Library / Tipiṭaka / д̇ибидага • Tipiṭaka / бадисамбхид̣̇аамаг̇г̇а-адтагат̇аа • Paṭisambhidāmagga-aṭṭhakathā

    (1) махааваг̇г̇о

    (1) Mahāvaggo

    1. н̃аан̣агат̇аа

    1. Ñāṇakathā

    маад̇игааван̣н̣анаа

    Mātikāvaṇṇanā

    1. д̇ад̇т̇а уд̣̇д̣̇зсз д̇аава сод̇аавад̇хаанз бан̃н̃аа суд̇амаяз н̃аан̣анд̇и зд̇т̇а сод̇асад̣̇д̣̇о анзгад̇т̇аббабхзд̣̇о. д̇ат̇аа хзса –

    1. Tattha uddese tāva sotāvadhāne paññā sutamaye ñāṇanti ettha sotasaddo anekatthappabhedo. Tathā hesa –

    мам̣савин̃н̃аан̣ан̃аан̣зсу, д̇ан̣хаад̣̇ийсу жа д̣̇иссад̇и;

    Maṃsaviññāṇañāṇesu, taṇhādīsu ca dissati;

    д̇хаарааяам̣ арияамаг̇г̇з, жид̇д̇асанд̇ад̇ияамби жа.

    Dhārāyaṃ ariyamagge, cittasantatiyampi ca.

    ‘‘сод̇ааяад̇анам̣ сод̇ад̇хаад̇у сод̇инд̣̇рияа’’нд̇иаад̣̇ийсу (вибха. 157) хи аяам̣ сод̇асад̣̇д̣̇о мам̣сасод̇з д̣̇иссад̇и. ‘‘сод̇зна сад̣̇д̣̇ам̣ суд̇ваа’’д̇иаад̣̇ийсу (ма. ни. 1.295) сод̇авин̃н̃аан̣з. ‘‘д̣̇иб̣б̣ааяа сод̇ад̇хаад̇уяаа’’д̇иаад̣̇ийсу (д̣̇ий. ни. 3.356) н̃аан̣асод̇з. ‘‘яаани сод̇аани логасминд̇и яаани зд̇аани сод̇аани маяаа гид̇д̇ид̇аани багид̇д̇ид̇аани аажигкид̇аани д̣̇зсид̇аани бан̃н̃абид̇аани бадтабид̇аани виварид̇аани вибхад̇д̇аани уд̇д̇аанийгад̇аани багаасид̇аани. сзяяат̇ид̣̇ам̣ – д̇ан̣хаасод̇о д̣̇идтисод̇о гилзсасод̇о д̣̇ужжарид̇асод̇о авиж̇ж̇аасод̇о’’д̇иаад̣̇ийсу (жуул̣ани. аж̇ид̇амаан̣авабужчаанид̣̇д̣̇зса 4) д̇ан̣хаад̣̇ийсу бан̃жасу д̇хаммзсу. ‘‘ад̣̇д̣̇асаа ко бхаг̇аваа маханд̇ам̣ д̣̇ааругканд̇хам̣ г̇ан̇г̇ааяа над̣̇ияаа сод̇зна вуяхамаана’’нд̇иаад̣̇ийсу (сам̣. ни. 4.241) уд̣̇агад̇хаарааяам̣. ‘‘арияассзд̇ам̣, аавусо, адтан̇г̇игасса маг̇г̇асса ад̇хиважанам̣, яад̣̇ид̣̇ам̣ сод̇о’’д̇иаад̣̇ийсу арияамаг̇г̇з. ‘‘бурисасса жа вин̃н̃аан̣асод̇ам̣ баж̇аанаад̇и убхаяад̇о аб̣б̣ожчиннам̣ ид̇ха логз бад̇идтид̇ан̃жа баралогз бад̇идтид̇ан̃жаа’’д̇иаад̣̇ийсу (д̣̇ий. ни. 3.149) жид̇д̇асанд̇ад̇ияам̣ . ид̇ха банааяам̣ мам̣сасод̇з д̣̇адтаб̣б̣о. д̇зна сод̇зна хзд̇убхууд̇зна, гаран̣абхууд̇зна ваа авад̇хийяад̇и авад̇т̇аабийяад̇и аббийяад̇ийд̇и сод̇аавад̇хаанам̣. гим̣ д̇ам̣? суд̇ам̣. суд̇ан̃жа наама ‘‘б̣ахуссуд̇о ход̇и суд̇ад̇харо суд̇асаннижаяо’’д̇иаад̣̇ийсу (ма. ни. 1.339) вияа сод̇ад̣̇ваараанусаарзна вин̃н̃аад̇ам̣ авад̇хаарид̇ам̣ д̇хаммаж̇аад̇ам̣, д̇ам̣ ид̇ха сод̇аавад̇хаананд̇и вуд̇д̇ам̣. д̇асмим̣ сод̇аавад̇хаанасан̇каад̇з суд̇з бавад̇д̇аа бан̃н̃аа сод̇аавад̇хаанз бан̃н̃аа. бан̃н̃аад̇и жа д̇асса д̇асса ад̇т̇асса баагадагаран̣асан̇каад̇зна бан̃н̃аабанадтзна бан̃н̃аа, д̇зна д̇зна ваа анижжаад̣̇инаа багаарзна д̇хаммз ж̇аанаад̇ийд̇иби бан̃н̃аа.

    ‘‘Sotāyatanaṃ sotadhātu sotindriya’’ntiādīsu (vibha. 157) hi ayaṃ sotasaddo maṃsasote dissati. ‘‘Sotena saddaṃ sutvā’’tiādīsu (ma. ni. 1.295) sotaviññāṇe. ‘‘Dibbāya sotadhātuyā’’tiādīsu (dī. ni. 3.356) ñāṇasote. ‘‘Yāni sotāni lokasminti yāni etāni sotāni mayā kittitāni pakittitāni ācikkhitāni desitāni paññapitāni paṭṭhapitāni vivaritāni vibhattāni uttānīkatāni pakāsitāni. Seyyathidaṃ – taṇhāsoto diṭṭhisoto kilesasoto duccaritasoto avijjāsoto’’tiādīsu (cūḷani. ajitamāṇavapucchāniddesa 4) taṇhādīsu pañcasu dhammesu. ‘‘Addasā kho bhagavā mahantaṃ dārukkhandhaṃ gaṅgāya nadiyā sotena vuyhamāna’’ntiādīsu (saṃ. ni. 4.241) udakadhārāyaṃ. ‘‘Ariyassetaṃ, āvuso, aṭṭhaṅgikassa maggassa adhivacanaṃ, yadidaṃ soto’’tiādīsu ariyamagge. ‘‘Purisassa ca viññāṇasotaṃ pajānāti ubhayato abbocchinnaṃ idha loke patiṭṭhitañca paraloke patiṭṭhitañcā’’tiādīsu (dī. ni. 3.149) cittasantatiyaṃ . Idha panāyaṃ maṃsasote daṭṭhabbo. Tena sotena hetubhūtena, karaṇabhūtena vā avadhīyati avatthāpīyati appīyatīti sotāvadhānaṃ. Kiṃ taṃ? Sutaṃ. Sutañca nāma ‘‘bahussuto hoti sutadharo sutasannicayo’’tiādīsu (ma. ni. 1.339) viya sotadvārānusārena viññātaṃ avadhāritaṃ dhammajātaṃ, taṃ idha sotāvadhānanti vuttaṃ. Tasmiṃ sotāvadhānasaṅkhāte sute pavattā paññā sotāvadhāne paññā. Paññāti ca tassa tassa atthassa pākaṭakaraṇasaṅkhātena paññāpanaṭṭhena paññā, tena tena vā aniccādinā pakārena dhamme jānātītipi paññā.

    суд̇амаяз н̃аан̣анд̇и зд̇т̇а суд̇асад̣̇д̣̇о д̇аава саубасаг̇г̇о анубасаг̇г̇о жа –

    Sutamayeñāṇanti ettha sutasaddo tāva saupasaggo anupasaggo ca –

    г̇аманз виссуд̇з д̇инд̇знуяог̇обажид̇зби жа;

    Gamane vissute tintenuyogopacitepi ca;

    сад̣̇д̣̇з жа сод̇ад̣̇ваараанусааран̃аад̇з жа д̣̇иссад̇и.

    Sadde ca sotadvārānusārañāte ca dissati.

    д̇ат̇аа хисса ‘‘сзнааяа басуд̇о’’д̇иаад̣̇ийсу г̇ажчанд̇од̇и ад̇т̇о. ‘‘суд̇ад̇хаммасса бассад̇о’’д̇иаад̣̇ийсу (уд̣̇аа. 11; махаава. 5) виссуд̇ад̇хаммассаад̇и ад̇т̇о. ‘‘авассуд̇аа авассуд̇асса бурисабуг̇г̇алассаа’’д̇иаад̣̇ийсу (баажи. 657) д̇инд̇аа д̇инд̇ассаад̇и ад̇т̇о. ‘‘яз жхаанабасуд̇аа д̇хийраа’’д̇иаад̣̇ийсу (д̇ха. ба. 181) ануяуд̇д̇аад̇и ад̇т̇о. ‘‘д̇умхзхи бун̃н̃ам̣ басуд̇ам̣ анаббага’’нд̇иаад̣̇ийсу (ку. баа. 7.12; бз. ва. 25) убажид̇анд̇и ад̇т̇о. ‘‘д̣̇идтам̣ суд̇ам̣ муд̇ам̣ вин̃н̃аад̇а’’нд̇иаад̣̇ийсу (ма. ни. 1.241) сад̣̇д̣̇од̇и ад̇т̇о. ‘‘б̣ахуссуд̇о ход̇и суд̇ад̇харо суд̇асаннижаяо’’д̇иаад̣̇ийсу (ма. ни. 1.339) сод̇ад̣̇ваараанусааравин̃н̃аад̇ад̇харод̇и ад̇т̇о. ид̇ха банасса сод̇ад̣̇ваараанусаарзна вин̃н̃аад̇ам̣ убад̇хаарид̇анд̇и ад̇т̇о. суд̇амаяз н̃аан̣анд̇и яаа зсаа зд̇ам̣ суд̇ам̣ вин̃н̃аад̇ам̣ авад̇хаарид̇ам̣ сад̣̇д̇хаммам̣ аараб̣бха аарамман̣ам̣ гад̇ваа саб̣б̣абатаман̃жа абараабаран̃жа бавад̇д̇аа бан̃н̃аа, д̇ам̣ ‘‘суд̇амаяз н̃аан̣а’’нд̇и вуд̇д̇ам̣ ход̇и, суд̇амаяам̣ н̃аан̣анд̇и ад̇т̇о. суд̇амаязд̇и жа бажжад̇д̇аважанамзд̇ам̣, яат̇аа ‘‘на хзвам̣ вад̇д̇аб̣б̣з’’ (гат̇аа. 1, 15-18). ‘‘ванаббаг̇умб̣з яат̇аа пуссид̇аг̇г̇з’’ (ку. баа. 6.13; су. ни. 236). ‘‘над̇т̇и ад̇д̇агаарз над̇т̇и барагаарз над̇т̇и бурисагаарз’’д̇иаад̣̇ийсу (д̣̇ий. ни. 1.168) бажжад̇д̇аважанам̣, звамид̇хааби д̣̇адтаб̣б̣ам̣. д̇зна вуд̇д̇ам̣ – ‘‘суд̇амаяам̣ н̃аан̣анд̇и ад̇т̇о’’д̇и.

    Tathā hissa ‘‘senāya pasuto’’tiādīsu gacchantoti attho. ‘‘Sutadhammassa passato’’tiādīsu (udā. 11; mahāva. 5) vissutadhammassāti attho. ‘‘Avassutā avassutassa purisapuggalassā’’tiādīsu (pāci. 657) tintā tintassāti attho. ‘‘Ye jhānapasutā dhīrā’’tiādīsu (dha. pa. 181) anuyuttāti attho. ‘‘Tumhehi puññaṃ pasutaṃ anappaka’’ntiādīsu (khu. pā. 7.12; pe. va. 25) upacitanti attho. ‘‘Diṭṭhaṃ sutaṃ mutaṃ viññāta’’ntiādīsu (ma. ni. 1.241) saddoti attho. ‘‘Bahussuto hoti sutadharo sutasannicayo’’tiādīsu (ma. ni. 1.339) sotadvārānusāraviññātadharoti attho. Idha panassa sotadvārānusārena viññātaṃ upadhāritanti attho. Sutamaye ñāṇanti yā esā etaṃ sutaṃ viññātaṃ avadhāritaṃ saddhammaṃ ārabbha ārammaṇaṃ katvā sabbapaṭhamañca aparāparañca pavattā paññā, taṃ ‘‘sutamaye ñāṇa’’nti vuttaṃ hoti, sutamayaṃ ñāṇanti attho. Sutamayeti ca paccattavacanametaṃ, yathā ‘‘na hevaṃ vattabbe’’ (kathā. 1, 15-18). ‘‘Vanappagumbe yathā phussitagge’’ (khu. pā. 6.13; su. ni. 236). ‘‘Natthi attakāre natthi parakāre natthi purisakāre’’tiādīsu (dī. ni. 1.168) paccattavacanaṃ, evamidhāpi daṭṭhabbaṃ. Tena vuttaṃ – ‘‘sutamayaṃ ñāṇanti attho’’ti.

    ат̇а ваа суд̇зна багад̇о пассаад̣̇иго д̇хаммабун̃ж̇о суд̇амаяо, д̇асмим̣ суд̇амаяз д̇хаммабун̃ж̇з бавад̇д̇ам̣ д̇ам̣самбаяуд̇д̇ам̣ н̃аан̣ам̣ суд̇амаяз н̃аан̣ам̣. сабхаавасааман̃н̃алагкан̣авасзна д̇хаммз ж̇аанаад̇ийд̇и н̃аан̣ам̣. д̇ам̣язва н̃аан̣ам̣ барияааяаважанзна ад̇хиббааяабагаасанад̇т̇ам̣ анияамзна ‘‘бан̃н̃аа’’д̇и вад̇ваа бажчаа ад̇хиббзд̇ам̣ ‘‘н̃аан̣а’’нд̇и нияамзд̇ваа вуд̇д̇анд̇и взд̣̇ид̇аб̣б̣ам̣. н̃аан̣ан̃жа наама сабхаавабадивзд̇халагкан̣ам̣, агкалид̇абадивзд̇халагкан̣ам̣ ваа гусалиссаасакид̇д̇аусубадивзд̇хо вияа, висаяобхаасанарасам̣ бад̣̇ийбо вияа, асаммохабажжубадтаанам̣ аран̃н̃аг̇ад̇асуд̣̇зсаго вияа. ‘‘самаахид̇о, бхигкавз, бхигку яат̇аабхууд̇ам̣ баж̇аанаад̇ий’’д̇и (сам̣. ни. 5.1071) важанад̇о самаад̇хибад̣̇адтаанам̣. лагкан̣аад̣̇ийсу хи сабхааво ваа сааман̃н̃ам̣ ваа лагкан̣ам̣ наама, гижжам̣ ваа самбад̇д̇и ваа расо наама, убадтаанаагааро ваа палам̣ ваа бажжубадтаанам̣ наама, аасаннагааран̣ам̣ бад̣̇адтаанам̣ наамаад̇и взд̣̇ид̇аб̣б̣ам̣.

    Atha vā sutena pakato phassādiko dhammapuñjo sutamayo, tasmiṃ sutamaye dhammapuñje pavattaṃ taṃsampayuttaṃ ñāṇaṃ sutamaye ñāṇaṃ. Sabhāvasāmaññalakkhaṇavasena dhamme jānātīti ñāṇaṃ. Taṃyeva ñāṇaṃ pariyāyavacanena adhippāyapakāsanatthaṃ aniyamena ‘‘paññā’’ti vatvā pacchā adhippetaṃ ‘‘ñāṇa’’nti niyametvā vuttanti veditabbaṃ. Ñāṇañca nāma sabhāvapaṭivedhalakkhaṇaṃ, akkhalitapaṭivedhalakkhaṇaṃ vā kusalissāsakhittausupaṭivedho viya, visayobhāsanarasaṃ padīpo viya, asammohapaccupaṭṭhānaṃ araññagatasudesako viya. ‘‘Samāhito, bhikkhave, bhikkhu yathābhūtaṃ pajānātī’’ti (saṃ. ni. 5.1071) vacanato samādhipadaṭṭhānaṃ. Lakkhaṇādīsu hi sabhāvo vā sāmaññaṃ vā lakkhaṇaṃ nāma, kiccaṃ vā sampatti vā raso nāma, upaṭṭhānākāro vā phalaṃ vā paccupaṭṭhānaṃ nāma, āsannakāraṇaṃ padaṭṭhānaṃ nāmāti veditabbaṃ.

    2. суд̇ваана сам̣варз бан̃н̃аад̇и –

    2. Sutvāna saṃvare paññāti –

    баад̇имогко сад̇ий жзва, н̃аан̣ам̣ канд̇и д̇ат̇зва жа;

    Pātimokkho satī ceva, ñāṇaṃ khanti tatheva ca;

    вийрияам̣ бан̃жимз д̇хаммаа, сам̣вараад̇и багаасид̇аа.

    Vīriyaṃ pañcime dhammā, saṃvarāti pakāsitā.

    ‘‘иминаа баад̇имогкасам̣варзна убзд̇о ход̇и самубзд̇о убааг̇ад̇о самубааг̇ад̇о убабанно самбанно саманнааг̇ад̇о’’д̇и (вибха. 511) ааг̇ад̇о баад̇имогкасам̣варо. ‘‘жагкунаа руубам̣ д̣̇исваа на нимид̇д̇аг̇г̇аахий ход̇и наануб̣яан̃ж̇анаг̇г̇аахий. яад̇ваад̇хигаран̣амзнам̣ жагкунд̣̇рияам̣ асам̣вуд̇ам̣ вихаранд̇ам̣ абхиж̇жхаад̣̇оманассаа баабагаа агусалаа д̇хаммаа анваассавзяяум̣, д̇асса сам̣варааяа бадибаж̇ж̇ад̇и, рагкад̇и жагкунд̣̇рияам̣, жагкунд̣̇рияз сам̣варам̣ аабаж̇ж̇ад̇ий’’д̇иаад̣̇инаа (д̣̇ий. ни. 1.213; ма. ни. 1.295; сам̣. ни. 4.239; а. ни. 3.16) наязна ааг̇ад̇о сад̇исам̣варо.

    ‘‘Iminā pātimokkhasaṃvarena upeto hoti samupeto upāgato samupāgato upapanno sampanno samannāgato’’ti (vibha. 511) āgato pātimokkhasaṃvaro. ‘‘Cakkhunā rūpaṃ disvā na nimittaggāhī hoti nānubyañjanaggāhī. Yatvādhikaraṇamenaṃ cakkhundriyaṃ asaṃvutaṃ viharantaṃ abhijjhādomanassā pāpakā akusalā dhammā anvāssaveyyuṃ, tassa saṃvarāya paṭipajjati, rakkhati cakkhundriyaṃ, cakkhundriye saṃvaraṃ āpajjatī’’tiādinā (dī. ni. 1.213; ma. ni. 1.295; saṃ. ni. 4.239; a. ni. 3.16) nayena āgato satisaṃvaro.

    ‘‘яаани сод̇аани логасмим̣ (аж̇ид̇аад̇и бхаг̇аваа),

    ‘‘Yāni sotāni lokasmiṃ (ajitāti bhagavā),

    сад̇и д̇зсам̣ нивааран̣ам̣;

    Sati tesaṃ nivāraṇaṃ;

    сод̇аанам̣ сам̣варам̣ б̣рууми, бан̃н̃ааязд̇з бид̇хийяарз’’д̇и . (жуул̣ани. аж̇ид̇амаан̣авабужчаа 60; су. ни. 1041) –

    Sotānaṃ saṃvaraṃ brūmi, paññāyete pidhīyare’’ti . (cūḷani. ajitamāṇavapucchā 60; su. ni. 1041) –

    ааг̇ад̇о н̃аан̣асам̣варо. ‘‘гад̇амз жа, бхигкавз, аасаваа бадисзванаа бахаад̇аб̣б̣аа? ид̇ха, бхигкавз, бхигку бадисан̇каа яонисо жийварам̣ бадисзвад̇ий’’д̇иаад̣̇инаа (ма. ни. 1.23; а. ни. 6.58) наязна ааг̇ад̇о бажжаяабадисзванаасам̣варо, соби н̃аан̣асам̣варзнзва сан̇г̇ахид̇о. ‘‘камо ход̇и сийд̇асса ун̣хасса ж̇игхажчааяа бибаасааяа д̣ам̣самагасаваад̇аад̇абасарисабасампассаанам̣ д̣̇уруд̇д̇аанам̣ д̣̇урааг̇ад̇аанам̣ важанабат̇аанам̣ уббаннаанам̣ саарийригаанам̣ взд̣̇анаанам̣ д̣̇угкаанам̣ д̇иб̣б̣аанам̣ караанам̣ гадугаанам̣ асаад̇аанам̣ аманаабаанам̣ баан̣ахараанам̣ ад̇хиваасагаж̇аад̇иго ход̇ий’’д̇и (ма. ни. 1.24; а. ни. 4.114; 6.58) ааг̇ад̇о канд̇исам̣варо. ‘‘уббаннам̣ гаамавид̇аггам̣ наад̇хиваасзд̇и баж̇ахад̇и винод̣̇зд̇и б̣яанд̇ийгарод̇и анабхаавам̣ г̇амзд̇ий’’д̇иаад̣̇инаа (ма. ни. 1.26; а. ни. 4.114; 6.58) наязна ааг̇ад̇о вийрияасам̣варо. ‘‘ид̇ха арияасааваго мижчааааж̇ийвам̣ бахааяа саммааааж̇ийвзна ж̇ийвигам̣ габбзд̇ий’’д̇и (сам̣. ни. 5.8) ааг̇ад̇о ааж̇ийвабаарисуд̣̇д̇хисам̣варо, соби вийрияасам̣варзнзва сан̇г̇ахид̇о. д̇зсу сад̇д̇асу сам̣варзсу баад̇имогкасам̣вараинд̣̇рияасам̣вараааж̇ийвабаарисуд̣̇д̇хибажжаяабадисзванасан̇каад̇аа жад̇д̇ааро сам̣вараа ид̇хаад̇хиббзд̇аа, д̇зсу жа висзсзна баад̇имогкасам̣варо. саб̣б̣оби жааяам̣ сам̣варо яат̇аасагам̣ сам̣варид̇аб̣б̣аанам̣ гааяад̣̇ужжарид̇аад̣̇ийнам̣ сам̣варан̣ад̇о сам̣варод̇и вужжад̇и. суд̇амаяан̃аан̣з вуд̇д̇ам̣ д̇хаммам̣ суд̇ваа сам̣варанд̇асса сам̣варам̣ гаронд̇асса д̇асмим̣ сам̣варз бавад̇д̇аа д̇ам̣самбаяуд̇д̇аа бан̃н̃аа ‘‘суд̇ваана сам̣варз бан̃н̃аа’’д̇и вуд̇д̇аа. ат̇а ваа хзд̇уад̇т̇з суд̇ваад̇и важанасса самбхавад̇о суд̇ахзд̇унаа сам̣варз бан̃н̃аад̇иби ад̇т̇о.

    Āgato ñāṇasaṃvaro. ‘‘Katame ca, bhikkhave, āsavā paṭisevanā pahātabbā? Idha, bhikkhave, bhikkhu paṭisaṅkhā yoniso cīvaraṃ paṭisevatī’’tiādinā (ma. ni. 1.23; a. ni. 6.58) nayena āgato paccayapaṭisevanāsaṃvaro, sopi ñāṇasaṃvareneva saṅgahito. ‘‘Khamo hoti sītassa uṇhassa jighacchāya pipāsāya ḍaṃsamakasavātātapasarisapasamphassānaṃ duruttānaṃ durāgatānaṃ vacanapathānaṃ uppannānaṃ sārīrikānaṃ vedanānaṃ dukkhānaṃ tibbānaṃ kharānaṃ kaṭukānaṃ asātānaṃ amanāpānaṃ pāṇaharānaṃ adhivāsakajātiko hotī’’ti (ma. ni. 1.24; a. ni. 4.114; 6.58) āgato khantisaṃvaro. ‘‘Uppannaṃ kāmavitakkaṃ nādhivāseti pajahati vinodeti byantīkaroti anabhāvaṃ gametī’’tiādinā (ma. ni. 1.26; a. ni. 4.114; 6.58) nayena āgato vīriyasaṃvaro. ‘‘Idha ariyasāvako micchāājīvaṃ pahāya sammāājīvena jīvikaṃ kappetī’’ti (saṃ. ni. 5.8) āgato ājīvapārisuddhisaṃvaro, sopi vīriyasaṃvareneva saṅgahito. Tesu sattasu saṃvaresu pātimokkhasaṃvaraindriyasaṃvaraājīvapārisuddhipaccayapaṭisevanasaṅkhātā cattāro saṃvarā idhādhippetā, tesu ca visesena pātimokkhasaṃvaro. Sabbopi cāyaṃ saṃvaro yathāsakaṃ saṃvaritabbānaṃ kāyaduccaritādīnaṃ saṃvaraṇato saṃvaroti vuccati. Sutamayañāṇe vuttaṃ dhammaṃ sutvā saṃvarantassa saṃvaraṃ karontassa tasmiṃ saṃvare pavattā taṃsampayuttā paññā ‘‘sutvāna saṃvare paññā’’ti vuttā. Atha vā hetuatthe sutvāti vacanassa sambhavato sutahetunā saṃvare paññātipi attho.

    сийламаяз н̃аан̣анд̇и зд̇т̇а сийланд̇и сийланадтзна сийлам̣. гимид̣̇ам̣ сийланам̣ наама? самаад̇хаанам̣ ваа, гааяагаммаад̣̇ийнам̣ сусийляавасзна авиббагин̣н̣ад̇аад̇и ад̇т̇о. убад̇хааран̣ам̣ ваа, гусалаанам̣ д̇хаммаанам̣ бад̇идтаавасзна аад̇хаарабхаавод̇и ад̇т̇о. зд̇ад̣̇зва хи зд̇т̇а ад̇т̇ад̣̇ваяам̣ сад̣̇д̣̇алагкан̣авид̣̇уу ануж̇аананд̇и. ан̃н̃з бана ‘‘ад̇хисзванадтзна аажаарадтзна д̇ассийладтзна сирадтзна сийд̇аладтзна сивадтзна сийла’’нд̇и ван̣н̣аяанд̇и.

    Sīlamaye ñāṇanti ettha sīlanti sīlanaṭṭhena sīlaṃ. Kimidaṃ sīlanaṃ nāma? Samādhānaṃ vā, kāyakammādīnaṃ susīlyavasena avippakiṇṇatāti attho. Upadhāraṇaṃ vā, kusalānaṃ dhammānaṃ patiṭṭhāvasena ādhārabhāvoti attho. Etadeva hi ettha atthadvayaṃ saddalakkhaṇavidū anujānanti. Aññe pana ‘‘adhisevanaṭṭhena ācāraṭṭhena tassīlaṭṭhena siraṭṭhena sītalaṭṭhena sivaṭṭhena sīla’’nti vaṇṇayanti.

    сийланам̣ лагкан̣ам̣ д̇асса, бхиннассааби анзгад̇хаа;

    Sīlanaṃ lakkhaṇaṃ tassa, bhinnassāpi anekadhā;

    санид̣̇ассанад̇д̇ам̣ руубасса, яат̇аа бхиннасса нзгад̇хаа.

    Sanidassanattaṃ rūpassa, yathā bhinnassa nekadhā.

    яат̇аа хи нийлабийд̇аад̣̇ибхзд̣̇зна анзгад̇хаа бхиннассааби руубааяад̇анасса санид̣̇ассанад̇д̇ам̣ лагкан̣ам̣ нийлаад̣̇ибхзд̣̇зна бхиннассааби санид̣̇ассанабхааваанад̇иггаманад̇о, д̇ат̇аа сийласса жзд̇анаад̣̇ибхзд̣̇зна анзгад̇хаа бхиннассааби яад̣̇зд̇ам̣ гааяагаммаад̣̇ийнам̣ самаад̇хаанавасзна гусалаанан̃жа д̇хаммаанам̣ бад̇идтаанавасзна вуд̇д̇ам̣ сийланам̣, д̇ад̣̇зва лагкан̣ам̣ жзд̇анаад̣̇ибхзд̣̇зна бхиннассааби самаад̇хаанабад̇идтаанабхааваанад̇иггаманад̇о. звам̣лагкан̣асса банасса –

    Yathā hi nīlapītādibhedena anekadhā bhinnassāpi rūpāyatanassa sanidassanattaṃ lakkhaṇaṃ nīlādibhedena bhinnassāpi sanidassanabhāvānatikkamanato, tathā sīlassa cetanādibhedena anekadhā bhinnassāpi yadetaṃ kāyakammādīnaṃ samādhānavasena kusalānañca dhammānaṃ patiṭṭhānavasena vuttaṃ sīlanaṃ, tadeva lakkhaṇaṃ cetanādibhedena bhinnassāpi samādhānapatiṭṭhānabhāvānatikkamanato. Evaṃlakkhaṇassa panassa –

    ‘‘д̣̇уссийляавид̣̇д̇хам̣санад̇аа, анаваж̇ж̇аг̇ун̣о д̇ат̇аа;

    ‘‘Dussīlyaviddhaṃsanatā, anavajjaguṇo tathā;

    гижжасамбад̇д̇и ад̇т̇зна, расо наама бавужжад̇и’’.

    Kiccasampatti atthena, raso nāma pavuccati’’.

    д̇асмаа ид̣̇ам̣ сийлам̣ наама гижжадтзна расзна д̣̇уссийляавид̣̇д̇хам̣санарасам̣, самбад̇д̇иад̇т̇зна расзна анаваж̇ж̇арасанд̇и взд̣̇ид̇аб̣б̣ам̣.

    Tasmā idaṃ sīlaṃ nāma kiccaṭṭhena rasena dussīlyaviddhaṃsanarasaṃ, sampattiatthena rasena anavajjarasanti veditabbaṃ.

    сожзяяабажжубадтаанам̣ , д̇аяид̣̇ам̣ д̇асса вин̃н̃ухи;

    Soceyyapaccupaṭṭhānaṃ, tayidaṃ tassa viññuhi;

    од̇д̇аббан̃жа хирий жзва, бад̣̇адтаананд̇и ван̣н̣ид̇ам̣. –

    Ottappañca hirī ceva, padaṭṭhānanti vaṇṇitaṃ. –

    д̇аяид̣̇ам̣ сийлам̣ ‘‘гааяасожзяяам̣ важийсожзяяам̣ маносожзяяа’’нд̇и (ид̇иву. 66) звам̣ вуд̇д̇асожзяяабажжубадтаанам̣, сужибхаавзна бажжубадтаад̇и г̇ахан̣абхаавам̣ г̇ажчад̇и. хирод̇д̇аббан̃жа бана д̇асса вин̃н̃уухи бад̣̇адтаананд̇и ван̣н̣ид̇ам̣, аасаннагааран̣анд̇и ад̇т̇о. хирод̇д̇аббз хи сад̇и сийлам̣ уббаж̇ж̇ад̇и жзва д̇идтад̇и жа, асад̇и нзва уббаж̇ж̇ад̇и на д̇идтад̇ийд̇и звам̣вид̇хзна сийлзна сахаг̇ад̇ам̣ д̇ам̣самбаяуд̇д̇ам̣ н̃аан̣ам̣ сийламаяз н̃аан̣ам̣. ат̇а ваа сийламзва багад̇ам̣ сийламаяам̣, д̇асмим̣ сийламаяз д̇ам̣самбаяуд̇д̇ам̣ н̃аан̣ам̣. асам̣варз аад̣̇ийнавабажжавзгкан̣аа жа, сам̣варз аанисам̣сабажжавзгкан̣аа жа, сам̣варабаарисуд̣̇д̇хибажжавзгкан̣аа жа, сам̣варасам̣гилзсавод̣̇аанабажжавзгкан̣аа жа сийламаяан̃аан̣знзва сан̇г̇ахид̇аа.

    Tayidaṃ sīlaṃ ‘‘kāyasoceyyaṃ vacīsoceyyaṃ manosoceyya’’nti (itivu. 66) evaṃ vuttasoceyyapaccupaṭṭhānaṃ, sucibhāvena paccupaṭṭhāti gahaṇabhāvaṃ gacchati. Hirottappañca pana tassa viññūhi padaṭṭhānanti vaṇṇitaṃ, āsannakāraṇanti attho. Hirottappe hi sati sīlaṃ uppajjati ceva tiṭṭhati ca, asati neva uppajjati na tiṭṭhatīti evaṃvidhena sīlena sahagataṃ taṃsampayuttaṃ ñāṇaṃ sīlamaye ñāṇaṃ. Atha vā sīlameva pakataṃ sīlamayaṃ, tasmiṃ sīlamaye taṃsampayuttaṃ ñāṇaṃ. Asaṃvare ādīnavapaccavekkhaṇā ca, saṃvare ānisaṃsapaccavekkhaṇā ca, saṃvarapārisuddhipaccavekkhaṇā ca, saṃvarasaṃkilesavodānapaccavekkhaṇā ca sīlamayañāṇeneva saṅgahitā.

    3. сам̣варид̇ваа самаад̣̇аханз бан̃н̃аад̇и сийламаяан̃аан̣з вуд̇д̇асийласам̣варзна сам̣варид̇ваа сам̣варам̣ гад̇ваа сийлз бад̇идтааяа самаад̣̇аханд̇асса убажаараббанаавасзна жид̇д̇згаг̇г̇ад̇ам̣ гаронд̇асса д̇асмим̣ самаад̣̇аханз бавад̇д̇аа д̇ам̣самбаяуд̇д̇аа бан̃н̃аа. самам̣ саммаа жа аад̣̇аханам̣ табананд̇и жа самаад̣̇аханам̣, самаад̇хиссзвзд̇ам̣ барияааяаважанам̣.

    3.Saṃvaritvā samādahane paññāti sīlamayañāṇe vuttasīlasaṃvarena saṃvaritvā saṃvaraṃ katvā sīle patiṭṭhāya samādahantassa upacārappanāvasena cittekaggataṃ karontassa tasmiṃ samādahane pavattā taṃsampayuttā paññā. Samaṃ sammā ca ādahanaṃ ṭhapananti ca samādahanaṃ, samādhissevetaṃ pariyāyavacanaṃ.

    самаад̇хибхааванаамаяз н̃аан̣анд̇и зд̇т̇а гусалажид̇д̇згаг̇г̇ад̇аа самаад̇хи. гзнадтзна самаад̇хи? самаад̇хаанадтзна самаад̇хи. гимид̣̇ам̣ самаад̇хаанам̣ наама? згаарамман̣з жид̇д̇ажзд̇асигаанам̣ самам̣ саммаа жа аад̇хаанам̣, табананд̇и вуд̇д̇ам̣ ход̇и. д̇асмаа яасса д̇хаммассаанубхаавзна згаарамман̣з жид̇д̇ажзд̇асигаа самам̣ саммаа жа авигкибамаанаа авиббагин̣н̣аа жа худ̇ваа д̇идтанд̇и, ид̣̇ам̣ самаад̇хаананд̇и взд̣̇ид̇аб̣б̣ам̣. д̇асса ко бана самаад̇хисса –

    Samādhibhāvanāmaye ñāṇanti ettha kusalacittekaggatā samādhi. Kenaṭṭhena samādhi? Samādhānaṭṭhena samādhi. Kimidaṃ samādhānaṃ nāma? Ekārammaṇe cittacetasikānaṃ samaṃ sammā ca ādhānaṃ, ṭhapananti vuttaṃ hoti. Tasmā yassa dhammassānubhāvena ekārammaṇe cittacetasikā samaṃ sammā ca avikkhipamānā avippakiṇṇā ca hutvā tiṭṭhanti, idaṃ samādhānanti veditabbaṃ. Tassa kho pana samādhissa –

    лагкан̣ам̣ д̇у авигкзбо, вигкзбавид̣̇д̇хам̣санам̣ расо;

    Lakkhaṇaṃ tu avikkhepo, vikkhepaviddhaṃsanaṃ raso;

    агамбанамубадтаанам̣, бад̣̇адтаанам̣ сукам̣ бана.

    Akampanamupaṭṭhānaṃ, padaṭṭhānaṃ sukhaṃ pana.

    бхаавийяад̇и вад̣дхийяад̇ийд̇и бхааванаа, самаад̇хи зва бхааванаа самаад̇хибхааванаа, самаад̇хисса ваа бхааванаа вад̣дханаа самаад̇хибхааванаа. самаад̇хибхааванааважанзна ан̃н̃ам̣ бхааванам̣ бадигкибад̇и. буб̣б̣з вияа убажаараббанаавасзна самаад̇хибхааванаамаяз н̃аан̣ам̣.

    Bhāvīyati vaḍḍhīyatīti bhāvanā, samādhi eva bhāvanā samādhibhāvanā, samādhissa vā bhāvanā vaḍḍhanā samādhibhāvanā. Samādhibhāvanāvacanena aññaṃ bhāvanaṃ paṭikkhipati. Pubbe viya upacārappanāvasena samādhibhāvanāmaye ñāṇaṃ.

    4. бажжаяабариг̇г̇ахз бан̃н̃аад̇и зд̇т̇а бадижжа паламзд̇ийд̇и бажжаяо. бадижжаад̇и на винаа д̇зна, абажжагкид̇ваад̇и ад̇т̇о. зд̇ийд̇и уббаж̇ж̇ад̇и жзва бавад̇д̇ад̇и жаад̇и ад̇т̇о. абижа убагаарагад̇т̇о бажжаяад̇т̇о, д̇асса бажжаяасса б̣ахувид̇хад̇д̇аа бажжаяаанам̣ бариг̇г̇ахз вавад̇т̇аабанз жа бан̃н̃аа бажжаяабариг̇г̇ахз бан̃н̃аа.

    4.Paccayapariggahepaññāti ettha paṭicca phalametīti paccayo. Paṭiccāti na vinā tena, apaccakkhitvāti attho. Etīti uppajjati ceva pavattati cāti attho. Apica upakārakattho paccayattho, tassa paccayassa bahuvidhattā paccayānaṃ pariggahe vavatthāpane ca paññā paccayapariggahe paññā.

    д̇хаммадтид̇ин̃аан̣анд̇и зд̇т̇а д̇хаммасад̣̇д̣̇о д̇аава сабхаавабан̃н̃аабун̃н̃абан̃н̃ад̇д̇иаабад̇д̇ибарияад̇д̇иниссад̇д̇ад̇аавигаараг̇ун̣абажжаяабажжаяуббаннаад̣̇ийсу д̣̇иссад̇и. аяан̃хи ‘‘гусалаа д̇хаммаа агусалаа д̇хаммаа аб̣яаагад̇аа д̇хаммаа’’д̇иаад̣̇ийсу (д̇ха. са. д̇игамаад̇игаа 1) сабхаавз д̣̇иссад̇и.

    Dhammaṭṭhitiñāṇanti ettha dhammasaddo tāva sabhāvapaññāpuññapaññattiāpattipariyattinissattatāvikāraguṇapaccayapaccayuppannādīsu dissati. Ayañhi ‘‘kusalā dhammā akusalā dhammā abyākatā dhammā’’tiādīsu (dha. sa. tikamātikā 1) sabhāve dissati.

    ‘‘яассзд̇з жад̇уро д̇хаммаа, сад̣̇д̇хасса гхарамзсино;

    ‘‘Yassete caturo dhammā, saddhassa gharamesino;

    сажжам̣ д̇хаммо д̇хид̇и жааг̇о, са вз бзжжа на сожад̇ий’’д̇и. (су. ни. 190) –

    Saccaṃ dhammo dhiti cāgo, sa ve pecca na socatī’’ti. (su. ni. 190) –

    аад̣̇ийсу бан̃н̃ааяам̣.

    Ādīsu paññāyaṃ.

    ‘‘на хи д̇хаммо ад̇хаммо жа, убхо самавибаагино;

    ‘‘Na hi dhammo adhammo ca, ubho samavipākino;

    ад̇хаммо нираяам̣ нзд̇и, д̇хаммо баабзд̇и суг̇г̇ад̇и’’нд̇и. (т̇зраг̇аа. 304) –

    Adhammo nirayaṃ neti, dhammo pāpeti suggati’’nti. (theragā. 304) –

    аад̣̇ийсу бун̃н̃з. ‘‘бан̃н̃ад̇д̇ид̇хаммаа нируд̇д̇ид̇хаммаа ад̇хиважанад̇хаммаа’’д̇иаад̣̇ийсу (д̇ха. са. д̣̇угамаад̇игаа 106-108) бан̃н̃ад̇д̇ияам̣. ‘‘баарааж̇игаа д̇хаммаа сан̇гхаад̣̇исзсаа д̇хаммаа’’д̇иаад̣̇ийсу (баараа. 233-234) аабад̇д̇ияам̣. ‘‘ид̇ха бхигку д̇хаммам̣ ж̇аанаад̇и суд̇д̇ам̣ г̇зяяам̣ взяяаагаран̣а’’нд̇иаад̣̇ийсу (а. ни. 5.73) барияад̇д̇ияам̣. ‘‘д̇асмим̣ ко бана самаяз д̇хаммаа хонд̇и (д̇ха. са. 121). д̇хаммзсу д̇хаммаанубассий вихарад̇ий’’д̇иаад̣̇ийсу (д̣̇ий. ни. 2.373; ма. ни. 1.115) ниссад̇д̇ад̇ааяам̣. ‘‘ж̇аад̇ид̇хаммаа ж̇араад̇хаммаа маран̣ад̇хаммаа’’д̇иаад̣̇ийсу (а. ни. 10.107) вигаарз. ‘‘чаннам̣ б̣уд̣̇д̇хад̇хаммаана’’нд̇иаад̣̇ийсу (махаани. 50) г̇ун̣з. ‘‘хзд̇умхи н̃аан̣ам̣ д̇хаммабадисамбхид̣̇аа’’д̇иаад̣̇ийсу (вибха. 720) бажжаяз. ‘‘тид̇аава саа д̇хаад̇у д̇хаммадтид̇ад̇аа д̇хамманияаамад̇аа’’д̇иаад̣̇ийсу (сам̣. ни. 2.20; а. ни. 3.137) бажжаяуббаннз. свааяамид̇хааби бажжаяуббаннз д̣̇адтаб̣б̣о. ад̇т̇ад̇о бана ад̇д̇ано сабхаавам̣ д̇хаарзнд̇ийд̇и ваа, бажжаязхи д̇хаарийяанд̇ийд̇и ваа, ад̇д̇ано палам̣ д̇хаарзнд̇ийд̇и ваа, ад̇д̇ано барибуурагам̣ абааязсу абад̇амаанам̣ д̇хаарзнд̇ийд̇и ваа, сагасагалагкан̣з д̇хаарзнд̇ийд̇и ваа, жид̇д̇зна авад̇хаарийяанд̇ийд̇и ваа яат̇ааяог̇ам̣ д̇хаммаад̇и вужжанд̇и. ид̇ха бана ад̇д̇ано бажжаязхи д̇хаарийяанд̇ийд̇и д̇хаммаа, бажжаяасамуббаннаа д̇хаммаа д̇идтанд̇и уббаж̇ж̇анд̇и жзва бавад̇д̇анд̇и жа зд̇ааяаад̇и д̇хаммадтид̇и, бажжаяад̇хаммаанамзд̇ам̣ ад̇хиважанам̣ . д̇ассам̣ д̇хаммадтид̇ияам̣ н̃аан̣ам̣ д̇хаммадтид̇ин̃аан̣ам̣. ид̣̇ан̃хи самаад̇хибхааванаамаяан̃аан̣з вуд̇д̇асамаад̇хинаа самаахид̇зна жид̇д̇зна яат̇аабхууд̇ан̃аан̣ад̣̇ассанад̇т̇ааяа яог̇амаарабхид̇ваа вавад̇т̇аабид̇анаамаруубасса д̇зсам̣ наамаруубаанам̣ бажжаяабариг̇г̇ахабарияааяам̣ д̇хаммадтид̇ин̃аан̣ам̣ уббаж̇ж̇ад̇и. ‘‘наамаруубававад̇т̇аанз н̃аан̣а’’нд̇и авад̇ваа зва гасмаа ‘‘д̇хаммадтид̇ин̃аан̣а’’нд̇и вуд̇д̇анд̇и жз? бажжаяабариг̇г̇ахзнзва бажжаяасамуббаннабариг̇г̇ахасса сид̣̇д̇хад̇д̇аа. бажжаяасамуббаннз хи абариг̇г̇ахид̇з бажжаяабариг̇г̇ахо на саггаа ход̇и гаад̇ум̣. д̇асмаа д̇хаммадтид̇ин̃аан̣аг̇ахан̣знзва д̇асса хзд̇убхууд̇ам̣ буб̣б̣з сид̣̇д̇хам̣ наамаруубававад̇т̇аанан̃аан̣ам̣ вуд̇д̇амзва ход̇ийд̇и взд̣̇ид̇аб̣б̣ам̣. гасмаа д̣̇уд̇ияад̇ад̇ияан̃аан̣ам̣ вияа ‘‘самаад̣̇ахид̇ваа бажжаяабариг̇г̇ахз бан̃н̃аа’’д̇и на вуд̇д̇анд̇и жз? самат̇авибассанаанам̣ яуг̇анад̣̇д̇хад̇д̇аа.

