| Library / Tipiṭaka / д̇ибидага • Tipiṭaka / ж̇аад̇ага-адтагат̇аа • Jātaka-aṭṭhakathā |
11. згаад̣̇асаганибаад̇о
11. Ekādasakanipāto
[455] 1. маад̇убосагаж̇аад̇агаван̣н̣анаа
[455] 1. Mātuposakajātakavaṇṇanā
д̇асса нааг̇асса виббаваасзнаад̇и ид̣̇ам̣ сад̇т̇аа ж̇зд̇аванз вихаранд̇о маад̇убосагабхигкум̣ аараб̣бха гат̇зси. бажжуббаннавад̇т̇у саамаж̇аад̇агавад̇т̇усад̣̇исамзва. сад̇т̇аа бана бхигкуу ааманд̇зд̇ваа ‘‘маа бхигкавз, зд̇ам̣ бхигкум̣ уж̇жхааяид̇т̇а, бораан̣агабан̣д̣ид̇аа д̇иражчаанаяонияам̣ ниб̣б̣ад̇д̇ааби маад̇араа вияуд̇д̇аа сад̇д̇аахам̣ нираахаарад̇ааяа суссамаанаа рааж̇аарахам̣ бхож̇анам̣ лабхид̇вааби ‘маад̇араа винаа на бхун̃ж̇иссаамаа’д̇и маад̇арам̣ д̣̇исваава г̇ожарам̣ г̇ан̣хим̣суу’’д̇и вад̇ваа д̇зхи яаажид̇о ад̇ийд̇амаахари.
Tassanāgassa vippavāsenāti idaṃ satthā jetavane viharanto mātuposakabhikkhuṃ ārabbha kathesi. Paccuppannavatthu sāmajātakavatthusadisameva. Satthā pana bhikkhū āmantetvā ‘‘mā bhikkhave, etaṃ bhikkhuṃ ujjhāyittha, porāṇakapaṇḍitā tiracchānayoniyaṃ nibbattāpi mātarā viyuttā sattāhaṃ nirāhāratāya sussamānā rājārahaṃ bhojanaṃ labhitvāpi ‘mātarā vinā na bhuñjissāmā’ti mātaraṃ disvāva gocaraṃ gaṇhiṃsū’’ti vatvā tehi yācito atītamāhari.
ад̇ийд̇з б̣аараан̣асияам̣ б̣рахмад̣̇ад̇д̇з раж̇ж̇ам̣ гаарзнд̇з б̣од̇хисад̇д̇о химаванд̇абад̣̇зсз хад̇т̇ияонияам̣ ниб̣б̣ад̇д̇ид̇ваа саб̣б̣асзд̇о ахоси абхируубо д̣̇ассанийяо баасаад̣̇иго лагкан̣асамбанно асийд̇ихад̇т̇исахассабаривааро. со ж̇арааж̇ин̣н̣ам̣ маад̇арам̣ босзси, маад̇аа банасса анд̇хаа. со мад̇хурамад̇хураани палаапалаани хад̇т̇ийнам̣ д̣̇ад̇ваа маад̇у санд̇игам̣ бзсзси. хад̇т̇ий д̇ассаа ад̣̇ад̇ваа ад̇д̇анаава каад̣̇анд̇и. со бариг̇г̇ан̣ханд̇о д̇ам̣ бавад̇д̇им̣ н̃ад̇ваа ‘‘яуут̇ам̣ чад̣д̣зд̇ваа маад̇арамзва босзссаамий’’д̇и рад̇д̇ибхааг̇з ан̃н̃зсам̣ хад̇т̇ийнам̣ аж̇аананд̇аанам̣ маад̇арам̣ г̇ахзд̇ваа жан̣д̣оран̣абаб̣б̣ад̇абаад̣̇ам̣ г̇анд̇ваа згам̣ нал̣иним̣ убаниссааяа тид̇ааяа баб̣б̣ад̇аг̇ухааяам̣ маад̇арам̣ табзд̇ваа босзси. ат̇зго б̣аараан̣асиваасий ванажараго маг̇г̇амуул̣хо д̣̇исам̣ вавад̇т̇абзд̇ум̣ асаггонд̇о маханд̇зна сад̣̇д̣̇зна барид̣̇зви. б̣од̇хисад̇д̇о д̇асса сад̣̇д̣̇ам̣ суд̇ваа ‘‘аяам̣ бурисо анаат̇о, на ко бана мзд̇ам̣ бад̇ируубам̣, яам̣ зса маяи тид̇з ид̇ха винассзяяаа’’д̇и д̇асса санд̇игам̣ г̇анд̇ваа д̇ам̣ бхаязна балааяанд̇ам̣ д̣̇исваа ‘‘амбхо буриса, над̇т̇и д̇з мам̣ ниссааяа бхаяам̣, маа балааяи, гасмаа д̇вам̣ барид̣̇званд̇о вижарасий’’д̇и бужчид̇ваа ‘‘саами, ахам̣ маг̇г̇амуул̣хо, аж̇ж̇а мз сад̇д̇амо д̣̇ивасо’’д̇и вуд̇д̇з ‘‘бхо буриса, маа бхааяи, ахам̣ д̇ам̣ мануссабат̇з табзссаамий’’д̇и д̇ам̣ ад̇д̇ано бидтияам̣ нисийд̣̇аабзд̇ваа аран̃н̃аа нийхарид̇ваа нивад̇д̇и. соби баабо ‘‘наг̇арам̣ г̇анд̇ваа ран̃н̃о аарожзссаамий’’д̇и ругкасан̃н̃ам̣ баб̣б̣ад̇асан̃н̃ам̣ гаронд̇ова нигкамид̇ваа б̣аараан̣асим̣ аг̇амааси.
