Library / Tipiṭaka / д̇ибидага • Tipiṭaka / уд̣̇аана-адтагат̇аа • Udāna-aṭṭhakathā

    4. мзгхияаваг̇г̇о

    4. Meghiyavaggo

    1. мзгхияасуд̇д̇аван̣н̣анаа

    1. Meghiyasuttavaṇṇanā

    31. мзгхияаваг̇г̇асса батамз жаалигааяанд̇и звам̣ наамагз наг̇арз. д̇асса гира наг̇арасса д̣̇ваарадтаанам̣ мун̃жид̇ваа саманд̇ад̇о жалабан̇гам̣ ход̇и, д̇ам̣ жалабан̇гам̣ ниссааяа тид̇ад̇д̇аа ологзнд̇аанам̣ жаламаанам̣ вияа убадтаад̇и, д̇асмаа ‘‘жаалигаа’’д̇и вужжад̇и. жаалигз баб̣б̣ад̇зд̇и д̇асса наг̇арасса авид̣̇уурз зго баб̣б̣ад̇о, соби саб̣б̣асзд̇ад̇д̇аа гаалабагкаубосат̇з ологзнд̇аанам̣ жаламаано вияа убадтаад̇и, д̇асмаа ‘‘жаалигабаб̣б̣ад̇о’’д̇и сан̇кам̣ г̇ад̇о. д̇ад̇т̇а бхаг̇авад̇о маханд̇ам̣ вихаарам̣ гаараяим̣су, бхаг̇аваа д̇ад̣̇аа д̇ам̣ наг̇арам̣ г̇ожараг̇аамам̣ гад̇ваа д̇асмим̣ жаалигабаб̣б̣ад̇амахаавихаарз вихарад̇и. д̇зна вуд̇д̇ам̣ – ‘‘жаалигааяам̣ вихарад̇и жаалигз баб̣б̣ад̇з’’д̇и. мзгхияод̇и д̇асса т̇зрасса наамам̣. убадтааго ход̇ийд̇и барижаараго ход̇и. бхаг̇авад̇о хи батамаб̣од̇хияам̣ убадтаагаа аниб̣ад̣̇д̇хаа ахзсум̣, згад̣̇аа нааг̇асамаало, згад̣̇аа нааг̇ид̇о, згад̣̇аа убаваано, згад̣̇аа сунагкад̇д̇о, д̇ад̣̇ааби мзгхияад̇т̇зрова убадтааго. д̇знааха – ‘‘д̇зна ко бана самаязна ааяасмаа мзгхияо бхаг̇авад̇о убадтааго ход̇ий’’д̇и.

    31. Meghiyavaggassa paṭhame cālikāyanti evaṃ nāmake nagare. Tassa kira nagarassa dvāraṭṭhānaṃ muñcitvā samantato calapaṅkaṃ hoti, taṃ calapaṅkaṃ nissāya ṭhitattā olokentānaṃ calamānaṃ viya upaṭṭhāti, tasmā ‘‘cālikā’’ti vuccati. Cālike pabbateti tassa nagarassa avidūre eko pabbato, sopi sabbasetattā kālapakkhauposathe olokentānaṃ calamāno viya upaṭṭhāti, tasmā ‘‘cālikapabbato’’ti saṅkhaṃ gato. Tattha bhagavato mahantaṃ vihāraṃ kārayiṃsu, bhagavā tadā taṃ nagaraṃ gocaragāmaṃ katvā tasmiṃ cālikapabbatamahāvihāre viharati. Tena vuttaṃ – ‘‘cālikāyaṃ viharati cālike pabbate’’ti. Meghiyoti tassa therassa nāmaṃ. Upaṭṭhāko hotīti paricārako hoti. Bhagavato hi paṭhamabodhiyaṃ upaṭṭhākā anibaddhā ahesuṃ, ekadā nāgasamālo, ekadā nāgito, ekadā upavāno, ekadā sunakkhatto, tadāpi meghiyattherova upaṭṭhāko. Tenāha – ‘‘tena kho pana samayena āyasmā meghiyo bhagavato upaṭṭhāko hotī’’ti.

