| Library / Tipiṭaka / д̇ибидага • Tipiṭaka / саарад̇т̇ад̣̇ийбаний-дийгаа • Sāratthadīpanī-ṭīkā |
маад̇угхаад̇агаад̣̇ивад̇т̇угат̇ааван̣н̣анаа
Mātughātakādivatthukathāvaṇṇanā
112. маад̇угхаад̇агаад̣̇ивад̇т̇уусу абаваахананд̇и абаг̇аманам̣, бад̇игаран̣анд̇и ад̇т̇о. яат̇аа самаанаж̇аад̇игасса вигобанз гаммам̣ г̇аруд̇арам̣, на д̇ат̇аа виж̇аад̇игассаад̇и ааха ‘‘мануссид̇т̇ибхууд̇аа’’д̇и . буд̇д̇асамб̣анд̇хзна маад̇убид̇усаман̃н̃аа , д̣̇ад̇д̇агид̇д̇имаад̣̇ивасзнаби буд̇д̇авохааро логз д̣̇иссад̇и, со жа ко барияааяад̇од̇и ниббарияааяасид̣̇д̇хад̇ам̣ д̣̇ассзд̇ум̣ ‘‘ж̇анигаа маад̇аа’’д̇и вуд̇д̇ам̣. яат̇аа мануссад̇д̇абхаавз тид̇ассзва гусалад̇хаммаанам̣ д̇игкависад̣̇асуурабхааваабад̇д̇и яат̇аа д̇ам̣ д̇ин̣н̣амби б̣од̇хисад̇д̇аанам̣ б̣од̇хид̇д̇аяаниб̣б̣ад̇д̇ияам̣, звам̣ мануссад̇д̇абхаавз тид̇ассзва агусалад̇хаммаанамби д̇игкависад̣̇асуурабхааваабад̇д̇ийд̇и ааха ‘‘саяамби мануссаж̇аад̇игзнзваа’’д̇и. жуд̇иананд̇арам̣ палам̣ ананд̇арам̣ наама, д̇асмим̣ ананд̇арз нияуд̇д̇ам̣, д̇ам̣ниб̣б̣ад̇д̇анзна ананд̇арагаран̣асийлам̣, ананд̇арабаяож̇анам̣ ваа аананд̇арияам̣, д̇зна аананд̇ариязна маад̇угхаад̇агагаммзна. бид̇угхаад̇агзби язна мануссабхууд̇о ж̇анаго бид̇аа саяамби мануссаж̇аад̇игзнзва сад̇аа сан̃жижжа ж̇ийвид̇аа воробид̇о, аяам̣ аананд̇ариязна бид̇угхаад̇агагаммзна бид̇угхаад̇агод̇иаад̣̇инаа саб̣б̣ам̣ взд̣̇ид̇аб̣б̣анд̇и ааха ‘‘бид̇угхаад̇агзби зсзва наяо’’д̇и.
112. Mātughātakādivatthūsu apavāhananti apagamanaṃ, patikaraṇanti attho. Yathā samānajātikassa vikopane kammaṃ garutaraṃ, na tathā vijātikassāti āha ‘‘manussitthibhūtā’’ti . Puttasambandhena mātupitusamaññā , dattakittimādivasenapi puttavohāro loke dissati, so ca kho pariyāyatoti nippariyāyasiddhataṃ dassetuṃ ‘‘janikā mātā’’ti vuttaṃ. Yathā manussattabhāve ṭhitasseva kusaladhammānaṃ tikkhavisadasūrabhāvāpatti yathā taṃ tiṇṇampi bodhisattānaṃ bodhittayanibbattiyaṃ, evaṃ manussattabhāve ṭhitasseva akusaladhammānampi tikkhavisadasūrabhāvāpattīti āha ‘‘sayampi manussajātikenevā’’ti. Cutianantaraṃ phalaṃ anantaraṃ nāma, tasmiṃ anantare niyuttaṃ, taṃnibbattanena anantarakaraṇasīlaṃ, anantarapayojanaṃ vā ānantariyaṃ, tena ānantariyena mātughātakakammena. Pitughātakepi yena manussabhūto janako pitā sayampi manussajātikeneva satā sañcicca jīvitā voropito, ayaṃ ānantariyena pitughātakakammena pitughātakotiādinā sabbaṃ veditabbanti āha ‘‘pitughātakepi eseva nayo’’ti.
