| Library / Tipiṭaka / д̇ибидага • Tipiṭaka / жарияаабидага-адтагат̇аа • Cariyāpiṭaka-aṭṭhakathā |
2. хад̇т̇инааг̇аваг̇г̇о
2. Hatthināgavaggo
1. маад̇убосагажарияааван̣н̣анаа
1. Mātuposakacariyāvaṇṇanā
1. д̣̇уд̇ияаваг̇г̇асса батамз гун̃ж̇арод̇и хад̇т̇ий. маад̇убосагод̇и анд̇хааяа ж̇арааж̇ин̣н̣ааяа маад̇уяаа бадиж̇аг̇г̇анаго. махияаад̇и бхуумияам̣. г̇ун̣знаад̇и сийлаг̇ун̣зна, д̇ад̣̇аа мама сад̣̇исо над̇т̇и.
1. Dutiyavaggassa paṭhame kuñjaroti hatthī. Mātuposakoti andhāya jarājiṇṇāya mātuyā paṭijagganako. Mahiyāti bhūmiyaṃ. Guṇenāti sīlaguṇena, tadā mama sadiso natthi.
б̣од̇хисад̇д̇о хи д̇ад̣̇аа химаванд̇аббад̣̇зсз хад̇т̇ияонияам̣ ниб̣б̣ад̇д̇и. со саб̣б̣асзд̇о абхируубо лагкан̣асамбанно махаахад̇т̇ий анзгахад̇т̇исад̇асахассабаривааро ахоси. маад̇аа банасса анд̇хаа. со мад̇хурапалаапалаани хад̇т̇ийнам̣ хад̇т̇зсу д̣̇ад̇ваа маад̇у бзсзд̇и. хад̇т̇ино д̇ассаа ад̣̇ад̇ваа саяам̣ каад̣̇анд̇и. со бариг̇г̇ан̣ханд̇о д̇ам̣ бавад̇д̇им̣ н̃ад̇ваа ‘‘яуут̇ам̣ бахааяа маад̇арамзва босзссаамий’’д̇и рад̇д̇ибхааг̇з ан̃н̃зсам̣ хад̇т̇ийнам̣ аж̇аананд̇аанам̣ маад̇арам̣ г̇ахзд̇ваа жан̣д̣оран̣абаб̣б̣ад̇абаад̣̇ам̣ г̇анд̇ваа згам̣ нал̣иним̣ убаниссааяа тид̇ааяа баб̣б̣ад̇аг̇ухааяа маад̇арам̣ табзд̇ваа босзси.
Bodhisatto hi tadā himavantappadese hatthiyoniyaṃ nibbatti. So sabbaseto abhirūpo lakkhaṇasampanno mahāhatthī anekahatthisatasahassaparivāro ahosi. Mātā panassa andhā. So madhuraphalāphalāni hatthīnaṃ hatthesu datvā mātu peseti. Hatthino tassā adatvā sayaṃ khādanti. So pariggaṇhanto taṃ pavattiṃ ñatvā ‘‘yūthaṃ pahāya mātarameva posessāmī’’ti rattibhāge aññesaṃ hatthīnaṃ ajānantānaṃ mātaraṃ gahetvā caṇḍoraṇapabbatapādaṃ gantvā ekaṃ naḷiniṃ upanissāya ṭhitāya pabbataguhāya mātaraṃ ṭhapetvā posesi.
2-3. баванз д̣̇исваа ванажарод̇и зго ванажараго бурисо д̇асмим̣ махааванз вижаранд̇о мам̣ д̣̇исваа. ран̃н̃о мам̣ бадивзд̣̇аяийд̇и б̣аараан̣асиран̃н̃о мам̣ аарожзси.
2-3.Pavane disvā vanacaroti eko vanacarako puriso tasmiṃ mahāvane vicaranto maṃ disvā. Rañño maṃ paṭivedayīti bārāṇasirañño maṃ ārocesi.
