| Library / Tipiṭaka / तिपिटक • Tipiṭaka / विमतिविनोदनी-टीका • Vimativinodanī-ṭīkā |
मतसन्तककथादिवण्णना
Matasantakakathādivaṇṇanā
३६९. अञ्ञन्ति चीवरपत्ततो अञ्ञं। अप्पग्घन्ति अतिजिण्णादिभावेन निहीनं। ततोति अवसेसपरिक्खारतो। सब्बन्ति पत्तं, तिचीवरञ्च।
369.Aññanti cīvarapattato aññaṃ. Appagghanti atijiṇṇādibhāvena nihīnaṃ. Tatoti avasesaparikkhārato. Sabbanti pattaṃ, ticīvarañca.
तत्थ तत्थ सङ्घस्सेवाति तस्मिं तस्मिं विहारे सङ्घस्सेव। पाळियं अविस्सज्जिकं अवेभङ्गिकन्ति आगतानागतस्स चातुद्दिसस्स सङ्घस्सेव सन्तकं हुत्वा कस्सचि अविस्सज्जिकं अवेभङ्गिकं भवितुं अनुजानामीति अत्थो।
Tattha tattha saṅghassevāti tasmiṃ tasmiṃ vihāre saṅghasseva. Pāḷiyaṃ avissajjikaṃ avebhaṅgikanti āgatānāgatassa cātuddisassa saṅghasseva santakaṃ hutvā kassaci avissajjikaṃ avebhaṅgikaṃ bhavituṃ anujānāmīti attho.
३७१-२. अक्कनाळमयन्ति अक्कदण्डमयं। अक्कदुस्सानीति अक्कवाकेन कतदुस्सानि, पोत्थकगतिकानि दुक्कटवत्थुकानीति अत्थो। दुपट्टचीवरस्स वा मज्झेति यं निट्ठिते तिपट्टचीवरं होति, तस्स मज्झे पटलं कत्वा दातब्बानीति अत्थो।
371-2.Akkanāḷamayanti akkadaṇḍamayaṃ. Akkadussānīti akkavākena katadussāni, potthakagatikāni dukkaṭavatthukānīti attho. Dupaṭṭacīvarassa vā majjheti yaṃ niṭṭhite tipaṭṭacīvaraṃ hoti, tassa majjhe paṭalaṃ katvā dātabbānīti attho.
३७४. ‘‘सन्ते पतिरूपे गाहके’’ति वुत्तत्ता गाहके असति अदत्वा भाजितेपि सुभाजितमेवाति दट्ठब्बं।
374.‘‘Sante patirūpe gāhake’’ti vuttattā gāhake asati adatvā bhājitepi subhājitamevāti daṭṭhabbaṃ.
३७६. दक्खिणोदकं पमाणन्ति ‘‘एत्तकानि चीवरानि दस्सामी’’ति पठमं उदकं पातेत्वा पच्छा देन्ति। तं येहि गहितं, ते भागिनोव होन्तीति अधिप्पायो। परसमुद्देति जम्बुदीपे। तम्बपण्णिदीपञ्हि उपादायेस एवं वुत्तो।
376.Dakkhiṇodakaṃ pamāṇanti ‘‘ettakāni cīvarāni dassāmī’’ti paṭhamaṃ udakaṃ pātetvā pacchā denti. Taṃ yehi gahitaṃ, te bhāginova hontīti adhippāyo. Parasamuddeti jambudīpe. Tambapaṇṇidīpañhi upādāyesa evaṃ vutto.
मतसन्तककथादिवण्णना निट्ठिता।
Matasantakakathādivaṇṇanā niṭṭhitā.
Related texts:
तिपिटक (मूल) • Tipiṭaka (Mūla) / विनयपिटक • Vinayapiṭaka / महावग्गपाळि • Mahāvaggapāḷi
२२५. मतसन्तककथा • 225. Matasantakakathā
२२७. कुसचीरादिपटिक्खेपकथा • 227. Kusacīrādipaṭikkhepakathā
२२८. सब्बनीलकादिपटिक्खेपकथा • 228. Sabbanīlakādipaṭikkhepakathā
२२९. वस्संवुट्ठानं अनुप्पन्नचीवरकथा • 229. Vassaṃvuṭṭhānaṃ anuppannacīvarakathā
२३०. सङ्घे भिन्ने चीवरुप्पादकथा • 230. Saṅghe bhinne cīvaruppādakathā
अट्ठकथा • Aṭṭhakathā / विनयपिटक (अट्ठकथा) • Vinayapiṭaka (aṭṭhakathā) / महावग्ग-अट्ठकथा • Mahāvagga-aṭṭhakathā
मतसन्तककथा • Matasantakakathā
कुसचीरादिपटिक्खेपकथा • Kusacīrādipaṭikkhepakathā
सङ्घेभिन्नेचीवरुप्पादकथा • Saṅghebhinnecīvaruppādakathā
टीका • Tīkā / विनयपिटक (टीका) • Vinayapiṭaka (ṭīkā) / सारत्थदीपनी-टीका • Sāratthadīpanī-ṭīkā
मतसन्तककथावण्णना • Matasantakakathāvaṇṇanā
सङ्घे भिन्ने चीवरुप्पादकथावण्णना • Saṅghe bhinne cīvaruppādakathāvaṇṇanā
टीका • Tīkā / विनयपिटक (टीका) • Vinayapiṭaka (ṭīkā) / वजिरबुद्धि-टीका • Vajirabuddhi-ṭīkā
मतसन्तककथावण्णना • Matasantakakathāvaṇṇanā
सङ्घेभिन्नेचीवरुप्पादकथावण्णना • Saṅghebhinnecīvaruppādakathāvaṇṇanā
टीका • Tīkā / विनयपिटक (टीका) • Vinayapiṭaka (ṭīkā) / पाचित्यादियोजनापाळि • Pācityādiyojanāpāḷi
२२५. मतसन्तककथा • 225. Matasantakakathā
२२७. कुसचीरादिपटिक्खेपकथा • 227. Kusacīrādipaṭikkhepakathā
२३०. सङ्घे भिन्ने चीवरुप्पादकथा • 230. Saṅghe bhinne cīvaruppādakathā
