буг̇г̇алабан̃н̃ад̇д̇и-адтагат̇аа

Puggalapaññatti-aṭṭhakathā

нибун̣ад̇т̇ам̣ багаран̣ам̣, д̇хаад̇убхзд̣̇аббагаасано;

Nipuṇatthaṃ pakaraṇaṃ, dhātubhedappakāsano;

сад̇т̇аа д̇хаад̇угат̇ам̣ наама, д̣̇зсаяид̇ваа сураалаяз.

Satthā dhātukathaṃ nāma, desayitvā surālaye.

ананд̇арам̣ д̇асса ж̇ино, бан̃н̃ад̇д̇ибхзд̣̇ад̣̇ийбанам̣;

Anantaraṃ tassa jino, paññattibhedadīpanaṃ;

ааха буг̇г̇алабан̃н̃ад̇д̇им̣, яам̣ логз аг̇г̇абуг̇г̇ало.

Āha puggalapaññattiṃ, yaṃ loke aggapuggalo.

д̇ассаа сам̣ван̣н̣аногаасо, яасмаа д̣̇аани убааг̇ад̇о;

Tassā saṃvaṇṇanokāso, yasmā dāni upāgato;

д̇асмаа нам̣ ван̣н̣аяиссаами, д̇ам̣ сун̣аат̇а самаахид̇аад̇и.

Tasmā naṃ vaṇṇayissāmi, taṃ suṇātha samāhitāti.

1. маад̇игааван̣н̣анаа

1. Mātikāvaṇṇanā

1. ча бан̃н̃ад̇д̇ияо – канд̇хабан̃н̃ад̇д̇и…бз… буг̇г̇алабан̃н̃ад̇д̇ийд̇и аяам̣ д̇аава буг̇г̇алабан̃н̃ад̇д̇ияаа уд̣̇д̣̇зсо. д̇ад̇т̇а чаад̇и г̇ан̣анабарижчзд̣̇о. д̇зна яз д̇хаммз ид̇ха бан̃н̃абзд̇угаамо д̇зсам̣ г̇ан̣анавасзна сам̣кзбад̇о бан̃н̃ад̇д̇ибарижчзд̣̇ам̣ д̣̇ассзд̇и. бан̃н̃ад̇д̇ияод̇и барижчиннад̇хамманид̣̇ассанам̣. д̇ад̇т̇а ‘‘аажигкад̇и д̣̇зсзд̇и бан̃н̃абзд̇и бадтабзд̇ий’’д̇и (сам̣. ни. 2.20) ааг̇ад̇адтаанз бан̃н̃аабанаа д̣̇ассанаа багаасанаа бан̃н̃ад̇д̇и наама. ‘‘субан̃н̃ад̇д̇ам̣ ман̃жабийта’’нд̇и (баараа. 269) ааг̇ад̇адтаанз табанаа нигкибанаа бан̃н̃ад̇д̇и наама. ид̇ха убхаяамби ваддад̇и. ча бан̃н̃ад̇д̇ияод̇и хи ча бан̃н̃аабанаа, ча д̣̇ассанаа багаасанаад̇иби; ча табанаа нигкибанаад̇иби ид̇ха ад̇хиббзд̇амзва. наамабан̃н̃ад̇д̇и хи д̇з д̇з д̇хаммз д̣̇ассзд̇иби, д̇зна д̇зна годтаасзна табзд̇иби.

1. Chapaññattiyo – khandhapaññatti…pe… puggalapaññattīti ayaṃ tāva puggalapaññattiyā uddeso. Tattha chāti gaṇanaparicchedo. Tena ye dhamme idha paññapetukāmo tesaṃ gaṇanavasena saṃkhepato paññattiparicchedaṃ dasseti. Paññattiyoti paricchinnadhammanidassanaṃ. Tattha ‘‘ācikkhati deseti paññapeti paṭṭhapetī’’ti (saṃ. ni. 2.20) āgataṭṭhāne paññāpanā dassanā pakāsanā paññatti nāma. ‘‘Supaññattaṃ mañcapīṭha’’nti (pārā. 269) āgataṭṭhāne ṭhapanā nikkhipanā paññatti nāma. Idha ubhayampi vaṭṭati. Cha paññattiyoti hi cha paññāpanā, cha dassanā pakāsanātipi; cha ṭhapanā nikkhipanātipi idha adhippetameva. Nāmapaññatti hi te te dhamme dassetipi, tena tena koṭṭhāsena ṭhapetipi.

канд̇хабан̃н̃ад̇д̇ийд̇иаад̣̇и бана сам̣кзбад̇о д̇аасам̣ бан̃н̃ад̇д̇ийнам̣ саруубад̣̇ассанам̣. д̇ад̇т̇а канд̇хаанам̣ ‘канд̇хаа’д̇и бан̃н̃аабанаа д̣̇ассанаа багаасанаа табанаа нигкибанаа канд̇хабан̃н̃ад̇д̇и наама. ааяад̇анаанам̣ ааяад̇анаанийд̇и, д̇хаад̇уунам̣ д̇хаад̇уяод̇и, сажжаанам̣ сажжаанийд̇и, инд̣̇рияаанам̣ инд̣̇рияаанийд̇и, буг̇г̇алаанам̣ буг̇г̇алаад̇и бан̃н̃аабанаа д̣̇ассанаа багаасанаа табанаа нигкибанаа буг̇г̇алабан̃н̃ад̇д̇и наама.

