| Library / Tipiṭaka / तिपिटक • Tipiṭaka / जातकपाळि • Jātakapāḷi |
४४९. मट्ठकुण्डलीजातकं (११)
449. Maṭṭhakuṇḍalījātakaṃ (11)
११५.
115.
बाहा पग्गय्ह कन्दसि, वनमज्झे किं दुक्खितो तुवं॥
Bāhā paggayha kandasi, vanamajjhe kiṃ dukkhito tuvaṃ.
११६.
116.
सोवण्णमयो पभस्सरो, उप्पन्नो रथपञ्जरो मम।
Sovaṇṇamayo pabhassaro, uppanno rathapañjaro mama;
तस्स चक्कयुगं न विन्दामि, तेन दुक्खेन जहामि जीवितं॥
Tassa cakkayugaṃ na vindāmi, tena dukkhena jahāmi jīvitaṃ.
११७.
117.
सोवण्णमयं मणीमयं, लोहमयं अथ रूपियामयं।
Sovaṇṇamayaṃ maṇīmayaṃ, lohamayaṃ atha rūpiyāmayaṃ;
११८.
118.
सोवण्णमयो रथो मम, तेन चक्कयुगेन सोभति॥
Sovaṇṇamayo ratho mama, tena cakkayugena sobhati.
११९.
119.
बालो खो त्वंसि माणव, यो त्वं पत्थयसे अपत्थियं।
Bālo kho tvaṃsi māṇava, yo tvaṃ patthayase apatthiyaṃ;
मञ्ञामि तुवं मरिस्ससि, न हि त्वं लच्छसि चन्दसूरिये॥
Maññāmi tuvaṃ marissasi, na hi tvaṃ lacchasi candasūriye.
१२०.
120.
गमनागमनम्पि दिस्सति, वण्णधातु उभयेत्थ वीथियो।
Gamanāgamanampi dissati, vaṇṇadhātu ubhayettha vīthiyo;
पेतो पन नेव दिस्सति, को नु खो 17 कन्दतं बाल्यतरो॥
Peto pana neva dissati, ko nu kho 18 kandataṃ bālyataro.
१२१.
121.
सच्चं खो वदेसि माणव, अहमेव कन्दतं बाल्यतरो।
Saccaṃ kho vadesi māṇava, ahameva kandataṃ bālyataro;
चन्दं विय दारको रुदं, पेतं कालकताभिपत्थये॥
Candaṃ viya dārako rudaṃ, petaṃ kālakatābhipatthaye.
१२२.
122.
आदित्तं वत मं सन्तं, घतसित्तंव पावकं।
Ādittaṃ vata maṃ santaṃ, ghatasittaṃva pāvakaṃ;
वारिना विय ओसिञ्चं, सब्बं निब्बापये दरं॥
Vārinā viya osiñcaṃ, sabbaṃ nibbāpaye daraṃ.
१२३.
123.
यो मे सोकपरेतस्स, पुत्तसोकं अपानुदि॥
Yo me sokaparetassa, puttasokaṃ apānudi.
१२४.
124.
सोहं अब्बूळ्हसल्लोस्मि, वीतसोको अनाविलो।
Sohaṃ abbūḷhasallosmi, vītasoko anāvilo;
न सोचामि न रोदामि, तव सुत्वान माणवाति॥
Na socāmi na rodāmi, tava sutvāna māṇavāti.
मट्ठकुण्डलीजातकं एकादसमं।
Maṭṭhakuṇḍalījātakaṃ ekādasamaṃ.
Footnotes:
Related texts:
अट्ठकथा • Aṭṭhakathā / सुत्तपिटक (अट्ठकथा) • Suttapiṭaka (aṭṭhakathā) / खुद्दकनिकाय (अट्ठकथा) • Khuddakanikāya (aṭṭhakathā) / जातक-अट्ठकथा • Jātaka-aṭṭhakathā / [४४९] ११. मट्ठकुण्डलीजातकवण्णना • [449] 11. Maṭṭhakuṇḍalījātakavaṇṇanā
