| Library / Tipiṭaka / ਤਿਪਿਟਕ • Tipiṭaka / ਮਿਲਿਨ੍ਦਪਞ੍ਹਪਾਲ਼ਿ • Milindapañhapāḷi |
੬. ਮੇਘਙ੍ਗਪਞ੍ਹੋ
6. Meghaṅgapañho
੬. ‘‘ਭਨ੍ਤੇ ਨਾਗਸੇਨ, ‘ਮੇਘਸ੍ਸ ਪਞ੍ਚ ਅਙ੍ਗਾਨਿ ਗਹੇਤਬ੍ਬਾਨੀ’ਤਿ ਯਂ વਦੇਸਿ, ਕਤਮਾਨਿ ਤਾਨਿ ਪਞ੍ਚ ਅਙ੍ਗਾਨਿ ਗਹੇਤਬ੍ਬਾਨੀ’’ਤਿ? ‘‘ਯਥਾ, ਮਹਾਰਾਜ, ਮੇਘੋ ਉਪ੍ਪਨ੍ਨਂ ਰਜੋਜਲ੍ਲਂ વੂਪਸਮੇਤਿ, ਏવਮੇવ ਖੋ, ਮਹਾਰਾਜ, ਯੋਗਿਨਾ ਯੋਗਾવਚਰੇਨ ਉਪ੍ਪਨ੍ਨਂ ਕਿਲੇਸਰਜੋਜਲ੍ਲਂ વੂਪਸਮੇਤਬ੍ਬਂ। ਇਦਂ, ਮਹਾਰਾਜ, ਮੇਘਸ੍ਸ ਪਠਮਂ ਅਙ੍ਗਂ ਗਹੇਤਬ੍ਬਂ।
6. ‘‘Bhante nāgasena, ‘meghassa pañca aṅgāni gahetabbānī’ti yaṃ vadesi, katamāni tāni pañca aṅgāni gahetabbānī’’ti? ‘‘Yathā, mahārāja, megho uppannaṃ rajojallaṃ vūpasameti, evameva kho, mahārāja, yoginā yogāvacarena uppannaṃ kilesarajojallaṃ vūpasametabbaṃ. Idaṃ, mahārāja, meghassa paṭhamaṃ aṅgaṃ gahetabbaṃ.
‘‘ਪੁਨ ਚਪਰਂ, ਮਹਾਰਾਜ, ਮੇਘੋ ਪਥવਿਯਾ ਉਣ੍ਹਂ ਨਿਬ੍ਬਾਪੇਤਿ, ਏવਮੇવ ਖੋ, ਮਹਾਰਾਜ, ਯੋਗਿਨਾ ਯੋਗਾવਚਰੇਨ ਮੇਤ੍ਤਾਭਾવਨਾਯ ਸਦੇવਕੋ ਲੋਕੋ ਨਿਬ੍ਬਾਪੇਤਬ੍ਬੋ। ਇਦਂ, ਮਹਾਰਾਜ, ਮੇਘਸ੍ਸ ਦੁਤਿਯਂ ਅਙ੍ਗਂ ਗਹੇਤਬ੍ਬਂ।
‘‘Puna caparaṃ, mahārāja, megho pathaviyā uṇhaṃ nibbāpeti, evameva kho, mahārāja, yoginā yogāvacarena mettābhāvanāya sadevako loko nibbāpetabbo. Idaṃ, mahārāja, meghassa dutiyaṃ aṅgaṃ gahetabbaṃ.
‘‘ਪੁਨ ਚਪਰਂ, ਮਹਾਰਾਜ, ਮੇਘੋ ਸਬ੍ਬਬੀਜਾਨਿ વਿਰੁਹਾਪੇਤਿ, ਏવਮੇવ ਖੋ, ਮਹਾਰਾਜ, ਯੋਗਿਨਾ ਯੋਗਾવਚਰੇਨ ਸਬ੍ਬਸਤ੍ਤਾਨਂ ਸਦ੍ਧਂ ਉਪ੍ਪਾਦੇਤ੍વਾ ਤਂ ਸਦ੍ਧਾਬੀਜਂ ਤੀਸੁ ਸਮ੍ਪਤ੍ਤੀਸੁ ਰੋਪੇਤਬ੍ਬਂ, ਦਿਬ੍ਬਮਾਨੁਸਿਕਾਸੁ ਸੁਖਸਮ੍ਪਤ੍ਤੀਸੁ ਯਾવਪਰਮਤ੍ਥਨਿਬ੍ਬਾਨਸੁਖਸਮ੍ਪਤ੍ਤਿ। ਇਦਂ, ਮਹਾਰਾਜ, ਮੇਘਸ੍ਸ ਤਤਿਯਂ ਅਙ੍ਗਂ ਗਹੇਤਬ੍ਬਂ।
‘‘Puna caparaṃ, mahārāja, megho sabbabījāni viruhāpeti, evameva kho, mahārāja, yoginā yogāvacarena sabbasattānaṃ saddhaṃ uppādetvā taṃ saddhābījaṃ tīsu sampattīsu ropetabbaṃ, dibbamānusikāsu sukhasampattīsu yāvaparamatthanibbānasukhasampatti. Idaṃ, mahārāja, meghassa tatiyaṃ aṅgaṃ gahetabbaṃ.