    ж̇анд̇уг̇ааманд̇и звам̣ наамагам̣ д̇ассзва вихаарасса абарам̣ г̇ожараг̇аамам̣. ‘‘ж̇ад̇д̇уг̇аама’’нд̇иби баато. гимигаал̣ааяаад̇и гаал̣агимийнам̣ б̣ахулад̇ааяа ‘‘гимигаал̣аа’’д̇и лад̣̇д̇ханаамааяа над̣̇ияаа. ж̇ан̇гхавихааранд̇и жиранисаж̇ж̇ааяа ж̇ан̇гхаасу уббаннагиламат̇авинод̣̇анад̇т̇ам̣ вижаран̣ам̣. баасаад̣̇иганд̇и авирал̣аругкад̇ааяа синид̣̇д̇хабад̇д̇ад̇ааяа жа бассанд̇аанам̣ басаад̣̇амаавахад̇ийд̇и баасаад̣̇игам̣. санд̣̇ажчааяад̇ааяа манун̃н̃абхуумибхааг̇ад̇ааяа жа манун̃н̃ам̣. анд̇о бавидтаанам̣ бийд̇исоманассаж̇ананадтзна жид̇д̇ам̣ рамзд̇ийд̇и раман̣ийяам̣. аланд̇и барияад̇д̇ам̣, яуд̇д̇анд̇иби ад̇т̇о. бад̇хаанад̇т̇игассаад̇и яог̇зна бхааванааяа ад̇т̇игасса. бад̇хаанааяаад̇и саман̣ад̇хаммагаран̣ааяа. ааг̇ажчзяяааханд̇и ааг̇ажчзяяам̣ ахам̣. т̇зрзна гира буб̣б̣з д̇ам̣ таанам̣ анубадибаадияаа бан̃жа ж̇аад̇исад̇аани ран̃н̃аа зва сад̇аа анубхууд̇ам̣ уяяаанам̣ ахоси, д̇знасса д̣̇идтамад̇д̇зязва д̇ад̇т̇а вихарид̇ум̣ жид̇д̇ам̣ нами. ааг̇амзхи д̇ааваад̇и сад̇т̇аа т̇зрасса важанам̣ суд̇ваа убад̇хаарзнд̇о ‘‘на д̇аавасса н̃аан̣ам̣ барибаагам̣ г̇ад̇а’’нд̇и н̃ад̇ваа бадигкибанд̇о звамааха . згагамхи д̇ааваад̇и ид̣̇ам̣ банасса ‘‘звамаяам̣ г̇анд̇вааби гаммз анибпаж̇ж̇амаанз нираасан̇го худ̇ваа бзмавасзна буна ааг̇ажчиссад̇ий’’д̇и жид̇д̇амад̣̇д̣̇аваж̇ананад̇т̇ам̣ ааха. яаава ан̃н̃оби гожи бхигку ааг̇ажчад̇ийд̇и ан̃н̃о гожи бхигку мама санд̇игам̣ яаава ааг̇ажчад̇и, д̇аава ааг̇амзхийд̇и ад̇т̇о. ‘‘гожи бхигку д̣̇иссад̇ий’’д̇иби баато. ‘‘ааг̇ажчад̇уу’’д̇иби батанд̇и, д̇ат̇аа ‘‘д̣̇иссад̇уу’’д̇и.

    Jantugāmanti evaṃ nāmakaṃ tasseva vihārassa aparaṃ gocaragāmaṃ. ‘‘Jattugāma’’ntipi pāṭho. Kimikāḷāyāti kāḷakimīnaṃ bahulatāya ‘‘kimikāḷā’’ti laddhanāmāya nadiyā. Jaṅghavihāranti ciranisajjāya jaṅghāsu uppannakilamathavinodanatthaṃ vicaraṇaṃ. Pāsādikanti aviraḷarukkhatāya siniddhapattatāya ca passantānaṃ pasādamāvahatīti pāsādikaṃ. Sandacchāyatāya manuññabhūmibhāgatāya ca manuññaṃ. Anto paviṭṭhānaṃ pītisomanassajananaṭṭhena cittaṃ rametīti ramaṇīyaṃ. Alanti pariyattaṃ, yuttantipi attho. Padhānatthikassāti yogena bhāvanāya atthikassa. Padhānāyāti samaṇadhammakaraṇāya. Āgaccheyyāhanti āgaccheyyaṃ ahaṃ. Therena kira pubbe taṃ ṭhānaṃ anupaṭipāṭiyā pañca jātisatāni raññā eva satā anubhūtaṃ uyyānaṃ ahosi, tenassa diṭṭhamatteyeva tattha viharituṃ cittaṃ nami. Āgamehi tāvāti satthā therassa vacanaṃ sutvā upadhārento ‘‘na tāvassa ñāṇaṃ paripākaṃ gata’’nti ñatvā paṭikkhipanto evamāha . Ekakamhi tāvāti idaṃ panassa ‘‘evamayaṃ gantvāpi kamme anipphajjamāne nirāsaṅko hutvā pemavasena puna āgacchissatī’’ti cittamaddavajananatthaṃ āha. Yāva aññopi koci bhikkhu āgacchatīti añño koci bhikkhu mama santikaṃ yāva āgacchati, tāva āgamehīti attho. ‘‘Koci bhikkhu dissatī’’tipi pāṭho. ‘‘Āgacchatū’’tipi paṭhanti, tathā ‘‘dissatū’’ti.

