| Library / Tipiṭaka / තිපිටක • Tipiṭaka / ජාතකපාළි • Jātakapāḷi |
399. මාතුපොසකගිජ්‌ඣජාතකං (7-1-4)
399. Mātuposakagijjhajātakaṃ (7-1-4)
22.
22.
තෙ කථං නු කරිස්‌සන්‌ති, වුද්‌ධා ගිරිදරීසයා;
Te kathaṃ nu karissanti, vuddhā giridarīsayā;
අහං බද්‌ධොස්‌මි පාසෙන, නිලීයස්‌ස වසං ගතො.
Ahaṃ baddhosmi pāsena, nilīyassa vasaṃ gato.
23.
23.
කිං ගිජ්‌ඣ පරිදෙවසි, කා නු තෙ පරිදෙවනා;
Kiṃ gijjha paridevasi, kā nu te paridevanā;
න මෙ සුතො වා දිට්‌ඨො වා, භාසන්‌තො මානුසිං දිජො.
Na me suto vā diṭṭho vā, bhāsanto mānusiṃ dijo.
24.
24.
භරාමි මාතාපිතරො, වුද්‌ධෙ ගිරිදරීසයෙ;
Bharāmi mātāpitaro, vuddhe giridarīsaye;
තෙ කථං නු කරිස්‌සන්‌ති, අහං වසං ගතො තව.
Te kathaṃ nu karissanti, ahaṃ vasaṃ gato tava.
25.
25.
යං නු ගිජ්‌ඣො යොජනසතං, කුණපානි අවෙක්‌ඛති;
Yaṃ nu gijjho yojanasataṃ, kuṇapāni avekkhati;
කස්‌මා ජාලඤ්‌ච පාසඤ්‌ච, ආසජ්‌ජාපි න බුජ්‌ඣසි.
Kasmā jālañca pāsañca, āsajjāpi na bujjhasi.
26.
26.
යදා පරාභවො හොති, පොසො ජීවිතසඞ්‌ඛයෙ;
Yadā parābhavo hoti, poso jīvitasaṅkhaye;
අථ ජාලඤ්‌ච පාසඤ්‌ච, ආසජ්‌ජාපි න බුජ්‌ඣති.
Atha jālañca pāsañca, āsajjāpi na bujjhati.
27.
27.
භරස්‌සු මාතාපිතරො, වුද්‌ධෙ ගිරිදරීසයෙ;
Bharassu mātāpitaro, vuddhe giridarīsaye;
මයා ත්‌වං සමනුඤ්‌ඤාතො, සොත්‌ථිං පස්‌සාහි ඤාතකෙ.
Mayā tvaṃ samanuññāto, sotthiṃ passāhi ñātake.
28.
28.
එවං ලුද්‌දක නන්‌දස්‌සු, සහ සබ්‌බෙහි ඤාතිභි;
Evaṃ luddaka nandassu, saha sabbehi ñātibhi;
භරිස්‌සං මාතාපිතරො, වුද්‌ධෙ ගිරිදරීසයෙති.
Bharissaṃ mātāpitaro, vuddhe giridarīsayeti.
මාතුපොසකගිජ්‌ඣජාතකං චතුත්‌ථං.
Mātuposakagijjhajātakaṃ catutthaṃ.
Related texts:
අට්‌ඨකථා • Aṭṭhakathā / සුත්‌තපිටක (අට්‌ඨකථා) • Suttapiṭaka (aṭṭhakathā) / ඛුද්‌දකනිකාය (අට්‌ඨකථා) • Khuddakanikāya (aṭṭhakathā) / ජාතක-අට්‌ඨකථා • Jātaka-aṭṭhakathā / [399] 4. මාතුපොසකගිජ්‌ඣජාතකවණ්‌ණනා • [399] 4. Mātuposakagijjhajātakavaṇṇanā