баривад̇д̇ид̇алин̇г̇амби (ма. ни. адта. 3.128; а. ни. адта. 1.1.275; вибха. адта. 809) маад̇арам̣ бид̇арам̣ ваа ж̇ийвид̇аа воробзнд̇асса аананд̇арияагаммам̣ ход̇иязва. сад̇иби хи лин̇г̇абаривад̇д̇з со зва згагамманиб̣б̣ад̇д̇о бхаван̇г̇аббаб̣анд̇хо ж̇ийвид̇инд̣̇рияаббаб̣анд̇хо жа, наан̃н̃од̇и. яо бана саяам̣ мануссо д̇иражчаанабхууд̇ам̣ маад̇арам̣ ваа бид̇арам̣ ваа, саяам̣ ваа д̇иражчаанабхууд̇о мануссабхууд̇ам̣, д̇иражчаанабхууд̇оязва ваа д̇иражчаанабхууд̇ам̣ ж̇ийвид̇аа воробзд̇и, д̇асса гаммам̣ аананд̇арияам̣ на ход̇и, бхаарияам̣ бана ход̇и, аананд̇арияам̣ аахажжзва д̇идтад̇и. зл̣агажад̇уггам̣ сан̇г̇аамажад̇уггам̣ жоражад̇угган̃жзд̇т̇а гат̇зд̇аб̣б̣ам̣. ‘‘зл̣агам̣ маарзмий’’д̇и абхисанд̇хинааби хи зл̣агадтаанз тид̇ам̣ мануссо мануссабхууд̇ам̣ маад̇арам̣ ваа бид̇арам̣ ваа маарзнд̇о аананд̇арияам̣ пусад̇и маран̣аад̇хиббааязнзва аананд̇арияавад̇т̇уно вигобид̇ад̇д̇аа. зл̣агаабхисанд̇хинаа бана маад̇аабид̇иаасанд̇хинаа ваа зл̣агам̣ маарзнд̇о аананд̇арияам̣ на пусад̇и аананд̇арияавад̇т̇уабхаавад̇о. маад̇аабид̇иабхисанд̇хинаа маад̇аабид̇аро маарзнд̇о пусад̇зва. зса наяо ид̇арасмимби жад̇уггад̣̇ваяз. яат̇аа жа маад̇аабид̇уусу, звам̣ араханд̇зби зд̇аани жад̇уггаани взд̣̇ид̇аб̣б̣аани. саб̣б̣ад̇т̇а хи буримам̣ абхисанд̇хижид̇д̇ам̣ аббамаан̣ам̣, вад̇хагажид̇д̇ам̣ бана д̇ад̣̇аарамман̣ам̣ ж̇ийвид̇инд̣̇рияан̃жа аананд̇арияаанаананд̇арабхаавз бамаан̣ам̣. гад̇аананд̇арияагаммо жа ‘‘д̇асса гаммасса вибаагам̣ бадиб̣аахиссаамий’’д̇и сагалажаггаваал̣ам̣ махаажзд̇ияаббамаан̣зхи ган̃жанат̇уубзхи буурзд̇вааби сагалажаггаваал̣ам̣ буурзд̇ваа нисиннасса бхигкусан̇гхасса махаад̣̇аанам̣ д̣̇ад̇вааби б̣уд̣̇д̇хасса бхаг̇авад̇о сан̇гхаадиган̣н̣ам̣ амун̃жанд̇о вижарид̇вааби гааяасса бхзд̣̇аа нираяамзва убабаж̇ж̇ад̇и, баб̣б̣аж̇ж̇ан̃жа на лабхад̇и.