    над̇т̇и гин̃жи уд̇д̇ари гаран̣ийяанд̇и жад̇уусу сажжзсу жад̇уухи маг̇г̇зхи барин̃н̃аад̣̇ийнам̣ сол̣асаннам̣ гижжаанам̣ гад̇ад̇д̇аа, абхисамб̣од̇хияаа ваа ад̇хиг̇ад̇ад̇д̇аа д̇ад̇о ан̃н̃ам̣ уд̇д̇ари гаран̣ийяам̣ наама над̇т̇и. над̇т̇и гад̇асса ваа бад̇ижаяод̇и гад̇асса ваа буна бад̇ижаяоби над̇т̇и. на хи бхаавид̇амаг̇г̇о буна бхаавийяад̇и, бахийнагилзсаанам̣ ваа буна бахаанзна гижжам̣ ад̇т̇и. ад̇т̇и гад̇асса бад̇ижаяод̇и маяхам̣ санд̇аанз нибпаад̣̇ид̇асса сийлаад̣̇ид̇хаммасса арияамаг̇г̇асса анад̇хиг̇ад̇ад̇д̇аа д̇ад̣̇ад̇т̇ам̣ буна вад̣дханасан̇каад̇о бад̇ижаяо ад̇т̇и, ижчид̇аб̣б̣од̇и ад̇т̇о. бад̇хаананд̇и ко мзгхияа вад̣̇амаанам̣ гинд̇и вад̣̇зяяаамаад̇и ‘‘саман̣ад̇хаммам̣ гаромий’’д̇и д̇ам̣ вад̣̇амаанам̣ маяам̣ ан̃н̃ам̣ гим̣ наама вад̣̇зяяаама?

    Natthi kiñci uttari karaṇīyanti catūsu saccesu catūhi maggehi pariññādīnaṃ soḷasannaṃ kiccānaṃ katattā, abhisambodhiyā vā adhigatattā tato aññaṃ uttari karaṇīyaṃ nāma natthi. Natthi katassa vā paticayoti katassa vā puna paticayopi natthi. Na hi bhāvitamaggo puna bhāvīyati, pahīnakilesānaṃ vā puna pahānena kiccaṃ atthi. Atthi katassa paticayoti mayhaṃ santāne nipphāditassa sīlādidhammassa ariyamaggassa anadhigatattā tadatthaṃ puna vaḍḍhanasaṅkhāto paticayo atthi, icchitabboti attho. Padhānanti kho meghiya vadamānaṃ kinti vadeyyāmāti ‘‘samaṇadhammaṃ karomī’’ti taṃ vadamānaṃ mayaṃ aññaṃ kiṃ nāma vadeyyāma?

    д̣̇иваавихаарам̣ нисийд̣̇ийд̇и д̣̇иваавихаарад̇т̇ааяа нисийд̣̇и. нисинно жа яасмим̣ ман̇г̇аласилаабаддз буб̣б̣з анубадибаадияаа бан̃жа ж̇аад̇исад̇аани рааж̇аа худ̇ваа уяяаанагийл̣ам̣ гийл̣анд̇о вивид̇ханаадагабаривааро нисиннабуб̣б̣о, д̇асмим̣язва таанз нисийд̣̇и. ат̇асса нисиннагаалад̇о бадтааяа саман̣абхааво виг̇ад̇о вияа ахоси, рааж̇авзсам̣ г̇ахзд̇ваа наадагабариваарабаривуд̇о сзд̇ажчад̇д̇асса хздтаа махаарахз баллан̇гз нисинно вияа ж̇аад̇о. ат̇асса д̇ам̣ самбад̇д̇им̣ ассаад̣̇аяад̇о гаамавид̇агго уд̣̇абаад̣̇и. со д̇асмим̣язва кан̣з саход̣дхам̣ г̇ахид̇з д̣̇вз жорз аанзд̇ваа бурад̇о табид̇з вияа ад̣̇д̣̇аса. д̇зсу згасса вад̇хам̣ аан̣аабанавасзна б̣яаабаад̣̇авид̇агго уббаж̇ж̇и, згасса б̣анд̇ханам̣ аан̣аабанавасзна вихим̣саавид̇агго, звам̣ со лад̇ааж̇аалзна ругко вияа мад̇хумагкигаахи мад̇хугхаад̇аго вияа жа агусалавид̇аггзхи баригкид̇д̇о самбаригин̣н̣о ахоси. д̇ам̣ санд̇хааяа ‘‘ат̇а ко ааяасмад̇о мзгхияассаа’’д̇иаад̣̇и вуд̇д̇ам̣.

