| Library / Tipiṭaka / д̇ибидага • Tipiṭaka / вимад̇ивинод̣̇аний-дийгаа • Vimativinodanī-ṭīkā |
маад̇угхаад̇агаад̣̇игат̇ааван̣н̣анаа
Mātughātakādikathāvaṇṇanā
112. абаваахананд̇и сод̇ханам̣. д̇иражчаанаад̣̇иамануссаж̇аад̇ид̇о мануссаж̇аад̇игаанан̃н̃зва буд̇д̇зсу мзд̇д̇аад̣̇аяоби д̇игкависад̣̇аа хонд̇и логуд̇д̇араг̇ун̣аа вияаад̇и ааха ‘‘мануссид̇т̇ибхууд̇аа ж̇анигаа маад̇аа’’д̇и. яат̇аа мануссаанан̃н̃зва гусалаббавад̇д̇и д̇игкависад̣̇аа, звам̣ агусалаббавад̇д̇ибийд̇и ааха ‘‘саяамби мануссаж̇аад̇игзнзваа’’д̇иаад̣̇и. аананд̇ариязнаад̇и зд̇т̇а жуд̇иананд̇арам̣ нираяз бадисанд̇хипалам̣ ананд̇арам̣ наама, д̇асмим̣ ананд̇арз ж̇анагад̇д̇зна нияуд̇д̇ам̣ аананд̇арияам̣, д̇зна. взсияаа буд̇д̇од̇и убалагкан̣амад̇д̇ам̣, гулид̇т̇ияаа ад̇ижааринияаа буд̇д̇оби ад̇д̇ано бид̇арам̣ аж̇аанид̇ваа гхаад̇знд̇о бид̇угхаад̇агова ход̇и.
112.Apavāhananti sodhanaṃ. Tiracchānādiamanussajātito manussajātikānaññeva puttesu mettādayopi tikkhavisadā honti lokuttaraguṇā viyāti āha ‘‘manussitthibhūtā janikā mātā’’ti. Yathā manussānaññeva kusalappavatti tikkhavisadā, evaṃ akusalappavattipīti āha ‘‘sayampi manussajātikenevā’’tiādi. Ānantariyenāti ettha cutianantaraṃ niraye paṭisandhiphalaṃ anantaraṃ nāma, tasmiṃ anantare janakattena niyuttaṃ ānantariyaṃ, tena. Vesiyā puttoti upalakkhaṇamattaṃ, kulitthiyā aticāriniyā puttopi attano pitaraṃ ajānitvā ghātento pitughātakova hoti.
114. авасзсанд̇и анааг̇аамиаад̣̇игам̣. яам̣ банзд̇т̇а вад̇д̇аб̣б̣ам̣, д̇ам̣ мануссавиг̇г̇ахабаарааж̇игз вуд̇д̇амзва.
114.Avasesanti anāgāmiādikaṃ. Yaṃ panettha vattabbaṃ, taṃ manussaviggahapārājike vuttameva.
115. аяам̣ сан̇гхабхзд̣̇агод̇и багад̇ад̇д̇ам̣ бхигкум̣ санд̇хааяа вуд̇д̇ам̣. буб̣б̣з зва баарааж̇игам̣ самаабанно ваа вад̇т̇аад̣̇ид̣̇осзна вибаннобасамбад̣̇о ваа сан̇гхам̣ бхинд̣̇анд̇оби ананд̇арияам̣ на пусад̇и, сан̇гхо бана бхиннова ход̇и, баб̣б̣аж̇ж̇аа жасса на ваарид̇аад̇и д̣̇адтаб̣б̣ам̣.
115.Ayaṃ saṅghabhedakoti pakatattaṃ bhikkhuṃ sandhāya vuttaṃ. Pubbe eva pārājikaṃ samāpanno vā vatthādidosena vipannopasampado vā saṅghaṃ bhindantopi anantariyaṃ na phusati, saṅgho pana bhinnova hoti, pabbajjā cassa na vāritāti daṭṭhabbaṃ.
