| Library / Tipiṭaka / திபிடக • Tipiṭaka / பேதவத்து²-அட்ட²கதா² • Petavatthu-aṭṭhakathā |
5. மட்ட²குண்ட³லீபேதவத்து²வண்ணனா
5. Maṭṭhakuṇḍalīpetavatthuvaṇṇanā
அலங்கதோ மட்ட²குண்ட³லீதி இத³ங் ஸத்த²ரி ஜேதவனே விஹரந்தே மட்ட²குண்ட³லிதே³வபுத்தங் ஆரப்³ப⁴ வுத்தங். தத்த² யங் வத்தப்³ப³ங், தங் பரமத்த²தீ³பனியங் விமானவத்து²வண்ணனாயங் மட்ட²குண்ட³லீவிமானவத்து²வண்ணனாய (வி॰ வ॰ அட்ட²॰ 1206 மட்ட²குண்ட³லீவிமானவண்ணனா) வுத்தமேவ, தஸ்மா தத்த² வுத்தனயேனேவ வேதி³தப்³ப³ங்.
Alaṅkato maṭṭhakuṇḍalīti idaṃ satthari jetavane viharante maṭṭhakuṇḍalidevaputtaṃ ārabbha vuttaṃ. Tattha yaṃ vattabbaṃ, taṃ paramatthadīpaniyaṃ vimānavatthuvaṇṇanāyaṃ maṭṭhakuṇḍalīvimānavatthuvaṇṇanāya (vi. va. aṭṭha. 1206 maṭṭhakuṇḍalīvimānavaṇṇanā) vuttameva, tasmā tattha vuttanayeneva veditabbaṃ.
எத்த² ச மட்ட²குண்ட³லீதே³வபுத்தஸ்ஸ விமானதே³வதாபா⁴வதோ தஸ்ஸ வத்து² யதி³பி விமானவத்து²பாளியங் ஸங்க³ஹங் ஆரோபிதங், யஸ்மா பன ஸோ தே³வபுத்தோ அதி³ன்னபுப்³ப³கப்³ராஹ்மணஸ்ஸ புத்தஸோகேன ஸுஸானங் க³ந்த்வா ஆளாஹனங் அனுபரியாயித்வா ரோத³ந்தஸ்ஸ ஸோகஹரணத்த²ங் அத்தனோ தே³வரூபங் படிஸங்ஹரித்வா ஹரிசந்த³னுஸ்ஸதோ³ பா³ஹா பக்³க³ய்ஹ கந்த³ந்தோ து³க்கா²பி⁴பூ⁴தாகாரேன பேதோ விய அத்தானங் த³ஸ்ஸேஸி. மனுஸ்ஸத்தபா⁴வதோ அபேதத்தா பேதபரியாயோபி லப்³ப⁴தி ஏவாதி தஸ்ஸ வத்து² பேதவத்து²பாளியம்பி ஸங்க³ஹங் ஆரோபிதந்தி த³ட்ட²ப்³ப³ங்.
Ettha ca maṭṭhakuṇḍalīdevaputtassa vimānadevatābhāvato tassa vatthu yadipi vimānavatthupāḷiyaṃ saṅgahaṃ āropitaṃ, yasmā pana so devaputto adinnapubbakabrāhmaṇassa puttasokena susānaṃ gantvā āḷāhanaṃ anupariyāyitvā rodantassa sokaharaṇatthaṃ attano devarūpaṃ paṭisaṃharitvā haricandanussado bāhā paggayha kandanto dukkhābhibhūtākārena peto viya attānaṃ dassesi. Manussattabhāvato apetattā petapariyāyopi labbhati evāti tassa vatthu petavatthupāḷiyampi saṅgahaṃ āropitanti daṭṭhabbaṃ.
மட்ட²குண்ட³லீபேதவத்து²வண்ணனா நிட்டி²தா.
Maṭṭhakuṇḍalīpetavatthuvaṇṇanā niṭṭhitā.
Related texts:
திபிடக (மூல) • Tipiṭaka (Mūla) / ஸுத்தபிடக • Suttapiṭaka / கு²த்³த³கனிகாய • Khuddakanikāya / பேதவத்து²பாளி • Petavatthupāḷi / 5. மட்ட²குண்ட³லீபேதவத்து² • 5. Maṭṭhakuṇḍalīpetavatthu
