| Library / Tipiṭaka / තිපිටක • Tipiṭaka / සංයුත්‌තනිකාය (අට්‌ඨකථා) • Saṃyuttanikāya (aṭṭhakathā) |
3. මාතුගාමසංයුත්‌තං
3. Mātugāmasaṃyuttaṃ
1. පඨමපෙය්‍යාලවග්‌ගො
1. Paṭhamapeyyālavaggo
1-2. මාතුගාමසුත්‌තාදිවණ්‌ණනා
1-2. Mātugāmasuttādivaṇṇanā
280-281. මාතුගාමසංයුත්‌තස්‌ස පඨමෙ අඞ්‌ගෙහීති අගුණඞ්‌ගෙහි. න ච රූපවාති න රූපසම්‌පන්‌නො විරූපො දුද්‌දසිකො. න ච භොගවාති න භොගසම්‌පන්‌නො නිද්‌ධනො. න ච සීලවාති න සීලසම්‌පන්‌නො දුස්‌සීලො. අලසො චාති කන්‌තනපචනාදීනි කම්‌මානි කාතුං න සක්‌කොති, කුසීතො ආලසියො නිසින්‌නට්‌ඨානෙ නිසින්‌නොව, ඨිතඨානෙ ඨිතොව නිද්‌දායති එව. පජඤ්‌චස්‌ස න ලභතීති අස්‌ස පුරිසස්‌ස කුලවංසපතිට්‌ඨාපකං පුත්‌තං න ලභති, වඤ්‌ඣිත්‌ථී නාම හොති. සුක්‌කපක්‌ඛො වුත්‌තවිපරියායෙන වෙදිතබ්‌බො. දුතියං පඨමෙ වුත්‌තනයෙනෙව පරිවත්‌තෙතබ්‌බං.
280-281. Mātugāmasaṃyuttassa paṭhame aṅgehīti aguṇaṅgehi. Na ca rūpavāti na rūpasampanno virūpo duddasiko. Na ca bhogavāti na bhogasampanno niddhano. Na ca sīlavāti na sīlasampanno dussīlo. Alaso cāti kantanapacanādīni kammāni kātuṃ na sakkoti, kusīto ālasiyo nisinnaṭṭhāne nisinnova, ṭhitaṭhāne ṭhitova niddāyati eva. Pajañcassa na labhatīti assa purisassa kulavaṃsapatiṭṭhāpakaṃ puttaṃ na labhati, vañjhitthī nāma hoti. Sukkapakkho vuttavipariyāyena veditabbo. Dutiyaṃ paṭhame vuttanayeneva parivattetabbaṃ.
Related texts:
තිපිටක (මූල) • Tipiṭaka (Mūla) / සුත්‌තපිටක • Suttapiṭaka / සංයුත්‌තනිකාය • Saṃyuttanikāya
1. මාතුගාමසුත්‌තං • 1. Mātugāmasuttaṃ
2. පුරිසසුත්‌තං • 2. Purisasuttaṃ
ටීකා • Tīkā / සුත්‌තපිටක (ටීකා) • Suttapiṭaka (ṭīkā) / සංයුත්‌තනිකාය (ටීකා) • Saṃyuttanikāya (ṭīkā) / 1-2. මාතුගාමසුත්‌තාදිවණ්‌ණනා • 1-2. Mātugāmasuttādivaṇṇanā