    Divāvihāraṃnisīdīti divāvihāratthāya nisīdi. Nisinno ca yasmiṃ maṅgalasilāpaṭṭe pubbe anupaṭipāṭiyā pañca jātisatāni rājā hutvā uyyānakīḷaṃ kīḷanto vividhanāṭakaparivāro nisinnapubbo, tasmiṃyeva ṭhāne nisīdi. Athassa nisinnakālato paṭṭhāya samaṇabhāvo vigato viya ahosi, rājavesaṃ gahetvā nāṭakaparivāraparivuto setacchattassa heṭṭhā mahārahe pallaṅke nisinno viya jāto. Athassa taṃ sampattiṃ assādayato kāmavitakko udapādi. So tasmiṃyeva khaṇe sahoḍḍhaṃ gahite dve core ānetvā purato ṭhapite viya addasa. Tesu ekassa vadhaṃ āṇāpanavasena byāpādavitakko uppajji, ekassa bandhanaṃ āṇāpanavasena vihiṃsāvitakko, evaṃ so latājālena rukkho viya madhumakkhikāhi madhughātako viya ca akusalavitakkehi parikkhitto samparikiṇṇo ahosi. Taṃ sandhāya ‘‘atha kho āyasmato meghiyassā’’tiādi vuttaṃ.

    ажчарияам̣ вад̇а бход̇и г̇арахан̣ажчарияам̣ наама гирзд̇ам̣ яат̇аа ааяасмаа аананд̣̇о бхаг̇авад̇о валияаг̇ад̇д̇ам̣ д̣̇исваа авожа ‘‘ажчарияам̣, бханд̇з, аб̣бхуд̇ам̣, бханд̇з’’д̇и (сам̣. ни. 5.511). абарз бана ‘‘д̇асмим̣ самаяз бубпапалабаллаваад̣̇ийсу лобхавасзна гаамавид̇агго, карассараанам̣ багкиаад̣̇ийнам̣ сад̣̇д̣̇ассаванзна б̣яаабаад̣̇авид̇агго, лзд̣д̣уаад̣̇ийхи д̇зсам̣ бадиб̣ааханаад̇хиббааязна вихим̣саавид̇агго, ‘ид̇хзваахам̣ васзяяа’нд̇и д̇ад̇т̇а саабзгкад̇аавасзна гаамавид̇агго, ванажарагз д̇ад̇т̇а д̇ад̇т̇а д̣̇исваа д̇зсу жид̇д̇ад̣̇уб̣бханзна б̣яаабаад̣̇авид̇агго, д̇зсам̣ вихзтанаад̇хиббааязна вихим̣саавид̇агго д̇асса уббаж̇ж̇ий’’д̇иби вад̣̇анд̇и. яат̇аа ваа д̇ат̇аа ваа д̇асса мижчаавид̇аггуббад̇д̇иязва ажчарияагааран̣ам̣. анваасад̇д̇аад̇и анулаг̇г̇аа вогин̣н̣аа. ад̇д̇ани г̇арумхи жа згад̇д̇зби б̣ахуважанам̣ д̣̇иссад̇и. ‘‘анусанд̇о’’д̇иби баато.

    Acchariyaṃvata bhoti garahaṇacchariyaṃ nāma kiretaṃ yathā āyasmā ānando bhagavato valiyagattaṃ disvā avoca ‘‘acchariyaṃ, bhante, abbhutaṃ, bhante’’ti (saṃ. ni. 5.511). Apare pana ‘‘tasmiṃ samaye pupphaphalapallavādīsu lobhavasena kāmavitakko, kharassarānaṃ pakkhiādīnaṃ saddassavanena byāpādavitakko, leḍḍuādīhi tesaṃ paṭibāhanādhippāyena vihiṃsāvitakko, ‘idhevāhaṃ vaseyya’nti tattha sāpekkhatāvasena kāmavitakko, vanacarake tattha tattha disvā tesu cittadubbhanena byāpādavitakko, tesaṃ viheṭhanādhippāyena vihiṃsāvitakko tassa uppajjī’’tipi vadanti. Yathā vā tathā vā tassa micchāvitakkuppattiyeva acchariyakāraṇaṃ. Anvāsattāti anulaggā vokiṇṇā. Attani garumhi ca ekattepi bahuvacanaṃ dissati. ‘‘Anusanto’’tipi pāṭho.

    язна бхаг̇аваа д̇знубасан̇гамийд̇и звам̣ мижчаавид̇аггзхи самбаригин̣н̣о гаммадтаанасаббааяам̣ гаад̇ум̣ асаггонд̇о ‘‘ид̣̇ам̣ вад̇а д̣̇исваа д̣̇ийгхад̣̇ассий бхаг̇аваа бадисзд̇хзсий’’д̇и саллагкзд̇ваа ‘‘имам̣ гааран̣ам̣ д̣̇асаб̣аласса аарожзссаамий’’д̇и нисиннаасанад̇о вудтааяа язна бхаг̇аваа д̇знубасан̇гами. убасан̇гамид̇ваа жа ‘‘ид̇ха маяхам̣, бханд̇з’’д̇иаад̣̇инаа ад̇д̇ано бавад̇д̇им̣ аарожзси.