со хи маг̇г̇амуул̣хо д̣̇исам̣ вавад̇т̇абзд̇ум̣ асаггонд̇о маханд̇зна сад̣̇д̣̇зна барид̣̇зви. б̣од̇хисад̇д̇оби д̇асса сад̣̇д̣̇ам̣ суд̇ваа ‘‘аяам̣ бурисо анаат̇о, на ко банзд̇ам̣ бад̇ируубам̣, яам̣ зса маяи тид̇з ид̇ха винассзяяаа’’д̇и д̇асса санд̇игам̣ г̇анд̇ваа д̇ам̣ бхаязна балааяанд̇ам̣ д̣̇исваа ‘‘амбхо буриса, над̇т̇и д̇з мам̣ ниссааяа бхаяам̣, маа балааяи, гасмаа д̇вам̣ барид̣̇званд̇о вижарасий’’д̇и бужчид̇ваа ‘‘саами, ахам̣ маг̇г̇амуул̣хо аж̇ж̇а мз сад̇д̇амо д̣̇ивасо’’д̇и вуд̇д̇з ‘‘бхо буриса, маа бхааяи, ахам̣ д̇ам̣ мануссабат̇з табзссаамий’’д̇и д̇ам̣ ад̇д̇ано бидтияам̣ нисийд̣̇аабзд̇ваа аран̃н̃ад̇о нийхарид̇ваа нивад̇д̇и. соби баабо ‘‘наг̇арам̣ г̇анд̇ваа ран̃н̃о аарожзссаамий’’д̇и ругкасан̃н̃ам̣ баб̣б̣ад̇асан̃н̃ан̃жа гаронд̇ова нигкамид̇ваа б̣аараан̣асим̣ аг̇амааси. д̇асмим̣ гаалз ран̃н̃о ман̇г̇алахад̇т̇ий мад̇о . со бурисо рааж̇аанам̣ убасан̇гамид̇ваа махаабурисасса ад̇д̇ано д̣̇идтабхаавам̣ аарожзси. д̇зна вуд̇д̇ам̣ ‘‘д̇аваанужчаво, махаарааж̇а, г̇аж̇о васад̇и гаананз’’д̇иаад̣̇и.
So hi maggamūḷho disaṃ vavatthapetuṃ asakkonto mahantena saddena paridevi. Bodhisattopi tassa saddaṃ sutvā ‘‘ayaṃ puriso anātho, na kho panetaṃ patirūpaṃ, yaṃ esa mayi ṭhite idha vinasseyyā’’ti tassa santikaṃ gantvā taṃ bhayena palāyantaṃ disvā ‘‘ambho purisa, natthi te maṃ nissāya bhayaṃ, mā palāyi, kasmā tvaṃ paridevanto vicarasī’’ti pucchitvā ‘‘sāmi, ahaṃ maggamūḷho ajja me sattamo divaso’’ti vutte ‘‘bho purisa, mā bhāyi, ahaṃ taṃ manussapathe ṭhapessāmī’’ti taṃ attano piṭṭhiyaṃ nisīdāpetvā araññato nīharitvā nivatti. Sopi pāpo ‘‘nagaraṃ gantvā rañño ārocessāmī’’ti rukkhasaññaṃ pabbatasaññañca karontova nikkhamitvā bārāṇasiṃ agamāsi. Tasmiṃ kāle rañño maṅgalahatthī mato . So puriso rājānaṃ upasaṅkamitvā mahāpurisassa attano diṭṭhabhāvaṃ ārocesi. Tena vuttaṃ ‘‘tavānucchavo, mahārāja, gajo vasati kānane’’tiādi.
д̇ад̇т̇а д̇аваанужчавод̇и д̇ава обаваяхам̣ гаад̇ум̣ анужчавиго яуд̇д̇о. на д̇асса баригкааяад̇т̇од̇и д̇асса г̇ахан̣з г̇аманубажчзд̣̇анад̇т̇ам̣ саманд̇ад̇о кан̣ид̇аб̣б̣абаригкааяа ваа гарзн̣уяаа ган̣н̣абудзна ад̇д̇аанам̣ бадижчаад̣̇зд̇ваа кид̇д̇абаасараж̇ж̇уяаа б̣анд̇хид̇аб̣б̣ааал̣агасан̇каад̇ааалаанзна ваа яад̇т̇а бавидто гад̇т̇ажи г̇анд̇ум̣ на саггод̇и, д̇аад̣̇исаван̃жанагаасуяаа ваа ад̇т̇о баяож̇анам̣ над̇т̇и. сахаг̇ахид̇зд̇и г̇ахан̣асамагаалам̣ зва. зхид̇ийд̇и ааг̇амиссад̇и.
Tattha tavānucchavoti tava opavayhaṃ kātuṃ anucchaviko yutto. Na tassa parikkhāyatthoti tassa gahaṇe gamanupacchedanatthaṃ samantato khaṇitabbaparikkhāya vā kareṇuyā kaṇṇapuṭena attānaṃ paṭicchādetvā khittapāsarajjuyā bandhitabbaāḷakasaṅkhātaālānena vā yattha paviṭṭho katthaci gantuṃ na sakkoti, tādisavañcanakāsuyā vā attho payojanaṃ natthi. Sahagahiteti gahaṇasamakālaṃ eva. Ehitīti āgamissati.
