| Library / Tipiṭaka / ਤਿਪਿਟਕ • Tipiṭaka / ਪੇਤવਤ੍ਥੁ-ਅਟ੍ਠਕਥਾ • Petavatthu-aṭṭhakathā |
੫. ਮਟ੍ਠਕੁਣ੍ਡਲੀਪੇਤવਤ੍ਥੁવਣ੍ਣਨਾ
5. Maṭṭhakuṇḍalīpetavatthuvaṇṇanā
ਅਲਙ੍ਕਤੋ ਮਟ੍ਠਕੁਣ੍ਡਲੀਤਿ ਇਦਂ ਸਤ੍ਥਰਿ ਜੇਤવਨੇ વਿਹਰਨ੍ਤੇ ਮਟ੍ਠਕੁਣ੍ਡਲਿਦੇવਪੁਤ੍ਤਂ ਆਰਬ੍ਭ વੁਤ੍ਤਂ। ਤਤ੍ਥ ਯਂ વਤ੍ਤਬ੍ਬਂ, ਤਂ ਪਰਮਤ੍ਥਦੀਪਨਿਯਂ વਿਮਾਨવਤ੍ਥੁવਣ੍ਣਨਾਯਂ ਮਟ੍ਠਕੁਣ੍ਡਲੀવਿਮਾਨવਤ੍ਥੁવਣ੍ਣਨਾਯ (વਿ॰ વ॰ ਅਟ੍ਠ॰ ੧੨੦੬ ਮਟ੍ਠਕੁਣ੍ਡਲੀવਿਮਾਨવਣ੍ਣਨਾ) વੁਤ੍ਤਮੇવ, ਤਸ੍ਮਾ ਤਤ੍ਥ વੁਤ੍ਤਨਯੇਨੇવ વੇਦਿਤਬ੍ਬਂ।
Alaṅkato maṭṭhakuṇḍalīti idaṃ satthari jetavane viharante maṭṭhakuṇḍalidevaputtaṃ ārabbha vuttaṃ. Tattha yaṃ vattabbaṃ, taṃ paramatthadīpaniyaṃ vimānavatthuvaṇṇanāyaṃ maṭṭhakuṇḍalīvimānavatthuvaṇṇanāya (vi. va. aṭṭha. 1206 maṭṭhakuṇḍalīvimānavaṇṇanā) vuttameva, tasmā tattha vuttanayeneva veditabbaṃ.
ਏਤ੍ਥ ਚ ਮਟ੍ਠਕੁਣ੍ਡਲੀਦੇવਪੁਤ੍ਤਸ੍ਸ વਿਮਾਨਦੇવਤਾਭਾવਤੋ ਤਸ੍ਸ વਤ੍ਥੁ ਯਦਿਪਿ વਿਮਾਨવਤ੍ਥੁਪਾਲ਼ਿਯਂ ਸਙ੍ਗਹਂ ਆਰੋਪਿਤਂ, ਯਸ੍ਮਾ ਪਨ ਸੋ ਦੇવਪੁਤ੍ਤੋ ਅਦਿਨ੍ਨਪੁਬ੍ਬਕਬ੍ਰਾਹ੍ਮਣਸ੍ਸ ਪੁਤ੍ਤਸੋਕੇਨ ਸੁਸਾਨਂ ਗਨ੍ਤ੍વਾ ਆਲ਼ਾਹਨਂ ਅਨੁਪਰਿਯਾਯਿਤ੍વਾ ਰੋਦਨ੍ਤਸ੍ਸ ਸੋਕਹਰਣਤ੍ਥਂ ਅਤ੍ਤਨੋ ਦੇવਰੂਪਂ ਪਟਿਸਂਹਰਿਤ੍વਾ ਹਰਿਚਨ੍ਦਨੁਸ੍ਸਦੋ ਬਾਹਾ ਪਗ੍ਗਯ੍ਹ ਕਨ੍ਦਨ੍ਤੋ ਦੁਕ੍ਖਾਭਿਭੂਤਾਕਾਰੇਨ ਪੇਤੋ વਿਯ ਅਤ੍ਤਾਨਂ ਦਸ੍ਸੇਸਿ। ਮਨੁਸ੍ਸਤ੍ਤਭਾવਤੋ ਅਪੇਤਤ੍ਤਾ ਪੇਤਪਰਿਯਾਯੋਪਿ ਲਬ੍ਭਤਿ ਏવਾਤਿ ਤਸ੍ਸ વਤ੍ਥੁ ਪੇਤવਤ੍ਥੁਪਾਲ਼ਿਯਮ੍ਪਿ ਸਙ੍ਗਹਂ ਆਰੋਪਿਤਨ੍ਤਿ ਦਟ੍ਠਬ੍ਬਂ।
Ettha ca maṭṭhakuṇḍalīdevaputtassa vimānadevatābhāvato tassa vatthu yadipi vimānavatthupāḷiyaṃ saṅgahaṃ āropitaṃ, yasmā pana so devaputto adinnapubbakabrāhmaṇassa puttasokena susānaṃ gantvā āḷāhanaṃ anupariyāyitvā rodantassa sokaharaṇatthaṃ attano devarūpaṃ paṭisaṃharitvā haricandanussado bāhā paggayha kandanto dukkhābhibhūtākārena peto viya attānaṃ dassesi. Manussattabhāvato apetattā petapariyāyopi labbhati evāti tassa vatthu petavatthupāḷiyampi saṅgahaṃ āropitanti daṭṭhabbaṃ.
ਮਟ੍ਠਕੁਣ੍ਡਲੀਪੇਤવਤ੍ਥੁવਣ੍ਣਨਾ ਨਿਟ੍ਠਿਤਾ।
Maṭṭhakuṇḍalīpetavatthuvaṇṇanā niṭṭhitā.
Related texts:
ਤਿਪਿਟਕ (ਮੂਲ) • Tipiṭaka (Mūla) / ਸੁਤ੍ਤਪਿਟਕ • Suttapiṭaka / ਖੁਦ੍ਦਕਨਿਕਾਯ • Khuddakanikāya / ਪੇਤવਤ੍ਥੁਪਾਲ਼ਿ • Petavatthupāḷi / ੫. ਮਟ੍ਠਕੁਣ੍ਡਲੀਪੇਤવਤ੍ਥੁ • 5. Maṭṭhakuṇḍalīpetavatthu