Khandhapaññattītiādi pana saṃkhepato tāsaṃ paññattīnaṃ sarūpadassanaṃ. Tattha khandhānaṃ ‘khandhā’ti paññāpanā dassanā pakāsanā ṭhapanā nikkhipanā khandhapaññatti nāma. Āyatanānaṃ āyatanānīti, dhātūnaṃ dhātuyoti, saccānaṃ saccānīti, indriyānaṃ indriyānīti, puggalānaṃ puggalāti paññāpanā dassanā pakāsanā ṭhapanā nikkhipanā puggalapaññatti nāma.

баал̣имуд̇д̇агзна бана адтагат̇аанаязна абарааби ча бан̃н̃ад̇д̇ияо – виж̇ж̇амаанабан̃н̃ад̇д̇и, авиж̇ж̇амаанабан̃н̃ад̇д̇и, виж̇ж̇амаанзна авиж̇ж̇амаанабан̃н̃ад̇д̇и, авиж̇ж̇амаанзна виж̇ж̇амаанабан̃н̃ад̇д̇и, виж̇ж̇амаанзна виж̇ж̇амаанабан̃н̃ад̇д̇и, авиж̇ж̇амаанзна авиж̇ж̇амаанабан̃н̃ад̇д̇ийд̇и. д̇ад̇т̇а гусалаагусалассзва сажжигадтабарамад̇т̇авасзна виж̇ж̇амаанасса сад̇о самбхууд̇асса д̇хаммасса бан̃н̃аабанаа виж̇ж̇амаанабан̃н̃ад̇д̇и наама. д̇ат̇аа авиж̇ж̇амаанасса логанируд̇д̇имад̇д̇асид̣̇д̇хасса ид̇т̇ибурисаад̣̇игасса бан̃н̃аабанаа авиж̇ж̇амаанабан̃н̃ад̇д̇и наама. саб̣б̣аагаарзнаби анубалаб̣бханзяяасса ваажаавад̇т̇умад̇д̇ассзва бан̃жамасажжаад̣̇игасса д̇ид̇т̇ияаанам̣ ан̣убагад̇ибурисаад̣̇игасса ваа бан̃н̃аабанааби авиж̇ж̇амаанабан̃н̃ад̇д̇иязва. саа бана саасанааважараа на ход̇ийд̇и ид̇ха на г̇ахид̇аа. ид̇и имзсам̣ виж̇ж̇амаанаавиж̇ж̇амаанаанам̣ вигаббанавасзна сзсаа взд̣̇ид̇аб̣б̣аа. ‘д̇звиж̇ж̇о’, ‘чал̣абхин̃н̃о’д̇иаад̣̇ийсу хи д̇иссо виж̇ж̇аа ча абхин̃н̃аа жа виж̇ж̇амаанаа, буг̇г̇ало авиж̇ж̇амаано. д̇асмаа д̇иссо виж̇ж̇аа ассаад̇и д̇звиж̇ж̇о, ча абхин̃н̃аа ассаад̇и чал̣абхин̃н̃од̇и звам̣ виж̇ж̇амаанзна авиж̇ж̇амаанасса бан̃н̃аабанад̇о зваруубаа виж̇ж̇амаанзна авиж̇ж̇амаанабан̃н̃ад̇д̇и наама. ‘ид̇т̇ируубам̣’, ‘бурисарууба’нд̇иаад̣̇ийсу бана ид̇т̇ибурисаа авиж̇ж̇амаанаа, руубам̣ виж̇ж̇амаанам̣. д̇асмаа ид̇т̇ияаа руубам̣ ид̇т̇ируубам̣, бурисасса руубам̣ бурисаруубанд̇и звам̣ авиж̇ж̇амаанзна виж̇ж̇амаанасса бан̃н̃аабанад̇о зваруубаа авиж̇ж̇амаанзна виж̇ж̇амаанабан̃н̃ад̇д̇и наама. жагкусампассо, сод̇асампассод̇иаад̣̇ийсу жагкусод̇аад̣̇аяоби пассоби виж̇ж̇амааноязва. д̇асмаа жагкумхи сампассо, жагкуд̇о ж̇аад̇о сампассо, жагкусса ваа палабхууд̇о сампассо жагкусампассод̇и звам̣ виж̇ж̇амаанзна виж̇ж̇амаанасса бан̃н̃аабанад̇о зваруубаа виж̇ж̇амаанзна виж̇ж̇амаанабан̃н̃ад̇д̇и наама. кад̇д̇ияабуд̇д̇о, б̣раахман̣абуд̇д̇о, сздтибуд̇д̇од̇иаад̣̇ийсу кад̇д̇ияаад̣̇аяоби авиж̇ж̇амаанаа, буд̇д̇оби. д̇асмаа кад̇д̇ияасса буд̇д̇о кад̇д̇ияабуд̇д̇од̇и звам̣ авиж̇ж̇амаанзна авиж̇ж̇амаанасса бан̃н̃аабанад̇о зваруубаа авиж̇ж̇амаанзна авиж̇ж̇амаанабан̃н̃ад̇д̇и наама. д̇аасу имасмим̣ багаран̣з буримаа д̇иссова бан̃н̃ад̇д̇ияо лаб̣бханд̇и. ‘‘канд̇хабан̃н̃ад̇д̇и…бз… инд̣̇рияабан̃н̃ад̇д̇ий’’д̇и имасмин̃хи таанз виж̇ж̇амаанассзва бан̃н̃аабид̇ад̇д̇аа виж̇ж̇амаанабан̃н̃ад̇д̇и лаб̣бхад̇и. ‘‘буг̇г̇алабан̃н̃ад̇д̇ий’’д̇и бад̣̇з авиж̇ж̇амаанабан̃н̃ад̇д̇и. барад̇о бана ‘д̇звиж̇ж̇о’, ‘чал̣абхин̃н̃о’д̇иаад̣̇ийсу виж̇ж̇амаанзна авиж̇ж̇амаанабан̃н̃ад̇д̇и лаб̣бхад̇ийд̇и.

