| Library / Tipiṭaka / д̇ибидага • Tipiṭaka / баажид̇яаад̣̇ияож̇анаабаал̣и • Pācityādiyojanāpāḷi |
50. маад̇угхаад̇агаад̣̇ивад̇т̇угат̇аа
50. Mātughātakādivatthukathā
112. нигканд̇инд̇и зд̇т̇а ‘‘имасса баабагаммассаа’’д̇и чадтийяог̇ад̇д̇аа бхаавад̇т̇з д̇ибажжаяод̇и ааха ‘‘нигкамана’’нд̇и. абаваахананд̇и абааяабадисанд̇хиваханад̇о абаг̇аманам̣. язнаад̇и мануссабхууд̇зна язна ж̇ийвид̇аа воробид̇аад̇и самб̣анд̇хо. мануссид̇т̇ибхууд̇аад̇и мануссид̇т̇ий худ̇ваа бхууд̇аа, мануссид̇т̇ийбхаавам̣ ваа бхууд̇аа бад̇д̇аа. иминаа д̇иражчаанаг̇ад̇ид̇т̇иаад̣̇аяо нивад̇д̇зд̇и. ‘‘ж̇анигаа’’д̇и иминаа босааванигамаад̇аад̣̇аяо нивад̇д̇зд̇и. саяамбийд̇и зд̇т̇а бисад̣̇д̣̇о на гзвалам̣ маад̇ааязва, ат̇а ко буд̇д̇знаабийд̇и д̣̇ассзд̇и. сад̇аад̇и санд̇зна. мануссаж̇аад̇игзнзва сад̇аа мануссаж̇аад̇иго зва худ̇ваа воробид̇аад̇и яож̇анаа. ананд̇арз бхавз палам̣ ниб̣б̣ад̇д̇зд̇ийд̇и аананд̇арияам̣, маад̇угхаад̇агагаммам̣, д̇зна ж̇аад̇исааман̃н̃амби аж̇анигам̣ гхаад̇знд̇о жа ж̇анигамби ж̇аад̇ибхзд̣̇ам̣ гхаад̇знд̇о жа на ананд̇ариго ход̇и, д̇асса баб̣б̣аж̇ж̇аа жа убасамбад̣̇аа жа на ваарид̇аад̇и д̣̇ассзнд̇о ааха ‘‘язна банаа’’д̇иаад̣̇и. д̇ад̇т̇а босзд̇и вад̣̇д̇хзд̇ийд̇и босаабанияаа, саа зва босааванигаа багаарасса вагаарам̣, яагаарасса жа гагаарам̣ гад̇ваа, босааванигаа жа саа маад̇аа жзд̇и босааванигамаад̇аа. ассаад̇и буд̇д̇асса. ид̣̇ам̣ бад̣̇ам̣ буб̣б̣аабараабзгкам̣. д̇ад̇т̇а буб̣б̣абад̣̇з бхаавасамб̣анд̇хо, бажчимабад̣̇з саамисамб̣анд̇хо. саб̣б̣ат̇аа зсзва наяо ход̇ийд̇и ааха ‘‘сажзбий’’д̇иаад̣̇и. взсияаад̇и убалагкан̣авасзна вуд̇д̇ам̣ . яааяа гааяажи ид̇т̇ияаа буд̇д̇ассааби г̇ахзд̇аб̣б̣ад̇д̇аа. ‘‘аяам̣ мз бид̇аа’’д̇и аж̇аананамзва хи бамаан̣ам̣. анзнаад̇и иминаа буд̇д̇зна. ‘‘бид̇угхаад̇агод̇взва сан̇кяам̣ г̇ажчад̇ий’’д̇и иминаа маад̇угхаад̇агзби ‘‘аяам̣ мз маад̇аа’’д̇и аж̇аанид̇ваа гхаад̇знд̇оби маад̇угхаад̇агод̇взва сан̇кяам̣ г̇ажчад̇ийд̇и д̣̇ассзд̇и.