рааж̇аа имам̣ маг̇г̇ад̣̇зсагам̣ гад̇ваа аран̃н̃ам̣ г̇анд̇ваа ‘‘иминаа вуд̇д̇ам̣ хад̇т̇инааг̇ам̣ аанзхий’’д̇и хад̇т̇аажарияам̣ саха бариваарзна бзсзси. со д̇зна сад̣̇д̇хим̣ г̇анд̇ваа б̣од̇хисад̇д̇ам̣ нал̣иним̣ бависид̇ваа г̇ожарам̣ г̇ан̣ханд̇ам̣ басси. д̇зна вуд̇д̇ам̣ –
Rājā imaṃ maggadesakaṃ katvā araññaṃ gantvā ‘‘iminā vuttaṃ hatthināgaṃ ānehī’’ti hatthācariyaṃ saha parivārena pesesi. So tena saddhiṃ gantvā bodhisattaṃ naḷiniṃ pavisitvā gocaraṃ gaṇhantaṃ passi. Tena vuttaṃ –
4.
4.
‘‘д̇асса д̇ам̣ важанам̣ суд̇ваа, рааж̇ааби д̇удтамаанасо;
‘‘Tassa taṃ vacanaṃ sutvā, rājāpi tuṭṭhamānaso;
бзсзси хад̇т̇ид̣̇амагам̣, чзгаажарияам̣ сусигкид̇ам̣.
Pesesi hatthidamakaṃ, chekācariyaṃ susikkhitaṃ.
5.
5.
‘‘г̇анд̇ваа со хад̇т̇ид̣̇амаго, ад̣̇д̣̇аса бад̣̇умассарз;
‘‘Gantvā so hatthidamako, addasa padumassare;
бхисамул̣аалам̣ уд̣̇д̇харанд̇ам̣, яаабанад̇т̇ааяа маад̇уяаа’’д̇и.
Bhisamuḷālaṃ uddharantaṃ, yāpanatthāya mātuyā’’ti.
д̇ад̇т̇а чзгаажарияанд̇и хад̇т̇иб̣анд̇ханаад̣̇ивид̇химхи гусалам̣ хад̇т̇аажарияам̣. сусигкид̇анд̇и хад̇т̇ийнам̣ сигкаабанавиж̇ж̇ааяа нидтан̇г̇аманзна судту сигкид̇ам̣.
Tattha chekācariyanti hatthibandhanādividhimhi kusalaṃ hatthācariyaṃ. Susikkhitanti hatthīnaṃ sikkhāpanavijjāya niṭṭhaṅgamanena suṭṭhu sikkhitaṃ.
6. вин̃н̃ааяа мз сийлаг̇ун̣анд̇и ‘‘бхад̣̇д̣̇о аяам̣ хад̇т̇ааж̇аанийяо на манд̣̇о, на жан̣д̣о, на вомиссасийло ваа’’д̇и мама сийлаг̇ун̣ам̣ ж̇аанид̇ваа. гат̇ам̣? лагкан̣ам̣ убад̇хаараяийд̇и сусигкид̇ахад̇т̇исиббад̇д̇аа мама лагкан̣ам̣ саманд̇ад̇о убад̇хаарзси. д̇зна со зхи буд̇д̇аад̇и вад̇ваана, мама сон̣д̣ааяа аг̇г̇ахи.
6.Viññāya me sīlaguṇanti ‘‘bhaddo ayaṃ hatthājānīyo na mando, na caṇḍo, na vomissasīlo vā’’ti mama sīlaguṇaṃ jānitvā. Kathaṃ? Lakkhaṇaṃupadhārayīti susikkhitahatthisippattā mama lakkhaṇaṃ samantato upadhāresi. Tena so ehi puttāti vatvāna, mama soṇḍāya aggahi.
7. б̣од̇хисад̇д̇о хад̇т̇аажарияам̣ д̣̇исваа – ‘‘ид̣̇ам̣ бхаяам̣ маяхам̣ зд̇асса бурисасса санд̇игаа уббаннам̣, ахам̣ ко бана махааб̣ало хад̇т̇исахассамби вид̣̇д̇хам̣сзд̇ум̣ самад̇т̇о, бахоми гуж̇жхид̇ваа сарадтагам̣ сзнаавааханам̣ наасзд̇ум̣, сажз бана гуж̇жхиссаами, сийлам̣ мз бхиж̇ж̇иссад̇и, д̇асмаа сад̇д̇ийхи годдияамааноби на гуж̇жхиссаамий’’д̇и жид̇д̇ам̣ ад̇хидтааяа сийсам̣ онаамзд̇ваа нижжалова адтааси. д̇знааха бхаг̇аваа ‘‘яам̣ мз д̇ад̣̇аа баагад̇игам̣, сарийраануг̇ад̇ам̣ б̣ала’’нд̇иаад̣̇и.