Atīte bārāṇasiyaṃ brahmadatte rajjaṃ kārente bodhisatto himavantapadese hatthiyoniyaṃ nibbattitvā sabbaseto ahosi abhirūpo dassanīyo pāsādiko lakkhaṇasampanno asītihatthisahassaparivāro. So jarājiṇṇaṃ mātaraṃ posesi, mātā panassa andhā. So madhuramadhurāni phalāphalāni hatthīnaṃ datvā mātu santikaṃ pesesi. Hatthī tassā adatvā attanāva khādanti. So pariggaṇhanto taṃ pavattiṃ ñatvā ‘‘yūthaṃ chaḍḍetvā mātarameva posessāmī’’ti rattibhāge aññesaṃ hatthīnaṃ ajānantānaṃ mātaraṃ gahetvā caṇḍoraṇapabbatapādaṃ gantvā ekaṃ naḷiniṃ upanissāya ṭhitāya pabbataguhāyaṃ mātaraṃ ṭhapetvā posesi. Atheko bārāṇasivāsī vanacarako maggamūḷho disaṃ vavatthapetuṃ asakkonto mahantena saddena paridevi. Bodhisatto tassa saddaṃ sutvā ‘‘ayaṃ puriso anātho, na kho pana metaṃ patirūpaṃ, yaṃ esa mayi ṭhite idha vinasseyyā’’ti tassa santikaṃ gantvā taṃ bhayena palāyantaṃ disvā ‘‘ambho purisa, natthi te maṃ nissāya bhayaṃ, mā palāyi, kasmā tvaṃ paridevanto vicarasī’’ti pucchitvā ‘‘sāmi, ahaṃ maggamūḷho, ajja me sattamo divaso’’ti vutte ‘‘bho purisa, mā bhāyi, ahaṃ taṃ manussapathe ṭhapessāmī’’ti taṃ attano piṭṭhiyaṃ nisīdāpetvā araññā nīharitvā nivatti. Sopi pāpo ‘‘nagaraṃ gantvā rañño ārocessāmī’’ti rukkhasaññaṃ pabbatasaññaṃ karontova nikkhamitvā bārāṇasiṃ agamāsi.
