| Library / Tipiṭaka / д̇ибидага • Tipiṭaka / бадисамбхид̣̇аамаг̇г̇а-адтагат̇аа • Paṭisambhidāmagga-aṭṭhakathā |
10. маад̇игаагат̇аа
10. Mātikākathā
маад̇игаагат̇ааван̣н̣анаа
Mātikākathāvaṇṇanā
40. ид̣̇аани махаат̇зро вибассанаагат̇аананд̇арам̣ сагалз бадисамбхид̣̇аамаг̇г̇з нид̣̇д̣̇идтз самат̇авибассанаамаг̇г̇аниб̣б̣аанад̇хаммз аагааранаанад̇д̇авасзна наанаабарияааязхи т̇омзд̇угаамо нижчаад̇од̇иаад̣̇ийни згуунавийсад̇и маад̇игаабад̣̇аани уд̣̇д̣̇исид̇ваа д̇зсам̣ нид̣̇д̣̇зсавасзна маад̇игаагат̇ам̣ наама гат̇зси. д̇ассаа аяам̣ абуб̣б̣ад̇т̇аануван̣н̣анаа. маад̇игааяа д̇аава нижчаад̇од̇и амилаад̇о. саб̣б̣зби хи гилзсаа бийл̣ааяог̇ад̇о милаад̇аа, рааг̇оби д̇аава ниранд̇араббавад̇д̇о сарийрам̣ д̣̇ахад̇и, гим̣ банан̃н̃з гилзсаа . ‘‘д̇аяомз, бхигкавз, аг̇г̇ий рааг̇аг̇г̇и д̣̇осаг̇г̇и мохаг̇г̇ий’’д̇и (ид̇иву. 93; д̣̇ий. ни. 3.305) бана гилзсанааяагаа д̇аяо зва гилзсаа вуд̇д̇аа, д̇ам̣самбаяуд̇д̇ааби бана д̣̇аханд̇иязва. звам̣ чаад̇агилзсаабхаавад̇о нижчаад̇о. го со? вимогкасамб̣анд̇хзна вимогкод̇и д̣̇адтаб̣б̣о. мужжад̇ийд̇и могко. вимужжад̇ийд̇и вимогкод̇и ад̇т̇о. ид̣̇амзгам̣ маад̇игаабад̣̇ам̣. виж̇ж̇аавимуд̇д̇ийд̇и виж̇ж̇ааязва вимуд̇д̇и. ид̣̇амзгам̣ маад̇игаабад̣̇ам̣. жхаанавимогкод̇и жхаанамзва вимогко. ид̣̇амзгам̣ маад̇игаабад̣̇ам̣. сзсаани згзгаанзваад̇и звам̣ згуунавийсад̇и маад̇игаабад̣̇аани.
40. Idāni mahāthero vipassanākathānantaraṃ sakale paṭisambhidāmagge niddiṭṭhe samathavipassanāmagganibbānadhamme ākāranānattavasena nānāpariyāyehi thometukāmo nicchātotiādīni ekūnavīsati mātikāpadāni uddisitvā tesaṃ niddesavasena mātikākathaṃ nāma kathesi. Tassā ayaṃ apubbatthānuvaṇṇanā. Mātikāya tāva nicchātoti amilāto. Sabbepi hi kilesā pīḷāyogato milātā, rāgopi tāva nirantarappavatto sarīraṃ dahati, kiṃ panaññe kilesā . ‘‘Tayome, bhikkhave, aggī rāgaggi dosaggi mohaggī’’ti (itivu. 93; dī. ni. 3.305) pana kilesanāyakā tayo eva kilesā vuttā, taṃsampayuttāpi pana dahantiyeva. Evaṃ chātakilesābhāvato nicchāto. Ko so? Vimokkhasambandhena vimokkhoti daṭṭhabbo. Muccatīti mokkho. Vimuccatīti vimokkhoti attho. Idamekaṃ mātikāpadaṃ. Vijjāvimuttīti vijjāyeva vimutti. Idamekaṃ mātikāpadaṃ. Jhānavimokkhoti jhānameva vimokkho. Idamekaṃ mātikāpadaṃ. Sesāni ekekānevāti evaṃ ekūnavīsati mātikāpadāni.