Pāḷimuttakena pana aṭṭhakathānayena aparāpi cha paññattiyo – vijjamānapaññatti, avijjamānapaññatti, vijjamānena avijjamānapaññatti, avijjamānena vijjamānapaññatti, vijjamānena vijjamānapaññatti, avijjamānena avijjamānapaññattīti. Tattha kusalākusalasseva saccikaṭṭhaparamatthavasena vijjamānassa sato sambhūtassa dhammassa paññāpanā vijjamānapaññatti nāma. Tathā avijjamānassa lokaniruttimattasiddhassa itthipurisādikassa paññāpanā avijjamānapaññatti nāma. Sabbākārenapi anupalabbhaneyyassa vācāvatthumattasseva pañcamasaccādikassa titthiyānaṃ aṇupakatipurisādikassa vā paññāpanāpi avijjamānapaññattiyeva. Sā pana sāsanāvacarā na hotīti idha na gahitā. Iti imesaṃ vijjamānāvijjamānānaṃ vikappanavasena sesā veditabbā. ‘Tevijjo’, ‘chaḷabhiñño’tiādīsu hi tisso vijjā cha abhiññā ca vijjamānā, puggalo avijjamāno. Tasmā tisso vijjā assāti tevijjo, cha abhiññā assāti chaḷabhiññoti evaṃ vijjamānena avijjamānassa paññāpanato evarūpā vijjamānena avijjamānapaññatti nāma. ‘Itthirūpaṃ’, ‘purisarūpa’ntiādīsu pana itthipurisā avijjamānā, rūpaṃ vijjamānaṃ. Tasmā itthiyā rūpaṃ itthirūpaṃ, purisassa rūpaṃ purisarūpanti evaṃ avijjamānena vijjamānassa paññāpanato evarūpā avijjamānena vijjamānapaññatti nāma. Cakkhusamphasso, sotasamphassotiādīsu cakkhusotādayopi phassopi vijjamānoyeva. Tasmā cakkhumhi samphasso, cakkhuto jāto samphasso, cakkhussa vā phalabhūto samphasso cakkhusamphassoti evaṃ vijjamānena vijjamānassa paññāpanato evarūpā vijjamānena vijjamānapaññatti nāma. Khattiyaputto, brāhmaṇaputto, seṭṭhiputtotiādīsu khattiyādayopi avijjamānā, puttopi. Tasmā khattiyassa putto khattiyaputtoti evaṃ avijjamānena avijjamānassa paññāpanato evarūpā avijjamānena avijjamānapaññatti nāma. Tāsu imasmiṃ pakaraṇe purimā tissova paññattiyo labbhanti. ‘‘Khandhapaññatti…pe… indriyapaññattī’’ti imasmiñhi ṭhāne vijjamānasseva paññāpitattā vijjamānapaññatti labbhati. ‘‘Puggalapaññattī’’ti pade avijjamānapaññatti. Parato pana ‘tevijjo’, ‘chaḷabhiñño’tiādīsu vijjamānena avijjamānapaññatti labbhatīti.

