| Library / Tipiṭaka / ਤਿਪਿਟਕ • Tipiṭaka / ਸਂਯੁਤ੍ਤਨਿਕਾਯ (ਅਟ੍ਠਕਥਾ) • Saṃyuttanikāya (aṭṭhakathā) |
੩. ਮਾਤੁਗਾਮਸਂਯੁਤ੍ਤਂ
3. Mātugāmasaṃyuttaṃ
੧. ਪਠਮਪੇਯ੍ਯਾਲવਗ੍ਗੋ
1. Paṭhamapeyyālavaggo
੧-੨. ਮਾਤੁਗਾਮਸੁਤ੍ਤਾਦਿવਣ੍ਣਨਾ
1-2. Mātugāmasuttādivaṇṇanā
੨੮੦-੨੮੧. ਮਾਤੁਗਾਮਸਂਯੁਤ੍ਤਸ੍ਸ ਪਠਮੇ ਅਙ੍ਗੇਹੀਤਿ ਅਗੁਣਙ੍ਗੇਹਿ। ਨ ਚ ਰੂਪવਾਤਿ ਨ ਰੂਪਸਮ੍ਪਨ੍ਨੋ વਿਰੂਪੋ ਦੁਦ੍ਦਸਿਕੋ। ਨ ਚ ਭੋਗવਾਤਿ ਨ ਭੋਗਸਮ੍ਪਨ੍ਨੋ ਨਿਦ੍ਧਨੋ। ਨ ਚ ਸੀਲવਾਤਿ ਨ ਸੀਲਸਮ੍ਪਨ੍ਨੋ ਦੁਸ੍ਸੀਲੋ। ਅਲਸੋ ਚਾਤਿ ਕਨ੍ਤਨਪਚਨਾਦੀਨਿ ਕਮ੍ਮਾਨਿ ਕਾਤੁਂ ਨ ਸਕ੍ਕੋਤਿ, ਕੁਸੀਤੋ ਆਲਸਿਯੋ ਨਿਸਿਨ੍ਨਟ੍ਠਾਨੇ ਨਿਸਿਨ੍ਨੋવ, ਠਿਤਠਾਨੇ ਠਿਤੋવ ਨਿਦ੍ਦਾਯਤਿ ਏવ। ਪਜਞ੍ਚਸ੍ਸ ਨ ਲਭਤੀਤਿ ਅਸ੍ਸ ਪੁਰਿਸਸ੍ਸ ਕੁਲવਂਸਪਤਿਟ੍ਠਾਪਕਂ ਪੁਤ੍ਤਂ ਨ ਲਭਤਿ, વਞ੍ਝਿਤ੍ਥੀ ਨਾਮ ਹੋਤਿ। ਸੁਕ੍ਕਪਕ੍ਖੋ વੁਤ੍ਤવਿਪਰਿਯਾਯੇਨ વੇਦਿਤਬ੍ਬੋ। ਦੁਤਿਯਂ ਪਠਮੇ વੁਤ੍ਤਨਯੇਨੇવ ਪਰਿવਤ੍ਤੇਤਬ੍ਬਂ।
280-281. Mātugāmasaṃyuttassa paṭhame aṅgehīti aguṇaṅgehi. Na ca rūpavāti na rūpasampanno virūpo duddasiko. Na ca bhogavāti na bhogasampanno niddhano. Na ca sīlavāti na sīlasampanno dussīlo. Alaso cāti kantanapacanādīni kammāni kātuṃ na sakkoti, kusīto ālasiyo nisinnaṭṭhāne nisinnova, ṭhitaṭhāne ṭhitova niddāyati eva. Pajañcassa na labhatīti assa purisassa kulavaṃsapatiṭṭhāpakaṃ puttaṃ na labhati, vañjhitthī nāma hoti. Sukkapakkho vuttavipariyāyena veditabbo. Dutiyaṃ paṭhame vuttanayeneva parivattetabbaṃ.
Related texts:
ਤਿਪਿਟਕ (ਮੂਲ) • Tipiṭaka (Mūla) / ਸੁਤ੍ਤਪਿਟਕ • Suttapiṭaka / ਸਂਯੁਤ੍ਤਨਿਕਾਯ • Saṃyuttanikāya
੧. ਮਾਤੁਗਾਮਸੁਤ੍ਤਂ • 1. Mātugāmasuttaṃ
੨. ਪੁਰਿਸਸੁਤ੍ਤਂ • 2. Purisasuttaṃ
ਟੀਕਾ • Tīkā / ਸੁਤ੍ਤਪਿਟਕ (ਟੀਕਾ) • Suttapiṭaka (ṭīkā) / ਸਂਯੁਤ੍ਤਨਿਕਾਯ (ਟੀਕਾ) • Saṃyuttanikāya (ṭīkā) / ੧-੨. ਮਾਤੁਗਾਮਸੁਤ੍ਤਾਦਿવਣ੍ਣਨਾ • 1-2. Mātugāmasuttādivaṇṇanā
