| Library / Tipiṭaka / तिपिटक • Tipiṭaka / संयुत्तनिकाय (अट्ठकथा) • Saṃyuttanikāya (aṭṭhakathā) |
३. मातुगामसंयुत्तं
3. Mātugāmasaṃyuttaṃ
१. पठमपेय्यालवग्गो
1. Paṭhamapeyyālavaggo
१-२. मातुगामसुत्तादिवण्णना
1-2. Mātugāmasuttādivaṇṇanā
२८०-२८१. मातुगामसंयुत्तस्स पठमे अङ्गेहीति अगुणङ्गेहि। न च रूपवाति न रूपसम्पन्नो विरूपो दुद्दसिको। न च भोगवाति न भोगसम्पन्नो निद्धनो। न च सीलवाति न सीलसम्पन्नो दुस्सीलो। अलसो चाति कन्तनपचनादीनि कम्मानि कातुं न सक्कोति, कुसीतो आलसियो निसिन्नट्ठाने निसिन्नोव, ठितठाने ठितोव निद्दायति एव। पजञ्चस्स न लभतीति अस्स पुरिसस्स कुलवंसपतिट्ठापकं पुत्तं न लभति, वञ्झित्थी नाम होति। सुक्कपक्खो वुत्तविपरियायेन वेदितब्बो। दुतियं पठमे वुत्तनयेनेव परिवत्तेतब्बं।
280-281. Mātugāmasaṃyuttassa paṭhame aṅgehīti aguṇaṅgehi. Na ca rūpavāti na rūpasampanno virūpo duddasiko. Na ca bhogavāti na bhogasampanno niddhano. Na ca sīlavāti na sīlasampanno dussīlo. Alaso cāti kantanapacanādīni kammāni kātuṃ na sakkoti, kusīto ālasiyo nisinnaṭṭhāne nisinnova, ṭhitaṭhāne ṭhitova niddāyati eva. Pajañcassa na labhatīti assa purisassa kulavaṃsapatiṭṭhāpakaṃ puttaṃ na labhati, vañjhitthī nāma hoti. Sukkapakkho vuttavipariyāyena veditabbo. Dutiyaṃ paṭhame vuttanayeneva parivattetabbaṃ.
Related texts:
तिपिटक (मूल) • Tipiṭaka (Mūla) / सुत्तपिटक • Suttapiṭaka / संयुत्तनिकाय • Saṃyuttanikāya
१. मातुगामसुत्तं • 1. Mātugāmasuttaṃ
२. पुरिससुत्तं • 2. Purisasuttaṃ
टीका • Tīkā / सुत्तपिटक (टीका) • Suttapiṭaka (ṭīkā) / संयुत्तनिकाय (टीका) • Saṃyuttanikāya (ṭīkā) / १-२. मातुगामसुत्तादिवण्णना • 1-2. Mātugāmasuttādivaṇṇanā