д̇асмим̣ гаалз ран̃н̃о ман̇г̇алахад̇т̇ий гааламагааси. рааж̇аа ‘‘сажз гзнажи гад̇т̇ажи обаваяхам̣ гаад̇ум̣ яуд̇д̇аруубо хад̇т̇ий д̣̇идто ад̇т̇и, со аажигкад̇уу’’д̇и бхзрим̣ жараабзси. со бурисо рааж̇аанам̣ убасан̇гамид̇ваа ‘‘маяаа, д̣̇зва, д̇умхаагам̣ обаваяхо бхавид̇ум̣ яуд̇д̇аруубо саб̣б̣асзд̇о сийлаваа хад̇т̇ирааж̇аа д̣̇идто, ахам̣ маг̇г̇ам̣ д̣̇ассзссаами, маяаа сад̣̇д̇хим̣ хад̇т̇аажарияз бзсзд̇ваа д̇ам̣ г̇ан̣хаабзт̇аа’’д̇и ааха. рааж̇аа ‘‘саад̇хуу’’д̇и ‘‘имам̣ маг̇г̇ад̣̇зсагам̣ гад̇ваа аран̃н̃ам̣ г̇анд̇ваа иминаа вуд̇д̇ам̣ хад̇т̇инааг̇ам̣ аанзт̇аа’’д̇и д̇зна сад̣̇д̇хим̣ маханд̇зна бариваарзна хад̇т̇аажарияам̣ бзсзси. со д̇зна сад̣̇д̇хим̣ г̇анд̇ваа б̣од̇хисад̇д̇ам̣ нал̣иним̣ бависид̇ваа г̇ожарам̣ г̇ан̣ханд̇ам̣ басси. б̣од̇хисад̇д̇оби хад̇т̇аажарияам̣ д̣̇исваа ‘‘ид̣̇ам̣ бхаяам̣ на ан̃н̃ад̇о уббаннам̣, д̇асса бурисасса санд̇игаа уббаннам̣ бхависсад̇и, ахам̣ ко бана махааб̣ало хад̇т̇исахассамби вид̣̇д̇хам̣сзд̇ум̣ самад̇т̇о хоми, гуж̇жхид̇ваа сарадтагам̣ сзнаавааханам̣ наасзд̇ум̣, сажз бана гуж̇жхиссаами, сийлам̣ мз бхиж̇ж̇иссад̇и, д̇асмаа аж̇ж̇а сад̇д̇ийхи годдияамааноби на гуж̇жхиссаамий’’д̇и ад̇хидтааяа сийсам̣ наамзд̇ваа нижжалова адтааси. хад̇т̇аажарияо бад̣̇умасарам̣ од̇арид̇ваа д̇асса лагкан̣асамбад̇д̇им̣ д̣̇исваа ‘‘зхи буд̇д̇аа’’д̇и раж̇ад̇ад̣̇аамасад̣̇исааяа сон̣д̣ааяа г̇ахзд̇ваа сад̇д̇амз д̣̇ивасз б̣аараан̣асим̣ баабун̣и. б̣од̇хисад̇д̇амаад̇аа бана буд̇д̇з анааг̇ажчанд̇з ‘‘буд̇д̇о мз рааж̇арааж̇амахаамад̇д̇аад̣̇ийхи нийд̇о бхависсад̇и, ид̣̇аани д̇асса виббаваасзна аяам̣ ванасан̣д̣о вад̣дхиссад̇ий’’д̇и барид̣̇звамаанаа д̣̇вз г̇аат̇аа абхааси –
Tasmiṃ kāle rañño maṅgalahatthī kālamakāsi. Rājā ‘‘sace kenaci katthaci opavayhaṃ kātuṃ yuttarūpo hatthī diṭṭho atthi, so ācikkhatū’’ti bheriṃ carāpesi. So puriso rājānaṃ upasaṅkamitvā ‘‘mayā, deva, tumhākaṃ opavayho bhavituṃ yuttarūpo sabbaseto sīlavā hatthirājā diṭṭho, ahaṃ maggaṃ dassessāmi, mayā saddhiṃ hatthācariye pesetvā taṃ gaṇhāpethā’’ti āha. Rājā ‘‘sādhū’’ti ‘‘imaṃ maggadesakaṃ katvā araññaṃ gantvā iminā vuttaṃ hatthināgaṃ ānethā’’ti tena saddhiṃ mahantena parivārena hatthācariyaṃ pesesi. So tena saddhiṃ gantvā bodhisattaṃ naḷiniṃ pavisitvā gocaraṃ gaṇhantaṃ passi. Bodhisattopi hatthācariyaṃ disvā ‘‘idaṃ bhayaṃ na aññato uppannaṃ, tassa purisassa santikā uppannaṃ bhavissati, ahaṃ kho pana mahābalo hatthisahassampi viddhaṃsetuṃ samattho homi, kujjhitvā saraṭṭhakaṃ senāvāhanaṃ nāsetuṃ, sace pana kujjhissāmi, sīlaṃ me bhijjissati, tasmā ajja sattīhi koṭṭiyamānopi na kujjhissāmī’’ti adhiṭṭhāya sīsaṃ nāmetvā niccalova aṭṭhāsi. Hatthācariyo padumasaraṃ otaritvā tassa lakkhaṇasampattiṃ disvā ‘‘ehi puttā’’ti rajatadāmasadisāya soṇḍāya gahetvā sattame divase bārāṇasiṃ pāpuṇi. Bodhisattamātā pana putte anāgacchante ‘‘putto me rājarājamahāmattādīhi nīto bhavissati, idāni tassa vippavāsena ayaṃ vanasaṇḍo vaḍḍhissatī’’ti paridevamānā dve gāthā abhāsi –
1.
1.