    Ādīsu puññe. ‘‘Paññattidhammā niruttidhammā adhivacanadhammā’’tiādīsu (dha. sa. dukamātikā 106-108) paññattiyaṃ. ‘‘Pārājikā dhammā saṅghādisesā dhammā’’tiādīsu (pārā. 233-234) āpattiyaṃ. ‘‘Idha bhikkhu dhammaṃ jānāti suttaṃ geyyaṃ veyyākaraṇa’’ntiādīsu (a. ni. 5.73) pariyattiyaṃ. ‘‘Tasmiṃ kho pana samaye dhammā honti (dha. sa. 121). Dhammesu dhammānupassī viharatī’’tiādīsu (dī. ni. 2.373; ma. ni. 1.115) nissattatāyaṃ. ‘‘Jātidhammā jarādhammā maraṇadhammā’’tiādīsu (a. ni. 10.107) vikāre. ‘‘Channaṃ buddhadhammāna’’ntiādīsu (mahāni. 50) guṇe. ‘‘Hetumhi ñāṇaṃ dhammapaṭisambhidā’’tiādīsu (vibha. 720) paccaye. ‘‘Ṭhitāva sā dhātu dhammaṭṭhitatā dhammaniyāmatā’’tiādīsu (saṃ. ni. 2.20; a. ni. 3.137) paccayuppanne. Svāyamidhāpi paccayuppanne daṭṭhabbo. Atthato pana attano sabhāvaṃ dhārentīti vā, paccayehi dhārīyantīti vā, attano phalaṃ dhārentīti vā, attano paripūrakaṃ apāyesu apatamānaṃ dhārentīti vā, sakasakalakkhaṇe dhārentīti vā, cittena avadhārīyantīti vā yathāyogaṃ dhammāti vuccanti. Idha pana attano paccayehi dhārīyantīti dhammā, paccayasamuppannā dhammā tiṭṭhanti uppajjanti ceva pavattanti ca etāyāti dhammaṭṭhiti, paccayadhammānametaṃ adhivacanaṃ . Tassaṃ dhammaṭṭhitiyaṃ ñāṇaṃ dhammaṭṭhitiñāṇaṃ. Idañhi samādhibhāvanāmayañāṇe vuttasamādhinā samāhitena cittena yathābhūtañāṇadassanatthāya yogamārabhitvā vavatthāpitanāmarūpassa tesaṃ nāmarūpānaṃ paccayapariggahapariyāyaṃ dhammaṭṭhitiñāṇaṃ uppajjati. ‘‘Nāmarūpavavatthāne ñāṇa’’nti avatvā eva kasmā ‘‘dhammaṭṭhitiñāṇa’’nti vuttanti ce? Paccayapariggaheneva paccayasamuppannapariggahassa siddhattā. Paccayasamuppanne hi apariggahite paccayapariggaho na sakkā hoti kātuṃ. Tasmā dhammaṭṭhitiñāṇagahaṇeneva tassa hetubhūtaṃ pubbe siddhaṃ nāmarūpavavatthānañāṇaṃ vuttameva hotīti veditabbaṃ. Kasmā dutiyatatiyañāṇaṃ viya ‘‘samādahitvā paccayapariggahe paññā’’ti na vuttanti ce? Samathavipassanānaṃ yuganaddhattā.

    ‘‘самаад̣̇ахид̇ваа яат̇аа жз вибассад̇и, вибассамаано д̇ат̇аа жз самаад̣̇ахз;

    ‘‘Samādahitvā yathā ce vipassati, vipassamāno tathā ce samādahe;

    вибассанаа жа самат̇о д̇ад̣̇аа аху, самаанабхааг̇аа яуг̇анад̣̇д̇хаа вад̇д̇арз’’д̇и. –

    Vipassanā ca samatho tadā ahu, samānabhāgā yuganaddhā vattare’’ti. –

    хи вуд̇д̇ам̣. д̇асмаа самаад̇хим̣ ависсаж̇ж̇зд̇ваа самаад̇хин̃жа н̃аан̣ан̃жа яуг̇анад̣̇д̇хам̣ гад̇ваа яаава арияамаг̇г̇о, д̇аава уссуггаабзд̇аб̣б̣анд̇и н̃аабанад̇т̇ам̣ ‘‘бажжаяабариг̇г̇ахз бан̃н̃аа д̇хаммадтид̇ин̃аан̣а’’мижжзва вуд̇д̇анд̇и взд̣̇ид̇аб̣б̣ам̣.

    Hi vuttaṃ. Tasmā samādhiṃ avissajjetvā samādhiñca ñāṇañca yuganaddhaṃ katvā yāva ariyamaggo, tāva ussukkāpetabbanti ñāpanatthaṃ ‘‘paccayapariggahe paññā dhammaṭṭhitiñāṇa’’micceva vuttanti veditabbaṃ.

    5. ад̇ийд̇аанааг̇ад̇абажжуббаннаанам̣ д̇хаммаанам̣ сан̇кибид̇ваа вавад̇т̇аанз бан̃н̃аад̇и зд̇т̇а ад̇д̇ано сабхаавам̣, уббаад̣̇аад̣̇игкан̣ам̣ ваа бад̇ваа ад̇и ид̇аа ад̇игганд̇аад̇и ад̇ийд̇аа, д̇ад̣̇убхаяамби на ааг̇ад̇аа на самбад̇д̇аад̇и анааг̇ад̇аа, д̇ам̣ д̇ам̣ гааран̣ам̣ бадижжа уббаад̣̇аад̣̇иуд̣̇д̇хам̣ баннаа г̇ад̇аа бавад̇д̇аад̇и бажжуббаннаа. ад̣̇д̇хаа санд̇ад̇икан̣абажжуббаннзсу санд̇ад̇ибажжуббаннам̣ ид̇хаад̇хиббзд̇ам̣. д̇зсам̣ ад̇ийд̇аанааг̇ад̇абажжуббаннаанам̣ бан̃жагканд̇хад̇хаммаанам̣ згзгагканд̇халагкан̣з сан̇кибид̇ваа галаабавасзна раасим̣ гад̇ваа вавад̇т̇аанз нижчаяанз саннидтаабанз бан̃н̃аа.

    5. Atītānāgatapaccuppannānaṃ dhammānaṃ saṅkhipitvā vavatthāne paññāti ettha attano sabhāvaṃ, uppādādikkhaṇaṃ vā patvā ati itā atikkantāti atītā, tadubhayampi na āgatā na sampattāti anāgatā, taṃ taṃ kāraṇaṃ paṭicca uppādādiuddhaṃ pannā gatā pavattāti paccuppannā. Addhā santatikhaṇapaccuppannesu santatipaccuppannaṃ idhādhippetaṃ. Tesaṃ atītānāgatapaccuppannānaṃ pañcakkhandhadhammānaṃ ekekakkhandhalakkhaṇe saṅkhipitvā kalāpavasena rāsiṃ katvā vavatthāne nicchayane sanniṭṭhāpane paññā.

    саммасанз н̃аан̣анд̇и саммаа аамасанз анумаж̇ж̇анз бзгкан̣з н̃аан̣ам̣, галаабасаммасанан̃аан̣анд̇и ад̇т̇о. ид̣̇ан̃хи наамаруубававад̇т̇аанан̃аан̣аананд̇арам̣ наамаруубабажжаяабариг̇г̇ахз д̇хаммадтид̇ин̃аан̣з тид̇асса ‘‘яам̣гин̃жи руубам̣ ад̇ийд̇аанааг̇ад̇абажжуббаннам̣ аж̇жхад̇д̇ам̣ ваа б̣ахид̣̇д̇хаа ваа ол̣ааригам̣ ваа сукумам̣ ваа хийнам̣ ваа бан̣ийд̇ам̣ ваа яам̣ д̣̇уурз санд̇игз ваа, саб̣б̣ам̣ д̇ам̣ руубам̣ анижжад̇о вавад̇т̇абзд̇и, згам̣ саммасанам̣, д̣̇угкад̇о вавад̇т̇абзд̇и, згам̣ саммасанам̣, анад̇д̇ад̇о вавад̇т̇абзд̇и, згам̣ саммасана’’нд̇иаад̣̇инаа (бади. ма. 1.48) наязна вуд̇д̇асаммасанавасзна буб̣б̣з вавад̇т̇аабид̇з згзгасмим̣ канд̇хз д̇илагкан̣ам̣ ааробзд̇ваа анижжад̇о д̣̇угкад̇о анад̇д̇ад̇о вибассанд̇асса галаабасаммасанан̃аан̣ам̣ уббаж̇ж̇ад̇и.

    Sammasaneñāṇanti sammā āmasane anumajjane pekkhaṇe ñāṇaṃ, kalāpasammasanañāṇanti attho. Idañhi nāmarūpavavatthānañāṇānantaraṃ nāmarūpapaccayapariggahe dhammaṭṭhitiñāṇe ṭhitassa ‘‘yaṃkiñci rūpaṃ atītānāgatapaccuppannaṃ ajjhattaṃ vā bahiddhā vā oḷārikaṃ vā sukhumaṃ vā hīnaṃ vā paṇītaṃ vā yaṃ dūre santike vā, sabbaṃ taṃ rūpaṃ aniccato vavatthapeti, ekaṃ sammasanaṃ, dukkhato vavatthapeti, ekaṃ sammasanaṃ, anattato vavatthapeti, ekaṃ sammasana’’ntiādinā (paṭi. ma. 1.48) nayena vuttasammasanavasena pubbe vavatthāpite ekekasmiṃ khandhe tilakkhaṇaṃ āropetvā aniccato dukkhato anattato vipassantassa kalāpasammasanañāṇaṃ uppajjati.

    6. бажжуббаннаанам̣ д̇хаммаанам̣ вибарин̣аамаанубассанз бан̃н̃аад̇и санд̇ад̇ивасзна бажжуббаннаанам̣ аж̇жхад̇д̇ам̣ бан̃жагканд̇хад̇хаммаанам̣ вибарин̣аамад̣̇ассанз бхан̇г̇ад̣̇ассанз бан̃н̃аа. яасмаа ‘‘имз д̇хаммаа уббаж̇ж̇ид̇ваа бхиж̇ж̇анд̇ий’’д̇и уд̣̇аяам̣ г̇ахзд̇вааби бхзд̣̇зязва жид̇д̇ам̣ табзд̇и, д̇асмаа авуд̇д̇оби уд̣̇аяо вуд̇д̇оязва ход̇ийд̇и взд̣̇ид̇аб̣б̣о. бажжуббаннаанам̣ д̇хаммаанам̣ д̣̇ассанзна ваа уд̣̇аяад̣̇ассанасса сид̣̇д̇хад̇д̇аа уд̣̇аяо вуд̇д̇оязва ход̇и. на хи уд̣̇аяам̣ винаа д̇хаммаанам̣ уббаннад̇д̇ам̣ сиж̇жхад̇и, д̇асмаа ‘‘бажжуббаннаанам̣ д̇хаммаанам̣ уббаад̣̇авибарин̣аамаанубассанз бан̃н̃аа’’д̇и авуд̇д̇зби вуд̇д̇амзва ход̇ийд̇и взд̣̇ид̇аб̣б̣ам̣. ‘‘уд̣̇аяаб̣б̣аяаанубассанз н̃аан̣а’’нд̇и нияамид̇ад̇д̇аа жа уд̣̇аяад̣̇ассанам̣ сид̣̇д̇хамзва ход̇ийд̇и ананд̇арам̣ вуд̇д̇асса саммасанан̃аан̣асса баарам̣ г̇анд̇ваа д̇ам̣саммасанзязва баагадийбхууд̇з уд̣̇аяаб̣б̣аяз бариг̇г̇ан̣хид̇ваа сан̇каараанам̣ барижчзд̣̇агаран̣ад̇т̇ам̣ уд̣̇аяаб̣б̣аяаанубассанам̣ аарабханд̇асса уббаж̇ж̇ад̇и уд̣̇аяаб̣б̣аяаанубассанаан̃аан̣ам̣. д̇ан̃хи уд̣̇аяаб̣б̣аяз анубассанад̇о уд̣̇аяаб̣б̣аяаанубассанаад̇и вужжад̇и.

    6.Paccuppannānaṃ dhammānaṃ vipariṇāmānupassane paññāti santativasena paccuppannānaṃ ajjhattaṃ pañcakkhandhadhammānaṃ vipariṇāmadassane bhaṅgadassane paññā. Yasmā ‘‘ime dhammā uppajjitvā bhijjantī’’ti udayaṃ gahetvāpi bhedeyeva cittaṃ ṭhapeti, tasmā avuttopi udayo vuttoyeva hotīti veditabbo. Paccuppannānaṃ dhammānaṃ dassanena vā udayadassanassa siddhattā udayo vuttoyeva hoti. Na hi udayaṃ vinā dhammānaṃ uppannattaṃ sijjhati, tasmā ‘‘paccuppannānaṃ dhammānaṃ uppādavipariṇāmānupassane paññā’’ti avuttepi vuttameva hotīti veditabbaṃ. ‘‘Udayabbayānupassane ñāṇa’’nti niyamitattā ca udayadassanaṃ siddhameva hotīti anantaraṃ vuttassa sammasanañāṇassa pāraṃ gantvā taṃsammasaneyeva pākaṭībhūte udayabbaye pariggaṇhitvā saṅkhārānaṃ paricchedakaraṇatthaṃ udayabbayānupassanaṃ ārabhantassa uppajjati udayabbayānupassanāñāṇaṃ. Tañhi udayabbaye anupassanato udayabbayānupassanāti vuccati.

    7. аарамман̣ам̣ бадисан̇каад̇и руубагканд̇хаад̣̇иаарамман̣ам̣ бхан̇г̇ад̇о бадисан̇кааяа ж̇аанид̇ваа бассид̇ваа. бхан̇г̇аанубассанз бан̃н̃аа вибассанз н̃аан̣анд̇и д̇асса аарамман̣ам̣ бхан̇г̇ад̇о бадисан̇кааяа уббаннасса н̃аан̣асса бхан̇г̇ам̣ анубассанз яаа бан̃н̃аа, д̇ам̣ ‘‘вибассанз н̃аан̣а’’нд̇и вуд̇д̇ам̣ ход̇и. вибассанаад̇и жа вивид̇хаа бассанаа вибассанаа. аарамман̣абадисан̇каад̇иби баато. д̇ассад̇т̇о – аарамман̣асса бадисан̇каа ж̇аананаа бассанаад̇и вуд̇д̇анаязнзва аарамман̣абадисан̇каа ‘‘бхан̇г̇аанубассанз бан̃н̃аа вибассанз н̃аан̣а’’нд̇и вуд̇д̇ам̣ ход̇и. яасмаа бана бхан̇г̇аанубассанааяа зва вибассанаа сикам̣ баабун̣аад̇и, д̇асмаа висзсзд̇ваа ид̣̇амзва ‘‘вибассанз н̃аан̣а’’нд̇и вуд̇д̇ам̣. яасмаа уд̣̇аяаб̣б̣аяаанубассанааяа тид̇асса маг̇г̇аамаг̇г̇ан̃аан̣ад̣̇ассанам̣ уббаж̇ж̇ад̇и, д̇асмаа д̇ассаа сид̣̇д̇хааяа д̇ам̣ сид̣̇д̇хамзва ход̇ийд̇и д̇ам̣ авад̇ваава бхан̇г̇аанубассанааяа зва вибассанаасикам̣ н̃аан̣ам̣ вуд̇д̇анд̇и взд̣̇ид̇аб̣б̣ам̣. уд̣̇аяаб̣б̣аяаанубассанааяа субарид̣̇идтауд̣̇аяаб̣б̣аяасса субарижчиннзсу сан̇каарзсу лахум̣ лахум̣ убадтаханд̇зсу н̃аан̣з д̇игкз ваханд̇з уд̣̇аяам̣ бахааяа бхан̇г̇з зва сад̇и санд̇идтад̇и, д̇асса ‘‘звам̣ уббаж̇ж̇ид̇ваа звам̣ наама сан̇каараа бхиж̇ж̇анд̇ий’’д̇и бассад̇о зд̇асмим̣ таанз бхан̇г̇аанубассанаан̃аан̣ам̣ уббаж̇ж̇ад̇и.

    7.Ārammaṇaṃ paṭisaṅkhāti rūpakkhandhādiārammaṇaṃ bhaṅgato paṭisaṅkhāya jānitvā passitvā. Bhaṅgānupassane paññā vipassane ñāṇanti tassa ārammaṇaṃ bhaṅgato paṭisaṅkhāya uppannassa ñāṇassa bhaṅgaṃ anupassane yā paññā, taṃ ‘‘vipassane ñāṇa’’nti vuttaṃ hoti. Vipassanāti ca vividhā passanā vipassanā. Ārammaṇapaṭisaṅkhātipi pāṭho. Tassattho – ārammaṇassa paṭisaṅkhā jānanā passanāti vuttanayeneva ārammaṇapaṭisaṅkhā ‘‘bhaṅgānupassane paññā vipassane ñāṇa’’nti vuttaṃ hoti. Yasmā pana bhaṅgānupassanāya eva vipassanā sikhaṃ pāpuṇāti, tasmā visesetvā idameva ‘‘vipassane ñāṇa’’nti vuttaṃ. Yasmā udayabbayānupassanāya ṭhitassa maggāmaggañāṇadassanaṃ uppajjati, tasmā tassā siddhāya taṃ siddhameva hotīti taṃ avatvāva bhaṅgānupassanāya eva vipassanāsikhaṃ ñāṇaṃ vuttanti veditabbaṃ. Udayabbayānupassanāya suparidiṭṭhaudayabbayassa suparicchinnesu saṅkhāresu lahuṃ lahuṃ upaṭṭhahantesu ñāṇe tikkhe vahante udayaṃ pahāya bhaṅge eva sati santiṭṭhati, tassa ‘‘evaṃ uppajjitvā evaṃ nāma saṅkhārā bhijjantī’’ti passato etasmiṃ ṭhāne bhaṅgānupassanāñāṇaṃ uppajjati.

    8. бхаяад̇убадтаанз бан̃н̃аад̇и уббаад̣̇абавад̇д̇анимид̇д̇аааяууханаабадисанд̇хийнам̣ бхаяад̇о убадтаанз бийл̣ааяог̇ад̇о саббадибхаяавасзна г̇ахан̣уубаг̇аманз бан̃н̃аад̇и ад̇т̇о. бхаяад̇о убадтаад̇ийд̇и бхаяад̇убадтаанам̣ аарамман̣ам̣ , д̇асмим̣ бхаяад̇убадтаанз. ат̇а ваа бхаяад̇о убад̇идтад̇ийд̇и бхаяад̇убадтаанам̣, бан̃н̃аа, д̇ам̣ ‘‘бхаяад̇убадтаана’’нд̇и вуд̇д̇ам̣ ход̇и.

    8.Bhayatupaṭṭhāne paññāti uppādapavattanimittaāyūhanāpaṭisandhīnaṃ bhayato upaṭṭhāne pīḷāyogato sappaṭibhayavasena gahaṇūpagamane paññāti attho. Bhayato upaṭṭhātīti bhayatupaṭṭhānaṃ ārammaṇaṃ , tasmiṃ bhayatupaṭṭhāne. Atha vā bhayato upatiṭṭhatīti bhayatupaṭṭhānaṃ, paññā, taṃ ‘‘bhayatupaṭṭhāna’’nti vuttaṃ hoti.

    аад̣̇ийнавз н̃аан̣анд̇и бхуммаважанамзва. ‘‘яаа жа бхаяад̇убадтаанз бан̃н̃аа, яан̃жа аад̣̇ийнавз н̃аан̣ам̣, яаа жа ниб̣б̣ид̣̇аа, имз д̇хаммаа згадтаа, б̣яан̃ж̇анамзва наана’’нд̇и (бади. ма. 1.227) вуд̇д̇ад̇д̇аа згамива вужжамаанамби авад̇т̇аабхзд̣̇зна мун̃жид̇угамяад̇аад̣̇и вияа д̇ивид̇хамзва ход̇и. д̇асмаа бхаяад̇убадтаанааад̣̇ийнаваанубассанаасу сид̣̇д̇хаасу ниб̣б̣ид̣̇аанубассанаа сид̣̇д̇хаа ход̇ийд̇и гад̇ваа авуд̇д̇ааби вуд̇д̇аава ход̇ийд̇и взд̣̇ид̇аб̣б̣аа.

    Ādīnave ñāṇanti bhummavacanameva. ‘‘Yā ca bhayatupaṭṭhāne paññā, yañca ādīnave ñāṇaṃ, yā ca nibbidā, ime dhammā ekaṭṭhā, byañjanameva nāna’’nti (paṭi. ma. 1.227) vuttattā ekamiva vuccamānampi avatthābhedena muñcitukamyatādi viya tividhameva hoti. Tasmā bhayatupaṭṭhānaādīnavānupassanāsu siddhāsu nibbidānupassanā siddhā hotīti katvā avuttāpi vuttāva hotīti veditabbā.

    саб̣б̣асан̇каараанам̣ бхан̇г̇аарамман̣ам̣ бхан̇г̇аанубассанам̣ аасзванд̇асса бхаавзнд̇асса б̣ахулийгаронд̇асса д̇ибхаважад̇уяонибан̃жаг̇ад̇исад̇д̇авин̃н̃аан̣адтид̇инавасад̇д̇ааваасзсу бабхзд̣̇агаа сан̇каараа сукзна ж̇ийвид̇угаамасса бхийругабурисасса сийхаб̣яаг̇гхад̣̇ийбиажчад̇аражчаяагкарагкасажан̣д̣аг̇он̣ажан̣д̣агуггурабабхинна- мад̣̇ажан̣д̣ахад̇т̇игхорааасивисаасанивижаггасусаанаран̣абхуумиж̇алид̇аан̇г̇аарагаасуаад̣̇аяо вияа махаабхаяам̣ худ̇ваа убадтаханд̇и, д̇асса ‘‘ад̇ийд̇аа сан̇каараа нируд̣̇д̇хаа, бажжуббаннаа нируж̇жханд̇и, анааг̇ад̇ааби звамзва нируж̇жхиссанд̇ий’’д̇и бассад̇о зд̇асмим̣ таанз бхаяад̇убадтаанам̣ н̃аан̣ам̣ уббаж̇ж̇ад̇и. д̇асса д̇ам̣ бхаяад̇убадтаанан̃аан̣ам̣ аасзванд̇асса бхаавзнд̇асса б̣ахулийгаронд̇асса саб̣б̣абхаваяониг̇ад̇итид̇исад̇д̇ааваасзсу нзва д̇аан̣ам̣ на лзн̣ам̣ на г̇ад̇и на бадисаран̣ам̣ бан̃н̃ааяад̇и, саб̣б̣абхаваяониг̇ад̇итид̇иниваасаг̇ад̇зсу сан̇каарзсу згасан̇каарзби бад̇т̇анаа ваа бараамаасо ваа на ход̇и, д̇аяо бхаваа вийд̇ажжид̇ан̇г̇аарабун̣н̣аа ан̇г̇аарагаасуяо вияа, жад̇д̇ааро махаабхууд̇аа гхорависаа аасивисаа вияа, бан̃жагканд̇хаа угкид̇д̇аасигаа вад̇хагаа вияа, ча аж̇жхад̇д̇игааяад̇анаани сун̃н̃аг̇аамо вияа, ча б̣аахирааяад̇анаани г̇аамагхаад̇агажораа вияа, сад̇д̇авин̃н̃аан̣адтид̇ияо нава жа сад̇д̇ааваасаа згаад̣̇асахи аг̇г̇ийхи аад̣̇ид̇д̇аа самбаж̇ж̇алид̇аа саж̇од̇ибхууд̇аа вияа жа, саб̣б̣з сан̇каараа г̇ан̣д̣абхууд̇аа рог̇абхууд̇аа саллабхууд̇аа агхабхууд̇аа ааб̣аад̇хабхууд̇аа вияа жа нирассаад̣̇аа нирасаа махаааад̣̇ийнавараасибхууд̇аа худ̇ваа убадтаханд̇и, сукзна ж̇ийвид̇угаамасса бхийругабурисасса раман̣ийяаагаарасан̣тид̇амби саваал̣агамива ванаг̇аханам̣, сасад̣̇д̣̇уулаа вияа г̇ухаа, саг̇аахарагкасам̣ вияа уд̣̇агам̣, самуссид̇акаг̇г̇аа вияа бажжад̇т̇игаа, сависам̣ вияа бхож̇анам̣, сажоро вияа маг̇г̇о, аад̣̇ид̇д̇амива аг̇аарам̣, уяяуд̇д̇асзнаа вияа ран̣абхууми. яат̇аа хи со бурисо зд̇аани саваал̣агаванаг̇аханаад̣̇ийни ааг̇амма бхийд̇о сам̣виг̇г̇о ломахадтаж̇аад̇о саманд̇ад̇о аад̣̇ийнавамзва бассад̇и, звамзва со яог̇ааважаро бхан̇г̇аанубассанаавасзна саб̣б̣асан̇каарзсу бхаяад̇о убадтид̇зсу саманд̇ад̇о нирасам̣ нирассаад̣̇ам̣ аад̣̇ийнавамзва бассад̇и. д̇ассзвам̣ бассад̇о аад̣̇ийнаваанубассанаан̃аан̣ам̣ уббаж̇ж̇ад̇и.

    Sabbasaṅkhārānaṃ bhaṅgārammaṇaṃ bhaṅgānupassanaṃ āsevantassa bhāventassa bahulīkarontassa tibhavacatuyonipañcagatisattaviññāṇaṭṭhitinavasattāvāsesu pabhedakā saṅkhārā sukhena jīvitukāmassa bhīrukapurisassa sīhabyagghadīpiacchataracchayakkharakkhasacaṇḍagoṇacaṇḍakukkurapabhinna- madacaṇḍahatthighoraāsivisaasanivicakkasusānaraṇabhūmijalitaaṅgārakāsuādayo viya mahābhayaṃ hutvā upaṭṭhahanti, tassa ‘‘atītā saṅkhārā niruddhā, paccuppannā nirujjhanti, anāgatāpi evameva nirujjhissantī’’ti passato etasmiṃ ṭhāne bhayatupaṭṭhānaṃ ñāṇaṃ uppajjati. Tassa taṃ bhayatupaṭṭhānañāṇaṃ āsevantassa bhāventassa bahulīkarontassa sabbabhavayonigatiṭhitisattāvāsesu neva tāṇaṃ na leṇaṃ na gati na paṭisaraṇaṃ paññāyati, sabbabhavayonigatiṭhitinivāsagatesu saṅkhāresu ekasaṅkhārepi patthanā vā parāmāso vā na hoti, tayo bhavā vītaccitaṅgārapuṇṇā aṅgārakāsuyo viya, cattāro mahābhūtā ghoravisā āsivisā viya, pañcakkhandhā ukkhittāsikā vadhakā viya, cha ajjhattikāyatanāni suññagāmo viya, cha bāhirāyatanāni gāmaghātakacorā viya, sattaviññāṇaṭṭhitiyo nava ca sattāvāsā ekādasahi aggīhi ādittā sampajjalitā sajotibhūtā viya ca, sabbe saṅkhārā gaṇḍabhūtā rogabhūtā sallabhūtā aghabhūtā ābādhabhūtā viya ca nirassādā nirasā mahāādīnavarāsibhūtā hutvā upaṭṭhahanti, sukhena jīvitukāmassa bhīrukapurisassa ramaṇīyākārasaṇṭhitampi savāḷakamiva vanagahanaṃ, sasaddūlā viya guhā, sagāharakkhasaṃ viya udakaṃ, samussitakhaggā viya paccatthikā, savisaṃ viya bhojanaṃ, sacoro viya maggo, ādittamiva agāraṃ, uyyuttasenā viya raṇabhūmi. Yathā hi so puriso etāni savāḷakavanagahanādīni āgamma bhīto saṃviggo lomahaṭṭhajāto samantato ādīnavameva passati, evameva so yogāvacaro bhaṅgānupassanāvasena sabbasaṅkhāresu bhayato upaṭṭhitesu samantato nirasaṃ nirassādaṃ ādīnavameva passati. Tassevaṃ passato ādīnavānupassanāñāṇaṃ uppajjati.

    со звам̣ саб̣б̣асан̇каарз аад̣̇ийнавад̇о самбассанд̇о саб̣б̣абхаваяониг̇ад̇ивин̃н̃аан̣адтид̇исад̇д̇ааваасаг̇ад̇з сабхзд̣̇агз сан̇каараг̇ад̇з ниб̣б̣инд̣̇ад̇и угган̣тад̇и наабхирамад̇и. сзяяат̇ааби наама жид̇д̇агуудабаб̣б̣ад̇абаад̣̇аабхирад̇о суван̣н̣арааж̇ахам̣со асужимхи жан̣д̣аалаг̇аамад̣̇ваараааваадз наабхирамад̇и, сад̇д̇асу махаасарзсуязва абхирамад̇и, звамзва аяам̣ яог̇ийрааж̇ахам̣со субарид̣̇идтаад̣̇ийнавз сабхзд̣̇агз сан̇каараг̇ад̇з наабхирамад̇и, бхааванаараамад̇ааяа бана бхааванаарад̇ияаа саманнааг̇ад̇ад̇д̇аа сад̇д̇асу анубассанаасуязва абхирамад̇и. яат̇аа жа суван̣н̣абан̃ж̇арзби багкид̇д̇о сийхо миг̇арааж̇аа наабхирамад̇и, д̇ияож̇анасахассавид̇т̇ад̇з бана химаванд̇зязва рамад̇и, звамаяамби яог̇ийсийхо д̇ивид̇хз суг̇ад̇ибхавзби наабхирамад̇и, д̇ийсу анубассанаасуязва рамад̇и. яат̇аа жа саб̣б̣асзд̇о сад̇д̇аббад̇идто ид̣̇д̇химаа взхаасан̇г̇амо чад̣̇д̣̇анд̇о нааг̇арааж̇аа наг̇арамаж̇жхз наабхирамад̇и, химавад̇и чад̣̇д̣̇анд̇арахад̣̇зязва рамад̇и, звамаяам̣ яог̇ийваравааран̣о саб̣б̣асмимби сан̇каараг̇ад̇з наабхирамад̇и, ‘‘ануббаад̣̇о кзма’’нд̇иаад̣̇инаа (бади. ма. 1.53) наязна нид̣̇д̣̇идтз санд̇ибад̣̇зязва рамад̇и, д̇анниннад̇аббон̣ад̇аббаб̣бхаарамаанасо ход̇и. зд̇д̇аавад̇аа д̇асса ниб̣б̣ид̣̇аанубассанаан̃аан̣ам̣ уббаннам̣ ход̇ийд̇и.

    So evaṃ sabbasaṅkhāre ādīnavato sampassanto sabbabhavayonigativiññāṇaṭṭhitisattāvāsagate sabhedake saṅkhāragate nibbindati ukkaṇṭhati nābhiramati. Seyyathāpi nāma cittakūṭapabbatapādābhirato suvaṇṇarājahaṃso asucimhi caṇḍālagāmadvāraāvāṭe nābhiramati, sattasu mahāsaresuyeva abhiramati, evameva ayaṃ yogīrājahaṃso suparidiṭṭhādīnave sabhedake saṅkhāragate nābhiramati, bhāvanārāmatāya pana bhāvanāratiyā samannāgatattā sattasu anupassanāsuyeva abhiramati. Yathā ca suvaṇṇapañjarepi pakkhitto sīho migarājā nābhiramati, tiyojanasahassavitthate pana himavanteyeva ramati, evamayampi yogīsīho tividhe sugatibhavepi nābhiramati, tīsu anupassanāsuyeva ramati. Yathā ca sabbaseto sattappatiṭṭho iddhimā vehāsaṅgamo chaddanto nāgarājā nagaramajjhe nābhiramati, himavati chaddantarahadeyeva ramati, evamayaṃ yogīvaravāraṇo sabbasmimpi saṅkhāragate nābhiramati, ‘‘anuppādo khema’’ntiādinā (paṭi. ma. 1.53) nayena niddiṭṭhe santipadeyeva ramati, tanninnatappoṇatappabbhāramānaso hoti. Ettāvatā tassa nibbidānupassanāñāṇaṃ uppannaṃ hotīti.

    9. мун̃жид̇угамяад̇аабадисан̇каасанд̇идтанаа бан̃н̃аа сан̇каарубзгкаасу н̃аан̣анд̇и мун̃жид̇ум̣ жаж̇ид̇ум̣ гаамзд̇и ижчад̇ийд̇и мун̃жид̇угаамо, мун̃жид̇угаамасса бхааво мун̃жид̇угамяад̇аа. бадисан̇каад̇и убабаригкад̇ийд̇и бадисан̇каа, бадисан̇каанам̣ ваа бадисан̇каа. санд̇идтад̇и аж̇жхубзгкад̇ийд̇и санд̇идтанаа, санд̇идтанам̣ ваа санд̇идтанаа. мун̃жид̇угамяад̇аа жа саа бадисан̇каа жа санд̇идтанаа жаад̇и мун̃жид̇угамяад̇аабадисан̇каасанд̇идтанаа. ид̇и буб̣б̣абхааг̇з ниб̣б̣ид̣̇аан̃аан̣зна ниб̣б̣иннасса уббаад̣̇аад̣̇ийни барижжаж̇ид̇угаамад̇аа мун̃жид̇угамяад̇аа. мун̃жанасса убааяагаран̣ад̇т̇ам̣ маж̇жхз бадисан̇каанам̣ бадисан̇каа. мун̃жид̇ваа авасаанз аж̇жхубзгканам̣ санд̇идтанаа. звам̣ авад̇т̇аабхзд̣̇зна д̇иббагаараа бан̃н̃аа сан̇каараанам̣ аж̇жхубзгканаасу н̃аан̣ам̣, мун̃жид̇угамяад̇аабадисан̇каасанд̇идтанаасан̇каад̇аанам̣ авад̇т̇аабхзд̣̇зна бхиннаанам̣ д̇иссаннамби бан̃н̃аанам̣ сан̇каарубзгкад̇ам̣ ижчанд̇зна бана ‘‘бан̃н̃аа’’д̇и жа ‘‘сан̇каарубзгкаасуу’’д̇и жа б̣ахуважанам̣ гад̇ам̣, авад̇т̇аабхзд̣̇зна бхиннассааби згад̇д̇аа ‘‘н̃аан̣а’’нд̇и згаважанам̣ гад̇анд̇и взд̣̇ид̇аб̣б̣ам̣. вуд̇д̇ан̃жа – ‘‘яаа жа мун̃жид̇угамяад̇аа яаа жа бадисан̇каанубассанаа яаа жа сан̇каарубзгкаа, имз д̇хаммаа згадтаа, б̣яан̃ж̇анамзва наана’’нд̇и (бади. ма. 1.227). гзжи бана ‘‘сан̇каарубзгкаасууд̇и б̣ахуважанам̣ самат̇авибассанаавасзна сан̇каарубзгкаанам̣ б̣ахуд̇д̇аа’’д̇иби вад̣̇анд̇и. сан̇каарубзгкаасууд̇и жа гирияаабзгканд̇и взд̣̇ид̇аб̣б̣ам̣. авад̇т̇аабхзд̣̇зна бана д̇зна ниб̣б̣ид̣̇аан̃аан̣зна ниб̣б̣инд̣̇анд̇асса угган̣танд̇асса саб̣б̣абхаваяониг̇ад̇ивин̃н̃аан̣адтид̇исад̇д̇ааваасаг̇ад̇зсу сабхзд̣̇агзсу сан̇каарзсу жид̇д̇ам̣ на саж̇ж̇ад̇и на лаг̇г̇ад̇и на б̣аж̇жхад̇и, саб̣б̣асан̇каараг̇ад̇ам̣ мун̃жид̇угаамам̣ чад̣д̣зд̇угаамам̣ ход̇и.

    9.Muñcitukamyatāpaṭisaṅkhāsantiṭṭhanā paññā saṅkhārupekkhāsu ñāṇanti muñcituṃ cajituṃ kāmeti icchatīti muñcitukāmo, muñcitukāmassa bhāvo muñcitukamyatā. Paṭisaṅkhāti upaparikkhatīti paṭisaṅkhā, paṭisaṅkhānaṃ vā paṭisaṅkhā. Santiṭṭhati ajjhupekkhatīti santiṭṭhanā, santiṭṭhanaṃ vā santiṭṭhanā. Muñcitukamyatā ca sā paṭisaṅkhā ca santiṭṭhanā cāti muñcitukamyatāpaṭisaṅkhāsantiṭṭhanā. Iti pubbabhāge nibbidāñāṇena nibbinnassa uppādādīni pariccajitukāmatā muñcitukamyatā. Muñcanassa upāyakaraṇatthaṃ majjhe paṭisaṅkhānaṃ paṭisaṅkhā. Muñcitvā avasāne ajjhupekkhanaṃ santiṭṭhanā. Evaṃ avatthābhedena tippakārā paññā saṅkhārānaṃ ajjhupekkhanāsu ñāṇaṃ, muñcitukamyatāpaṭisaṅkhāsantiṭṭhanāsaṅkhātānaṃ avatthābhedena bhinnānaṃ tissannampi paññānaṃ saṅkhārupekkhataṃ icchantena pana ‘‘paññā’’ti ca ‘‘saṅkhārupekkhāsū’’ti ca bahuvacanaṃ kataṃ, avatthābhedena bhinnassāpi ekattā ‘‘ñāṇa’’nti ekavacanaṃ katanti veditabbaṃ. Vuttañca – ‘‘yā ca muñcitukamyatā yā ca paṭisaṅkhānupassanā yā ca saṅkhārupekkhā, ime dhammā ekaṭṭhā, byañjanameva nāna’’nti (paṭi. ma. 1.227). Keci pana ‘‘saṅkhārupekkhāsūti bahuvacanaṃ samathavipassanāvasena saṅkhārupekkhānaṃ bahuttā’’tipi vadanti. Saṅkhārupekkhāsūti ca kiriyāpekkhanti veditabbaṃ. Avatthābhedena pana tena nibbidāñāṇena nibbindantassa ukkaṇṭhantassa sabbabhavayonigativiññāṇaṭṭhitisattāvāsagatesu sabhedakesu saṅkhāresu cittaṃ na sajjati na laggati na bajjhati, sabbasaṅkhāragataṃ muñcitukāmaṃ chaḍḍetukāmaṃ hoti.