‘‘ਪੁਨ ਚਪਰਂ, ਮਹਾਰਾਜ, ਮੇਘੋ ਉਤੁਤੋ ਸਮੁਟ੍ਠਹਿਤ੍વਾ ਧਰਣਿਤਲਰੁਹੇ ਤਿਣਰੁਕ੍ਖਲਤਾਗੁਮ੍ਬਓਸਧਿવਨਪ੍ਪਤਯੋ ਪਰਿਰਕ੍ਖਤਿ, ਏવਮੇવ ਖੋ, ਮਹਾਰਾਜ, ਯੋਗਿਨਾ ਯੋਗਾવਚਰੇਨ ਯੋਨਿਸੋ ਮਨਸਿਕਾਰਂ ਨਿਬ੍ਬਤ੍ਤੇਤ੍વਾ ਤੇਨ ਯੋਨਿਸੋ ਮਨਸਿਕਾਰੇਨ ਸਮਣਧਮ੍ਮੋ ਪਰਿਰਕ੍ਖਿਤਬ੍ਬੋ, ਯੋਨਿਸੋ ਮਨਸਿਕਾਰਮੂਲਕਾ ਸਬ੍ਬੇ ਕੁਸਲਾ ਧਮ੍ਮਾ। ਇਦਂ, ਮਹਾਰਾਜ, ਮੇਘਸ੍ਸ ਚਤੁਤ੍ਥਂ ਅਙ੍ਗਂ ਗਹੇਤਬ੍ਬਂ।
‘‘Puna caparaṃ, mahārāja, megho ututo samuṭṭhahitvā dharaṇitalaruhe tiṇarukkhalatāgumbaosadhivanappatayo parirakkhati, evameva kho, mahārāja, yoginā yogāvacarena yoniso manasikāraṃ nibbattetvā tena yoniso manasikārena samaṇadhammo parirakkhitabbo, yoniso manasikāramūlakā sabbe kusalā dhammā. Idaṃ, mahārāja, meghassa catutthaṃ aṅgaṃ gahetabbaṃ.
‘‘ਪੁਨ ਚਪਰਂ , ਮਹਾਰਾਜ, ਮੇਘੋ વਸ੍ਸਮਾਨੋ ਨਦਿਤਲ਼ਾਕਪੋਕ੍ਖਰਣਿਯੋ ਕਨ੍ਦਰਪਦਰਸਰਸੋਬ੍ਭਉਦਪਾਨਾਨਿ ਚ ਪਰਿਪੂਰੇਤਿ ਉਦਕਧਾਰਾਹਿ, ਏવਮੇવ ਖੋ, ਮਹਾਰਾਜ, ਯੋਗਿਨਾ ਯੋਗਾવਚਰੇਨ ਆਗਮਪਰਿਯਤ੍ਤਿਯਾ ਧਮ੍ਮਮੇਘਮਭਿવਸ੍ਸਯਿਤ੍વਾ ਅਧਿਗਮਕਾਮਾਨਂ ਮਾਨਸਂ ਪਰਿਪੂਰਯਿਤਬ੍ਬਂ। ਇਦਂ, ਮਹਾਰਾਜ, ਮੇਘਸ੍ਸ ਪਞ੍ਚਮਂ ਅਙ੍ਗਂ ਗਹੇਤਬ੍ਬਂ। ਭਾਸਿਤਮ੍ਪੇਤਂ, ਮਹਾਰਾਜ, ਥੇਰੇਨ ਸਾਰਿਪੁਤ੍ਤੇਨ ਧਮ੍ਮਸੇਨਾਪਤਿਨਾ –
‘‘Puna caparaṃ , mahārāja, megho vassamāno naditaḷākapokkharaṇiyo kandarapadarasarasobbhaudapānāni ca paripūreti udakadhārāhi, evameva kho, mahārāja, yoginā yogāvacarena āgamapariyattiyā dhammameghamabhivassayitvā adhigamakāmānaṃ mānasaṃ paripūrayitabbaṃ. Idaṃ, mahārāja, meghassa pañcamaṃ aṅgaṃ gahetabbaṃ. Bhāsitampetaṃ, mahārāja, therena sāriputtena dhammasenāpatinā –
‘‘‘ਬੋਧਨੇਯ੍ਯਂ ਜਨਂ ਦਿਸ੍વਾ, ਸਤਸਹਸ੍ਸੇਪਿ ਯੋਜਨੇ।
‘‘‘Bodhaneyyaṃ janaṃ disvā, satasahassepi yojane;
ਖਣੇਨ ਉਪਗਨ੍ਤ੍વਾਨ, ਬੋਧੇਤਿ ਤਂ ਮਹਾਮੁਨੀ’’’ਤਿ॥
Khaṇena upagantvāna, bodheti taṃ mahāmunī’’’ti.
ਮੇਘਙ੍ਗਪਞ੍ਹੋ ਛਟ੍ਠੋ।
Meghaṅgapañho chaṭṭho.