41. нзгкаммзна гаамажчанд̣̇ад̇о нижчаад̇од̇и нзгкаммзна гаамажчанд̣̇ад̇о абзд̇ад̇д̇аа гаамажчанд̣̇ад̇о ниггилзсо яог̇ий. д̇зна бадилад̣̇д̇хам̣ нзгкаммамби нижчаад̇о ниггилзсо вимогко. звам̣ сзсзсуби. нзгкаммзна гаамажчанд̣̇ад̇о мужжад̇ийд̇и вимогкод̇и нзгкаммзна гаамажчанд̣̇ад̇о яог̇ий мужжад̇ийд̇и д̇ам̣ нзгкаммам̣ вимогкод̇и ад̇т̇о. звам̣ сзсзсуби. виж̇ж̇ад̇ийд̇и виж̇ж̇аад̇и сабхаавад̇о виж̇ж̇ад̇и ад̇т̇и убалаб̣бхад̇ийд̇и виж̇ж̇аа наамаад̇и ад̇т̇о. ат̇а ваа сабхааваж̇аананад̇т̇ам̣ бадибаннзхи яог̇ийхи сабхаавам̣ взд̣̇ийяад̇и ж̇аанийяад̇ийд̇и виж̇ж̇аа наамаад̇и ад̇т̇о. ат̇а ваа висзсалаабхад̇т̇ам̣ бадибаннзхи яог̇ийхи взд̣̇ийяад̇и бадилаабхийяад̇ийд̇и виж̇ж̇аа наамаад̇и ад̇т̇о. ат̇а ваа ад̇д̇анаа винд̣̇ид̇аб̣б̣ам̣ бхуумим̣ винд̣̇ад̇и лабхад̇ийд̇и виж̇ж̇аа наамаад̇и ад̇т̇о. ат̇а ваа сабхаавад̣̇ассанахзд̇уд̇д̇аа сабхаавам̣ вид̣̇ид̇ам̣ гарод̇ийд̇и виж̇ж̇аа наамаад̇и ад̇т̇о. виж̇ж̇анд̇о мужжад̇и, мужжанд̇о виж̇ж̇ад̇ийд̇и яат̇аавуд̇д̇о д̇хаммо яат̇аавуд̇д̇знад̇т̇зна виж̇ж̇амаано яат̇аавуд̇д̇ад̇о мужжад̇и, яат̇аавуд̇д̇ад̇о мужжамаано яат̇аавуд̇д̇знад̇т̇зна виж̇ж̇ад̇ийд̇и виж̇ж̇аавимуд̇д̇и наамаад̇и ад̇т̇о.
41.Nekkhammena kāmacchandato nicchātoti nekkhammena kāmacchandato apetattā kāmacchandato nikkileso yogī. Tena paṭiladdhaṃ nekkhammampi nicchāto nikkileso vimokkho. Evaṃ sesesupi. Nekkhammena kāmacchandato muccatīti vimokkhoti nekkhammena kāmacchandato yogī muccatīti taṃ nekkhammaṃ vimokkhoti attho. Evaṃ sesesupi. Vijjatīti vijjāti sabhāvato vijjati atthi upalabbhatīti vijjā nāmāti attho. Atha vā sabhāvajānanatthaṃ paṭipannehi yogīhi sabhāvaṃ vedīyati jānīyatīti vijjā nāmāti attho. Atha vā visesalābhatthaṃ paṭipannehi yogīhi vedīyati paṭilābhīyatīti vijjā nāmāti attho. Atha vā attanā vinditabbaṃ bhūmiṃ vindati labhatīti vijjā nāmāti attho. Atha vā sabhāvadassanahetuttā sabhāvaṃ viditaṃ karotīti vijjā nāmāti attho. Vijjanto muccati, muccantovijjatīti yathāvutto dhammo yathāvuttenatthena vijjamāno yathāvuttato muccati, yathāvuttato muccamāno yathāvuttenatthena vijjatīti vijjāvimutti nāmāti attho.
