| Library / Tipiṭaka / తిపిటక • Tipiṭaka / సంయుత్తనికాయ • Saṃyuttanikāya |
౩. మాతుగామసంయుత్తం
3. Mātugāmasaṃyuttaṃ
౧. పఠమపేయ్యాలవగ్గో
1. Paṭhamapeyyālavaggo
౧. మాతుగామసుత్తం
1. Mātugāmasuttaṃ
౨౮౦. ‘‘పఞ్చహి , భిక్ఖవే, అఙ్గేహి సమన్నాగతో మాతుగామో ఏకన్తఅమనాపో హోతి పురిసస్స. కతమేహి పఞ్చహి? న చ రూపవా హోతి, న చ భోగవా హోతి, న చ సీలవా హోతి, అలసో చ హోతి, పజఞ్చస్స న లభతి – ఇమేహి ఖో, భిక్ఖవే, పఞ్చహి అఙ్గేహి సమన్నాగతో మాతుగామో ఏకన్తఅమనాపో హోతి పురిసస్స. పఞ్చహి, భిక్ఖవే, అఙ్గేహి సమన్నాగతో మాతుగామో ఏకన్తమనాపో హోతి పురిసస్స. కతమేహి పఞ్చహి? రూపవా చ హోతి, భోగవా చ హోతి, సీలవా చ హోతి, దక్ఖో చ హోతి అనలసో, పజఞ్చస్స లభతి – ఇమేహి ఖో, భిక్ఖవే, పఞ్చహి అఙ్గేహి సమన్నాగతో మాతుగామో ఏకన్తమనాపో హోతి పురిసస్సా’’తి. పఠమం.
280. ‘‘Pañcahi , bhikkhave, aṅgehi samannāgato mātugāmo ekantaamanāpo hoti purisassa. Katamehi pañcahi? Na ca rūpavā hoti, na ca bhogavā hoti, na ca sīlavā hoti, alaso ca hoti, pajañcassa na labhati – imehi kho, bhikkhave, pañcahi aṅgehi samannāgato mātugāmo ekantaamanāpo hoti purisassa. Pañcahi, bhikkhave, aṅgehi samannāgato mātugāmo ekantamanāpo hoti purisassa. Katamehi pañcahi? Rūpavā ca hoti, bhogavā ca hoti, sīlavā ca hoti, dakkho ca hoti analaso, pajañcassa labhati – imehi kho, bhikkhave, pañcahi aṅgehi samannāgato mātugāmo ekantamanāpo hoti purisassā’’ti. Paṭhamaṃ.
Related texts:
అట్ఠకథా • Aṭṭhakathā / సుత్తపిటక (అట్ఠకథా) • Suttapiṭaka (aṭṭhakathā) / సంయుత్తనికాయ (అట్ఠకథా) • Saṃyuttanikāya (aṭṭhakathā) / ౧-౨. మాతుగామసుత్తాదివణ్ణనా • 1-2. Mātugāmasuttādivaṇṇanā
టీకా • Tīkā / సుత్తపిటక (టీకా) • Suttapiṭaka (ṭīkā) / సంయుత్తనికాయ (టీకా) • Saṃyuttanikāya (ṭīkā) / ౧-౨. మాతుగామసుత్తాదివణ్ణనా • 1-2. Mātugāmasuttādivaṇṇanā
