| Library / Tipiṭaka / திபிடக • Tipiṭaka / அங்கு³த்தரனிகாய (அட்ட²கதா²) • Aṅguttaranikāya (aṭṭhakathā) |
3. மேகி⁴யஸுத்தவண்ணனா
3. Meghiyasuttavaṇṇanā
3. ததியே சாலிகாயந்தி ஏவங்னாமகே நக³ரே. தங் கிர சலமக்³க³ங் நிஸ்ஸாய கதத்தா ஓலோகெந்தானங் சலமானங் விய உபட்டா²தி, தஸ்மா சாலிகாதி ஸங்க²ங் க³தங். சாலியபப்³ப³தேதி ஸோபி பப்³ப³தோ ஸப்³ப³ஸேதத்தா காளபக்கு²போஸதே² ஓலோகெந்தானங் சலமானோ விய உபட்டா²தி, தஸ்மா சாலியபப்³ப³தோதி வுத்தோ. தத்த² மஹந்தங் விஹாரங் காரயிங்ஸு. இதி ப⁴க³வா தங் நக³ரங் நிஸ்ஸாய சாலிகாபப்³ப³தமஹாவிஹாரே விஹரதி. ஜந்துகா³மந்தி ஏவங்னாமகங் அபரம்பி தஸ்ஸேவ விஹாரஸ்ஸ கோ³சரகா³மங். ஜத்துகா³மந்திபி பட²ந்தி. பதா⁴னத்தி²கஸ்ஸாதி பதா⁴னகம்மிகஸ்ஸ. பதா⁴னாயாதி ஸமணத⁴ம்மகரணத்தா²ய. ஆக³மேஹி தாவாதி ஸத்தா² தே²ரஸ்ஸ வசனங் ஸுத்வா உபதா⁴ரெந்தோ ‘‘ந தாவஸ்ஸ ஞாணங் பரிபக்க’’ந்தி ஞத்வா படிபா³ஹந்தோ ஏவமாஹ. ஏககம்ஹி தாவாதி இத³ங் பனஸ்ஸ ‘‘ஏவமயங் க³ந்த்வாபி கம்மே அனிப்ப²ஜ்ஜமானே நிராஸங்கோ ஹுத்வா பேமவஸேன புன ஆக³ச்சி²ஸ்ஸதீ’’தி சித்தமத்³த³வஜனநத்த²ங் ஆஹ. நத்தி² கிஞ்சி உத்தரி கரணீயந்தி சதூஸு ஸச்சேஸு சதுன்னங் கிச்சானங் கதத்தா அஞ்ஞங் உத்தரி கரணீயங் நாம நத்தி². கதஸ்ஸ வா படிசயோதி அதி⁴க³தஸ்ஸ வா புன படிசயோபி நத்தி². ந ஹி பா⁴விதமக்³கோ³ புன பா⁴வீயதி, ந பஹீனகிலேஸானங் புன பஹானங் அத்தி². பதா⁴னந்தி கோ², மேகி⁴ய, வத³மானங் கிந்தி வதெ³ய்யாமாதி ‘‘ஸமணத⁴ம்மங் கரோமீ’’தி தங் வத³மானங் மயங் அஞ்ஞங் கிங் நாம வதெ³ய்யாம.
3. Tatiye cālikāyanti evaṃnāmake nagare. Taṃ kira calamaggaṃ nissāya katattā olokentānaṃ calamānaṃ viya upaṭṭhāti, tasmā cālikāti saṅkhaṃ gataṃ. Cāliyapabbateti sopi pabbato sabbasetattā kāḷapakkhuposathe olokentānaṃ calamāno viya upaṭṭhāti, tasmā cāliyapabbatoti vutto. Tattha mahantaṃ vihāraṃ kārayiṃsu. Iti bhagavā taṃ nagaraṃ nissāya cālikāpabbatamahāvihāre viharati. Jantugāmanti evaṃnāmakaṃ aparampi tasseva vihārassa gocaragāmaṃ. Jattugāmantipi paṭhanti. Padhānatthikassāti padhānakammikassa. Padhānāyāti samaṇadhammakaraṇatthāya. Āgamehi tāvāti satthā therassa vacanaṃ sutvā upadhārento ‘‘na tāvassa ñāṇaṃ paripakka’’nti ñatvā paṭibāhanto evamāha. Ekakamhi tāvāti idaṃ panassa ‘‘evamayaṃ gantvāpi kamme anipphajjamāne nirāsaṅko hutvā pemavasena puna āgacchissatī’’ti cittamaddavajananatthaṃ āha. Natthi kiñci uttari karaṇīyanti catūsu saccesu catunnaṃ kiccānaṃ katattā aññaṃ uttari karaṇīyaṃ nāma natthi. Katassa vā paṭicayoti adhigatassa vā puna paṭicayopi natthi. Na hi bhāvitamaggo puna bhāvīyati, na pahīnakilesānaṃ puna pahānaṃ atthi. Padhānanti kho, meghiya, vadamānaṃ kinti vadeyyāmāti ‘‘samaṇadhammaṃ karomī’’ti taṃ vadamānaṃ mayaṃ aññaṃ kiṃ nāma vadeyyāma.