гаамажчанд̣̇ам̣ сам̣варадтзнаад̇и гаамажчанд̣̇анивааран̣адтзна д̇ам̣ нзгкаммам̣ сийлависуд̣̇д̇хи наамаад̇и ад̇т̇о. д̇ам̣язва авигкзбахзд̇уд̇д̇аа авигкзбадтзна жид̇д̇ависуд̣̇д̇хи. д̣̇ассанахзд̇уд̇д̇аа д̣̇ассанадтзна д̣̇идтивисуд̣̇д̇хи. сзсзсуби зсзва наяо. бадиббассамбхзд̇ийд̇и нзгкаммаад̣̇инаа гаамажчанд̣̇аад̣̇игам̣ яог̇ааважаро бадиббассамбхзд̇ийд̇и нзгкаммаад̣̇иго д̇хаммо бассад̣̇д̇хи наамаад̇и ад̇т̇о. бахийнад̇д̇аад̇и д̇зна д̇зна бахаанзна бахийнад̇д̇аа. н̃аад̇адтзна н̃аан̣анд̇и жхаанабажжавзгкан̣аавасзна вибассанаавасзна маг̇г̇абажжавзгкан̣аавасзна н̃аад̇адтзна нзгкаммаад̣̇игам̣ н̃аан̣ам̣ наамаад̇и ад̇т̇о. д̣̇идтад̇д̇аа д̣̇ассананд̇и зд̇т̇ааби зсзва наяо. висуж̇жхад̇ийд̇и яог̇ий, нзгкаммаад̣̇игаа висуд̣̇д̇хи.
Kāmacchandaṃ saṃvaraṭṭhenāti kāmacchandanivāraṇaṭṭhena taṃ nekkhammaṃ sīlavisuddhi nāmāti attho. Taṃyeva avikkhepahetuttā avikkhepaṭṭhena cittavisuddhi. Dassanahetuttā dassanaṭṭhena diṭṭhivisuddhi. Sesesupi eseva nayo. Paṭippassambhetīti nekkhammādinā kāmacchandādikaṃ yogāvacaro paṭippassambhetīti nekkhammādiko dhammo passaddhi nāmāti attho. Pahīnattāti tena tena pahānena pahīnattā. Ñātaṭṭhena ñāṇanti jhānapaccavekkhaṇāvasena vipassanāvasena maggapaccavekkhaṇāvasena ñātaṭṭhena nekkhammādikaṃ ñāṇaṃ nāmāti attho. Diṭṭhattā dassananti etthāpi eseva nayo. Visujjhatīti yogī, nekkhammādikā visuddhi.
нзгкамманид̣̇д̣̇зсз нзгкаммам̣ алобхад̇д̇аа гаамарааг̇ад̇о ниссаданд̇и ниссаран̣ам̣. д̇ад̇о нигканд̇анд̇и нзгкаммам̣. ‘‘руубаанамзд̇ам̣ ниссаран̣ам̣ яад̣̇ид̣̇ам̣ нзгкамма’’нд̇и вужжамаанз ааруббависзсасса ад̣̇иссанад̇о висзсасса д̣̇ассанад̇т̇ам̣ ан̃н̃ад̇т̇а вуд̇д̇абаатаггамзнзва яад̣̇ид̣̇ам̣ ааруббанд̇и вуд̇д̇ам̣. д̇ан̃жа ааруббам̣ руубад̇о нигканд̇ад̇д̇аа нзгкаммам̣ наамаад̇и ад̇хигааравасзнзва вуд̇д̇ам̣ ход̇и. бхууд̇анд̇и уббаад̣̇асамааяог̇ад̣̇ийбанам̣. сан̇кад̇анд̇и бажжаяаб̣алависзсад̣̇ассанам̣. бадижжасамуббаннанд̇и бажжаяасамааяог̇зби бажжаяаанам̣ аб̣яаабаарабхаавад̣̇ассанам̣. нирод̇хо д̇асса нзгкамманд̇и ниб̣б̣аанам̣ д̇ад̇о сан̇кад̇ад̇о нигканд̇ад̇д̇аа д̇асса сан̇кад̇асса нзгкаммам̣ наама. ааруббасса жа нирод̇хасса жа г̇ахан̣ам̣ ан̃н̃ад̇т̇а баатз вуд̇д̇аггамзнзва гад̇ам̣. ‘‘гаамажчанд̣̇асса