| Library / Tipiṭaka / д̇ибидага • Tipiṭaka / махааваг̇г̇а-адтагат̇аа • Mahāvagga-aṭṭhakathā |
маад̇угхаад̇агаад̣̇ивад̇т̇угат̇аа
Mātughātakādivatthukathā
112. маад̇угхаад̇агаад̣̇ивад̇т̇уусу – нигканд̇им̣ гарзяяанд̇и нигкаманам̣ ниг̇г̇аманам̣ абавааханам̣ гарзяяанд̇и ад̇т̇о. маад̇угхаад̇аго бхигкавзд̇и зд̇т̇а язна мануссид̇т̇ибхууд̇аа ж̇анигаа маад̇аа саяамби мануссаж̇аад̇игзнзва сад̇аа сан̃жижжа ж̇ийвид̇аа воробид̇аа, аяам̣ аананд̇ариязна маад̇угхаад̇агагаммзна маад̇угхаад̇аго, зд̇асса баб̣б̣аж̇ж̇аа жа убасамбад̣̇аа жа бадигкид̇д̇аа. язна бана мануссид̇т̇ибхууд̇ааби аж̇анигаа босааванигаа маад̇аа ваа махаамаад̇аа ваа жуул̣амаад̇аа ваа ж̇анигааби ваа на мануссид̇т̇ибхууд̇аа маад̇аа гхаад̇ид̇аа, д̇асса баб̣б̣аж̇ж̇аа на ваарид̇аа, на жа аананд̇ариго ход̇и. язна саяам̣ д̇иражчаанабхууд̇зна мануссид̇т̇ибхууд̇аа маад̇аа гхаад̇ид̇аа, соби аананд̇ариго на ход̇и, д̇иражчаанаг̇ад̇ад̇д̇аа банасса баб̣б̣аж̇ж̇аа бадигкид̇д̇аа. сзсам̣ уд̇д̇аанамзва. бид̇угхаад̇агзби зсзва наяо. сажзби хи взсияаа буд̇д̇о ход̇и, ‘‘аяам̣ мз бид̇аа’’д̇и на ж̇аанаад̇и, яасса самбхавзна ниб̣б̣ад̇д̇о, со жз анзна гхаад̇ид̇о, бид̇угхаад̇агод̇взва сан̇кяам̣ г̇ажчад̇и, аананд̇арияан̃жа пусад̇и.
112. Mātughātakādivatthūsu – nikkhantiṃ kareyyanti nikkhamanaṃ niggamanaṃ apavāhanaṃ kareyyanti attho. Mātughātako bhikkhaveti ettha yena manussitthibhūtā janikā mātā sayampi manussajātikeneva satā sañcicca jīvitā voropitā, ayaṃ ānantariyena mātughātakakammena mātughātako, etassa pabbajjā ca upasampadā ca paṭikkhittā. Yena pana manussitthibhūtāpi ajanikā posāvanikā mātā vā mahāmātā vā cūḷamātā vā janikāpi vā na manussitthibhūtā mātā ghātitā, tassa pabbajjā na vāritā, na ca ānantariko hoti. Yena sayaṃ tiracchānabhūtena manussitthibhūtā mātā ghātitā, sopi ānantariko na hoti, tiracchānagatattā panassa pabbajjā paṭikkhittā. Sesaṃ uttānameva. Pitughātakepi eseva nayo. Sacepi hi vesiyā putto hoti, ‘‘ayaṃ me pitā’’ti na jānāti, yassa sambhavena nibbatto, so ce anena ghātito, pitughātakotveva saṅkhyaṃ gacchati, ānantariyañca phusati.
114. араханд̇агхаад̇агоби мануссаараханд̇авасзнзва взд̣̇ид̇аб̣б̣о. мануссаж̇аад̇ияан̃хи анд̇амасо абаб̣б̣аж̇ид̇амби кийн̣аасавам̣ д̣̇аарагам̣ д̣̇ааригам̣ ваа сан̃жижжа ж̇ийвид̇аа воробзнд̇о араханд̇агхаад̇агова ход̇и, аананд̇арияан̃жа пусад̇и, баб̣б̣аж̇ж̇аа жасса ваарид̇аа. амануссаж̇аад̇игам̣ бана араханд̇ам̣ мануссаж̇аад̇игам̣ ваа авасзсам̣ арияабуг̇г̇алам̣ гхаад̇зд̇ваа аананд̇арияо на ход̇и, баб̣б̣аж̇ж̇аабисса на ваарид̇аа, гаммам̣ бана б̣алавам̣ ход̇и. д̇иражчаано мануссаараханд̇амби гхаад̇зд̇ваа аананд̇арияо на ход̇и, гаммам̣ бана бхаарияанд̇и аяамзд̇т̇а винижчаяо. д̇з вад̇хааяа онийяанд̇ийд̇и вад̇хад̇т̇ааяа онийяанд̇и, маарзд̇ум̣ нийяанд̇ийд̇и ад̇т̇о. яам̣ бана баал̣ияам̣ ‘‘сажаа жа маяа’’нд̇и вуд̇д̇ам̣, д̇асса сажз маяанд̇и аяамзвад̇т̇о. ‘‘сажз’’д̇и хи вад̇д̇аб̣б̣з зд̇т̇а ‘‘сажаа жа’’ ид̇и аяам̣ нибаад̇о вуд̇д̇о. ‘‘сажз жа’’ ижжзва ваа баато. д̇ад̇т̇а сажзд̇и самбхааванад̇т̇з нибаад̇о; жа ид̇и бад̣̇абууран̣амад̇д̇з. ‘‘сажаж̇ж̇а маяа’’нд̇иби баато. д̇асса сажз аж̇ж̇а маяанд̇и ад̇т̇о.
