| Library / Tipiṭaka / д̇ибидага • Tipiṭaka / ж̇аад̇ага-адтагат̇аа • Jātaka-aṭṭhakathā |
[399] 4. маад̇убосагаг̇иж̇жхаж̇аад̇агаван̣н̣анаа
[399] 4. Mātuposakagijjhajātakavaṇṇanā
д̇з гат̇ам̣ ну гариссанд̇ийд̇и ид̣̇ам̣ сад̇т̇аа ж̇зд̇аванз вихаранд̇о згам̣ маад̇убосагабхигкум̣ аараб̣бха гат̇зси. вад̇т̇у саамаж̇аад̇агз (ж̇аа. 2.22.296 аад̣̇аяо) аави бхависсад̇и.
Te kathaṃ nu karissantīti idaṃ satthā jetavane viharanto ekaṃ mātuposakabhikkhuṃ ārabbha kathesi. Vatthu sāmajātake (jā. 2.22.296 ādayo) āvi bhavissati.
ад̇ийд̇з б̣аараан̣асияам̣ б̣рахмад̣̇ад̇д̇з раж̇ж̇ам̣ гаарзнд̇з б̣од̇хисад̇д̇о г̇иж̇жхаяонияам̣ ниб̣б̣ад̇д̇ид̇ваа ваяаббад̇д̇о вуд̣̇д̇хз барихийнажагкугз маад̇аабид̇аро г̇иж̇жхаг̇ухааяам̣ табзд̇ваа г̇омам̣саад̣̇ийни аахарид̇ваа босзси. д̇асмим̣ гаалз б̣аараан̣асияам̣ сусаанз зго нзсаад̣̇о анияамзд̇ваа г̇иж̇жхаанам̣ баасз од̣д̣зси. ат̇згад̣̇ивасам̣ б̣од̇хисад̇д̇о г̇омам̣саад̣̇им̣ бариязсанд̇о сусаанам̣ бавидто баад̣̇зна баасз б̣аж̇жхид̇ваа ад̇д̇ано на жинд̇зси, вуд̣̇д̇хз барихийнажагкугз маад̇аабид̇аро ануссарид̇ваа ‘‘гат̇ам̣ ну ко мз маад̇аабид̇аро яаабзссанд̇и, мама б̣ад̣̇д̇хабхаавамби аж̇аананд̇аа анаат̇аа ниббажжаяаа баб̣б̣ад̇аг̇ухааяамзва суссид̇ваа мариссанд̇и ман̃н̃з’’д̇и вилабанд̇о батамам̣ г̇аат̇амааха –
Atīte bārāṇasiyaṃ brahmadatte rajjaṃ kārente bodhisatto gijjhayoniyaṃ nibbattitvā vayappatto vuddhe parihīnacakkhuke mātāpitaro gijjhaguhāyaṃ ṭhapetvā gomaṃsādīni āharitvā posesi. Tasmiṃ kāle bārāṇasiyaṃ susāne eko nesādo aniyametvā gijjhānaṃ pāse oḍḍesi. Athekadivasaṃ bodhisatto gomaṃsādiṃ pariyesanto susānaṃ paviṭṭho pādena pāse bajjhitvā attano na cintesi, vuddhe parihīnacakkhuke mātāpitaro anussaritvā ‘‘kathaṃ nu kho me mātāpitaro yāpessanti, mama baddhabhāvampi ajānantā anāthā nippaccayā pabbataguhāyameva sussitvā marissanti maññe’’ti vilapanto paṭhamaṃ gāthamāha –
22.
22.
‘‘д̇з гат̇ам̣ ну гариссанд̇и, вуд̣̇д̇хаа г̇ирид̣̇арийсаяаа;
‘‘Te kathaṃ nu karissanti, vuddhā giridarīsayā;
ахам̣ б̣ад̣̇д̇хосми баасзна, нилийяасса васам̣ г̇ад̇о’’д̇и.
Ahaṃ baddhosmi pāsena, nilīyassa vasaṃ gato’’ti.