Parivattitaliṅgampi (ma. ni. aṭṭha. 3.128; a. ni. aṭṭha. 1.1.275; vibha. aṭṭha. 809) mātaraṃ pitaraṃ vā jīvitā voropentassa ānantariyakammaṃ hotiyeva. Satipi hi liṅgaparivatte so eva ekakammanibbatto bhavaṅgappabandho jīvitindriyappabandho ca, nāññoti. Yo pana sayaṃ manusso tiracchānabhūtaṃ mātaraṃ vā pitaraṃ vā, sayaṃ vā tiracchānabhūto manussabhūtaṃ, tiracchānabhūtoyeva vā tiracchānabhūtaṃ jīvitā voropeti, tassa kammaṃ ānantariyaṃ na hoti, bhāriyaṃ pana hoti, ānantariyaṃ āhacceva tiṭṭhati. Eḷakacatukkaṃ saṅgāmacatukkaṃ coracatukkañcettha kathetabbaṃ. ‘‘Eḷakaṃ māremī’’ti abhisandhināpi hi eḷakaṭṭhāne ṭhitaṃ manusso manussabhūtaṃ mātaraṃ vā pitaraṃ vā mārento ānantariyaṃ phusati maraṇādhippāyeneva ānantariyavatthuno vikopitattā. Eḷakābhisandhinā pana mātāpitiaasandhinā vā eḷakaṃ mārento ānantariyaṃ na phusati ānantariyavatthuabhāvato. Mātāpitiabhisandhinā mātāpitaro mārento phusateva. Esa nayo itarasmimpi catukkadvaye. Yathā ca mātāpitūsu, evaṃ arahantepi etāni catukkāni veditabbāni. Sabbattha hi purimaṃ abhisandhicittaṃ appamāṇaṃ, vadhakacittaṃ pana tadārammaṇaṃ jīvitindriyañca ānantariyānānantarabhāve pamāṇaṃ. Katānantariyakammo ca ‘‘tassa kammassa vipākaṃ paṭibāhissāmī’’ti sakalacakkavāḷaṃ mahācetiyappamāṇehi kañcanathūpehi pūretvāpi sakalacakkavāḷaṃ pūretvā nisinnassa bhikkhusaṅghassa mahādānaṃ datvāpi buddhassa bhagavato saṅghāṭikaṇṇaṃ amuñcanto vicaritvāpi kāyassa bhedā nirayameva upapajjati, pabbajjañca na labhati.
115. ижчамаананд̇и од̣̇аад̇авад̇т̇авасанам̣ ижчамаанам̣. д̇знзвааха ‘‘г̇ихибхаавз самбадижчид̇амад̇д̇зязваа’’д̇и. сан̇гхабхзд̣̇агагат̇аавид̇т̇ааро барад̇о аави бхависсад̇и. жад̇уннам̣ гаммаананд̇и абалоганаад̣̇ийнам̣ жад̇уннам̣ гаммаанам̣. д̣̇удтажид̇д̇знаад̇и вуд̇д̇амзвад̇т̇ам̣ вибхаавзд̇и ‘‘вад̇хагажид̇д̇знаа’’д̇и. вад̇хагажзд̇анааяа хи д̣̇уусид̇ажид̇д̇ам̣ ид̇ха д̣̇удтажид̇д̇ам̣ наама. лохид̇ам̣ уббаад̣̇зд̇ийд̇и зд̇т̇а д̇ат̇ааг̇ад̇асса абхзж̇ж̇агааяад̇ааяа баруубаггамзна жаммажчзд̣̇ам̣ гад̇ваа лохид̇абаг̇гхаран̣ам̣ наама над̇т̇и, сарийрасса бана анд̇оязва згасмим̣ таанз лохид̇ам̣ самосарад̇и, аагхаад̇зна багуббамаанам̣ сан̃жид̇ам̣ ход̇и. д̣̇звад̣̇ад̇д̇зна бавид̣̇д̇хасилад̇о бхиж̇ж̇ид̇ваа г̇ад̇асагкалигааби д̇ат̇ааг̇ад̇асса баад̣̇анд̇ам̣ бахари, парасунаа бахадо вияа баад̣̇о анд̇олохид̇оязва ахоси. ж̇ийваго бана д̇ат̇ааг̇ад̇асса ружияаа сад̇т̇агзна жаммам̣ чинд̣̇ид̇ваа д̇амхаа таанаа д̣̇удталохид̇ам̣ нийхарид̇ваа паасумагааси, д̇знасса бун̃н̃агаммамзва ахоси. д̇знааха ‘‘ж̇ийваго вияаа’’д̇иаад̣̇и.