    ат̇а ваа яат̇аа ж̇аалаб̣бханд̇араг̇ад̇о мажчо, саббамукаг̇ад̇о ман̣д̣ууго, бан̃ж̇арабагкид̇д̇о ванагуггудо, д̣̇ал̣хабаасавасам̣г̇ад̇о миг̇о, ахид̇ун̣д̣игахад̇т̇аг̇ад̇о саббо, махаабан̇габагканд̣̇о гун̃ж̇аро, субан̣н̣амукаг̇ад̇о нааг̇арааж̇аа, раахумукабавидто жанд̣̇о, сабад̇д̇абаригкид̇д̇о бурисод̇извамаад̣̇аяо д̇ад̇о д̇ад̇о мужжид̇угаамаа ниссарид̇угаамаава хонд̇и, звам̣ д̇асса яог̇ино жид̇д̇ам̣ саб̣б̣асмаа сан̇каараг̇ад̇аа мужжид̇угаамам̣ ниссарид̇угаамам̣ ход̇и. зван̃хи вужжамаанз ‘‘мужжид̇угаамасса мужжид̇угамяад̇аа’’д̇и баато яуж̇ж̇ад̇и. зван̃жа сад̇и ‘‘уббаад̣̇ам̣ мун̃жид̇угамяад̇аа’’д̇иаад̣̇ийсу ‘‘уббаад̣̇аа мужжид̇угамяад̇аа’’д̇иаад̣̇и вад̇д̇аб̣б̣ам̣ ход̇и, д̇асмаа буримо зва ад̇т̇о сунд̣̇арад̇аро. ат̇асса саб̣б̣асан̇каарзсу виг̇ад̇аалаяасса саб̣б̣асан̇каараг̇ад̇ам̣ мун̃жид̇угаамасса мун̃жид̇угамяад̇аан̃аан̣ам̣ уббаж̇ж̇ад̇и. со звам̣ саб̣б̣абхаваяониг̇ад̇ивин̃н̃аан̣адтид̇исад̇д̇ааваасаг̇ад̇з сабхзд̣̇агз сан̇каарз мун̃жид̇угаамо мун̃жанасса убааяасамбаад̣̇анад̇т̇ам̣ буна д̇з зва сан̇каарз бадисан̇каанубассанаан̃аан̣зна д̇илагкан̣ам̣ ааробзд̇ваа вибассад̇и. зван̃хи вибассад̇о жасса анижжавасзна нимид̇д̇ам̣ бадисан̇каан̃аан̣ам̣ уббаж̇ж̇ад̇и, д̣̇угкавасзна бавад̇д̇ам̣ бадисан̇каан̃аан̣ам̣ уббаж̇ж̇ад̇и, анад̇д̇авасзна нимид̇д̇ан̃жа бавад̇д̇ан̃жа бадисан̇каан̃аан̣ам̣ уббаж̇ж̇ад̇и. со бадисан̇каанубассанаан̃аан̣зна ‘‘саб̣б̣з сан̇каараа сун̃н̃аа’’д̇и д̣̇исваа д̇илагкан̣ам̣ ааробзд̇ваа сан̇каарз бариг̇г̇ан̣ханд̇о бхаяан̃жа нанд̣̇ин̃жа виббахааяа бхарияааяа д̣̇осам̣ д̣̇исваа виссадтабхарияо вияа бурисо д̇ассаа бхарияааяа сан̇каарзсу уд̣̇аасийно ход̇и маж̇жхад̇д̇о, ‘‘аха’’нд̇и ваа ‘‘мама’’нд̇и ваа на г̇ан̣хаад̇и. д̇асса звам̣ ж̇аанад̇о звам̣ бассад̇о д̇ийсу бхавзсу жид̇д̇ам̣ бад̇илийяад̇и бадигудад̇и бадивад̇д̇ад̇и на самбасаарияад̇и. сзяяат̇ааби наама бад̣̇умабалаасз ийсагам̣ бон̣з уд̣̇агапусид̇аани бад̇илийяанд̇и бадигуданд̇и бадивад̇д̇анд̇и на самбасаарияанд̇и. сзяяат̇ааби ваа бана гуггудабад̇д̇ам̣ ваа нхааруд̣̇ад̣̇д̣̇улам̣ ваа аг̇г̇имхи багкид̇д̇ам̣ бад̇илийяад̇и бадигудад̇и бадивад̇д̇ад̇и на самбасаарияад̇и, звам̣ д̇асса д̇ийсу бхавзсу жид̇д̇ам̣ бад̇илийяад̇и бадигудад̇и бадивад̇д̇ад̇и на самбасаарияад̇и, убзгкаа сан̣таад̇и. звамасса сан̇каарубзгкаан̃аан̣ам̣ уббаннам̣ ход̇и. иминаа сан̇каарубзгкаан̃аан̣зна сад̣̇д̇хим̣ убари г̇од̇рабхун̃аан̣асса саад̇хагам̣ ануломан̃аан̣ам̣ буб̣б̣аабаран̃аан̣зхи авуд̇д̇амби вуд̇д̇амзва ход̇ийд̇и взд̣̇ид̇аб̣б̣ам̣. вуд̇д̇ан̃хи бхаг̇авад̇аа –

    Atha vā yathā jālabbhantaragato maccho, sappamukhagato maṇḍūko, pañjarapakkhitto vanakukkuṭo, daḷhapāsavasaṃgato migo, ahituṇḍikahatthagato sappo, mahāpaṅkapakkhando kuñjaro, supaṇṇamukhagato nāgarājā, rāhumukhapaviṭṭho cando, sapattaparikkhitto purisotievamādayo tato tato muccitukāmā nissaritukāmāva honti, evaṃ tassa yogino cittaṃ sabbasmā saṅkhāragatā muccitukāmaṃ nissaritukāmaṃ hoti. Evañhi vuccamāne ‘‘muccitukāmassa muccitukamyatā’’ti pāṭho yujjati. Evañca sati ‘‘uppādaṃ muñcitukamyatā’’tiādīsu ‘‘uppādā muccitukamyatā’’tiādi vattabbaṃ hoti, tasmā purimo eva attho sundarataro. Athassa sabbasaṅkhāresu vigatālayassa sabbasaṅkhāragataṃ muñcitukāmassa muñcitukamyatāñāṇaṃ uppajjati. So evaṃ sabbabhavayonigativiññāṇaṭṭhitisattāvāsagate sabhedake saṅkhāre muñcitukāmo muñcanassa upāyasampādanatthaṃ puna te eva saṅkhāre paṭisaṅkhānupassanāñāṇena tilakkhaṇaṃ āropetvā vipassati. Evañhi vipassato cassa aniccavasena nimittaṃ paṭisaṅkhāñāṇaṃ uppajjati, dukkhavasena pavattaṃ paṭisaṅkhāñāṇaṃ uppajjati, anattavasena nimittañca pavattañca paṭisaṅkhāñāṇaṃ uppajjati. So paṭisaṅkhānupassanāñāṇena ‘‘sabbe saṅkhārā suññā’’ti disvā tilakkhaṇaṃ āropetvā saṅkhāre pariggaṇhanto bhayañca nandiñca vippahāya bhariyāya dosaṃ disvā vissaṭṭhabhariyo viya puriso tassā bhariyāya saṅkhāresu udāsīno hoti majjhatto, ‘‘aha’’nti vā ‘‘mama’’nti vā na gaṇhāti. Tassa evaṃ jānato evaṃ passato tīsu bhavesu cittaṃ patilīyati paṭikuṭati paṭivattati na sampasāriyati. Seyyathāpi nāma padumapalāse īsakaṃ poṇe udakaphusitāni patilīyanti paṭikuṭanti paṭivattanti na sampasāriyanti. Seyyathāpi vā pana kukkuṭapattaṃ vā nhārudaddulaṃ vā aggimhi pakkhittaṃ patilīyati paṭikuṭati paṭivattati na sampasāriyati, evaṃ tassa tīsu bhavesu cittaṃ patilīyati paṭikuṭati paṭivattati na sampasāriyati, upekkhā saṇṭhāti. Evamassa saṅkhārupekkhāñāṇaṃ uppannaṃ hoti. Iminā saṅkhārupekkhāñāṇena saddhiṃ upari gotrabhuñāṇassa sādhakaṃ anulomañāṇaṃ pubbāparañāṇehi avuttampi vuttameva hotīti veditabbaṃ. Vuttañhi bhagavatā –

    ‘‘со вад̇а, бхигкавз, бхигку ган̃жи сан̇каарам̣ нижжад̇о саманубассанд̇о ануломигааяа канд̇ияаа саманнааг̇ад̇о бхависсад̇ийд̇и нзд̇ам̣ таанам̣ виж̇ж̇ад̇и, ануломигааяа канд̇ияаа асаманнааг̇ад̇о саммад̇д̇анияаамам̣ оггамиссад̇ийд̇и нзд̇ам̣ таанам̣ виж̇ж̇ад̇и, саммад̇д̇анияаамам̣ аноггамамаано сод̇аабад̇д̇ипалам̣ ваа сагад̣̇ааг̇аамипалам̣ ваа анааг̇аамипалам̣ ваа арахад̇д̇апалам̣ ваа сажчигариссад̇ийд̇и нзд̇ам̣ таанам̣ виж̇ж̇ад̇ий’’д̇иаад̣̇и (а. ни. 6.98; бади. ма. 3.36).

    ‘‘So vata, bhikkhave, bhikkhu kañci saṅkhāraṃ niccato samanupassanto anulomikāya khantiyā samannāgato bhavissatīti netaṃ ṭhānaṃ vijjati, anulomikāya khantiyā asamannāgato sammattaniyāmaṃ okkamissatīti netaṃ ṭhānaṃ vijjati, sammattaniyāmaṃ anokkamamāno sotāpattiphalaṃ vā sakadāgāmiphalaṃ vā anāgāmiphalaṃ vā arahattaphalaṃ vā sacchikarissatīti netaṃ ṭhānaṃ vijjatī’’tiādi (a. ni. 6.98; paṭi. ma. 3.36).

    вуд̇д̇ан̃жа д̇хаммасзнаабад̇инаа –

    Vuttañca dhammasenāpatinā –

    ‘‘гад̇ихаагаарзхи ануломигам̣ канд̇им̣ бадилабхад̇и? гад̇ихаагаарзхи саммад̇д̇анияаамам̣ оггамад̇и? жад̇д̇аалийсааяа аагаарзхи ануломигам̣ канд̇им̣ бадилабхад̇и, жад̇д̇аалийсааяа аагаарзхи саммад̇д̇анияаамам̣ оггамад̇ий’’д̇иаад̣̇и (бади. ма. 3.37).

    ‘‘Katihākārehi anulomikaṃ khantiṃ paṭilabhati? Katihākārehi sammattaniyāmaṃ okkamati? Cattālīsāya ākārehi anulomikaṃ khantiṃ paṭilabhati, cattālīsāya ākārehi sammattaniyāmaṃ okkamatī’’tiādi (paṭi. ma. 3.37).

    бадтаанз жзд̇ам̣ вуд̇д̇ам̣ бхаг̇авад̇аа –

    Paṭṭhāne cetaṃ vuttaṃ bhagavatā –

    ‘‘ануломам̣ г̇од̇рабхусса ананд̇арабажжаязна бажжаяо. ануломам̣ вод̣̇аанасса ананд̇арабажжаязна бажжаяо’’д̇иаад̣̇и (бадтаа. 1.1.417).

    ‘‘Anulomaṃ gotrabhussa anantarapaccayena paccayo. Anulomaṃ vodānassa anantarapaccayena paccayo’’tiādi (paṭṭhā. 1.1.417).

    д̇асса хи д̇ам̣ сан̇каарубзгкаан̃аан̣ам̣ аасзванд̇асса бхаавзнд̇асса б̣ахулийгаронд̇асса ад̇химогкасад̣̇д̇хаа б̣алавад̇араа ход̇и, вийрияам̣ субаг̇г̇ахид̇ам̣, сад̇и суубадтид̇аа, жид̇д̇ам̣ сусамаахид̇ам̣, сан̇каарубзгкаан̃аан̣ам̣ д̇игкад̇арам̣ бавад̇д̇ад̇и. д̇асса ид̣̇аани маг̇г̇о уббаж̇ж̇иссад̇ийд̇и сан̇каарубзгкааяа сан̇каарз ‘‘анижжаа’’д̇и ваа ‘‘д̣̇угкаа’’д̇и ваа ‘‘анад̇д̇аа’’д̇и ваа саммасид̇ваа бхаван̇г̇ам̣ од̇арад̇и. бхаван̇г̇аананд̇арам̣ сан̇каарубзгкааяа гад̇анаязнзва сан̇каарз ‘‘анижжаа’’д̇и ваа ‘‘д̣̇угкаа’’д̇и ваа ‘‘анад̇д̇аа’’д̇и ваа аарамман̣ам̣ гурумаанам̣ уббаж̇ж̇ад̇и манод̣̇ваарааваж̇ж̇анам̣. д̇ад̣̇ананд̇арам̣ д̇ат̇зва сан̇каарз аарамман̣ам̣ гад̇ваа д̣̇вз д̇ийн̣и жад̇д̇аари ваа ж̇аванажид̇д̇аани уббаж̇ж̇анд̇и. д̇ам̣самбаяуд̇д̇ам̣ н̃аан̣ам̣ ануломан̃аан̣ам̣. д̇ан̃хи буримаанан̃жа адтаннам̣ вибассанаан̃аан̣аанам̣ д̇ат̇агижжад̇ааяа ануломзд̇и, убари жа бад̇д̇аб̣б̣аанам̣ сад̇д̇ад̇им̣сааяа б̣од̇хибагкияад̇хаммаанам̣ ануломзд̇и. яат̇аа хи д̇хаммиго рааж̇аа винижчаяадтаанз нисинно адтаннам̣ вохааригамахаамад̇д̇аанам̣ винижчаяам̣ суд̇ваа аг̇ад̇иг̇аманам̣ бахааяа маж̇жхад̇д̇о худ̇ваа ‘‘звам̣ ход̇уу’’д̇и анумод̣̇амаано д̇зсан̃жа винижчаяасса ануломзд̇и, бораан̣асса жа рааж̇ад̇хаммасса. д̇ад̇т̇а рааж̇аа вияа ануломан̃аан̣ам̣, адта вохааригамахаамад̇д̇аа вияа адта вибассанаан̃аан̣аани, бораан̣арааж̇ад̇хаммо вияа сад̇д̇ад̇им̣са б̣од̇хибагкияад̇хаммаа, яат̇аа рааж̇аа ‘‘звам̣ ход̇уу’’д̇и анумод̣̇амаано вохааригаанан̃жа винижчаяасса рааж̇ад̇хаммасса жа ануломзд̇и, звамид̣̇ам̣ анижжаад̣̇ивасзна сан̇каарз аараб̣бха уббаж̇ж̇амаанаанам̣ адтаннан̃жа вибассанаан̃аан̣аанам̣ д̇ат̇агижжад̇ааяа ануломзд̇и, убари жа бад̇д̇аб̣б̣аанам̣ сад̇д̇ад̇им̣сааяа б̣од̇хибагкияад̇хаммаанам̣. д̇асмаа ануломан̃аан̣анд̇и вужжад̇и.

    Tassa hi taṃ saṅkhārupekkhāñāṇaṃ āsevantassa bhāventassa bahulīkarontassa adhimokkhasaddhā balavatarā hoti, vīriyaṃ supaggahitaṃ, sati sūpaṭṭhitā, cittaṃ susamāhitaṃ, saṅkhārupekkhāñāṇaṃ tikkhataraṃ pavattati. Tassa idāni maggo uppajjissatīti saṅkhārupekkhāya saṅkhāre ‘‘aniccā’’ti vā ‘‘dukkhā’’ti vā ‘‘anattā’’ti vā sammasitvā bhavaṅgaṃ otarati. Bhavaṅgānantaraṃ saṅkhārupekkhāya katanayeneva saṅkhāre ‘‘aniccā’’ti vā ‘‘dukkhā’’ti vā ‘‘anattā’’ti vā ārammaṇaṃ kurumānaṃ uppajjati manodvārāvajjanaṃ. Tadanantaraṃ tatheva saṅkhāre ārammaṇaṃ katvā dve tīṇi cattāri vā javanacittāni uppajjanti. Taṃsampayuttaṃ ñāṇaṃ anulomañāṇaṃ. Tañhi purimānañca aṭṭhannaṃ vipassanāñāṇānaṃ tathakiccatāya anulometi, upari ca pattabbānaṃ sattatiṃsāya bodhipakkhiyadhammānaṃ anulometi. Yathā hi dhammiko rājā vinicchayaṭṭhāne nisinno aṭṭhannaṃ vohārikamahāmattānaṃ vinicchayaṃ sutvā agatigamanaṃ pahāya majjhatto hutvā ‘‘evaṃ hotū’’ti anumodamāno tesañca vinicchayassa anulometi, porāṇassa ca rājadhammassa. Tattha rājā viya anulomañāṇaṃ, aṭṭha vohārikamahāmattā viya aṭṭha vipassanāñāṇāni, porāṇarājadhammo viya sattatiṃsa bodhipakkhiyadhammā, yathā rājā ‘‘evaṃ hotū’’ti anumodamāno vohārikānañca vinicchayassa rājadhammassa ca anulometi, evamidaṃ aniccādivasena saṅkhāre ārabbha uppajjamānānaṃ aṭṭhannañca vipassanāñāṇānaṃ tathakiccatāya anulometi, upari ca pattabbānaṃ sattatiṃsāya bodhipakkhiyadhammānaṃ. Tasmā anulomañāṇanti vuccati.

    10. б̣ахид̣̇д̇хаа вудтаанавивадданз бан̃н̃аа г̇од̇рабхун̃аан̣анд̇и зд̇т̇а б̣ахид̣̇д̇хаад̇и сан̇кааранимид̇д̇ам̣. д̇ан̃хи аж̇жхад̇д̇ажид̇д̇асанд̇аанз агусалагканд̇хз убаад̣̇ааяа б̣ахид̣̇д̇хаад̇и вуд̇д̇ам̣. д̇асмаа б̣ахид̣̇д̇хаа сан̇кааранимид̇д̇амхаа вудтаад̇и виг̇ад̇ам̣ худ̇ваа уд̣̇д̇хам̣ д̇идтад̇ийд̇и вудтаанам̣, виваддад̇и барааваддад̇и бараммукам̣ ход̇ийд̇и вивадданам̣, вудтаанан̃жа д̇ам̣ вивадданан̃жаад̇и вудтаанавивадданам̣. д̇знзвааха –

    10.Bahiddhāvuṭṭhānavivaṭṭane paññā gotrabhuñāṇanti ettha bahiddhāti saṅkhāranimittaṃ. Tañhi ajjhattacittasantāne akusalakkhandhe upādāya bahiddhāti vuttaṃ. Tasmā bahiddhā saṅkhāranimittamhā vuṭṭhāti vigataṃ hutvā uddhaṃ tiṭṭhatīti vuṭṭhānaṃ, vivaṭṭati parāvaṭṭati parammukhaṃ hotīti vivaṭṭanaṃ, vuṭṭhānañca taṃ vivaṭṭanañcāti vuṭṭhānavivaṭṭanaṃ. Tenevāha –

    ‘‘г̇од̇рабхун̃аан̣ам̣ самуд̣̇аяасса асамужчинд̣̇анад̇о бавад̇д̇аа на вудтаад̇и, ниб̣б̣аанаарамман̣ад̇о бана нимид̇д̇аа вудтаад̇ийд̇и згад̇о вудтаанам̣ ход̇ий’’д̇и (висуд̣̇д̇хи. 2.827).

    ‘‘Gotrabhuñāṇaṃ samudayassa asamucchindanato pavattā na vuṭṭhāti, nibbānārammaṇato pana nimittā vuṭṭhātīti ekato vuṭṭhānaṃ hotī’’ti (visuddhi. 2.827).

    бут̇уж̇ж̇анаг̇од̇д̇аабхибхаванад̇о арияаг̇од̇д̇абхааванад̇о г̇од̇рабху. ид̣̇ан̃хи ануломан̃аан̣зхи бад̣̇умабалаасад̇о уд̣̇агамива саб̣б̣асан̇каарад̇о бад̇илийяамаанажид̇д̇асса ануломан̃аан̣асса аасзвананд̇з анимид̇д̇ам̣ ниб̣б̣аанам̣ аарамман̣ам̣ гурумаанам̣ бут̇уж̇ж̇анаг̇од̇д̇ам̣ бут̇уж̇ж̇анасан̇кам̣ бут̇уж̇ж̇анабхуумим̣ ад̇иггамамаанам̣ арияаг̇од̇д̇ам̣ арияасан̇кам̣ арияабхуумим̣ оггамамаанам̣ ниб̣б̣аанаарамман̣з батамаавад̇д̇анабатамаабхог̇абатамасаманнаахаарабхууд̇ам̣ маг̇г̇асса ананд̇арасамананд̇араасзванаубаниссаяанад̇т̇ивиг̇ад̇авасзна чахи аагаарзхи бажжаяабхаавам̣ саад̇хаяамаанам̣ сикааббад̇д̇ам̣ вибассанааяа муд̣̇д̇хабхууд̇ам̣ абунараавад̇д̇агам̣ уббаж̇ж̇ад̇и.

    Puthujjanagottābhibhavanato ariyagottabhāvanato gotrabhu. Idañhi anulomañāṇehi padumapalāsato udakamiva sabbasaṅkhārato patilīyamānacittassa anulomañāṇassa āsevanante animittaṃ nibbānaṃ ārammaṇaṃ kurumānaṃ puthujjanagottaṃ puthujjanasaṅkhaṃ puthujjanabhūmiṃ atikkamamānaṃ ariyagottaṃ ariyasaṅkhaṃ ariyabhūmiṃ okkamamānaṃ nibbānārammaṇe paṭhamāvattanapaṭhamābhogapaṭhamasamannāhārabhūtaṃ maggassa anantarasamanantarāsevanaupanissayanatthivigatavasena chahi ākārehi paccayabhāvaṃ sādhayamānaṃ sikhāppattaṃ vipassanāya muddhabhūtaṃ apunarāvattakaṃ uppajjati.

    11. д̣̇убхад̇о вудтаанавивадданз бан̃н̃аа маг̇г̇з н̃аан̣анд̇и зд̇т̇а д̣̇убхад̇од̇и убхад̇о, д̣̇ваяад̇од̇и ваа вуд̇д̇ам̣ ход̇и. гилзсаанам̣ самужчинд̣̇анад̇о гилзсзхи жа д̇ад̣̇анувад̇д̇агагканд̇хзхи жа ниб̣б̣аанаарамман̣агаран̣ад̇о б̣ахид̣̇д̇хаа саб̣б̣асан̇кааранимид̇д̇зхи жа вудтаад̇и виваддад̇ийд̇и д̣̇убхад̇о вудтаанавивадданз бан̃н̃аа. д̇знзвааха –

    11.Dubhato vuṭṭhānavivaṭṭane paññā magge ñāṇanti ettha dubhatoti ubhato, dvayatoti vā vuttaṃ hoti. Kilesānaṃ samucchindanato kilesehi ca tadanuvattakakkhandhehi ca nibbānārammaṇakaraṇato bahiddhā sabbasaṅkhāranimittehi ca vuṭṭhāti vivaṭṭatīti dubhato vuṭṭhānavivaṭṭane paññā. Tenevāha –

    ‘‘жад̇д̇аариби маг̇г̇ан̃аан̣аани анимид̇д̇аарамман̣ад̇д̇аа нимид̇д̇ад̇о вудтаханд̇и, самуд̣̇аяасса самужчинд̣̇анад̇о бавад̇д̇аа вудтаханд̇ийд̇и д̣̇убхад̇о вудтаанаани хонд̇ий’’д̇и (висуд̣̇д̇хи. 2.827).

    ‘‘Cattāripi maggañāṇāni animittārammaṇattā nimittato vuṭṭhahanti, samudayassa samucchindanato pavattā vuṭṭhahantīti dubhato vuṭṭhānāni hontī’’ti (visuddhi. 2.827).

    маг̇г̇з н̃аан̣анд̇и ниб̣б̣аанам̣ маг̇г̇ад̇и бзгкад̇и, ниб̣б̣аанад̇т̇игзхи ваа маг̇г̇ийяад̇и анвзсийяад̇и, гилзсз ваа маарзнд̇о г̇ажчад̇и бавад̇д̇ад̇ийд̇и маг̇г̇о, д̇асмим̣ маг̇г̇з н̃аан̣ам̣. ж̇аад̇иг̇г̇ахан̣зна згаважанам̣ гад̇ам̣. д̇ан̃хи г̇од̇рабхун̃аан̣асса ананд̇арам̣ ниб̣б̣аанам̣ аарамман̣ам̣ гурумаанам̣ саяам̣важ̇жхз гилзсз ниравасзсам̣ самужчинд̣̇амаанам̣ анамад̇аг̇г̇асам̣саараваддад̣̇угкасамуд̣̇д̣̇ам̣ сосаяамаанам̣ саб̣б̣аабааяад̣̇ваараани бид̣̇ахамаанам̣ сад̇д̇аарияад̇ханасаммукийбхаавам̣ гурумаанам̣ адтан̇г̇игам̣ мижчаамаг̇г̇ам̣ баж̇ахамаанам̣ саб̣б̣авзрабхаяаани вуубасамаяамаанам̣ саммаасамб̣уд̣̇д̇хасса орасабуд̇д̇абхаавамубанаяамаанам̣ ан̃н̃аани жа анзгаани аанисам̣сасад̇аани бадилаабхаяамаанам̣ маг̇г̇ан̃аан̣ам̣ уббаж̇ж̇ад̇и.

    Magge ñāṇanti nibbānaṃ maggati pekkhati, nibbānatthikehi vā maggīyati anvesīyati, kilese vā mārento gacchati pavattatīti maggo, tasmiṃ magge ñāṇaṃ. Jātiggahaṇena ekavacanaṃ kataṃ. Tañhi gotrabhuñāṇassa anantaraṃ nibbānaṃ ārammaṇaṃ kurumānaṃ sayaṃvajjhe kilese niravasesaṃ samucchindamānaṃ anamataggasaṃsāravaṭṭadukkhasamuddaṃ sosayamānaṃ sabbāpāyadvārāni pidahamānaṃ sattaariyadhanasammukhībhāvaṃ kurumānaṃ aṭṭhaṅgikaṃ micchāmaggaṃ pajahamānaṃ sabbaverabhayāni vūpasamayamānaṃ sammāsambuddhassa orasaputtabhāvamupanayamānaṃ aññāni ca anekāni ānisaṃsasatāni paṭilābhayamānaṃ maggañāṇaṃ uppajjati.

    таад̇ум̣ ижчам̣ бурисо, лан̇гхид̇ваа маад̇игааяа барад̇ийрз;

    Ṭhātuṃ icchaṃ puriso, laṅghitvā mātikāya paratīre;

    взг̇знааг̇амма яат̇аа, г̇ан̣хид̇ваа оримад̇ирад̇аруб̣ад̣̇д̇хам̣.

    Vegenāgamma yathā, gaṇhitvā orimatiratarubaddhaṃ.

    раж̇ж̇ум̣ ваа д̣̇ан̣д̣ам̣ ваа, уллан̇гхид̇ваана баараниннад̇ану;

    Rajjuṃ vā daṇḍaṃ vā, ullaṅghitvāna pāraninnatanu;

    баараабанно бана д̇ам̣, мун̃жияа взд̇хам̣ бад̇идтахад̇и баарз.

    Pārāpanno pana taṃ, muñciya vedhaṃ patiṭṭhahati pāre.

    звам̣ яог̇ааважаро, саггааяамаяамхи оримз д̇ийрз;

    Evaṃ yogāvacaro, sakkāyamayamhi orime tīre;

    д̣̇идтабхаяо абхаяз бана, таад̇ум̣ ижчам̣ амад̇абаарз.

    Diṭṭhabhayo abhaye pana, ṭhātuṃ icchaṃ amatapāre.

    уд̣̇аяаб̣б̣аяаанубасса , бабхуд̇игавзг̇зна ааг̇ад̇о раж̇ж̇ум̣;

    Udayabbayānupassa , pabhutikavegena āgato rajjuṃ;

    руубаавхам̣ д̣̇ан̣д̣ам̣ ваа, д̇ад̣̇ид̇араканд̇хаавхаяам̣ саммаа.

    Rūpāvhaṃ daṇḍaṃ vā, taditarakhandhāvhayaṃ sammā.

    г̇ан̣хид̇ваа ааваж̇ж̇ана, жид̇д̇зна хи буб̣б̣авуд̇д̇анаяад̇ова;

    Gaṇhitvā āvajjana, cittena hi pubbavuttanayatova;

    ануломзхуллан̇гхияа, ниб̣б̣уд̇ининно д̇ад̣̇аасанобаг̇ад̇о.

    Anulomehullaṅghiya, nibbutininno tadāsanopagato.

    д̇ам̣ мун̃жияа г̇од̇рабхунаа, алад̣̇д̇хааасзванзна д̇у бавзд̇хам̣;

    Taṃ muñciya gotrabhunā, aladdhaāsevanena tu pavedhaṃ;

    бад̇ид̇о сан̇кад̇абаарз, д̇ад̇о бад̇идтаад̇и маг̇г̇ан̃аан̣зна.

    Patito saṅkhatapāre, tato patiṭṭhāti maggañāṇena.

    бассид̇угаамо жанд̣̇ам̣, жанд̣̇з чаннамхи аб̣бхабадалзхи;

    Passitukāmo candaṃ, cande channamhi abbhapaṭalehi;

    т̇улагасукумасукумзсу, аб̣бхзсу хадзсу вааяунаа гамад̇о.

    Thulakasukhumasukhumesu, abbhesu haṭesu vāyunā kamato.

    жанд̣̇ам̣ бассзяяа наро, яат̇аа д̇ат̇зваануломан̃аан̣зхи гамаа;

    Candaṃ passeyya naro, yathā tathevānulomañāṇehi kamā;

    сажжажчаад̣̇агамохз, винаасид̇з бзгкад̇з хи г̇од̇рабху амад̇ам̣.

    Saccacchādakamohe, vināsite pekkhate hi gotrabhu amataṃ.

    ваад̇аа вияа д̇з жанд̣̇ам̣, амад̇ам̣ на хи бзгкарзнуломаани;

    Vātā viya te candaṃ, amataṃ na hi pekkharenulomāni;

    бурисо аб̣бхаани яат̇аа, г̇од̇рабху на д̇амам̣ винод̣̇зд̇и.

    Puriso abbhāni yathā, gotrabhu na tamaṃ vinodeti.

    бхамид̇амхи жаггаяанд̇з, тид̇о наро ан̃н̃ад̣̇иннасан̃н̃ааяа;

    Bhamitamhi cakkayante, ṭhito naro aññadinnasaññāya;

    усубаад̇з палагасад̇ам̣, абзгкамаано яат̇аа виж̇жхз.

    Usupāte phalakasataṃ, apekkhamāno yathā vijjhe.

    звамид̇ха маг̇г̇ан̃аан̣ам̣, г̇од̇рабхунаа д̣̇иннасан̃н̃амавихааяа;

    Evamidha maggañāṇaṃ, gotrabhunā dinnasaññamavihāya;

    ниб̣б̣аанз вад̇д̇анд̇ам̣, лобхагканд̇хаад̣̇игз бад̣̇аалзд̇и.

    Nibbāne vattantaṃ, lobhakkhandhādike padāleti.

    сам̣саарад̣̇угкаж̇алад̇хим̣ , сосаяад̇и бид̣̇ахад̇и д̣̇уг̇г̇ад̇ид̣̇ваарам̣;

    Saṃsāradukkhajaladhiṃ , sosayati pidahati duggatidvāraṃ;

    гуруд̇з жа арияад̇ханинам̣, мижчаамаг̇г̇ан̃жа баж̇ахаад̇и.

    Kurute ca ariyadhaninaṃ, micchāmaggañca pajahāti.

    взрабхаяаани самаяад̇з, гарод̇и наат̇асса орасасуд̇ад̇д̇ам̣;

    Verabhayāni samayate, karoti nāthassa orasasutattaṃ;

    ан̃н̃з жа анзгасад̇з, аанийсам̣сз д̣̇ад̣̇аад̇и н̃аан̣амид̣̇анд̇и.

    Aññe ca anekasate, ānīsaṃse dadāti ñāṇamidanti.

    12. баяог̇аббадиббассад̣̇д̇хибан̃н̃аа палз н̃аан̣анд̇и зд̇т̇а баяог̇од̇и бхусо яог̇о, паласажчигирияааяа маг̇г̇абхааванааяа убхад̇о вудтаанабаяог̇о, д̇асса баяог̇асса бадиббассамбханам̣ нидтаанам̣ баяог̇абадиббассад̣̇д̇хи. гим̣ д̇ам̣? жад̇умаг̇г̇агижжабарияосаанам̣. д̇ассаа баяог̇абадиббассад̣̇д̇хияаа хзд̇убхууд̇ааяа бавад̇д̇аа палз бан̃н̃аа баяог̇аббадиббассад̣̇д̇хибан̃н̃аа. палад̇и вибажжад̇ийд̇и палам̣, д̇асмим̣ палз д̇ам̣самбаяуд̇д̇ам̣ н̃аан̣ам̣. згзгасса хи маг̇г̇ан̃аан̣асса ананд̇араа д̇асса д̇ассзва вибаагабхууд̇аани ниб̣б̣аанаарамман̣аани д̇ийн̣и ваа д̣̇вз ваа згам̣ ваа палажид̇д̇аани уббаж̇ж̇анд̇и. ананд̇аравибаагад̇д̇ааязва логуд̇д̇арагусалаанам̣ ‘‘самаад̇химаананд̇ариган̃н̃амаахуу’’д̇и (ку. баа. 6.5; су. ни. 228) жа, ‘‘д̣̇анд̇хам̣ аананд̇аригам̣ баабун̣аад̇и аасаваанам̣ каяааяаа’’д̇и (а. ни. 4.162) жа аад̣̇и вуд̇д̇ам̣. яасса д̣̇вз ануломаани, д̇асса д̇ад̇ияам̣ г̇од̇рабху, жад̇уд̇т̇ам̣ маг̇г̇ажид̇д̇ам̣, д̇ийн̣и палажид̇д̇аани хонд̇и. яасса д̇ийн̣и ануломаани, д̇асса жад̇уд̇т̇ам̣ г̇од̇рабху, бан̃жамам̣ маг̇г̇ажид̇д̇ам̣, д̣̇вз палажид̇д̇аани хонд̇и. яасса жад̇д̇аари ануломаани, д̇асса бан̃жамам̣ г̇од̇рабху, чадтам̣ маг̇г̇ажид̇д̇ам̣, згам̣ палажид̇д̇ам̣ ход̇и. ид̣̇ам̣ маг̇г̇авийт̇ияам̣ палам̣. гааланд̇арапалам̣ бана самаабад̇д̇ивасзна уббаж̇ж̇амаанам̣ нирод̇хаа вудтаханд̇асса уббаж̇ж̇амаанан̃жа зд̇знзва сан̇г̇ахид̇ам̣.

    12.Payogappaṭippassaddhipaññā phale ñāṇanti ettha payogoti bhuso yogo, phalasacchikiriyāya maggabhāvanāya ubhato vuṭṭhānapayogo, tassa payogassa paṭippassambhanaṃ niṭṭhānaṃ payogapaṭippassaddhi. Kiṃ taṃ? Catumaggakiccapariyosānaṃ. Tassā payogapaṭippassaddhiyā hetubhūtāya pavattā phale paññā payogappaṭippassaddhipaññā. Phalati vipaccatīti phalaṃ, tasmiṃ phale taṃsampayuttaṃ ñāṇaṃ. Ekekassa hi maggañāṇassa anantarā tassa tasseva vipākabhūtāni nibbānārammaṇāni tīṇi vā dve vā ekaṃ vā phalacittāni uppajjanti. Anantaravipākattāyeva lokuttarakusalānaṃ ‘‘samādhimānantarikaññamāhū’’ti (khu. pā. 6.5; su. ni. 228) ca, ‘‘dandhaṃ ānantarikaṃ pāpuṇāti āsavānaṃ khayāyā’’ti (a. ni. 4.162) ca ādi vuttaṃ. Yassa dve anulomāni, tassa tatiyaṃ gotrabhu, catutthaṃ maggacittaṃ, tīṇi phalacittāni honti. Yassa tīṇi anulomāni, tassa catutthaṃ gotrabhu, pañcamaṃ maggacittaṃ, dve phalacittāni honti. Yassa cattāri anulomāni, tassa pañcamaṃ gotrabhu, chaṭṭhaṃ maggacittaṃ, ekaṃ phalacittaṃ hoti. Idaṃ maggavīthiyaṃ phalaṃ. Kālantaraphalaṃ pana samāpattivasena uppajjamānaṃ nirodhā vuṭṭhahantassa uppajjamānañca eteneva saṅgahitaṃ.

    13. чиннавадумаанубассанз бан̃н̃аад̇и д̇зна д̇зна арияамаг̇г̇зна самужчиннам̣ д̇ам̣ д̇ам̣ убаггилзсам̣ бажчаа бассанз бан̃н̃аа. вимуд̇д̇ин̃аан̣анд̇и вимуд̇д̇ияаа н̃аан̣ам̣. вимуд̇д̇ийд̇и жа убаггилзсзхи вимуд̇д̇ам̣ барисуд̣̇д̇хам̣ жид̇д̇ам̣, вимуд̇д̇абхааво ваа. д̇ассаа вимуд̇д̇ияаа ж̇аананам̣ н̃аан̣ам̣ вимуд̇д̇ин̃аан̣ам̣. гилзсзхи вимуд̇д̇ам̣ жид̇д̇асанд̇ад̇имби гилзсзхи вимуд̇д̇абхаавамби бажжавзгканд̇о гилзсзхи на винаа бажжавзгкад̇ийд̇и зд̇зна бахийнагилзсабажжавзгкан̣ам̣ вуд̇д̇ам̣ ход̇и. ‘‘вимуд̇д̇асмим̣ вимуд̇д̇амид̇и н̃аан̣ам̣ ход̇ий’’д̇и (махаава. 23; д̣̇ий. ни. 1.248) хи ид̣̇амзва санд̇хааяа вуд̇д̇ам̣. авасидтагилзсабажжавзгкан̣ам̣ бана авуд̇д̇амби иминаава вуд̇д̇ам̣ ход̇ийд̇и г̇ахзд̇аб̣б̣ам̣. вуд̇д̇ан̃жа –

    13.Chinnavaṭumānupassane paññāti tena tena ariyamaggena samucchinnaṃ taṃ taṃ upakkilesaṃ pacchā passane paññā. Vimuttiñāṇanti vimuttiyā ñāṇaṃ. Vimuttīti ca upakkilesehi vimuttaṃ parisuddhaṃ cittaṃ, vimuttabhāvo vā. Tassā vimuttiyā jānanaṃ ñāṇaṃ vimuttiñāṇaṃ. Kilesehi vimuttaṃ cittasantatimpi kilesehi vimuttabhāvampi paccavekkhanto kilesehi na vinā paccavekkhatīti etena pahīnakilesapaccavekkhaṇaṃ vuttaṃ hoti. ‘‘Vimuttasmiṃ vimuttamiti ñāṇaṃ hotī’’ti (mahāva. 23; dī. ni. 1.248) hi idameva sandhāya vuttaṃ. Avasiṭṭhakilesapaccavekkhaṇaṃ pana avuttampi imināva vuttaṃ hotīti gahetabbaṃ. Vuttañca –

    ‘‘вуд̇д̇амхи згад̇хаммз, яз д̇хаммаа згалагкан̣аа д̇зна;

    ‘‘Vuttamhi ekadhamme, ye dhammā ekalakkhaṇā tena;

    вуд̇д̇аа бхаванд̇и саб̣б̣з, ид̇и вуд̇д̇о лагкан̣о хааро’’д̇и. (нзд̇д̇и. 4.5 нид̣̇д̣̇зсаваара);

    Vuttā bhavanti sabbe, iti vutto lakkhaṇo hāro’’ti. (netti. 4.5 niddesavāra);

    ат̇а ваа арахад̇о авасидтагилзсабажжавзгкан̣аабхааваа жад̇уннам̣ арияаанам̣ лаб̣бхамаанам̣ бахийнагилзсабажжавзгкан̣амзва вуд̇д̇анд̇и взд̣̇ид̇аб̣б̣ам̣.

    Atha vā arahato avasiṭṭhakilesapaccavekkhaṇābhāvā catunnaṃ ariyānaṃ labbhamānaṃ pahīnakilesapaccavekkhaṇameva vuttanti veditabbaṃ.

    14. д̇ад̣̇аа самуд̣̇ааг̇ад̇з д̇хаммз бассанз бан̃н̃аад̇и д̇ад̣̇аа маг̇г̇агкан̣з палагкан̣з жа самуд̣̇ааг̇ад̇з бадилаабхавасзна жа бадивзд̇хавасзна жа самааг̇ад̇з самбад̇д̇з саман̇г̇ибхууд̇з маг̇г̇апалад̇хаммз жад̇усажжад̇хаммз жа бассанаа бзгкан̣аа баж̇аананаа бан̃н̃аа. бажжавзгкан̣з н̃аан̣анд̇и нивад̇д̇ид̇ваа бхусам̣ бассанам̣ ж̇аананам̣ н̃аан̣ам̣. иминаа жа н̃аан̣ад̣̇ваязна бажжавзгкан̣ан̃аан̣аани вуд̇д̇аани хонд̇и. сод̇аабаннасса хи маг̇г̇авийт̇ияам̣ сод̇аабад̇д̇ипалабарияосаанз жид̇д̇ам̣ бхаван̇г̇ам̣ од̇арад̇и, д̇ад̇о бхаван̇г̇ам̣ убажчинд̣̇ид̇ваа маг̇г̇абажжавзгкан̣ад̇т̇ааяа манод̣̇ваарааваж̇ж̇анам̣ уббаж̇ж̇ад̇и, д̇асмим̣ нируд̣̇д̇хз бадибаадияаа сад̇д̇а маг̇г̇абажжавзгкан̣аж̇аванаанийд̇и. буна бхаван̇г̇ам̣ од̇арид̇ваа д̇знзва наязна палаад̣̇ийнам̣ бажжавзгкан̣ад̇т̇ааяа ааваж̇ж̇анаад̣̇ийни уббаж̇ж̇анд̇и. язсам̣ уббад̇д̇ияаа зса маг̇г̇ам̣ бажжавзгкад̇и, палам̣ бажжавзгкад̇и, бахийнагилзсз бажжавзгкад̇и, авасидтагилзсз бажжавзгкад̇и, ниб̣б̣аанам̣ бажжавзгкад̇и. со хи ‘‘иминаа вад̇аахам̣ маг̇г̇зна ааг̇ад̇о’’д̇и маг̇г̇ам̣ бажжавзгкад̇и, д̇ад̇о ‘‘аяам̣ мз аанисам̣со лад̣̇д̇хо’’д̇и палам̣ бажжавзгкад̇и, д̇ад̇о ‘‘имз наама мз гилзсаа бахийнаа’’д̇и бахийнагилзсз бажжавзгкад̇и, д̇ад̇о ‘‘имз наама мз гилзсаа авасидтаа’’д̇и убаримаг̇г̇аваж̇жхз гилзсз бажжавзгкад̇и, авасаанз ‘‘аяам̣ мз д̇хаммо аарамман̣ад̇о бадилад̣̇д̇хо’’д̇и амад̇ам̣ ниб̣б̣аанам̣ бажжавзгкад̇и. ид̇и сод̇аабаннасса арияасаавагасса бан̃жа бажжавзгкан̣аани хонд̇и. яат̇аа жа сод̇аабаннасса, звам̣ сагад̣̇ааг̇аамианааг̇аамийнамби. арахад̇о бана авасидтагилзсабажжавзгкан̣ам̣ наама над̇т̇ийд̇и жад̇д̇аариязва бажжавзгкан̣аани. звам̣ саб̣б̣аани згуунавийсад̇и бажжавзгкан̣ан̃аан̣аани. уггадтабарижчзд̣̇оязва жзсо. бахийнаавасидтагилзсабажжавзгкан̣ам̣ сзгкаанам̣ ход̇и ваа на ваа. д̇асса хи абхаавад̇оязва махаанаамо сагго бхаг̇аванд̇ам̣ бужчи ‘‘госу наама мз д̇хаммо аж̇жхад̇д̇ам̣ аббахийно, язна мз згад̣̇аа лобхад̇хаммааби жид̇д̇ам̣ барияаад̣̇ааяа д̇идтанд̇ий’’д̇иаад̣̇и (ма. ни. 1.175).

    14.Tadā samudāgate dhamme passane paññāti tadā maggakkhaṇe phalakkhaṇe ca samudāgate paṭilābhavasena ca paṭivedhavasena ca samāgate sampatte samaṅgibhūte maggaphaladhamme catusaccadhamme ca passanā pekkhaṇā pajānanā paññā. Paccavekkhaṇe ñāṇanti nivattitvā bhusaṃ passanaṃ jānanaṃ ñāṇaṃ. Iminā ca ñāṇadvayena paccavekkhaṇañāṇāni vuttāni honti. Sotāpannassa hi maggavīthiyaṃ sotāpattiphalapariyosāne cittaṃ bhavaṅgaṃ otarati, tato bhavaṅgaṃ upacchinditvā maggapaccavekkhaṇatthāya manodvārāvajjanaṃ uppajjati, tasmiṃ niruddhe paṭipāṭiyā satta maggapaccavekkhaṇajavanānīti. Puna bhavaṅgaṃ otaritvā teneva nayena phalādīnaṃ paccavekkhaṇatthāya āvajjanādīni uppajjanti. Yesaṃ uppattiyā esa maggaṃ paccavekkhati, phalaṃ paccavekkhati, pahīnakilese paccavekkhati, avasiṭṭhakilese paccavekkhati, nibbānaṃ paccavekkhati. So hi ‘‘iminā vatāhaṃ maggena āgato’’ti maggaṃ paccavekkhati, tato ‘‘ayaṃ me ānisaṃso laddho’’ti phalaṃ paccavekkhati, tato ‘‘ime nāma me kilesā pahīnā’’ti pahīnakilese paccavekkhati, tato ‘‘ime nāma me kilesā avasiṭṭhā’’ti uparimaggavajjhe kilese paccavekkhati, avasāne ‘‘ayaṃ me dhammo ārammaṇato paṭiladdho’’ti amataṃ nibbānaṃ paccavekkhati. Iti sotāpannassa ariyasāvakassa pañca paccavekkhaṇāni honti. Yathā ca sotāpannassa, evaṃ sakadāgāmianāgāmīnampi. Arahato pana avasiṭṭhakilesapaccavekkhaṇaṃ nāma natthīti cattāriyeva paccavekkhaṇāni. Evaṃ sabbāni ekūnavīsati paccavekkhaṇañāṇāni. Ukkaṭṭhaparicchedoyeva ceso. Pahīnāvasiṭṭhakilesapaccavekkhaṇaṃ sekkhānaṃ hoti vā na vā. Tassa hi abhāvatoyeva mahānāmo sakko bhagavantaṃ pucchi ‘‘kosu nāma me dhammo ajjhattaṃ appahīno, yena me ekadā lobhadhammāpi cittaṃ pariyādāya tiṭṭhantī’’tiādi (ma. ni. 1.175).