‘‘д̇асса нааг̇асса виббаваасзна, вируул̣хо саллагий жа гудаж̇аа жа;
‘‘Tassa nāgassa vippavāsena, virūḷho sallakī ca kuṭajā ca;
гурувинд̣̇агаравийраа бхисасаамаа жа, ниваад̇з бубпид̇аа жа ган̣игаараа.
Kuruvindakaravīrā bhisasāmā ca, nivāte pupphitā ca kaṇikārā.
2.
2.
‘‘гожид̣̇зва суван̣н̣агааяураа, нааг̇арааж̇ам̣ бхаранд̇и бин̣д̣зна;
‘‘Kocideva suvaṇṇakāyurā, nāgarājaṃ bharanti piṇḍena;
яад̇т̇а рааж̇аа рааж̇агумааро ваа, гаважамабхихзссад̇и ачамбхид̇о’’д̇и.
Yattha rājā rājakumāro vā, kavacamabhihessati achambhito’’ti.
д̇ад̇т̇а вируул̣хаад̇и вад̣дхид̇аа наама, над̇т̇зд̇т̇а сам̣саяод̇и асам̣саяавасзнзвамааха. саллагий жа гудаж̇аа жаад̇и инд̣̇асааларугкаа жа гудаж̇аругкаа жа. гурувинд̣̇агаравийраа бхисасаамаа жаад̇и гурувинд̣̇аругкаа жа гаравийранаамагаани махаад̇ин̣аани жа бхисаани жа саамаагаани жаад̇и ад̇т̇о. зд̇з жа саб̣б̣з ид̣̇аани вад̣дхиссанд̇ийд̇и барид̣̇звад̇и. ниваад̇зд̇и баб̣б̣ад̇абаад̣̇з. бубпид̇аад̇и мама буд̇д̇зна саакам̣ бхан̃ж̇ид̇ваа акаад̣̇ияамаанаа ган̣игаарааби бубпид̇аа бхависсанд̇ийд̇и вуд̇д̇ам̣ ход̇и. гожид̣̇зваад̇и гад̇т̇ажид̣̇зва г̇аамз ваа наг̇арз ваа. суван̣н̣агааяураад̇и суван̣н̣аабхаран̣аа рааж̇арааж̇амахаамад̇д̇аа. бхаранд̇и бин̣д̣знаад̇и аж̇ж̇а маад̇убосагам̣ нааг̇арааж̇ам̣ рааж̇аарахасса бхож̇анасса сувад̣дхид̇зна бин̣д̣зна босзнд̇и. яад̇т̇аад̇и яасмим̣ нааг̇арааж̇з рааж̇аа нисийд̣̇ид̇ваа. гаважамабхихзссад̇ийд̇и сан̇г̇аамам̣ бависид̇ваа бажжаамид̇д̇аанам̣ гаважам̣ абхиханиссад̇и бхинд̣̇иссад̇и. ид̣̇ам̣ вуд̇д̇ам̣ ход̇и – ‘‘яад̇т̇а мама буд̇д̇з нисинно рааж̇аа ваа рааж̇агумааро ваа ачамбхид̇о худ̇ваа сабад̇д̇аанам̣ гаважам̣ ханиссад̇и, д̇ам̣ мз буд̇д̇ам̣ нааг̇арааж̇аанам̣ суван̣н̣аабхаран̣аа аж̇ж̇а бин̣д̣зна бхаранд̇ий’’д̇и.
Tattha virūḷhāti vaḍḍhitā nāma, natthettha saṃsayoti asaṃsayavasenevamāha. Sallakī ca kuṭajā cāti indasālarukkhā ca kuṭajarukkhā ca. Kuruvindakaravīrā bhisasāmā cāti kuruvindarukkhā ca karavīranāmakāni mahātiṇāni ca bhisāni ca sāmākāni cāti attho. Ete ca sabbe idāni vaḍḍhissantīti paridevati. Nivāteti pabbatapāde. Pupphitāti mama puttena sākhaṃ bhañjitvā akhādiyamānā kaṇikārāpi pupphitā bhavissantīti vuttaṃ hoti. Kocidevāti katthacideva gāme vā nagare vā. Suvaṇṇakāyurāti suvaṇṇābharaṇā rājarājamahāmattā. Bharanti piṇḍenāti ajja mātuposakaṃ nāgarājaṃ rājārahassa bhojanassa suvaḍḍhitena piṇḍena posenti. Yatthāti yasmiṃ nāgarāje rājā nisīditvā. Kavacamabhihessatīti saṅgāmaṃ pavisitvā paccāmittānaṃ kavacaṃ abhihanissati bhindissati. Idaṃ vuttaṃ hoti – ‘‘yattha mama putte nisinno rājā vā rājakumāro vā achambhito hutvā sapattānaṃ kavacaṃ hanissati, taṃ me puttaṃ nāgarājānaṃ suvaṇṇābharaṇā ajja piṇḍena bharantī’’ti.
