| Library / Tipiṭaka / তিপিটক • Tipiṭaka / সংযুত্তনিকায • Saṃyuttanikāya |
৩. মাতুগামসংযুত্তং
3. Mātugāmasaṃyuttaṃ
১. পঠমপেয্যালৰগ্গো
1. Paṭhamapeyyālavaggo
১. মাতুগামসুত্তং
1. Mātugāmasuttaṃ
২৮০. ‘‘পঞ্চহি , ভিক্খৰে, অঙ্গেহি সমন্নাগতো মাতুগামো একন্তঅমনাপো হোতি পুরিসস্স। কতমেহি পঞ্চহি? ন চ রূপৰা হোতি, ন চ ভোগৰা হোতি, ন চ সীলৰা হোতি, অলসো চ হোতি, পজঞ্চস্স ন লভতি – ইমেহি খো, ভিক্খৰে, পঞ্চহি অঙ্গেহি সমন্নাগতো মাতুগামো একন্তঅমনাপো হোতি পুরিসস্স। পঞ্চহি, ভিক্খৰে, অঙ্গেহি সমন্নাগতো মাতুগামো একন্তমনাপো হোতি পুরিসস্স। কতমেহি পঞ্চহি? রূপৰা চ হোতি, ভোগৰা চ হোতি, সীলৰা চ হোতি, দক্খো চ হোতি অনলসো, পজঞ্চস্স লভতি – ইমেহি খো, ভিক্খৰে, পঞ্চহি অঙ্গেহি সমন্নাগতো মাতুগামো একন্তমনাপো হোতি পুরিসস্সা’’তি। পঠমং।
280. ‘‘Pañcahi , bhikkhave, aṅgehi samannāgato mātugāmo ekantaamanāpo hoti purisassa. Katamehi pañcahi? Na ca rūpavā hoti, na ca bhogavā hoti, na ca sīlavā hoti, alaso ca hoti, pajañcassa na labhati – imehi kho, bhikkhave, pañcahi aṅgehi samannāgato mātugāmo ekantaamanāpo hoti purisassa. Pañcahi, bhikkhave, aṅgehi samannāgato mātugāmo ekantamanāpo hoti purisassa. Katamehi pañcahi? Rūpavā ca hoti, bhogavā ca hoti, sīlavā ca hoti, dakkho ca hoti analaso, pajañcassa labhati – imehi kho, bhikkhave, pañcahi aṅgehi samannāgato mātugāmo ekantamanāpo hoti purisassā’’ti. Paṭhamaṃ.
Related texts:
অট্ঠকথা • Aṭṭhakathā / সুত্তপিটক (অট্ঠকথা) • Suttapiṭaka (aṭṭhakathā) / সংযুত্তনিকায (অট্ঠকথা) • Saṃyuttanikāya (aṭṭhakathā) / ১-২. মাতুগামসুত্তাদিৰণ্ণনা • 1-2. Mātugāmasuttādivaṇṇanā
টীকা • Tīkā / সুত্তপিটক (টীকা) • Suttapiṭaka (ṭīkā) / সংযুত্তনিকায (টীকা) • Saṃyuttanikāya (ṭīkā) / ১-২. মাতুগামসুত্তাদিৰণ্ণনা • 1-2. Mātugāmasuttādivaṇṇanā