112.Nikkhantinti ettha ‘‘imassa pāpakammassā’’ti chaṭṭhīyogattā bhāvatthe tipaccayoti āha ‘‘nikkhamana’’nti. Apavāhananti apāyapaṭisandhivahanato apagamanaṃ. Yenāti manussabhūtena yena jīvitā voropitāti sambandho. Manussitthibhūtāti manussitthī hutvā bhūtā, manussitthībhāvaṃ vā bhūtā pattā. Iminā tiracchānagatitthiādayo nivatteti. ‘‘Janikā’’ti iminā posāvanikamātādayo nivatteti. Sayampīti ettha pisaddo na kevalaṃ mātāyeva, atha kho puttenāpīti dasseti. Satāti santena. Manussajātikeneva satā manussajātiko eva hutvā voropitāti yojanā. Anantare bhave phalaṃ nibbattetīti ānantariyaṃ, mātughātakakammaṃ, tena jātisāmaññampi ajanikaṃ ghātento ca janikampi jātibhedaṃ ghātento ca na anantariko hoti, tassa pabbajjā ca upasampadā ca na vāritāti dassento āha ‘‘yena panā’’tiādi. Tattha poseti vaddhetīti posāpaniyā, sā eva posāvanikā pakārassa vakāraṃ, yakārassa ca kakāraṃ katvā, posāvanikā ca sā mātā ceti posāvanikamātā. Assāti puttassa. Idaṃ padaṃ pubbāparāpekkhaṃ. Tattha pubbapade bhāvasambandho, pacchimapade sāmisambandho. Sabbathā eseva nayo hotīti āha ‘‘sacepī’’tiādi. Vesiyāti upalakkhaṇavasena vuttaṃ . Yāya kāyaci itthiyā puttassāpi gahetabbattā. ‘‘Ayaṃ me pitā’’ti ajānanameva hi pamāṇaṃ. Anenāti iminā puttena. ‘‘Pitughātakotveva saṅkhyaṃ gacchatī’’ti iminā mātughātakepi ‘‘ayaṃ me mātā’’ti ajānitvā ghātentopi mātughātakotveva saṅkhyaṃ gacchatīti dasseti.
114. сан̇кзбзна вуд̇д̇амад̇т̇ам̣ вид̇т̇аарзна д̣̇ассзнд̇о ааха ‘‘мануссаж̇аад̇ияам̣ хий’’д̇иаад̣̇и. абаб̣б̣аж̇ид̇анд̇и г̇ихибхууд̇ам̣. баб̣б̣аж̇ж̇аа жассаад̇и зд̇т̇а жасад̣̇д̣̇зна убасамбад̣̇ааби ваарид̇аад̇и д̣̇ассзд̇и. ассаад̇и араханд̇агхаад̇агасса. авасзсанд̇и араханд̇ад̇о авасзсам̣. ассаад̇и арияагхаад̇агасса. аананд̇арияо на ход̇и д̇иражчаанаг̇ад̇ад̇д̇аа банасса баб̣б̣аж̇ж̇аа ваарид̇аад̇и ад̇т̇о нзд̇аб̣б̣о. зд̇т̇аад̇и маад̇угхаад̇агаад̣̇игаммзсу. вад̇хааяаад̇и д̇ад̣̇ад̇т̇з жад̇уд̇т̇ийд̇и ааха ‘‘вад̇хад̇т̇ааяаа’’д̇и. ‘‘маарзд̇у’’нд̇и иминаа ‘‘вад̇хад̇т̇ааяаа’’д̇и зд̇т̇а ханад̇хаад̇у хим̣санад̇т̇од̇и д̣̇ассзд̇и. ‘‘нийяанд̇ий’’д̇и иминаа онийяанд̇ийд̇и зд̇т̇а од̇яуубасаг̇г̇о д̇хаад̇вад̇т̇аанувад̇д̇агод̇и д̣̇ассзд̇и. яам̣ бана важанам̣ вуд̇д̇анд̇и самб̣анд̇хо. д̇асса важанасса ад̇т̇од̇и яож̇анаа. ‘‘сажаа жа ид̇и аяам̣ нибаад̇о вуд̇д̇о’’д̇и иминаа бхаяабийл̣ид̇ад̇д̇аа жа нируд̇д̇ийсу агусалад̇д̇аа жа д̣̇аваабхан̣анзна раваабхан̣анзна аяам̣ нибаад̇о жорзхи вуд̇д̇од̇и д̣̇ассзд̇и. ‘‘сажз жа ижжзва ваа баато’’д̇и иминаа д̇зхи д̇ат̇аа вуд̇д̇зби сан̇г̇ийд̇игаалз ваа бод̇т̇агааруул̣хагаалз ваа яат̇аабхууд̇ам̣ сан̇г̇ийд̇ад̇д̇аа, бод̇т̇агааруул̣хад̇д̇аа жа яат̇аабхууд̇о баато ад̇т̇ийд̇и д̣̇ассзд̇и. д̇ад̇т̇аад̇и д̇зсу бад̣̇зсу. нид̣̇д̇хааран̣з бхуммам̣. д̇ассаад̇и ‘‘сажаж̇ж̇а маяа’’нд̇и баатасса. ‘‘сажз аж̇ж̇а маяа’’нд̇и иминаа згааралобасанд̇хим̣ д̣̇ассзд̇и. ‘‘сажзж̇ж̇а маяа’’нд̇и агааралобасанд̇хинааби баато ад̇т̇и.