    зд̇т̇а д̇хаммадтид̇ин̃аан̣аад̣̇ийнам̣ згаад̣̇асаннам̣ н̃аан̣аанам̣ вибхааванад̇т̇ааяа аяам̣ убамаа взд̣̇ид̇аб̣б̣аа – яат̇аа бурисо ‘‘мажчз г̇ахзссаамий’’д̇и мажчакиббам̣ г̇ахзд̇ваа д̇ад̣̇ануруубз уд̣̇агз осаарзд̇ваа киббамукзна хад̇т̇ам̣ од̇аарзд̇ваа анд̇оуд̣̇агз ган̣хасаббам̣ мажчасан̃н̃ааяа г̇ийвааяа д̣̇ал̣хам̣ г̇ахзд̇ваа ‘‘махаа вад̇а маяаа мажчо лад̣̇д̇хо’’д̇и д̇удто угкибид̇ваа бассанд̇о совад̇т̇игад̇д̇аяад̣̇ассанзна ‘‘саббо’’д̇и сан̃ж̇аанид̇ваа бхийд̇о аад̣̇ийнавам̣ д̣̇исваа г̇ахан̣з ниб̣б̣инно мун̃жид̇угаамо худ̇ваа мун̃жанасса убааяам̣ гаронд̇о аг̇г̇анан̇г̇удтад̇о бадтааяа хад̇т̇ам̣ ниб̣б̣зтзд̇ваа б̣аахам̣ угкибид̇ваа убарисийсз д̣̇вз д̇аяо ваарз бариб̣бхамзд̇ваа саббам̣ д̣̇уб̣б̣алам̣ гад̇ваа ‘‘г̇ажча рз д̣̇удтасаббаа’’д̇и ниссаж̇ж̇ид̇ваа взг̇зна т̇алам̣ ааруяха тид̇ова ‘‘маханд̇асса вад̇а бхо саббасса мукад̇о муд̇д̇омхий’’д̇и хадто ааг̇ад̇амаг̇г̇ам̣ ологзяяа.

    Ettha dhammaṭṭhitiñāṇādīnaṃ ekādasannaṃ ñāṇānaṃ vibhāvanatthāya ayaṃ upamā veditabbā – yathā puriso ‘‘macche gahessāmī’’ti macchakhippaṃ gahetvā tadanurūpe udake osāretvā khippamukhena hatthaṃ otāretvā antoudake kaṇhasappaṃ macchasaññāya gīvāya daḷhaṃ gahetvā ‘‘mahā vata mayā maccho laddho’’ti tuṭṭho ukkhipitvā passanto sovatthikattayadassanena ‘‘sappo’’ti sañjānitvā bhīto ādīnavaṃ disvā gahaṇe nibbinno muñcitukāmo hutvā muñcanassa upāyaṃ karonto agganaṅguṭṭhato paṭṭhāya hatthaṃ nibbeṭhetvā bāhaṃ ukkhipitvā uparisīse dve tayo vāre paribbhametvā sappaṃ dubbalaṃ katvā ‘‘gaccha re duṭṭhasappā’’ti nissajjitvā vegena thalaṃ āruyha ṭhitova ‘‘mahantassa vata bho sappassa mukhato muttomhī’’ti haṭṭho āgatamaggaṃ olokeyya.

    д̇ад̇т̇а д̇асса бурисасса мажчасан̃н̃ааяа ган̣хасаббам̣ д̣̇ал̣хам̣ г̇ахзд̇ваа д̇уссанам̣ вияа имасса яог̇ино аад̣̇ид̇о б̣аалабут̇уж̇ж̇анасса анижжад̇аад̣̇ивасзна бхаяаанагам̣ канд̇хабан̃жагам̣ нижжаад̣̇исан̃н̃ааяа ‘‘ахам̣ мамаа’’д̇и д̣̇идтид̇ан̣хаахи д̣̇ал̣хам̣ г̇ахзд̇ваа д̇уссанам̣, д̇асса киббамукад̇о саббам̣ нийхарид̇ваа совад̇т̇игад̇д̇аяам̣ д̣̇исваа ‘‘саббо’’д̇и сан̃ж̇аананам̣ вияа саббажжаяанаамаруубабариг̇г̇ахзна гханавиниб̣бхог̇ам̣ гад̇ваа галаабасаммасанаад̣̇ийхи н̃аан̣зхи канд̇хабан̃жагасса анижжад̇аад̣̇илагкан̣ад̇д̇аяам̣ д̣̇исваа ‘‘анижжам̣ д̣̇угкаманад̇д̇аа’’д̇и д̇асса вавад̇т̇аабанам̣ , д̇асса бхааяанам̣ вияа имасса бхаяад̇убадтаанан̃аан̣ам̣, саббз аад̣̇ийнавад̣̇ассанам̣ вияа аад̣̇ийнаваанубассанаан̃аан̣ам̣, саббаг̇ахан̣з ниб̣б̣инд̣̇анам̣ вияа ниб̣б̣ид̣̇аанубассанаан̃аан̣ам̣, саббам̣ мун̃жид̇угаамад̇аа вияа мун̃жид̇угамяад̇аан̃аан̣ам̣, мун̃жанасса убааяагаран̣ам̣ вияа бадисан̇каанубассанаан̃аан̣ам̣, саббам̣ бариб̣бхамзд̇ваа д̣̇уб̣б̣алам̣ гад̇ваа нивад̇д̇ид̇ваа д̣ам̣сид̇ум̣ асамад̇т̇абхаавабаабанам̣ вияа д̇илагкан̣ааробанзна сан̇каарубзгкаануломан̃аан̣зхи сан̇каарз бариб̣бхамзд̇ваа д̣̇уб̣б̣алам̣ гад̇ваа буна нижжасукад̇д̇аагаарзна убадтаад̇ум̣ асамад̇т̇ад̇аабаабанам̣, саббависсаж̇ж̇анам̣ вияа г̇од̇рабхун̃аан̣ам̣, саббам̣ виссаж̇ж̇зд̇ваа т̇алам̣ ааруяха таанам̣ вияа ниб̣б̣аанат̇алам̣ ааруяха тид̇ам̣ маг̇г̇апалан̃аан̣ам̣, хадтасса ааг̇ад̇амаг̇г̇ологанам̣ вияа маг̇г̇аад̣̇ибажжавзгкан̣ан̃аан̣анд̇и.

    Tattha tassa purisassa macchasaññāya kaṇhasappaṃ daḷhaṃ gahetvā tussanaṃ viya imassa yogino ādito bālaputhujjanassa aniccatādivasena bhayānakaṃ khandhapañcakaṃ niccādisaññāya ‘‘ahaṃ mamā’’ti diṭṭhitaṇhāhi daḷhaṃ gahetvā tussanaṃ, tassa khippamukhato sappaṃ nīharitvā sovatthikattayaṃ disvā ‘‘sappo’’ti sañjānanaṃ viya sappaccayanāmarūpapariggahena ghanavinibbhogaṃ katvā kalāpasammasanādīhi ñāṇehi khandhapañcakassa aniccatādilakkhaṇattayaṃ disvā ‘‘aniccaṃ dukkhamanattā’’ti tassa vavatthāpanaṃ , tassa bhāyanaṃ viya imassa bhayatupaṭṭhānañāṇaṃ, sappe ādīnavadassanaṃ viya ādīnavānupassanāñāṇaṃ, sappagahaṇe nibbindanaṃ viya nibbidānupassanāñāṇaṃ, sappaṃ muñcitukāmatā viya muñcitukamyatāñāṇaṃ, muñcanassa upāyakaraṇaṃ viya paṭisaṅkhānupassanāñāṇaṃ, sappaṃ paribbhametvā dubbalaṃ katvā nivattitvā ḍaṃsituṃ asamatthabhāvapāpanaṃ viya tilakkhaṇāropanena saṅkhārupekkhānulomañāṇehi saṅkhāre paribbhametvā dubbalaṃ katvā puna niccasukhattākārena upaṭṭhātuṃ asamatthatāpāpanaṃ, sappavissajjanaṃ viya gotrabhuñāṇaṃ, sappaṃ vissajjetvā thalaṃ āruyha ṭhānaṃ viya nibbānathalaṃ āruyha ṭhitaṃ maggaphalañāṇaṃ, haṭṭhassa āgatamaggolokanaṃ viya maggādipaccavekkhaṇañāṇanti.

    имзсан̃жа суд̇амаяан̃аан̣аад̣̇ийнам̣ жуд̣̇д̣̇асаннам̣ н̃аан̣аанам̣ уббад̇д̇иггамзна бадибад̇д̇иггамзна жа д̣̇зсанаггамасса гад̇ад̇д̇аа бажжавзгкан̣зсу батамам̣ гилзсабажжавзгкан̣ам̣ ход̇и, д̇ад̇о маг̇г̇апаланиб̣б̣аанабажжавзгкан̣аанийд̇и взд̣̇ид̇аб̣б̣ам̣.

    Imesañca sutamayañāṇādīnaṃ cuddasannaṃ ñāṇānaṃ uppattikkamena paṭipattikkamena ca desanakkamassa katattā paccavekkhaṇesu paṭhamaṃ kilesapaccavekkhaṇaṃ hoti, tato maggaphalanibbānapaccavekkhaṇānīti veditabbaṃ.

    ‘‘логуд̇д̇арам̣ жхаанам̣ бхаавзд̇и нияяаанигам̣ абажаяаг̇аамим̣ д̣̇идтиг̇ад̇аанам̣ бахаанааяа, гаамарааг̇аб̣яаабаад̣̇аанам̣ д̇анубхаавааяа, гаамарааг̇аб̣яаабаад̣̇аанам̣ анавасзсаббахаанааяа, руубарааг̇ааруубарааг̇амаанауд̣̇д̇хажжаавиж̇ж̇аанам̣ анавасзсаббахаанааяаа’’д̇и (д̇ха. са. 277, 361-363) жа гилзсаббахаанам̣язва ад̇хигам̣ гад̇ваа маг̇г̇абадибад̇д̇ияаа вуд̇д̇ад̇д̇аа бадибад̇д̇аануруубзнзва гилзсабажжавзгкан̣асса аад̣̇ибхааво яуж̇ж̇ад̇и, адтагат̇ааяам̣ вуд̇д̇аггамо бана д̣̇ассид̇оязва. со бана гамо бан̃жавид̇хо уббад̇д̇иггамо бахаанаггамо бадибад̇д̇иггамо бхуумиггамо д̣̇зсанаггамод̇и.

    ‘‘Lokuttaraṃ jhānaṃ bhāveti niyyānikaṃ apacayagāmiṃ diṭṭhigatānaṃ pahānāya, kāmarāgabyāpādānaṃ tanubhāvāya, kāmarāgabyāpādānaṃ anavasesappahānāya, rūparāgaarūparāgamānauddhaccaavijjānaṃ anavasesappahānāyā’’ti (dha. sa. 277, 361-363) ca kilesappahānaṃyeva adhikaṃ katvā maggapaṭipattiyā vuttattā paṭipattānurūpeneva kilesapaccavekkhaṇassa ādibhāvo yujjati, aṭṭhakathāyaṃ vuttakkamo pana dassitoyeva. So pana kamo pañcavidho uppattikkamo pahānakkamo paṭipattikkamo bhūmikkamo desanakkamoti.

    ‘‘батамам̣ галалам̣ ход̇и, галалаа ход̇и аб̣б̣уд̣̇ам̣;

    ‘‘Paṭhamaṃ kalalaṃ hoti, kalalā hoti abbudaṃ;

    аб̣б̣уд̣̇аа ж̇ааяад̇з бзси, бзси ниб̣б̣ад̇д̇ад̇ий гхано’’д̇и. (сам̣. ни. 1.235) –

    Abbudā jāyate pesi, pesi nibbattatī ghano’’ti. (saṃ. ni. 1.235) –

    звамаад̣̇и уббад̇д̇иггамо. ‘‘д̣̇ассанзна бахаад̇аб̣б̣аа д̇хаммаа, бхааванааяа бахаад̇аб̣б̣аа д̇хаммаа’’д̇и (д̇ха. са. д̇игамаад̇игаа 8) звамаад̣̇и бахаанаггамо. ‘‘сийлависуд̣̇д̇хи жид̇д̇ависуд̣̇д̇хи д̣̇идтивисуд̣̇д̇хи ган̇каавид̇аран̣ависуд̣̇д̇хи маг̇г̇аамаг̇г̇ан̃аан̣ад̣̇ассанависуд̣̇д̇хи бадибад̣̇аан̃аан̣ад̣̇ассанависуд̣̇д̇хи н̃аан̣ад̣̇ассанависуд̣̇д̇хий’’д̇и звамаад̣̇и бадибад̇д̇иггамо. ‘‘гаамааважараа д̇хаммаа, руубааважараа д̇хаммаа, аруубааважараа д̇хаммаа’’д̇и (д̇ха. са. д̣̇угамаад̇игаа 93-95) звамаад̣̇и бхуумиггамо. ‘‘жад̇д̇ааро сад̇ибадтаанаа жад̇д̇ааро саммаббад̇хаанаа жад̇д̇ааро ид̣̇д̇хибаад̣̇аа бан̃жинд̣̇рияаани бан̃жа б̣алаани сад̇д̇а б̣ож̇жхан̇г̇аа арияо адтан̇г̇иго маг̇г̇о’’д̇и (ма. ни. 3.43; махаани. 191; жуул̣ани. мзд̇д̇аг̇уумаан̣авабужчаанид̣̇д̣̇зса 22) ваа, ‘‘анубуб̣б̣игат̇ам̣ гат̇зси. сзяяат̇ид̣̇ам̣ – д̣̇аанагат̇ам̣ сийлагат̇ам̣ саг̇г̇агат̇ам̣ гаамаанам̣ аад̣̇ийнавам̣ огаарам̣ сам̣гилзсам̣ нзгкаммз аанисам̣сам̣ багаасзсий’’д̇и (махаава. 31; д̣̇ий. ни. 1.298; 2.83) ваа звамаад̣̇и д̣̇зсанаггамо. ид̇ха бана жуд̣̇д̣̇асаннам̣ н̃аан̣аанам̣ уббад̇д̇иггамо бадибад̇д̇иггамо жа д̇ад̣̇убхаяавасзна бадибаадияаа д̣̇зсид̇ад̇д̇аа д̣̇зсанаггамо жаад̇и д̇аяо гамаа взд̣̇ид̇аб̣б̣аа.

    Evamādi uppattikkamo. ‘‘Dassanena pahātabbā dhammā, bhāvanāya pahātabbā dhammā’’ti (dha. sa. tikamātikā 8) evamādi pahānakkamo. ‘‘Sīlavisuddhi cittavisuddhi diṭṭhivisuddhi kaṅkhāvitaraṇavisuddhi maggāmaggañāṇadassanavisuddhi paṭipadāñāṇadassanavisuddhi ñāṇadassanavisuddhī’’ti evamādi paṭipattikkamo. ‘‘Kāmāvacarā dhammā, rūpāvacarā dhammā, arūpāvacarā dhammā’’ti (dha. sa. dukamātikā 93-95) evamādi bhūmikkamo. ‘‘Cattāro satipaṭṭhānā cattāro sammappadhānā cattāro iddhipādā pañcindriyāni pañca balāni satta bojjhaṅgā ariyo aṭṭhaṅgiko maggo’’ti (ma. ni. 3.43; mahāni. 191; cūḷani. mettagūmāṇavapucchāniddesa 22) vā, ‘‘anupubbikathaṃ kathesi. Seyyathidaṃ – dānakathaṃ sīlakathaṃ saggakathaṃ kāmānaṃ ādīnavaṃ okāraṃ saṃkilesaṃ nekkhamme ānisaṃsaṃ pakāsesī’’ti (mahāva. 31; dī. ni. 1.298; 2.83) vā evamādi desanakkamo. Idha pana cuddasannaṃ ñāṇānaṃ uppattikkamo paṭipattikkamo ca tadubhayavasena paṭipāṭiyā desitattā desanakkamo cāti tayo kamā veditabbā.

    15. ид̣̇аани яасмаа хздтаа саруубзна наамаруубававад̇т̇аанан̃аан̣ам̣ на вуд̇д̇ам̣, д̇асмаа бан̃жад̇хаа наамаруубаббабхзд̣̇ам̣ д̣̇ассзд̇ум̣ аж̇жхад̇д̇ававад̇т̇аанз бан̃н̃аа вад̇т̇унаанад̇д̇з н̃аан̣анд̇иаад̣̇ийни бан̃жа н̃аан̣аани уд̣̇д̣̇идтаани. сагалз хи наамаруубз вуд̇д̇з яам̣ бариг̇г̇ахзд̇ум̣ саггаа, яан̃жа бариг̇г̇ахзд̇аб̣б̣ам̣, д̇ам̣ бариг̇г̇ахзссад̇и. логуд̇д̇аранааман̃хи бариг̇г̇ахзд̇ун̃жа на саггаа анад̇хиг̇ад̇ад̇д̇аа, на жа бариг̇г̇ахзд̇аб̣б̣ам̣ авибассануубаг̇ад̇д̇аа. д̇ад̇т̇а аж̇жхад̇д̇ававад̇т̇аанзд̇и ‘‘звам̣ бавад̇д̇амаанаа маяам̣ ад̇д̇аад̇и г̇ахан̣ам̣ г̇амиссаамаа’’д̇и иминаа вияа ад̇хиббааязна ад̇д̇аанам̣ ад̇хигаарам̣ гад̇ваа бавад̇д̇аад̇и аж̇жхад̇д̇аа. аж̇жхад̇д̇асад̣̇д̣̇о банааяам̣ г̇ожараж̇жхад̇д̇з нияагаж̇жхад̇д̇з аж̇жхад̇д̇аж̇жхад̇д̇з висаяаж̇жхад̇д̇зд̇и жад̇уусу ад̇т̇зсу д̣̇иссад̇и . ‘‘д̇зна, аананд̣̇а, бхигкунаа д̇асмим̣язва буримасмим̣ самаад̇хинимид̇д̇з аж̇жхад̇д̇амзва жид̇д̇ам̣ сан̣табзд̇аб̣б̣ам̣, аж̇жхад̇д̇арад̇о самаахид̇о’’д̇иаад̣̇ийсу (д̇ха. ба. 362) хи аяам̣ г̇ожараж̇жхад̇д̇з д̣̇иссад̇и. ‘‘аж̇жхад̇д̇ам̣ самбасаад̣̇анам̣ (д̣̇ий. ни. 1.228; д̇ха. са. 161), аж̇жхад̇д̇ам̣ ваа д̇хаммзсу д̇хаммаанубассий вихарад̇ий’’д̇иаад̣̇ийсу (д̣̇ий. ни. 2.373) нияагаж̇жхад̇д̇з. ‘‘ча аж̇жхад̇д̇игаани ааяад̇анаани, аж̇жхад̇д̇игаа д̇хаммаа’’д̇иаад̣̇ийсу (д̇ха. са. д̇игамаад̇игаа 20) аж̇жхад̇д̇аж̇жхад̇д̇з. ‘‘аяам̣ ко, банаананд̣̇а, вихааро д̇ат̇ааг̇ад̇зна абхисамб̣уд̣̇д̇хо яад̣̇ид̣̇ам̣ саб̣б̣анимид̇д̇аанам̣ аманасигаараа аж̇жхад̇д̇ам̣ сун̃н̃ад̇ам̣ убасамбаж̇ж̇а вихарад̇ий’’д̇иаад̣̇ийсу (ма. ни. 3.187) висаяаж̇жхад̇д̇з, иссарияадтаанзд̇и ад̇т̇о. паласамаабад̇д̇и хи б̣уд̣̇д̇хаанам̣ иссарияадтаанам̣ наама. ид̇ха бана аж̇жхад̇д̇аж̇жхад̇д̇з д̣̇адтаб̣б̣о. д̇зсам̣ аж̇жхад̇д̇аанам̣ вавад̇т̇аанз аж̇жхад̇д̇ававад̇т̇аанз. вад̇т̇унаанад̇д̇зд̇и вад̇т̇уунам̣ наанаабхаавз, наанаавад̇т̇уусууд̇и ад̇т̇о. зд̇т̇а ж̇аванамановин̃н̃аан̣асса бажжаяабхууд̇о бхаван̇г̇аманоби жагкаад̣̇ибан̃жагам̣ вияа уббад̇д̇идтаанад̇д̇аа вад̇т̇ууд̇и вуд̇д̇о. ааваж̇ж̇анамби д̇анниссид̇амзва гаад̇аб̣б̣ам̣.

    15. Idāni yasmā heṭṭhā sarūpena nāmarūpavavatthānañāṇaṃ na vuttaṃ, tasmā pañcadhā nāmarūpappabhedaṃ dassetuṃ ajjhattavavatthāne paññā vatthunānatte ñāṇantiādīni pañca ñāṇāni uddiṭṭhāni. Sakale hi nāmarūpe vutte yaṃ pariggahetuṃ sakkā, yañca pariggahetabbaṃ, taṃ pariggahessati. Lokuttaranāmañhi pariggahetuñca na sakkā anadhigatattā, na ca pariggahetabbaṃ avipassanūpagattā. Tattha ajjhattavavatthāneti ‘‘evaṃ pavattamānā mayaṃ attāti gahaṇaṃ gamissāmā’’ti iminā viya adhippāyena attānaṃ adhikāraṃ katvā pavattāti ajjhattā. Ajjhattasaddo panāyaṃ gocarajjhatte niyakajjhatte ajjhattajjhatte visayajjhatteti catūsu atthesu dissati . ‘‘Tena, ānanda, bhikkhunā tasmiṃyeva purimasmiṃ samādhinimitte ajjhattameva cittaṃ saṇṭhapetabbaṃ, ajjhattarato samāhito’’tiādīsu (dha. pa. 362) hi ayaṃ gocarajjhatte dissati. ‘‘Ajjhattaṃ sampasādanaṃ (dī. ni. 1.228; dha. sa. 161), ajjhattaṃ vā dhammesu dhammānupassī viharatī’’tiādīsu (dī. ni. 2.373) niyakajjhatte. ‘‘Cha ajjhattikāni āyatanāni, ajjhattikā dhammā’’tiādīsu (dha. sa. tikamātikā 20) ajjhattajjhatte. ‘‘Ayaṃ kho, panānanda, vihāro tathāgatena abhisambuddho yadidaṃ sabbanimittānaṃ amanasikārā ajjhattaṃ suññataṃ upasampajja viharatī’’tiādīsu (ma. ni. 3.187) visayajjhatte, issariyaṭṭhāneti attho. Phalasamāpatti hi buddhānaṃ issariyaṭṭhānaṃ nāma. Idha pana ajjhattajjhatte daṭṭhabbo. Tesaṃ ajjhattānaṃ vavatthāne ajjhattavavatthāne. Vatthunānatteti vatthūnaṃ nānābhāve, nānāvatthūsūti attho. Ettha javanamanoviññāṇassa paccayabhūto bhavaṅgamanopi cakkhādipañcakaṃ viya uppattiṭṭhānattā vatthūti vutto. Āvajjanampi tannissitameva kātabbaṃ.

    16.

    16.

    б̣ахид̣̇д̇хаад̇и чахи аж̇жхад̇д̇аж̇жхад̇д̇зхи б̣ахибхууд̇зсу д̇зсам̣ висаязсу. г̇ожаранаанад̇д̇зд̇и висаяанаанад̇д̇з.

    Bahiddhāti chahi ajjhattajjhattehi bahibhūtesu tesaṃ visayesu. Gocaranānatteti visayanānatte.

    17. жарияаававад̇т̇аанзд̇и вин̃н̃аан̣ажарияааан̃н̃аан̣ажарияаан̃аан̣ажарияаавасзна жарияаанам̣ вавад̇т̇аанз. ‘‘жарияававад̇т̇аанз’’д̇и рассам̣ гад̇вааби батанд̇и.

    17.Cariyāvavatthāneti viññāṇacariyāaññāṇacariyāñāṇacariyāvasena cariyānaṃ vavatthāne. ‘‘Cariyavavatthāne’’ti rassaṃ katvāpi paṭhanti.

    18. жад̇уд̇хаммававад̇т̇аанзд̇и гаамааважарабхуумиаад̣̇ийнам̣ жуд̣̇д̣̇асаннам̣ жад̇уггаанам̣ васзна жад̇уннам̣ жад̇уннам̣ д̇хаммаанам̣ вавад̇т̇аанз. бхуумийд̇и жа ‘‘бхуумиг̇ад̇ан̃жа взхаасадтан̃жаа’’д̇иаад̣̇ийсу (сам̣. ни. 1.136) бат̇авияам̣ вад̇д̇ад̇и. ‘‘абхуумим̣ д̇аад̇а, маа сзваа’’д̇иаад̣̇ийсу (ж̇аа. 1.6.34) висаяз. ‘‘сукабхуумияам̣ гаамааважарз’’д̇иаад̣̇ийсу (д̇ха. са. 988) уббаж̇ж̇анадтаанз. ид̇ха бана годтаасз вад̇д̇ад̇и. барижчзд̣̇зд̇иби вад̣̇анд̇и.

    18.Catudhammavavatthāneti kāmāvacarabhūmiādīnaṃ cuddasannaṃ catukkānaṃ vasena catunnaṃ catunnaṃ dhammānaṃ vavatthāne. Bhūmīti ca ‘‘bhūmigatañca vehāsaṭṭhañcā’’tiādīsu (saṃ. ni. 1.136) pathaviyaṃ vattati. ‘‘Abhūmiṃ tāta, mā sevā’’tiādīsu (jā. 1.6.34) visaye. ‘‘Sukhabhūmiyaṃ kāmāvacare’’tiādīsu (dha. sa. 988) uppajjanaṭṭhāne. Idha pana koṭṭhāse vattati. Paricchedetipi vadanti.

    19. навад̇хаммававад̇т̇аанзд̇и гаамааважарагусалаад̣̇ивасзна баамож̇ж̇амуулагавасзна яонисо манасигаарамуулагавасзна жа наваннам̣ наваннам̣ д̇хаммаанам̣ вавад̇т̇аанз. имзсу жа бан̃жасу н̃аан̣зсу батамам̣ аж̇жхад̇д̇ад̇хаммаа вавад̇т̇аабзд̇аб̣б̣аад̇и вад̇т̇унаанад̇д̇з н̃аан̣ам̣ батамам̣ вуд̇д̇ам̣, д̇ад̇о д̇зсам̣ висаяаа вавад̇т̇аабзд̇аб̣б̣аад̇и д̇ад̣̇ананд̇арам̣ г̇ожаранаанад̇д̇з н̃аан̣ам̣ вуд̇д̇ам̣, д̇ад̇о бараани д̇ийн̣и н̃аан̣аани д̇ин̣н̣ам̣ жад̇уннам̣ наваннам̣ васзна г̇ан̣анаануломзна вуд̇д̇аани.

    19.Navadhammavavatthāneti kāmāvacarakusalādivasena pāmojjamūlakavasena yoniso manasikāramūlakavasena ca navannaṃ navannaṃ dhammānaṃ vavatthāne. Imesu ca pañcasu ñāṇesu paṭhamaṃ ajjhattadhammā vavatthāpetabbāti vatthunānatte ñāṇaṃ paṭhamaṃ vuttaṃ, tato tesaṃ visayā vavatthāpetabbāti tadanantaraṃ gocaranānatte ñāṇaṃ vuttaṃ, tato parāni tīṇi ñāṇāni tiṇṇaṃ catunnaṃ navannaṃ vasena gaṇanānulomena vuttāni.

    20. ид̣̇аани яасмаа наамаруубассзва бабхзд̣̇ад̇о вавад̇т̇аабанан̃аан̣ам̣ н̃аад̇абарин̃н̃аа, д̇ад̣̇ананд̇арам̣ д̇ийран̣абарин̃н̃аа, д̇ад̣̇ананд̇арам̣ бахаанабарин̃н̃аад̇и д̇иссо барин̃н̃аа. д̇ам̣самб̣анд̇хаа жа бхааванаасажчигирияаа хонд̇и, д̇асмаа д̇хамманаанад̇д̇ан̃аан̣аананд̇арам̣ н̃аад̇адтз н̃аан̣аад̣̇ийни бан̃жа н̃аан̣аани уд̣̇д̣̇идтаани. д̇иссо хи барин̃н̃аа н̃аад̇абарин̃н̃аа д̇ийран̣абарин̃н̃аа бахаанабарин̃н̃аа жа. д̇ад̇т̇а ‘‘руббаналагкан̣ам̣ руубам̣, взд̣̇аяид̇алагкан̣аа взд̣̇анаа’’д̇и звам̣ д̇зсам̣ д̇зсам̣ д̇хаммаанам̣ бажжад̇д̇алагкан̣асаллагкан̣авасзна бавад̇д̇аа бан̃н̃аа н̃аад̇абарин̃н̃аа наама. ‘‘руубам̣ анижжам̣ д̣̇угкам̣ анад̇д̇аа, взд̣̇анаа анижжаа д̣̇угкаа анад̇д̇аа’’д̇иаад̣̇инаа наязна д̇зсам̣ д̇зсам̣ д̇хаммаанам̣ сааман̃н̃алагкан̣ам̣ ааробзд̇ваа бавад̇д̇аа лагкан̣аарамман̣игавибассанаабан̃н̃аа д̇ийран̣абарин̃н̃аа наама. д̇зсуязва бана д̇хаммзсу нижжасан̃н̃аад̣̇ибаж̇аханавасзна бавад̇д̇аа лагкан̣аарамман̣игавибассанаава бахаанабарин̃н̃аа наама.

    20. Idāni yasmā nāmarūpasseva pabhedato vavatthāpanañāṇaṃ ñātapariññā, tadanantaraṃ tīraṇapariññā, tadanantaraṃ pahānapariññāti tisso pariññā. Taṃsambandhā ca bhāvanāsacchikiriyā honti, tasmā dhammanānattañāṇānantaraṃ ñātaṭṭhe ñāṇādīni pañca ñāṇāni uddiṭṭhāni. Tisso hi pariññā ñātapariññā tīraṇapariññā pahānapariññā ca. Tattha ‘‘ruppanalakkhaṇaṃ rūpaṃ, vedayitalakkhaṇā vedanā’’ti evaṃ tesaṃ tesaṃ dhammānaṃ paccattalakkhaṇasallakkhaṇavasena pavattā paññā ñātapariññā nāma. ‘‘Rūpaṃ aniccaṃ dukkhaṃ anattā, vedanā aniccā dukkhā anattā’’tiādinā nayena tesaṃ tesaṃ dhammānaṃ sāmaññalakkhaṇaṃ āropetvā pavattā lakkhaṇārammaṇikavipassanāpaññā tīraṇapariññā nāma. Tesuyeva pana dhammesu niccasaññādipajahanavasena pavattā lakkhaṇārammaṇikavipassanāva pahānapariññā nāma.

    д̇ад̇т̇а сан̇каарабарижчзд̣̇ад̇о бадтааяа яаава бажжаяабариг̇г̇ахаа н̃аад̇абарин̃н̃ааяа бхууми. зд̇асмин̃хи анд̇арз д̇хаммаанам̣ бажжад̇д̇алагкан̣абадивзд̇хассзва аад̇хибажжам̣ ход̇и. галаабасаммасанад̇о бадтааяа яаава уд̣̇аяаб̣б̣аяаанубассанаа д̇ийран̣абарин̃н̃ааяа бхууми. зд̇асмин̃хи анд̇арз сааман̃н̃алагкан̣абадивзд̇хассзва аад̇хибажжам̣ ход̇и. бхан̇г̇аанубассанам̣ аад̣̇им̣ гад̇ваа убари бахаанабарин̃н̃ааяа бхууми. д̇ад̇о бадтааяа хи ‘‘анижжад̇о анубассанд̇о нижжасан̃н̃ам̣ баж̇ахад̇и, д̣̇угкад̇о анубассанд̇о сукасан̃н̃ам̣ баж̇ахад̇и, анад̇д̇ад̇о анубассанд̇о ад̇д̇асан̃н̃ам̣ баж̇ахад̇и, ниб̣б̣инд̣̇анд̇о нанд̣̇им̣ баж̇ахад̇и, вираж̇ж̇анд̇о рааг̇ам̣ баж̇ахад̇и, нирод̇хзнд̇о самуд̣̇аяам̣ баж̇ахад̇и, бадиниссаж̇ж̇анд̇о аад̣̇аанам̣ баж̇ахад̇ий’’д̇и (бади. ма. 1.52) звам̣ нижжасан̃н̃аад̣̇ибахаанасаад̇хигаанам̣ сад̇д̇аннам̣ анубассанаанам̣ аад̇хибажжам̣ ход̇и.

    Tattha saṅkhāraparicchedato paṭṭhāya yāva paccayapariggahā ñātapariññāya bhūmi. Etasmiñhi antare dhammānaṃ paccattalakkhaṇapaṭivedhasseva ādhipaccaṃ hoti. Kalāpasammasanato paṭṭhāya yāva udayabbayānupassanā tīraṇapariññāya bhūmi. Etasmiñhi antare sāmaññalakkhaṇapaṭivedhasseva ādhipaccaṃ hoti. Bhaṅgānupassanaṃ ādiṃ katvā upari pahānapariññāya bhūmi. Tato paṭṭhāya hi ‘‘aniccato anupassanto niccasaññaṃ pajahati, dukkhato anupassanto sukhasaññaṃ pajahati, anattato anupassanto attasaññaṃ pajahati, nibbindanto nandiṃ pajahati, virajjanto rāgaṃ pajahati, nirodhento samudayaṃ pajahati, paṭinissajjanto ādānaṃ pajahatī’’ti (paṭi. ma. 1.52) evaṃ niccasaññādipahānasādhikānaṃ sattannaṃ anupassanānaṃ ādhipaccaṃ hoti.

    д̇ад̇т̇а абхин̃н̃аабан̃н̃аад̇и д̇хаммаанам̣ руббанаад̣̇исабхаавзна ж̇аананабан̃н̃аа. саа хи собханадтзна абхисад̣̇д̣̇зна ‘‘д̇зсам̣ д̇зсам̣ д̇хаммаанам̣ сабхааваж̇аананавасзна собханам̣ ж̇аанана’’нд̇и гад̇ваа абхин̃н̃аад̇и вужжад̇и. н̃аад̇адтз н̃аан̣анд̇и ж̇аананасабхаавам̣ н̃аан̣ам̣.

    Tattha abhiññāpaññāti dhammānaṃ ruppanādisabhāvena jānanapaññā. Sā hi sobhanaṭṭhena abhisaddena ‘‘tesaṃ tesaṃ dhammānaṃ sabhāvajānanavasena sobhanaṃ jānana’’nti katvā abhiññāti vuccati. Ñātaṭṭhe ñāṇanti jānanasabhāvaṃ ñāṇaṃ.

    21. барин̃н̃аабан̃н̃аад̇и ж̇аананабан̃н̃аа. саа хи б̣яаабанадтзна барисад̣̇д̣̇зна ‘‘анижжаад̣̇исааман̃н̃алагкан̣авасзна сагижжасамаабанавасзна ваа б̣яаабид̇ам̣ ж̇аанана’’нд̇и гад̇ваа барин̃н̃аад̇и вужжад̇и. д̇ийран̣адтз н̃аан̣анд̇и убабаригкан̣асабхаавам̣, саммасанасабхаавам̣ ваа н̃аан̣ам̣.

    21.Pariññāpaññāti jānanapaññā. Sā hi byāpanaṭṭhena parisaddena ‘‘aniccādisāmaññalakkhaṇavasena sakiccasamāpanavasena vā byāpitaṃ jānana’’nti katvā pariññāti vuccati. Tīraṇaṭṭhe ñāṇanti upaparikkhaṇasabhāvaṃ, sammasanasabhāvaṃ vā ñāṇaṃ.

    22. бахаанз бан̃н̃аад̇и нижжасан̃н̃аад̣̇ийнам̣ баж̇аханаа бан̃н̃аа, баж̇ахад̇ийд̇и ваа, баж̇аханд̇и зд̇знаад̇и ваа бахаанам̣. барижжааг̇адтз н̃аан̣анд̇и барижжаж̇анасабхаавам̣ н̃аан̣ам̣.

    22.Pahānepaññāti niccasaññādīnaṃ pajahanā paññā, pajahatīti vā, pajahanti etenāti vā pahānaṃ. Pariccāgaṭṭheñāṇanti pariccajanasabhāvaṃ ñāṇaṃ.

    23. бхааванаабан̃н̃аад̇и вад̣дханабан̃н̃аа. згарасадтз н̃аан̣анд̇и згагижжасабхаавам̣ н̃аан̣ам̣, вимуд̇д̇ирасзна ваа згарасасабхаавам̣ н̃аан̣ам̣.

    23.Bhāvanāpaññāti vaḍḍhanapaññā. Ekarasaṭṭhe ñāṇanti ekakiccasabhāvaṃ ñāṇaṃ, vimuttirasena vā ekarasasabhāvaṃ ñāṇaṃ.

    24. сажчигирияаабан̃н̃аад̇и бадивзд̇хавасзна бадилаабхавасзна ваа бажжагкагаран̣абан̃н̃аа. пассанадтз н̃аан̣анд̇и д̇ад̣̇убхаяавасзнзва винд̣̇анасабхаавам̣ н̃аан̣ам̣.

    24.Sacchikiriyāpaññāti paṭivedhavasena paṭilābhavasena vā paccakkhakaraṇapaññā. Phassanaṭṭhe ñāṇanti tadubhayavaseneva vindanasabhāvaṃ ñāṇaṃ.

    25-28. ид̣̇аани яасмаа бахаанабхааванаасажчигирияан̃аан̣аани арияамаг̇г̇апаласамбаяуд̇д̇ааниби хонд̇и, д̇асмаа д̇ад̣̇ананд̇арам̣ арияабуг̇г̇алаанам̣язва лаб̣бхамаанаани жад̇д̇аари бадисамбхид̣̇аан̃аан̣аани уд̣̇д̣̇идтаани. д̇ад̇т̇ааби бажжаяуббанно ад̇т̇о д̣̇угкасажжам̣ вияа баагадо сувин̃н̃зяяо жаад̇и батамам̣ ад̇т̇абадисамбхид̣̇аан̃аан̣ам̣ уд̣̇д̣̇идтам̣, д̇асса ад̇т̇асса хзд̇уд̇хаммависаяад̇д̇аа д̇ад̣̇ананд̇арам̣ д̇хаммабадисамбхид̣̇аан̃аан̣ам̣, д̇ад̣̇убхаяасса нируд̇д̇ивисаяад̇д̇аа д̇ад̣̇ананд̇арам̣ нируд̇д̇ибадисамбхид̣̇аан̃аан̣ам̣, д̇зсу д̇ийсуби н̃аан̣зсу бавад̇д̇анад̇о д̇ад̣̇ананд̇арам̣ бадибхаанабадисамбхид̣̇аан̃аан̣ам̣. ба-гаарам̣ д̣̇ийгхам̣ гад̇ваа жа батанд̇и.

    25-28. Idāni yasmā pahānabhāvanāsacchikiriyañāṇāni ariyamaggaphalasampayuttānipi honti, tasmā tadanantaraṃ ariyapuggalānaṃyeva labbhamānāni cattāri paṭisambhidāñāṇāni uddiṭṭhāni. Tatthāpi paccayuppanno attho dukkhasaccaṃ viya pākaṭo suviññeyyo cāti paṭhamaṃ atthapaṭisambhidāñāṇaṃ uddiṭṭhaṃ, tassa atthassa hetudhammavisayattā tadanantaraṃ dhammapaṭisambhidāñāṇaṃ, tadubhayassa niruttivisayattā tadanantaraṃ niruttipaṭisambhidāñāṇaṃ, tesu tīsupi ñāṇesu pavattanato tadanantaraṃ paṭibhānapaṭisambhidāñāṇaṃ. Pa-kāraṃ dīghaṃ katvā ca paṭhanti.

    29-31. ид̇о бараани вихаарадтз н̃аан̣аад̣̇ийни д̇ийн̣и н̃аан̣аани арияаанам̣язва самбхавад̇о бадисамбхид̣̇аабабхзд̣̇ад̇о жа бадисамбхид̣̇аан̃аан̣аананд̇арам̣ уд̣̇д̣̇идтаани. вихаарадтз н̃аан̣ан̃хи д̇хаммабадисамбхид̣̇аа ход̇и, самаабад̇д̇адтз н̃аан̣ам̣ ад̇т̇абадисамбхид̣̇аа. д̇хаммасабхаавз н̃аан̣ан̃хи бадисамбхид̣̇аагат̇ааяам̣ (бади. ма. 2.30) д̇хаммабадисамбхид̣̇аад̇и вуд̇д̇ам̣. ниб̣б̣аанз н̃аан̣ам̣ бана ад̇т̇абадисамбхид̣̇аа зва. д̇ад̇т̇а вихааранаанад̇д̇зд̇и анижжаанубассанаад̣̇ивасзна наанаавибассанаавихаарз. вихаарадтзд̇и вибассанаавихаарасабхаавз. вихаарод̇и жа сасамбаяуд̇д̇аа вибассанаа зва. самаабад̇д̇инаанад̇д̇зд̇и анимид̇д̇аад̣̇ивасзна наанаапаласамаабад̇д̇ияам̣. самаабад̇д̇ийд̇и жа логуд̇д̇арапалабхууд̇аа жид̇д̇ажзд̇асигад̇хаммаа. вихаарасамаабад̇д̇инаанад̇д̇зд̇и убхаяавасзна вуд̇д̇ам̣.

    29-31. Ito parāni vihāraṭṭhe ñāṇādīni tīṇi ñāṇāni ariyānaṃyeva sambhavato paṭisambhidāpabhedato ca paṭisambhidāñāṇānantaraṃ uddiṭṭhāni. Vihāraṭṭhe ñāṇañhi dhammapaṭisambhidā hoti, samāpattaṭṭhe ñāṇaṃ atthapaṭisambhidā. Dhammasabhāve ñāṇañhi paṭisambhidākathāyaṃ (paṭi. ma. 2.30) dhammapaṭisambhidāti vuttaṃ. Nibbāne ñāṇaṃ pana atthapaṭisambhidā eva. Tattha vihāranānatteti aniccānupassanādivasena nānāvipassanāvihāre. Vihāraṭṭheti vipassanāvihārasabhāve. Vihāroti ca sasampayuttā vipassanā eva. Samāpattinānatteti animittādivasena nānāphalasamāpattiyaṃ. Samāpattīti ca lokuttaraphalabhūtā cittacetasikadhammā. Vihārasamāpattinānatteti ubhayavasena vuttaṃ.

