| Library / Tipiṭaka / д̇ибидага • Tipiṭaka / уд̣̇аанабаал̣и • Udānapāḷi |
4. мзгхияаваг̇г̇о
4. Meghiyavaggo
1. мзгхияасуд̇д̇ам̣
1. Meghiyasuttaṃ
31. звам̣ мз суд̇ам̣ – згам̣ самаяам̣ бхаг̇аваа жаалигааяам̣ вихарад̇и жаалигз баб̣б̣ад̇з. д̇зна ко бана самаязна ааяасмаа мзгхияо бхаг̇авад̇о убадтааго ход̇и. ат̇а ко ааяасмаа мзгхияо язна бхаг̇аваа д̇знубасан̇гами; убасан̇гамид̇ваа бхаг̇аванд̇ам̣ абхиваад̣̇зд̇ваа згаманд̇ам̣ адтааси. згаманд̇ам̣ тид̇о ко ааяасмаа мзгхияо бхаг̇аванд̇ам̣ зд̇ад̣̇авожа – ‘‘ижчаамахам̣, бханд̇з, ж̇анд̇уг̇аамам̣ бин̣д̣ааяа бависид̇у’’нд̇и. ‘‘яассад̣̇аани д̇вам̣, мзгхияа, гаалам̣ ман̃н̃асий’’д̇и.
31. Evaṃ me sutaṃ – ekaṃ samayaṃ bhagavā cālikāyaṃ viharati cālike pabbate. Tena kho pana samayena āyasmā meghiyo bhagavato upaṭṭhāko hoti. Atha kho āyasmā meghiyo yena bhagavā tenupasaṅkami; upasaṅkamitvā bhagavantaṃ abhivādetvā ekamantaṃ aṭṭhāsi. Ekamantaṃ ṭhito kho āyasmā meghiyo bhagavantaṃ etadavoca – ‘‘icchāmahaṃ, bhante, jantugāmaṃ piṇḍāya pavisitu’’nti. ‘‘Yassadāni tvaṃ, meghiya, kālaṃ maññasī’’ti.
ат̇а ко ааяасмаа мзгхияо буб̣б̣ан̣хасамаяам̣ ниваасзд̇ваа бад̇д̇ажийварамаад̣̇ааяа ж̇анд̇уг̇аамам̣ бин̣д̣ааяа баависи. ж̇анд̇уг̇аамз бин̣д̣ааяа жарид̇ваа бажчаабхад̇д̇ам̣ бин̣д̣абаад̇абадигганд̇о язна гимигаал̣ааяа над̣̇ияаа д̇ийрам̣ д̇знубасан̇гами. 1 ад̣̇д̣̇асаа ко ааяасмаа мзгхияо 2 гимигаал̣ааяа над̣̇ияаа д̇ийрз ж̇ан̇гхаавихаарам̣ 3 анужан̇гамамаано анувижарамаано 4 амб̣аванам̣ баасаад̣̇игам̣ манун̃н̃ам̣ раман̣ийяам̣. д̣̇исваанасса зд̇ад̣̇ахоси – ‘‘баасаад̣̇игам̣ вад̇ид̣̇ам̣ амб̣аванам̣ манун̃н̃ам̣ 5 раман̣ийяам̣. алам̣ вад̇ид̣̇ам̣ гулабуд̇д̇асса бад̇хаанад̇т̇игасса бад̇хаанааяа. сажз мам̣ бхаг̇аваа ануж̇аанзяяа, ааг̇ажчзяяаахам̣ имам̣ амб̣аванам̣ бад̇хаанааяаа’’д̇и.