114. Saṅkhepena vuttamatthaṃ vitthārena dassento āha ‘‘manussajātiyaṃ hī’’tiādi. Apabbajitanti gihibhūtaṃ. Pabbajjā cassāti ettha casaddena upasampadāpi vāritāti dasseti. Assāti arahantaghātakassa. Avasesanti arahantato avasesaṃ. Assāti ariyaghātakassa. Ānantariyo na hoti tiracchānagatattā panassa pabbajjā vāritāti attho netabbo. Etthāti mātughātakādikammesu. Vadhāyāti tadatthe catutthīti āha ‘‘vadhatthāyā’’ti. ‘‘Māretu’’nti iminā ‘‘vadhatthāyā’’ti ettha hanadhātu hiṃsanatthoti dasseti. ‘‘Nīyantī’’ti iminā onīyantīti ettha otyūpasaggo dhātvatthānuvattakoti dasseti. Yaṃ pana vacanaṃ vuttanti sambandho. Tassa vacanassa atthoti yojanā. ‘‘Sacā ca iti ayaṃ nipāto vutto’’ti iminā bhayapīḷitattā ca niruttīsu akusalattā ca davābhaṇanena ravābhaṇanena ayaṃ nipāto corehi vuttoti dasseti. ‘‘Sace ca icceva vā pāṭho’’ti iminā tehi tathā vuttepi saṅgītikāle vā potthakārūḷhakāle vā yathābhūtaṃ saṅgītattā, potthakārūḷhattā ca yathābhūto pāṭho atthīti dasseti. Tatthāti tesu padesu. Niddhāraṇe bhummaṃ. Tassāti ‘‘sacajja maya’’nti pāṭhassa. ‘‘Sace ajja maya’’nti iminā ekāralopasandhiṃ dasseti. ‘‘Sacejja maya’’nti akāralopasandhināpi pāṭho atthi.
115. багад̇ад̇д̇анд̇и багад̇ияаа сийласан̇каад̇о ад̇д̇аа сабхааво зд̇иссаад̇и багад̇ад̇д̇аа, д̇ам̣. гааяасам̣саг̇г̇зна бхигкунийнам̣ баарааж̇игад̇д̇аа вуд̇д̇ам̣ ‘‘сийлавинаасам̣ баабзд̇ий’’д̇и. анижчамаанам̣язва бхигкунинд̇и самб̣анд̇хо.
115.Pakatattanti pakatiyā sīlasaṅkhāto attā sabhāvo etissāti pakatattā, taṃ. Kāyasaṃsaggena bhikkhunīnaṃ pārājikattā vuttaṃ ‘‘sīlavināsaṃ pāpetī’’ti. Anicchamānaṃyeva bhikkhuninti sambandho.
ижчамаананд̇и од̣̇аад̇авад̇т̇авасанам̣ ижчамаанам̣. яасмаа абхигкуний ход̇и, д̇асмаа бхигкунийд̣̇уусаго на ход̇ийд̇и яож̇анаа. сийлавибаннам̣ бхигкунинд̇и самб̣анд̇хо.
Icchamānanti odātavatthavasanaṃ icchamānaṃ. Yasmā abhikkhunī hoti, tasmā bhikkhunīdūsako na hotīti yojanā. Sīlavipannaṃ bhikkhuninti sambandho.
