| Library / Tipiṭaka / д̇ибидага • Tipiṭaka / ж̇аад̇ага-адтагат̇аа • Jātaka-aṭṭhakathā |
[449] 11. мадтагун̣д̣алийж̇аад̇агаван̣н̣анаа
[449] 11. Maṭṭhakuṇḍalījātakavaṇṇanā
алан̇гад̇о мадтагун̣д̣алийд̇и ид̣̇ам̣ сад̇т̇аа ж̇зд̇аванз вихаранд̇о згам̣ мад̇абуд̇д̇ам̣ гудумб̣игам̣ аараб̣бха гат̇зси. саавад̇т̇ияам̣ гирзгасса б̣уд̣̇д̇хубадтаагасса гудумб̣игасса бияабуд̇д̇о гааламагааси. со буд̇д̇асогасамаббид̇о на нхааяад̇и на бхун̃ж̇ад̇и на гамманд̇з вижаарзд̇и, на б̣уд̣̇д̇хубадтаанам̣ г̇ажчад̇и, гзвалам̣ ‘‘бияабуд̇д̇ага, мам̣ охааяа батамад̇арам̣ г̇ад̇осий’’д̇иаад̣̇ийни вад̇ваа виббалабад̇и. сад̇т̇аа бажжуусасамаяз логам̣ ологзнд̇о д̇асса сод̇аабад̇д̇ипалуубаниссаяам̣ д̣̇исваа бунад̣̇ивасз бхигкусан̇гхабаривуд̇о саавад̇т̇ияам̣ бин̣д̣ааяа жарид̇ваа гад̇абхад̇д̇агижжо бхигкуу уяяож̇зд̇ваа аананд̣̇ад̇т̇зрзна бажчаасаман̣зна д̇асса гхарад̣̇ваарам̣ аг̇амааси. сад̇т̇у ааг̇ад̇абхаавам̣ гудумб̣игасса аарожзсум̣. ат̇асса г̇зхаж̇ано аасанам̣ бан̃н̃абзд̇ваа сад̇т̇аарам̣ нисийд̣̇аабзд̇ваа гудумб̣игам̣ бариг̇г̇ахзд̇ваа сад̇т̇у санд̇игам̣ аанзси. д̇ам̣ ванд̣̇ид̇ваа згаманд̇ам̣ нисиннам̣ сад̇т̇аа гарун̣аасийд̇алзна важанзна ааманд̇зд̇ваа ‘‘гим̣, убаасага, буд̇д̇агам̣ анусожасий’’д̇и бужчид̇ваа ‘‘аама, бханд̇з’’д̇и вуд̇д̇з ‘‘убаасага, бораан̣агабан̣д̣ид̇аа буд̇д̇з гаалагад̇з согасамаббид̇аа вижаранд̇ааби бан̣д̣ид̇аанам̣ гат̇ам̣ суд̇ваа ‘алаб̣бханийяадтаана’нд̇и д̇ат̇ад̇о н̃ад̇ваа аббамад̇д̇агамби согам̣ на гарим̣суу’’д̇и вад̇ваа д̇зна яаажид̇о ад̇ийд̇ам̣ аахари.
Alaṅkato maṭṭhakuṇḍalīti idaṃ satthā jetavane viharanto ekaṃ mataputtaṃ kuṭumbikaṃ ārabbha kathesi. Sāvatthiyaṃ kirekassa buddhupaṭṭhākassa kuṭumbikassa piyaputto kālamakāsi. So puttasokasamappito na nhāyati na bhuñjati na kammante vicāreti, na buddhupaṭṭhānaṃ gacchati, kevalaṃ ‘‘piyaputtaka, maṃ ohāya paṭhamataraṃ gatosī’’tiādīni vatvā vippalapati. Satthā paccūsasamaye lokaṃ olokento tassa sotāpattiphalūpanissayaṃ disvā punadivase bhikkhusaṅghaparivuto sāvatthiyaṃ piṇḍāya caritvā katabhattakicco bhikkhū uyyojetvā ānandattherena pacchāsamaṇena tassa gharadvāraṃ agamāsi. Satthu āgatabhāvaṃ kuṭumbikassa ārocesuṃ. Athassa gehajano āsanaṃ paññapetvā satthāraṃ nisīdāpetvā kuṭumbikaṃ pariggahetvā satthu santikaṃ ānesi. Taṃ vanditvā ekamantaṃ nisinnaṃ satthā karuṇāsītalena vacanena āmantetvā ‘‘kiṃ, upāsaka, puttakaṃ anusocasī’’ti pucchitvā ‘‘āma, bhante’’ti vutte ‘‘upāsaka, porāṇakapaṇḍitā putte kālakate sokasamappitā vicarantāpi paṇḍitānaṃ kathaṃ sutvā ‘alabbhanīyaṭṭhāna’nti tathato ñatvā appamattakampi sokaṃ na kariṃsū’’ti vatvā tena yācito atītaṃ āhari.