    32. д̇ад̇о вихаарасамаабад̇д̇ин̃аан̣асаад̇хагасса ‘‘д̣̇убхад̇о вудтаанавивадданз бан̃н̃аа’’д̇и буб̣б̣з вуд̇д̇ассааби маг̇г̇ан̃аан̣асса аасавасамужчзд̣̇асамад̇т̇ад̇ам̣ ананд̇арапалад̣̇ааяагад̇д̇ан̃жа гааран̣зна висзсзд̇ваа абарзнаагаарзна вад̇д̇угаамзна д̇ад̣̇зва ‘‘аананд̇аригасамаад̇химхи н̃аан̣а’’нд̇и уд̣̇д̣̇идтам̣. д̇ад̇т̇а авигкзбабарисуд̣̇д̇хад̇д̇аад̇и вигкибад̇и д̇зна жид̇д̇анд̇и вигкзбо, уд̣̇д̇хажжассзд̇ам̣ наамам̣. на вигкзбо авигкзбо, уд̣̇д̇хажжабадибагкасса самаад̇хиссзд̇ам̣ наамам̣. барисуд̣̇д̇хасса бхааво барисуд̣̇д̇хад̇д̇ам̣, авигкзбасса барисуд̣̇д̇хад̇д̇ам̣ авигкзбабарисуд̣̇д̇хад̇д̇ам̣, д̇асмаа авигкзбабарисуд̣̇д̇хад̇д̇аа самаад̇хисса барисуд̣̇д̇хабхаавзнаад̇и ад̇т̇о. ид̣̇ан̃хи аасавасамужчзд̣̇асса ананд̇арапалад̣̇ааяагад̇д̇асса жа гааран̣аважанам̣. аасавасамужчзд̣̇зд̇и зд̇т̇а аасаванд̇ийд̇и аасаваа, жагкуд̇оби…бз… манад̇оби санд̣̇анд̇и бавад̇д̇анд̇ийд̇и вуд̇д̇ам̣ ход̇и. д̇хаммад̇о яаава г̇од̇рабхум̣, огаасад̇о яаава бхаваг̇г̇ам̣ саванд̇ийд̇и ваа аасаваа, зд̇ам̣ д̇хаммам̣ зд̇ан̃жа огаасам̣ анд̇огарид̇ваа бавад̇д̇анд̇ийд̇и ад̇т̇о. анд̇огаран̣ад̇т̇о хи аяам̣ аа-гааро. жирабаариваасигадтзна мад̣̇ираад̣̇аяо аасаваа вияаад̇иби аасаваа. логасмин̃хи жирабаариваасигаа мад̣̇ираад̣̇аяо аасаваад̇и вужжанд̇и. яад̣̇и жа жирабаариваасигадтзна аасаваа, зд̇зязва бхавид̇умараханд̇и. вуд̇д̇ан̃хзд̇ам̣ –

    32. Tato vihārasamāpattiñāṇasādhakassa ‘‘dubhato vuṭṭhānavivaṭṭane paññā’’ti pubbe vuttassāpi maggañāṇassa āsavasamucchedasamatthataṃ anantaraphaladāyakattañca kāraṇena visesetvā aparenākārena vattukāmena tadeva ‘‘ānantarikasamādhimhi ñāṇa’’nti uddiṭṭhaṃ. Tattha avikkhepaparisuddhattāti vikkhipati tena cittanti vikkhepo, uddhaccassetaṃ nāmaṃ. Na vikkhepo avikkhepo, uddhaccapaṭipakkhassa samādhissetaṃ nāmaṃ. Parisuddhassa bhāvo parisuddhattaṃ, avikkhepassa parisuddhattaṃ avikkhepaparisuddhattaṃ, tasmā avikkhepaparisuddhattā samādhissa parisuddhabhāvenāti attho. Idañhi āsavasamucchedassa anantaraphaladāyakattassa ca kāraṇavacanaṃ. Āsavasamucchedeti ettha āsavantīti āsavā, cakkhutopi…pe… manatopi sandanti pavattantīti vuttaṃ hoti. Dhammato yāva gotrabhuṃ, okāsato yāva bhavaggaṃ savantīti vā āsavā, etaṃ dhammaṃ etañca okāsaṃ antokaritvā pavattantīti attho. Antokaraṇattho hi ayaṃ ā-kāro. Cirapārivāsikaṭṭhena madirādayo āsavā viyātipi āsavā. Lokasmiñhi cirapārivāsikā madirādayo āsavāti vuccanti. Yadi ca cirapārivāsikaṭṭhena āsavā, eteyeva bhavitumarahanti. Vuttañhetaṃ –

    ‘‘буримаа, бхигкавз, годи на бан̃н̃ааяад̇и авиж̇ж̇ааяа, ид̇о буб̣б̣з авиж̇ж̇аа наахоси, ат̇а бажчаа самабхавий’’д̇иаад̣̇и.

    ‘‘Purimā, bhikkhave, koṭi na paññāyati avijjāya, ito pubbe avijjā nāhosi, atha pacchā samabhavī’’tiādi.

    ааяад̇ам̣ ваа сам̣саарад̣̇угкам̣ саванд̇и басаванд̇ийд̇иби аасаваа, самужчиж̇ж̇ад̇и зд̇знаад̇и самужчзд̣̇о. бан̃н̃аад̇и гаамаасаваад̣̇ийнам̣ жад̇уннам̣ аасаваанам̣ самужчзд̣̇з бан̃н̃аа.

    Āyataṃ vā saṃsāradukkhaṃ savanti pasavantītipi āsavā, samucchijjati etenāti samucchedo. Paññāti kāmāsavādīnaṃ catunnaṃ āsavānaṃ samucchede paññā.

    аананд̇аригасамаад̇химхи н̃аан̣анд̇и ад̇д̇ано бавад̇д̇исамананд̇арам̣ нияамзнзва палаббад̣̇аанад̇о аананд̇аригод̇и лад̣̇д̇ханаамо маг̇г̇асамаад̇хи. на хи маг̇г̇асамаад̇химхи уббаннз д̇асса палуббад̇д̇инисзд̇хаго гожи анд̇арааяо ад̇т̇и. яат̇ааха –

    Ānantarikasamādhimhiñāṇanti attano pavattisamanantaraṃ niyameneva phalappadānato ānantarikoti laddhanāmo maggasamādhi. Na hi maggasamādhimhi uppanne tassa phaluppattinisedhako koci antarāyo atthi. Yathāha –

    ‘‘аяан̃жа буг̇г̇ало сод̇аабад̇д̇ипаласажчигирияааяа бадибанно асса, габбасса жа уд̣д̣аяханавзлаа асса, нзва д̇аава габбо уд̣д̣аяхзяяа, яаавааяам̣ буг̇г̇ало на сод̇аабад̇д̇ипалам̣ сажчигарод̇и, аяам̣ вужжад̇и буг̇г̇ало тид̇агаббий. саб̣б̣зби маг̇г̇асаман̇г̇ино буг̇г̇алаа тид̇агаббино’’д̇и (бу. ба. 17).

    ‘‘Ayañca puggalo sotāpattiphalasacchikiriyāya paṭipanno assa, kappassa ca uḍḍayhanavelā assa, neva tāva kappo uḍḍayheyya, yāvāyaṃ puggalo na sotāpattiphalaṃ sacchikaroti, ayaṃ vuccati puggalo ṭhitakappī. Sabbepi maggasamaṅgino puggalā ṭhitakappino’’ti (pu. pa. 17).

    ид̣̇ам̣ д̇зна аананд̇аригасамаад̇хинаа самбаяуд̇д̇ам̣ н̃аан̣ам̣.

    Idaṃ tena ānantarikasamādhinā sampayuttaṃ ñāṇaṃ.

    33. иминаа маг̇г̇ан̃аан̣зна палаббад̇д̇аанам̣ арияаанам̣язва самбхавад̇о имасса н̃аан̣асса ананд̇арам̣ аран̣авихааран̃аан̣аад̣̇ийни жад̇д̇аари н̃аан̣аани уд̣̇д̣̇идтаани. д̇ад̇рааби жа арахад̇оязва сад̇ад̇амзва жа самбхавад̇о аран̣авихаарз н̃аан̣ам̣ батамам̣ уд̣̇д̣̇идтам̣, д̇ад̣̇ананд̇арам̣ нирод̇хасса анааг̇аамиараханд̇аанам̣ самбхавзби б̣ахусамбхаарад̇д̇аа висзсзна жа нирод̇хасса ниб̣б̣аанасаммад̇ад̇д̇аа жа нирод̇хасамаабад̇д̇ияаа н̃аан̣ам̣ уд̣̇д̣̇идтам̣, д̇ад̣̇ананд̇арам̣ бариниб̣б̣аанасса гааланд̇арз бариниб̣б̣аанагаалам̣ аахажжа тид̇ад̇д̇аа д̣̇ийгхагаалиганд̇и бариниб̣б̣аанз н̃аан̣ам̣ уд̣̇д̣̇идтам̣, д̇ад̣̇ананд̇арам̣ самасийсадтасса саб̣б̣агилзсакаяаананд̇арам̣ бариниб̣б̣аанагаалам̣ аахажжа тид̇ад̇д̇аа рассагаалиганд̇и самасийсадтз н̃аан̣ам̣ уд̣̇д̣̇идтам̣. д̇ад̇т̇а санд̇о жаад̇и жа-гааро д̣̇ассанаад̇хибад̇зяяан̃жа санд̇о вихаараад̇хиг̇амо жа бан̣ийд̇аад̇химуд̇д̇ад̇аа жаад̇и д̇ийхиби бад̣̇зхи самб̣анд̇хид̇аб̣б̣о. д̣̇ассананд̇и вибассанаан̃аан̣ам̣, ад̇хибад̇иязва аад̇хибад̇зяяам̣, ад̇хибад̇ид̇о ваа ааг̇ад̇ад̇д̇аа аад̇хибад̇зяяам̣, д̣̇ассанан̃жа д̇ам̣ аад̇хибад̇зяяан̃жаад̇и д̣̇ассанаад̇хибад̇зяяам̣. вихарад̇ийд̇и вихааро, вихаранд̇и д̇зна ваад̇и вихааро, ад̇хиг̇аммад̇и баабун̣ийяад̇ийд̇и ад̇хиг̇амо, вихааро зва ад̇хиг̇амо вихаараад̇хиг̇амо. со жа гилзсабарил̣аахавирахид̇ад̇д̇аа ниб̣б̣уд̇од̇и санд̇о. со жа арахад̇д̇апаласамаабад̇д̇ибан̃н̃аа. уд̇д̇амадтзна ад̇аббагадтзна жа бан̣ийд̇о, бад̇хаанабхаавам̣ нийд̇од̇и ваа бан̣ийд̇о, бан̣ийд̇з ад̇химуд̇д̇о висадтажид̇д̇о д̇аббарамо бан̣ийд̇аад̇химуд̇д̇о, д̇асса бхааво бан̣ийд̇аад̇химуд̇д̇ад̇аа. саа жа паласамаабад̇д̇аад̇химуд̇д̇аа буб̣б̣абхааг̇абан̃н̃аа зва.

    33. Iminā maggañāṇena phalappattānaṃ ariyānaṃyeva sambhavato imassa ñāṇassa anantaraṃ araṇavihārañāṇādīni cattāri ñāṇāni uddiṭṭhāni. Tatrāpi ca arahatoyeva satatameva ca sambhavato araṇavihāre ñāṇaṃ paṭhamaṃ uddiṭṭhaṃ, tadanantaraṃ nirodhassa anāgāmiarahantānaṃ sambhavepi bahusambhārattā visesena ca nirodhassa nibbānasammatattā ca nirodhasamāpattiyā ñāṇaṃ uddiṭṭhaṃ, tadanantaraṃ parinibbānassa kālantare parinibbānakālaṃ āhacca ṭhitattā dīghakālikanti parinibbāne ñāṇaṃ uddiṭṭhaṃ, tadanantaraṃ samasīsaṭṭhassa sabbakilesakhayānantaraṃ parinibbānakālaṃ āhacca ṭhitattā rassakālikanti samasīsaṭṭhe ñāṇaṃ uddiṭṭhaṃ. Tattha santo cāti ca-kāro dassanādhipateyyañca santo vihārādhigamo ca paṇītādhimuttatā cāti tīhipi padehi sambandhitabbo. Dassananti vipassanāñāṇaṃ, adhipatiyeva ādhipateyyaṃ, adhipatito vā āgatattā ādhipateyyaṃ, dassanañca taṃ ādhipateyyañcāti dassanādhipateyyaṃ. Viharatīti vihāro, viharanti tena vāti vihāro, adhigammati pāpuṇīyatīti adhigamo, vihāro eva adhigamo vihārādhigamo. So ca kilesapariḷāhavirahitattā nibbutoti santo. So ca arahattaphalasamāpattipaññā. Uttamaṭṭhena atappakaṭṭhena ca paṇīto, padhānabhāvaṃ nītoti vā paṇīto, paṇīte adhimutto visaṭṭhacitto tapparamo paṇītādhimutto, tassa bhāvo paṇītādhimuttatā. Sā ca phalasamāpattādhimuttā pubbabhāgapaññā eva.

    аран̣авихаарзд̇и ниггилзсавихаарз. рааг̇аад̣̇аяо хи ран̣анд̇и сад̇д̇з жун̣н̣знд̇и бийл̣знд̇ийд̇и ран̣аа, ран̣анд̇и зд̇зхи сад̇д̇аа ганд̣̇анд̇и барид̣̇званд̇ийд̇и ваа ран̣аа. вуд̇д̇о д̇ивид̇хоби вихааро. над̇т̇и зд̇асса ран̣аад̇и аран̣о. вивид̇хз бажжанийгад̇хаммз харанд̇и зд̇знаад̇и вихааро. д̇асмим̣ аран̣з вихаарз. нид̣̇д̣̇зсаваарз (бади. ма. 1.82) вуд̇д̇абатамаж̇жхаанаад̣̇ийни жа бан̣ийд̇аад̇химуд̇д̇ад̇ааяа зва сан̇г̇ахид̇аани. паласамаабад̇д̇им̣ самаабаж̇ж̇ид̇угаамад̇ааяа хи батамаж̇жхаанаад̣̇им̣ самаабаж̇ж̇ид̇ваа вудтааяа жхаанасамбаяуд̇д̇ад̇хаммз вибассад̇и, яаа жа аран̣авибхан̇г̇асуд̇д̇анд̇з (ма. ни. 3.323 аад̣̇аяо) бхаг̇авад̇аа д̣̇зсид̇аа аран̣абадибад̣̇аа, сааби иминаава сан̇г̇ахид̇аад̇и взд̣̇ид̇аб̣б̣аа . вуд̇д̇ан̃хи д̇ад̇т̇а бхаг̇авад̇аа –

    Araṇavihāreti nikkilesavihāre. Rāgādayo hi raṇanti satte cuṇṇenti pīḷentīti raṇā, raṇanti etehi sattā kandanti paridevantīti vā raṇā. Vutto tividhopi vihāro. Natthi etassa raṇāti araṇo. Vividhe paccanīkadhamme haranti etenāti vihāro. Tasmiṃ araṇe vihāre. Niddesavāre (paṭi. ma. 1.82) vuttapaṭhamajjhānādīni ca paṇītādhimuttatāya eva saṅgahitāni. Phalasamāpattiṃ samāpajjitukāmatāya hi paṭhamajjhānādiṃ samāpajjitvā vuṭṭhāya jhānasampayuttadhamme vipassati, yā ca araṇavibhaṅgasuttante (ma. ni. 3.323 ādayo) bhagavatā desitā araṇapaṭipadā, sāpi imināva saṅgahitāti veditabbā . Vuttañhi tattha bhagavatā –

    ‘‘аран̣авибхан̇г̇ам̣ во, бхигкавз, д̣̇зсзссаами…бз… на гаамасукам̣ ануяун̃ж̇зяяа хийнам̣ г̇аммам̣ бот̇уж̇ж̇анигам̣ анарияам̣ анад̇т̇асам̣хид̇ам̣, на жа ад̇д̇агиламат̇аануяог̇ам̣ ануяун̃ж̇зяяа д̣̇угкам̣ анарияам̣ анад̇т̇асам̣хид̇ам̣. зд̇з ко, бхигкавз, убхо анд̇з анубаг̇амма маж̇жхимаа бадибад̣̇аа д̇ат̇ааг̇ад̇зна абхисамб̣уд̣̇д̇хаа жагкугаран̣ий н̃аан̣агаран̣ий убасамааяа абхин̃н̃ааяа самб̣од̇хааяа ниб̣б̣аанааяа сам̣вад̇д̇ад̇и. уссаад̣̇анан̃жа ж̇ан̃н̃аа, абасаад̣̇анан̃жа ж̇ан̃н̃аа, уссаад̣̇анан̃жа н̃ад̇ваа абасаад̣̇анан̃жа н̃ад̇ваа нзвуссаад̣̇зяяа на абасаад̣̇зяяа, д̇хаммамзва д̣̇зсзяяа. сукавинижчаяам̣ ж̇ан̃н̃аа, сукавинижчаяам̣ н̃ад̇ваа аж̇жхад̇д̇ам̣ сукамануяун̃ж̇зяяа, раховаад̣̇ам̣ на бхаасзяяа, саммукаа на кийн̣ам̣ бхан̣з, ад̇арамаанова бхаасзяяа но д̇арамаано, ж̇анабад̣̇анируд̇д̇им̣ наабхинивзсзяяа, саман̃н̃ам̣ наад̇ид̇хаавзяяаад̇и. аяамуд̣̇д̣̇зсо аран̣авибхан̇г̇асса …бз… д̇ад̇ра, бхигкавз, яо гаамабадисанд̇хисукино соманассаануяог̇ам̣ анануяог̇о хийнам̣…бз… анад̇т̇асам̣хид̇ам̣, ад̣̇угко зсо д̇хаммо авигхаад̇о анубааяаасо абарил̣аахо саммаабадибад̣̇аа. д̇асмаа зсо д̇хаммо аран̣о…бз… д̇ад̇ра, бхигкавз, яо ад̇д̇агиламат̇аануяог̇ам̣ анануяог̇о д̣̇угкам̣ анарияам̣ анад̇т̇асам̣хид̇ам̣. ад̣̇угко зсо д̇хаммо …бз… д̇асмаа зсо д̇хаммо аран̣о. д̇ад̇ра, бхигкавз, яааяам̣ маж̇жхимаа бадибад̣̇аа д̇ат̇ааг̇ад̇зна абхисамб̣уд̣̇д̇хаа…бз… ад̣̇угко зсо д̇хаммо…бз… д̇асмаа зсо д̇хаммо аран̣о…бз… д̇ад̇ра, бхигкавз, яааяам̣ нзвуссаад̣̇анаа на абасаад̣̇анаа д̇хаммад̣̇зсанаа жа, ад̣̇угко зсо д̇хаммо…бз… д̇асмаа зсо д̇хаммо аран̣о…бз… д̇ад̇ра, бхигкавз, яад̣̇ид̣̇ам̣ нзгкаммасукам̣ бавивзгасукам̣ убасамасукам̣ самб̣од̇хисукам̣, ад̣̇угко зсо д̇хаммо…бз… д̇асмаа зсо д̇хаммо аран̣о…бз… д̇ад̇ра, бхигкавз, явааяам̣ раховаад̣̇о бхууд̇о д̇ажчо ад̇т̇асам̣хид̇о, ад̣̇угко зсо д̇хаммо…бз… д̇асмаа зсо д̇хаммо аран̣о …бз… д̇ад̇ра, бхигкавз, явааяам̣ саммукаа кийн̣аваад̣̇о бхууд̇о д̇ажчо ад̇т̇асам̣хид̇о, ад̣̇угко зсо д̇хаммо…бз… д̇асмаа зсо д̇хаммо аран̣о…бз… д̇ад̇ра, бхигкавз, яад̣̇ид̣̇ам̣ ад̇арамаанасса бхаасид̇ам̣, ад̣̇угко зсо д̇хаммо…бз… д̇асмаа зсо д̇хаммо аран̣о…бз… д̇ад̇ра, бхигкавз, явааяам̣ ж̇анабад̣̇анируд̇д̇ияаа жа анабхинивзсо саман̃н̃ааяа жа анад̇исааро, ад̣̇угко зсо д̇хаммо…бз… д̇асмаа зсо д̇хаммо аран̣од̇и. д̇асмаад̇иха, бхигкавз, саран̣ан̃жа д̇хаммам̣ ж̇ааниссаама, аран̣ан̃жа д̇хаммам̣ ж̇ааниссаама. саран̣ан̃жа д̇хаммам̣ н̃ад̇ваа аран̣ан̃жа д̇хаммам̣ н̃ад̇ваа аран̣ам̣ бадибад̣̇ам̣ бадибаж̇ж̇иссаамаад̇и зван̃хи во, бхигкавз, сигкид̇аб̣б̣ам̣. субхууд̇и жа бана, бхигкавз, гулабуд̇д̇о аран̣абадибад̣̇ам̣ бадибанно’’д̇и.

    ‘‘Araṇavibhaṅgaṃ vo, bhikkhave, desessāmi…pe… na kāmasukhaṃ anuyuñjeyya hīnaṃ gammaṃ pothujjanikaṃ anariyaṃ anatthasaṃhitaṃ, na ca attakilamathānuyogaṃ anuyuñjeyya dukkhaṃ anariyaṃ anatthasaṃhitaṃ. Ete kho, bhikkhave, ubho ante anupagamma majjhimā paṭipadā tathāgatena abhisambuddhā cakkhukaraṇī ñāṇakaraṇī upasamāya abhiññāya sambodhāya nibbānāya saṃvattati. Ussādanañca jaññā, apasādanañca jaññā, ussādanañca ñatvā apasādanañca ñatvā nevussādeyya na apasādeyya, dhammameva deseyya. Sukhavinicchayaṃ jaññā, sukhavinicchayaṃ ñatvā ajjhattaṃ sukhamanuyuñjeyya, rahovādaṃ na bhāseyya, sammukhā na khīṇaṃ bhaṇe, ataramānova bhāseyya no taramāno, janapadaniruttiṃ nābhiniveseyya, samaññaṃ nātidhāveyyāti. Ayamuddeso araṇavibhaṅgassa …pe… tatra, bhikkhave, yo kāmapaṭisandhisukhino somanassānuyogaṃ ananuyogo hīnaṃ…pe… anatthasaṃhitaṃ, adukkho eso dhammo avighāto anupāyāso apariḷāho sammāpaṭipadā. Tasmā eso dhammo araṇo…pe… tatra, bhikkhave, yo attakilamathānuyogaṃ ananuyogo dukkhaṃ anariyaṃ anatthasaṃhitaṃ. Adukkho eso dhammo …pe… tasmā eso dhammo araṇo. Tatra, bhikkhave, yāyaṃ majjhimā paṭipadā tathāgatena abhisambuddhā…pe… adukkho eso dhammo…pe… tasmā eso dhammo araṇo…pe… tatra, bhikkhave, yāyaṃ nevussādanā na apasādanā dhammadesanā ca, adukkho eso dhammo…pe… tasmā eso dhammo araṇo…pe… tatra, bhikkhave, yadidaṃ nekkhammasukhaṃ pavivekasukhaṃ upasamasukhaṃ sambodhisukhaṃ, adukkho eso dhammo…pe… tasmā eso dhammo araṇo…pe… tatra, bhikkhave, yvāyaṃ rahovādo bhūto taccho atthasaṃhito, adukkho eso dhammo…pe… tasmā eso dhammo araṇo …pe… tatra, bhikkhave, yvāyaṃ sammukhā khīṇavādo bhūto taccho atthasaṃhito, adukkho eso dhammo…pe… tasmā eso dhammo araṇo…pe… tatra, bhikkhave, yadidaṃ ataramānassa bhāsitaṃ, adukkho eso dhammo…pe… tasmā eso dhammo araṇo…pe… tatra, bhikkhave, yvāyaṃ janapadaniruttiyā ca anabhiniveso samaññāya ca anatisāro, adukkho eso dhammo…pe… tasmā eso dhammo araṇoti. Tasmātiha, bhikkhave, saraṇañca dhammaṃ jānissāma, araṇañca dhammaṃ jānissāma. Saraṇañca dhammaṃ ñatvā araṇañca dhammaṃ ñatvā araṇaṃ paṭipadaṃ paṭipajjissāmāti evañhi vo, bhikkhave, sikkhitabbaṃ. Subhūti ca pana, bhikkhave, kulaputto araṇapaṭipadaṃ paṭipanno’’ti.

    д̇ад̇т̇а маж̇жхимаа бадибад̣̇аа д̣̇ассанаад̇хибад̇зяязна жа санд̇зна вихаараад̇хиг̇амзна жа сан̇г̇ахид̇аа. гаамасукам̣ ад̇д̇агиламат̇ам̣ анануяог̇о маж̇жхимаа бадибад̣̇аа зва. арахад̇о хи вибассанаабуб̣б̣абхааг̇амаж̇жхимаа бадибад̣̇аа ход̇и, арахад̇д̇апаласамаабад̇д̇и адтан̇г̇амаг̇г̇авасзна маж̇жхимаа бадибад̣̇аа жа. сзсаа бана бан̣ийд̇аад̇химуд̇д̇ад̇ааяа зва сан̇г̇ахид̇аад̇и взд̣̇ид̇аб̣б̣аа. гин̃жааби саб̣б̣зби араханд̇о аран̣авихаарино, ан̃н̃з араханд̇о д̇хаммам̣ д̣̇зсзнд̇аа ‘‘саммаабадибаннз саммаабадибаннаа’’д̇и ‘‘мижчаабадибаннз мижчаабадибаннаа’’д̇и буг̇г̇алавасзнааби уссаад̣̇анаабасаад̣̇анаани гад̇ваа д̇хаммам̣ д̣̇зсзнд̇и. субхууд̇ид̇т̇зро бана ‘‘аяам̣ мижчаабадибад̣̇аа, аяам̣ саммаабадибад̣̇аа’’д̇и д̇хаммавасзнзва д̇хаммам̣ д̣̇зсзси. д̇знзва бхаг̇аваа д̇ам̣язва аран̣абадибад̣̇ам̣ бадибаннод̇и жа ван̣н̣зси, ‘‘зд̇ад̣̇аг̇г̇ам̣, бхигкавз, мама саавагаанам̣ бхигкуунам̣ аран̣авихаарийнам̣ яад̣̇ид̣̇ам̣ субхууд̇ий’’д̇и (а. ни. 1.198, 201) жа аран̣авихаарийнам̣ аг̇г̇адтаанз табзсийд̇и.

    Tattha majjhimā paṭipadā dassanādhipateyyena ca santena vihārādhigamena ca saṅgahitā. Kāmasukhaṃ attakilamathaṃ ananuyogo majjhimā paṭipadā eva. Arahato hi vipassanāpubbabhāgamajjhimā paṭipadā hoti, arahattaphalasamāpatti aṭṭhaṅgamaggavasena majjhimā paṭipadā ca. Sesā pana paṇītādhimuttatāya eva saṅgahitāti veditabbā. Kiñcāpi sabbepi arahanto araṇavihārino, aññe arahanto dhammaṃ desentā ‘‘sammāpaṭipanne sammāpaṭipannā’’ti ‘‘micchāpaṭipanne micchāpaṭipannā’’ti puggalavasenāpi ussādanāpasādanāni katvā dhammaṃ desenti. Subhūtitthero pana ‘‘ayaṃ micchāpaṭipadā, ayaṃ sammāpaṭipadā’’ti dhammavaseneva dhammaṃ desesi. Teneva bhagavā taṃyeva araṇapaṭipadaṃ paṭipannoti ca vaṇṇesi, ‘‘etadaggaṃ, bhikkhave, mama sāvakānaṃ bhikkhūnaṃ araṇavihārīnaṃ yadidaṃ subhūtī’’ti (a. ni. 1.198, 201) ca araṇavihārīnaṃ aggaṭṭhāne ṭhapesīti.

    34. д̣̇вийхи б̣алзхийд̇и самат̇аб̣алавибассанааб̣алзхи. саманнааг̇ад̇ад̇д̇аад̇и яуд̇д̇ад̇д̇аа барибун̣н̣ад̇д̇аа ваа. д̇аяо жаад̇и вибхад̇д̇ивибаллаасо, д̇ин̣н̣ан̃жаад̇и вуд̇д̇ам̣ ход̇и. сан̇каараананд̇и важийсан̇каарагааяасан̇кааражид̇д̇асан̇каараанам̣. бадиббассад̣̇д̇хияаад̇и бадиббассад̣̇д̇хад̇т̇ам̣ нирод̇хад̇т̇ам̣, аббавад̇д̇ад̇т̇анд̇и вуд̇д̇ам̣ ход̇и. сол̣асахийд̇и анижжаанубассанаад̣̇ийни адта, маг̇г̇апалаани адтаад̇и сол̣асахи. н̃аан̣ажарияаахийд̇и н̃аан̣аббавад̇д̇ийхи. навахийд̇и руубааруубааважарасамаад̇хи д̇ад̣̇убажааро жаад̇и навахи. васибхаавад̇аа бан̃н̃аад̇и лахуд̇аа, яат̇аасукавад̇д̇анам̣ иссарияам̣ васо, со асса ад̇т̇ийд̇и васий, васино бхааво васибхааво, васибхааво зва васибхаавад̇аа, яат̇аа баадигуляамзва баадигуляад̇аа. звам̣вид̇хаа бан̃н̃аа васибхаавад̇ааяа бан̃н̃аад̇и ваа ад̇т̇о. си-гаарам̣ д̣̇ийгхам̣ гад̇ваа жа батанд̇и. саманнааг̇ад̇ад̇д̇аа жа бадиббассад̣̇д̇хияаа жа н̃аан̣ажарияаахи жа самаад̇хижарияаахи жаад̇и жа-гааро самб̣анд̇хид̇аб̣б̣о.

    34.Dvīhi balehīti samathabalavipassanābalehi. Samannāgatattāti yuttattā paripuṇṇattā vā. Tayo cāti vibhattivipallāso, tiṇṇañcāti vuttaṃ hoti. Saṅkhārānanti vacīsaṅkhārakāyasaṅkhāracittasaṅkhārānaṃ. Paṭippassaddhiyāti paṭippassaddhatthaṃ nirodhatthaṃ, appavattatthanti vuttaṃ hoti. Soḷasahīti aniccānupassanādīni aṭṭha, maggaphalāni aṭṭhāti soḷasahi. Ñāṇacariyāhīti ñāṇappavattīhi. Navahīti rūpārūpāvacarasamādhi tadupacāro cāti navahi. Vasibhāvatā paññāti lahutā, yathāsukhavattanaṃ issariyaṃ vaso, so assa atthīti vasī, vasino bhāvo vasibhāvo, vasibhāvo eva vasibhāvatā, yathā pāṭikulyameva pāṭikulyatā. Evaṃvidhā paññā vasibhāvatāya paññāti vā attho. Si-kāraṃ dīghaṃ katvā ca paṭhanti. Samannāgatattā ca paṭippassaddhiyā ca ñāṇacariyāhi ca samādhicariyāhi cāti ca-kāro sambandhitabbo.

    нирод̇хасамаабад̇д̇ияаа н̃аан̣анд̇и анааг̇аамиараханд̇аанам̣ нирод̇хасамаабад̇д̇инимид̇д̇ам̣ н̃аан̣ам̣, яат̇аа аж̇инамхи хан̃н̃ад̇з д̣̇ийбийд̇и. нирод̇хасамаабад̇д̇ийд̇и жа нзвасан̃н̃аанаасан̃н̃ааяад̇анасса абхаавамад̇д̇ам̣, на гожи д̇хаммо, бан̃н̃ад̇д̇имад̇д̇ам̣ абхаавамад̇д̇ад̇д̇аа нирод̇ход̇и жа. самаабаж̇ж̇анд̇зна самаабаж̇ж̇ийяад̇и наамаад̇и самаабад̇д̇ийд̇и жа вужжад̇и.

    Nirodhasamāpattiyā ñāṇanti anāgāmiarahantānaṃ nirodhasamāpattinimittaṃ ñāṇaṃ, yathā ajinamhi haññate dīpīti. Nirodhasamāpattīti ca nevasaññānāsaññāyatanassa abhāvamattaṃ, na koci dhammo, paññattimattaṃ abhāvamattattā nirodhoti ca. Samāpajjantena samāpajjīyati nāmāti samāpattīti ca vuccati.

    35. самбаж̇аанассаад̇и саммаа багаарзхи ж̇аанаад̇ийд̇и самбаж̇аано. д̇асса самбаж̇аанасса. бавад̇д̇абарияаад̣̇аанзд̇и бавад̇д̇анам̣ бавад̇д̇ам̣, самуд̣̇аажаарод̇и ад̇т̇о. гилзсабавад̇д̇ам̣ канд̇хабавад̇д̇ан̃жа. д̇асса бавад̇д̇асса барияаад̣̇аанам̣ баригкаяо аббавад̇д̇и бавад̇д̇абарияаад̣̇аанам̣. д̇асмим̣ бавад̇д̇абарияаад̣̇аанз. бариниб̣б̣аанз н̃аан̣анд̇и арахад̇о гаамажчанд̣̇аад̣̇ийнам̣ бариниб̣б̣аанам̣ аббавад̇д̇ам̣ анубаад̣̇исзсабариниб̣б̣аанан̃жа бажжавзгканд̇асса д̇асмим̣ гилзсабариниб̣б̣аанз канд̇хабариниб̣б̣аанз жа бавад̇д̇ам̣ н̃аан̣ам̣.

    35.Sampajānassāti sammā pakārehi jānātīti sampajāno. Tassa sampajānassa. Pavattapariyādāneti pavattanaṃ pavattaṃ, samudācāroti attho. Kilesapavattaṃ khandhapavattañca. Tassa pavattassa pariyādānaṃ parikkhayo appavatti pavattapariyādānaṃ. Tasmiṃ pavattapariyādāne. Parinibbāne ñāṇanti arahato kāmacchandādīnaṃ parinibbānaṃ appavattaṃ anupādisesaparinibbānañca paccavekkhantassa tasmiṃ kilesaparinibbāne khandhaparinibbāne ca pavattaṃ ñāṇaṃ.

    36. саб̣б̣ад̇хаммаананд̇и саб̣б̣зсам̣ д̇збхуумагад̇хаммаанам̣. саммаа самужчзд̣̇зд̇и санд̇ад̇исамужчзд̣̇авасзна судту нирод̇хз. нирод̇хз жа анубадтаанад̇аад̇и нирод̇хз г̇ад̇з буна на убадтаанад̇ааяа, буна ануббад̇д̇ияанд̇и ад̇т̇о. саммаасамужчзд̣̇з жа нирод̇хз жа анубадтаанад̇аа жаад̇и жа-гааро самб̣анд̇хид̇аб̣б̣о.

    36.Sabbadhammānanti sabbesaṃ tebhūmakadhammānaṃ. Sammā samucchedeti santatisamucchedavasena suṭṭhu nirodhe. Nirodhe ca anupaṭṭhānatāti nirodhe gate puna na upaṭṭhānatāya, puna anuppattiyanti attho. Sammāsamucchede ca nirodhe ca anupaṭṭhānatā cāti ca-kāro sambandhitabbo.

    самасийсадтз н̃аан̣анд̇и нзгкаммаад̣̇ийни сад̇д̇ад̇им̣са самаани, д̇ан̣хаад̣̇ийни д̇зраса сийсаани. бажжанийгад̇хаммаанам̣ самид̇ад̇д̇аа самаани, яат̇ааяог̇ам̣ бад̇хаанад̇д̇аа жа годид̇д̇аа жа сийсаани. згасмим̣ ирияаабат̇з ваа згасмим̣ рог̇з ваа сабхааг̇асанд̇ад̇ивасзна згасмим̣ ж̇ийвид̇инд̣̇рияз ваа нзгкаммаад̣̇ийни самаани жа сад̣̇д̇хаад̣̇ийни сийсаани жа асса санд̇ийд̇и самасийсий, самасийсисса ад̇т̇о самасийсадто. д̇асмим̣ самасийсадтз, самасийсибхаавзд̇и ад̇т̇о. згасмим̣ ирияаабат̇з рог̇з ваа сабхааг̇асанд̇ад̇ивасзна ж̇ийвид̇з ваа вибассанам̣ аарабхид̇ваа д̇асмим̣язва ирияаабат̇з рог̇з сабхааг̇аж̇ийвид̇з ваа жад̇д̇аари маг̇г̇апалаани бад̇ваа, д̇асмим̣язва бариниб̣б̣ааяанд̇асса арахад̇оязва самасийсибхааво ход̇ийд̇и д̇асмим̣ самасийсибхаавз н̃аан̣анд̇и вуд̇д̇ам̣ ход̇и. вуд̇д̇ан̃жа буг̇г̇алабан̃н̃ад̇д̇ияам̣ (бу. ба. 16), д̇ассаа жа адтагат̇ааяам̣ (бу. ба. адта. 16) –

    Samasīsaṭṭhe ñāṇanti nekkhammādīni sattatiṃsa samāni, taṇhādīni terasa sīsāni. Paccanīkadhammānaṃ samitattā samāni, yathāyogaṃ padhānattā ca koṭittā ca sīsāni. Ekasmiṃ iriyāpathe vā ekasmiṃ roge vā sabhāgasantativasena ekasmiṃ jīvitindriye vā nekkhammādīni samāni ca saddhādīni sīsāni ca assa santīti samasīsī, samasīsissa attho samasīsaṭṭho. Tasmiṃ samasīsaṭṭhe, samasīsibhāveti attho. Ekasmiṃ iriyāpathe roge vā sabhāgasantativasena jīvite vā vipassanaṃ ārabhitvā tasmiṃyeva iriyāpathe roge sabhāgajīvite vā cattāri maggaphalāni patvā, tasmiṃyeva parinibbāyantassa arahatoyeva samasīsibhāvo hotīti tasmiṃ samasīsibhāve ñāṇanti vuttaṃ hoti. Vuttañca puggalapaññattiyaṃ (pu. pa. 16), tassā ca aṭṭhakathāyaṃ (pu. pa. aṭṭha. 16) –

    ‘‘гад̇амо жа буг̇г̇ало самасийсий? яасса буг̇г̇аласса абуб̣б̣ам̣ ажаримам̣ аасавабарияаад̣̇аанан̃жа ход̇и ж̇ийвид̇абарияаад̣̇аанан̃жа. аяам̣ вужжад̇и буг̇г̇ало самасийсий’’д̇и (бу. ба. 16).

    ‘‘Katamo ca puggalo samasīsī? Yassa puggalassa apubbaṃ acarimaṃ āsavapariyādānañca hoti jīvitapariyādānañca. Ayaṃ vuccati puggalo samasīsī’’ti (pu. pa. 16).

    ‘‘самасийсинид̣̇д̣̇зсз абуб̣б̣ам̣ ажариманд̇и абурз абажчаа, санд̇ад̇ибажжуббаннавасзна згаваарам̣язва, згагаалам̣язваад̇и ад̇т̇о. барияаад̣̇аананд̇и баригкаяо. аяанд̇и аяам̣ буг̇г̇ало самасийсий наама вужжад̇и. со банзса д̇ивид̇хо ход̇и ирияаабат̇асамасийсий рог̇асамасийсий ж̇ийвид̇асамасийсийд̇и. д̇ад̇т̇а яо жан̇гаманд̇ова вибассанам̣ аарабхид̇ваа арахад̇д̇ам̣ бад̇ваа жан̇гаманд̇ова бариниб̣б̣аад̇и, яо тид̇агова вибассанам̣ аарабхид̇ваа арахад̇д̇ам̣ бад̇ваа тид̇агова бариниб̣б̣аад̇и, яо нисиннова вибассанам̣ аарабхид̇ваа арахад̇д̇ам̣ бад̇ваа нисиннова бариниб̣б̣аад̇и, яо нибаннова вибассанам̣ аарабхид̇ваа арахад̇д̇ам̣ бад̇ваа нибаннова бариниб̣б̣аад̇и, аяам̣ ирияаабат̇асамасийсий наама. яо бана згам̣ рог̇ам̣ бад̇ваа анд̇орог̇зязва вибассанам̣ аарабхид̇ваа арахад̇д̇ам̣ бад̇ваа д̇знзва рог̇зна бариниб̣б̣аад̇и, аяам̣ рог̇асамасийсий наама. гад̇аро ж̇ийвид̇асамасийсий? д̇зраса сийсаани. д̇ад̇т̇а гилзсасийсам̣ авиж̇ж̇ам̣ арахад̇д̇амаг̇г̇о барияаад̣̇ияад̇и, бавад̇д̇асийсам̣ ж̇ийвид̇инд̣̇рияам̣ жуд̇ижид̇д̇ам̣ барияаад̣̇ияад̇и, авиж̇ж̇аабарияаад̣̇ааяагам̣ жид̇д̇ам̣ ж̇ийвид̇инд̣̇рияам̣ барияаад̣̇аад̇ум̣ на саггод̇и, ж̇ийвид̇инд̣̇рияабарияаад̣̇ааяагам̣ жид̇д̇ам̣ авиж̇ж̇ам̣ барияаад̣̇аад̇ум̣ на саггод̇и. авиж̇ж̇аабарияаад̣̇ааяагам̣ жид̇д̇ам̣ ан̃н̃ам̣, ж̇ийвид̇инд̣̇рияабарияаад̣̇ааяагам̣ жид̇д̇ам̣ ан̃н̃ам̣. яасса жзд̇ам̣ сийсад̣̇ваяам̣ самам̣ барияаад̣̇аанам̣ г̇ажчад̇и, со ж̇ийвид̇асамасийсий наама. гат̇амид̣̇ам̣ самам̣ ход̇ийд̇и? ваарасамад̇ааяа. яасмин̃хи ваарз маг̇г̇авудтаанам̣ ход̇и. сод̇аабад̇д̇имаг̇г̇з бан̃жа бажжавзгкан̣аани, сагад̣̇ааг̇аамимаг̇г̇з бан̃жа, анааг̇аамимаг̇г̇з бан̃жа, арахад̇д̇амаг̇г̇з жад̇д̇аарийд̇и згуунавийсад̇имз бажжавзгкан̣ан̃аан̣з бад̇идтааяа бхаван̇г̇ам̣ од̇арид̇ваа бариниб̣б̣ааяад̇и. имааяа ваарасамад̇ааяа зва убхаяасийсабарияаад̣̇аанамби самам̣ ход̇и наама. д̇знааяам̣ буг̇г̇ало ‘ж̇ийвид̇асамасийсий’д̇и вужжад̇и. аяамзва жа ид̇ха ад̇хиббзд̇о’’д̇и.