Atha kho āyasmā meghiyo pubbaṇhasamayaṃ nivāsetvā pattacīvaramādāya jantugāmaṃ piṇḍāya pāvisi. Jantugāme piṇḍāya caritvā pacchābhattaṃ piṇḍapātapaṭikkanto yena kimikāḷāya nadiyā tīraṃ tenupasaṅkami. 6 Addasā kho āyasmā meghiyo 7 kimikāḷāya nadiyā tīre jaṅghāvihāraṃ 8 anucaṅkamamāno anuvicaramāno 9 ambavanaṃ pāsādikaṃ manuññaṃ ramaṇīyaṃ. Disvānassa etadahosi – ‘‘pāsādikaṃ vatidaṃ ambavanaṃ manuññaṃ 10 ramaṇīyaṃ. Alaṃ vatidaṃ kulaputtassa padhānatthikassa padhānāya. Sace maṃ bhagavā anujāneyya, āgaccheyyāhaṃ imaṃ ambavanaṃ padhānāyā’’ti.
ат̇а ко ааяасмаа мзгхияо язна бхаг̇аваа д̇знубасан̇гами; убасан̇гамид̇ваа бхаг̇аванд̇ам̣ абхиваад̣̇зд̇ваа згаманд̇ам̣ нисийд̣̇и. згаманд̇ам̣ нисинно ко ааяасмаа мзгхияо бхаг̇аванд̇ам̣ зд̇ад̣̇авожа –
Atha kho āyasmā meghiyo yena bhagavā tenupasaṅkami; upasaṅkamitvā bhagavantaṃ abhivādetvā ekamantaṃ nisīdi. Ekamantaṃ nisinno kho āyasmā meghiyo bhagavantaṃ etadavoca –
‘‘ид̇хаахам̣, бханд̇з, буб̣б̣ан̣хасамаяам̣ ниваасзд̇ваа бад̇д̇ажийварамаад̣̇ааяа ж̇анд̇уг̇аамам̣ бин̣д̣ааяа баависим̣. ж̇анд̇уг̇аамз бин̣д̣ааяа жарид̇ваа бажчаабхад̇д̇ам̣ бин̣д̣абаад̇абадигганд̇о язна гимигаал̣ааяа над̣̇ияаа д̇ийрам̣ д̇знубасан̇гамим̣ 11. ад̣̇д̣̇асам̣ ко ахам̣, бханд̇з 12, гимигаал̣ааяа над̣̇ияаа д̇ийрз ж̇ан̇гхаавихаарам̣ анужан̇гамамаано анувижарамаано 13 амб̣аванам̣ баасаад̣̇игам̣ манун̃н̃ам̣ раман̣ийяам̣. д̣̇исваана мз зд̇ад̣̇ахоси – ‘баасаад̣̇игам̣ вад̇ид̣̇ам̣ амб̣аванам̣ манун̃н̃ам̣ раман̣ийяам̣. алам̣ вад̇ид̣̇ам̣ гулабуд̇д̇асса бад̇хаанад̇т̇игасса бад̇хаанааяа. сажз мам̣ бхаг̇аваа ануж̇аанзяяа, ааг̇ажчзяяаахам̣ имам̣ амб̣аванам̣ бад̇хаанааяаа’д̇и. сажз мам̣, бханд̇з, бхаг̇аваа ануж̇аанаад̇и 14, г̇ажчзяяаахам̣ д̇ам̣ амб̣аванам̣ бад̇хаанааяаа’’д̇и.
‘‘Idhāhaṃ, bhante, pubbaṇhasamayaṃ nivāsetvā pattacīvaramādāya jantugāmaṃ piṇḍāya pāvisiṃ. Jantugāme piṇḍāya caritvā pacchābhattaṃ piṇḍapātapaṭikkanto yena kimikāḷāya nadiyā tīraṃ tenupasaṅkamiṃ 15. Addasaṃ kho ahaṃ, bhante 16, kimikāḷāya nadiyā tīre jaṅghāvihāraṃ anucaṅkamamāno anuvicaramāno 17 ambavanaṃ pāsādikaṃ manuññaṃ ramaṇīyaṃ. Disvāna me etadahosi – ‘pāsādikaṃ vatidaṃ ambavanaṃ manuññaṃ ramaṇīyaṃ. Alaṃ vatidaṃ kulaputtassa padhānatthikassa padhānāya. Sace maṃ bhagavā anujāneyya, āgaccheyyāhaṃ imaṃ ambavanaṃ padhānāyā’ti. Sace maṃ, bhante, bhagavā anujānāti 18, gaccheyyāhaṃ taṃ ambavanaṃ padhānāyā’’ti.