хад̇т̇аажарияоби анд̇араамаг̇г̇зва ран̃н̃о саасанам̣ бзсзси. д̇ам̣ суд̇ваа рааж̇аа наг̇арам̣ алан̇гаараабзси. хад̇т̇аажарияо б̣од̇хисад̇д̇ам̣ гад̇аг̇анд̇хабарибхан̣д̣ам̣ алан̇гад̇абадияад̇д̇ам̣ хад̇т̇исаалам̣ нзд̇ваа вижид̇расаан̣ияаа баригкибаабзд̇ваа ран̃н̃о аарожаабзси. рааж̇аа наанаг̇г̇арасабхож̇анам̣ аад̣̇ааяа г̇анд̇ваа б̣од̇хисад̇д̇асса д̣̇аабзси. со ‘‘маад̇арам̣ винаа г̇ожарам̣ на г̇ан̣хиссаамий’’д̇и бин̣д̣ам̣ на г̇ан̣хи. ат̇а нам̣ яаажанд̇о рааж̇аа д̇ад̇ияам̣ г̇аат̇амааха –
Hatthācariyopi antarāmaggeva rañño sāsanaṃ pesesi. Taṃ sutvā rājā nagaraṃ alaṅkārāpesi. Hatthācariyo bodhisattaṃ katagandhaparibhaṇḍaṃ alaṅkatapaṭiyattaṃ hatthisālaṃ netvā vicitrasāṇiyā parikkhipāpetvā rañño ārocāpesi. Rājā nānaggarasabhojanaṃ ādāya gantvā bodhisattassa dāpesi. So ‘‘mātaraṃ vinā gocaraṃ na gaṇhissāmī’’ti piṇḍaṃ na gaṇhi. Atha naṃ yācanto rājā tatiyaṃ gāthamāha –
3.
3.
‘‘г̇ан̣хаахи нааг̇а габ̣ал̣ам̣, маа нааг̇а гисаго бхава;
‘‘Gaṇhāhi nāga kabaḷaṃ, mā nāga kisako bhava;
б̣ахууни рааж̇агижжаани, д̇аани нааг̇а гариссасий’’д̇и.
Bahūni rājakiccāni, tāni nāga karissasī’’ti.
д̇ам̣ суд̇ваа б̣од̇хисад̇д̇о жад̇уд̇т̇ам̣ г̇аат̇амааха –
Taṃ sutvā bodhisatto catutthaṃ gāthamāha –
4.
4.
‘‘саа нуунасаа габан̣игаа, анд̇хаа абарин̣ааяигаа;
‘‘Sā nūnasā kapaṇikā, andhā apariṇāyikā;
каан̣ум̣ баад̣̇зна гхаддзд̇и, г̇ирим̣ жан̣д̣оран̣ам̣ бад̇ий’’д̇и.
Khāṇuṃ pādena ghaṭṭeti, giriṃ caṇḍoraṇaṃ patī’’ti.
д̇ад̇т̇а саа нуунасаад̇и махаарааж̇а, нууна саа зсаа. габан̣игаад̇и буд̇д̇авияог̇зна габан̣аа. каан̣унд̇и д̇ад̇т̇а д̇ад̇т̇а бад̇ид̇ам̣ ругкагалин̇г̇арам̣. гхаддзд̇ийд̇и барид̣̇звамаанаа д̇ад̇т̇а д̇ад̇т̇а баад̣̇зна бот̇знд̇ий нууна баад̣̇зна ханад̇и . г̇ирим̣ жан̣д̣оран̣ам̣ бад̇ийд̇и жан̣д̣оран̣абаб̣б̣ад̇аабхимукий, баб̣б̣ад̇абаад̣̇з барибпанд̣̇амаанаад̇и ад̇т̇о.
Tattha sā nūnasāti mahārāja, nūna sā esā. Kapaṇikāti puttaviyogena kapaṇā. Khāṇunti tattha tattha patitaṃ rukkhakaliṅgaraṃ. Ghaṭṭetīti paridevamānā tattha tattha pādena pothentī nūna pādena hanati . Giriṃ caṇḍoraṇaṃ patīti caṇḍoraṇapabbatābhimukhī, pabbatapāde paripphandamānāti attho.
ат̇а нам̣ бужчанд̇о рааж̇аа бан̃жамам̣ г̇аат̇амааха –
Atha naṃ pucchanto rājā pañcamaṃ gāthamāha –
5.
5.
