| Library / Tipiṭaka / তিপিটক • Tipiṭaka / পেতৰত্থু-অট্ঠকথা • Petavatthu-aṭṭhakathā |
৫. মট্ঠকুণ্ডলীপেতৰত্থুৰণ্ণনা
5. Maṭṭhakuṇḍalīpetavatthuvaṇṇanā
অলঙ্কতো মট্ঠকুণ্ডলীতি ইদং সত্থরি জেতৰনে ৰিহরন্তে মট্ঠকুণ্ডলিদেৰপুত্তং আরব্ভ ৰুত্তং। তত্থ যং ৰত্তব্বং, তং পরমত্থদীপনিযং ৰিমানৰত্থুৰণ্ণনাযং মট্ঠকুণ্ডলীৰিমানৰত্থুৰণ্ণনায (ৰি॰ ৰ॰ অট্ঠ॰ ১২০৬ মট্ঠকুণ্ডলীৰিমানৰণ্ণনা) ৰুত্তমেৰ, তস্মা তত্থ ৰুত্তনযেনেৰ ৰেদিতব্বং।
Alaṅkato maṭṭhakuṇḍalīti idaṃ satthari jetavane viharante maṭṭhakuṇḍalidevaputtaṃ ārabbha vuttaṃ. Tattha yaṃ vattabbaṃ, taṃ paramatthadīpaniyaṃ vimānavatthuvaṇṇanāyaṃ maṭṭhakuṇḍalīvimānavatthuvaṇṇanāya (vi. va. aṭṭha. 1206 maṭṭhakuṇḍalīvimānavaṇṇanā) vuttameva, tasmā tattha vuttanayeneva veditabbaṃ.
এত্থ চ মট্ঠকুণ্ডলীদেৰপুত্তস্স ৰিমানদেৰতাভাৰতো তস্স ৰত্থু যদিপি ৰিমানৰত্থুপাল়িযং সঙ্গহং আরোপিতং, যস্মা পন সো দেৰপুত্তো অদিন্নপুব্বকব্রাহ্মণস্স পুত্তসোকেন সুসানং গন্ত্ৰা আল়াহনং অনুপরিযাযিত্ৰা রোদন্তস্স সোকহরণত্থং অত্তনো দেৰরূপং পটিসংহরিত্ৰা হরিচন্দনুস্সদো বাহা পগ্গয্হ কন্দন্তো দুক্খাভিভূতাকারেন পেতো ৰিয অত্তানং দস্সেসি। মনুস্সত্তভাৰতো অপেতত্তা পেতপরিযাযোপি লব্ভতি এৰাতি তস্স ৰত্থু পেতৰত্থুপাল়িযম্পি সঙ্গহং আরোপিতন্তি দট্ঠব্বং।
Ettha ca maṭṭhakuṇḍalīdevaputtassa vimānadevatābhāvato tassa vatthu yadipi vimānavatthupāḷiyaṃ saṅgahaṃ āropitaṃ, yasmā pana so devaputto adinnapubbakabrāhmaṇassa puttasokena susānaṃ gantvā āḷāhanaṃ anupariyāyitvā rodantassa sokaharaṇatthaṃ attano devarūpaṃ paṭisaṃharitvā haricandanussado bāhā paggayha kandanto dukkhābhibhūtākārena peto viya attānaṃ dassesi. Manussattabhāvato apetattā petapariyāyopi labbhati evāti tassa vatthu petavatthupāḷiyampi saṅgahaṃ āropitanti daṭṭhabbaṃ.
মট্ঠকুণ্ডলীপেতৰত্থুৰণ্ণনা নিট্ঠিতা।
Maṭṭhakuṇḍalīpetavatthuvaṇṇanā niṭṭhitā.
Related texts:
তিপিটক (মূল) • Tipiṭaka (Mūla) / সুত্তপিটক • Suttapiṭaka / খুদ্দকনিকায • Khuddakanikāya / পেতৰত্থুপাল়ি • Petavatthupāḷi / ৫. মট্ঠকুণ্ডলীপেতৰত্থু • 5. Maṭṭhakuṇḍalīpetavatthu
