| Library / Tipiṭaka / ติปิฎก • Tipiṭaka / องฺคุตฺตรนิกาย • Aṅguttaranikāya |
๓. มาตุคามสุตฺตํ
3. Mātugāmasuttaṃ
๒๑๓. ‘‘ทสหิ , ภิกฺขเว, ธเมฺมหิ สมนฺนาคโต มาตุคาโม ยถาภตํ นิกฺขิโตฺต เอวํ นิรเยฯ กตเมหิ ทสหิ? ปาณาติปาตี โหติ…เป.… อทินฺนาทายี โหติ… กาเมสุมิจฺฉาจารี โหติ… มุสาวาที โหติ… ปิสุณวาโจ โหติ… ผรุสวาโจ โหติ… สมฺผปฺปลาปี โหติ… อภิชฺฌาลุ โหติ… พฺยาปนฺนจิโตฺต โหติ… มิจฺฉาทิฎฺฐิโก โหติ…ฯ อิเมหิ โข, ภิกฺขเว, ทสหิ ธเมฺมหิ สมนฺนาคโต มาตุคาโม ยถาภตํ นิกฺขิโตฺต เอวํ นิรเยฯ
213. ‘‘Dasahi , bhikkhave, dhammehi samannāgato mātugāmo yathābhataṃ nikkhitto evaṃ niraye. Katamehi dasahi? Pāṇātipātī hoti…pe… adinnādāyī hoti… kāmesumicchācārī hoti… musāvādī hoti… pisuṇavāco hoti… pharusavāco hoti… samphappalāpī hoti… abhijjhālu hoti… byāpannacitto hoti… micchādiṭṭhiko hoti…. Imehi kho, bhikkhave, dasahi dhammehi samannāgato mātugāmo yathābhataṃ nikkhitto evaṃ niraye.
‘‘ทสหิ, ภิกฺขเว, ธเมฺมหิ สมนฺนาคโต มาตุคาโม ยถาภตํ นิกฺขิโตฺต เอวํ สเคฺคฯ กตเมหิ ทสหิ? ปาณาติปาตา ปฎิวิรโต โหติ…เป.… อทินฺนาทานา ปฎิวิรโต โหติ… กาเมสุมิจฺฉาจารา ปฎิวิรโต โหติ… มุสาวาทา ปฎิวิรโต โหติ… ปิสุณาย วาจาย ปฎิวิรโต โหติ… ผรุสาย วาจาย ปฎิวิรโต โหติ… สมฺผปฺปลาปา ปฎิวิรโต โหติ… อนภิชฺฌาลุ โหติ… อพฺยาปนฺนจิโตฺต โหติ… สมฺมาทิฎฺฐิโก โหติ… อิเมหิ โข, ภิกฺขเว, ทสหิ ธเมฺมหิ สมนฺนาคโต มาตุคาโม ยถาภตํ นิกฺขิโตฺต เอวํ สเคฺค’’ติฯ ตติยํฯ
‘‘Dasahi, bhikkhave, dhammehi samannāgato mātugāmo yathābhataṃ nikkhitto evaṃ sagge. Katamehi dasahi? Pāṇātipātā paṭivirato hoti…pe… adinnādānā paṭivirato hoti… kāmesumicchācārā paṭivirato hoti… musāvādā paṭivirato hoti… pisuṇāya vācāya paṭivirato hoti… pharusāya vācāya paṭivirato hoti… samphappalāpā paṭivirato hoti… anabhijjhālu hoti… abyāpannacitto hoti… sammādiṭṭhiko hoti… imehi kho, bhikkhave, dasahi dhammehi samannāgato mātugāmo yathābhataṃ nikkhitto evaṃ sagge’’ti. Tatiyaṃ.
Related texts:
ฎีกา • Tīkā / สุตฺตปิฎก (ฎีกา) • Suttapiṭaka (ṭīkā) / องฺคุตฺตรนิกาย (ฎีกา) • Aṅguttaranikāya (ṭīkā) / ๑-๕๓๖. ปฐมนิรยสคฺคสุตฺตาทิวณฺณนา • 1-536. Paṭhamanirayasaggasuttādivaṇṇanā