7. Bodhisatto hatthācariyaṃ disvā – ‘‘idaṃ bhayaṃ mayhaṃ etassa purisassa santikā uppannaṃ, ahaṃ kho pana mahābalo hatthisahassampi viddhaṃsetuṃ samattho, pahomi kujjhitvā saraṭṭhakaṃ senāvāhanaṃ nāsetuṃ, sace pana kujjhissāmi, sīlaṃ me bhijjissati, tasmā sattīhi koṭṭiyamānopi na kujjhissāmī’’ti cittaṃ adhiṭṭhāya sīsaṃ onāmetvā niccalova aṭṭhāsi. Tenāha bhagavā ‘‘yaṃ me tadā pākatikaṃ, sarīrānugataṃ bala’’ntiādi.
д̇ад̇т̇а баагад̇иганд̇и сабхаавасид̣̇д̇хам̣. сарийраануг̇ад̇анд̇и сарийрамзва ануг̇ад̇ам̣ гааяаб̣алам̣, на убааяагусалад̇аасан̇каад̇ан̃аан̣аануг̇ад̇анд̇и ад̇хиббааяо. аж̇ж̇а нааг̇асахассаананд̇и аж̇ж̇агаалз анзгзсам̣ хад̇т̇исахассаанам̣ самуд̣̇ид̇аанам̣. б̣алзна самасаад̣̇исанд̇и д̇зсам̣ сарийраб̣алзна самасамамзва худ̇ваа сад̣̇исам̣, на убамаамад̇д̇зна. ман̇г̇алахад̇т̇игулз хи д̇ад̣̇аа б̣од̇хисад̇д̇о уббаннод̇и.
Tattha pākatikanti sabhāvasiddhaṃ. Sarīrānugatanti sarīrameva anugataṃ kāyabalaṃ, na upāyakusalatāsaṅkhātañāṇānugatanti adhippāyo. Ajja nāgasahassānanti ajjakāle anekesaṃ hatthisahassānaṃ samuditānaṃ. Balena samasādisanti tesaṃ sarīrabalena samasamameva hutvā sadisaṃ, na upamāmattena. Maṅgalahatthikule hi tadā bodhisatto uppannoti.
8. яад̣̇ихам̣ д̇зсам̣ багуббзяяанд̇и мам̣ г̇ахан̣ааяа убаг̇ад̇аанам̣ д̇зсам̣ ахам̣ яад̣̇и гуж̇жхзяяам̣, д̇зсам̣ ж̇ийвид̇амад̣̇д̣̇анз бадиб̣ало бхавзяяам̣. на гзвалам̣ д̇зсан̃н̃зва, ат̇а ко яаава раж̇ж̇амби маанусанд̇и яад̇о раж̇ж̇ад̇о д̇зсам̣ ааг̇ад̇аанам̣ мануссаанам̣ саб̣б̣амби раж̇ж̇ам̣ бот̇зд̇ваа жун̣н̣авижун̣н̣ам̣ гарзяяам̣.
8.Yadihaṃ tesaṃ pakuppeyyanti maṃ gahaṇāya upagatānaṃ tesaṃ ahaṃ yadi kujjheyyaṃ, tesaṃ jīvitamaddane paṭibalo bhaveyyaṃ. Na kevalaṃ tesaññeva, atha kho yāva rajjampi mānusanti yato rajjato tesaṃ āgatānaṃ manussānaṃ sabbampi rajjaṃ pothetvā cuṇṇavicuṇṇaṃ kareyyaṃ.
9. аби жаахам̣ сийларагкааяаад̇и звам̣ самад̇т̇оби жа ахам̣ ад̇д̇ани бад̇идтид̇ааяа сийларагкааяа сийлаг̇уд̇д̇ияаа г̇уд̇д̇о б̣анд̇хо вияа. на гароми жид̇д̇з ан̃н̃ат̇ад̇д̇анд̇и д̇асса сийласса ан̃н̃ат̇ад̇д̇абхууд̇ам̣ д̇зсам̣ сад̇д̇аанам̣ бот̇анаад̣̇ивид̇хим̣ маяхам̣ жид̇д̇з на гароми, д̇ад̇т̇а жид̇д̇амби на уббаад̣̇зми. багкибанд̇ам̣ мамаал̣агзд̇и аалаанад̇т̇амбхз багкибанд̇ам̣, ‘‘д̣̇исваабий’’д̇и важанасзсо. гасмаад̇и жз, сийлабаарамибуурияаа ийд̣̇исзсу таанзсу сийлам̣ акан̣д̣знд̇асса мз нажирассзва сийлабаарамий барибуурзссад̇ийд̇и сийлабаарамибарибууран̣ад̇т̇ам̣ д̇асса ан̃н̃ат̇ад̇д̇ам̣ жид̇д̇з на гаромийд̇и яож̇анаа.