    ‘‘Samasīsiniddese apubbaṃ acarimanti apure apacchā, santatipaccuppannavasena ekavāraṃyeva, ekakālaṃyevāti attho. Pariyādānanti parikkhayo. Ayanti ayaṃ puggalo samasīsī nāma vuccati. So panesa tividho hoti iriyāpathasamasīsī rogasamasīsī jīvitasamasīsīti. Tattha yo caṅkamantova vipassanaṃ ārabhitvā arahattaṃ patvā caṅkamantova parinibbāti, yo ṭhitakova vipassanaṃ ārabhitvā arahattaṃ patvā ṭhitakova parinibbāti, yo nisinnova vipassanaṃ ārabhitvā arahattaṃ patvā nisinnova parinibbāti, yo nipannova vipassanaṃ ārabhitvā arahattaṃ patvā nipannova parinibbāti, ayaṃ iriyāpathasamasīsī nāma. Yo pana ekaṃ rogaṃ patvā antorogeyeva vipassanaṃ ārabhitvā arahattaṃ patvā teneva rogena parinibbāti, ayaṃ rogasamasīsī nāma. Kataro jīvitasamasīsī? Terasa sīsāni. Tattha kilesasīsaṃ avijjaṃ arahattamaggo pariyādiyati, pavattasīsaṃ jīvitindriyaṃ cuticittaṃ pariyādiyati, avijjāpariyādāyakaṃ cittaṃ jīvitindriyaṃ pariyādātuṃ na sakkoti, jīvitindriyapariyādāyakaṃ cittaṃ avijjaṃ pariyādātuṃ na sakkoti. Avijjāpariyādāyakaṃ cittaṃ aññaṃ, jīvitindriyapariyādāyakaṃ cittaṃ aññaṃ. Yassa cetaṃ sīsadvayaṃ samaṃ pariyādānaṃ gacchati, so jīvitasamasīsī nāma. Kathamidaṃ samaṃ hotīti? Vārasamatāya. Yasmiñhi vāre maggavuṭṭhānaṃ hoti. Sotāpattimagge pañca paccavekkhaṇāni, sakadāgāmimagge pañca, anāgāmimagge pañca, arahattamagge cattārīti ekūnavīsatime paccavekkhaṇañāṇe patiṭṭhāya bhavaṅgaṃ otaritvā parinibbāyati. Imāya vārasamatāya eva ubhayasīsapariyādānampi samaṃ hoti nāma. Tenāyaṃ puggalo ‘jīvitasamasīsī’ti vuccati. Ayameva ca idha adhippeto’’ti.

    37. ид̣̇аани яасмаа суд̇амаяасийламаяабхааванаамаяан̃аан̣аани ваддабаад̣̇агаани саллзкаа наама на хонд̇и, логуд̇д̇арабаад̣̇агаанзва зд̇аани жа ан̃н̃аани жа н̃аан̣аани саллзкаад̇и вужжанд̇и, д̇асмаа бажжанийгасаллзканаагаарзна бавад̇д̇аани н̃аан̣аани д̣̇ассзд̇ум̣ самасийсадтз н̃аан̣аананд̇арам̣ саллзкадтз н̃аан̣ам̣ уд̣̇д̣̇идтам̣. д̇ад̇т̇а бут̇унаанад̇д̇ад̇зж̇абарияаад̣̇аанз бан̃н̃аад̇и логуд̇д̇арзхи асаммиссадтзна бут̇уунам̣ рааг̇аад̣̇ийнан̃жа наанад̇д̇аанам̣ наанаасабхааваанам̣ гаамажчанд̣̇аад̣̇ийнан̃жа санд̇аабанадтзна ‘‘д̇зж̇аа’’д̇и лад̣̇д̇ханаамаанам̣ д̣̇уссийляаад̣̇ийнан̃жа барияаад̣̇аанз кзбанз бан̃н̃аа, нзгкаммаад̣̇имхи сад̇д̇ад̇им̣сабхзд̣̇з д̇хаммз бан̃н̃аад̇и вуд̇д̇ам̣ ход̇и. ат̇а ваа бут̇убхууд̇аа наанад̇д̇абхууд̇аа жа д̇зж̇аа зва д̇зсам̣ бут̇убхууд̇аанам̣ наанад̇д̇абхууд̇аанам̣ д̣̇уссийляаад̣̇ийнам̣ бан̃жаннам̣ д̇зж̇аанам̣ барияаад̣̇аанз бан̃н̃аад̇и ад̇т̇о. д̇зж̇зхиязва бут̇уунам̣ наанад̇д̇аанан̃жа сан̇г̇ахам̣ нид̣̇д̣̇зсаваарз багаасаяиссаама.

    37. Idāni yasmā sutamayasīlamayabhāvanāmayañāṇāni vaṭṭapādakāni sallekhā nāma na honti, lokuttarapādakāneva etāni ca aññāni ca ñāṇāni sallekhāti vuccanti, tasmā paccanīkasallekhanākārena pavattāni ñāṇāni dassetuṃ samasīsaṭṭhe ñāṇānantaraṃ sallekhaṭṭhe ñāṇaṃ uddiṭṭhaṃ. Tattha puthunānattatejapariyādāne paññāti lokuttarehi asammissaṭṭhena puthūnaṃ rāgādīnañca nānattānaṃ nānāsabhāvānaṃ kāmacchandādīnañca santāpanaṭṭhena ‘‘tejā’’ti laddhanāmānaṃ dussīlyādīnañca pariyādāne khepane paññā, nekkhammādimhi sattatiṃsabhede dhamme paññāti vuttaṃ hoti. Atha vā puthubhūtā nānattabhūtā ca tejā eva tesaṃ puthubhūtānaṃ nānattabhūtānaṃ dussīlyādīnaṃ pañcannaṃ tejānaṃ pariyādāne paññāti attho. Tejehiyeva puthūnaṃ nānattānañca saṅgahaṃ niddesavāre pakāsayissāma.

    саллзкадтз н̃аан̣анд̇и бажжанийгад̇хаммз саллзкад̇и самужчинд̣̇ад̇ийд̇и саллзко, д̇асмим̣ нзгкаммаад̣̇игз сад̇д̇ад̇им̣саббабхзд̣̇з саллзкасабхаавз н̃аан̣ам̣. ‘‘барз вихим̣сагаа бхависсанд̇и, маяамзд̇т̇а авихим̣сагаа бхависсаамаад̇и саллзко гаран̣ийяо’’д̇иаад̣̇инаа (ма. ни. 1.83) наязна бхаг̇авад̇аа саллзкасуд̇д̇анд̇з вуд̇д̇о жад̇ужад̇д̇аалийсабхзд̣̇оби саллзко иминаа сан̇г̇ахид̇оязваад̇и взд̣̇ид̇аб̣б̣о.

    Sallekhaṭṭhe ñāṇanti paccanīkadhamme sallekhati samucchindatīti sallekho, tasmiṃ nekkhammādike sattatiṃsappabhede sallekhasabhāve ñāṇaṃ. ‘‘Pare vihiṃsakā bhavissanti, mayamettha avihiṃsakā bhavissāmāti sallekho karaṇīyo’’tiādinā (ma. ni. 1.83) nayena bhagavatā sallekhasuttante vutto catucattālīsabhedopi sallekho iminā saṅgahitoyevāti veditabbo.

    38. ид̣̇аани саллзкз тид̇зна гад̇д̇аб̣б̣ам̣ саммаббад̇хаанавийрияам̣ д̣̇ассзд̇ум̣ д̇ад̣̇ананд̇арам̣ вийрияаарамбхз н̃аан̣ам̣ уд̣̇д̣̇идтам̣. д̇ад̇т̇а асаллийнад̇д̇абахид̇ад̇д̇абаг̇г̇ахадтзд̇и госаж̇ж̇авасзна асаллийно асан̇гужид̇о ад̇д̇аа ассаад̇и асаллийнад̇д̇о. ад̇д̇аад̇и жид̇д̇ам̣. яат̇ааха –

    38. Idāni sallekhe ṭhitena kattabbaṃ sammappadhānavīriyaṃ dassetuṃ tadanantaraṃ vīriyārambhe ñāṇaṃ uddiṭṭhaṃ. Tattha asallīnattapahitattapaggahaṭṭheti kosajjavasena asallīno asaṅkucito attā assāti asallīnatto. Attāti cittaṃ. Yathāha –

    ‘‘уд̣̇аган̃хи наяанд̇и нзд̇д̇игаа, усугаараа намаяанд̇и д̇зж̇анам̣;

    ‘‘Udakañhi nayanti nettikā, usukārā namayanti tejanaṃ;

    д̣̇аарум̣ намаяанд̇и д̇ажчагаа, ад̇д̇аанам̣ д̣̇амаяанд̇и бан̣д̣ид̇аа’’д̇и. аад̣̇и (д̇ха. ба. 80-82) –

    Dāruṃ namayanti tacchakā, attānaṃ damayanti paṇḍitā’’ti. ādi (dha. pa. 80-82) –

    гааяз жа ж̇ийвид̇з жа анабзгкад̇ааяа бахид̇о бзсид̇о виссадто ад̇д̇аа зд̇знаад̇и бахид̇ад̇д̇о. ад̇д̇аад̇и ад̇д̇абхааво. яат̇ааха – ‘‘яаа бана бхигкуний ад̇д̇аанам̣ вад̇хид̇ваа вад̇хид̇ваа род̣̇зяяаа’’д̇иаад̣̇и (баажи. 880) . асаллийнад̇д̇о жа со бахид̇ад̇д̇о жаад̇и асаллийнад̇д̇абахид̇ад̇д̇о. сахаж̇аад̇ад̇хаммз баг̇г̇ан̣хаад̇и убад̇т̇амбхзд̇ийд̇и баг̇г̇ахо, баг̇г̇ахо зва ад̇т̇о баг̇г̇ахадто, баг̇г̇ахасабхаавод̇и ад̇т̇о. асаллийнад̇д̇абахид̇ад̇д̇асса баг̇г̇ахадто асаллийнад̇д̇абахид̇ад̇д̇абаг̇г̇ахадто. д̇асмим̣ асаллийнад̇д̇абахид̇ад̇д̇абаг̇г̇ахадтз. ‘‘д̇асмаад̇иха, бхигкавз, д̇умхзби аббадиваанам̣ бад̣̇ахзяяаат̇а. гаамам̣ д̇ажо жа нхаару жа адти жа авасиссад̇у, убасуссад̇у сарийрз мам̣салохид̇ам̣. яам̣ д̇ам̣ бурисат̇аамзна бурисавийриязна бурисабараггамзна бад̇д̇аб̣б̣ам̣, на д̇ам̣ абаабун̣ид̇ваа вийрияасса сан̣таанам̣ бхависсад̇ий’’д̇и (а. ни. 2.5) вуд̇д̇ад̇д̇аа асаллийнад̇д̇абахид̇ад̇д̇аважанзна бад̇хаанасмим̣ аббадиваанид̇аа анивад̇д̇анад̇аа вуд̇д̇аа. баг̇г̇ахадтаважанзна бана госаж̇ж̇уд̣̇д̇хажжавимуд̇д̇ам̣ самаббавад̇д̇ам̣ вийрияам̣ вуд̇д̇ам̣.

    Kāye ca jīvite ca anapekkhatāya pahito pesito vissaṭṭho attā etenāti pahitatto. Attāti attabhāvo. Yathāha – ‘‘yā pana bhikkhunī attānaṃ vadhitvā vadhitvā rodeyyā’’tiādi (pāci. 880) . Asallīnatto ca so pahitatto cāti asallīnattapahitatto. Sahajātadhamme paggaṇhāti upatthambhetīti paggaho, paggaho eva attho paggahaṭṭho, paggahasabhāvoti attho. Asallīnattapahitattassa paggahaṭṭho asallīnattapahitattapaggahaṭṭho. Tasmiṃ asallīnattapahitattapaggahaṭṭhe. ‘‘Tasmātiha, bhikkhave, tumhepi appaṭivānaṃ padaheyyātha. Kāmaṃ taco ca nhāru ca aṭṭhi ca avasissatu, upasussatu sarīre maṃsalohitaṃ. Yaṃ taṃ purisathāmena purisavīriyena purisaparakkamena pattabbaṃ, na taṃ apāpuṇitvā vīriyassa saṇṭhānaṃ bhavissatī’’ti (a. ni. 2.5) vuttattā asallīnattapahitattavacanena padhānasmiṃ appaṭivānitā anivattanatā vuttā. Paggahaṭṭhavacanena pana kosajjuddhaccavimuttaṃ samappavattaṃ vīriyaṃ vuttaṃ.

    вийрияаарамбхз н̃аан̣анд̇и вийрабхааво вийрияам̣, вийраанам̣ ваа гаммам̣, вид̇хинаа ваа наязна убааязна ийраяид̇аб̣б̣ам̣ бавад̇д̇аяид̇аб̣б̣анд̇и вийрияам̣. д̇ад̣̇зд̇ам̣ уссаахалагкан̣ам̣, сахаж̇аад̇аанам̣ д̇хаммаанам̣ убад̇т̇амбханарасам̣, асам̣сийд̣̇анабхаавабажжубадтаанам̣, ‘‘сам̣виг̇г̇о яонисо бад̣̇ахад̇ий’’д̇и (а. ни. 4.113) важанад̇о сам̣взг̇абад̣̇адтаанам̣, вийрияаарамбхавад̇т̇убад̣̇адтаанам̣ ваа. саммаа аарад̣̇д̇хам̣ саб̣б̣асамбад̇д̇ийнам̣ муулам̣ ход̇ийд̇и д̣̇адтаб̣б̣ам̣. вийрияасан̇каад̇о аарамбхо вийрияаарамбхо. иминаа сзсаарамбхз бадигкибад̇и. аяан̃хи аарамбхасад̣̇д̣̇о гаммз аабад̇д̇ияам̣ гирияааяам̣ вийрияз хим̣сааяам̣ вигобанзд̇и анзгзсу ад̇т̇зсу ааг̇ад̇о.

    Vīriyārambhe ñāṇanti vīrabhāvo vīriyaṃ, vīrānaṃ vā kammaṃ, vidhinā vā nayena upāyena īrayitabbaṃ pavattayitabbanti vīriyaṃ. Tadetaṃ ussāhalakkhaṇaṃ, sahajātānaṃ dhammānaṃ upatthambhanarasaṃ, asaṃsīdanabhāvapaccupaṭṭhānaṃ, ‘‘saṃviggo yoniso padahatī’’ti (a. ni. 4.113) vacanato saṃvegapadaṭṭhānaṃ, vīriyārambhavatthupadaṭṭhānaṃ vā. Sammā āraddhaṃ sabbasampattīnaṃ mūlaṃ hotīti daṭṭhabbaṃ. Vīriyasaṅkhāto ārambho vīriyārambho. Iminā sesārambhe paṭikkhipati. Ayañhi ārambhasaddo kamme āpattiyaṃ kiriyāyaṃ vīriye hiṃsāyaṃ vikopaneti anekesu atthesu āgato.

    ‘‘яам̣гин̃жи д̣̇угкам̣ самбход̇и, саб̣б̣ам̣ аарамбхабажжаяаа;

    ‘‘Yaṃkiñci dukkhaṃ sambhoti, sabbaṃ ārambhapaccayā;

    аарамбхаанам̣ нирод̇хзна, над̇т̇и д̣̇угкасса самбхаво’’д̇и. (су. ни. 749) –

    Ārambhānaṃ nirodhena, natthi dukkhassa sambhavo’’ti. (su. ni. 749) –

    зд̇т̇а хи гаммам̣ аарамбход̇и ааг̇ад̇ам̣. ‘‘аарамбхад̇и жа виббадисаарий жа ход̇ий’’д̇и (а. ни. 5.142; бу. ба. 191) зд̇т̇а аабад̇д̇и. ‘‘махааяан̃н̃аа махаарамбхаа, на д̇з хонд̇и махабпалаа’’д̇и (а. ни. 4.39; сам̣. ни. 1.120) зд̇т̇а яуубуссаабанаад̣̇игирияаа. ‘‘аарамбхат̇а ниггамат̇а, яун̃ж̇ат̇а б̣уд̣̇д̇хасаасанз’’д̇и (сам̣. ни. 1.185) зд̇т̇а вийрияам̣. ‘‘саман̣ам̣ г̇од̇амам̣ уд̣̇д̣̇исса баан̣ам̣ аарамбханд̇ий’’д̇и (ма. ни. 2.51-52) зд̇т̇а хим̣саа. ‘‘б̣ийж̇аг̇аамабхууд̇аг̇аамасамаарамбхаа бадивирад̇о ход̇ий’’д̇и (д̣̇ий. ни. 1.10; ма. ни. 1.293) зд̇т̇а чзд̣̇анабхан̃ж̇анаад̣̇игам̣ вигобанам̣. ид̇ха бана вийрияамзва ад̇хиббзд̇ам̣. д̇зна вуд̇д̇ам̣ ‘‘вийрияасан̇каад̇о аарамбхо вийрияаарамбхо’’д̇и. вийрияан̃хи аарабханагавасзна аарамбход̇и вужжад̇и. д̇асмим̣ вийрияаарамбхз н̃аан̣ам̣. асаллийнад̇д̇аа бахид̇ад̇д̇аад̇иби батанд̇и, асаллийнабхаавзна бахид̇абхаавзнаад̇и ад̇т̇о. буримабаатоязва сунд̣̇аро. гзжи бана ‘‘сад̇ид̇хаммавижаяавийрияабийд̇исамб̣ож̇жхан̇г̇аанам̣ самад̇аа асаллийнад̇д̇ад̇аа, сад̇исамаад̇хибассад̣̇д̇хиубзгкаасамб̣ож̇жхан̇г̇аанам̣ самад̇аа бахид̇ад̇д̇ад̇аа, сад̇д̇аннам̣ самб̣ож̇жхан̇г̇аанам̣ самад̇аа баг̇г̇ахадто’’д̇и ван̣н̣аяанд̇и.

    Ettha hi kammaṃ ārambhoti āgataṃ. ‘‘Ārambhati ca vippaṭisārī ca hotī’’ti (a. ni. 5.142; pu. pa. 191) ettha āpatti. ‘‘Mahāyaññā mahārambhā, na te honti mahapphalā’’ti (a. ni. 4.39; saṃ. ni. 1.120) ettha yūpussāpanādikiriyā. ‘‘Ārambhatha nikkamatha, yuñjatha buddhasāsane’’ti (saṃ. ni. 1.185) ettha vīriyaṃ. ‘‘Samaṇaṃ gotamaṃ uddissa pāṇaṃ ārambhantī’’ti (ma. ni. 2.51-52) ettha hiṃsā. ‘‘Bījagāmabhūtagāmasamārambhā paṭivirato hotī’’ti (dī. ni. 1.10; ma. ni. 1.293) ettha chedanabhañjanādikaṃ vikopanaṃ. Idha pana vīriyameva adhippetaṃ. Tena vuttaṃ ‘‘vīriyasaṅkhāto ārambho vīriyārambho’’ti. Vīriyañhi ārabhanakavasena ārambhoti vuccati. Tasmiṃ vīriyārambhe ñāṇaṃ. Asallīnattā pahitattātipi paṭhanti, asallīnabhāvena pahitabhāvenāti attho. Purimapāṭhoyeva sundaro. Keci pana ‘‘satidhammavicayavīriyapītisambojjhaṅgānaṃ samatā asallīnattatā, satisamādhipassaddhiupekkhāsambojjhaṅgānaṃ samatā pahitattatā, sattannaṃ sambojjhaṅgānaṃ samatā paggahaṭṭho’’ti vaṇṇayanti.

    39. ид̣̇аани саммаавааяаамасид̣̇д̇хам̣ маг̇г̇апалам̣ бад̇д̇зна логахид̇ад̇т̇ам̣ д̇хаммад̣̇зсанаа гаад̇аб̣б̣аад̇и д̣̇ассзд̇ум̣ д̇ад̣̇ананд̇арам̣ ад̇т̇асанд̣̇ассанз н̃аан̣ам̣ уд̣̇д̣̇идтам̣. д̇ад̇т̇а наанаад̇хаммаббагаасанад̇аад̇и саб̣б̣асан̇кад̇аасан̇кад̇авасзна наанаад̇хаммаанам̣ багаасанад̇аа д̣̇ийбанад̇аа д̣̇зсанад̇аа. багаасанад̇аад̇и жа багаасанаа зва. ад̇т̇асанд̣̇ассанзд̇и наанааад̇т̇аанам̣ барзсам̣ санд̣̇ассанз. д̇хаммаа жа ад̇т̇аа жа д̇з зва.

    39. Idāni sammāvāyāmasiddhaṃ maggaphalaṃ pattena lokahitatthaṃ dhammadesanā kātabbāti dassetuṃ tadanantaraṃ atthasandassane ñāṇaṃ uddiṭṭhaṃ. Tattha nānādhammappakāsanatāti sabbasaṅkhatāsaṅkhatavasena nānādhammānaṃ pakāsanatā dīpanatā desanatā. Pakāsanatāti ca pakāsanā eva. Atthasandassaneti nānāatthānaṃ paresaṃ sandassane. Dhammā ca atthā ca te eva.

    40. ид̣̇аани барзсам̣ д̇хаммияаа гат̇ааяа санд̣̇ассзнд̇асса д̇асса арияабуг̇г̇аласса яат̇аасабхаавад̇хаммад̣̇зсанаагааран̣ам̣ д̣̇ассанависуд̣̇д̇хим̣ д̣̇ассзд̇ум̣ д̇ад̣̇ананд̇арам̣ д̣̇ассанависуд̣̇д̇хин̃аан̣ам̣ уд̣̇д̣̇идтам̣. д̇ад̇т̇а саб̣б̣ад̇хаммаанам̣ згасан̇г̇ахад̇аа наанад̇д̇згад̇д̇абадивзд̇хзд̇и саб̣б̣зсам̣ сан̇кад̇аасан̇кад̇ад̇хаммаанам̣ згасан̇г̇ахад̇ааяа жа гаамажчанд̣̇аад̣̇ийнам̣ наанад̇д̇асса жа нзгкаммаад̣̇ийнам̣ згад̇д̇асса жа бадивзд̇хо, абхисамаяод̇и ад̇т̇о. со бана маг̇г̇абан̃н̃аа палабан̃н̃аа жа. маг̇г̇абан̃н̃аа сажжаабхисамаяагкан̣з сажжаабхисамаяавасзна бадивиж̇жхад̇ийд̇и бадивзд̇хо, палабан̃н̃аа бадивид̣̇д̇хад̇д̇аа бадивзд̇хо. згасан̇г̇ахад̇аад̇и зд̇т̇а ж̇аад̇исан̇г̇ахо, сан̃ж̇аад̇исан̇г̇ахо, гирияаасан̇г̇ахо, г̇ан̣анасан̇г̇аход̇и жад̇уб̣б̣ид̇хо сан̇г̇ахо. д̇ад̇т̇а ‘‘саб̣б̣з кад̇д̇ияаа ааг̇ажчанд̇у, саб̣б̣з б̣раахман̣аа, саб̣б̣з взссаа, саб̣б̣з суд̣̇д̣̇аа ааг̇ажчанд̇у’’, ‘‘яаа, жаавусо висаака, саммааваажаа, яо жа саммаагамманд̇о, яо жа саммааааж̇ийво, имз д̇хаммаа сийлагканд̇хз сан̇г̇ахид̇аа’’д̇и (ма. ни. 1.462) аяам̣ ж̇аад̇исан̇г̇ахо наама. ‘‘згаж̇аад̇игаа ааг̇ажчанд̇уу’’д̇и вуд̇д̇адтаанз вияа хи ид̇ха саб̣б̣з ж̇аад̇ияаа згасан̇г̇ахид̇аа. ‘‘саб̣б̣з госалагаа ааг̇ажчанд̇у, саб̣б̣з мааг̇ад̇хигаа, саб̣б̣з бхааругажчагаа ааг̇ажчанд̇у’’, ‘‘яо, жаавусо висаака, саммаавааяаамо, яаа жа саммаасад̇и, яо жа саммаасамаад̇хи, имз д̇хаммаа самаад̇хигканд̇хз сан̇г̇ахид̇аа’’д̇и (ма. ни. 1.462) аяам̣ сан̃ж̇аад̇исан̇г̇ахо наама. ‘‘згадтаанз ж̇аад̇аа сам̣вад̣дхаа ааг̇ажчанд̇уу’’д̇и вуд̇д̇адтаанз вияа хи ид̇ха саб̣б̣з ж̇аад̇идтаанзна нивуд̇т̇огаасзна згасан̇г̇ахид̇аа. ‘‘саб̣б̣з хад̇т̇аарохаа ааг̇ажчанд̇у, саб̣б̣з ассаарохаа ааг̇ажчанд̇у, саб̣б̣з рат̇игаа ааг̇ажчанд̇у’’, ‘‘яаа, жаавусо висаака, саммаад̣̇идти, яо жа саммаасан̇габбо, имз д̇хаммаа бан̃н̃аагканд̇хз сан̇г̇ахид̇аа’’д̇и (ма. ни. 1.462) аяам̣ гирияаасан̇г̇ахо наама. саб̣б̣зва хи д̇з ад̇д̇ано гирияаагаран̣зна згасан̇г̇ахид̇аа. ‘‘жагкааяад̇анам̣ гад̇амам̣ канд̇хаг̇ан̣анам̣ г̇ажчад̇и, жагкааяад̇анам̣ руубагканд̇хаг̇ан̣анам̣ г̇ажчад̇и. хан̃жи жагкааяад̇анам̣ руубагканд̇хаг̇ан̣анам̣ г̇ажчад̇и, д̇зна вад̇а рз вад̇д̇аб̣б̣з жагкааяад̇анам̣ руубагканд̇хзна сан̇г̇ахид̇а’’нд̇и (гат̇аа. 471) аяам̣ г̇ан̣анасан̇г̇ахо наама. аяамид̇ха ад̇хиббзд̇о. д̇ат̇адтаад̣̇ийсу д̣̇ваад̣̇асасу аагаарзсу висум̣ висум̣ згзна сан̇г̇ахо г̇ан̣анабарижчзд̣̇о зд̇зсанд̇и згасан̇г̇ахаа, згасан̇г̇ахаанам̣ бхааво згасан̇г̇ахад̇аа.

    40. Idāni paresaṃ dhammiyā kathāya sandassentassa tassa ariyapuggalassa yathāsabhāvadhammadesanākāraṇaṃ dassanavisuddhiṃ dassetuṃ tadanantaraṃ dassanavisuddhiñāṇaṃ uddiṭṭhaṃ. Tattha sabbadhammānaṃ ekasaṅgahatā nānattekattapaṭivedheti sabbesaṃ saṅkhatāsaṅkhatadhammānaṃ ekasaṅgahatāya ca kāmacchandādīnaṃ nānattassa ca nekkhammādīnaṃ ekattassa ca paṭivedho, abhisamayoti attho. So pana maggapaññā phalapaññā ca. Maggapaññā saccābhisamayakkhaṇe saccābhisamayavasena paṭivijjhatīti paṭivedho, phalapaññā paṭividdhattā paṭivedho. Ekasaṅgahatāti ettha jātisaṅgaho, sañjātisaṅgaho, kiriyāsaṅgaho, gaṇanasaṅgahoti catubbidho saṅgaho. Tattha ‘‘sabbe khattiyā āgacchantu, sabbe brāhmaṇā, sabbe vessā, sabbe suddā āgacchantu’’, ‘‘yā, cāvuso visākha, sammāvācā, yo ca sammākammanto, yo ca sammāājīvo, ime dhammā sīlakkhandhe saṅgahitā’’ti (ma. ni. 1.462) ayaṃ jātisaṅgaho nāma. ‘‘Ekajātikā āgacchantū’’ti vuttaṭṭhāne viya hi idha sabbe jātiyā ekasaṅgahitā. ‘‘Sabbe kosalakā āgacchantu, sabbe māgadhikā, sabbe bhārukacchakā āgacchantu’’, ‘‘yo, cāvuso visākha, sammāvāyāmo, yā ca sammāsati, yo ca sammāsamādhi, ime dhammā samādhikkhandhe saṅgahitā’’ti (ma. ni. 1.462) ayaṃ sañjātisaṅgaho nāma. ‘‘Ekaṭṭhāne jātā saṃvaḍḍhā āgacchantū’’ti vuttaṭṭhāne viya hi idha sabbe jātiṭṭhānena nivutthokāsena ekasaṅgahitā. ‘‘Sabbe hatthārohā āgacchantu, sabbe assārohā āgacchantu, sabbe rathikā āgacchantu’’, ‘‘yā, cāvuso visākha, sammādiṭṭhi, yo ca sammāsaṅkappo, ime dhammā paññākkhandhe saṅgahitā’’ti (ma. ni. 1.462) ayaṃ kiriyāsaṅgaho nāma. Sabbeva hi te attano kiriyākaraṇena ekasaṅgahitā. ‘‘Cakkhāyatanaṃ katamaṃ khandhagaṇanaṃ gacchati, cakkhāyatanaṃ rūpakkhandhagaṇanaṃ gacchati. Hañci cakkhāyatanaṃ rūpakkhandhagaṇanaṃ gacchati, tena vata re vattabbe cakkhāyatanaṃ rūpakkhandhena saṅgahita’’nti (kathā. 471) ayaṃ gaṇanasaṅgaho nāma. Ayamidha adhippeto. Tathaṭṭhādīsu dvādasasu ākāresu visuṃ visuṃ ekena saṅgaho gaṇanaparicchedo etesanti ekasaṅgahā, ekasaṅgahānaṃ bhāvo ekasaṅgahatā.

    д̣̇ассанависуд̣̇д̇хин̃аан̣анд̇и маг̇г̇апалан̃аан̣ам̣ д̣̇ассанам̣. д̣̇ассанамзва висуд̣̇д̇хи д̣̇ассанависуд̣̇д̇хи, д̣̇ассанависуд̣̇д̇хи зва н̃аан̣ам̣ д̣̇ассанависуд̣̇д̇хин̃аан̣ам̣. маг̇г̇ан̃аан̣ам̣ висуж̇жхад̇ийд̇и д̣̇ассанависуд̣̇д̇хи, палан̃аан̣ам̣ висуд̣̇д̇хад̇д̇аа д̣̇ассанависуд̣̇д̇хи.

    Dassanavisuddhiñāṇanti maggaphalañāṇaṃ dassanaṃ. Dassanameva visuddhi dassanavisuddhi, dassanavisuddhi eva ñāṇaṃ dassanavisuddhiñāṇaṃ. Maggañāṇaṃ visujjhatīti dassanavisuddhi, phalañāṇaṃ visuddhattā dassanavisuddhi.

    41. ид̣̇аани д̣̇ассанависуд̣̇д̇хисаад̇хагаани вибассанаан̃аан̣аани д̣̇вид̇хаа д̣̇ассзд̇ум̣ д̇ад̣̇ананд̇арам̣ канд̇ин̃аан̣абарияог̇аахан̣ан̃аан̣аани уд̣̇д̣̇идтаани. д̇ад̇т̇а вид̣̇ид̇ад̇д̇аа бан̃н̃аад̇и руубагканд̇хаад̣̇ийнам̣ анижжаад̣̇ид̇о вид̣̇ид̇ад̇д̇аа бавад̇д̇аа бан̃н̃аа. канд̇ин̃аан̣анд̇и вид̣̇ид̇амзва камад̇ийд̇и канд̇и, канд̇и зва н̃аан̣ам̣ канд̇ин̃аан̣ам̣. зд̇зна ад̇хиваасанаканд̇им̣ бадигкибад̇и. зд̇ам̣ галаабасаммасанаад̣̇ивасзна бавад̇д̇ам̣ д̇арун̣авибассанаан̃аан̣ам̣.

    41. Idāni dassanavisuddhisādhakāni vipassanāñāṇāni dvidhā dassetuṃ tadanantaraṃ khantiñāṇapariyogāhaṇañāṇāni uddiṭṭhāni. Tattha viditattā paññāti rūpakkhandhādīnaṃ aniccādito viditattā pavattā paññā. Khantiñāṇanti viditameva khamatīti khanti, khanti eva ñāṇaṃ khantiñāṇaṃ. Etena adhivāsanakhantiṃ paṭikkhipati. Etaṃ kalāpasammasanādivasena pavattaṃ taruṇavipassanāñāṇaṃ.

    42. пудтад̇д̇аа бан̃н̃аад̇и руубагканд̇хаад̣̇ийнам̣ анижжаад̣̇ивасзна н̃аан̣апассзна пудтад̇д̇аа бавад̇д̇аа бан̃н̃аа. барияог̇аахан̣з н̃аан̣анд̇и пудтамзва барияог̇аахад̇и бависад̇ийд̇и барияог̇аахан̣ам̣ н̃аан̣ам̣. г̇аа-гаарам̣ рассам̣ гад̇вааби батанд̇и. зд̇ам̣ бхан̇г̇аанубассанаад̣̇ивасзна бавад̇д̇ам̣ д̇игкавибассанаан̃аан̣ам̣. гзжи бана ‘‘вибассанаан̃аан̣амзва сад̣̇д̇хааваахисса канд̇ин̃аан̣ам̣, бан̃н̃ааваахисса барияог̇аахан̣ан̃аан̣а’’нд̇и вад̣̇анд̇и. звам̣ санд̇з зд̇аани д̣̇вз н̃аан̣аани згасса на самбхаванд̇и , д̇ад̣̇асамбхавз згасса саавагасса сад̇д̇асадти саавагасаад̇хааран̣ан̃аан̣аани на самбхаванд̇и, д̇асмаа д̇ам̣ на яуж̇ж̇ад̇и.

    42.Phuṭṭhattā paññāti rūpakkhandhādīnaṃ aniccādivasena ñāṇaphassena phuṭṭhattā pavattā paññā. Pariyogāhaṇe ñāṇanti phuṭṭhameva pariyogāhati pavisatīti pariyogāhaṇaṃ ñāṇaṃ. Gā-kāraṃ rassaṃ katvāpi paṭhanti. Etaṃ bhaṅgānupassanādivasena pavattaṃ tikkhavipassanāñāṇaṃ. Keci pana ‘‘vipassanāñāṇameva saddhāvāhissa khantiñāṇaṃ, paññāvāhissa pariyogāhaṇañāṇa’’nti vadanti. Evaṃ sante etāni dve ñāṇāni ekassa na sambhavanti , tadasambhave ekassa sāvakassa sattasaṭṭhi sāvakasādhāraṇañāṇāni na sambhavanti, tasmā taṃ na yujjati.

    43. ид̣̇аани яасмаа бут̇уж̇ж̇анаа сзгкаа жа вибассануубаг̇з канд̇хаад̣̇аяо д̇хаммз сагалз зва саммасанд̇и, на д̇зсам̣ згад̣̇зсам̣, д̇асмаа д̇зсам̣ бад̣̇зсавихааро на лаб̣бхад̇и, арахад̇оязва яат̇ааружи бад̣̇зсавихааро лаб̣бхад̇ийд̇и д̣̇ассанависуд̣̇д̇хисаад̇хагаани н̃аан̣аани вад̇ваа д̇ад̣̇ананд̇арам̣ арахад̇о д̣̇ассанависуд̣̇д̇хисид̣̇д̇хам̣ бад̣̇зсавихааран̃аан̣ам̣ уд̣̇д̣̇идтам̣. д̇ад̇т̇а самод̣̇аханз бан̃н̃аад̇и канд̇хаад̣̇ийнам̣ згад̣̇зсасса взд̣̇анаад̇хаммасса самод̣̇аханабан̃н̃аа, самбин̣д̣анабан̃н̃аа раасигаран̣абан̃н̃аа. самод̇хаанз бан̃н̃аад̇иби баато, соязва ад̇т̇о.

    43. Idāni yasmā puthujjanā sekkhā ca vipassanūpage khandhādayo dhamme sakale eva sammasanti, na tesaṃ ekadesaṃ, tasmā tesaṃ padesavihāro na labbhati, arahatoyeva yathāruci padesavihāro labbhatīti dassanavisuddhisādhakāni ñāṇāni vatvā tadanantaraṃ arahato dassanavisuddhisiddhaṃ padesavihārañāṇaṃ uddiṭṭhaṃ. Tattha samodahane paññāti khandhādīnaṃ ekadesassa vedanādhammassa samodahanapaññā, sampiṇḍanapaññā rāsikaraṇapaññā. Samodhāne paññātipi pāṭho, soyeva attho.

    бад̣̇зсавихаарз н̃аан̣анд̇и канд̇хаад̣̇ийнам̣ бад̣̇зсзна згад̣̇зсзна аваяавзна вихааро бад̣̇зсавихааро, д̇асмим̣ бад̣̇зсавихаарз н̃аан̣ам̣. д̇ад̇т̇а бад̣̇зсо наама канд̇хабад̣̇зсо ааяад̇анад̇хаад̇усажжаинд̣̇рияабажжаяаагаарасад̇ибадтаанажхаананаамаруубад̇хаммабад̣̇зсод̇и наанаавид̇хо. звам̣ наанаавид̇хо жзса взд̣̇анаа зва. гат̇ам̣? бан̃жаннам̣ канд̇хаанам̣ взд̣̇анаагканд̇хавасзна канд̇хзгад̣̇зсо, д̣̇ваад̣̇асаннам̣ ааяад̇анаанам̣ взд̣̇анаавасзна д̇хаммааяад̇анзгад̣̇зсо, адтаарасаннам̣ д̇хаад̇уунам̣ взд̣̇анаавасзна д̇хаммад̇хаад̇згад̣̇зсо, жад̇уннам̣ сажжаанам̣ взд̣̇анаавасзна д̣̇угкасажжзгад̣̇зсо, б̣аавийсад̇ияаа инд̣̇рияаанам̣ бан̃жавзд̣̇анинд̣̇рияавасзна инд̣̇риязгад̣̇зсо, д̣̇ваад̣̇асаннам̣ бадижжасамуббаад̣̇ан̇г̇аанам̣ пассабажжаяаа взд̣̇анаавасзна бажжаяаагаарзгад̣̇зсо, жад̇уннам̣ сад̇ибадтаанаанам̣ взд̣̇анаанубассанаавасзна сад̇ибадтаанзгад̣̇зсо, жад̇уннам̣ жхаанаанам̣ сукаубзгкаавасзна жхаанзгад̣̇зсо, наамаруубаанам̣ взд̣̇анаавасзна наамаруубзгад̣̇зсо, гусалаад̣̇ийнам̣ саб̣б̣ад̇хаммаанам̣ взд̣̇анаавасзна д̇хаммзгад̣̇зсод̇и звам̣ взд̣̇анаа зва канд̇хаад̣̇ийнам̣ бад̣̇зсо, д̇ассаа взд̣̇анааяа зва бажжавзгкан̣авасзна бад̣̇зсавихааро.

    Padesavihāre ñāṇanti khandhādīnaṃ padesena ekadesena avayavena vihāro padesavihāro, tasmiṃ padesavihāre ñāṇaṃ. Tattha padeso nāma khandhapadeso āyatanadhātusaccaindriyapaccayākārasatipaṭṭhānajhānanāmarūpadhammapadesoti nānāvidho. Evaṃ nānāvidho cesa vedanā eva. Kathaṃ? Pañcannaṃ khandhānaṃ vedanākkhandhavasena khandhekadeso, dvādasannaṃ āyatanānaṃ vedanāvasena dhammāyatanekadeso, aṭṭhārasannaṃ dhātūnaṃ vedanāvasena dhammadhātekadeso, catunnaṃ saccānaṃ vedanāvasena dukkhasaccekadeso, bāvīsatiyā indriyānaṃ pañcavedanindriyavasena indriyekadeso, dvādasannaṃ paṭiccasamuppādaṅgānaṃ phassapaccayā vedanāvasena paccayākārekadeso, catunnaṃ satipaṭṭhānānaṃ vedanānupassanāvasena satipaṭṭhānekadeso, catunnaṃ jhānānaṃ sukhaupekkhāvasena jhānekadeso, nāmarūpānaṃ vedanāvasena nāmarūpekadeso, kusalādīnaṃ sabbadhammānaṃ vedanāvasena dhammekadesoti evaṃ vedanā eva khandhādīnaṃ padeso, tassā vedanāya eva paccavekkhaṇavasena padesavihāro.

    44. ид̣̇аани яасмаа самаад̇хибхааванаамаяан̃аан̣аад̣̇ийни бхаавзнд̇аа бут̇уж̇ж̇анаа сзгкаа жа д̇з д̇з бхаавзд̇аб̣б̣абхааванаад̇хаммз ад̇хибад̇ий ж̇здтагз гад̇ваа д̇зна д̇зна бахаад̇аб̣б̣з д̇аббажжанийгз наанаасабхаавз д̇хаммз анзгаад̣̇ийнавз аад̣̇ийнавад̇о бажжавзгкид̇ваа д̇асса д̇асса бхааванаад̇хаммасса васзна жид̇д̇ам̣ бад̇идтабзд̇ваа д̇з д̇з бажжанийгад̇хаммз баж̇аханд̇и. баж̇аханд̇аа вибассанаагаалз саб̣б̣асан̇каарз сун̃н̃ад̇о д̣̇исваа бажчаа самужчзд̣̇зна баж̇аханд̇и, д̇ат̇аа баж̇аханд̇аа жа згаабхисамаяавасзна сажжаани бадивиж̇жханд̇аа баж̇аханд̇и. яат̇аавуд̇д̇зхзва аагаарзхи саб̣б̣зби арияаа яат̇ааяог̇ам̣ бадибаж̇ж̇анд̇и, д̇асмаа бад̣̇зсавихааран̃аан̣аананд̇арам̣ сан̃н̃аавиваддан̃аан̣аад̣̇ийни ча н̃аан̣аани яат̇ааггамзна уд̣̇д̣̇идтаани. д̇ад̇т̇а ад̇хибад̇ад̇д̇аа бан̃н̃аад̇и нзгкаммаад̣̇ийнам̣ ад̇хибад̇ибхаавзна нзгкаммаад̣̇ийни ад̇хигаани гад̇ваа д̇ад̣̇ад̇хигабхаавзна бавад̇д̇аа бан̃н̃аад̇и ад̇т̇о. сан̃н̃аавиваддз н̃аан̣анд̇и сан̃н̃ааяа вивадданам̣ бараавадданам̣ бараммукабхаавод̇и сан̃н̃аавиваддо, яааяа сан̃н̃ааяа д̇з д̇з бхааванаад̇хаммз ад̇хибад̇им̣ гарод̇и, д̇ааяа сан̃н̃ааяа хзд̇убхууд̇ааяа, гаран̣абхууд̇ааяа ваа д̇ад̇о д̇ад̇о гаамажчанд̣̇аад̣̇ид̇о вивадданз н̃аан̣анд̇и вуд̇д̇ам̣ ход̇и. зд̇д̇о виваддод̇и авуд̇д̇зби яад̇о виваддад̇и, д̇ад̇о зва виваддод̇и г̇аяхад̇и яат̇аа вивадданаанубассанааяа. саа бана сан̃н̃аа сан̃ж̇аананалагкан̣аа, д̇ад̣̇звзд̇анд̇и буна сан̃ж̇аананабажжаяанимид̇д̇агаран̣арасаа д̣̇ааруаад̣̇ийсу д̇ажчагаад̣̇аяо вияа, яат̇ааг̇ахид̇анимид̇д̇авасзна абхинивзсагаран̣абажжубадтаанаа хад̇т̇ид̣̇ассагаанд̇хаа вияа, аарамман̣з аног̇аал̣хавуд̇д̇ид̇ааяа ажирадтаанабажжубадтаанаа ваа виж̇ж̇у вияа, яат̇ааубадтид̇ависаяабад̣̇адтаанаа д̇ин̣абурисагзсу миг̇абод̇агаанам̣ бурисаад̇и уббаннасан̃н̃аа вияа.

