கா³ஹகே அஸதி அத³த்வா பா⁴ஜிதேபி ஸுபா⁴ஜிதமேவாதி த³ட்ட²ப்³ப³ங்.

376. த³க்கி²ணோத³கங் பமாணந்தி ‘‘எத்தகானி சீவரானி த³ஸ்ஸாமீ’’தி பட²மங் உத³கங் பாதெத்வா பச்சா² தெ³ந்தி. தங் யேஹி க³ஹிதங், தே பா⁴கி³னோவ ஹொந்தீதி அதி⁴ப்பாயோ. பரஸமுத்³தே³தி ஜம்பு³தீ³பே. தம்ப³பண்ணிதீ³பஞ்ஹி உபாதா³யேஸ ஏவங் வுத்தோ.

மதஸந்தககதா²தி³வண்ணனா நிட்டி²தா.