нзгкаммам̣ нзгкамма’’нд̇и вужжамаанз бунаруд̇д̇ам̣ ход̇и. нзгкаммаважанзнзва жа д̇асса нзгкаммасид̣̇д̇хийд̇и д̇ам̣ авад̇ваа сзсанзгкаммамзва вуд̇д̇ам̣. д̇ам̣ уж̇угамзва. ниссаран̣анид̣̇д̣̇зсзби иминаава наязна ад̇т̇о взд̣̇ид̇аб̣б̣о. ниссаран̣ийяаа д̇хаад̇уяо банзд̇т̇а уж̇угамзва нзгкамманд̇и вуд̇д̇ам̣. бавивзгод̇и бавивид̇д̇абхааво нзгкаммаад̣̇игоязва. восаж̇ж̇ад̇ийд̇и яог̇ий, нзгкаммаад̣̇аяо восаг̇г̇о. нзгкаммам̣ бавад̇д̇знд̇о яог̇ий нзгкаммзна жарад̇ийд̇и вужжад̇и. д̇ам̣ бана нзгкаммам̣ жарияаа. зса наяо сзсзсуби. жхаанавимогканид̣̇д̣̇зсз вад̇д̇аб̣б̣ам̣ вимогкагат̇ааяам̣ вуд̇д̇ам̣. гзвалам̣ д̇ад̇т̇а ‘‘ж̇аанаад̇ийд̇и жхаанавимогко’’д̇и (бади. ма. 1.217) вуд̇д̇ам̣, ид̇ха бана ‘‘ж̇аанаад̇ийд̇и, жхааяад̇ий’’д̇и буг̇г̇алаад̇хидтаанаава д̣̇зсанаа гад̇аад̇и аяам̣ висзсо.
Nekkhammaniddese nekkhammaṃ alobhattā kāmarāgato nissaṭanti nissaraṇaṃ. Tato nikkhantanti nekkhammaṃ. ‘‘Rūpānametaṃ nissaraṇaṃ yadidaṃ nekkhamma’’nti vuccamāne āruppavisesassa adissanato visesassa dassanatthaṃ aññattha vuttapāṭhakkameneva yadidaṃ āruppanti vuttaṃ. Tañca āruppaṃ rūpato nikkhantattā nekkhammaṃ nāmāti adhikāravaseneva vuttaṃ hoti. Bhūtanti uppādasamāyogadīpanaṃ. Saṅkhatanti paccayabalavisesadassanaṃ. Paṭiccasamuppannanti paccayasamāyogepi paccayānaṃ abyāpārabhāvadassanaṃ. Nirodho tassa nekkhammanti nibbānaṃ tato saṅkhatato nikkhantattā tassa saṅkhatassa nekkhammaṃ nāma. Āruppassa ca nirodhassa ca gahaṇaṃ aññattha pāṭhe vuttakkameneva kataṃ. ‘‘Kāmacchandassa nekkhammaṃ nekkhamma’’nti vuccamāne punaruttaṃ hoti. Nekkhammavacaneneva ca tassa nekkhammasiddhīti taṃ avatvā sesanekkhammameva vuttaṃ. Taṃ ujukameva. Nissaraṇaniddesepi imināva nayena attho veditabbo. Nissaraṇīyā dhātuyo panettha ujukameva nekkhammanti vuttaṃ. Pavivekoti pavivittabhāvo nekkhammādikoyeva. Vosajjatīti yogī, nekkhammādayo vosaggo. Nekkhammaṃ pavattento yogī nekkhammena caratīti vuccati. Taṃ pana nekkhammaṃ cariyā. Esa nayo sesesupi. Jhānavimokkhaniddese vattabbaṃ vimokkhakathāyaṃ vuttaṃ. Kevalaṃ tattha ‘‘jānātīti jhānavimokkho’’ti (paṭi. ma. 1.217) vuttaṃ, idha pana ‘‘jānātīti, jhāyatī’’ti puggalādhiṭṭhānāva desanā katāti ayaṃ viseso.