д̇ад̇т̇а нилийяассаад̇и звам̣наамагасса нзсаад̣̇абуд̇д̇асса.
Tattha nilīyassāti evaṃnāmakassa nesādaputtassa.
ат̇а нзсаад̣̇абуд̇д̇о г̇иж̇жхарааж̇асса барид̣̇звид̇асад̣̇д̣̇ам̣ суд̇ваа д̣̇уд̇ияам̣ г̇аат̇амааха –
Atha nesādaputto gijjharājassa paridevitasaddaṃ sutvā dutiyaṃ gāthamāha –
23.
23.
‘‘гим̣ г̇иж̇жха барид̣̇зваси, гаа ну д̇з барид̣̇званаа;
‘‘Kiṃ gijjha paridevasi, kā nu te paridevanā;
на мз суд̇о ваа д̣̇идто ваа, бхаасанд̇о маанусим̣ д̣̇иж̇о’’д̇и.
Na me suto vā diṭṭho vā, bhāsanto mānusiṃ dijo’’ti.
г̇иж̇жхо ааха –
Gijjho āha –
24.
24.
‘‘бхараами маад̇аабид̇аро, вуд̣̇д̇хз г̇ирид̣̇арийсаяз;
‘‘Bharāmi mātāpitaro, vuddhe giridarīsaye;
д̇з гат̇ам̣ ну гариссанд̇и, ахам̣ васам̣ г̇ад̇о д̇аваа’’д̇и.
Te kathaṃ nu karissanti, ahaṃ vasaṃ gato tavā’’ti.
нзсаад̣̇о ааха –
Nesādo āha –
25.
25.
‘‘яам̣ ну г̇иж̇жхо яож̇анасад̇ам̣, гун̣абаани авзгкад̇и;
‘‘Yaṃ nu gijjho yojanasataṃ, kuṇapāni avekkhati;
гасмаа ж̇аалан̃жа баасан̃жа, аасаж̇ж̇ааби на б̣уж̇жхасий’’д̇и.
Kasmā jālañca pāsañca, āsajjāpi na bujjhasī’’ti.
г̇иж̇жхарааж̇аа ааха –
Gijjharājā āha –
26.
26.
‘‘яад̣̇аа бараабхаво ход̇и, босо ж̇ийвид̇асан̇каяз;
‘‘Yadā parābhavo hoti, poso jīvitasaṅkhaye;
ат̇а ж̇аалан̃жа баасан̃жа, аасаж̇ж̇ааби на б̣уж̇жхад̇ий’’д̇и.
Atha jālañca pāsañca, āsajjāpi na bujjhatī’’ti.
27.
27.
‘‘бхарассу маад̇аабид̇аро, вуд̣̇д̇хз г̇ирид̣̇арийсаяз;
‘‘Bharassu mātāpitaro, vuddhe giridarīsaye;
маяаа д̇вам̣ саманун̃н̃аад̇о, сод̇т̇им̣ бассаахи н̃аад̇агз.
Mayā tvaṃ samanuññāto, sotthiṃ passāhi ñātake.
28.
28.
‘‘звам̣ луд̣̇д̣̇ага нанд̣̇ассу, саха саб̣б̣зхи н̃аад̇ибхи;
‘‘Evaṃ luddaka nandassu, saha sabbehi ñātibhi;
бхариссам̣ маад̇аабид̇аро, вуд̣̇д̇хз г̇ирид̣̇арийсаяз’’д̇и. –
Bharissaṃ mātāpitaro, vuddhe giridarīsaye’’ti. –
нзсаад̣̇абуд̇д̇зна д̣̇уд̇ияаа, г̇иж̇жхзна д̇ад̇ияаад̇и имаа г̇аат̇аа бадибаадияаа вуд̇д̇аа.
Nesādaputtena dutiyā, gijjhena tatiyāti imā gāthā paṭipāṭiyā vuttā.