    Yena bhagavā tenupasaṅkamīti evaṃ micchāvitakkehi samparikiṇṇo kammaṭṭhānasappāyaṃ kātuṃ asakkonto ‘‘idaṃ vata disvā dīghadassī bhagavā paṭisedhesī’’ti sallakkhetvā ‘‘imaṃ kāraṇaṃ dasabalassa ārocessāmī’’ti nisinnāsanato vuṭṭhāya yena bhagavā tenupasaṅkami. Upasaṅkamitvā ca ‘‘idha mayhaṃ, bhante’’tiādinā attano pavattiṃ ārocesi.

    д̇ад̇т̇а язбхуяязнаад̇и б̣ахулам̣ абхигкан̣ам̣. баабагаад̇и лаамагаа. агусалаад̇и агосалласамбхууд̇аа. д̣̇уг̇г̇ад̇исамбаабанадтзна ваа баабагаа, гусалабадибагкад̇ааяа агусалаа. вид̇аггзд̇и уухад̇и аарамман̣ам̣ жид̇д̇ам̣ абхиниробзд̇ийд̇и вид̇агго, гаамасахаг̇ад̇о вид̇агго гаамавид̇агго, гилзсагаамасамбаяуд̇д̇о вад̇т̇угаамаарамман̣о вид̇аггод̇и ад̇т̇о. б̣яаабаад̣̇асахаг̇ад̇о вид̇агго б̣яаабаад̣̇авид̇агго. вихим̣саасахаг̇ад̇о вид̇агго вихим̣саавид̇агго. д̇зсу гаамаанам̣ абхинанд̣̇анавасзна бавад̇д̇о нзгкаммабадибагко гаамавид̇агго, ‘‘имз сад̇д̇аа хан̃н̃анд̇у ваа винассанд̇у ваа маа ваа ахзсу’’нд̇и сад̇д̇зсу самбад̣̇уссанавасзна бавад̇д̇о мзд̇д̇аабадибагко б̣яаабаад̣̇авид̇агго, баан̣илзд̣д̣уд̣̇ан̣д̣аад̣̇ийхи сад̇д̇аанам̣ вихзтзд̇угаамад̇аавасзна бавад̇д̇о гарун̣аабадибагко вихим̣саавид̇агго.

    Tattha yebhuyyenāti bahulaṃ abhikkhaṇaṃ. Pāpakāti lāmakā. Akusalāti akosallasambhūtā. Duggatisampāpanaṭṭhena vā pāpakā, kusalapaṭipakkhatāya akusalā. Vitakketi ūhati ārammaṇaṃ cittaṃ abhiniropetīti vitakko, kāmasahagato vitakko kāmavitakko, kilesakāmasampayutto vatthukāmārammaṇo vitakkoti attho. Byāpādasahagato vitakko byāpādavitakko. Vihiṃsāsahagato vitakko vihiṃsāvitakko. Tesu kāmānaṃ abhinandanavasena pavatto nekkhammapaṭipakkho kāmavitakko, ‘‘ime sattā haññantu vā vinassantu vā mā vā ahesu’’nti sattesu sampadussanavasena pavatto mettāpaṭipakkho byāpādavitakko, pāṇileḍḍudaṇḍādīhi sattānaṃ viheṭhetukāmatāvasena pavatto karuṇāpaṭipakkho vihiṃsāvitakko.

    гасмаа банасса бхаг̇аваа д̇ад̇т̇а г̇аманам̣ ануж̇аани? ‘‘ананун̃н̃аад̇оби жааяам̣ мам̣ охааяа г̇ажчиссад̇зва, ‘барижаарагаамад̇ааяа ман̃н̃з бхаг̇аваа г̇анд̇ум̣ на д̣̇зд̇ий’д̇и жасса сияаа ан̃н̃ат̇ад̇д̇ам̣. д̇ад̣̇асса д̣̇ийгхарад̇д̇ам̣ ахид̇ааяа д̣̇угкааяа сам̣вад̇д̇зяяаа’’д̇и ануж̇аани.

    Kasmā panassa bhagavā tattha gamanaṃ anujāni? ‘‘Ananuññātopi cāyaṃ maṃ ohāya gacchissateva, ‘paricārakāmatāya maññe bhagavā gantuṃ na detī’ti cassa siyā aññathattaṃ. Tadassa dīgharattaṃ ahitāya dukkhāya saṃvatteyyā’’ti anujāni.