    44. Idāni yasmā samādhibhāvanāmayañāṇādīni bhāventā puthujjanā sekkhā ca te te bhāvetabbabhāvanādhamme adhipatī jeṭṭhake katvā tena tena pahātabbe tappaccanīke nānāsabhāve dhamme anekādīnave ādīnavato paccavekkhitvā tassa tassa bhāvanādhammassa vasena cittaṃ patiṭṭhapetvā te te paccanīkadhamme pajahanti. Pajahantā vipassanākāle sabbasaṅkhāre suññato disvā pacchā samucchedena pajahanti, tathā pajahantā ca ekābhisamayavasena saccāni paṭivijjhantā pajahanti. Yathāvutteheva ākārehi sabbepi ariyā yathāyogaṃ paṭipajjanti, tasmā padesavihārañāṇānantaraṃ saññāvivaṭṭañāṇādīni cha ñāṇāni yathākkamena uddiṭṭhāni. Tattha adhipatattā paññāti nekkhammādīnaṃ adhipatibhāvena nekkhammādīni adhikāni katvā tadadhikabhāvena pavattā paññāti attho. Saññāvivaṭṭe ñāṇanti saññāya vivaṭṭanaṃ parāvaṭṭanaṃ parammukhabhāvoti saññāvivaṭṭo, yāya saññāya te te bhāvanādhamme adhipatiṃ karoti, tāya saññāya hetubhūtāya, karaṇabhūtāya vā tato tato kāmacchandādito vivaṭṭane ñāṇanti vuttaṃ hoti. Etto vivaṭṭoti avuttepi yato vivaṭṭati, tato eva vivaṭṭoti gayhati yathā vivaṭṭanānupassanāya. Sā pana saññā sañjānanalakkhaṇā, tadevetanti puna sañjānanapaccayanimittakaraṇarasā dāruādīsu tacchakādayo viya, yathāgahitanimittavasena abhinivesakaraṇapaccupaṭṭhānā hatthidassakaandhā viya, ārammaṇe anogāḷhavuttitāya aciraṭṭhānapaccupaṭṭhānā vā vijju viya, yathāupaṭṭhitavisayapadaṭṭhānā tiṇapurisakesu migapotakānaṃ purisāti uppannasaññā viya.

    45. наанад̇д̇з бан̃н̃аад̇и наанаасабхаавз бхаавзд̇аб̣б̣ад̇о ан̃н̃асабхаавз гаамажчанд̣̇аад̣̇игз аад̣̇ийнавад̣̇ассанзна бавад̇д̇аа бан̃н̃аа. наанад̇д̇зд̇и жа нимид̇д̇ад̇т̇з бхуммаважанам̣. наанад̇д̇аббахаанам̣ ваа наанад̇д̇ам̣, наанад̇д̇аббахаананимид̇д̇ам̣ наанад̇д̇аббахаанахзд̇у нзгкаммаад̣̇ийсу бан̃н̃аад̇и ад̇хиббааяо. жзд̇овиваддз н̃аан̣анд̇и жзд̇асо гаамажчанд̣̇аад̣̇ид̇о вивадданам̣ нзгкаммаад̣̇ийсу н̃аан̣ам̣. жзд̇од̇и жзд̇т̇а жзд̇анаа ад̇хиббзд̇аа. саа жзд̇анаабхаавалагкан̣аа, абхисанд̣̇аханалагкан̣аа ваа, ааяууханарасаа, сам̣вид̣̇аханабажжубадтаанаа сагижжабарагижжасаад̇хагаа ж̇здтасиссамахаавад̣дхагиаад̣̇аяо вияа. ажжааяигагаммаануссаран̣аад̣̇ийсу жа банааяам̣ самбаяуд̇д̇аанам̣ уссааханабхаавзна баагадаа ход̇и.

    45.Nānatte paññāti nānāsabhāve bhāvetabbato aññasabhāve kāmacchandādike ādīnavadassanena pavattā paññā. Nānatteti ca nimittatthe bhummavacanaṃ. Nānattappahānaṃ vā nānattaṃ, nānattappahānanimittaṃ nānattappahānahetu nekkhammādīsu paññāti adhippāyo. Cetovivaṭṭe ñāṇanti cetaso kāmacchandādito vivaṭṭanaṃ nekkhammādīsu ñāṇaṃ. Cetoti cettha cetanā adhippetā. Sā cetanābhāvalakkhaṇā, abhisandahanalakkhaṇā vā, āyūhanarasā, saṃvidahanapaccupaṭṭhānā sakiccaparakiccasādhakā jeṭṭhasissamahāvaḍḍhakiādayo viya. Accāyikakammānussaraṇādīsu ca panāyaṃ sampayuttānaṃ ussāhanabhāvena pākaṭā hoti.

    46. ад̇хидтаанз бан̃н̃аад̇и нзгкаммаад̣̇ивасзна жид̇д̇асса бад̇идтаабанз бан̃н̃аа. жид̇д̇авиваддз н̃аан̣анд̇и гаамажчанд̣̇аад̣̇ибахаанавасзна жид̇д̇асса вивадданз н̃аан̣ам̣ . жид̇д̇ан̃жзд̇т̇а виж̇аананалагкан̣ам̣, буб̣б̣ан̇г̇амарасам̣, санд̇хаанабажжубадтаанам̣, наамаруубабад̣̇адтаанам̣.

    46.Adhiṭṭhānepaññāti nekkhammādivasena cittassa patiṭṭhāpane paññā. Cittavivaṭṭe ñāṇanti kāmacchandādipahānavasena cittassa vivaṭṭane ñāṇaṃ . Cittañcettha vijānanalakkhaṇaṃ, pubbaṅgamarasaṃ, sandhānapaccupaṭṭhānaṃ, nāmarūpapadaṭṭhānaṃ.

    47. сун̃н̃ад̇з бан̃н̃аад̇и ад̇д̇ад̇д̇анияасун̃н̃ад̇ааяа анад̇д̇аанад̇д̇анияз бавад̇д̇аа анад̇д̇аанубассанаа бан̃н̃аа. н̃аан̣авиваддз н̃аан̣анд̇и н̃аан̣амзва абхинивзсад̇о виваддад̇ийд̇и виваддо, д̇ам̣ н̃аан̣авиваддабхууд̇ам̣ н̃аан̣ам̣.

    47.Suññate paññāti attattaniyasuññatāya anattānattaniye pavattā anattānupassanā paññā. Ñāṇavivaṭṭe ñāṇanti ñāṇameva abhinivesato vivaṭṭatīti vivaṭṭo, taṃ ñāṇavivaṭṭabhūtaṃ ñāṇaṃ.

    48. восаг̇г̇з бан̃н̃аад̇и зд̇т̇а восаж̇ж̇ад̇ийд̇и восаг̇г̇о, гаамажчанд̣̇аад̣̇ийнам̣ восаг̇г̇о нзгкаммаад̣̇имхи бан̃н̃аа. вимогкавиваддз н̃аан̣анд̇и гаамажчанд̣̇аад̣̇игзхи вимужжад̇ийд̇и вимогко, вимогко зва виваддо вимогкавиваддо, со зва н̃аан̣ам̣.

    48.Vosagge paññāti ettha vosajjatīti vosaggo, kāmacchandādīnaṃ vosaggo nekkhammādimhi paññā. Vimokkhavivaṭṭe ñāṇanti kāmacchandādikehi vimuccatīti vimokkho, vimokkho eva vivaṭṭo vimokkhavivaṭṭo, so eva ñāṇaṃ.

    49. д̇ат̇адтз бан̃н̃аад̇и згзгасса сажжасса жад̇уб̣б̣ид̇хз жад̇уб̣б̣ид̇хз авибарийд̇асабхаавз гижжавасзна асаммохад̇о бавад̇д̇аа бан̃н̃аа. сажжавиваддз н̃аан̣анд̇и жад̇уусу сажжзсу д̣̇убхад̇о вудтаанавасзна виваддад̇ийд̇и сажжавиваддо, со зва н̃аан̣ам̣. згамзва н̃аан̣ам̣ ад̇хибад̇игад̇ад̇хаммавасзна сан̃н̃аавиваддод̇и, бахаад̇аб̣б̣ад̇хаммавасзна жзд̇овиваддод̇и, жид̇д̇абад̇идтаабанавасзна жид̇д̇авиваддод̇и, бажжанийгабахаанавасзна вимогкавиваддод̇и звам̣ жад̇уд̇хаа вуд̇д̇ам̣. анад̇д̇аанубассанаава сун̃н̃ад̇аагааравасзна ‘‘н̃аан̣авиваддз н̃аан̣а’’нд̇и вуд̇д̇аа. маг̇г̇ан̃аан̣амзва хздтаа ‘‘маг̇г̇з н̃аан̣а’’нд̇и жа, ‘‘аананд̇аригасамаад̇химхи н̃аан̣а’’нд̇и жа д̣̇вид̇хаа вуд̇д̇ам̣, вивадданаагааравасзна ‘‘сажжавиваддз н̃аан̣а’’нд̇и вуд̇д̇ам̣.

    49.Tathaṭṭhe paññāti ekekassa saccassa catubbidhe catubbidhe aviparītasabhāve kiccavasena asammohato pavattā paññā. Saccavivaṭṭe ñāṇanti catūsu saccesu dubhato vuṭṭhānavasena vivaṭṭatīti saccavivaṭṭo, so eva ñāṇaṃ. Ekameva ñāṇaṃ adhipatikatadhammavasena saññāvivaṭṭoti, pahātabbadhammavasena cetovivaṭṭoti, cittapatiṭṭhāpanavasena cittavivaṭṭoti, paccanīkapahānavasena vimokkhavivaṭṭoti evaṃ catudhā vuttaṃ. Anattānupassanāva suññatākāravasena ‘‘ñāṇavivaṭṭe ñāṇa’’nti vuttā. Maggañāṇameva heṭṭhā ‘‘magge ñāṇa’’nti ca, ‘‘ānantarikasamādhimhi ñāṇa’’nti ca dvidhā vuttaṃ, vivaṭṭanākāravasena ‘‘saccavivaṭṭe ñāṇa’’nti vuttaṃ.

    50. ид̣̇аани д̇асса сажжавиваддан̃аан̣авасзна бавад̇д̇асса аасаваанам̣ каяз н̃аан̣асса васзна бавад̇д̇аани гамад̇о ча абхин̃н̃аан̃аан̣аани уд̣̇д̣̇идтаани. д̇ад̇т̇ааби логабаагадаанубхаавад̇д̇аа ад̇ивимхаабананд̇и батамам̣ ид̣̇д̇хивид̇хан̃аан̣ам̣ уд̣̇д̣̇идтам̣, жзд̇обарияан̃аан̣асса висаяад̇о д̣̇иб̣б̣асод̇ан̃аан̣ам̣ ол̣ааригависаяанд̇и д̣̇уд̇ияам̣ д̣̇иб̣б̣асод̇ан̃аан̣ам̣ уд̣̇д̣̇идтам̣, сукумависаяад̇д̇аа д̇ад̇ияам̣ жзд̇обарияан̃аан̣ам̣ уд̣̇д̣̇идтам̣. д̇ийсу виж̇ж̇аасу буб̣б̣зниваасажчаад̣̇агаад̇ийд̇ад̇амавинод̣̇агад̇д̇аа батамам̣ буб̣б̣зниваасаануссад̇ин̃аан̣ам̣ уд̣̇д̣̇идтам̣, бажжуббаннаанааг̇ад̇ад̇амавинод̣̇агад̇д̇аа д̣̇уд̇ияам̣ д̣̇иб̣б̣ажагкун̃аан̣ам̣ уд̣̇д̣̇идтам̣, саб̣б̣ад̇амасамужчзд̣̇агад̇д̇аа д̇ад̇ияам̣ аасаваанам̣ каяз н̃аан̣ам̣ уд̣̇д̣̇идтам̣. д̇ад̇т̇а гааяамбийд̇и руубагааяамби. жид̇д̇амбийд̇и баад̣̇агаж̇жхаанажид̇д̇амби. згававад̇т̇аанад̇аад̇и баригаммажид̇д̇зна згад̇о табанад̇ааяа жа д̣̇иссамаанагааязна, ад̣̇иссамаанагааязна ваа г̇анд̇угаамагаалз яат̇ааяог̇ам̣ гааяассаби жид̇д̇ассаби миссийгаран̣ад̇ааяа жаад̇и вуд̇д̇ам̣ ход̇и. гааяод̇и жзд̇т̇а сарийрам̣. сарийран̃хи асужисан̃жаяад̇о гужчид̇аанам̣ гзсаад̣̇ийнан̃жзва жагкурог̇аад̣̇ийнам̣ рог̇асад̇аанан̃жа ааяабхууд̇ад̇о гааяод̇и вужжад̇и. сукасан̃н̃ан̃жа лахусан̃н̃ан̃жаад̇и зд̇т̇а жад̇уд̇т̇аж̇жхаанасамбаяуд̇д̇ам̣ згам̣язва сан̃н̃ам̣ аагааранаанад̇д̇ад̇о д̣̇вид̇хаа гад̇ваа самужжаяад̇т̇о жа-сад̣̇д̣̇о баяуд̇д̇о. жад̇уд̇т̇аж̇жхаанасмин̃хи убзгкаа санд̇ад̇д̇аа суканд̇и вуд̇д̇аа, д̇ам̣самбаяуд̇д̇аа сан̃н̃аа сукасан̃н̃аа. сааязва нийваран̣зхи жзва вид̇аггаад̣̇ибажжанийгзхи жа вимуд̇д̇ад̇д̇аа лахусан̃н̃аа. ад̇хидтаанавасзнаад̇и ад̇хигам̣ гад̇ваа таанавасзна, бависанавасзнаад̇и ад̇хиббааяо. ад̇хидтаанавасзна жаад̇и жа-сад̣̇д̣̇о самб̣анд̇хид̇аб̣б̣о. зд̇д̇аавад̇аа саб̣б̣аббагаарасса ид̣̇д̇хивид̇хасса яат̇ааяог̇ам̣ гааран̣ам̣ вуд̇д̇ам̣.

    50. Idāni tassa saccavivaṭṭañāṇavasena pavattassa āsavānaṃ khaye ñāṇassa vasena pavattāni kamato cha abhiññāñāṇāni uddiṭṭhāni. Tatthāpi lokapākaṭānubhāvattā ativimhāpananti paṭhamaṃ iddhividhañāṇaṃ uddiṭṭhaṃ, cetopariyañāṇassa visayato dibbasotañāṇaṃ oḷārikavisayanti dutiyaṃ dibbasotañāṇaṃ uddiṭṭhaṃ, sukhumavisayattā tatiyaṃ cetopariyañāṇaṃ uddiṭṭhaṃ. Tīsu vijjāsu pubbenivāsacchādakātītatamavinodakattā paṭhamaṃ pubbenivāsānussatiñāṇaṃ uddiṭṭhaṃ, paccuppannānāgatatamavinodakattā dutiyaṃ dibbacakkhuñāṇaṃ uddiṭṭhaṃ, sabbatamasamucchedakattā tatiyaṃ āsavānaṃ khaye ñāṇaṃ uddiṭṭhaṃ. Tattha kāyampīti rūpakāyampi. Cittampīti pādakajjhānacittampi. Ekavavatthānatāti parikammacittena ekato ṭhapanatāya ca dissamānakāyena, adissamānakāyena vā gantukāmakāle yathāyogaṃ kāyassapi cittassapi missīkaraṇatāya cāti vuttaṃ hoti. Kāyoti cettha sarīraṃ. Sarīrañhi asucisañcayato kucchitānaṃ kesādīnañceva cakkhurogādīnaṃ rogasatānañca āyabhūtato kāyoti vuccati. Sukhasaññañca lahusaññañcāti ettha catutthajjhānasampayuttaṃ ekaṃyeva saññaṃ ākāranānattato dvidhā katvā samuccayattho ca-saddo payutto. Catutthajjhānasmiñhi upekkhā santattā sukhanti vuttā, taṃsampayuttā saññā sukhasaññā. Sāyeva nīvaraṇehi ceva vitakkādipaccanīkehi ca vimuttattā lahusaññā. Adhiṭṭhānavasenāti adhikaṃ katvā ṭhānavasena, pavisanavasenāti adhippāyo. Adhiṭṭhānavasena cāti ca-saddo sambandhitabbo. Ettāvatā sabbappakārassa iddhividhassa yathāyogaṃ kāraṇaṃ vuttaṃ.

    иж̇жханадтз бан̃н̃аад̇и иж̇жханасабхаавз бан̃н̃аа. ид̣̇д̇хивид̇хз н̃аан̣анд̇и иж̇жханадтзна ид̣̇д̇хи, нибпад̇д̇иад̇т̇зна бадилаабхадтзна жаад̇и вуд̇д̇ам̣ ход̇и. яан̃хи нибпаж̇ж̇ад̇и бадилаб̣бхад̇и жа, д̇ам̣ иж̇жхад̇ийд̇и вужжад̇и. яат̇ааха – ‘‘гаамам̣ гаамаяамаанасса, д̇асса жзд̇ам̣ самиж̇жхад̇ий’’д̇и (су. ни. 772). д̇ат̇аа ‘‘нзгкаммам̣ иж̇жхад̇ийд̇и ид̣̇д̇хи, бадихарад̇ийд̇и баадихаарияам̣, арахад̇д̇амаг̇г̇о иж̇жхад̇ийд̇и ид̣̇д̇хи, бадихарад̇ийд̇и баадихаарияа’’нд̇и (бади. ма. 3.32). абаро наяо – иж̇жханадтзна ид̣̇д̇хи, убааяасамбад̣̇ааязд̇ам̣ ад̇хиважанам̣. убааяасамбад̣̇аа хи иж̇жхад̇и ад̇хиббзд̇апалаббасаванад̇о. яат̇ааха – ‘‘аяам̣ ко жид̇д̇о г̇ахабад̇и сийлаваа галяаан̣ад̇хаммо, сажз бан̣ид̣̇ахиссад̇и, анааг̇ад̇амад̣̇д̇хаанам̣ рааж̇аа ассам̣ жаггавад̇д̇ийд̇и. иж̇жхиссад̇и хи сийлавад̇о жзд̇обан̣ид̇хи висуд̣̇д̇хад̇д̇аа’’д̇и (сам̣. ни. 4.352). абаро наяо – зд̇ааяа сад̇д̇аа иж̇жханд̇ийд̇и ид̣̇д̇хи, иж̇жханд̇ийд̇и ид̣̇д̇хаа вуд̣̇д̇хаа уггам̣саг̇ад̇аа хонд̇ийд̇и вуд̇д̇ам̣ ход̇и. ид̣̇д̇хи зва вид̇хам̣ ид̣̇д̇хивид̇хам̣, ид̣̇д̇хигодтаасо ид̣̇д̇хивигаббод̇и ад̇т̇о. д̇ам̣ ид̣̇д̇хивид̇хам̣ н̃аан̣анд̇и вуд̇д̇ам̣ ход̇и.

    Ijjhanaṭṭhe paññāti ijjhanasabhāve paññā. Iddhividhe ñāṇanti ijjhanaṭṭhena iddhi, nipphattiatthena paṭilābhaṭṭhena cāti vuttaṃ hoti. Yañhi nipphajjati paṭilabbhati ca, taṃ ijjhatīti vuccati. Yathāha – ‘‘kāmaṃ kāmayamānassa, tassa cetaṃ samijjhatī’’ti (su. ni. 772). Tathā ‘‘nekkhammaṃ ijjhatīti iddhi, paṭiharatīti pāṭihāriyaṃ, arahattamaggo ijjhatīti iddhi, paṭiharatīti pāṭihāriya’’nti (paṭi. ma. 3.32). Aparo nayo – ijjhanaṭṭhena iddhi, upāyasampadāyetaṃ adhivacanaṃ. Upāyasampadā hi ijjhati adhippetaphalappasavanato. Yathāha – ‘‘ayaṃ kho citto gahapati sīlavā kalyāṇadhammo, sace paṇidahissati, anāgatamaddhānaṃ rājā assaṃ cakkavattīti. Ijjhissati hi sīlavato cetopaṇidhi visuddhattā’’ti (saṃ. ni. 4.352). Aparo nayo – etāya sattā ijjhantīti iddhi, ijjhantīti iddhā vuddhā ukkaṃsagatā hontīti vuttaṃ hoti. Iddhi eva vidhaṃ iddhividhaṃ, iddhikoṭṭhāso iddhivikappoti attho. Taṃ iddhividhaṃ ñāṇanti vuttaṃ hoti.

    51. вид̇аггавибпааравасзнаад̇и д̣̇иб̣б̣асод̇ад̇хаад̇ууббаад̣̇анад̇т̇ам̣ баригаммагаран̣агаалз сад̣̇д̣̇анимид̇д̇зсу ад̇д̇ано вид̇аггавибпааравасзна вид̇аггавзг̇авасзна. вид̇аггод̇и жзд̇т̇а вид̇аггзд̇ийд̇и вид̇агго, вид̇агганам̣ ваа вид̇агго, уухананд̇и вуд̇д̇ам̣ ход̇и. свааяам̣ аарамман̣з жид̇д̇асса абхиниробаналагкан̣о, аахананабарияаахананарасо . д̇ат̇аа хи д̇зна яог̇ааважаро аарамман̣ам̣ вид̇аггаахад̇ам̣ вид̇аггабарияаахад̇ам̣ гарод̇ийд̇и вужжад̇и. аарамман̣з жид̇д̇асса аанаяанабажжубадтаано, д̇аж̇ж̇аасаманнаахаарзна бана инд̣̇риязна жа баригкид̇д̇з висаяз ананд̇арааязна уббаж̇ж̇анад̇о аабаат̇аг̇ад̇ависаяабад̣̇адтаанод̇и вужжад̇и. наанад̇д̇згад̇д̇асад̣̇д̣̇анимид̇д̇аананд̇и наанаасабхааваанам̣ згасабхааваанан̃жа сад̣̇д̣̇анимид̇д̇аанам̣. сад̣̇д̣̇аа зва жзд̇т̇а вид̇аггуббад̇д̇игааран̣ад̇д̇аа сан̇кааранимид̇д̇ад̇д̇аа жа нимид̇д̇аани. бхзрисад̣̇д̣̇аад̣̇ивасзна згаг̇гханийбхууд̇аа, анзгаа ваа сад̣̇д̣̇аа, наанаад̣̇исаасу ваа сад̣̇д̣̇аа, наанаасад̇д̇аанам̣ ваа сад̣̇д̣̇аа наанад̇д̇асад̣̇д̣̇аа, згад̣̇исааяа сад̣̇д̣̇аа, згасад̇д̇асса ваа сад̣̇д̣̇аа, бхзрисад̣̇д̣̇аад̣̇ивасзна згзгасад̣̇д̣̇аа ваа згад̇д̇асад̣̇д̣̇аа. сад̣̇д̣̇од̇и жзд̇т̇а саббад̇ийд̇и сад̣̇д̣̇о, гат̇ийяад̇ийд̇и ад̇т̇о. барияог̇аахан̣з бан̃н̃аад̇и бависанабан̃н̃аа, баж̇аананабан̃н̃аад̇и ад̇т̇о. сод̇ад̇хаад̇увисуд̣̇д̇хин̃аан̣анд̇и саванадтзна жа ниж̇ж̇ийвадтзна жа сод̇ад̇хаад̇у, сод̇ад̇хаад̇угижжагаран̣авасзна жа сод̇ад̇хаад̇у вияаад̇иби сод̇ад̇хаад̇у, барисуд̣̇д̇хад̇д̇аа нирубаггилзсад̇д̇аа висуд̣̇д̇хи, сод̇ад̇хаад̇у зва висуд̣̇д̇хи сод̇ад̇хаад̇увисуд̣̇д̇хи, сод̇ад̇хаад̇увисуд̣̇д̇хи зва н̃аан̣ам̣ сод̇ад̇хаад̇увисуд̣̇д̇хин̃аан̣ам̣.

    51.Vitakkavipphāravasenāti dibbasotadhātuuppādanatthaṃ parikammakaraṇakāle saddanimittesu attano vitakkavipphāravasena vitakkavegavasena. Vitakkoti cettha vitakketīti vitakko, vitakkanaṃ vā vitakko, ūhananti vuttaṃ hoti. Svāyaṃ ārammaṇe cittassa abhiniropanalakkhaṇo, āhananapariyāhananaraso . Tathā hi tena yogāvacaro ārammaṇaṃ vitakkāhataṃ vitakkapariyāhataṃ karotīti vuccati. Ārammaṇe cittassa ānayanapaccupaṭṭhāno, tajjāsamannāhārena pana indriyena ca parikkhitte visaye anantarāyena uppajjanato āpāthagatavisayapadaṭṭhānoti vuccati. Nānattekattasaddanimittānanti nānāsabhāvānaṃ ekasabhāvānañca saddanimittānaṃ. Saddā eva cettha vitakkuppattikāraṇattā saṅkhāranimittattā ca nimittāni. Bherisaddādivasena ekagghanībhūtā, anekā vā saddā, nānādisāsu vā saddā, nānāsattānaṃ vā saddā nānattasaddā, ekadisāya saddā, ekasattassa vā saddā, bherisaddādivasena ekekasaddā vā ekattasaddā. Saddoti cettha sappatīti saddo, kathīyatīti attho. Pariyogāhaṇe paññāti pavisanapaññā, pajānanapaññāti attho. Sotadhātuvisuddhiñāṇanti savanaṭṭhena ca nijjīvaṭṭhena ca sotadhātu, sotadhātukiccakaraṇavasena ca sotadhātu viyātipi sotadhātu, parisuddhattā nirupakkilesattā visuddhi, sotadhātu eva visuddhi sotadhātuvisuddhi, sotadhātuvisuddhi eva ñāṇaṃ sotadhātuvisuddhiñāṇaṃ.

    52. д̇ин̣н̣аннам̣ жид̇д̇аананд̇и соманассасахаг̇ад̇ад̣̇оманассасахаг̇ад̇аубзгкаасахаг̇ад̇авасзна д̇ин̣н̣аннам̣ жид̇д̇аанам̣. вибпаарад̇д̇аад̇и вибпаарабхаавзна взг̇знаад̇и ад̇т̇о. хзд̇уад̇т̇з ниссаггаважанам̣, жзд̇обарияан̃аан̣уббаад̣̇анад̇т̇ам̣ баригаммагаран̣агаалз барзсам̣ д̇ин̣н̣аннам̣ жид̇д̇аанам̣ вибпаарахзд̇унаа. инд̣̇рияаанам̣ басаад̣̇авасзнаад̇и жагкаад̣̇ийнам̣ чаннам̣ инд̣̇рияаанам̣ басаад̣̇авасзна, инд̣̇рияаанам̣ бад̇идтид̇огаасаа жзд̇т̇а палуубажаарзна инд̣̇рияаананд̇и вуд̇д̇аа яат̇аа ‘‘виббасаннаани ко д̇з, аавусо, инд̣̇рияаани барисуд̣̇д̇хо чавиван̣н̣о барияод̣̇аад̇о’’д̇и (махаава. 60). инд̣̇рияабад̇идтид̇огаасзсуби хад̣̇аяавад̇т̇у зва ид̇хаад̇хиббзд̇ам̣. басаад̣̇авасзнаад̇и жа анаавилабхаававасзна. ‘‘басаад̣̇аббасаад̣̇авасзнаа’’д̇и вад̇д̇аб̣б̣з аббасаад̣̇асад̣̇д̣̇асса лобо гад̇од̇и взд̣̇ид̇аб̣б̣ам̣. ат̇а ваа ид̣̇амаббасаннанд̇и г̇ахан̣асса басаад̣̇амабзгкид̇ваа зва самбхавад̇о ‘‘басаад̣̇авасзнаа’’д̇и важанзнзва аббасаад̣̇оби вуд̇д̇ова ход̇ийд̇и взд̣̇ид̇аб̣б̣ам̣. наанад̇д̇згад̇д̇авин̃н̃аан̣ажарияаа барияог̇аахан̣з бан̃н̃аад̇и яат̇аасамбхавам̣ наанаасабхаавазгасабхаавазгуунанавуд̇ивин̃н̃аан̣абавад̇д̇ивиж̇аананабан̃н̃аа. зд̇т̇а асамаахид̇асса вин̃н̃аан̣ажарияаа наанад̇д̇аа, самаахид̇асса вин̃н̃аан̣ажарияаа згад̇д̇аа. сарааг̇аад̣̇ижид̇д̇ам̣ ваа наанад̇д̇ам̣, вийд̇арааг̇аад̣̇ижид̇д̇ам̣ згад̇д̇ам̣. жзд̇обарияан̃аан̣анд̇и зд̇т̇а барияаад̇ийд̇и барияам̣, барижчинд̣̇ад̇ийд̇и ад̇т̇о. жзд̇асо барияам̣ жзд̇обарияам̣, жзд̇обарияан̃жа д̇ам̣ н̃аан̣ан̃жаад̇и жзд̇обарияан̃аан̣ам̣. вибпаарад̇аад̇иби баато, вибпаарад̇ааяаад̇и ад̇т̇о.

    52.Tiṇṇannaṃ cittānanti somanassasahagatadomanassasahagataupekkhāsahagatavasena tiṇṇannaṃ cittānaṃ. Vipphārattāti vipphārabhāvena vegenāti attho. Hetuatthe nissakkavacanaṃ, cetopariyañāṇuppādanatthaṃ parikammakaraṇakāle paresaṃ tiṇṇannaṃ cittānaṃ vipphārahetunā. Indriyānaṃ pasādavasenāti cakkhādīnaṃ channaṃ indriyānaṃ pasādavasena, indriyānaṃ patiṭṭhitokāsā cettha phalūpacārena indriyānanti vuttā yathā ‘‘vippasannāni kho te, āvuso, indriyāni parisuddho chavivaṇṇo pariyodāto’’ti (mahāva. 60). Indriyapatiṭṭhitokāsesupi hadayavatthu eva idhādhippetaṃ. Pasādavasenāti ca anāvilabhāvavasena. ‘‘Pasādappasādavasenā’’ti vattabbe appasādasaddassa lopo katoti veditabbaṃ. Atha vā idamappasannanti gahaṇassa pasādamapekkhitvā eva sambhavato ‘‘pasādavasenā’’ti vacaneneva appasādopi vuttova hotīti veditabbaṃ. Nānattekattaviññāṇacariyā pariyogāhaṇe paññāti yathāsambhavaṃ nānāsabhāvaekasabhāvaekūnanavutiviññāṇapavattivijānanapaññā. Ettha asamāhitassa viññāṇacariyā nānattā, samāhitassa viññāṇacariyā ekattā. Sarāgādicittaṃ vā nānattaṃ, vītarāgādicittaṃ ekattaṃ. Cetopariyañāṇanti ettha pariyātīti pariyaṃ, paricchindatīti attho. Cetaso pariyaṃ cetopariyaṃ, cetopariyañca taṃ ñāṇañcāti cetopariyañāṇaṃ. Vipphāratātipi pāṭho, vipphāratāyāti attho.

    53. бажжаяаббавад̇д̇аанам̣ д̇хаммаананд̇и бадижжасамуббаад̣̇авасзна бажжаяад̇о бавад̇д̇аанам̣ бажжаяуббаннад̇хаммаанам̣. наанад̇д̇згад̇д̇агаммавибпааравасзнаад̇и зд̇т̇а агусалам̣ гаммам̣ наанад̇д̇ам̣, гусалам̣ гаммам̣ згад̇д̇ам̣. гаамааважарам̣ ваа гаммам̣ наанад̇д̇ам̣, руубааважарааруубааважарам̣ гаммам̣ згад̇д̇ам̣. наанад̇д̇згад̇д̇агаммавибпааравасзна бажжаяабавад̇д̇аанам̣ д̇хаммаанам̣ барияог̇аахан̣з бан̃н̃аад̇и самб̣анд̇хо. буб̣б̣зниваасаануссад̇ин̃аан̣анд̇и буб̣б̣з ад̇ийд̇аж̇аад̇ийсу нивуд̇т̇аканд̇хаа буб̣б̣зниваасо. нивуд̇т̇аад̇и аж̇жхаавуд̇т̇аа анубхууд̇аа ад̇д̇ано санд̇аанз уббаж̇ж̇ид̇ваа нируд̣̇д̇хаа. буб̣б̣з ад̇ийд̇аж̇аад̇ийсу нивуд̇т̇ад̇хаммаа ваа буб̣б̣зниваасо. нивуд̇т̇аад̇и г̇ожараниваасзна нивуд̇т̇аа ад̇д̇ано вин̃н̃аан̣зна вин̃н̃аад̇аа барижчиннаа, баравин̃н̃аан̣зна вин̃н̃аад̇ааби ваа. чиннавадумагаануссаран̣аад̣̇ийсу д̇з б̣уд̣̇д̇хаанам̣язва лаб̣бханд̇и . буб̣б̣зниваасаануссад̇ийд̇и яааяа сад̇ияаа буб̣б̣зниваасам̣ ануссарад̇и, саа буб̣б̣зниваасаануссад̇и, н̃аан̣анд̇и д̇ааяа сад̇ияаа самбаяуд̇д̇ам̣ н̃аан̣ам̣.

    53.Paccayappavattānaṃ dhammānanti paṭiccasamuppādavasena paccayato pavattānaṃ paccayuppannadhammānaṃ. Nānattekattakammavipphāravasenāti ettha akusalaṃ kammaṃ nānattaṃ, kusalaṃ kammaṃ ekattaṃ. Kāmāvacaraṃ vā kammaṃ nānattaṃ, rūpāvacarārūpāvacaraṃ kammaṃ ekattaṃ. Nānattekattakammavipphāravasena paccayapavattānaṃ dhammānaṃ pariyogāhaṇe paññāti sambandho. Pubbenivāsānussatiñāṇanti pubbe atītajātīsu nivutthakhandhā pubbenivāso. Nivutthāti ajjhāvutthā anubhūtā attano santāne uppajjitvā niruddhā. Pubbe atītajātīsu nivutthadhammā vā pubbenivāso. Nivutthāti gocaranivāsena nivutthā attano viññāṇena viññātā paricchinnā, paraviññāṇena viññātāpi vā. Chinnavaṭumakānussaraṇādīsu te buddhānaṃyeva labbhanti . Pubbenivāsānussatīti yāya satiyā pubbenivāsaṃ anussarati, sā pubbenivāsānussati, ñāṇanti tāya satiyā sampayuttaṃ ñāṇaṃ.

    54. обхаасавасзнаад̇и д̣̇иб̣б̣зна жагкунаа руубад̣̇ассанад̇т̇ам̣ басаарид̇асса д̇зж̇огасин̣аод̣̇аад̇агасин̣ааалогагасин̣аанам̣ ан̃н̃ад̇арасса жад̇уд̇т̇аж̇жхаанаарамман̣асса гасин̣обхаасасса васзна. наанад̇д̇згад̇д̇аруубанимид̇д̇аананд̇и наанаасад̇д̇аанам̣ руубаани, наанад̇д̇агааяам̣ убабаннаанам̣ ваа сад̇д̇аанам̣ руубаани, наанаад̣̇исаасу ваа руубаани, асаммиссаани ваа руубаани наанад̇д̇аруубаани, згасад̇д̇асса руубаани, згад̇д̇агааяам̣ убабаннасса ваа руубаани, згад̣̇исааяа ваа руубаани, наанаад̣̇исаад̣̇ийнам̣ саммиссийбхууд̇аани ваа руубаани згад̇д̇аруубаани. руубанд̇и жзд̇т̇а ван̣н̣ааяад̇анамзва. д̇ан̃хи руубаяад̇ийд̇и руубам̣, ван̣н̣авигаарам̣ аабаж̇ж̇амаанам̣ хад̣̇аяан̇г̇ад̇абхаавам̣ багаасзд̇ийд̇и ад̇т̇о. руубамзва руубанимид̇д̇ам̣. д̇зсам̣ наанад̇д̇згад̇д̇аруубанимид̇д̇аанам̣. д̣̇ассанадтз бан̃н̃аад̇и д̣̇ассанасабхаавз бан̃н̃аа.

    54.Obhāsavasenāti dibbena cakkhunā rūpadassanatthaṃ pasāritassa tejokasiṇaodātakasiṇaālokakasiṇānaṃ aññatarassa catutthajjhānārammaṇassa kasiṇobhāsassa vasena. Nānattekattarūpanimittānanti nānāsattānaṃ rūpāni, nānattakāyaṃ upapannānaṃ vā sattānaṃ rūpāni, nānādisāsu vā rūpāni, asammissāni vā rūpāni nānattarūpāni, ekasattassa rūpāni, ekattakāyaṃ upapannassa vā rūpāni, ekadisāya vā rūpāni, nānādisādīnaṃ sammissībhūtāni vā rūpāni ekattarūpāni. Rūpanti cettha vaṇṇāyatanameva. Tañhi rūpayatīti rūpaṃ, vaṇṇavikāraṃ āpajjamānaṃ hadayaṅgatabhāvaṃ pakāsetīti attho. Rūpameva rūpanimittaṃ. Tesaṃ nānattekattarūpanimittānaṃ. Dassanaṭṭhe paññāti dassanasabhāve paññā.

    д̣̇иб̣б̣ажагкун̃аан̣анд̇и д̣̇иб̣б̣асад̣̇исад̇д̇аа д̣̇иб̣б̣ам̣. д̣̇зваанан̃хи сужарид̇агамманиб̣б̣ад̇д̇ам̣ бид̇д̇асзмхарухираад̣̇ийхи абалиб̣уд̣̇д̇хам̣ убаггилзсавимуд̇д̇ад̇ааяа д̣̇уурзби аарамман̣асамбадижчанасамад̇т̇ам̣ д̣̇иб̣б̣ам̣ басаад̣̇ажагку ход̇и. ид̣̇ан̃жааби вийрияабхааванааб̣аланиб̣б̣ад̇д̇ам̣ н̃аан̣ажагку д̇аад̣̇исамзваад̇и д̣̇иб̣б̣асад̣̇исад̇д̇аа д̣̇иб̣б̣ам̣, д̣̇иб̣б̣авихааравасзна бадилад̣̇д̇хад̇д̇аа ад̇д̇анаа д̣̇иб̣б̣авихаарасанниссид̇ад̇д̇ааби д̣̇иб̣б̣ам̣, аалогабариг̇г̇ахзна махааж̇уд̇игад̇д̇ааби д̣̇иб̣б̣ам̣, д̇ирогуддаад̣̇иг̇ад̇аруубад̣̇ассанзна махааг̇ад̇игад̇д̇ааби д̣̇иб̣б̣ам̣. д̇ам̣ саб̣б̣ам̣ сад̣̇д̣̇асад̇т̇аанусаарзна взд̣̇ид̇аб̣б̣ам̣. д̣̇ассанадтзна жагку, жагкугижжагаран̣зна жагкумиваад̇иби жагку, д̣̇иб̣б̣ан̃жа д̇ам̣ жагку жаад̇и д̣̇иб̣б̣ажагку, д̣̇иб̣б̣ажагку жа д̇ам̣ н̃аан̣ан̃жаад̇и д̣̇иб̣б̣ажагкун̃аан̣ам̣.

    Dibbacakkhuñāṇanti dibbasadisattā dibbaṃ. Devānañhi sucaritakammanibbattaṃ pittasemharuhirādīhi apalibuddhaṃ upakkilesavimuttatāya dūrepi ārammaṇasampaṭicchanasamatthaṃ dibbaṃ pasādacakkhu hoti. Idañcāpi vīriyabhāvanābalanibbattaṃ ñāṇacakkhu tādisamevāti dibbasadisattā dibbaṃ, dibbavihāravasena paṭiladdhattā attanā dibbavihārasannissitattāpi dibbaṃ, ālokapariggahena mahājutikattāpi dibbaṃ, tirokuṭṭādigatarūpadassanena mahāgatikattāpi dibbaṃ. Taṃ sabbaṃ saddasatthānusārena veditabbaṃ. Dassanaṭṭhena cakkhu, cakkhukiccakaraṇena cakkhumivātipi cakkhu, dibbañca taṃ cakkhu cāti dibbacakkhu, dibbacakkhu ca taṃ ñāṇañcāti dibbacakkhuñāṇaṃ.

    55. жад̇усадтияаа аагаарзхийд̇и адтасу маг̇г̇апалзсу згзгасмим̣ адтаннам̣ адтаннам̣ инд̣̇рияаанам̣ васзна жад̇усадтияаа аагаарзхи. д̇ин̣н̣аннам̣ инд̣̇рияаананд̇и анан̃н̃аад̇ан̃н̃ассаамийд̇инд̣̇рияам̣ ан̃н̃инд̣̇рияам̣ ан̃н̃аад̇аавинд̣̇рияанд̇и, имзсам̣ д̇ин̣н̣аннам̣ инд̣̇рияаанам̣. васибхаавад̇аа бан̃н̃аад̇и васибхаавад̇ааяа бавад̇д̇аа бан̃н̃аа, арахад̇д̇апалз адтаннам̣ инд̣̇рияаанам̣ васзна адтахи аагаарзхи ан̃н̃аад̇аавинд̣̇рияассзва васибхаавад̇ааяа арахад̇д̇амаг̇г̇агкан̣з абхаавзби гааран̣асид̣̇д̇хивасзна д̇ад̣̇ад̇т̇асаад̇ханад̇ааяа вуд̇д̇анд̇и взд̣̇ид̇аб̣б̣ам̣. аасаваанам̣ каяз н̃аан̣анд̇и ад̇д̇анаа важ̇жхаанам̣ аасаваанам̣ каяагарам̣ арахад̇д̇амаг̇г̇ан̃аан̣ам̣.

    55.Catusaṭṭhiyā ākārehīti aṭṭhasu maggaphalesu ekekasmiṃ aṭṭhannaṃ aṭṭhannaṃ indriyānaṃ vasena catusaṭṭhiyā ākārehi. Tiṇṇannaṃ indriyānanti anaññātaññassāmītindriyaṃ aññindriyaṃ aññātāvindriyanti, imesaṃ tiṇṇannaṃ indriyānaṃ. Vasibhāvatā paññāti vasibhāvatāya pavattā paññā, arahattaphale aṭṭhannaṃ indriyānaṃ vasena aṭṭhahi ākārehi aññātāvindriyasseva vasibhāvatāya arahattamaggakkhaṇe abhāvepi kāraṇasiddhivasena tadatthasādhanatāya vuttanti veditabbaṃ. Āsavānaṃ khaye ñāṇanti attanā vajjhānaṃ āsavānaṃ khayakaraṃ arahattamaggañāṇaṃ.