д̇ад̇т̇а яам̣ нууд̇и яам̣ ну зд̇ам̣ логз гат̇ийяад̇и. г̇иж̇жхо яож̇анасад̇ам̣, гун̣абаани авзгкад̇ийд̇и яож̇анасад̇ам̣ ад̇иггамма тид̇ааниби гун̣абаани бассад̇и, д̇ам̣ яад̣̇и д̇ат̇ам̣, ат̇а гасмаа д̇вам̣ имам̣ ж̇аалан̃жа баасан̃жа аасаж̇ж̇ааби на б̣уж̇жхаси, санд̇игам̣ ааг̇анд̇вааби на ж̇аанаасийд̇и.
Tattha yaṃ nūti yaṃ nu etaṃ loke kathīyati. Gijjho yojanasataṃ, kuṇapāni avekkhatīti yojanasataṃ atikkamma ṭhitānipi kuṇapāni passati, taṃ yadi tathaṃ, atha kasmā tvaṃ imaṃ jālañca pāsañca āsajjāpi na bujjhasi, santikaṃ āgantvāpi na jānāsīti.
бараабхавод̇и винаасо. бхарассууд̇и ид̣̇ам̣ со б̣од̇хисад̇д̇асса д̇хаммагат̇ам̣ суд̇ваа ‘‘бан̣д̣ид̇о г̇иж̇жхарааж̇аа барид̣̇званд̇о на ад̇д̇ано барид̣̇звад̇и, маад̇аабид̇уунам̣ барид̣̇звад̇и, нааяам̣ маарзд̇ум̣ яуд̇д̇о’’д̇и д̇уссид̇ваа ааха, вад̇ваа жа бана бияажид̇д̇зна муд̣̇ужид̇д̇зна баасам̣ можзси.
Parābhavoti vināso. Bharassūti idaṃ so bodhisattassa dhammakathaṃ sutvā ‘‘paṇḍito gijjharājā paridevanto na attano paridevati, mātāpitūnaṃ paridevati, nāyaṃ māretuṃ yutto’’ti tussitvā āha, vatvā ca pana piyacittena muducittena pāsaṃ mocesi.
ат̇асса б̣од̇хисад̇д̇о маран̣амукаа бамуд̇д̇о сукид̇о анумод̣̇анам̣ гаронд̇о осаанаг̇аат̇ам̣ вад̇ваа мукабуурам̣ мам̣сам̣ аад̣̇ааяа маад̇аабид̇уунам̣ ад̣̇ааси.
Athassa bodhisatto maraṇamukhā pamutto sukhito anumodanaṃ karonto osānagāthaṃ vatvā mukhapūraṃ maṃsaṃ ādāya mātāpitūnaṃ adāsi.
сад̇т̇аа имам̣ д̇хаммад̣̇зсанам̣ аахарид̇ваа сажжаани багаасзд̇ваа ж̇аад̇агам̣ самод̇хаанзси, сажжабарияосаанз маад̇убосагабхигку сод̇аабад̇д̇ипалз бад̇идтахи .
Satthā imaṃ dhammadesanaṃ āharitvā saccāni pakāsetvā jātakaṃ samodhānesi, saccapariyosāne mātuposakabhikkhu sotāpattiphale patiṭṭhahi .
д̇ад̣̇аа нзсаад̣̇абуд̇д̇о чанно ахоси, маад̇аабид̇аро махаарааж̇агулаани, г̇иж̇жхарааж̇аа бана ахамзва ахосинд̇и.
Tadā nesādaputto channo ahosi, mātāpitaro mahārājakulāni, gijjharājā pana ahameva ahosinti.
маад̇убосагаг̇иж̇жхаж̇аад̇агаван̣н̣анаа жад̇уд̇т̇аа.
Mātuposakagijjhajātakavaṇṇanā catutthā.
Related texts:
д̇ибидага (муула) • Tipiṭaka (Mūla) / суд̇д̇абидага • Suttapiṭaka / куд̣̇д̣̇аганигааяа • Khuddakanikāya / ж̇аад̇агабаал̣и • Jātakapāḷi / 399. маад̇убосагаг̇иж̇жхаж̇аад̇агам̣ • 399. Mātuposakagijjhajātakaṃ