    звам̣ д̇асмим̣ ад̇д̇ано бавад̇д̇им̣ аарожзд̇ваа нисиннз ат̇асса бхаг̇аваа саббааяам̣ д̇хаммам̣ д̣̇зсзнд̇о ‘‘абарибаггааяа, мзгхияа, жзд̇овимуд̇д̇ияаа’’д̇иаад̣̇имааха. д̇ад̇т̇а абарибаггааяаад̇и барибаагам̣ аббад̇д̇ааяа. жзд̇овимуд̇д̇ияаад̇и гилзсзхи жзд̇асо вимуд̇д̇ияаа. буб̣б̣абхааг̇з хи д̇ад̣̇ан̇г̇авасзна жзва вигкамбханавасзна жа гилзсзхи жзд̇асо вимуд̇д̇и ход̇и, абарабхааг̇з самужчзд̣̇авасзна жзва бадибассад̣̇д̇хивасзна жа. сааяам̣ вимуд̇д̇и хздтаа вид̇т̇аарад̇о гат̇ид̇аава, д̇асмаа д̇ад̇т̇а вуд̇д̇анаязна взд̣̇ид̇аб̣б̣аа. д̇ад̇т̇а вимуд̇д̇ибарибаажанийязхи д̇хаммзхи аасаяз барибаажид̇з баб̣од̇хид̇з вибассанааяа маг̇г̇аг̇аб̣бхам̣ г̇ан̣ханд̇ияаа барибаагам̣ г̇ажчанд̇ияаа жзд̇овимуд̇д̇и барибаггаа наама ход̇и, д̇ад̣̇абхаавз абарибаггаа.

    Evaṃ tasmiṃ attano pavattiṃ ārocetvā nisinne athassa bhagavā sappāyaṃ dhammaṃ desento ‘‘aparipakkāya, meghiya, cetovimuttiyā’’tiādimāha. Tattha aparipakkāyāti paripākaṃ appattāya. Cetovimuttiyāti kilesehi cetaso vimuttiyā. Pubbabhāge hi tadaṅgavasena ceva vikkhambhanavasena ca kilesehi cetaso vimutti hoti, aparabhāge samucchedavasena ceva paṭipassaddhivasena ca. Sāyaṃ vimutti heṭṭhā vitthārato kathitāva, tasmā tattha vuttanayena veditabbā. Tattha vimuttiparipācanīyehi dhammehi āsaye paripācite pabodhite vipassanāya maggagabbhaṃ gaṇhantiyā paripākaṃ gacchantiyā cetovimutti paripakkā nāma hoti, tadabhāve aparipakkā.

    гад̇амз бана вимуд̇д̇ибарибаажанийяаа д̇хаммаа? сад̣̇д̇хинд̣̇рияаад̣̇ийнам̣ висуд̣̇д̇хигаран̣авасзна баннараса д̇хаммаа взд̣̇ид̇аб̣б̣аа. вуд̇д̇ан̃хзд̇ам̣ –

    Katame pana vimuttiparipācanīyā dhammā? Saddhindriyādīnaṃ visuddhikaraṇavasena pannarasa dhammā veditabbā. Vuttañhetaṃ –

    ‘‘ассад̣̇д̇хз буг̇г̇алз бариваж̇ж̇аяад̇о, сад̣̇д̇хз буг̇г̇алз сзвад̇о бхаж̇ад̇о баяирубаасад̇о, басаад̣̇анийяз суд̇д̇анд̇з бажжавзгкад̇о – имзхи д̇ийхаагаарзхи сад̣̇д̇хинд̣̇рияам̣ висуж̇жхад̇и.

    ‘‘Assaddhe puggale parivajjayato, saddhe puggale sevato bhajato payirupāsato, pasādanīye suttante paccavekkhato – imehi tīhākārehi saddhindriyaṃ visujjhati.

    ‘‘гусийд̇з буг̇г̇алз бариваж̇ж̇аяад̇о, аарад̣̇д̇хавийрияз буг̇г̇алз сзвад̇о бхаж̇ад̇о баяирубаасад̇о, саммаббад̇хаанз бажжавзгкад̇о – имзхи д̇ийхаагаарзхи вийрияинд̣̇рияам̣ висуж̇жхад̇и.

    ‘‘Kusīte puggale parivajjayato, āraddhavīriye puggale sevato bhajato payirupāsato, sammappadhāne paccavekkhato – imehi tīhākārehi vīriyindriyaṃ visujjhati.

    ‘‘мудтассад̇ий буг̇г̇алз бариваж̇ж̇аяад̇о, убадтид̇ассад̇ий буг̇г̇алз сзвад̇о бхаж̇ад̇о баяирубаасад̇о, сад̇ибадтаанз бажжавзгкад̇о – имзхи д̇ийхаагаарзхи сад̇инд̣̇рияам̣ висуж̇жхад̇и.

    ‘‘Muṭṭhassatī puggale parivajjayato, upaṭṭhitassatī puggale sevato bhajato payirupāsato, satipaṭṭhāne paccavekkhato – imehi tīhākārehi satindriyaṃ visujjhati.