42. бхааванаад̇хидтаанаж̇ийвид̇анид̣̇д̣̇зсз жа буг̇г̇алаад̇хидтаанаа д̣̇зсанаа гад̇аа. д̇хаммад̇о бана бхааванаа наама нзгкаммаад̣̇аяова. ад̇хидтаанам̣ наама нзгкаммаад̣̇ивасзна бад̇идтаабид̇ажид̇д̇амзва. ж̇ийвид̇ам̣ наама нзгкаммаад̣̇ивасзна бад̇идтаабид̇ажид̇д̇асса саммааааж̇ийво наама. го со саммааааж̇ийво наама ? мижчааж̇ийваа вирад̇и, д̇хаммзна самзна бажжаяабариязсанавааяаамо жа. д̇ад̇т̇а самам̣ ж̇ийвад̇ийд̇и самам̣ ж̇ийвид̇ам̣ ж̇ийвад̇и, бхааванабум̣сагаважанам̣ ваа, самзна ж̇ийвад̇ийд̇и вуд̇д̇ам̣ ход̇и. но висаманд̇и ‘‘самам̣ ж̇ийвад̇ий’’д̇и вуд̇д̇ассзва ад̇т̇асса бадисзд̇хавасзна авад̇хааран̣ам̣ гад̇ам̣. саммаа ж̇ийвад̇ийд̇и аагааранид̣̇ассанам̣. но мижчаад̇и д̇ассзва нияаманам̣. висуд̣̇д̇хам̣ ж̇ийвад̇ийд̇и сабхаавависуд̣̇д̇хияаа висуд̣̇д̇хам̣ ж̇ийвид̇ам̣ ж̇ийвад̇и. но гилидтанд̇и д̇ассзва нияаманам̣. яан̃н̃ад̣̇зваад̇иаад̣̇ийхи яат̇аавуд̇д̇аанам̣ д̇иссаннам̣ самбад̣̇аанам̣ аанисам̣сам̣ д̣̇ассзд̇и. д̇ад̇т̇а яан̃н̃ад̣̇зваад̇и яам̣ яам̣ зва. кад̇д̇ияабарисанд̇и кад̇д̇ияаанам̣ саннибаад̇ам̣. со хи саманд̇ад̇о сийд̣̇анд̇и зд̇т̇а агад̇аб̣уд̣̇д̇хинод̇и барисаад̇и вужжад̇и. зсзва наяо ид̇арад̇д̇аяз. кад̇д̇ияаад̣̇ийнам̣язва ааг̇аманасамбад̇д̇ияаа н̃аан̣асамбад̇д̇ияаа жа саманнааг̇ад̇ад̇д̇аа д̇аасам̣язва жад̇ассаннам̣ г̇ахан̣ам̣ , на суд̣̇д̣̇абарисааяа. висаарад̣̇од̇и д̇ийхи самбад̣̇аахи самбанно виг̇ад̇асаараж̇ж̇о, ниб̣бхаяод̇и ад̇т̇о. аман̇губхууд̇од̇и асан̇гужид̇о на нид̇д̇зж̇абхууд̇о. д̇ам̣ гисса хзд̇ууд̇и д̇ам̣ висаарад̣̇ад̇д̇ам̣ гзна хзд̇унаа гзна гааран̣зна ход̇ийд̇и жзд̇и ад̇т̇о. ид̣̇аани д̇ат̇аа хийд̇и д̇асса гааран̣аважанам̣. яасмаа звам̣ д̇исамбад̣̇аасамбанно, д̇асмаа ‘‘висаарад̣̇о ход̇ий’’д̇и висаарад̣̇абхаавасса гааран̣ам̣ д̣̇ассзд̇ваа нидтабзсийд̇и.