114. Arahantaghātakopi manussaarahantavaseneva veditabbo. Manussajātiyañhi antamaso apabbajitampi khīṇāsavaṃ dārakaṃ dārikaṃ vā sañcicca jīvitā voropento arahantaghātakova hoti, ānantariyañca phusati, pabbajjā cassa vāritā. Amanussajātikaṃ pana arahantaṃ manussajātikaṃ vā avasesaṃ ariyapuggalaṃ ghātetvā ānantariyo na hoti, pabbajjāpissa na vāritā, kammaṃ pana balavaṃ hoti. Tiracchāno manussaarahantampi ghātetvā ānantariyo na hoti, kammaṃ pana bhāriyanti ayamettha vinicchayo. Te vadhāya onīyantīti vadhatthāya onīyanti, māretuṃ nīyantīti attho. Yaṃ pana pāḷiyaṃ ‘‘sacā ca maya’’nti vuttaṃ, tassa sace mayanti ayamevattho. ‘‘Sace’’ti hi vattabbe ettha ‘‘sacā ca’’ iti ayaṃ nipāto vutto. ‘‘Sace ca’’ icceva vā pāṭho. Tattha saceti sambhāvanatthe nipāto; ca iti padapūraṇamatte. ‘‘Sacajja maya’’ntipi pāṭho. Tassa sace ajja mayanti attho.
115. бхигкунид̣̇уусаго бхигкавзд̇и зд̇т̇а яо багад̇ад̇д̇ам̣ бхигкуним̣ д̇ин̣н̣ам̣ маг̇г̇аанам̣ ан̃н̃ад̇арасмим̣ д̣̇уусзд̇и, аяам̣ бхигкунид̣̇уусаго наама. зд̇асса баб̣б̣аж̇ж̇аа жа убасамбад̣̇аа жа ваарид̇аа. яо бана гааяасам̣саг̇г̇зна сийлавинаасам̣ баабзд̇и, д̇асса баб̣б̣аж̇ж̇аа жа убасамбад̣̇аа жа на ваарид̇аа. б̣алаггаарзна од̣̇аад̇авад̇т̇авасанам̣ гад̇ваа анижчамаанам̣язва д̣̇уусзнд̇оби бхигкунид̣̇уусагоязва. б̣алаггаарзна бана од̣̇аад̇авад̇т̇авасанам̣ гад̇ваа ижчамаанам̣ д̣̇уусзнд̇о бхигкунид̣̇уусаго на ход̇и. гасмаа? яасмаа г̇ихибхаавз самбадижчид̇амад̇д̇зязва саа абхигкуний ход̇и. сагим̣ сийлавибаннам̣ бана бажчаа д̣̇уусзнд̇о сигкамаанаасааман̣зрийсу жа виббадибаж̇ж̇анд̇о нзва бхигкунид̣̇уусаго ход̇и, баб̣б̣аж̇ж̇амби убасамбад̣̇амби лабхад̇и.
115.Bhikkhunidūsako bhikkhaveti ettha yo pakatattaṃ bhikkhuniṃ tiṇṇaṃ maggānaṃ aññatarasmiṃ dūseti, ayaṃ bhikkhunidūsako nāma. Etassa pabbajjā ca upasampadā ca vāritā. Yo pana kāyasaṃsaggena sīlavināsaṃ pāpeti, tassa pabbajjā ca upasampadā ca na vāritā. Balakkārena odātavatthavasanaṃ katvā anicchamānaṃyeva dūsentopi bhikkhunidūsakoyeva. Balakkārena pana odātavatthavasanaṃ katvā icchamānaṃ dūsento bhikkhunidūsako na hoti. Kasmā? Yasmā gihibhāve sampaṭicchitamatteyeva sā abhikkhunī hoti. Sakiṃ sīlavipannaṃ pana pacchā dūsento sikkhamānāsāmaṇerīsu ca vippaṭipajjanto neva bhikkhunidūsako hoti, pabbajjampi upasampadampi labhati.