звам̣ вуд̇д̇з, бхаг̇аваа ааяасманд̇ам̣ мзгхияам̣ зд̇ад̣̇авожа – ‘‘ааг̇амзхи д̇аава, мзгхияа, згагамхи 19 д̇аава, яаава ан̃н̃оби гожи бхигку ааг̇ажчад̇ий’’д̇и.
Evaṃ vutte, bhagavā āyasmantaṃ meghiyaṃ etadavoca – ‘‘āgamehi tāva, meghiya, ekakamhi 20 tāva, yāva aññopi koci bhikkhu āgacchatī’’ti.
д̣̇уд̇ияамби ко ааяасмаа мзгхияо бхаг̇аванд̇ам̣ зд̇ад̣̇авожа – ‘‘бхаг̇авад̇о, бханд̇з, над̇т̇и гин̃жи уд̇д̇ари 21 гаран̣ийяам̣, над̇т̇и гад̇асса ваа бад̇ижаяо. маяхам̣ ко бана, бханд̇з, ад̇т̇и уд̇д̇ари гаран̣ийяам̣, ад̇т̇и гад̇асса бад̇ижаяо. сажз мам̣ бхаг̇аваа ануж̇аанаад̇и, г̇ажчзяяаахам̣ д̇ам̣ амб̣аванам̣ бад̇хаанааяаа’’д̇и. д̣̇уд̇ияамби ко бхаг̇аваа ааяасманд̇ам̣ мзгхияам̣ зд̇ад̣̇авожа – ‘‘ааг̇амзхи д̇аава, мзгхияа, згагамхи д̇аава, яаава ан̃н̃оби гожи бхигку ааг̇ажчад̇ий’’д̇и.
Dutiyampi kho āyasmā meghiyo bhagavantaṃ etadavoca – ‘‘bhagavato, bhante, natthi kiñci uttari 22 karaṇīyaṃ, natthi katassa vā paticayo. Mayhaṃ kho pana, bhante, atthi uttari karaṇīyaṃ, atthi katassa paticayo. Sace maṃ bhagavā anujānāti, gaccheyyāhaṃ taṃ ambavanaṃ padhānāyā’’ti. Dutiyampi kho bhagavā āyasmantaṃ meghiyaṃ etadavoca – ‘‘āgamehi tāva, meghiya, ekakamhi tāva, yāva aññopi koci bhikkhu āgacchatī’’ti.
д̇ад̇ияамби ко ааяасмаа мзгхияо бхаг̇аванд̇ам̣ зд̇ад̣̇авожа – ‘‘бхаг̇авад̇о, бханд̇з, над̇т̇и гин̃жи уд̇д̇ари гаран̣ийяам̣, над̇т̇и гад̇асса ваа бад̇ижаяо. маяхам̣ ко бана, бханд̇з, ад̇т̇и уд̇д̇ари гаран̣ийяам̣, ад̇т̇и гад̇асса бад̇ижаяо. сажз мам̣ бхаг̇аваа ануж̇аанаад̇и, г̇ажчзяяаахам̣ д̇ам̣ амб̣аванам̣ бад̇хаанааяаа’’д̇и. ‘‘бад̇хаананд̇и ко, мзгхияа, вад̣̇амаанам̣ гинд̇и вад̣̇зяяаама? яассад̣̇аани д̇вам̣, мзгхияа, гаалам̣ ман̃н̃асий’’д̇и.
Tatiyampi kho āyasmā meghiyo bhagavantaṃ etadavoca – ‘‘bhagavato, bhante, natthi kiñci uttari karaṇīyaṃ, natthi katassa vā paticayo. Mayhaṃ kho pana, bhante, atthi uttari karaṇīyaṃ, atthi katassa paticayo. Sace maṃ bhagavā anujānāti, gaccheyyāhaṃ taṃ ambavanaṃ padhānāyā’’ti. ‘‘Padhānanti kho, meghiya, vadamānaṃ kinti vadeyyāma? Yassadāni tvaṃ, meghiya, kālaṃ maññasī’’ti.