ад̇ийд̇з б̣аараан̣асияам̣ б̣рахмад̣̇ад̇д̇з раж̇ж̇ам̣ гаарзнд̇з згасса махаавибхавасса б̣раахман̣асса буд̇д̇о бан̃жад̣̇асасол̣асавассагаалз згзна б̣яаад̇хинаа пудто гаалам̣ гад̇ваа д̣̇звалогз ниб̣б̣ад̇д̇и. б̣раахман̣о д̇асса гаалагирияад̇о бадтааяа сусаанам̣ г̇анд̇ваа чааригабун̃ж̇ам̣ аавиж̇жханд̇о барид̣̇звад̇и, саб̣б̣агамманд̇з барижжаж̇ид̇ваа согасамаббид̇о вижарад̇и. д̇ад̣̇аа д̣̇звабуд̇д̇о анувижаранд̇о д̇ам̣ д̣̇исваа ‘‘згам̣ убамам̣ гад̇ваа согам̣ хариссаамий’’д̇и д̇асса сусаанам̣ г̇анд̇ваа барид̣̇званагаалз д̇ассзва буд̇д̇аван̣н̣ий худ̇ваа саб̣б̣аабхаран̣абадиман̣д̣ид̇о згасмим̣ бад̣̇зсз тад̇ваа убхо хад̇т̇з сийсз табзд̇ваа махаасад̣̇д̣̇зна барид̣̇зви. б̣раахман̣о сад̣̇д̣̇ам̣ суд̇ваа д̇ам̣ ологзд̇ваа буд̇д̇абзмам̣ бадилабхид̇ваа д̇асса санд̇игз тад̇ваа ‘‘д̇аад̇а маан̣ава, имасмим̣ сусаанамаж̇жхз гасмаа барид̣̇звасий’’д̇и бужчанд̇о батамам̣ г̇аат̇амааха –
Atīte bārāṇasiyaṃ brahmadatte rajjaṃ kārente ekassa mahāvibhavassa brāhmaṇassa putto pañcadasasoḷasavassakāle ekena byādhinā phuṭṭho kālaṃ katvā devaloke nibbatti. Brāhmaṇo tassa kālakiriyato paṭṭhāya susānaṃ gantvā chārikapuñjaṃ āvijjhanto paridevati, sabbakammante pariccajitvā sokasamappito vicarati. Tadā devaputto anuvicaranto taṃ disvā ‘‘ekaṃ upamaṃ katvā sokaṃ harissāmī’’ti tassa susānaṃ gantvā paridevanakāle tasseva puttavaṇṇī hutvā sabbābharaṇapaṭimaṇḍito ekasmiṃ padese ṭhatvā ubho hatthe sīse ṭhapetvā mahāsaddena paridevi. Brāhmaṇo saddaṃ sutvā taṃ oloketvā puttapemaṃ paṭilabhitvā tassa santike ṭhatvā ‘‘tāta māṇava, imasmiṃ susānamajjhe kasmā paridevasī’’ti pucchanto paṭhamaṃ gāthamāha –
115.
115.
‘‘алан̇гад̇о мадтагун̣д̣алий, маалад̇хаарий харижанд̣̇ануссад̣̇о;
‘‘Alaṅkato maṭṭhakuṇḍalī, māladhārī haricandanussado;
б̣аахаа баг̇г̇аяха ганд̣̇аси, ванамаж̇жхз гим̣ д̣̇угкид̇о д̇ува’’нд̇и.
Bāhā paggayha kandasi, vanamajjhe kiṃ dukkhito tuva’’nti.
