| Library / Tipiṭaka / തിപിടക • Tipiṭaka / സംയുത്തനികായ • Saṃyuttanikāya |
൩. മാതുഗാമസംയുത്തം
3. Mātugāmasaṃyuttaṃ
൧. പഠമപേയ്യാലവഗ്ഗോ
1. Paṭhamapeyyālavaggo
൧. മാതുഗാമസുത്തം
1. Mātugāmasuttaṃ
൨൮൦. ‘‘പഞ്ചഹി , ഭിക്ഖവേ, അങ്ഗേഹി സമന്നാഗതോ മാതുഗാമോ ഏകന്തഅമനാപോ ഹോതി പുരിസസ്സ. കതമേഹി പഞ്ചഹി? ന ച രൂപവാ ഹോതി, ന ച ഭോഗവാ ഹോതി, ന ച സീലവാ ഹോതി, അലസോ ച ഹോതി, പജഞ്ചസ്സ ന ലഭതി – ഇമേഹി ഖോ, ഭിക്ഖവേ, പഞ്ചഹി അങ്ഗേഹി സമന്നാഗതോ മാതുഗാമോ ഏകന്തഅമനാപോ ഹോതി പുരിസസ്സ. പഞ്ചഹി, ഭിക്ഖവേ, അങ്ഗേഹി സമന്നാഗതോ മാതുഗാമോ ഏകന്തമനാപോ ഹോതി പുരിസസ്സ. കതമേഹി പഞ്ചഹി? രൂപവാ ച ഹോതി, ഭോഗവാ ച ഹോതി, സീലവാ ച ഹോതി, ദക്ഖോ ച ഹോതി അനലസോ, പജഞ്ചസ്സ ലഭതി – ഇമേഹി ഖോ, ഭിക്ഖവേ, പഞ്ചഹി അങ്ഗേഹി സമന്നാഗതോ മാതുഗാമോ ഏകന്തമനാപോ ഹോതി പുരിസസ്സാ’’തി. പഠമം.
280. ‘‘Pañcahi , bhikkhave, aṅgehi samannāgato mātugāmo ekantaamanāpo hoti purisassa. Katamehi pañcahi? Na ca rūpavā hoti, na ca bhogavā hoti, na ca sīlavā hoti, alaso ca hoti, pajañcassa na labhati – imehi kho, bhikkhave, pañcahi aṅgehi samannāgato mātugāmo ekantaamanāpo hoti purisassa. Pañcahi, bhikkhave, aṅgehi samannāgato mātugāmo ekantamanāpo hoti purisassa. Katamehi pañcahi? Rūpavā ca hoti, bhogavā ca hoti, sīlavā ca hoti, dakkho ca hoti analaso, pajañcassa labhati – imehi kho, bhikkhave, pañcahi aṅgehi samannāgato mātugāmo ekantamanāpo hoti purisassā’’ti. Paṭhamaṃ.
Related texts:
അട്ഠകഥാ • Aṭṭhakathā / സുത്തപിടക (അട്ഠകഥാ) • Suttapiṭaka (aṭṭhakathā) / സംയുത്തനികായ (അട്ഠകഥാ) • Saṃyuttanikāya (aṭṭhakathā) / ൧-൨. മാതുഗാമസുത്താദിവണ്ണനാ • 1-2. Mātugāmasuttādivaṇṇanā
ടീകാ • Tīkā / സുത്തപിടക (ടീകാ) • Suttapiṭaka (ṭīkā) / സംയുത്തനികായ (ടീകാ) • Saṃyuttanikāya (ṭīkā) / ൧-൨. മാതുഗാമസുത്താദിവണ്ണനാ • 1-2. Mātugāmasuttādivaṇṇanā