9.Api cāhaṃ sīlarakkhāyāti evaṃ samatthopi ca ahaṃ attani patiṭṭhitāya sīlarakkhāya sīlaguttiyā gutto bandho viya. Na karomi citte aññathattanti tassa sīlassa aññathattabhūtaṃ tesaṃ sattānaṃ pothanādividhiṃ mayhaṃ citte na karomi, tattha cittampi na uppādemi. Pakkhipantaṃ mamāḷaketi ālānatthambhe pakkhipantaṃ, ‘‘disvāpī’’ti vacanaseso. Kasmāti ce, sīlapāramipūriyā īdisesu ṭhānesu sīlaṃ akhaṇḍentassa me nacirasseva sīlapāramī paripūressatīti sīlapāramiparipūraṇatthaṃ tassa aññathattaṃ citte na karomīti yojanā.
10. ‘‘яад̣̇и д̇з ма’’нд̇и г̇аат̇ааяаби сийларагкааяа д̣̇ал̣хам̣ гад̇ваа сийласса ад̇хидтид̇абхаавамзва д̣̇ассзд̇и. д̇ад̇т̇а годдзяяунд̇и бхинд̣̇зяяум̣. сийлакан̣д̣абхаяаа мамаад̇и мама сийласса кан̣д̣анабхаязна.
10.‘‘Yadi te ma’’nti gāthāyapi sīlarakkhāya daḷhaṃ katvā sīlassa adhiṭṭhitabhāvameva dasseti. Tattha koṭṭeyyunti bhindeyyuṃ. Sīlakhaṇḍabhayā mamāti mama sīlassa khaṇḍanabhayena.
звам̣ бана жинд̇зд̇ваа б̣од̇хисад̇д̇з нижжалз тид̇з хад̇т̇аажарияо бад̣̇умасарам̣ од̇арид̇ваа д̇асса лагкан̣асамбад̇д̇им̣ д̣̇исваа ‘‘зхи буд̇д̇аа’’д̇и раж̇ад̇ад̣̇аамасад̣̇исааяа сон̣д̣ааяа г̇ахзд̇ваа сад̇д̇амз д̣̇ивасз б̣аараан̣асим̣ баабун̣и. со анд̇араамаг̇г̇з вад̇д̇амаанова ран̃н̃о саасанам̣ бзсзси. рааж̇аа наг̇арам̣ алан̇гаараабзси. хад̇т̇аажарияо б̣од̇хисад̇д̇ам̣ гад̇аг̇анд̇хабарибхан̣д̣ам̣ алан̇гад̇абадияад̇д̇ам̣ хад̇т̇исаалам̣ нзд̇ваа вижид̇расаан̣ияаа баригкибаабзд̇ваа ран̃н̃о аарожзси. рааж̇аа наанаг̇г̇арасабхож̇анам̣ аад̣̇ааяа г̇анд̇ваа б̣од̇хисад̇д̇асса д̣̇аабзси. со ‘‘маад̇арам̣ винаа г̇ожарам̣ на г̇ан̣хиссаамий’’д̇и бин̣д̣ам̣ на г̇ан̣хи. яаажид̇оби аг̇г̇ахзд̇ваа –
Evaṃ pana cintetvā bodhisatte niccale ṭhite hatthācariyo padumasaraṃ otaritvā tassa lakkhaṇasampattiṃ disvā ‘‘ehi puttā’’ti rajatadāmasadisāya soṇḍāya gahetvā sattame divase bārāṇasiṃ pāpuṇi. So antarāmagge vattamānova rañño sāsanaṃ pesesi. Rājā nagaraṃ alaṅkārāpesi. Hatthācariyo bodhisattaṃ katagandhaparibhaṇḍaṃ alaṅkatapaṭiyattaṃ hatthisālaṃ netvā vicitrasāṇiyā parikkhipāpetvā rañño ārocesi. Rājā nānaggarasabhojanaṃ ādāya gantvā bodhisattassa dāpesi. So ‘‘mātaraṃ vinā gocaraṃ na gaṇhissāmī’’ti piṇḍaṃ na gaṇhi. Yācitopi aggahetvā –