115.Icchamānanti odātavatthavasanaṃ icchamānaṃ. Tenevāha ‘‘gihibhāve sampaṭicchitamatteyevā’’ti. Saṅghabhedakakathāvitthāro parato āvi bhavissati. Catunnaṃ kammānanti apalokanādīnaṃ catunnaṃ kammānaṃ. Duṭṭhacittenāti vuttamevatthaṃ vibhāveti ‘‘vadhakacittenā’’ti. Vadhakacetanāya hi dūsitacittaṃ idha duṭṭhacittaṃ nāma. Lohitaṃ uppādetīti ettha tathāgatassa abhejjakāyatāya parūpakkamena cammacchedaṃ katvā lohitapaggharaṇaṃ nāma natthi, sarīrassa pana antoyeva ekasmiṃ ṭhāne lohitaṃ samosarati, āghātena pakuppamānaṃ sañcitaṃ hoti. Devadattena paviddhasilato bhijjitvā gatasakkhalikāpi tathāgatassa pādantaṃ pahari, pharasunā pahaṭo viya pādo antolohitoyeva ahosi. Jīvako pana tathāgatassa ruciyā satthakena cammaṃ chinditvā tamhā ṭhānā duṭṭhalohitaṃ nīharitvā phāsumakāsi, tenassa puññakammameva ahosi. Tenāha ‘‘jīvako viyā’’tiādi.
ат̇а яз бариниб̣б̣уд̇з д̇ат̇ааг̇ад̇з жзд̇ияам̣ бхинд̣̇анд̇и, б̣од̇хим̣ чинд̣̇анд̇и, д̇хаад̇умхи убаггаманд̇и, д̇зсам̣ гим̣ ход̇ийд̇и? бхаарияам̣ гаммам̣ ход̇и аананд̇арияасад̣̇исам̣. сад̇хаад̇угам̣ бана т̇уубам̣ ваа бадимам̣ ваа б̣аад̇хамаанам̣ б̣од̇хисаакам̣ чинд̣̇ид̇ум̣ ваддад̇и. сажзби д̇ад̇т̇а нилийнаа сагун̣аа жзд̇ияз важжам̣ баад̇знд̇и, чинд̣̇ид̇ум̣ ваддад̇иязва. барибхог̇ажзд̇ияад̇о хи сарийражзд̇ияам̣ г̇аруд̇арам̣. жзд̇ияавад̇т̇ум̣ бхинд̣̇ид̇ваа г̇ажчанд̇з б̣од̇химуулзби чинд̣̇ид̇ваа харид̇ум̣ ваддад̇и. яаа бана б̣од̇хисаакаа б̣од̇хигхарам̣ б̣аад̇хад̇и, д̇ам̣ г̇зхарагкан̣ад̇т̇ам̣ чинд̣̇ид̇ум̣ на лабхад̇и. б̣од̇хиад̇т̇ан̃хи г̇зхам̣, на г̇зхад̇т̇ааяа б̣од̇хи. аасанагхарзби зсзва наяо. яасмим̣ бана аасанагхарз д̇хаад̇у нихид̇аа ход̇и, д̇асса рагкан̣ад̇т̇ааяа б̣од̇хисаакам̣ чинд̣̇ид̇ум̣ ваддад̇и. б̣од̇хиж̇аг̇г̇анад̇т̇ам̣ ож̇охаран̣асаакам̣ ваа бууд̇идтаанам̣ ваа чинд̣̇ид̇ум̣ ваддад̇иязва, сад̇т̇у руубагааяабадиж̇аг̇г̇анз вияа бун̃н̃амби ход̇и.