தி³வாவிஹாரங் நிஸீதீ³தி தி³வாவிஹாரத்தா²ய நிஸீதி³. நிஸீத³ந்தோ ச யஸ்மிங் மங்க³லஸிலாபட்டே புப்³பே³ அனுபடிபாடியா பஞ்ச ஜாதிஸதானி ராஜா ஹுத்வா உய்யானகீளிகங் கீளந்தோ திவித⁴னாடகபரிவாரோ நிஸீதி³, தஸ்மிங்யேவ நிஸீதி³. அத²ஸ்ஸ நிஸின்னகாலதோ பட்டா²ய ஸமணபா⁴வோ ஜஹிதோ விய அஹோஸி, ராஜவேஸங் க³ஹெத்வா நாடகவரபரிவுதோ ஸேதச்ச²த்தஸ்ஸ ஹெட்டா² மஹாரஹே பல்லங்கே நிஸின்னோ விய ஜாதோ. அத²ஸ்ஸ தங் ஸம்பத்திங் அஸ்ஸாத³யதோ காமவிதக்கோ உத³பாதி³. ஸோ தஸ்மிங்யேவ க²ணே மஹாயோதே⁴ஹி க³ஹிதே த்³வே சோரே ஆனெத்வா புரதோ ட²பிதே விய அத்³த³ஸ. தேஸு ஏகஸ்ஸ வத⁴ங் ஆணாபனவஸேனஸ்ஸ ப்³யாபாத³விதக்கோ உப்பஜ்ஜி, ஏகஸ்ஸ ப³ந்த⁴னங் ஆணாபனவஸேன விஹிங்ஸாவிதக்கோ. ஏவங் ஸோ லதாஜாலேன ருக்கோ² விய மது⁴மக்கி²காஹி மது⁴கா⁴தகோ விய அகுஸலவிதக்கேஹி பரிக்கி²த்தோ அஹோஸி. தங் ஸந்தா⁴ய – அத² கோ² ஆயஸ்மதோ மேகி⁴யஸ்ஸாதிஆதி³ வுத்தங். அன்வாஸத்தாதி அனுப³த்³தா⁴ ஸம்பரிவாரிதா. யேன ப⁴க³வா தேனுபஸங்கமீதி ஏவங் பாபவிதக்கேஹி ஸம்பரிகிண்ணோ கம்மட்டா²னங் ஸப்பாயங் காதுங் அஸக்கொந்தோ ‘‘இத³ங் வத தி³ஸ்வா தீ³க⁴த³ஸ்ஸீ ப⁴க³வா படிஸேதே⁴ஸீ’’தி ஸல்லக்கெ²த்வா ‘‘இத³ங் காரணங் த³ஸப³லஸ்ஸ ஆரோசெஸ்ஸாமீ’’தி நிஸின்னாஸனதோ வுட்டா²ய யேன ப⁴க³வா தேனுபஸங்கமி.
Divāvihāraṃ nisīdīti divāvihāratthāya nisīdi. Nisīdanto ca yasmiṃ maṅgalasilāpaṭṭe pubbe anupaṭipāṭiyā pañca jātisatāni rājā hutvā uyyānakīḷikaṃ kīḷanto tividhanāṭakaparivāro nisīdi, tasmiṃyeva nisīdi. Athassa nisinnakālato paṭṭhāya samaṇabhāvo jahito viya ahosi, rājavesaṃ gahetvā nāṭakavaraparivuto setacchattassa heṭṭhā mahārahe pallaṅke nisinno viya jāto. Athassa taṃ sampattiṃ assādayato kāmavitakko udapādi. So tasmiṃyeva khaṇe mahāyodhehi gahite dve core ānetvā purato ṭhapite viya addasa. Tesu ekassa vadhaṃ āṇāpanavasenassa byāpādavitakko uppajji, ekassa bandhanaṃ āṇāpanavasena vihiṃsāvitakko. Evaṃ so latājālena rukkho viya madhumakkhikāhi madhughātako viya akusalavitakkehi parikkhitto ahosi. Taṃ sandhāya – atha kho āyasmato meghiyassātiādi vuttaṃ. Anvāsattāti anubaddhā samparivāritā. Yena bhagavā tenupasaṅkamīti evaṃ pāpavitakkehi samparikiṇṇo kammaṭṭhānaṃ sappāyaṃ kātuṃ asakkonto ‘‘idaṃ vata disvā dīghadassī bhagavā paṭisedhesī’’ti sallakkhetvā ‘‘idaṃ kāraṇaṃ dasabalassa ārocessāmī’’ti nisinnāsanato vuṭṭhāya yena bhagavā tenupasaṅkami.
Related texts:
திபிடக (மூல) • Tipiṭaka (Mūla) / ஸுத்தபிடக • Suttapiṭaka / அங்கு³த்தரனிகாய • Aṅguttaranikāya / 3. மேகி⁴யஸுத்தங் • 3. Meghiyasuttaṃ
டீகா • Tīkā / ஸுத்தபிடக (டீகா) • Suttapiṭaka (ṭīkā) / அங்கு³த்தரனிகாய (டீகா) • Aṅguttaranikāya (ṭīkā) / 3. மேகி⁴யஸுத்தவண்ணனா • 3. Meghiyasuttavaṇṇanā