сан̇гхабхзд̣̇аго бхигкавзд̇и зд̇т̇а яо д̣̇звад̣̇ад̇д̇о вияа саасанам̣ уд̣̇д̇хаммам̣ уб̣б̣инаяам̣ гад̇ваа жад̇уннам̣ гаммаанам̣ ан̃н̃ад̇аравасзна сан̇гхам̣ бхинд̣̇ад̇и, аяам̣ сан̇гхабхзд̣̇аго наама. зд̇асса баб̣б̣аж̇ж̇аа жа убасамбад̣̇аа жа ваарид̇аа.
Saṅghabhedakobhikkhaveti ettha yo devadatto viya sāsanaṃ uddhammaṃ ubbinayaṃ katvā catunnaṃ kammānaṃ aññataravasena saṅghaṃ bhindati, ayaṃ saṅghabhedako nāma. Etassa pabbajjā ca upasampadā ca vāritā.
лохид̇уббаад̣̇аго бхигкавзд̇и зд̇т̇ааби яо д̣̇звад̣̇ад̇д̇о вияа д̣̇удтажид̇д̇зна вад̇хагажид̇д̇зна д̇ат̇ааг̇ад̇асса ж̇ийвамаанагасарийрз куд̣̇д̣̇агамагкигааяа биванагамад̇д̇амби лохид̇ам̣ уббаад̣̇зд̇и, аяам̣ лохид̇уббаад̣̇аго наама. зд̇асса баб̣б̣аж̇ж̇аа жа убасамбад̣̇аа жа ваарид̇аа. яо бана рог̇авуубасаманад̇т̇ам̣ ж̇ийваго вияа сад̇т̇зна паалзд̇ваа бууд̇имам̣сан̃жа лохид̇ан̃жа нийхарид̇ваа паасум̣ гарод̇и, б̣ахум̣ со бун̃н̃ам̣ басавад̇ийд̇и.
Lohituppādako bhikkhaveti etthāpi yo devadatto viya duṭṭhacittena vadhakacittena tathāgatassa jīvamānakasarīre khuddakamakkhikāya pivanakamattampi lohitaṃ uppādeti, ayaṃ lohituppādako nāma. Etassa pabbajjā ca upasampadā ca vāritā. Yo pana rogavūpasamanatthaṃ jīvako viya satthena phāletvā pūtimaṃsañca lohitañca nīharitvā phāsuṃ karoti, bahuṃ so puññaṃ pasavatīti.
маад̇угхаад̇агаад̣̇ивад̇т̇угат̇аа нидтид̇аа.
Mātughātakādivatthukathā niṭṭhitā.
Related texts:
д̇ибидага (муула) • Tipiṭaka (Mūla) / винаяабидага • Vinayapiṭaka / махааваг̇г̇абаал̣и • Mahāvaggapāḷi
50. маад̇угхаад̇агавад̇т̇у • 50. Mātughātakavatthu
52. араханд̇агхаад̇агавад̇т̇у • 52. Arahantaghātakavatthu
53. бхигкунийд̣̇уусагавад̇т̇у • 53. Bhikkhunīdūsakavatthu
дийгаа • Tīkā / винаяабидага (дийгаа) • Vinayapiṭaka (ṭīkā) / саарад̇т̇ад̣̇ийбаний-дийгаа • Sāratthadīpanī-ṭīkā / маад̇угхаад̇агаад̣̇ивад̇т̇угат̇ааван̣н̣анаа • Mātughātakādivatthukathāvaṇṇanā
дийгаа • Tīkā / винаяабидага (дийгаа) • Vinayapiṭaka (ṭīkā) / важ̇ираб̣уд̣̇д̇хи-дийгаа • Vajirabuddhi-ṭīkā / маад̇угхаад̇агаад̣̇ивад̇т̇угат̇ааван̣н̣анаа • Mātughātakādivatthukathāvaṇṇanā
дийгаа • Tīkā / винаяабидага (дийгаа) • Vinayapiṭaka (ṭīkā) / вимад̇ивинод̣̇аний-дийгаа • Vimativinodanī-ṭīkā / маад̇угхаад̇агаад̣̇игат̇ааван̣н̣анаа • Mātughātakādikathāvaṇṇanā
дийгаа • Tīkā / винаяабидага (дийгаа) • Vinayapiṭaka (ṭīkā) / баажид̇яаад̣̇ияож̇анаабаал̣и • Pācityādiyojanāpāḷi / 50. маад̇угхаад̇агаад̣̇ивад̇т̇угат̇аа • 50. Mātughātakādivatthukathā