д̇ад̇т̇а алан̇гад̇од̇и наанаабхаран̣авибхуусид̇о. мадтагун̣д̣алийд̇и гаран̣абаринидтид̇зхи мадтзхи гун̣д̣алзхи саманнааг̇ад̇о. маалад̇хаарийд̇и вижид̇рагусумамаалад̇харо. харижанд̣̇ануссад̣̇од̇и суван̣н̣аван̣н̣зна жанд̣̇анзна анулид̇д̇о. ванамаж̇жхзд̇и сусаанамаж̇жхз. гим̣ д̣̇угкид̇о д̇уванд̇и гим̣гааран̣аа д̣̇угкид̇о д̇вам̣, аажигка, ахам̣ д̇з яам̣ ижчаси, д̇ам̣ д̣̇ассаамийд̇и ааха.
Tattha alaṅkatoti nānābharaṇavibhūsito. Maṭṭhakuṇḍalīti karaṇapariniṭṭhitehi maṭṭhehi kuṇḍalehi samannāgato. Māladhārīti vicitrakusumamāladharo. Haricandanussadoti suvaṇṇavaṇṇena candanena anulitto. Vanamajjheti susānamajjhe. Kiṃ dukkhito tuvanti kiṃkāraṇā dukkhito tvaṃ, ācikkha, ahaṃ te yaṃ icchasi, taṃ dassāmīti āha.
ат̇асса гат̇знд̇о маан̣аво д̣̇уд̇ияам̣ г̇аат̇амааха –
Athassa kathento māṇavo dutiyaṃ gāthamāha –
116.
116.
‘‘сован̣н̣амаяо бабхассаро, уббанно рат̇абан̃ж̇аро мама;
‘‘Sovaṇṇamayo pabhassaro, uppanno rathapañjaro mama;
д̇асса жаггаяуг̇ам̣ на винд̣̇аами, д̇зна д̣̇угкзна ж̇ахаами ж̇ийвид̇а’’нд̇и.
Tassa cakkayugaṃ na vindāmi, tena dukkhena jahāmi jīvita’’nti.
б̣раахман̣о самбадижчанд̇о д̇ад̇ияам̣ г̇аат̇амааха –
Brāhmaṇo sampaṭicchanto tatiyaṃ gāthamāha –
117.
117.
‘‘сован̣н̣амаяам̣ ман̣иймаяам̣, лохамаяам̣ ат̇а руубияаамаяам̣;
‘‘Sovaṇṇamayaṃ maṇīmayaṃ, lohamayaṃ atha rūpiyāmayaṃ;
баавад̣̇а рат̇ам̣ гариссаами д̇з, жаггаяуг̇ам̣ бадибаад̣̇аяаами д̇а’’нд̇и.
Pāvada rathaṃ karissāmi te, cakkayugaṃ paṭipādayāmi ta’’nti.
д̇ад̇т̇а баавад̣̇аад̇и яаад̣̇исзна д̇з ад̇т̇о яаад̣̇исам̣ рожзси, д̇аад̣̇исам̣ вад̣̇а, ахам̣ д̇з рат̇а гариссаами. бадибаад̣̇аяаами д̇анд̇и д̇ам̣ бан̃ж̇араануруубам̣ жаггаяуг̇ам̣ ад̇хиг̇ажчаабзми.
Tattha pāvadāti yādisena te attho yādisaṃ rocesi, tādisaṃ vada, ahaṃ te ratha karissāmi. Paṭipādayāmi tanti taṃ pañjarānurūpaṃ cakkayugaṃ adhigacchāpemi.
д̇ам̣ суд̇ваа маан̣авзна гат̇ид̇ааяа г̇аат̇ааяа батамабаад̣̇ам̣ сад̇т̇аа абхисамб̣уд̣̇д̇хо худ̇ваа гат̇зси, сзсам̣ маан̣аво.
Taṃ sutvā māṇavena kathitāya gāthāya paṭhamapādaṃ satthā abhisambuddho hutvā kathesi, sesaṃ māṇavo.
118.
118.
‘‘со маан̣аво д̇асса баавад̣̇и, жанд̣̇асуурияаа убхаязд̇т̇а бхаад̇аро;
‘‘So māṇavo tassa pāvadi, candasūriyā ubhayettha bhātaro;
сован̣н̣амаяо рат̇о мама, д̇зна жаггаяуг̇зна собхад̇ий’’д̇и.
Sovaṇṇamayo ratho mama, tena cakkayugena sobhatī’’ti.