ат̇а ко ааяасмаа мзгхияо удтааяаасанаа бхаг̇аванд̇ам̣ абхиваад̣̇зд̇ваа бад̣̇агкин̣ам̣ гад̇ваа язна д̇ам̣ амб̣аванам̣ д̇знубасан̇гами; убасан̇гамид̇ваа д̇ам̣ амб̣аванам̣ аж̇жхог̇аахзд̇ваа 23 ан̃н̃ад̇арасмим̣ ругкамуулз д̣̇иваавихаарам̣ нисийд̣̇и. ат̇а ко ааяасмад̇о мзгхияасса д̇асмим̣ амб̣аванз вихаранд̇асса язбхуяязна д̇аяо баабагаа агусалаа вид̇аггаа самуд̣̇аажаранд̇и, сзяяат̇ид̣̇ам̣ – гаамавид̇агго, б̣яаабаад̣̇авид̇агго, вихим̣саавид̇агго 24.
Atha kho āyasmā meghiyo uṭṭhāyāsanā bhagavantaṃ abhivādetvā padakkhiṇaṃ katvā yena taṃ ambavanaṃ tenupasaṅkami; upasaṅkamitvā taṃ ambavanaṃ ajjhogāhetvā 25 aññatarasmiṃ rukkhamūle divāvihāraṃ nisīdi. Atha kho āyasmato meghiyassa tasmiṃ ambavane viharantassa yebhuyyena tayo pāpakā akusalā vitakkā samudācaranti, seyyathidaṃ – kāmavitakko, byāpādavitakko, vihiṃsāvitakko 26.
ат̇а ко ааяасмад̇о мзгхияасса зд̇ад̣̇ахоси – ‘‘ажчарияам̣ вад̇а бхо, аб̣бхуд̇ам̣ вад̇а бхо! сад̣̇д̇хааяа жа вад̇амхаа аг̇аарасмаа анаг̇аарияам̣ баб̣б̣аж̇ид̇аа. ат̇а жа банимзхи д̇ийхи баабагзхи агусалзхи вид̇аггзхи анваасад̇д̇аа, сзяяат̇ид̣̇ам̣ – гаамавид̇аггзна, б̣яаабаад̣̇авид̇аггзна, вихим̣саавид̇аггзна’’.
Atha kho āyasmato meghiyassa etadahosi – ‘‘acchariyaṃ vata bho, abbhutaṃ vata bho! Saddhāya ca vatamhā agārasmā anagāriyaṃ pabbajitā. Atha ca panimehi tīhi pāpakehi akusalehi vitakkehi anvāsattā, seyyathidaṃ – kāmavitakkena, byāpādavitakkena, vihiṃsāvitakkena’’.
ат̇а ко ааяасмаа мзгхияо сааяанхасамаяам̣ бадисаллаанаа вудтид̇о язна бхаг̇аваа д̇знубасан̇гами; убасан̇гамид̇ваа бхаг̇аванд̇ам̣ абхиваад̣̇зд̇ваа згаманд̇ам̣ нисийд̣̇и. згаманд̇ам̣ нисинно ко ааяасмаа мзгхияо бхаг̇аванд̇ам̣ зд̇ад̣̇авожа – ‘‘ид̇ха маяхам̣, бханд̇з, д̇асмим̣ амб̣аванз вихаранд̇асса язбхуяязна д̇аяо баабагаа агусалаа вид̇аггаа самуд̣̇аажаранд̇и, сзяяат̇ид̣̇ам̣ – гаамавид̇агго, б̣яаабаад̣̇авид̇агго, вихим̣саавид̇агго . д̇асса маяхам̣, бханд̇з, зд̇ад̣̇ахоси – ‘ажчарияам̣ вад̇а, бхо, аб̣бхуд̇ам̣ вад̇а, бхо! сад̣̇д̇хааяа жа вад̇амхаа аг̇аарасмаа анаг̇аарияам̣ баб̣б̣аж̇ид̇аа. ат̇а жа банимзхи д̇ийхи баабагзхи агусалзхи вид̇аггзхи анваасад̇д̇аа, сзяяат̇ид̣̇ам̣ – гаамавид̇аггзна, б̣яаабаад̣̇авид̇аггзна, вихим̣саавид̇аггзна’’’.