‘‘гаа ну д̇з саа махаанааг̇а, анд̇хаа абарин̣ааяигаа;
‘‘Kā nu te sā mahānāga, andhā apariṇāyikā;
каан̣ум̣ баад̣̇зна гхаддзд̇и, г̇ирим̣ жан̣д̣оран̣ам̣ бад̇ий’’д̇и.
Khāṇuṃ pādena ghaṭṭeti, giriṃ caṇḍoraṇaṃ patī’’ti.
б̣од̇хисад̇д̇о чадтам̣ г̇аат̇амааха –
Bodhisatto chaṭṭhaṃ gāthamāha –
6.
6.
‘‘маад̇аа мз саа махаарааж̇а, анд̇хаа абарин̣ааяигаа;
‘‘Mātā me sā mahārāja, andhā apariṇāyikā;
каан̣ум̣ баад̣̇зна гхаддзд̇и, г̇ирим̣ жан̣д̣оран̣ам̣ бад̇ий’’д̇и.
Khāṇuṃ pādena ghaṭṭeti, giriṃ caṇḍoraṇaṃ patī’’ti.
рааж̇аа чадтаг̇аат̇ааяа д̇амад̇т̇ам̣ суд̇ваа мун̃жаабзнд̇о сад̇д̇амам̣ г̇аат̇амааха –
Rājā chaṭṭhagāthāya tamatthaṃ sutvā muñcāpento sattamaṃ gāthamāha –
7.
7.
‘‘мун̃жат̇зд̇ам̣ махаанааг̇ам̣, яояам̣ бхарад̇и маад̇арам̣;
‘‘Muñcathetaṃ mahānāgaṃ, yoyaṃ bharati mātaraṃ;
самзд̇у маад̇араа нааг̇о, саха саб̣б̣зхи н̃аад̇ибхий’’д̇и.
Sametu mātarā nāgo, saha sabbehi ñātibhī’’ti.
д̇ад̇т̇а яояам̣ бхарад̇ийд̇и аяам̣ нааг̇о ‘‘ахам̣, махаарааж̇а, анд̇хам̣ маад̇арам̣ босзми, маяаа винаа маяхам̣ маад̇аа ж̇ийвид̇агкаяам̣ баабун̣иссад̇и, д̇ааяа винаа маяхам̣ иссариязна ад̇т̇о над̇т̇и, аж̇ж̇а мз маад̇у г̇ожарам̣ алабханд̇ияаа сад̇д̇амо д̣̇ивасо’’д̇и вад̣̇ад̇и, д̇асмаа яо аяам̣ маад̇арам̣ бхарад̇и, зд̇ам̣ махаанааг̇ам̣ киббам̣ мун̃жат̇а. саб̣б̣зхи н̃аад̇ибхийд̇и сад̣̇д̇хим̣ зса маад̇араа самзд̇у самааг̇ажчад̇ууд̇и.
Tattha yoyaṃ bharatīti ayaṃ nāgo ‘‘ahaṃ, mahārāja, andhaṃ mātaraṃ posemi, mayā vinā mayhaṃ mātā jīvitakkhayaṃ pāpuṇissati, tāya vinā mayhaṃ issariyena attho natthi, ajja me mātu gocaraṃ alabhantiyā sattamo divaso’’ti vadati, tasmā yo ayaṃ mātaraṃ bharati, etaṃ mahānāgaṃ khippaṃ muñcatha. Sabbehi ñātibhīti saddhiṃ esa mātarā sametu samāgacchatūti.
адтаманавамаа абхисамб̣уд̣̇д̇хаг̇аат̇аа хонд̇и –
Aṭṭhamanavamā abhisambuddhagāthā honti –
8.
8.
‘‘муд̇д̇о жа б̣анд̇ханаа нааг̇о, муд̇д̇амаад̣̇ааяа гун̃ж̇аро;
‘‘Mutto ca bandhanā nāgo, muttamādāya kuñjaro;
мухуд̇д̇ам̣ ассаасаяид̇ваа, аг̇амаа язна баб̣б̣ад̇о.
Muhuttaṃ assāsayitvā, agamā yena pabbato.
9.
9.
‘‘д̇ад̇о со нал̣иним̣ г̇анд̇ваа, сийд̇ам̣ гун̃ж̇арасзвид̇ам̣;
‘‘Tato so naḷiniṃ gantvā, sītaṃ kuñjarasevitaṃ;
сон̣д̣ааяууд̣̇агамаахад̇ваа, маад̇арам̣ абхисин̃жат̇аа’’д̇и.
Soṇḍāyūdakamāhatvā, mātaraṃ abhisiñcathā’’ti.