яо д̣̇звад̣̇ад̇д̇о сан̇гхам̣ бхинд̣̇ад̇и вияа, бхинд̣̇ад̇ийд̇и яож̇анаа. уд̣̇д̇хамманд̇и д̇хаммад̇о вирахид̇ам̣. уб̣б̣инаяанд̇и винаяад̇о вирахид̇ам̣. жад̇уннам̣ гаммаананд̇и абалоганаад̣̇ийнам̣ жад̇уннам̣ гаммаанам̣.
Yo devadatto saṅghaṃ bhindati viya, bhindatīti yojanā. Uddhammanti dhammato virahitaṃ. Ubbinayanti vinayato virahitaṃ. Catunnaṃ kammānanti apalokanādīnaṃ catunnaṃ kammānaṃ.
яо д̣̇звад̣̇ад̇д̇о лохид̇ам̣ уббаад̣̇зд̇и вияа, уббаад̣̇зд̇ийд̇и яож̇анаа. д̣̇удтажид̇д̇знаад̇и зд̇т̇а на яам̣гин̃жи д̣̇удтажид̇д̇ам̣ д̣̇удтажид̇д̇ам̣ наама, ат̇а ко вад̇хагажид̇д̇анд̇и ааха ‘‘вад̇хагажид̇д̇знаа’’д̇и. сарийрзд̇и сарийраб̣бханд̇арз. д̇ат̇ааг̇ад̇асса хи абхзж̇ж̇агааяад̇д̇аа баруубаггамзна жаммажчзд̣̇ам̣ гад̇ваа лохид̇асса уббаад̣̇анам̣ наама над̇т̇и. яо бана ж̇ийваго паасум̣ гарод̇и вияа, паасум̣ гарод̇ийд̇и яож̇анаа. лохид̇ан̃жаад̇и бууд̇илохид̇ан̃жа.
Yo devadatto lohitaṃ uppādeti viya, uppādetīti yojanā. Duṭṭhacittenāti ettha na yaṃkiñci duṭṭhacittaṃ duṭṭhacittaṃ nāma, atha kho vadhakacittanti āha ‘‘vadhakacittenā’’ti. Sarīreti sarīrabbhantare. Tathāgatassa hi abhejjakāyattā parūpakkamena cammacchedaṃ katvā lohitassa uppādanaṃ nāma natthi. Yo pana jīvako phāsuṃ karoti viya, phāsuṃ karotīti yojanā. Lohitañcāti pūtilohitañca.
Related texts:
д̇ибидага (муула) • Tipiṭaka (Mūla) / винаяабидага • Vinayapiṭaka / махааваг̇г̇абаал̣и • Mahāvaggapāḷi
50. маад̇угхаад̇агавад̇т̇у • 50. Mātughātakavatthu
52. араханд̇агхаад̇агавад̇т̇у • 52. Arahantaghātakavatthu
53. бхигкунийд̣̇уусагавад̇т̇у • 53. Bhikkhunīdūsakavatthu
адтагат̇аа • Aṭṭhakathā / винаяабидага (адтагат̇аа) • Vinayapiṭaka (aṭṭhakathā) / махааваг̇г̇а-адтагат̇аа • Mahāvagga-aṭṭhakathā / маад̇угхаад̇агаад̣̇ивад̇т̇угат̇аа • Mātughātakādivatthukathā
дийгаа • Tīkā / винаяабидага (дийгаа) • Vinayapiṭaka (ṭīkā) / саарад̇т̇ад̣̇ийбаний-дийгаа • Sāratthadīpanī-ṭīkā / маад̇угхаад̇агаад̣̇ивад̇т̇угат̇ааван̣н̣анаа • Mātughātakādivatthukathāvaṇṇanā
дийгаа • Tīkā / винаяабидага (дийгаа) • Vinayapiṭaka (ṭīkā) / важ̇ираб̣уд̣̇д̇хи-дийгаа • Vajirabuddhi-ṭīkā / маад̇угхаад̇агаад̣̇ивад̇т̇угат̇ааван̣н̣анаа • Mātughātakādivatthukathāvaṇṇanā
дийгаа • Tīkā / винаяабидага (дийгаа) • Vinayapiṭaka (ṭīkā) / вимад̇ивинод̣̇аний-дийгаа • Vimativinodanī-ṭīkā / маад̇угхаад̇агаад̣̇игат̇ааван̣н̣анаа • Mātughātakādikathāvaṇṇanā