Atha kho āyasmā meghiyo sāyanhasamayaṃ paṭisallānā vuṭṭhito yena bhagavā tenupasaṅkami; upasaṅkamitvā bhagavantaṃ abhivādetvā ekamantaṃ nisīdi. Ekamantaṃ nisinno kho āyasmā meghiyo bhagavantaṃ etadavoca – ‘‘idha mayhaṃ, bhante, tasmiṃ ambavane viharantassa yebhuyyena tayo pāpakā akusalā vitakkā samudācaranti, seyyathidaṃ – kāmavitakko, byāpādavitakko, vihiṃsāvitakko . Tassa mayhaṃ, bhante, etadahosi – ‘acchariyaṃ vata, bho, abbhutaṃ vata, bho! Saddhāya ca vatamhā agārasmā anagāriyaṃ pabbajitā. Atha ca panimehi tīhi pāpakehi akusalehi vitakkehi anvāsattā, seyyathidaṃ – kāmavitakkena, byāpādavitakkena, vihiṃsāvitakkena’’’.
‘‘абарибаггааяа , мзгхияа, жзд̇овимуд̇д̇ияаа бан̃жа д̇хаммаа барибаагааяа сам̣вад̇д̇анд̇и. гад̇амз бан̃жа?
‘‘Aparipakkāya , meghiya, cetovimuttiyā pañca dhammā paripākāya saṃvattanti. Katame pañca?
‘‘ид̇ха, мзгхияа, бхигку галяаан̣амид̇д̇о ход̇и галяаан̣асахааяо галяаан̣асамбаван̇го. абарибаггааяа, мзгхияа, жзд̇овимуд̇д̇ияаа аяам̣ батамо д̇хаммо барибаагааяа сам̣вад̇д̇ад̇и.
‘‘Idha, meghiya, bhikkhu kalyāṇamitto hoti kalyāṇasahāyo kalyāṇasampavaṅko. Aparipakkāya, meghiya, cetovimuttiyā ayaṃ paṭhamo dhammo paripākāya saṃvattati.
‘‘буна жабарам̣, мзгхияа, бхигку сийлаваа ход̇и, баад̇имогкасам̣варасам̣вуд̇о вихарад̇и аажаараг̇ожарасамбанно, ан̣умад̇д̇зсу важ̇ж̇зсу бхаяад̣̇ассаавий, самаад̣̇ааяа сигкад̇и сигкаабад̣̇зсу. абарибаггааяа, мзгхияа, жзд̇овимуд̇д̇ияаа аяам̣ д̣̇уд̇ияо д̇хаммо барибаагааяа сам̣вад̇д̇ад̇и.
‘‘Puna caparaṃ, meghiya, bhikkhu sīlavā hoti, pātimokkhasaṃvarasaṃvuto viharati ācāragocarasampanno, aṇumattesu vajjesu bhayadassāvī, samādāya sikkhati sikkhāpadesu. Aparipakkāya, meghiya, cetovimuttiyā ayaṃ dutiyo dhammo paripākāya saṃvattati.
