| Library / Tipiṭaka / တိပိဋက • Tipiṭaka / သံယုတ္တနိကာယ (ဋီကာ) • Saṃyuttanikāya (ṭīkā) |
၃. မာတုဂာမသံယုတ္တံ
3. Mātugāmasaṃyuttaṃ
၁. ပဌမပေယ္ယာလဝဂ္ဂော
1. Paṭhamapeyyālavaggo
၁-၂. မာတုဂာမသုတ္တာဒိဝဏ္ဏနာ
1-2. Mātugāmasuttādivaṇṇanā
၂၈၀-၂၈၁. အဂုဏင္ဂေဟီတိ အဂုဏကောဋ္ဌာသေဟိ။ ရူပယတီတိ ရူပံ, သရီရရူပံ။ သရီရရူပံ ပာသံသံ ဧတသ္သ အတ္ထီတိ ရူပဝာ, တပ္ပဋိက္ခေပေန န စ ရူပဝာ, သမ္ပန္နရူပော န ဟောတီတိ အတ္ထော။ ဉာတိကုလတော အညတော ဝာ အာဂတာယ ဘောဂသမ္ပဒာယ အဘာဝေန န ဘောဂသမ္ပန္နော။ ဒုသ္သီလောတိ နိသ္သီလော။ နိသ္သီလတာယ ဧဝ စသ္သာ ပုဗ္ဗုဋ္ဌာယိတာဒိအာစာရာဘာဝော ဝုတ္တော။ အာလသိယောတိ အာလသိယတာယ ယုတ္တော။ ပဇဉ္စသ္သ န လဘတီတိ ပဇာဘာဝသီသေန တသ္သာ ပရိဝာရဟာနိ ဝုတ္တာ။ ပရိဝတ္တေတဗ္ဗန္တိ ပုရိသဝသေန ပရိဝတ္တေတဗ္ဗံ။
280-281.Aguṇaṅgehīti aguṇakoṭṭhāsehi. Rūpayatīti rūpaṃ, sarīrarūpaṃ. Sarīrarūpaṃ pāsaṃsaṃ etassa atthīti rūpavā, tappaṭikkhepena na ca rūpavā, sampannarūpo na hotīti attho. Ñātikulato aññato vā āgatāya bhogasampadāya abhāvena na bhogasampanno. Dussīloti nissīlo. Nissīlatāya eva cassā pubbuṭṭhāyitādiācārābhāvo vutto. Ālasiyoti ālasiyatāya yutto. Pajañcassa na labhatīti pajābhāvasīsena tassā parivārahāni vuttā. Parivattetabbanti purisavasena parivattetabbaṃ.
မာတုဂာမသုတ္တာဒိဝဏ္ဏနာ နိဋ္ဌိတာ။
Mātugāmasuttādivaṇṇanā niṭṭhitā.
Related texts:
တိပိဋက (မူလ) • Tipiṭaka (Mūla) / သုတ္တပိဋက • Suttapiṭaka / သံယုတ္တနိကာယ • Saṃyuttanikāya
၁. မာတုဂာမသုတ္တံ • 1. Mātugāmasuttaṃ
၂. ပုရိသသုတ္တံ • 2. Purisasuttaṃ
အဋ္ဌကထာ • Aṭṭhakathā / သုတ္တပိဋက (အဋ္ဌကထာ) • Suttapiṭaka (aṭṭhakathā) / သံယုတ္တနိကာယ (အဋ္ဌကထာ) • Saṃyuttanikāya (aṭṭhakathā) / ၁-၂. မာတုဂာမသုတ္တာဒိဝဏ္ဏနာ • 1-2. Mātugāmasuttādivaṇṇanā
