| Library / Tipiṭaka / තිපිටක • Tipiṭaka / විමතිවිනොදනී-ටීකා • Vimativinodanī-ṭīkā |
මතසන්‌තකකථාදිවණ්‌ණනා
Matasantakakathādivaṇṇanā
369. අඤ්‌ඤන්‌ති චීවරපත්‌තතො අඤ්‌ඤං. අප්‌පග්‌ඝන්‌ති අතිජිණ්‌ණාදිභාවෙන නිහීනං. තතොති අවසෙසපරික්‌ඛාරතො. සබ්‌බන්‌ති පත්‌තං, තිචීවරඤ්‌ච.
369.Aññanti cīvarapattato aññaṃ. Appagghanti atijiṇṇādibhāvena nihīnaṃ. Tatoti avasesaparikkhārato. Sabbanti pattaṃ, ticīvarañca.
තත්‌ථ තත්‌ථ සඞ්‌ඝස්‌සෙවාති තස්‌මිං තස්‌මිං විහාරෙ සඞ්‌ඝස්‌සෙව. පාළියං අවිස්‌සජ්‌ජිකං අවෙභඞ්‌ගිකන්‌ති ආගතානාගතස්‌ස චාතුද්‌දිසස්‌ස සඞ්‌ඝස්‌සෙව සන්‌තකං හුත්‌වා කස්‌සචි අවිස්‌සජ්‌ජිකං අවෙභඞ්‌ගිකං භවිතුං අනුජානාමීති අත්‌ථො.
Tattha tattha saṅghassevāti tasmiṃ tasmiṃ vihāre saṅghasseva. Pāḷiyaṃ avissajjikaṃ avebhaṅgikanti āgatānāgatassa cātuddisassa saṅghasseva santakaṃ hutvā kassaci avissajjikaṃ avebhaṅgikaṃ bhavituṃ anujānāmīti attho.
371-2. අක්‌කනාළමයන්‌ති අක්‌කදණ්‌ඩමයං. අක්‌කදුස්‌සානීති අක්‌කවාකෙන කතදුස්‌සානි, පොත්‌ථකගතිකානි දුක්‌කටවත්‌ථුකානීති අත්‌ථො. දුපට්‌ටචීවරස්‌ස වා මජ්‌ඣෙති යං නිට්‌ඨිතෙ තිපට්‌ටචීවරං හොති, තස්‌ස මජ්‌ඣෙ පටලං කත්‌වා දාතබ්‌බානීති අත්‌ථො.
371-2.Akkanāḷamayanti akkadaṇḍamayaṃ. Akkadussānīti akkavākena katadussāni, potthakagatikāni dukkaṭavatthukānīti attho. Dupaṭṭacīvarassa vā majjheti yaṃ niṭṭhite tipaṭṭacīvaraṃ hoti, tassa majjhe paṭalaṃ katvā dātabbānīti attho.
374. ‘‘සන්‌තෙ පතිරූපෙ ගාහකෙ’’ති වුත්‌තත්‌තා ගාහකෙ අසති අදත්‌වා භාජිතෙපි සුභාජිතමෙවාති දට්‌ඨබ්‌බං.
374.‘‘Sante patirūpe gāhake’’ti vuttattā gāhake asati adatvā bhājitepi subhājitamevāti daṭṭhabbaṃ.
376. දක්‌ඛිණොදකං පමාණන්‌ති ‘‘එත්‌තකානි චීවරානි දස්‌සාමී’’ති පඨමං උදකං පාතෙත්‌වා පච්‌ඡා දෙන්‌ති. තං යෙහි ගහිතං, තෙ භාගිනොව හොන්‌තීති අධිප්‌පායො. පරසමුද්‌දෙති ජම්‌බුදීපෙ. තම්‌බපණ්‌ණිදීපඤ්‌හි උපාදායෙස එවං වුත්‌තො.
376.Dakkhiṇodakaṃ pamāṇanti ‘‘ettakāni cīvarāni dassāmī’’ti paṭhamaṃ udakaṃ pātetvā pacchā denti. Taṃ yehi gahitaṃ, te bhāginova hontīti adhippāyo. Parasamuddeti jambudīpe. Tambapaṇṇidīpañhi upādāyesa evaṃ vutto.
මතසන්‌තකකථාදිවණ්‌ණනා නිට්‌ඨිතා.
Matasantakakathādivaṇṇanā niṭṭhitā.
Related texts:
තිපිටක (මූල) • Tipiṭaka (Mūla) / විනයපිටක • Vinayapiṭaka / මහාවග්‌ගපාළි • Mahāvaggapāḷi
225. මතසන්‌තකකථා • 225. Matasantakakathā
227. කුසචීරාදිපටික්‌ඛෙපකථා • 227. Kusacīrādipaṭikkhepakathā
228. සබ්‌බනීලකාදිපටික්‌ඛෙපකථා • 228. Sabbanīlakādipaṭikkhepakathā
229. වස්‌සංවුට්‌ඨානං අනුප්‌පන්‌නචීවරකථා • 229. Vassaṃvuṭṭhānaṃ anuppannacīvarakathā
230. සඞ්‌ඝෙ භින්‌නෙ චීවරුප්‌පාදකථා • 230. Saṅghe bhinne cīvaruppādakathā
අට්‌ඨකථා • Aṭṭhakathā / විනයපිටක (අට්‌ඨකථා) • Vinayapiṭaka (aṭṭhakathā) / මහාවග්‌ග-අට්‌ඨකථා • Mahāvagga-aṭṭhakathā
මතසන්‌තකකථා • Matasantakakathā
කුසචීරාදිපටික්‌ඛෙපකථා • Kusacīrādipaṭikkhepakathā
සඞ්‌ඝෙභින්‌නෙචීවරුප්‌පාදකථා • Saṅghebhinnecīvaruppādakathā
ටීකා • Tīkā / විනයපිටක (ටීකා) • Vinayapiṭaka (ṭīkā) / සාරත්‌ථදීපනී-ටීකා • Sāratthadīpanī-ṭīkā
මතසන්‌තකකථාවණ්‌ණනා • Matasantakakathāvaṇṇanā
සඞ්‌ඝෙ භින්‌නෙ චීවරුප්‌පාදකථාවණ්‌ණනා • Saṅghe bhinne cīvaruppādakathāvaṇṇanā
ටීකා • Tīkā / විනයපිටක (ටීකා) • Vinayapiṭaka (ṭīkā) / වජිරබුද්‌ධි-ටීකා • Vajirabuddhi-ṭīkā
මතසන්‌තකකථාවණ්‌ණනා • Matasantakakathāvaṇṇanā
සඞ්‌ඝෙභින්‌නෙචීවරුප්‌පාදකථාවණ්‌ණනා • Saṅghebhinnecīvaruppādakathāvaṇṇanā
ටීකා • Tīkā / විනයපිටක (ටීකා) • Vinayapiṭaka (ṭīkā) / පාචිත්‍යාදියොජනාපාළි • Pācityādiyojanāpāḷi
225. මතසන්‌තකකථා • 225. Matasantakakathā
227. කුසචීරාදිපටික්‌ඛෙපකථා • 227. Kusacīrādipaṭikkhepakathā
230. සඞ්‌ඝෙ භින්‌නෙ චීවරුප්‌පාදකථා • 230. Saṅghe bhinne cīvaruppādakathā