‘‘буна жабарам̣, мзгхияа, бхигку яааяам̣ гат̇аа абхисаллзкигаа жзд̇овиваран̣асаббааяаа зганд̇аниб̣б̣ид̣̇ааяа вирааг̇ааяа нирод̇хааяа убасамааяа абхин̃н̃ааяа самб̣од̇хааяа ниб̣б̣аанааяа сам̣вад̇д̇ад̇и, сзяяат̇ид̣̇ам̣ – аббижчагат̇аа, санд̇удтигат̇аа, бавивзгагат̇аа, асам̣саг̇г̇агат̇аа, вийрияаарамбхагат̇аа, сийлагат̇аа, самаад̇хигат̇аа, бан̃н̃аагат̇аа, вимуд̇д̇игат̇аа, вимуд̇д̇ин̃аан̣ад̣̇ассанагат̇аа; зваруубааяа гат̇ааяа нигаамалаабхий ход̇и агижчалаабхий агасиралаабхий. абарибаагааяа, мзгхияа, жзд̇овимуд̇д̇ияаа аяам̣ д̇ад̇ияо д̇хаммо барибаагааяа сам̣вад̇д̇ад̇и.
‘‘Puna caparaṃ, meghiya, bhikkhu yāyaṃ kathā abhisallekhikā cetovivaraṇasappāyā ekantanibbidāya virāgāya nirodhāya upasamāya abhiññāya sambodhāya nibbānāya saṃvattati, seyyathidaṃ – appicchakathā, santuṭṭhikathā, pavivekakathā, asaṃsaggakathā, vīriyārambhakathā, sīlakathā, samādhikathā, paññākathā, vimuttikathā, vimuttiñāṇadassanakathā; evarūpāya kathāya nikāmalābhī hoti akicchalābhī akasiralābhī. Aparipākāya, meghiya, cetovimuttiyā ayaṃ tatiyo dhammo paripākāya saṃvattati.
‘‘буна жабарам̣ , мзгхияа, бхигку аарад̣̇д̇хавийрияо вихарад̇и, агусалаанам̣ д̇хаммаанам̣ бахаанааяа, гусалаанам̣ д̇хаммаанам̣ убасамбад̣̇ааяа 27, т̇аамаваа д̣̇ал̣хабараггамо анигкид̇д̇ад̇хуро гусалзсу д̇хаммзсу. абарибаггааяа, мзгхияа, жзд̇овимуд̇д̇ияаа аяам̣ жад̇уд̇т̇о д̇хаммо барибаагааяа сам̣вад̇д̇ад̇и.
‘‘Puna caparaṃ , meghiya, bhikkhu āraddhavīriyo viharati, akusalānaṃ dhammānaṃ pahānāya, kusalānaṃ dhammānaṃ upasampadāya 28, thāmavā daḷhaparakkamo anikkhittadhuro kusalesu dhammesu. Aparipakkāya, meghiya, cetovimuttiyā ayaṃ catuttho dhammo paripākāya saṃvattati.
‘‘буна жабарам̣, мзгхияа, бхигку бан̃н̃аваа ход̇и уд̣̇аяад̇т̇аг̇ааминияаа бан̃н̃ааяа саманнааг̇ад̇о арияааяа ниб̣б̣зд̇хигааяа саммаа д̣̇угкагкаяаг̇ааминияаа. абарибаггааяа, мзгхияа, жзд̇овимуд̇д̇ияаа аяам̣ бан̃жамо д̇хаммо барибаагааяа сам̣вад̇д̇ад̇и. абарибаггааяа, мзгхияа, жзд̇овимуд̇д̇ияаа имз бан̃жа д̇хаммаа барибаагааяа сам̣вад̇д̇анд̇и.
‘‘Puna caparaṃ, meghiya, bhikkhu paññavā hoti udayatthagāminiyā paññāya samannāgato ariyāya nibbedhikāya sammā dukkhakkhayagāminiyā. Aparipakkāya, meghiya, cetovimuttiyā ayaṃ pañcamo dhammo paripākāya saṃvattati. Aparipakkāya, meghiya, cetovimuttiyā ime pañca dhammā paripākāya saṃvattanti.