    ‘‘асамаахид̇з буг̇г̇алз бариваж̇ж̇аяад̇о, самаахид̇з буг̇г̇алз сзвад̇о бхаж̇ад̇о баяирубаасад̇о, жхаанавимогкз бажжавзгкад̇о – имзхи д̇ийхаагаарзхи самаад̇хинд̣̇рияам̣ висуж̇жхад̇и.

    ‘‘Asamāhite puggale parivajjayato, samāhite puggale sevato bhajato payirupāsato, jhānavimokkhe paccavekkhato – imehi tīhākārehi samādhindriyaṃ visujjhati.

    ‘‘д̣̇уббан̃н̃з буг̇г̇алз бариваж̇ж̇аяад̇о, бан̃н̃аванд̇з буг̇г̇алз сзвад̇о бхаж̇ад̇о баяирубаасад̇о, г̇амбхийран̃аан̣ажарияам̣ бажжавзгкад̇о – имзхи д̇ийхаагаарзхи бан̃н̃инд̣̇рияам̣ висуж̇жхад̇и.

    ‘‘Duppaññe puggale parivajjayato, paññavante puggale sevato bhajato payirupāsato, gambhīrañāṇacariyaṃ paccavekkhato – imehi tīhākārehi paññindriyaṃ visujjhati.

    ‘‘ид̇и имз бан̃жа буг̇г̇алз бариваж̇ж̇аяад̇о, бан̃жа буг̇г̇алз сзвад̇о бхаж̇ад̇о баяирубаасад̇о, бан̃жа суд̇д̇анд̇з бажжавзгкад̇о – имзхи баннарасахи аагаарзхи, имаани бан̃жинд̣̇рияаани висуж̇жханд̇ий’’д̇и (бади. ма. 1.185).

    ‘‘Iti ime pañca puggale parivajjayato, pañca puggale sevato bhajato payirupāsato, pañca suttante paccavekkhato – imehi pannarasahi ākārehi, imāni pañcindriyāni visujjhantī’’ti (paṭi. ma. 1.185).

    абарзби баннараса д̇хаммаа вимуд̇д̇ибарибаажанийяаа – сад̣̇д̇хаабан̃жамаани инд̣̇рияаани, анижжасан̃н̃аа д̣̇угкасан̃н̃аа анад̇д̇асан̃н̃аа бахаанасан̃н̃аа вирааг̇асан̃н̃аад̇и имаа бан̃жа ниб̣б̣зд̇хабхааг̇ияаа сан̃н̃аа, галяаан̣амид̇д̇ад̇аа сийласам̣варо абхисаллзкад̇аа вийрияаарамбхо ниб̣б̣зд̇хигабан̃н̃аад̇и. д̇зсу винзяяад̣̇аманагусало сад̇т̇аа винзяяасса мзгхияад̇т̇зрасса аж̇жхаасаяавасзна ид̇ха галяаан̣амид̇д̇ад̇аад̣̇аяо вимуд̇д̇ибарибаажанийяз д̇хаммз д̣̇ассзнд̇о ‘‘бан̃жа д̇хаммаа барибаагааяа сам̣вад̇д̇анд̇ий’’д̇и вад̇ваа д̇з вид̇т̇аарзнд̇о ‘‘ид̇ха, мзгхияа, бхигку галяаан̣амид̇д̇о ход̇ий’’д̇иаад̣̇имааха.

    Aparepi pannarasa dhammā vimuttiparipācanīyā – saddhāpañcamāni indriyāni, aniccasaññā dukkhasaññā anattasaññā pahānasaññā virāgasaññāti imā pañca nibbedhabhāgiyā saññā, kalyāṇamittatā sīlasaṃvaro abhisallekhatā vīriyārambho nibbedhikapaññāti. Tesu vineyyadamanakusalo satthā vineyyassa meghiyattherassa ajjhāsayavasena idha kalyāṇamittatādayo vimuttiparipācanīye dhamme dassento ‘‘pañca dhammā paripākāya saṃvattantī’’ti vatvā te vitthārento ‘‘idha, meghiya, bhikkhu kalyāṇamitto hotī’’tiādimāha.

    д̇ад̇т̇а галяаан̣амид̇д̇од̇и галяаан̣о бхад̣̇д̣̇о сунд̣̇аро мид̇д̇о зд̇ассаад̇и галяаан̣амид̇д̇о. яасса сийлаад̣̇иг̇ун̣асамбанно ‘‘агхасса гхаад̇аа, хид̇асса вид̇хаад̇аа’’д̇и звам̣ саб̣б̣аагаарзна убагааро мид̇д̇о ход̇и, со буг̇г̇ало галяаан̣амид̇д̇ова. яат̇аавуд̇д̇зхи галяаан̣абуг̇г̇алзхзва саб̣б̣ирияаабат̇зсу саха аяад̇и бавад̇д̇ад̇и, на винаа д̇зхийд̇и галяаан̣асахааяо.галяаан̣абуг̇г̇алзсу зва жид̇д̇зна жзва гааязна жа ниннабон̣абаб̣бхаарабхаавзна бавад̇д̇ад̇ийд̇и галяаан̣асамбаван̇го. бад̣̇ад̇д̇аязна галяаан̣амид̇д̇асам̣саг̇г̇з аад̣̇арам̣ уббаад̣̇зд̇и.