со гира нааг̇о б̣анд̇ханаа муд̇д̇о т̇огам̣ виссамид̇ваа ран̃н̃о д̣̇асарааж̇ад̇хаммаг̇аат̇ааяа д̇хаммам̣ д̣̇зсзд̇ваа ‘‘аббамад̇д̇о хохи, махаарааж̇аа’’д̇и оваад̣̇ам̣ д̣̇ад̇ваа махааж̇анзна г̇анд̇хамаалаад̣̇ийхи бууж̇ияамаано наг̇араа нигкамид̇ваа д̇ад̣̇ахзва д̇ам̣ бад̣̇умасарам̣ бад̇ваа ‘‘мама маад̇арам̣ г̇ожарам̣ г̇аахаабзд̇ваава саяам̣ г̇ан̣хиссаамий’’д̇и б̣ахум̣ бхисамул̣аалам̣ аад̣̇ааяа сон̣д̣абуурам̣ уд̣̇агам̣ г̇ахзд̇ваа г̇ухаалзн̣ад̇о нигкамид̇ваа г̇ухаад̣̇ваарз нисиннааяа маад̇уяаа санд̇игам̣ г̇анд̇ваа сад̇д̇аахам̣ нираахаарад̇ааяа маад̇у сарийрасса пассабадилаабхад̇т̇ам̣ убари уд̣̇агам̣ син̃жи, д̇амад̇т̇ам̣ аавигаронд̇о сад̇т̇аа д̣̇вз г̇аат̇аа абхааси. б̣од̇хисад̇д̇асса маад̇ааби ‘‘д̣̇зво вассад̇ий’’д̇и сан̃н̃ааяа д̇ам̣ аггосанд̇ий д̣̇асамам̣ г̇аат̇амааха –
So kira nāgo bandhanā mutto thokaṃ vissamitvā rañño dasarājadhammagāthāya dhammaṃ desetvā ‘‘appamatto hohi, mahārājā’’ti ovādaṃ datvā mahājanena gandhamālādīhi pūjiyamāno nagarā nikkhamitvā tadaheva taṃ padumasaraṃ patvā ‘‘mama mātaraṃ gocaraṃ gāhāpetvāva sayaṃ gaṇhissāmī’’ti bahuṃ bhisamuḷālaṃ ādāya soṇḍapūraṃ udakaṃ gahetvā guhāleṇato nikkhamitvā guhādvāre nisinnāya mātuyā santikaṃ gantvā sattāhaṃ nirāhāratāya mātu sarīrassa phassapaṭilābhatthaṃ upari udakaṃ siñci, tamatthaṃ āvikaronto satthā dve gāthā abhāsi. Bodhisattassa mātāpi ‘‘devo vassatī’’ti saññāya taṃ akkosantī dasamaṃ gāthamāha –
10.
10.
‘‘гояам̣ анарияо д̣̇зво, агаалзнаби вассад̇и;
‘‘Koyaṃ anariyo devo, akālenapi vassati;
г̇ад̇о мз ад̇раж̇о буд̇д̇о, яо маяхам̣ барижаараго’’д̇и.
Gato me atrajo putto, yo mayhaṃ paricārako’’ti.
д̇ад̇т̇а ад̇раж̇од̇и ад̇д̇ад̇о ж̇аад̇о.
Tattha atrajoti attato jāto.
ат̇а нам̣ самассаасзнд̇о б̣од̇хисад̇д̇о згаад̣̇асамам̣ г̇аат̇амааха –
Atha naṃ samassāsento bodhisatto ekādasamaṃ gāthamāha –
11.
11.
‘‘удтзхи амма гим̣ сзси, ааг̇ад̇о д̇яаахамад̇раж̇о;
‘‘Uṭṭhehi amma kiṃ sesi, āgato tyāhamatrajo;
муд̇д̇омхи гаасирааж̇зна, взд̣̇зхзна яасассинаа’’д̇и.
Muttomhi kāsirājena, vedehena yasassinā’’ti.
д̇ад̇т̇а ааг̇ад̇о д̇яааханд̇и ааг̇ад̇о д̇з ахам̣. взд̣̇зхзнаад̇и н̃аан̣асамбаннзна. яасассинаад̇и махаабариваарзна д̇зна ран̃н̃аа ман̇г̇алахад̇т̇ибхаавааяа г̇ахид̇оби ахам̣ муд̇д̇о, ид̣̇аани д̇ава санд̇игам̣ ааг̇ад̇о удтзхи г̇ожарам̣ г̇ан̣хаахийд̇и.