‘‘саа нуунасаа габан̣игаа, анд̇хаа абарин̣ааяигаа;
‘‘Sā nūnasā kapaṇikā, andhā apariṇāyikā;
каан̣ум̣ баад̣̇зна гхаддзд̇и, г̇ирим̣ жан̣д̣оран̣ам̣ бад̇ий’’д̇и. –
Khāṇuṃ pādena ghaṭṭeti, giriṃ caṇḍoraṇaṃ patī’’ti. –
ааха. д̇ам̣ суд̇ваа рааж̇аа –
Āha. Taṃ sutvā rājā –
‘‘гаа ну д̇з саа махаанааг̇а, анд̇хаа абарин̣ааяигаа;
‘‘Kā nu te sā mahānāga, andhā apariṇāyikā;
каан̣ум̣ баад̣̇зна гхаддзд̇и, г̇ирим̣ жан̣д̣оран̣ам̣ бад̇ий’’д̇и. – бужчид̇ваа –
Khāṇuṃ pādena ghaṭṭeti, giriṃ caṇḍoraṇaṃ patī’’ti. – pucchitvā –
‘‘маад̇аа мз саа махаарааж̇а, анд̇хаа абарин̣ааяигаа;
‘‘Mātā me sā mahārāja, andhā apariṇāyikā;
каан̣ум̣ баад̣̇зна гхаддзд̇и, г̇ирим̣ жан̣д̣оран̣ам̣ бад̇ий’’д̇и. –
Khāṇuṃ pādena ghaṭṭeti, giriṃ caṇḍoraṇaṃ patī’’ti. –
вуд̇д̇з аж̇ж̇а сад̇д̇амо д̣̇ивасо ‘‘маад̇аа мз г̇ожарам̣ на лабхид̇т̇аа’’д̇и вад̣̇ад̇о имасса г̇ожарам̣ аг̇ан̣ханд̇асса. д̇асмаа –
Vutte ajja sattamo divaso ‘‘mātā me gocaraṃ na labhitthā’’ti vadato imassa gocaraṃ agaṇhantassa. Tasmā –
‘‘мун̃жат̇зд̇ам̣ махаанааг̇ам̣, яояам̣ бхарад̇и маад̇арам̣;
‘‘Muñcathetaṃ mahānāgaṃ, yoyaṃ bharati mātaraṃ;
самзд̇у маад̇араа нааг̇о, саха саб̣б̣зхи н̃аад̇ибхий’’д̇и. – вад̇ваа мун̃жаабзси –
Sametu mātarā nāgo, saha sabbehi ñātibhī’’ti. – vatvā muñcāpesi –
‘‘муд̇д̇о жа б̣анд̇ханаа нааг̇о, муд̇д̇ад̣̇аамааяа гун̃ж̇аро;
‘‘Mutto ca bandhanā nāgo, muttadāmāya kuñjaro;
мухуд̇д̇ам̣ ассаасаяид̇ваа, аг̇амаа язна баб̣б̣ад̇о’’д̇и.
Muhuttaṃ assāsayitvā, agamā yena pabbato’’ti.
д̇ад̇т̇а габан̣игаад̇и вараагаа. каан̣ум̣ баад̣̇зна гхаддзд̇ийд̇и анд̇хад̇ааяа буд̇д̇авияог̇ад̣̇угкзна жа барид̣̇звамаанаа д̇ад̇т̇а д̇ад̇т̇а ругкагал̣ин̇г̇арз баад̣̇зна гхаддзд̇и. жан̣д̣оран̣ам̣ бад̇ийд̇и жан̣д̣оран̣абаб̣б̣ад̇аабхимукий, д̇асмим̣ баб̣б̣ад̇абаад̣̇з бариб̣бхамамаанаад̇и ад̇т̇о. аг̇амаа язна баб̣б̣ад̇од̇и со хад̇т̇инааг̇о б̣анд̇ханаа муд̇д̇о т̇огам̣ виссамид̇ваа ран̃н̃о д̣̇асарааж̇ад̇хаммаг̇аат̇аахи д̇хаммам̣ д̣̇зсзд̇ваа ‘‘аббамад̇д̇о хохи, махаарааж̇аа’’д̇и оваад̣̇ам̣ д̣̇ад̇ваа махааж̇анзна г̇анд̇хамаалаад̣̇ийхи бууж̇ияамаано наг̇араа нигкамид̇ваа д̇ад̣̇ахзва маад̇араа самааг̇анд̇ваа саб̣б̣ам̣ бавад̇д̇им̣ аажигки. саа д̇удтамаанасаа –
