| Library / Tipiṭaka / තිපිටක • Tipiṭaka / අඞ්‌ගුත්‌තරනිකාය • Aṅguttaranikāya |
3. මාතුගාමසුත්‌තං
3. Mātugāmasuttaṃ
213. ‘‘දසහි , භික්‌ඛවෙ, ධම්‌මෙහි සමන්‌නාගතො මාතුගාමො යථාභතං නික්‌ඛිත්‌තො එවං නිරයෙ. කතමෙහි දසහි? පාණාතිපාතී හොති…පෙ.… අදින්‌නාදායී හොති… කාමෙසුමිච්‌ඡාචාරී හොති… මුසාවාදී හොති… පිසුණවාචො හොති… ඵරුසවාචො හොති… සම්‌ඵප්‌පලාපී හොති… අභිජ්‌ඣාලු හොති… බ්‍යාපන්‌නචිත්‌තො හොති… මිච්‌ඡාදිට්‌ඨිකො හොති…. ඉමෙහි ඛො, භික්‌ඛවෙ, දසහි ධම්‌මෙහි සමන්‌නාගතො මාතුගාමො යථාභතං නික්‌ඛිත්‌තො එවං නිරයෙ.
213. ‘‘Dasahi , bhikkhave, dhammehi samannāgato mātugāmo yathābhataṃ nikkhitto evaṃ niraye. Katamehi dasahi? Pāṇātipātī hoti…pe… adinnādāyī hoti… kāmesumicchācārī hoti… musāvādī hoti… pisuṇavāco hoti… pharusavāco hoti… samphappalāpī hoti… abhijjhālu hoti… byāpannacitto hoti… micchādiṭṭhiko hoti…. Imehi kho, bhikkhave, dasahi dhammehi samannāgato mātugāmo yathābhataṃ nikkhitto evaṃ niraye.
‘‘දසහි, භික්‌ඛවෙ, ධම්‌මෙහි සමන්‌නාගතො මාතුගාමො යථාභතං නික්‌ඛිත්‌තො එවං සග්‌ගෙ. කතමෙහි දසහි? පාණාතිපාතා පටිවිරතො හොති…පෙ.… අදින්‌නාදානා පටිවිරතො හොති… කාමෙසුමිච්‌ඡාචාරා පටිවිරතො හොති… මුසාවාදා පටිවිරතො හොති… පිසුණාය වාචාය පටිවිරතො හොති… ඵරුසාය වාචාය පටිවිරතො හොති… සම්‌ඵප්‌පලාපා පටිවිරතො හොති… අනභිජ්‌ඣාලු හොති… අබ්‍යාපන්‌නචිත්‌තො හොති… සම්‌මාදිට්‌ඨිකො හොති… ඉමෙහි ඛො, භික්‌ඛවෙ, දසහි ධම්‌මෙහි සමන්‌නාගතො මාතුගාමො යථාභතං නික්‌ඛිත්‌තො එවං සග්‌ගෙ’’ති. තතියං.
‘‘Dasahi, bhikkhave, dhammehi samannāgato mātugāmo yathābhataṃ nikkhitto evaṃ sagge. Katamehi dasahi? Pāṇātipātā paṭivirato hoti…pe… adinnādānā paṭivirato hoti… kāmesumicchācārā paṭivirato hoti… musāvādā paṭivirato hoti… pisuṇāya vācāya paṭivirato hoti… pharusāya vācāya paṭivirato hoti… samphappalāpā paṭivirato hoti… anabhijjhālu hoti… abyāpannacitto hoti… sammādiṭṭhiko hoti… imehi kho, bhikkhave, dasahi dhammehi samannāgato mātugāmo yathābhataṃ nikkhitto evaṃ sagge’’ti. Tatiyaṃ.
Related texts:
ටීකා • Tīkā / සුත්‌තපිටක (ටීකා) • Suttapiṭaka (ṭīkā) / අඞ්‌ගුත්‌තරනිකාය (ටීකා) • Aṅguttaranikāya (ṭīkā) / 1-536. පඨමනිරයසග්‌ගසුත්‌තාදිවණ්‌ණනා • 1-536. Paṭhamanirayasaggasuttādivaṇṇanā