адтагат̇аамуд̇д̇агзна бана аажарияанаязна абарааби ча бан̃н̃ад̇д̇ияо – убаад̣̇аабан̃н̃ад̇д̇и, убанид̇хаабан̃н̃ад̇д̇и, самод̇хаанабан̃н̃ад̇д̇и, убанигкид̇д̇абан̃н̃ад̇д̇и, д̇аж̇ж̇аабан̃н̃ад̇д̇и, санд̇ад̇ибан̃н̃ад̇д̇ийд̇и . д̇ад̇т̇а яо руубавзд̣̇анаад̣̇ийхи згад̇д̇зна ваа ан̃н̃ад̇д̇зна ваа руубавзд̣̇анаад̣̇аяо вияа сажжигадтабарамад̇т̇зна анубалаб̣бхасабхаавоби руубавзд̣̇анаад̣̇ибхзд̣̇з канд̇хз убаад̣̇ааяа ниссааяа гааран̣ам̣ гад̇ваа саммад̇о сад̇д̇о. д̇аани д̇аани ан̇г̇аани убаад̣̇ааяа рат̇о г̇зхам̣ мудти уд̣̇д̇хананд̇и жа; д̇з д̇зязва руубаад̣̇аяо убаад̣̇ааяа гхадо бадо; жанд̣̇асуурияабаривад̇д̇аад̣̇аяо убаад̣̇ааяа гаало, д̣̇исаа; д̇ам̣ д̇ам̣ бхууд̇анимид̇д̇ан̃жзва бхааванаанисам̣сан̃жа убаад̣̇ааяа ниссааяа гааран̣ам̣ гад̇ваа саммад̇ам̣ д̇зна д̇знаагаарзна убадтид̇ам̣ уг̇г̇аханимид̇д̇ам̣ бадибхааг̇анимид̇д̇анд̇и аяам̣ зваруубаа убаад̣̇аабан̃н̃ад̇д̇и наама. бан̃н̃абзд̇аб̣б̣адтзна жзсаа бан̃н̃ад̇д̇и наама, на бан̃н̃аабанадтзна. яаа бана д̇ассад̇т̇асса бан̃н̃аабанаа, аяам̣ авиж̇ж̇амаанабан̃н̃ад̇д̇иязва.

Aṭṭhakathāmuttakena pana ācariyanayena aparāpi cha paññattiyo – upādāpaññatti, upanidhāpaññatti, samodhānapaññatti, upanikkhittapaññatti, tajjāpaññatti, santatipaññattīti . Tattha yo rūpavedanādīhi ekattena vā aññattena vā rūpavedanādayo viya saccikaṭṭhaparamatthena anupalabbhasabhāvopi rūpavedanādibhede khandhe upādāya nissāya kāraṇaṃ katvā sammato satto. Tāni tāni aṅgāni upādāya ratho gehaṃ muṭṭhi uddhananti ca; te teyeva rūpādayo upādāya ghaṭo paṭo; candasūriyaparivattādayo upādāya kālo, disā; taṃ taṃ bhūtanimittañceva bhāvanānisaṃsañca upādāya nissāya kāraṇaṃ katvā sammataṃ tena tenākārena upaṭṭhitaṃ uggahanimittaṃ paṭibhāganimittanti ayaṃ evarūpā upādāpaññatti nāma. Paññapetabbaṭṭhena cesā paññatti nāma, na paññāpanaṭṭhena. Yā pana tassatthassa paññāpanā, ayaṃ avijjamānapaññattiyeva.

яаа батамад̣̇уд̇ияаад̣̇ийни убанид̇хааяа д̣̇уд̇ияам̣ д̇ад̇ияанд̇иаад̣̇игаа, ан̃н̃аман̃н̃ан̃жа убанид̇хааяа д̣̇ийгхам̣ рассам̣, д̣̇уурам̣, санд̇иганд̇иаад̣̇игаа бан̃н̃аабанаа; аяам̣ убанид̇хаабан̃н̃ад̇д̇и наама. абижзсаа убанид̇хаабан̃н̃ад̇д̇и – д̇ад̣̇ан̃н̃аабзгкуубанид̇хаа, хад̇т̇аг̇ад̇уубанид̇хаа, самбаяуд̇д̇уубанид̇хаа, самааробид̇уубанид̇хаа, авид̣̇уураг̇ад̇уубанид̇хаа , бадибхааг̇уубанид̇хаа, д̇аб̣б̣ахулуубанид̇хаа, д̇аб̣б̣исидтуубанид̇хаад̇иаад̣̇инаа бхзд̣̇зна анзгаббагаараа.

Yā paṭhamadutiyādīni upanidhāya dutiyaṃ tatiyantiādikā, aññamaññañca upanidhāya dīghaṃ rassaṃ, dūraṃ, santikantiādikā paññāpanā; ayaṃ upanidhāpaññatti nāma. Apicesā upanidhāpaññatti – tadaññāpekkhūpanidhā, hatthagatūpanidhā, sampayuttūpanidhā, samāropitūpanidhā, avidūragatūpanidhā , paṭibhāgūpanidhā, tabbahulūpanidhā, tabbisiṭṭhūpanidhātiādinā bhedena anekappakārā.