Atha ye parinibbute tathāgate cetiyaṃ bhindanti, bodhiṃ chindanti, dhātumhi upakkamanti, tesaṃ kiṃ hotīti? Bhāriyaṃ kammaṃ hoti ānantariyasadisaṃ. Sadhātukaṃ pana thūpaṃ vā paṭimaṃ vā bādhamānaṃ bodhisākhaṃ chindituṃ vaṭṭati. Sacepi tattha nilīnā sakuṇā cetiye vaccaṃ pātenti, chindituṃ vaṭṭatiyeva. Paribhogacetiyato hi sarīracetiyaṃ garutaraṃ. Cetiyavatthuṃ bhinditvā gacchante bodhimūlepi chinditvā harituṃ vaṭṭati. Yā pana bodhisākhā bodhigharaṃ bādhati, taṃ geharakkhaṇatthaṃ chindituṃ na labhati. Bodhiatthañhi gehaṃ, na gehatthāya bodhi. Āsanagharepi eseva nayo. Yasmiṃ pana āsanaghare dhātu nihitā hoti, tassa rakkhaṇatthāya bodhisākhaṃ chindituṃ vaṭṭati. Bodhijagganatthaṃ ojoharaṇasākhaṃ vā pūtiṭṭhānaṃ vā chindituṃ vaṭṭatiyeva, satthu rūpakāyapaṭijaggane viya puññampi hoti.
маад̇угхаад̇агаад̣̇ивад̇т̇угат̇ааван̣н̣анаа нидтид̇аа.
Mātughātakādivatthukathāvaṇṇanā niṭṭhitā.
Related texts:
д̇ибидага (муула) • Tipiṭaka (Mūla) / винаяабидага • Vinayapiṭaka / махааваг̇г̇абаал̣и • Mahāvaggapāḷi
50. маад̇угхаад̇агавад̇т̇у • 50. Mātughātakavatthu
53. бхигкунийд̣̇уусагавад̇т̇у • 53. Bhikkhunīdūsakavatthu
адтагат̇аа • Aṭṭhakathā / винаяабидага (адтагат̇аа) • Vinayapiṭaka (aṭṭhakathā) / махааваг̇г̇а-адтагат̇аа • Mahāvagga-aṭṭhakathā / маад̇угхаад̇агаад̣̇ивад̇т̇угат̇аа • Mātughātakādivatthukathā
дийгаа • Tīkā / винаяабидага (дийгаа) • Vinayapiṭaka (ṭīkā) / важ̇ираб̣уд̣̇д̇хи-дийгаа • Vajirabuddhi-ṭīkā / маад̇угхаад̇агаад̣̇ивад̇т̇угат̇ааван̣н̣анаа • Mātughātakādivatthukathāvaṇṇanā
дийгаа • Tīkā / винаяабидага (дийгаа) • Vinayapiṭaka (ṭīkā) / вимад̇ивинод̣̇аний-дийгаа • Vimativinodanī-ṭīkā / маад̇угхаад̇агаад̣̇игат̇ааван̣н̣анаа • Mātughātakādikathāvaṇṇanā
дийгаа • Tīkā / винаяабидага (дийгаа) • Vinayapiṭaka (ṭīkā) / баажид̇яаад̣̇ияож̇анаабаал̣и • Pācityādiyojanāpāḷi / 50. маад̇угхаад̇агаад̣̇ивад̇т̇угат̇аа • 50. Mātughātakādivatthukathā