    56-59. ид̣̇аани аасаваанам̣ каяан̃аан̣асан̇каад̇аарахад̇д̇амаг̇г̇ан̃аан̣асамб̣анд̇хз жад̇уннамби маг̇г̇ан̃аан̣аанам̣ згзгасса маг̇г̇ан̃аан̣асса згаабхисамаяад̇ам̣ д̣̇ассзд̇ум̣ ‘‘барин̃н̃адтз бан̃н̃аа’’д̇иаад̣̇ийни жад̇д̇аари н̃аан̣аани уд̣̇д̣̇идтаани. д̇ад̇т̇ааби ол̣ааригад̇д̇аа саб̣б̣асад̇д̇асаад̇хааран̣ад̇д̇аа жа сувин̃н̃зяяанд̇и д̣̇угкасажжам̣ батамам̣ вуд̇д̇ам̣, д̇ассзва хзд̇уд̣̇ассанад̇т̇ам̣ д̇ад̣̇ананд̇арам̣ самуд̣̇аяасажжам̣, хзд̇унирод̇хаа паланирод̇ход̇и н̃аабанад̇т̇ам̣ д̇ад̣̇ананд̇арам̣ нирод̇хасажжам̣, д̇ад̣̇ад̇хиг̇амуубааяад̣̇ассанад̇т̇ам̣ анд̇з маг̇г̇асажжам̣. бхавасукассаад̣̇аг̇ад̇хид̇аанам̣ ваа сад̇д̇аанам̣ сам̣взг̇аж̇ананад̇т̇ам̣ батамам̣ д̣̇угкамааха, д̇ам̣ нзва агад̇ам̣ ааг̇ажчад̇и, на иссараниммаанаад̣̇ид̇о ход̇и, ид̇о бана ход̇ийд̇и н̃аабанад̇т̇ам̣ д̇ад̣̇ананд̇арам̣ самуд̣̇аяасажжам̣, д̇ад̇о сахзд̇угзна д̣̇угкзна абхибхууд̇ад̇д̇аа сам̣виг̇г̇амаанасаанам̣ д̣̇угканиссаран̣аг̇авзсийнам̣ ниссаран̣ад̣̇ассанзна ассаасаж̇ананад̇т̇ам̣ нирод̇хам̣, д̇ад̇о нирод̇хаад̇хиг̇амад̇т̇ам̣ нирод̇хасамбаабагам̣ маг̇г̇анд̇и. ид̣̇аани д̇аб̣б̣исаяаани н̃аан̣аани д̇знзва гамзна уд̣̇д̣̇идтаани. д̇ад̇т̇а барин̃н̃адтзд̇и д̣̇угкасса бийл̣анадтаад̣̇игз жад̇уб̣б̣ид̇хз бариж̇аанид̇аб̣б̣асабхаавз. бахаанадтзд̇и самуд̣̇аяасса ааяууханадтаад̣̇игз жад̇уб̣б̣ид̇хз бахаад̇аб̣б̣асабхаавз. сажчигирияадтзд̇и нирод̇хасса ниссаран̣адтаад̣̇игз жад̇уб̣б̣ид̇хз сажчигаад̇аб̣б̣асабхаавз. бхааванадтзд̇и маг̇г̇асса нияяаанадтаад̣̇игз жад̇уб̣б̣ид̇хз бхаавзд̇аб̣б̣асабхаавз.

    56-59. Idāni āsavānaṃ khayañāṇasaṅkhātaarahattamaggañāṇasambandhe catunnampi maggañāṇānaṃ ekekassa maggañāṇassa ekābhisamayataṃ dassetuṃ ‘‘pariññaṭṭhe paññā’’tiādīni cattāri ñāṇāni uddiṭṭhāni. Tatthāpi oḷārikattā sabbasattasādhāraṇattā ca suviññeyyanti dukkhasaccaṃ paṭhamaṃ vuttaṃ, tasseva hetudassanatthaṃ tadanantaraṃ samudayasaccaṃ, hetunirodhā phalanirodhoti ñāpanatthaṃ tadanantaraṃ nirodhasaccaṃ, tadadhigamūpāyadassanatthaṃ ante maggasaccaṃ. Bhavasukhassādagadhitānaṃ vā sattānaṃ saṃvegajananatthaṃ paṭhamaṃ dukkhamāha, taṃ neva akataṃ āgacchati, na issaranimmānādito hoti, ito pana hotīti ñāpanatthaṃ tadanantaraṃ samudayasaccaṃ, tato sahetukena dukkhena abhibhūtattā saṃviggamānasānaṃ dukkhanissaraṇagavesīnaṃ nissaraṇadassanena assāsajananatthaṃ nirodhaṃ, tato nirodhādhigamatthaṃ nirodhasampāpakaṃ magganti. Idāni tabbisayāni ñāṇāni teneva kamena uddiṭṭhāni. Tattha pariññaṭṭheti dukkhassa pīḷanaṭṭhādike catubbidhe parijānitabbasabhāve. Pahānaṭṭheti samudayassa āyūhanaṭṭhādike catubbidhe pahātabbasabhāve. Sacchikiriyaṭṭheti nirodhassa nissaraṇaṭṭhādike catubbidhe sacchikātabbasabhāve. Bhāvanaṭṭheti maggassa niyyānaṭṭhādike catubbidhe bhāvetabbasabhāve.

    60-63. ид̣̇аани бхаавид̇амаг̇г̇асса бажжавзгкан̣авасзна ваа абхаавид̇амаг̇г̇асса ануссававасзна ваа висум̣ висум̣ сажжан̃аан̣аани д̣̇ассзд̇ум̣ д̣̇угкз н̃аан̣аад̣̇ийни жад̇д̇аари н̃аан̣аани уд̣̇д̣̇идтаани. д̇ад̇т̇а д̣̇угкзд̇и зд̇т̇а д̣̇у-ид̇и аяам̣ сад̣̇д̣̇о гужчид̇з д̣̇иссад̇и. гужчид̇ан̃хи буд̇д̇ам̣ д̣̇убуд̇д̇од̇и вад̣̇анд̇и. кам̣-сад̣̇д̣̇о бана д̇ужчз. д̇ужчан̃хи аагаасам̣ ‘ка’нд̇и вужжад̇и. ид̣̇ан̃жа батамасажжам̣ гужчид̇ам̣ анзгубад̣̇д̣̇аваад̇хидтаанад̇о, д̇ужчам̣ б̣аалаж̇анабаригаббид̇ад̇хувасубхасукад̇д̇абхаававирахид̇ад̇о. д̇асмаа гужчид̇ад̇д̇аа д̇ужчад̇д̇аа жа ‘‘д̣̇угка’’нд̇и вужжад̇и.

    60-63. Idāni bhāvitamaggassa paccavekkhaṇavasena vā abhāvitamaggassa anussavavasena vā visuṃ visuṃ saccañāṇāni dassetuṃ dukkhe ñāṇādīni cattāri ñāṇāni uddiṭṭhāni. Tattha dukkheti ettha du-iti ayaṃ saddo kucchite dissati. Kucchitañhi puttaṃ duputtoti vadanti. Khaṃ-saddo pana tucche. Tucchañhi ākāsaṃ ‘kha’nti vuccati. Idañca paṭhamasaccaṃ kucchitaṃ anekupaddavādhiṭṭhānato, tucchaṃ bālajanaparikappitadhuvasubhasukhattabhāvavirahitato. Tasmā kucchitattā tucchattā ca ‘‘dukkha’’nti vuccati.

    д̣̇угкасамуд̣̇аязд̇и зд̇т̇а сам̣-ид̇и аяам̣ сад̣̇д̣̇о ‘‘самааг̇амо самзд̇а’’нд̇иаад̣̇ийсу (вибха. 199; д̣̇ий. ни. 2.396) вияа сам̣яог̇ам̣ д̣̇ийбзд̇и. у-ид̇и аяам̣ сад̣̇д̣̇о ‘‘уббаннам̣ уд̣̇ид̇а’’нд̇иаад̣̇ийсу (баараа. 172; жуул̣ани. каг̇г̇ависаан̣асуд̇д̇анид̣̇д̣̇зса 141) вияа уббад̇д̇им̣. аяа-сад̣̇д̣̇о бана гааран̣ам̣ д̣̇ийбзд̇и. ид̣̇ан̃жааби д̣̇уд̇ияасажжам̣ авасзсабажжаяасамааяог̇з сад̇и д̣̇угкасса уббад̇д̇игааран̣ам̣. ид̇и д̣̇угкасса сам̣яог̇з уббад̇д̇игааран̣ад̇д̇аа ‘‘д̣̇угкасамуд̣̇аяа’’нд̇и вужжад̇и.

    Dukkhasamudayeti ettha saṃ-iti ayaṃ saddo ‘‘samāgamo sameta’’ntiādīsu (vibha. 199; dī. ni. 2.396) viya saṃyogaṃ dīpeti. U-iti ayaṃ saddo ‘‘uppannaṃ udita’’ntiādīsu (pārā. 172; cūḷani. khaggavisāṇasuttaniddesa 141) viya uppattiṃ. Aya-saddo pana kāraṇaṃ dīpeti. Idañcāpi dutiyasaccaṃ avasesapaccayasamāyoge sati dukkhassa uppattikāraṇaṃ. Iti dukkhassa saṃyoge uppattikāraṇattā ‘‘dukkhasamudaya’’nti vuccati.

    д̣̇угканирод̇хзд̇и зд̇т̇а ни-сад̣̇д̣̇о абхаавам̣, род̇ха-сад̣̇д̣̇о жа жаарагам̣ д̣̇ийбзд̇и. д̇асмаа абхааво зд̇т̇а сам̣сааражаарагасан̇каад̇асса д̣̇угкарод̇хасса саб̣б̣аг̇ад̇исун̃н̃ад̇д̇аа, самад̇хиг̇ад̇з ваа д̇асмим̣ сам̣сааражаарагасса д̣̇угкарод̇хасса абхааво ход̇и д̇аббадибагкад̇д̇аад̇иби ‘‘д̣̇угканирод̇ха’’нд̇и вужжад̇и. д̣̇угкасса ваа ануббад̇д̇инирод̇хабажжаяад̇д̇аа д̣̇угканирод̇ханд̇и вужжад̇и.

    Dukkhanirodheti ettha ni-saddo abhāvaṃ, rodha-saddo ca cārakaṃ dīpeti. Tasmā abhāvo ettha saṃsāracārakasaṅkhātassa dukkharodhassa sabbagatisuññattā, samadhigate vā tasmiṃ saṃsāracārakassa dukkharodhassa abhāvo hoti tappaṭipakkhattātipi ‘‘dukkhanirodha’’nti vuccati. Dukkhassa vā anuppattinirodhapaccayattā dukkhanirodhanti vuccati.

    д̣̇угканирод̇хаг̇ааминияаа бадибад̣̇ааяаад̇и зд̇т̇а яасмаа аяам̣ зд̇ам̣ д̣̇угканирод̇хам̣ г̇ажчад̇и аарамман̣агаран̣авасзна д̇ад̣̇абхимукийбхууд̇ад̇д̇аа, бадибад̣̇аа жа ход̇и д̣̇угканирод̇хаббад̇д̇ияаа, д̇асмаа д̣̇угканирод̇хаг̇ааминибадибад̣̇аад̇и вужжад̇и. жад̇д̇аари маг̇г̇ан̃аан̣аанзва хздтаа вудтаанаагаарад̣̇ийбанавасзна ‘‘маг̇г̇з н̃аан̣а’’нд̇и вуд̇д̇аани, ананд̇арапалад̣̇ааяагад̇д̇асса гааран̣абарид̣̇ийбанавасзна ‘‘аананд̇аригасамаад̇химхи н̃аан̣а’’нд̇и вуд̇д̇аани, вивадданаагаарад̣̇ийбанавасзна ‘‘сажжавиваддз н̃аан̣а’’нд̇и вуд̇д̇аани, маг̇г̇абадибаадиггамзнзва арахад̇д̇амаг̇г̇ан̃аан̣уббад̇д̇им̣, д̇асса жа н̃аан̣асса абхин̃н̃аабхаавам̣ д̣̇ийбзд̇ум̣ арахад̇д̇амаг̇г̇ан̃аан̣амзва ‘‘аасаваанам̣ каяз н̃аан̣а’’нд̇и вуд̇д̇ам̣. буна жад̇уннамби маг̇г̇ан̃аан̣аанам̣ згаабхисамаяад̇ам̣ д̣̇ийбзд̇ум̣ ‘‘барин̃н̃адтз бан̃н̃аа д̣̇угкз н̃аан̣а’’нд̇иаад̣̇ийни жад̇д̇аари н̃аан̣аани вуд̇д̇аани. буна згзгасмим̣ сажжз висум̣ висум̣ уббад̇д̇ид̣̇ийбанавасзна ‘‘д̣̇угкз н̃аан̣а’’нд̇иаад̣̇ийни жад̇д̇аари н̃аан̣аани уд̣̇д̣̇идтаанийд̇и звам̣ буб̣б̣аабарависзсо взд̣̇ид̇аб̣б̣од̇и.

    Dukkhanirodhagāminiyāpaṭipadāyāti ettha yasmā ayaṃ etaṃ dukkhanirodhaṃ gacchati ārammaṇakaraṇavasena tadabhimukhībhūtattā, paṭipadā ca hoti dukkhanirodhappattiyā, tasmā dukkhanirodhagāminipaṭipadāti vuccati. Cattāri maggañāṇāneva heṭṭhā vuṭṭhānākāradīpanavasena ‘‘magge ñāṇa’’nti vuttāni, anantaraphaladāyakattassa kāraṇaparidīpanavasena ‘‘ānantarikasamādhimhi ñāṇa’’nti vuttāni, vivaṭṭanākāradīpanavasena ‘‘saccavivaṭṭe ñāṇa’’nti vuttāni, maggapaṭipāṭikkameneva arahattamaggañāṇuppattiṃ, tassa ca ñāṇassa abhiññābhāvaṃ dīpetuṃ arahattamaggañāṇameva ‘‘āsavānaṃ khaye ñāṇa’’nti vuttaṃ. Puna catunnampi maggañāṇānaṃ ekābhisamayataṃ dīpetuṃ ‘‘pariññaṭṭhe paññā dukkhe ñāṇa’’ntiādīni cattāri ñāṇāni vuttāni. Puna ekekasmiṃ sacce visuṃ visuṃ uppattidīpanavasena ‘‘dukkhe ñāṇa’’ntiādīni cattāri ñāṇāni uddiṭṭhānīti evaṃ pubbāparaviseso veditabboti.

    64-67. ид̣̇аани саб̣б̣зсам̣ арияабуг̇г̇алаанам̣ арияамаг̇г̇аанубхаавзнзва бадисамбхид̣̇аан̃аан̣аани сид̣̇д̇хаанийд̇и д̣̇ассзд̇ум̣ ад̇т̇абадисамбхид̣̇з н̃аан̣анд̇иаад̣̇ийни буна жад̇д̇аари бадисамбхид̣̇аан̃аан̣аани уд̣̇д̣̇идтаани. имаани хи бадисамбхид̣̇аабабхзд̣̇аабхаавзби саб̣б̣аарияабуг̇г̇аласаад̇хааран̣аани суд̣̇д̇хигабадисамбхид̣̇аан̃аан̣аани, хздтаа уд̣̇д̣̇идтаани бана бабхиннабадисамбхид̣̇аанам̣ бабхзд̣̇аббад̇д̇аани бадисамбхид̣̇аан̃аан̣аанийд̇и взд̣̇ид̇аб̣б̣аанийд̇и аяамзд̇зсам̣ убхаяад̇т̇аважанз висзсо. яасмаа ваа ананд̇арам̣ уд̣̇д̣̇идтам̣ д̣̇угкаарамман̣ам̣ нирод̇хаарамман̣ан̃жа н̃аан̣ам̣ ад̇т̇абадисамбхид̣̇аа ход̇и, самуд̣̇аяаарамман̣ам̣ маг̇г̇аарамман̣ан̃жа н̃аан̣ам̣ д̇хаммабадисамбхид̣̇аа, д̇ад̣̇абхилаабз н̃аан̣ам̣ нируд̇д̇ибадисамбхид̣̇аа, д̇зсу н̃аан̣зсу н̃аан̣ам̣ бадибхаанабадисамбхид̣̇аа, д̇асмаа д̇амби ад̇т̇ависзсам̣ д̣̇ассзд̇ум̣ суд̣̇д̇хигабадисамбхид̣̇аан̃аан̣аани уд̣̇д̣̇идтаанийд̇и взд̣̇ид̇аб̣б̣аани. д̇асмааязва жа хздтаа наанад̇д̇асад̣̇д̣̇зна висзсзд̇ваа вуд̇д̇аани. ид̇ха д̇ат̇аа ависзсзд̇ваа вуд̇д̇аанийд̇и.

    64-67. Idāni sabbesaṃ ariyapuggalānaṃ ariyamaggānubhāveneva paṭisambhidāñāṇāni siddhānīti dassetuṃ atthapaṭisambhide ñāṇantiādīni puna cattāri paṭisambhidāñāṇāni uddiṭṭhāni. Imāni hi paṭisambhidāpabhedābhāvepi sabbaariyapuggalasādhāraṇāni suddhikapaṭisambhidāñāṇāni, heṭṭhā uddiṭṭhāni pana pabhinnapaṭisambhidānaṃ pabhedappattāni paṭisambhidāñāṇānīti veditabbānīti ayametesaṃ ubhayatthavacane viseso. Yasmā vā anantaraṃ uddiṭṭhaṃ dukkhārammaṇaṃ nirodhārammaṇañca ñāṇaṃ atthapaṭisambhidā hoti, samudayārammaṇaṃ maggārammaṇañca ñāṇaṃ dhammapaṭisambhidā, tadabhilāpe ñāṇaṃ niruttipaṭisambhidā, tesu ñāṇesu ñāṇaṃ paṭibhānapaṭisambhidā, tasmā tampi atthavisesaṃ dassetuṃ suddhikapaṭisambhidāñāṇāni uddiṭṭhānīti veditabbāni. Tasmāyeva ca heṭṭhā nānattasaddena visesetvā vuttāni. Idha tathā avisesetvā vuttānīti.

    68. звам̣ бадибаадияаа сад̇д̇асадти саавагасаад̇хааран̣ан̃аан̣аани уд̣̇д̣̇исид̇ваа ид̣̇аани саавагзхи асаад̇хааран̣аани д̇ат̇ааг̇ад̇аанам̣язва аавзн̣игаани н̃аан̣аани д̣̇ассзд̇ум̣ инд̣̇рияабаробарияад̇д̇ан̃аан̣аад̣̇ийни ча асаад̇хааран̣ан̃аан̣аани уд̣̇д̣̇идтаани. д̇ад̇т̇аби яасмаа д̇ат̇ааг̇ад̇аа сад̇д̇аанам̣ д̇хаммад̣̇зсанааяа бхааж̇анаабхааж̇анад̇д̇ам̣ ологзнд̇аа б̣уд̣̇д̇хажагкунаа ологзнд̇и. б̣уд̣̇д̇хажагку наама инд̣̇рияабаробарияад̇д̇аасаяаанусаяан̃аан̣ад̣̇ваяамзва. яат̇ааха –

    68. Evaṃ paṭipāṭiyā sattasaṭṭhi sāvakasādhāraṇañāṇāni uddisitvā idāni sāvakehi asādhāraṇāni tathāgatānaṃyeva āveṇikāni ñāṇāni dassetuṃ indriyaparopariyattañāṇādīni cha asādhāraṇañāṇāni uddiṭṭhāni. Tatthapi yasmā tathāgatā sattānaṃ dhammadesanāya bhājanābhājanattaṃ olokentā buddhacakkhunā olokenti. Buddhacakkhu nāma indriyaparopariyattāsayānusayañāṇadvayameva. Yathāha –

    ‘‘ад̣̇д̣̇асаа ко бхаг̇аваа б̣уд̣̇д̇хажагкунаа логам̣ вологзнд̇о сад̇д̇з аббараж̇агкз махаараж̇агкз д̇игкинд̣̇рияз муд̣̇инд̣̇рияз’’д̇иаад̣̇и (махаава. 9; ма. ни. 1.283; 2.339).

    ‘‘Addasā kho bhagavā buddhacakkhunā lokaṃ volokento satte apparajakkhe mahārajakkhe tikkhindriye mudindriye’’tiādi (mahāva. 9; ma. ni. 1.283; 2.339).

    сад̇д̇асанд̇аанз жа ологзнд̇аа батамам̣ инд̣̇рияабарибаагаабарибаагам̣ ологзнд̇и, инд̣̇рияабарибааган̃жа н̃ад̇ваа аасаяаад̣̇ийнам̣ ануруубзна д̇хаммад̣̇зсанад̇т̇ам̣ д̇ад̇о аасаяаанусаяажарид̇аани ологзнд̇и, д̇асмааби батамам̣ инд̣̇рияабаробарияад̇д̇ан̃аан̣ам̣ уд̣̇д̣̇идтам̣, д̇ад̣̇ананд̇арам̣ аасаяаанусаяан̃аан̣ам̣. д̇хаммам̣ д̣̇зсзнд̇аа жа яасмаа баадихаариязна винзд̇аб̣б̣аанам̣ баадихаарияам̣ гаронд̇и, д̇асмаа аасаяаанусаяан̃аан̣аананд̇арам̣ яамагабаадихаарияз н̃аан̣ам̣ уд̣̇д̣̇идтам̣. имзсам̣ д̇ин̣н̣ам̣ н̃аан̣аанам̣ хзд̇убарид̣̇ийбанад̇т̇ам̣ д̇ад̣̇ананд̇арам̣ махаагарун̣аан̃аан̣ам̣ уд̣̇д̣̇идтам̣. махаагарун̣аан̃аан̣асса барисуд̣̇д̇хабхаавабарид̣̇ийбанад̇т̇ам̣ д̇ад̣̇ананд̇арам̣ саб̣б̣ан̃н̃уд̇ан̃н̃аан̣ам̣ уд̣̇д̣̇идтам̣. саб̣б̣ан̃н̃уссааби саб̣б̣ад̇хаммаанам̣ ааваж̇ж̇анабадиб̣ад̣̇д̇хабхаавабарид̣̇ийбанад̇т̇ам̣ саб̣б̣ан̃н̃уд̇ан̃н̃аан̣асса анааварияабхаавабарид̣̇ийбанад̇т̇ан̃жа д̇ад̣̇ананд̇арам̣ анааваран̣ан̃аан̣ам̣ уд̣̇д̣̇идтанд̇и взд̣̇ид̇аб̣б̣ам̣.

    Sattasantāne ca olokentā paṭhamaṃ indriyaparipākāparipākaṃ olokenti, indriyaparipākañca ñatvā āsayādīnaṃ anurūpena dhammadesanatthaṃ tato āsayānusayacaritāni olokenti, tasmāpi paṭhamaṃ indriyaparopariyattañāṇaṃ uddiṭṭhaṃ, tadanantaraṃ āsayānusayañāṇaṃ. Dhammaṃ desentā ca yasmā pāṭihāriyena vinetabbānaṃ pāṭihāriyaṃ karonti, tasmā āsayānusayañāṇānantaraṃ yamakapāṭihāriye ñāṇaṃ uddiṭṭhaṃ. Imesaṃ tiṇṇaṃ ñāṇānaṃ hetuparidīpanatthaṃ tadanantaraṃ mahākaruṇāñāṇaṃ uddiṭṭhaṃ. Mahākaruṇāñāṇassa parisuddhabhāvaparidīpanatthaṃ tadanantaraṃ sabbaññutaññāṇaṃ uddiṭṭhaṃ. Sabbaññussāpi sabbadhammānaṃ āvajjanapaṭibaddhabhāvaparidīpanatthaṃ sabbaññutaññāṇassa anāvariyabhāvaparidīpanatthañca tadanantaraṃ anāvaraṇañāṇaṃ uddiṭṭhanti veditabbaṃ.

    инд̣̇рияабаробарияад̇д̇ан̃аан̣анд̇и зд̇т̇а убари ‘‘сад̇д̇аана’’нд̇и бад̣̇ам̣ ид̇хзва аахарид̇ваа ‘‘сад̇д̇аанам̣ инд̣̇рияабаробарияад̇д̇ан̃аан̣а’’нд̇и яож̇зд̇аб̣б̣ам̣. бараани жа абараани жа бараабараанийд̇и вад̇д̇аб̣б̣з санд̇хивасзна ро-гаарам̣ гад̇ваа баробараанийд̇и вужжад̇и. баробараанам̣ бхааво баробарияам̣, баробарияамзва баробарияад̇д̇ам̣, взнзяяасад̇д̇аанам̣ сад̣̇д̇хаад̣̇ийнам̣ бан̃жаннам̣ инд̣̇рияаанам̣ баробарияад̇д̇ам̣ инд̣̇рияабаробарияад̇д̇ам̣, инд̣̇рияабаробарияад̇д̇асса н̃аан̣ам̣ инд̣̇рияабаробарияад̇д̇ан̃аан̣ам̣, инд̣̇рияаанам̣ уд̇д̇амаануд̇д̇амабхааван̃аан̣анд̇и ад̇т̇о. ‘‘инд̣̇рияавароварияад̇д̇ан̃аан̣а’’нд̇иби баато. вараани жа аварияаани жа вароварияаани, вароварияаанам̣ бхааво вароварияад̇д̇анд̇и яож̇зд̇аб̣б̣ам̣. аварияаанийд̇и жа на уд̇д̇амаанийд̇и ад̇т̇о. ат̇а ваа бараани жа обараани жа баробараани, д̇зсам̣ бхааво баробарияад̇д̇анд̇и яож̇зд̇аб̣б̣ам̣. обараанийд̇и жа ораанийд̇и вуд̇д̇ам̣ ход̇и, лаамагаанийд̇и ад̇т̇о, ‘‘баробараа яасса самзжжа д̇хаммаа’’д̇иаад̣̇ийсу (су. ни. 479) вияа. ‘‘инд̣̇рияабаробарияад̇д̇з н̃аан̣а’’нд̇и бхуммаважанзнааби баато.

    Indriyaparopariyattañāṇanti ettha upari ‘‘sattāna’’nti padaṃ idheva āharitvā ‘‘sattānaṃ indriyaparopariyattañāṇa’’nti yojetabbaṃ. Parāni ca aparāni ca parāparānīti vattabbe sandhivasena ro-kāraṃ katvā paroparānīti vuccati. Paroparānaṃ bhāvo paropariyaṃ, paropariyameva paropariyattaṃ, veneyyasattānaṃ saddhādīnaṃ pañcannaṃ indriyānaṃ paropariyattaṃ indriyaparopariyattaṃ, indriyaparopariyattassa ñāṇaṃ indriyaparopariyattañāṇaṃ, indriyānaṃ uttamānuttamabhāvañāṇanti attho. ‘‘Indriyavarovariyattañāṇa’’ntipi pāṭho. Varāni ca avariyāni ca varovariyāni, varovariyānaṃ bhāvo varovariyattanti yojetabbaṃ. Avariyānīti ca na uttamānīti attho. Atha vā parāni ca oparāni ca paroparāni, tesaṃ bhāvo paropariyattanti yojetabbaṃ. Oparānīti ca orānīti vuttaṃ hoti, lāmakānīti attho, ‘‘paroparā yassa samecca dhammā’’tiādīsu (su. ni. 479) viya. ‘‘Indriyaparopariyatte ñāṇa’’nti bhummavacanenāpi pāṭho.

    69. сад̇д̇аанам̣ аасаяаанусаяз н̃аан̣анд̇и зд̇т̇а руубаад̣̇ийсу канд̇хзсу чанд̣̇арааг̇зна сад̇д̇аа висад̇д̇аад̇и сад̇д̇аа. вуд̇д̇ан̃хзд̇ам̣ бхаг̇авад̇аа –

    69.Sattānaṃ āsayānusaye ñāṇanti ettha rūpādīsu khandhesu chandarāgena sattā visattāti sattā. Vuttañhetaṃ bhagavatā –

    ‘‘руубз ко, раад̇ха, яо чанд̣̇о яо рааг̇о яаа нанд̣̇ий яаа д̇ан̣хаа, д̇ад̇ра сад̇д̇о д̇ад̇ра висад̇д̇о, д̇асмаа ‘сад̇д̇о’д̇и вужжад̇и. взд̣̇анааяа сан̃н̃ааяа сан̇каарзсу вин̃н̃аан̣з яо чанд̣̇о яо рааг̇о яаа нанд̣̇ий яаа д̇ан̣хаа, д̇ад̇ра сад̇д̇о д̇ад̇ра висад̇д̇о, д̇асмаа ‘сад̇д̇о’д̇и вужжад̇ий’’д̇и (сам̣. ни. 3.161).

    ‘‘Rūpe kho, rādha, yo chando yo rāgo yā nandī yā taṇhā, tatra satto tatra visatto, tasmā ‘satto’ti vuccati. Vedanāya saññāya saṅkhāresu viññāṇe yo chando yo rāgo yā nandī yā taṇhā, tatra satto tatra visatto, tasmā ‘satto’ti vuccatī’’ti (saṃ. ni. 3.161).

    агкаражинд̇агаа бана ад̇т̇ам̣ авижаарзд̇ваа ‘‘наамамад̇д̇амзд̇а’’нд̇и ижчанд̇и. язби ад̇т̇ам̣ вижаарзнд̇и, д̇з сад̇ваяог̇зна сад̇д̇аад̇и ижчанд̇и, д̇зсам̣ сад̇д̇аанам̣. аасаяанд̇и ниссаяанд̇и зд̇ам̣ ид̇и аасаяо, мижчаад̣̇идтияаа, саммаад̣̇идтияаа ваа гаамаад̣̇ийхи, нзгкаммаад̣̇ийхи ваа барибхаавид̇асса санд̇аанассзд̇ам̣ ад̇хиважанам̣. сад̇д̇асанд̇аанз анусзнд̇и анубавад̇д̇анд̇ийд̇и анусаяаа, т̇аамаг̇ад̇аанам̣ гаамарааг̇аад̣̇ийнам̣ зд̇ам̣ ад̇хиважанам̣. аасаяо жа анусаяо жа аасаяаанусаяо. ж̇аад̇иг̇г̇ахан̣зна жа д̣̇ванд̣̇асамаасавасзна жа згаважанам̣ взд̣̇ид̇аб̣б̣ам̣. яасмаа жарид̇аад̇химуд̇д̇ияо аасаяаанусаяасан̇г̇ахид̇аа, д̇асмаа уд̣̇д̣̇зсз жарид̇аад̇химуд̇д̇ийсу н̃аан̣аани аасаяаанусаяан̃аан̣знзва сан̇г̇ахзд̇ваа ‘‘аасаяаанусаяз н̃аан̣а’’нд̇и вуд̇д̇ам̣. язнзва хи ад̇хиббааязна уд̣̇д̣̇зсо гад̇о, д̇знзва ад̇хиббааязна нид̣̇д̣̇зсо гад̇од̇и.

    Akkharacintakā pana atthaṃ avicāretvā ‘‘nāmamattameta’’nti icchanti. Yepi atthaṃ vicārenti, te satvayogena sattāti icchanti, tesaṃ sattānaṃ. Āsayanti nissayanti etaṃ iti āsayo, micchādiṭṭhiyā, sammādiṭṭhiyā vā kāmādīhi, nekkhammādīhi vā paribhāvitassa santānassetaṃ adhivacanaṃ. Sattasantāne anusenti anupavattantīti anusayā, thāmagatānaṃ kāmarāgādīnaṃ etaṃ adhivacanaṃ. Āsayo ca anusayo ca āsayānusayo. Jātiggahaṇena ca dvandasamāsavasena ca ekavacanaṃ veditabbaṃ. Yasmā caritādhimuttiyo āsayānusayasaṅgahitā, tasmā uddese caritādhimuttīsu ñāṇāni āsayānusayañāṇeneva saṅgahetvā ‘‘āsayānusaye ñāṇa’’nti vuttaṃ. Yeneva hi adhippāyena uddeso kato, teneva adhippāyena niddeso katoti.

    70. яамагабаадихийрз н̃аан̣анд̇и зд̇т̇а аг̇г̇игканд̇хауд̣̇агад̇хаараад̣̇ийнам̣ абуб̣б̣ам̣ ажаримам̣ сагим̣язва бавад̇д̇ид̇о яамагам̣, ассад̣̇д̇хияаад̣̇ийнам̣ бадибагкад̇хаммаанам̣ харан̣ад̇о баадихийрам̣, яамаган̃жа д̇ам̣ баадихийран̃жаад̇и яамагабаадихийрам̣.

    70.Yamakapāṭihīre ñāṇanti ettha aggikkhandhaudakadhārādīnaṃ apubbaṃ acarimaṃ sakiṃyeva pavattito yamakaṃ, assaddhiyādīnaṃ paṭipakkhadhammānaṃ haraṇato pāṭihīraṃ, yamakañca taṃ pāṭihīrañcāti yamakapāṭihīraṃ.

    71. махаагарун̣аасамаабад̇д̇ияаа н̃аан̣анд̇и зд̇т̇а барад̣̇угкз сад̇и саад̇хуунам̣ хад̣̇аяагамбанам̣ гарод̇ийд̇и гарун̣аа, гинаад̇и ваа барад̣̇угкам̣ хим̣сад̇и винаасзд̇ийд̇и гарун̣аа, гирийяад̇и ваа д̣̇угкид̇зсу паран̣авасзна басаарийяад̇ийд̇и гарун̣аа, паран̣агаммавасзна гаммаг̇ун̣авасзна жа махад̇ий гарун̣аа махаагарун̣аа, самаабаж̇ж̇анд̇и зд̇ам̣ махаагаарун̣игаад̇и самаабад̇д̇и, махаагарун̣аа жа саа самаабад̇д̇и жаад̇и махаагарун̣аасамаабад̇д̇и. д̇ассам̣ махаагарун̣аасамаабад̇д̇ияам̣, д̇ам̣самбаяуд̇д̇ам̣ н̃аан̣ам̣.

    71.Mahākaruṇāsamāpattiyā ñāṇanti ettha paradukkhe sati sādhūnaṃ hadayakampanaṃ karotīti karuṇā, kināti vā paradukkhaṃ hiṃsati vināsetīti karuṇā, kirīyati vā dukkhitesu pharaṇavasena pasārīyatīti karuṇā, pharaṇakammavasena kammaguṇavasena ca mahatī karuṇā mahākaruṇā, samāpajjanti etaṃ mahākāruṇikāti samāpatti, mahākaruṇā ca sā samāpatti cāti mahākaruṇāsamāpatti. Tassaṃ mahākaruṇāsamāpattiyaṃ, taṃsampayuttaṃ ñāṇaṃ.

    72-73. саб̣б̣ан̃н̃уд̇ан̃н̃аан̣ам̣ анааваран̣ан̃аан̣анд̇и зд̇т̇а бан̃жанзяяабат̇аббабхзд̣̇ам̣ саб̣б̣ам̣ ан̃н̃аасийд̇и саб̣б̣ан̃н̃уу, саб̣б̣ан̃н̃усса бхааво саб̣б̣ан̃н̃уд̇аа, саа зва н̃аан̣ам̣ ‘‘саб̣б̣ан̃н̃уд̇аан̃аан̣а’’нд̇и вад̇д̇аб̣б̣з ‘‘саб̣б̣ан̃н̃уд̇ан̃н̃аан̣а’’нд̇и вуд̇д̇ам̣. сан̇кад̇аасан̇кад̇аад̣̇ибхзд̣̇аа саб̣б̣ад̇хаммаа хи сан̇кааро вигааро лагкан̣ам̣ ниб̣б̣аанам̣ бан̃н̃ад̇д̇ийд̇и бан̃жзва нзяяабат̇аа хонд̇и. саб̣б̣ан̃н̃ууд̇и жа гамасаб̣б̣ан̃н̃уу, сагим̣саб̣б̣ан̃н̃уу, сад̇ад̇асаб̣б̣ан̃н̃уу, сад̇д̇исаб̣б̣ан̃н̃уу, н̃аад̇асаб̣б̣ан̃н̃ууд̇и бан̃жавид̇хаа саб̣б̣ан̃н̃уно сияум̣. гамзна саб̣б̣аж̇аананагаалаасамбхавад̇о гамасаб̣б̣ан̃н̃уд̇аа на ход̇и, сагим̣ саб̣б̣аарамман̣аг̇ахан̣аабхаавад̇о сагим̣саб̣б̣ан̃н̃уд̇аа на ход̇и, жагкувин̃н̃аан̣аад̣̇ийнам̣ яат̇аарамман̣ажид̇д̇асамбхавад̇о бхаван̇г̇ажид̇д̇авирод̇хад̇о яуд̇д̇иабхаавад̇о жа сад̇ад̇асаб̣б̣ан̃н̃уд̇аа на ход̇и, барисзсад̇о саб̣б̣аж̇аананасамад̇т̇ад̇д̇аа сад̇д̇исаб̣б̣ан̃н̃уд̇аа ваа сияаа, вид̣̇ид̇асаб̣б̣ад̇хаммад̇д̇аа н̃аад̇асаб̣б̣ан̃н̃уд̇аа ваа сияаа. сад̇д̇исаб̣б̣ан̃н̃уно саб̣б̣аж̇аананад̇д̇ам̣ над̇т̇ийд̇и д̇амби на яуж̇ж̇ад̇и.

    72-73.Sabbaññutaññāṇaṃ anāvaraṇañāṇanti ettha pañcaneyyapathappabhedaṃ sabbaṃ aññāsīti sabbaññū, sabbaññussa bhāvo sabbaññutā, sā eva ñāṇaṃ ‘‘sabbaññutāñāṇa’’nti vattabbe ‘‘sabbaññutaññāṇa’’nti vuttaṃ. Saṅkhatāsaṅkhatādibhedā sabbadhammā hi saṅkhāro vikāro lakkhaṇaṃ nibbānaṃ paññattīti pañceva neyyapathā honti. Sabbaññūti ca kamasabbaññū, sakiṃsabbaññū, satatasabbaññū, sattisabbaññū, ñātasabbaññūti pañcavidhā sabbaññuno siyuṃ. Kamena sabbajānanakālāsambhavato kamasabbaññutā na hoti, sakiṃ sabbārammaṇagahaṇābhāvato sakiṃsabbaññutā na hoti, cakkhuviññāṇādīnaṃ yathārammaṇacittasambhavato bhavaṅgacittavirodhato yuttiabhāvato ca satatasabbaññutā na hoti, parisesato sabbajānanasamatthattā sattisabbaññutā vā siyā, viditasabbadhammattā ñātasabbaññutā vā siyā. Sattisabbaññuno sabbajānanattaṃ natthīti tampi na yujjati.

    ‘‘на д̇асса ад̣̇д̣̇идтамид̇хад̇т̇и гин̃жи, ат̇о авин̃н̃аад̇амаж̇аанид̇аб̣б̣ам̣;

    ‘‘Na tassa addiṭṭhamidhatthi kiñci, atho aviññātamajānitabbaṃ;

    саб̣б̣ам̣ абхин̃н̃ааси яад̣̇ад̇т̇и нзяяам̣, д̇ат̇ааг̇ад̇о д̇зна саманд̇ажагкуу’’д̇и. (махаани. 156; жуул̣ани. могхарааж̇амаан̣авабужчаанид̣̇д̣̇зса 85; бади. ма. 1.208) –

    Sabbaṃ abhiññāsi yadatthi neyyaṃ, tathāgato tena samantacakkhū’’ti. (mahāni. 156; cūḷani. mogharājamāṇavapucchāniddesa 85; paṭi. ma. 1.208) –

    вуд̇д̇ад̇д̇аа н̃аад̇асаб̣б̣ан̃н̃уд̇д̇амзва яуж̇ж̇ад̇и. зван̃хи сад̇и гижжад̇о асаммохад̇о гааран̣асид̣̇д̇хид̇о ааваж̇ж̇анабадиб̣ад̣̇д̇хад̇о саб̣б̣ан̃н̃уд̇д̇амзва ход̇ийд̇и. ааваж̇ж̇анабадиб̣ад̣̇д̇хад̇д̇аа зва хи над̇т̇и зд̇асса ааваран̣анд̇и анааваран̣ам̣, д̇ад̣̇зва анааваран̣ан̃аан̣анд̇и вужжад̇ийд̇и.

    Vuttattā ñātasabbaññuttameva yujjati. Evañhi sati kiccato asammohato kāraṇasiddhito āvajjanapaṭibaddhato sabbaññuttameva hotīti. Āvajjanapaṭibaddhattā eva hi natthi etassa āvaraṇanti anāvaraṇaṃ, tadeva anāvaraṇañāṇanti vuccatīti.

    имаани д̇зсад̇д̇ад̇и н̃аан̣аанийд̇и саавагзхи саад̇хааран̣аасаад̇хааран̣авасзна уд̣̇д̣̇идтаани имаани д̇зсад̇д̇ад̇и н̃аан̣аани. имзсам̣ д̇зсад̇д̇ад̇ияаа н̃аан̣аананд̇и аад̣̇ид̇о бадтааяа вуд̇д̇аанам̣ имзсам̣ д̇зсад̇д̇ад̇ин̃аан̣аанам̣. уб̣б̣ааханад̇т̇з жзд̇ам̣ саамиважанам̣. д̇зсад̇д̇ад̇ийнанд̇иби баато. ‘‘д̇зсад̇д̇ад̇ияаа’’д̇и вад̇д̇аб̣б̣з згасмим̣ б̣ахуважанам̣ взд̣̇ид̇аб̣б̣ам̣. сад̇д̇асадти н̃аан̣аанийд̇иаад̣̇ид̇о бадтааяа сад̇д̇асадти н̃аан̣аани. саавагасаад̇хааран̣аанийд̇и савананд̇з арияааяа ж̇аад̇ияаа ж̇аад̇ад̇д̇аа саавагаа, самаанам̣ д̇хааран̣амзд̇зсанд̇и саад̇хааран̣аани, д̇ат̇ааг̇ад̇аанам̣ саавагзхи саад̇хааран̣аани саавагасаад̇хааран̣аани. ча н̃аан̣аанийд̇и анд̇з уд̣̇д̣̇идтаани ча н̃аан̣аани. асаад̇хааран̣аани саавагзхийд̇и саавагзхи асаад̇хааран̣аани д̇ат̇ааг̇ад̇аанам̣язва н̃аан̣аанийд̇и.

    Imāni tesattati ñāṇānīti sāvakehi sādhāraṇāsādhāraṇavasena uddiṭṭhāni imāni tesattati ñāṇāni. Imesaṃ tesattatiyā ñāṇānanti ādito paṭṭhāya vuttānaṃ imesaṃ tesattatiñāṇānaṃ. Ubbāhanatthe cetaṃ sāmivacanaṃ. Tesattatīnantipi pāṭho. ‘‘Tesattatiyā’’ti vattabbe ekasmiṃ bahuvacanaṃ veditabbaṃ. Sattasaṭṭhi ñāṇānītiādito paṭṭhāya sattasaṭṭhi ñāṇāni. Sāvakasādhāraṇānīti savanante ariyāya jātiyā jātattā sāvakā, samānaṃ dhāraṇametesanti sādhāraṇāni, tathāgatānaṃ sāvakehi sādhāraṇāni sāvakasādhāraṇāni. Cha ñāṇānīti ante uddiṭṭhāni cha ñāṇāni. Asādhāraṇāni sāvakehīti sāvakehi asādhāraṇāni tathāgatānaṃyeva ñāṇānīti.

    сад̣̇д̇хаммаббагаасинияаа бадисамбхид̣̇аамаг̇г̇а-адтагат̇ааяа

    Saddhammappakāsiniyā paṭisambhidāmagga-aṭṭhakathāya

    н̃аан̣агат̇аамаад̇игуд̣̇д̣̇зсаваараван̣н̣анаа нидтид̇аа.

    Ñāṇakathāmātikuddesavāravaṇṇanā niṭṭhitā.




    Next: 1. суд̇амаяан̃аан̣анид̣̇д̣̇зсаван̣н̣анаа • 1. Sutamayañāṇaniddesavaṇṇanā




    Related texts:



    д̇ибидага (муула) • Tipiṭaka (Mūla) / суд̇д̇абидага • Suttapiṭaka / куд̣̇д̣̇аганигааяа • Khuddakanikāya / бадисамбхид̣̇аамаг̇г̇абаал̣и • Paṭisambhidāmaggapāḷi / маад̇игаа • Mātikā


    © 1991-2023 The Titi Tudorancea Bulletin | Titi Tudorancea® is a Registered Trademark | Terms of use and privacy policy
    Contact