д̇ад̇т̇а д̣̇уд̇ияам̣ д̇ад̇ияанд̇иаад̣̇игаава д̇ад̣̇ан̃н̃ам̣ абзгкид̇ваа вуд̇д̇ад̇ааяа д̇ад̣̇ан̃н̃аабзгкуубанид̇хаа наама. чад̇д̇абаан̣и, сад̇т̇абаан̣ийд̇иаад̣̇игаа хад̇т̇аг̇ад̇ам̣ убанид̇хааяа вуд̇д̇ад̇ааяа хад̇т̇аг̇ад̇уубанид̇хаа наама. гун̣д̣алий, сикарий, гиридийд̇иаад̣̇игаа самбаяуд̇д̇ам̣ убанид̇хааяа вуд̇д̇ад̇ааяа самбаяуд̇д̇уубанид̇хаа наама. д̇хан̃н̃асагадам̣, саббигумбход̇иаад̣̇игаа самааробид̇ам̣ убанид̇хааяа вуд̇д̇ад̇ааяа самааробид̇уубанид̇хаа наама. инд̣̇асаалаг̇ухаа, бияан̇г̇уг̇ухаа, сзрийсаганд̇иаад̣̇игаа авид̣̇уураг̇ад̇ам̣ убанид̇хааяа вуд̇д̇ад̇ааяа авид̣̇уураг̇ад̇уубанид̇хаа наама. суван̣н̣аван̣н̣о, усабхаг̇аамийд̇иаад̣̇игаа бадибхааг̇ам̣ убанид̇хааяа вуд̇д̇ад̇ааяа бадибхааг̇уубанид̇хаа наама. бад̣̇умассаро, б̣раахман̣аг̇аамод̇иаад̣̇игаа д̇аб̣б̣ахулам̣ убанид̇хааяа вуд̇д̇ад̇ааяа д̇аб̣б̣ахулуубанид̇хаа наама. ман̣игадагам̣, важ̇ирагадаганд̇иаад̣̇игаа д̇аб̣б̣исидтам̣ убанид̇хааяа вуд̇д̇ад̇ааяа д̇аб̣б̣исидтуубанид̇хаа наама.

Tattha dutiyaṃ tatiyantiādikāva tadaññaṃ apekkhitvā vuttatāya tadaññāpekkhūpanidhā nāma. Chattapāṇi, satthapāṇītiādikā hatthagataṃ upanidhāya vuttatāya hatthagatūpanidhā nāma. Kuṇḍalī, sikharī, kiriṭītiādikā sampayuttaṃ upanidhāya vuttatāya sampayuttūpanidhā nāma. Dhaññasakaṭaṃ, sappikumbhotiādikā samāropitaṃ upanidhāya vuttatāya samāropitūpanidhā nāma. Indasālaguhā, piyaṅguguhā, serīsakantiādikā avidūragataṃ upanidhāya vuttatāya avidūragatūpanidhā nāma. Suvaṇṇavaṇṇo, usabhagāmītiādikā paṭibhāgaṃ upanidhāya vuttatāya paṭibhāgūpanidhā nāma. Padumassaro, brāhmaṇagāmotiādikā tabbahulaṃ upanidhāya vuttatāya tabbahulūpanidhā nāma. Maṇikaṭakaṃ, vajirakaṭakantiādikā tabbisiṭṭhaṃ upanidhāya vuttatāya tabbisiṭṭhūpanidhā nāma.

яаа бана д̇зсам̣ д̇зсам̣ самод̇хаанамабзгкид̇ваа д̇ид̣̇ан̣д̣ам̣, адтабад̣̇ам̣, д̇хан̃н̃арааси, бубпараасийд̇иаад̣̇игаа бан̃н̃аабанаа, аяам̣ самод̇хаанабан̃н̃ад̇д̇и наама. яаа буримасса буримасса убанигкибид̇ваа д̣̇вз, д̇ийн̣и, жад̇д̇аарийд̇иаад̣̇игаа бан̃н̃аабанаа, аяам̣ убанигкид̇д̇абан̃н̃ад̇д̇и наама. яаа д̇ам̣ д̇ам̣ д̇хаммасабхаавам̣ абзгкид̇ваа бат̇авий, д̇зж̇о, гагкал̣ад̇аа, ун̣хад̇аад̇иаад̣̇игаа бан̃н̃аабанаа, аяам̣ д̇аж̇ж̇аабан̃н̃ад̇д̇и наама. яаа бана санд̇ад̇ивижчзд̣̇аабхаавам̣ абзгкид̇ваа аасийд̇иго, наавуд̇игод̇иаад̣̇игаа бан̃н̃аабанаа, аяам̣ санд̇ад̇ибан̃н̃ад̇д̇и наама. зд̇аасу бана д̇аж̇ж̇аабан̃н̃ад̇д̇и виж̇ж̇амаанабан̃н̃ад̇д̇иязва. сзсаа авиж̇ж̇амаанабагкан̃жзва, авиж̇ж̇амаанзна авиж̇ж̇амаанабагкан̃жа бхаж̇анд̇и.