Tattha kapaṇikāti varākā. Khāṇuṃ pādena ghaṭṭetīti andhatāya puttaviyogadukkhena ca paridevamānā tattha tattha rukkhakaḷiṅgare pādena ghaṭṭeti. Caṇḍoraṇaṃ patīti caṇḍoraṇapabbatābhimukhī, tasmiṃ pabbatapāde paribbhamamānāti attho. Agamā yena pabbatoti so hatthināgo bandhanā mutto thokaṃ vissamitvā rañño dasarājadhammagāthāhi dhammaṃ desetvā ‘‘appamatto hohi, mahārājā’’ti ovādaṃ datvā mahājanena gandhamālādīhi pūjiyamāno nagarā nikkhamitvā tadaheva mātarā samāgantvā sabbaṃ pavattiṃ ācikkhi. Sā tuṭṭhamānasā –
‘‘жирам̣ ж̇ийвад̇у со рааж̇аа, гаасийнам̣ радтавад̣дхано;
‘‘Ciraṃ jīvatu so rājā, kāsīnaṃ raṭṭhavaḍḍhano;
яо мз буд̇д̇ам̣ баможзси, сад̣̇аа вуд̣̇д̇хаабажааяига’’нд̇и. (ж̇аа. 1.11.12) –
Yo me puttaṃ pamocesi, sadā vuddhāpacāyika’’nti. (jā. 1.11.12) –
ран̃н̃о анумод̣̇анам̣ агааси. рааж̇аа б̣од̇хисад̇д̇асса г̇ун̣з басийд̣̇ид̇ваа нал̣инияаа авид̣̇уурз г̇аамам̣ маабзд̇ваа б̣од̇хисад̇д̇асса маад̇у жасса ниб̣ад̣̇д̇хам̣ вад̇д̇ам̣ бадтабзси . абарабхааг̇з б̣од̇хисад̇д̇о маад̇ари мад̇ааяа д̇ассаа сарийрабарихаарам̣ гад̇ваа гуран̣д̣агаассамабад̣̇ам̣ наама г̇ад̇о. д̇асмим̣ бана таанз химаванд̇ад̇о од̇арид̇ваа бан̃жасад̇аа исаяо васим̣су. д̇ам̣ вад̇д̇ам̣ д̇зсам̣ д̣̇ад̇ваа рааж̇аа б̣од̇хисад̇д̇асса самаанаруубам̣ силаабадимам̣ гаарзд̇ваа махаасаггаарам̣ бавад̇д̇зси. ж̇амб̣уд̣̇ийбаваасино анусам̣важчарам̣ саннибад̇ид̇ваа хад̇т̇имахам̣ наама гарим̣су.
Rañño anumodanaṃ akāsi. Rājā bodhisattassa guṇe pasīditvā naḷiniyā avidūre gāmaṃ māpetvā bodhisattassa mātu cassa nibaddhaṃ vattaṃ paṭṭhapesi . Aparabhāge bodhisatto mātari matāya tassā sarīraparihāraṃ katvā kuraṇḍakaassamapadaṃ nāma gato. Tasmiṃ pana ṭhāne himavantato otaritvā pañcasatā isayo vasiṃsu. Taṃ vattaṃ tesaṃ datvā rājā bodhisattassa samānarūpaṃ silāpaṭimaṃ kāretvā mahāsakkāraṃ pavattesi. Jambudīpavāsino anusaṃvaccharaṃ sannipatitvā hatthimahaṃ nāma kariṃsu.
д̇ад̣̇аа рааж̇аа аананд̣̇о ахоси, хад̇т̇иний махаамааяаа, ванажараго д̣̇звад̣̇ад̇д̇о, маад̇убосагахад̇т̇инааг̇о логанаат̇о.
Tadā rājā ānando ahosi, hatthinī mahāmāyā, vanacarako devadatto, mātuposakahatthināgo lokanātho.