‘‘галяаан̣амид̇д̇ассзд̇ам̣ , мзгхияа, бхигкуно баадиган̇кам̣ галяаан̣асахааяасса галяаан̣асамбаван̇гасса яам̣ сийлаваа бхависсад̇и, баад̇имогкасам̣варасам̣вуд̇о вихариссад̇и, аажаараг̇ожарасамбанно, ан̣умад̇д̇зсу важ̇ж̇зсу бхаяад̣̇ассаавий, самаад̣̇ааяа сигкиссад̇и сигкаабад̣̇зсу.
‘‘Kalyāṇamittassetaṃ , meghiya, bhikkhuno pāṭikaṅkhaṃ kalyāṇasahāyassa kalyāṇasampavaṅkassa yaṃ sīlavā bhavissati, pātimokkhasaṃvarasaṃvuto viharissati, ācāragocarasampanno, aṇumattesu vajjesu bhayadassāvī, samādāya sikkhissati sikkhāpadesu.
‘‘галяаан̣амид̇д̇ассзд̇ам̣ , мзгхияа, бхигкуно баадиган̇кам̣ галяаан̣асахааяасса галяаан̣асамбаван̇гасса яам̣ яааяам̣ гат̇аа абхисаллзкигаа жзд̇овиваран̣асаббааяаа зганд̇аниб̣б̣ид̣̇ааяа вирааг̇ааяа нирод̇хааяа убасамааяа абхин̃н̃ааяа самб̣од̇хааяа ниб̣б̣аанааяа сам̣вад̇д̇ад̇и, сзяяат̇ид̣̇ам̣ – аббижчагат̇аа, санд̇удтигат̇аа, бавивзгагат̇аа, асам̣саг̇г̇агат̇аа, вийрияаарамбхагат̇аа, сийлагат̇аа, самаад̇хигат̇аа, бан̃н̃аагат̇аа, вимуд̇д̇игат̇аа, вимуд̇д̇ин̃аан̣ад̣̇ассанагат̇аа; зваруубааяа гат̇ааяа нигаамалаабхий бхависсад̇и агижчалаабхий агасиралаабхий.
‘‘Kalyāṇamittassetaṃ , meghiya, bhikkhuno pāṭikaṅkhaṃ kalyāṇasahāyassa kalyāṇasampavaṅkassa yaṃ yāyaṃ kathā abhisallekhikā cetovivaraṇasappāyā ekantanibbidāya virāgāya nirodhāya upasamāya abhiññāya sambodhāya nibbānāya saṃvattati, seyyathidaṃ – appicchakathā, santuṭṭhikathā, pavivekakathā, asaṃsaggakathā, vīriyārambhakathā, sīlakathā, samādhikathā, paññākathā, vimuttikathā, vimuttiñāṇadassanakathā; evarūpāya kathāya nikāmalābhī bhavissati akicchalābhī akasiralābhī.
‘‘галяаан̣амид̇д̇ассзд̇ам̣, мзгхияа, бхигкуно баадиган̇кам̣ галяаан̣асахааяасса галяаан̣асамбаван̇гасса яам̣ аарад̣̇д̇хавийрияо вихариссад̇и агусалаанам̣ д̇хаммаанам̣ бахаанааяа, гусалаанам̣ д̇хаммаанам̣ убасамбад̣̇ааяа, т̇аамаваа д̣̇ал̣хабараггамо анигкид̇д̇ад̇хуро гусалзсу д̇хаммзсу.
‘‘Kalyāṇamittassetaṃ, meghiya, bhikkhuno pāṭikaṅkhaṃ kalyāṇasahāyassa kalyāṇasampavaṅkassa yaṃ āraddhavīriyo viharissati akusalānaṃ dhammānaṃ pahānāya, kusalānaṃ dhammānaṃ upasampadāya, thāmavā daḷhaparakkamo anikkhittadhuro kusalesu dhammesu.
‘‘галяаан̣амид̇д̇ассзд̇ам̣, мзгхияа, бхигкуно баадиган̇кам̣ галяаан̣асахааяасса галяаан̣асамбаван̇гасса яам̣ бан̃н̃аваа бхависсад̇и, уд̣̇аяад̇т̇аг̇ааминияаа бан̃н̃ааяа саманнааг̇ад̇о арияааяа ниб̣б̣зд̇хигааяа саммаа д̣̇угкагкаяаг̇ааминияаа.
