| Library / Tipiṭaka / д̇ибидага • Tipiṭaka / бзд̇авад̇т̇у-адтагат̇аа • Petavatthu-aṭṭhakathā |
5. мадтагун̣д̣алийбзд̇авад̇т̇уван̣н̣анаа
5. Maṭṭhakuṇḍalīpetavatthuvaṇṇanā
алан̇гад̇о мадтагун̣д̣алийд̇и ид̣̇ам̣ сад̇т̇ари ж̇зд̇аванз вихаранд̇з мадтагун̣д̣алид̣̇звабуд̇д̇ам̣ аараб̣бха вуд̇д̇ам̣. д̇ад̇т̇а яам̣ вад̇д̇аб̣б̣ам̣, д̇ам̣ барамад̇т̇ад̣̇ийбанияам̣ вимаанавад̇т̇уван̣н̣анааяам̣ мадтагун̣д̣алийвимаанавад̇т̇уван̣н̣анааяа (ви. ва. адта. 1206 мадтагун̣д̣алийвимаанаван̣н̣анаа) вуд̇д̇амзва, д̇асмаа д̇ад̇т̇а вуд̇д̇анаязнзва взд̣̇ид̇аб̣б̣ам̣.
Alaṅkato maṭṭhakuṇḍalīti idaṃ satthari jetavane viharante maṭṭhakuṇḍalidevaputtaṃ ārabbha vuttaṃ. Tattha yaṃ vattabbaṃ, taṃ paramatthadīpaniyaṃ vimānavatthuvaṇṇanāyaṃ maṭṭhakuṇḍalīvimānavatthuvaṇṇanāya (vi. va. aṭṭha. 1206 maṭṭhakuṇḍalīvimānavaṇṇanā) vuttameva, tasmā tattha vuttanayeneva veditabbaṃ.
зд̇т̇а жа мадтагун̣д̣алийд̣̇звабуд̇д̇асса вимаанад̣̇звад̇аабхаавад̇о д̇асса вад̇т̇у яад̣̇иби вимаанавад̇т̇убаал̣ияам̣ сан̇г̇ахам̣ ааробид̇ам̣, яасмаа бана со д̣̇звабуд̇д̇о ад̣̇иннабуб̣б̣агаб̣раахман̣асса буд̇д̇асогзна сусаанам̣ г̇анд̇ваа аал̣ааханам̣ анубарияааяид̇ваа род̣̇анд̇асса согахаран̣ад̇т̇ам̣ ад̇д̇ано д̣̇зваруубам̣ бадисам̣харид̇ваа харижанд̣̇ануссад̣̇о б̣аахаа баг̇г̇аяха ганд̣̇анд̇о д̣̇угкаабхибхууд̇аагаарзна бзд̇о вияа ад̇д̇аанам̣ д̣̇ассзси. мануссад̇д̇абхаавад̇о абзд̇ад̇д̇аа бзд̇абарияааяоби лаб̣бхад̇и зваад̇и д̇асса вад̇т̇у бзд̇авад̇т̇убаал̣ияамби сан̇г̇ахам̣ ааробид̇анд̇и д̣̇адтаб̣б̣ам̣.
Ettha ca maṭṭhakuṇḍalīdevaputtassa vimānadevatābhāvato tassa vatthu yadipi vimānavatthupāḷiyaṃ saṅgahaṃ āropitaṃ, yasmā pana so devaputto adinnapubbakabrāhmaṇassa puttasokena susānaṃ gantvā āḷāhanaṃ anupariyāyitvā rodantassa sokaharaṇatthaṃ attano devarūpaṃ paṭisaṃharitvā haricandanussado bāhā paggayha kandanto dukkhābhibhūtākārena peto viya attānaṃ dassesi. Manussattabhāvato apetattā petapariyāyopi labbhati evāti tassa vatthu petavatthupāḷiyampi saṅgahaṃ āropitanti daṭṭhabbaṃ.
мадтагун̣д̣алийбзд̇авад̇т̇уван̣н̣анаа нидтид̇аа.
Maṭṭhakuṇḍalīpetavatthuvaṇṇanā niṭṭhitā.
Related texts:
д̇ибидага (муула) • Tipiṭaka (Mūla) / суд̇д̇абидага • Suttapiṭaka / куд̣̇д̣̇аганигааяа • Khuddakanikāya / бзд̇авад̇т̇убаал̣и • Petavatthupāḷi / 5. мадтагун̣д̣алийбзд̇авад̇т̇у • 5. Maṭṭhakuṇḍalīpetavatthu