Yā pana tesaṃ tesaṃ samodhānamapekkhitvā tidaṇḍaṃ, aṭṭhapadaṃ, dhaññarāsi, puppharāsītiādikā paññāpanā, ayaṃ samodhānapaññatti nāma. Yā purimassa purimassa upanikkhipitvā dve, tīṇi, cattārītiādikā paññāpanā, ayaṃ upanikkhittapaññatti nāma. Yā taṃ taṃ dhammasabhāvaṃ apekkhitvā pathavī, tejo, kakkhaḷatā, uṇhatātiādikā paññāpanā, ayaṃ tajjāpaññatti nāma. Yā pana santativicchedābhāvaṃ apekkhitvā āsītiko, nāvutikotiādikā paññāpanā, ayaṃ santatipaññatti nāma. Etāsu pana tajjāpaññatti vijjamānapaññattiyeva. Sesā avijjamānapakkhañceva, avijjamānena avijjamānapakkhañca bhajanti.

адтагат̇аамуд̇д̇агзна аажарияанаязнзва абарааби ча бан̃н̃ад̇д̇ияо – гижжабан̃н̃ад̇д̇и, сан̣таанабан̃н̃ад̇д̇и, лин̇г̇абан̃н̃ад̇д̇и, бхуумибан̃н̃ад̇д̇и, бажжад̇д̇абан̃н̃ад̇д̇и, асан̇кад̇абан̃н̃ад̇д̇ийд̇и. д̇ад̇т̇а бхаан̣аго, д̇хаммагат̇игод̇иаад̣̇игаа гижжавасзна бан̃н̃аабанаа гижжабан̃н̃ад̇д̇и наама. гисо, т̇ууло, бариман̣д̣ало, жад̇урассод̇иаад̣̇игаа сан̣таанавасзна бан̃н̃аабанаа сан̣таанабан̃н̃ад̇д̇и наама. ид̇т̇ий, бурисод̇иаад̣̇игаа лин̇г̇авасзна бан̃н̃аабанаа лин̇г̇абан̃н̃ад̇и наама. гаамааважараа, руубааважараа, аруубааважараа, госалагаа, маад̇хураад̇иаад̣̇игаа бхуумивасзна бан̃н̃аабанаа бхуумибан̃н̃ад̇д̇и наама. д̇иссо , нааг̇о, суманод̇иаад̣̇игаа бажжад̇д̇анаамагаран̣амад̇д̇авасзна бан̃н̃аабанаа бажжад̇д̇абан̃н̃ад̇д̇и наама. нирод̇хо, ниб̣б̣аананд̇иаад̣̇игаа асан̇кад̇ад̇хаммасса бан̃н̃аабанаа асан̇кад̇абан̃н̃ад̇д̇и наама. д̇ад̇т̇а згажжаа бхуумибан̃н̃ад̇д̇и асан̇кад̇абан̃н̃ад̇д̇и жа виж̇ж̇амаанабан̃н̃ад̇д̇иязва, гижжабан̃н̃ад̇д̇и виж̇ж̇амаанзна авиж̇ж̇амаанабагкам̣ бхаж̇ад̇и. сзсаа авиж̇ж̇амаанабан̃н̃ад̇д̇ияо наама.

Aṭṭhakathāmuttakena ācariyanayeneva aparāpi cha paññattiyo – kiccapaññatti, saṇṭhānapaññatti, liṅgapaññatti, bhūmipaññatti, paccattapaññatti, asaṅkhatapaññattīti. Tattha bhāṇako, dhammakathikotiādikā kiccavasena paññāpanā kiccapaññatti nāma. Kiso, thūlo, parimaṇḍalo, caturassotiādikā saṇṭhānavasena paññāpanā saṇṭhānapaññatti nāma. Itthī, purisotiādikā liṅgavasena paññāpanā liṅgapaññati nāma. Kāmāvacarā, rūpāvacarā, arūpāvacarā, kosalakā, mādhurātiādikā bhūmivasena paññāpanā bhūmipaññatti nāma. Tisso , nāgo, sumanotiādikā paccattanāmakaraṇamattavasena paññāpanā paccattapaññatti nāma. Nirodho, nibbānantiādikā asaṅkhatadhammassa paññāpanā asaṅkhatapaññatti nāma. Tattha ekaccā bhūmipaññatti asaṅkhatapaññatti ca vijjamānapaññattiyeva, kiccapaññatti vijjamānena avijjamānapakkhaṃ bhajati. Sesā avijjamānapaññattiyo nāma.