б̣раахман̣о д̇ад̣̇ананд̇арам̣ ааха –
Brāhmaṇo tadanantaraṃ āha –
119.
119.
‘‘б̣аало ко д̇вам̣си маан̣ава, яо д̇вам̣ бад̇т̇аяаси абад̇т̇ияам̣;
‘‘Bālo kho tvaṃsi māṇava, yo tvaṃ patthayasi apatthiyaṃ;
ман̃н̃аами д̇увам̣ мариссаси, на хи д̇вам̣ лажчаси жанд̣̇асуурияз’’д̇и. –
Maññāmi tuvaṃ marissasi, na hi tvaṃ lacchasi candasūriye’’ti. –
б̣раахман̣зна вуд̇д̇аг̇аат̇ааяа абад̇т̇ияанд̇и абад̇т̇зд̇аб̣б̣ам̣.
Brāhmaṇena vuttagāthāya apatthiyanti apatthetabbaṃ.
д̇ад̇о маан̣аво ааха –
Tato māṇavo āha –
120.
120.
‘‘г̇аманааг̇аманамби д̣̇иссад̇и, ван̣н̣ад̇хаад̇у убхаязд̇т̇а вийт̇ияо;
‘‘Gamanāgamanampi dissati, vaṇṇadhātu ubhayettha vīthiyo;
бзд̇о бана нзва д̣̇иссад̇и, го ну ко ганд̣̇ад̇ам̣ б̣ааляад̇аро’’д̇и.
Peto pana neva dissati, ko nu kho kandataṃ bālyataro’’ti.
маан̣авзна вуд̇д̇аг̇аат̇ааяа г̇аманааг̇амананд̇и уг̇г̇аманан̃жа ад̇т̇аг̇аманан̃жа. ван̣н̣оязва ван̣н̣ад̇хаад̇у. убхаязд̇т̇а вийт̇ияод̇и зд̇т̇а аагаасз ‘‘аяам̣ жанд̣̇асса вийт̇и, аяам̣ суурияасса вийт̇ий’’д̇и звам̣ убхаяаг̇аманааг̇аманабхуумияоби бан̃н̃ааяанд̇и. бзд̇о банаад̇и баралогам̣ г̇ад̇асад̇д̇о бана на д̣̇иссад̇зва. го ну код̇и звам̣ санд̇з амхаагам̣ д̣̇виннам̣ ганд̣̇анд̇аанам̣ го ну ко б̣ааляад̇арод̇и.
Māṇavena vuttagāthāya gamanāgamananti uggamanañca atthagamanañca. Vaṇṇoyeva vaṇṇadhātu. Ubhayettha vīthiyoti ettha ākāse ‘‘ayaṃ candassa vīthi, ayaṃ sūriyassa vīthī’’ti evaṃ ubhayagamanāgamanabhūmiyopi paññāyanti. Peto panāti paralokaṃ gatasatto pana na dissateva. Ko nu khoti evaṃ sante amhākaṃ dvinnaṃ kandantānaṃ ko nu kho bālyataroti.
звам̣ маан̣авз гат̇знд̇з б̣раахман̣о саллагкзд̇ваа г̇аат̇амааха –
Evaṃ māṇave kathente brāhmaṇo sallakkhetvā gāthamāha –
121.
121.
‘‘сажжам̣ ко вад̣̇зси маан̣ава, ахамзва ганд̣̇ад̇ам̣ б̣ааляад̇аро;
‘‘Saccaṃ kho vadesi māṇava, ahameva kandataṃ bālyataro;
жанд̣̇ам̣ вияа д̣̇аараго руд̣̇ам̣, бзд̇ам̣ гаалагад̇аабхибад̇т̇аяз’’д̇и.
Candaṃ viya dārako rudaṃ, petaṃ kālakatābhipatthaye’’ti.
д̇ад̇т̇а жанд̣̇ам̣ вияа д̣̇аарагод̇и яат̇аа д̣̇ахаро г̇аамад̣̇аараго ‘‘жанд̣̇ам̣ д̣̇зт̇аа’’д̇и жанд̣̇ассад̇т̇ааяа род̣̇зяяа, звам̣ ахамби бзд̇ам̣ гаалагад̇ам̣ абхибад̇т̇змийд̇и.
Tattha candaṃ viya dārakoti yathā daharo gāmadārako ‘‘candaṃ dethā’’ti candassatthāya rodeyya, evaṃ ahampi petaṃ kālakataṃ abhipatthemīti.