‘‘Kalyāṇamittassetaṃ, meghiya, bhikkhuno pāṭikaṅkhaṃ kalyāṇasahāyassa kalyāṇasampavaṅkassa yaṃ paññavā bhavissati, udayatthagāminiyā paññāya samannāgato ariyāya nibbedhikāya sammā dukkhakkhayagāminiyā.
‘‘д̇зна жа бана, мзгхияа, бхигкунаа имзсу бан̃жасу д̇хаммзсу бад̇идтааяа жад̇д̇ааро д̇хаммаа уд̇д̇ари бхаавзд̇аб̣б̣аа – асубхаа бхаавзд̇аб̣б̣аа рааг̇асса бахаанааяа, мзд̇д̇аа бхаавзд̇аб̣б̣аа б̣яаабаад̣̇асса бахаанааяа, аанаабаанассад̇и бхаавзд̇аб̣б̣аа вид̇аггубажчзд̣̇ааяа, анижжасан̃н̃аа бхаавзд̇аб̣б̣аа асмимаанасамуг̇гхаад̇ааяа. анижжасан̃н̃ино хи, мзгхияа, анад̇д̇асан̃н̃аа сан̣таад̇и, анад̇д̇асан̃н̃ий асмимаанасамуг̇гхаад̇ам̣ баабун̣аад̇и д̣̇идтзва д̇хаммз ниб̣б̣аана’’нд̇и.
‘‘Tena ca pana, meghiya, bhikkhunā imesu pañcasu dhammesu patiṭṭhāya cattāro dhammā uttari bhāvetabbā – asubhā bhāvetabbā rāgassa pahānāya, mettā bhāvetabbā byāpādassa pahānāya, ānāpānassati bhāvetabbā vitakkupacchedāya, aniccasaññā bhāvetabbā asmimānasamugghātāya. Aniccasaññino hi, meghiya, anattasaññā saṇṭhāti, anattasaññī asmimānasamugghātaṃ pāpuṇāti diṭṭheva dhamme nibbāna’’nti.
ат̇а ко бхаг̇аваа зд̇амад̇т̇ам̣ вид̣̇ид̇ваа д̇ааяам̣ взлааяам̣ имам̣ уд̣̇аанам̣ уд̣̇аанзси –
Atha kho bhagavā etamatthaṃ viditvā tāyaṃ velāyaṃ imaṃ udānaṃ udānesi –
‘‘куд̣̇д̣̇аа вид̇аггаа сукумаа вид̇аггаа,
‘‘Khuddā vitakkā sukhumā vitakkā,
зд̇з авид̣̇ваа манасо вид̇аггз,
Ete avidvā manaso vitakke,
хураа хурам̣ д̇хаавад̇и бханд̇ажид̇д̇о.
Hurā huraṃ dhāvati bhantacitto.
‘‘зд̇з жа вид̣̇ваа манасо вид̇аггз,
‘‘Ete ca vidvā manaso vitakke,
аад̇аабияо сам̣варад̇ий сад̇иймаа;
Ātāpiyo saṃvaratī satīmā;
ануг̇ад̇з манасо уббилаавз,
Anugate manaso uppilāve,
асзсамзд̇з баж̇ахааси б̣уд̣̇д̇хо’’д̇и. батамам̣;
Asesamete pajahāsi buddho’’ti. paṭhamaṃ;
Footnotes:
Related texts:
адтагат̇аа • Aṭṭhakathā / суд̇д̇абидага (адтагат̇аа) • Suttapiṭaka (aṭṭhakathā) / куд̣̇д̣̇аганигааяа (адтагат̇аа) • Khuddakanikāya (aṭṭhakathā) / уд̣̇аана-адтагат̇аа • Udāna-aṭṭhakathā / 1. мзгхияасуд̇д̇аван̣н̣анаа • 1. Meghiyasuttavaṇṇanā