Tattha āgato tyāhanti āgato te ahaṃ. Vedehenāti ñāṇasampannena. Yasassināti mahāparivārena tena raññā maṅgalahatthibhāvāya gahitopi ahaṃ mutto, idāni tava santikaṃ āgato uṭṭhehi gocaraṃ gaṇhāhīti.
саа д̇удтамаанасаа ран̃н̃о анумод̣̇анам̣ гаронд̇ий осаанаг̇аат̇амааха –
Sā tuṭṭhamānasā rañño anumodanaṃ karontī osānagāthamāha –
12.
12.
‘‘жирам̣ ж̇ийвад̇у со рааж̇аа, гаасийнам̣ радтавад̣дхано;
‘‘Ciraṃ jīvatu so rājā, kāsīnaṃ raṭṭhavaḍḍhano;
яо мз буд̇д̇ам̣ баможзси, сад̣̇аа вуд̣̇д̇хаабажааяига’’нд̇и.
Yo me puttaṃ pamocesi, sadā vuddhāpacāyika’’nti.
д̇ад̣̇аа рааж̇аа б̣од̇хисад̇д̇асса г̇ун̣з басийд̣̇ид̇ваа нал̣инияаа авид̣̇уурз г̇аамам̣ маабзд̇ваа б̣од̇хисад̇д̇асса жа маад̇у жасса ниб̣ад̣̇д̇хам̣ вад̇д̇ам̣ бадтабзси. абарабхааг̇з б̣од̇хисад̇д̇о маад̇ари гаалагад̇ааяа д̇ассаа сарийрабарихаарам̣ гад̇ваа гааран̣д̣агаассамабад̣̇ам̣ наама г̇ад̇о. д̇асмим̣ бана таанз химаванд̇ад̇о од̇арид̇ваа бан̃жасад̇аа исаяо васим̣су, д̇ам̣ вад̇д̇ам̣ д̇зсам̣ ад̣̇ааси. рааж̇аа б̣од̇хисад̇д̇асса самаанаруубам̣ силаабадимам̣ гаарзд̇ваа махаасаггаарам̣ бавад̇д̇зси . сагалаж̇амб̣уд̣̇ийбаваасино анусам̣важчарам̣ саннибад̇ид̇ваа хад̇т̇имахам̣ наама гарим̣су.
Tadā rājā bodhisattassa guṇe pasīditvā naḷiniyā avidūre gāmaṃ māpetvā bodhisattassa ca mātu cassa nibaddhaṃ vattaṃ paṭṭhapesi. Aparabhāge bodhisatto mātari kālakatāya tassā sarīraparihāraṃ katvā kāraṇḍakaassamapadaṃ nāma gato. Tasmiṃ pana ṭhāne himavantato otaritvā pañcasatā isayo vasiṃsu, taṃ vattaṃ tesaṃ adāsi. Rājā bodhisattassa samānarūpaṃ silāpaṭimaṃ kāretvā mahāsakkāraṃ pavattesi . Sakalajambudīpavāsino anusaṃvaccharaṃ sannipatitvā hatthimahaṃ nāma kariṃsu.
сад̇т̇аа имам̣ д̇хаммад̣̇зсанам̣ аахарид̇ваа сажжаани багаасзд̇ваа ж̇аад̇агам̣ самод̇хаанзси, сажжабарияосаанз маад̇убосагабхигку сод̇аабад̇д̇ипалз бад̇идтахи. д̇ад̣̇аа рааж̇аа аананд̣̇о ахоси, баабабурисо д̣̇звад̣̇ад̇д̇о, хад̇т̇аажарияо саарибуд̇д̇о, маад̇аа хад̇т̇иний махаамааяаа, маад̇убосаганааг̇о бана ахамзва ахосинд̇и.
Satthā imaṃ dhammadesanaṃ āharitvā saccāni pakāsetvā jātakaṃ samodhānesi, saccapariyosāne mātuposakabhikkhu sotāpattiphale patiṭṭhahi. Tadā rājā ānando ahosi, pāpapuriso devadatto, hatthācariyo sāriputto, mātā hatthinī mahāmāyā, mātuposakanāgo pana ahameva ahosinti.
маад̇убосагаж̇аад̇агаван̣н̣анаа батамаа.
Mātuposakajātakavaṇṇanā paṭhamā.
Related texts:
д̇ибидага (муула) • Tipiṭaka (Mūla) / суд̇д̇абидага • Suttapiṭaka / куд̣̇д̣̇аганигааяа • Khuddakanikāya / ж̇аад̇агабаал̣и • Jātakapāḷi / 455. маад̇убосагаж̇аад̇агам̣ • 455. Mātuposakajātakaṃ