ид̇и б̣раахман̣о маан̣авасса гат̇ааяа ниссого худ̇ваа д̇асса т̇уд̇им̣ гаронд̇о сзсаг̇аат̇аа абхааси –
Iti brāhmaṇo māṇavassa kathāya nissoko hutvā tassa thutiṃ karonto sesagāthā abhāsi –
122.
122.
‘‘аад̣̇ид̇д̇ам̣ вад̇а мам̣ санд̇ам̣, гхад̇асид̇д̇ам̣ва баавагам̣;
‘‘Ādittaṃ vata maṃ santaṃ, ghatasittaṃva pāvakaṃ;
вааринаа вияа осин̃жам̣, саб̣б̣ам̣ ниб̣б̣аабаяз д̣̇арам̣.
Vārinā viya osiñcaṃ, sabbaṃ nibbāpaye daraṃ.
123.
123.
‘‘аб̣б̣ахий вад̇а мз саллам̣, яамааси хад̣̇аяассид̇ам̣;
‘‘Abbahī vata me sallaṃ, yamāsi hadayassitaṃ;
яо мз согабарзд̇асса, буд̇д̇асогам̣ абаануд̣̇и.
Yo me sokaparetassa, puttasokaṃ apānudi.
124.
124.
‘‘сохам̣ аб̣б̣уул̣хасаллосми, вийд̇асого анаавило;
‘‘Sohaṃ abbūḷhasallosmi, vītasoko anāvilo;
на сожаами на род̣̇аами, д̇ава суд̇ваана маан̣аваа’’д̇и.
Na socāmi na rodāmi, tava sutvāna māṇavā’’ti.
ат̇а нам̣ маан̣аво ‘‘б̣раахман̣а, яассад̇т̇ааяа д̇вам̣ род̣̇аси, ахам̣ д̇з буд̇д̇о, ахам̣ д̣̇звалогз ниб̣б̣ад̇д̇о, ид̇о бадтааяа маа мам̣ анусожи, д̣̇аанам̣ д̣̇зхи, сийлам̣ рагкаахи, убосат̇ам̣ гарохий’’д̇и овад̣̇ид̇ваа сагадтаанамзва г̇ад̇о. б̣раахман̣оби д̇ассоваад̣̇з тад̇ваа д̣̇аанаад̣̇ийни бун̃н̃аани гад̇ваа гаалагад̇о д̣̇звалогз ниб̣б̣ад̇д̇и.
Atha naṃ māṇavo ‘‘brāhmaṇa, yassatthāya tvaṃ rodasi, ahaṃ te putto, ahaṃ devaloke nibbatto, ito paṭṭhāya mā maṃ anusoci, dānaṃ dehi, sīlaṃ rakkhāhi, uposathaṃ karohī’’ti ovaditvā sakaṭṭhānameva gato. Brāhmaṇopi tassovāde ṭhatvā dānādīni puññāni katvā kālakato devaloke nibbatti.
сад̇т̇аа имам̣ д̇хаммад̣̇зсанам̣ аахарид̇ваа сажжаани багаасзд̇ваа ж̇аад̇агам̣ самод̇хаанзхи, сажжабарияосаанз гудумб̣иго сод̇аабад̇д̇ипалз бад̇идтахи.д̇ад̣̇аа д̇хаммад̣̇зсагад̣̇звабуд̇д̇о ахамзва ахосинд̇и.
Satthā imaṃ dhammadesanaṃ āharitvā saccāni pakāsetvā jātakaṃ samodhānehi, saccapariyosāne kuṭumbiko sotāpattiphale patiṭṭhahi.Tadā dhammadesakadevaputto ahameva ahosinti.
мадтагун̣д̣алийж̇аад̇агаван̣н̣анаа згаад̣̇асамаа.
Maṭṭhakuṇḍalījātakavaṇṇanā ekādasamā.
Related texts:
д̇ибидага (муула) • Tipiṭaka (Mūla) / суд̇д̇абидага • Suttapiṭaka / куд̣̇д̣̇аганигааяа • Khuddakanikāya / ж̇аад̇агабаал̣и • Jātakapāḷi / 449. мадтагун̣д̣алийж̇аад̇агам̣ • 449. Maṭṭhakuṇḍalījātakaṃ