2. ид̣̇аани яаасам̣ бан̃н̃ад̇д̇ийнам̣ уд̣̇д̣̇зсаваарз сан̇кзбад̇о саруубад̣̇ассанам̣ гад̇ам̣, сан̇кзбад̇оязва д̇аава д̇аасам̣ вад̇т̇ум̣ вибхаж̇ид̇ваа д̣̇ассанавасзна д̇аа д̣̇ассзд̇ум̣ гид̇д̇аавад̇аад̇иаад̣̇имааха. д̇ад̇т̇а бужчааяа д̇аава звамад̇т̇о взд̣̇ид̇аб̣б̣о – яаа аяам̣ канд̇хаанам̣ ‘канд̇хаа’д̇и бан̃н̃аабанаа, д̣̇ассанаа, табанаа, саа гид̇д̇агзна ход̇ийд̇и гат̇зд̇угамяад̇аабужчаа. барад̇о гид̇д̇аавад̇аа ааяад̇анаананд̇иаад̣̇ийсуби зсзва наяо. виссаж̇ж̇анзби звамад̇т̇о взд̣̇ид̇аб̣б̣о – яад̇д̇агзна бан̃н̃аабанзна сан̇кзбад̇о бан̃жагканд̇хаад̇и ваа бабхзд̣̇ад̇о ‘‘руубагканд̇хо…бз… вин̃н̃аан̣агканд̇хо’’д̇и ваа; д̇ад̇рааби руубагканд̇хо гаамааважаро, сзсаа жад̇убхуумигаад̇и ваа зваруубам̣ бан̃н̃аабанам̣ ход̇и; зд̇д̇агзна канд̇хаанам̣ ‘канд̇хаа’д̇и бан̃н̃ад̇д̇и ход̇и.

2. Idāni yāsaṃ paññattīnaṃ uddesavāre saṅkhepato sarūpadassanaṃ kataṃ, saṅkhepatoyeva tāva tāsaṃ vatthuṃ vibhajitvā dassanavasena tā dassetuṃ kittāvatātiādimāha. Tattha pucchāya tāva evamattho veditabbo – yā ayaṃ khandhānaṃ ‘khandhā’ti paññāpanā, dassanā, ṭhapanā, sā kittakena hotīti kathetukamyatāpucchā. Parato kittāvatā āyatanānantiādīsupi eseva nayo. Vissajjanepi evamattho veditabbo – yattakena paññāpanena saṅkhepato pañcakkhandhāti vā pabhedato ‘‘rūpakkhandho…pe… viññāṇakkhandho’’ti vā; tatrāpi rūpakkhandho kāmāvacaro, sesā catubhūmikāti vā evarūpaṃ paññāpanaṃ hoti; ettakena khandhānaṃ ‘khandhā’ti paññatti hoti.

3. д̇ат̇аа яад̇д̇агзна бан̃н̃аабанзна сан̇кзбад̇о д̣̇ваад̣̇асааяад̇анаанийд̇и ваа, бабхзд̣̇ад̇о ‘‘жагкааяад̇анам̣…бз… д̇хаммааяад̇ана’’нд̇и ваа; д̇ад̇рааби д̣̇асааяад̇анаа гаамааважараа , д̣̇вааяад̇анаа жад̇убхуумигаад̇и ваа, зваруубам̣ бан̃н̃аабанам̣ ход̇и; зд̇д̇агзна ааяад̇анаанам̣ ааяад̇анаанийд̇и бан̃н̃ад̇д̇и ход̇и.

3. Tathā yattakena paññāpanena saṅkhepato dvādasāyatanānīti vā, pabhedato ‘‘cakkhāyatanaṃ…pe… dhammāyatana’’nti vā; tatrāpi dasāyatanā kāmāvacarā , dvāyatanā catubhūmikāti vā, evarūpaṃ paññāpanaṃ hoti; ettakena āyatanānaṃ āyatanānīti paññatti hoti.

4. яад̇д̇агзна бан̃н̃аабанзна сан̇кзбад̇о адтаараса д̇хаад̇уяод̇и ваа , бабхзд̣̇ад̇о ‘‘жагкуд̇хаад̇у…бз… мановин̃н̃аан̣ад̇хаад̇уу’’д̇и ваа; д̇ад̇рааби сол̣аса д̇хаад̇уяо гаамааважараа, д̣̇вз д̇хаад̇уяо жад̇убхуумигаад̇и ваа зваруубам̣ бан̃н̃аабанам̣ ход̇и; зд̇д̇агзна д̇хаад̇уунам̣ д̇хаад̇ууд̇и бан̃н̃ад̇д̇и ход̇и.

4. Yattakena paññāpanena saṅkhepato aṭṭhārasa dhātuyoti vā , pabhedato ‘‘cakkhudhātu…pe… manoviññāṇadhātū’’ti vā; tatrāpi soḷasa dhātuyo kāmāvacarā, dve dhātuyo catubhūmikāti vā evarūpaṃ paññāpanaṃ hoti; ettakena dhātūnaṃ dhātūti paññatti hoti.

5. яад̇д̇агзна бан̃н̃аабанзна сан̇кзбад̇о жад̇д̇аари сажжаанийд̇и ваа, бабхзд̣̇ад̇о ‘‘д̣̇угкасажжам̣…бз… нирод̇хасажжа’’нд̇и ваа; д̇ад̇рааби д̣̇вз сажжаа логияаа, д̣̇вз сажжаа логуд̇д̇араад̇и ваа зваруубам̣ бан̃н̃аабанам̣ ход̇и; зд̇д̇агзна сажжаанам̣ ‘сажжааний’д̇и бан̃н̃ад̇д̇и ход̇и.