42. Bhāvanādhiṭṭhānajīvitaniddese ca puggalādhiṭṭhānā desanā katā. Dhammato pana bhāvanā nāma nekkhammādayova. Adhiṭṭhānaṃ nāma nekkhammādivasena patiṭṭhāpitacittameva. Jīvitaṃ nāma nekkhammādivasena patiṭṭhāpitacittassa sammāājīvo nāma. Ko so sammāājīvo nāma ? Micchājīvā virati, dhammena samena paccayapariyesanavāyāmo ca. Tattha samaṃ jīvatīti samaṃ jīvitaṃ jīvati, bhāvanapuṃsakavacanaṃ vā, samena jīvatīti vuttaṃ hoti. No visamanti ‘‘samaṃ jīvatī’’ti vuttasseva atthassa paṭisedhavasena avadhāraṇaṃ kataṃ. Sammā jīvatīti ākāranidassanaṃ. No micchāti tasseva niyamanaṃ. Visuddhaṃ jīvatīti sabhāvavisuddhiyā visuddhaṃ jīvitaṃ jīvati. No kiliṭṭhanti tasseva niyamanaṃ. Yaññadevātiādīhi yathāvuttānaṃ tissannaṃ sampadānaṃ ānisaṃsaṃ dasseti. Tattha yaññadevāti yaṃ yaṃ eva. Khattiyaparisanti khattiyānaṃ sannipātaṃ. So hi samantato sīdanti ettha akatabuddhinoti parisāti vuccati. Eseva nayo itarattaye. Khattiyādīnaṃyeva āgamanasampattiyā ñāṇasampattiyā ca samannāgatattā tāsaṃyeva catassannaṃ gahaṇaṃ , na suddaparisāya. Visāradoti tīhi sampadāhi sampanno vigatasārajjo, nibbhayoti attho. Amaṅkubhūtoti asaṅkucito na nittejabhūto. Taṃ kissa hetūti taṃ visāradattaṃ kena hetunā kena kāraṇena hotīti ceti attho. Idāni tathā hīti tassa kāraṇavacanaṃ. Yasmā evaṃ tisampadāsampanno, tasmā ‘‘visārado hotī’’ti visāradabhāvassa kāraṇaṃ dassetvā niṭṭhapesīti.
сад̣̇д̇хаммаббагаасинияаа бадисамбхид̣̇аамаг̇г̇а-адтагат̇ааяа
Saddhammappakāsiniyā paṭisambhidāmagga-aṭṭhakathāya
маад̇игаагат̇ааван̣н̣анаа нидтид̇аа.
Mātikākathāvaṇṇanā niṭṭhitā.
бан̃н̃ааваг̇г̇аван̣н̣анаа нидтид̇аа.
Paññāvaggavaṇṇanā niṭṭhitā.
нидтид̇аа жуул̣аваг̇г̇асса абуб̣б̣ад̇т̇аануван̣н̣анаа.
Niṭṭhitā cūḷavaggassa apubbatthānuvaṇṇanā.
зд̇д̇аавад̇аа жа д̇иваг̇г̇асан̇г̇ахид̇асса
Ettāvatā ca tivaggasaṅgahitassa
самад̇им̣сагат̇аабадиман̣д̣ид̇ассбадисамбхид̣̇аамаг̇г̇асса ад̇т̇аван̣н̣анаа нидтид̇аа ход̇ийд̇и.
Samatiṃsakathāpaṭimaṇḍitasspaṭisambhidāmaggassa atthavaṇṇanā niṭṭhitā hotīti.
Related texts:
д̇ибидага (муула) • Tipiṭaka (Mūla) / суд̇д̇абидага • Suttapiṭaka / куд̣̇д̣̇аганигааяа • Khuddakanikāya / бадисамбхид̣̇аамаг̇г̇абаал̣и • Paṭisambhidāmaggapāḷi / 10. маад̇игаагат̇аа • 10. Mātikākathā