‘‘д̣̇удтажид̇д̇знаа’’д̇и вуд̇д̇амзвад̇т̇ам̣ вибхаавзд̇и ‘‘вад̇хагажид̇д̇знаа’’д̇и. лохид̇ам̣ уббаад̣̇зд̇ийд̇и д̇ат̇ааг̇ад̇асса взрийхи абхзж̇ж̇агааяад̇ааяа гзнажи б̣алаггаарзна жаммаад̣̇ичзд̣̇ам̣ гад̇ваа б̣ахи лохид̇ам̣ баг̇гхараабзд̇ум̣ на саггаа, аавуд̇хаад̣̇ибахаарзна бана лохид̇ам̣ таанад̇о жалид̇ваа губбамаанам̣ згад̇т̇а сан̃жид̇ам̣ ход̇и, зд̇д̇агзна бана бахаарад̣̇ааяаго лохид̇уббаад̣̇аго наама ход̇и д̣̇звад̣̇ад̇д̇о вияа. жзд̇ияам̣ бана б̣од̇хим̣ ваа бадимаад̣̇им̣ ваа бхинд̣̇ад̇о аананд̇арияам̣ на ход̇и, аананд̇арияасад̣̇исам̣ махаасааваж̇ж̇ам̣ ход̇и. б̣од̇хиругкасса бана ож̇охаран̣асаакаа жзва сад̇хаад̇угам̣ жзд̇ияам̣ б̣аад̇хаяамаанаа жа чинд̣̇ид̇аб̣б̣аа, бун̃н̃амзвзд̇т̇а ход̇и.
‘‘Duṭṭhacittenā’’ti vuttamevatthaṃ vibhāveti ‘‘vadhakacittenā’’ti. Lohitaṃ uppādetīti tathāgatassa verīhi abhejjakāyatāya kenaci balakkārena cammādichedaṃ katvā bahi lohitaṃ paggharāpetuṃ na sakkā, āvudhādipahārena pana lohitaṃ ṭhānato calitvā kuppamānaṃ ekattha sañcitaṃ hoti, ettakena pana pahāradāyako lohituppādako nāma hoti devadatto viya. Cetiyaṃ pana bodhiṃ vā paṭimādiṃ vā bhindato ānantariyaṃ na hoti, ānantariyasadisaṃ mahāsāvajjaṃ hoti. Bodhirukkhassa pana ojoharaṇasākhā ceva sadhātukaṃ cetiyaṃ bādhayamānā ca chinditabbā, puññamevettha hoti.
маад̇угхаад̇агаад̣̇игат̇ааван̣н̣анаа нидтид̇аа.
Mātughātakādikathāvaṇṇanā niṭṭhitā.
Related texts:
д̇ибидага (муула) • Tipiṭaka (Mūla) / винаяабидага • Vinayapiṭaka / махааваг̇г̇абаал̣и • Mahāvaggapāḷi
50. маад̇угхаад̇агавад̇т̇у • 50. Mātughātakavatthu
52. араханд̇агхаад̇агавад̇т̇у • 52. Arahantaghātakavatthu
53. бхигкунийд̣̇уусагавад̇т̇у • 53. Bhikkhunīdūsakavatthu
адтагат̇аа • Aṭṭhakathā / винаяабидага (адтагат̇аа) • Vinayapiṭaka (aṭṭhakathā) / махааваг̇г̇а-адтагат̇аа • Mahāvagga-aṭṭhakathā / маад̇угхаад̇агаад̣̇ивад̇т̇угат̇аа • Mātughātakādivatthukathā
дийгаа • Tīkā / винаяабидага (дийгаа) • Vinayapiṭaka (ṭīkā) / саарад̇т̇ад̣̇ийбаний-дийгаа • Sāratthadīpanī-ṭīkā / маад̇угхаад̇агаад̣̇ивад̇т̇угат̇ааван̣н̣анаа • Mātughātakādivatthukathāvaṇṇanā
дийгаа • Tīkā / винаяабидага (дийгаа) • Vinayapiṭaka (ṭīkā) / важ̇ираб̣уд̣̇д̇хи-дийгаа • Vajirabuddhi-ṭīkā / маад̇угхаад̇агаад̣̇ивад̇т̇угат̇ааван̣н̣анаа • Mātughātakādivatthukathāvaṇṇanā
дийгаа • Tīkā / винаяабидага (дийгаа) • Vinayapiṭaka (ṭīkā) / баажид̇яаад̣̇ияож̇анаабаал̣и • Pācityādiyojanāpāḷi / 50. маад̇угхаад̇агаад̣̇ивад̇т̇угат̇аа • 50. Mātughātakādivatthukathā