ид̇хааби д̣̇аанабаарамиаад̣̇аяо яат̇аарахам̣ нид̣̇д̇хаарзд̇аб̣б̣аа. сийлабаарамий бана ад̇исаяавад̇ийд̇и саа зва д̣̇зсанам̣ ааснл̣ахаа. д̇ат̇аа д̇иражчаанаяонияам̣ уббанноби б̣рахмабуб̣б̣ад̣̇звабуб̣б̣аажарияааахунзяяаад̣̇ибхаавзна саб̣б̣ан̃н̃уб̣уд̣̇д̇хзнаби басад̇т̇абхааваануруубам̣ маад̇уяаа г̇аружид̇д̇ам̣ убадтабзд̇ваа ‘‘маад̇аа наамзсаа буд̇д̇асса б̣ахуубагаараа, д̇асмаа маад̇убадтаанам̣ наама бан̣д̣ид̇зна бан̃н̃ад̇д̇а’’нд̇и манаси гад̇ваа анзгзсам̣ хад̇т̇исахассаанам̣ иссараад̇хибад̇и махаанубхааво яуут̇абад̇и худ̇ваа д̇зхи анувад̇д̇ияамаано згагавихаарз анд̇арааяам̣ аг̇ан̣зд̇ваа яуут̇ам̣ бахааяа згаго худ̇ваа убагаарикзд̇д̇ам̣ бууж̇зссаамийд̇и маад̇убосанам̣, маг̇г̇амуул̣хабурисам̣ д̣̇исваа анугамбааяа д̇ам̣ г̇ахзд̇ваа мануссаг̇ожарасамбаабанам̣, д̇зна жа гад̇аабараад̇хасаханам̣ , хад̇т̇аажарияаббамукаанам̣ ад̇д̇аанам̣ б̣анд̇хид̇ум̣ ааг̇ад̇абурисаанам̣ самад̇т̇оби самаано санд̇аасанамад̇д̇знаби д̇зсам̣ бийл̣анаа бхависсад̇и, маяхан̃жа сийласса кан̣д̣аад̣̇ибхаавод̇и д̇ат̇аа агад̇ваа суд̣̇анд̇зна обаваяхо вияа сукзнзва г̇ахан̣уубаг̇аманам̣, маад̇арам̣ винаа на ган̃жи аж̇жхохариссаамийд̇и сад̇д̇аахамби анаахаарад̇аа, иминаабаахам̣ б̣анд̇хаабид̇од̇и жид̇д̇ам̣ ануббаад̣̇зд̇ваа рааж̇аанам̣ мзд̇д̇ааяа паран̣ам̣, д̇асса жа наанаанаязхи д̇хаммад̣̇зсанаад̇и звамаад̣̇аяо ид̇ха махаабурисасса г̇ун̣аанубхааваа вибхаавзд̇аб̣б̣аа. д̇зна вуд̇д̇ам̣ – ‘‘звам̣ ажчарияаа зд̇з, аб̣бхуд̇аа жа махзсино…бз… д̇хаммасса ануд̇хаммад̇о’’д̇и.
Idhāpi dānapāramiādayo yathārahaṃ niddhāretabbā. Sīlapāramī pana atisayavatīti sā eva desanaṃ āsnḷahā. Tathā tiracchānayoniyaṃ uppannopi brahmapubbadevapubbācariyaāhuneyyādibhāvena sabbaññubuddhenapi pasatthabhāvānurūpaṃ mātuyā garucittaṃ upaṭṭhapetvā ‘‘mātā nāmesā puttassa bahūpakārā, tasmā mātupaṭṭhānaṃ nāma paṇḍitena paññatta’’nti manasi katvā anekesaṃ hatthisahassānaṃ issarādhipati mahānubhāvo yūthapati hutvā tehi anuvattiyamāno ekakavihāre antarāyaṃ agaṇetvā yūthaṃ pahāya ekako hutvā upakārikhettaṃ pūjessāmīti mātuposanaṃ, maggamūḷhapurisaṃ disvā anukampāya taṃ gahetvā manussagocarasampāpanaṃ, tena ca katāparādhasahanaṃ , hatthācariyappamukhānaṃ attānaṃ bandhituṃ āgatapurisānaṃ samatthopi samāno santāsanamattenapi tesaṃ pīḷanā bhavissati, mayhañca sīlassa khaṇḍādibhāvoti tathā akatvā sudantena opavayho viya sukheneva gahaṇūpagamanaṃ, mātaraṃ vinā na kañci ajjhoharissāmīti sattāhampi anāhāratā, imināpāhaṃ bandhāpitoti cittaṃ anuppādetvā rājānaṃ mettāya pharaṇaṃ, tassa ca nānānayehi dhammadesanāti evamādayo idha mahāpurisassa guṇānubhāvā vibhāvetabbā. Tena vuttaṃ – ‘‘evaṃ acchariyā ete, abbhutā ca mahesino…pe… dhammassa anudhammato’’ti.
маад̇убосагажарияааван̣н̣анаа нидтид̇аа.
Mātuposakacariyāvaṇṇanā niṭṭhitā.
Related texts:
д̇ибидага (муула) • Tipiṭaka (Mūla) / суд̇д̇абидага • Suttapiṭaka / куд̣̇д̣̇аганигааяа • Khuddakanikāya / жарияаабидагабаал̣и • Cariyāpiṭakapāḷi / 1. маад̇убосагажарияаа • 1. Mātuposakacariyā