5. Yattakena paññāpanena saṅkhepato cattāri saccānīti vā, pabhedato ‘‘dukkhasaccaṃ…pe… nirodhasacca’’nti vā; tatrāpi dve saccā lokiyā, dve saccā lokuttarāti vā evarūpaṃ paññāpanaṃ hoti; ettakena saccānaṃ ‘saccānī’ti paññatti hoti.

6. яад̇д̇агзна бан̃н̃аабанзна сан̇кзбад̇о б̣аавийсад̇инд̣̇рияаанийд̇и ваа, бабхзд̣̇ад̇о ‘‘жагкунд̣̇рияам̣…бз… ан̃н̃аад̇аавинд̣̇рияа’’нд̇и ваа; д̇ад̇рааби д̣̇асинд̣̇рияаани гаамааважараани, навинд̣̇рияаани миссагаани, д̇ийн̣и инд̣̇рияаани логуд̇д̇араанийд̇и ваа зваруубам̣ бан̃н̃аабанам̣ ход̇и; зд̇д̇агзна инд̣̇рияаанам̣ инд̣̇рияаанийд̇и бан̃н̃ад̇д̇и ход̇и. зд̇д̇аавад̇аа сан̇кзбад̇о вад̇т̇ум̣ вибхаж̇ид̇ваа д̣̇ассанавасзна бан̃жа бан̃н̃ад̇д̇ияо д̣̇ассид̇аа хонд̇и.

6. Yattakena paññāpanena saṅkhepato bāvīsatindriyānīti vā, pabhedato ‘‘cakkhundriyaṃ…pe… aññātāvindriya’’nti vā; tatrāpi dasindriyāni kāmāvacarāni, navindriyāni missakāni, tīṇi indriyāni lokuttarānīti vā evarūpaṃ paññāpanaṃ hoti; ettakena indriyānaṃ indriyānīti paññatti hoti. Ettāvatā saṅkhepato vatthuṃ vibhajitvā dassanavasena pañca paññattiyo dassitā honti.

7. ид̣̇аани вид̇т̇аарад̇о вад̇т̇ум̣ вибхаж̇ид̇ваа д̣̇ассанавасзна буг̇г̇алабан̃н̃ад̇д̇им̣ д̣̇ассзд̇ум̣ самаяавимуд̇д̇о асамаяавимуд̇д̇од̇иаад̣̇имааха. саммаасамб̣уд̣̇д̇хзна хи д̇илз висаараяамаанзна вияа, ваагз хийраяамаанзна вияа жа, хздтаа вибхан̇г̇аббагаран̣з имаасам̣ бан̃жаннам̣ бан̃н̃ад̇д̇ийнам̣ вад̇т̇убхууд̇аа канд̇хаад̣̇аяо ниббад̣̇зсзна гат̇ид̇аад̇и д̇зна д̇з ид̇ха згад̣̇зсзнзва гат̇зси. чадтаа буг̇г̇алабан̃н̃ад̇д̇и хздтаа агат̇ид̇аава. ид̇хааби уд̣̇д̣̇зсаваарз згад̣̇зсзнзва гат̇ид̇аа; д̇асмаа д̇ам̣ вид̇т̇аарад̇о гат̇зд̇угаамо самаяавимуд̇д̇о асамаяавимуд̇д̇од̇и згагад̇о бадтааяа яаава д̣̇асагаа маад̇игам̣ табзсийд̇и.

7. Idāni vitthārato vatthuṃ vibhajitvā dassanavasena puggalapaññattiṃ dassetuṃ samayavimutto asamayavimuttotiādimāha. Sammāsambuddhena hi tile visārayamānena viya, vāke hīrayamānena viya ca, heṭṭhā vibhaṅgappakaraṇe imāsaṃ pañcannaṃ paññattīnaṃ vatthubhūtā khandhādayo nippadesena kathitāti tena te idha ekadeseneva kathesi. Chaṭṭhā puggalapaññatti heṭṭhā akathitāva. Idhāpi uddesavāre ekadeseneva kathitā; tasmā taṃ vitthārato kathetukāmo samayavimutto asamayavimuttoti ekakato paṭṭhāya yāva dasakā mātikaṃ ṭhapesīti.

маад̇игааван̣н̣анаа.

Mātikāvaṇṇanā.

Next: 2. нид̣̇д̣̇зсаван̣н̣анаа • 2. Niddesavaṇṇanā

дийгаа • Tīkā / абхид̇хаммабидага (дийгаа) • Abhidhammapiṭaka (ṭīkā) / бан̃жабагаран̣а-мууладийгаа • Pañcapakaraṇa-mūlaṭīkā / 1. маад̇игааван̣н̣анаа • 1. Mātikāvaṇṇanā

дийгаа • Tīkā / абхид̇хаммабидага (дийгаа) • Abhidhammapiṭaka (ṭīkā) / бан̃жабагаран̣а-анудийгаа • Pañcapakaraṇa-anuṭīkā / 1. маад̇игааван̣н̣анаа • 1. Mātikāvaṇṇanā

© 1991-2023 The Titi Tudorancea Bulletin | Titi Tudorancea^® is a Registered Trademark | Terms of use and privacy policy
Contact