| Library / Tipiṭaka / တိပိဋက • Tipiṭaka / အင္ဂုတ္တရနိကာယ • Aṅguttaranikāya |
၃. မာတုဂာမသုတ္တံ
3. Mātugāmasuttaṃ
၂၁၃. ‘‘ဒသဟိ , ဘိက္ခဝေ, ဓမ္မေဟိ သမန္နာဂတော မာတုဂာမော ယထာဘတံ နိက္ခိတ္တော ဧဝံ နိရယေ။ ကတမေဟိ ဒသဟိ? ပာဏာတိပာတီ ဟောတိ။ပေ.။ အဒိန္နာဒာယီ ဟောတိ။ ကာမေသုမိစ္ဆာစာရီ ဟောတိ။ မုသာဝာဒီ ဟောတိ။ ပိသုဏဝာစော ဟောတိ။ ဖရုသဝာစော ဟောတိ။ သမ္ဖပ္ပလာပီ ဟောတိ။ အဘိဇ္ဈာလု ဟောတိ။ ဗ္ယာပန္နစိတ္တော ဟောတိ။ မိစ္ဆာဒိဋ္ဌိကော ဟောတိ။။ ဣမေဟိ ခော, ဘိက္ခဝေ, ဒသဟိ ဓမ္မေဟိ သမန္နာဂတော မာတုဂာမော ယထာဘတံ နိက္ခိတ္တော ဧဝံ နိရယေ။
213. ‘‘Dasahi , bhikkhave, dhammehi samannāgato mātugāmo yathābhataṃ nikkhitto evaṃ niraye. Katamehi dasahi? Pāṇātipātī hoti…pe… adinnādāyī hoti… kāmesumicchācārī hoti… musāvādī hoti… pisuṇavāco hoti… pharusavāco hoti… samphappalāpī hoti… abhijjhālu hoti… byāpannacitto hoti… micchādiṭṭhiko hoti…. Imehi kho, bhikkhave, dasahi dhammehi samannāgato mātugāmo yathābhataṃ nikkhitto evaṃ niraye.
‘‘ဒသဟိ, ဘိက္ခဝေ, ဓမ္မေဟိ သမန္နာဂတော မာတုဂာမော ယထာဘတံ နိက္ခိတ္တော ဧဝံ သဂ္ဂေ။ ကတမေဟိ ဒသဟိ? ပာဏာတိပာတာ ပဋိဝိရတော ဟောတိ။ပေ.။ အဒိန္နာဒာနာ ပဋိဝိရတော ဟောတိ။ ကာမေသုမိစ္ဆာစာရာ ပဋိဝိရတော ဟောတိ။ မုသာဝာဒာ ပဋိဝိရတော ဟောတိ။ ပိသုဏာယ ဝာစာယ ပဋိဝိရတော ဟောတိ။ ဖရုသာယ ဝာစာယ ပဋိဝိရတော ဟောတိ။ သမ္ဖပ္ပလာပာ ပဋိဝိရတော ဟောတိ။ အနဘိဇ္ဈာလု ဟောတိ။ အဗ္ယာပန္နစိတ္တော ဟောတိ။ သမ္မာဒိဋ္ဌိကော ဟောတိ။ ဣမေဟိ ခော, ဘိက္ခဝေ, ဒသဟိ ဓမ္မေဟိ သမန္နာဂတော မာတုဂာမော ယထာဘတံ နိက္ခိတ္တော ဧဝံ သဂ္ဂေ’’တိ။ တတိယံ။
‘‘Dasahi, bhikkhave, dhammehi samannāgato mātugāmo yathābhataṃ nikkhitto evaṃ sagge. Katamehi dasahi? Pāṇātipātā paṭivirato hoti…pe… adinnādānā paṭivirato hoti… kāmesumicchācārā paṭivirato hoti… musāvādā paṭivirato hoti… pisuṇāya vācāya paṭivirato hoti… pharusāya vācāya paṭivirato hoti… samphappalāpā paṭivirato hoti… anabhijjhālu hoti… abyāpannacitto hoti… sammādiṭṭhiko hoti… imehi kho, bhikkhave, dasahi dhammehi samannāgato mātugāmo yathābhataṃ nikkhitto evaṃ sagge’’ti. Tatiyaṃ.
Related texts:
ဋီကာ • Tīkā / သုတ္တပိဋက (ဋီကာ) • Suttapiṭaka (ṭīkā) / အင္ဂုတ္တရနိကာယ (ဋီကာ) • Aṅguttaranikāya (ṭīkā) / ၁-၅၃၆. ပဌမနိရယသဂ္ဂသုတ္တာဒိဝဏ္ဏနာ • 1-536. Paṭhamanirayasaggasuttādivaṇṇanā