    Tattha kalyāṇamittoti kalyāṇo bhaddo sundaro mitto etassāti kalyāṇamitto. Yassa sīlādiguṇasampanno ‘‘aghassa ghātā, hitassa vidhātā’’ti evaṃ sabbākārena upakāro mitto hoti, so puggalo kalyāṇamittova. Yathāvuttehi kalyāṇapuggaleheva sabbiriyāpathesu saha ayati pavattati, na vinā tehīti kalyāṇasahāyo.Kalyāṇapuggalesu eva cittena ceva kāyena ca ninnapoṇapabbhārabhāvena pavattatīti kalyāṇasampavaṅko. Padattayena kalyāṇamittasaṃsagge ādaraṃ uppādeti.

    д̇ад̇рид̣̇ам̣ галяаан̣амид̇д̇алагкан̣ам̣ – ид̇ха галяаан̣амид̇д̇о сад̣̇д̇хаасамбанно ход̇и сийласамбанно суд̇асамбанно жааг̇асамбанно вийрияасамбанно сад̇исамбанно самаад̇хисамбанно бан̃н̃аасамбанно. д̇ад̇т̇а сад̣̇д̇хаасамбад̇д̇ияаа сад̣̇д̣̇ахад̇и д̇ат̇ааг̇ад̇асса б̣од̇хим̣ гаммапалан̃жа, д̇зна саммаасамб̣од̇хихзд̇убхууд̇ам̣ сад̇д̇зсу хид̇зсид̇ам̣ на барижжаж̇ад̇и. сийласамбад̇д̇ияаа саб̣рахмажаарийнам̣ бияо ход̇и манаабо г̇ару бхааванийяо жод̣̇аго баабаг̇арахий вад̇д̇аа важанагкамо, суд̇асамбад̇д̇ияаа сажжабадижжасамуббаад̣̇аад̣̇ибадисам̣яуд̇д̇аанам̣ г̇амбхийраанам̣ гат̇аанам̣ гад̇д̇аа ход̇и, жааг̇асамбад̇д̇ияаа аббижчо ход̇и санд̇удто бавивид̇д̇о асам̣садто, вийрияасамбад̇д̇ияаа аарад̣̇д̇хавийрияо ход̇и сад̇д̇аанам̣ хид̇аббадибад̇д̇ияаа, сад̇исамбад̇д̇ияаа убадтид̇ассад̇и ход̇и, самаад̇хисамбад̇д̇ияаа авигкид̇д̇о ход̇и самаахид̇ажид̇д̇о, бан̃н̃аасамбад̇д̇ияаа авибарийд̇ам̣ ж̇аанаад̇и. со сад̇ияаа гусалаанам̣ д̇хаммаанам̣ г̇ад̇ияо саманвзсамаано бан̃н̃ааяа сад̇д̇аанам̣ хид̇аахид̇ам̣ яат̇аабхууд̇ам̣ ж̇аанид̇ваа, самаад̇хинаа д̇ад̇т̇а згаг̇г̇ажид̇д̇о худ̇ваа, вийриязна сад̇д̇з ахид̇аа нисзд̇хзд̇ваа хид̇з нияож̇зд̇и. д̇знааха –

    Tatridaṃ kalyāṇamittalakkhaṇaṃ – idha kalyāṇamitto saddhāsampanno hoti sīlasampanno sutasampanno cāgasampanno vīriyasampanno satisampanno samādhisampanno paññāsampanno. Tattha saddhāsampattiyā saddahati tathāgatassa bodhiṃ kammaphalañca, tena sammāsambodhihetubhūtaṃ sattesu hitesitaṃ na pariccajati. Sīlasampattiyā sabrahmacārīnaṃ piyo hoti manāpo garu bhāvanīyo codako pāpagarahī vattā vacanakkhamo, sutasampattiyā saccapaṭiccasamuppādādipaṭisaṃyuttānaṃ gambhīrānaṃ kathānaṃ kattā hoti, cāgasampattiyā appiccho hoti santuṭṭho pavivitto asaṃsaṭṭho, vīriyasampattiyā āraddhavīriyo hoti sattānaṃ hitappaṭipattiyā, satisampattiyā upaṭṭhitassati hoti, samādhisampattiyā avikkhitto hoti samāhitacitto, paññāsampattiyā aviparītaṃ jānāti. So satiyā kusalānaṃ dhammānaṃ gatiyo samanvesamāno paññāya sattānaṃ hitāhitaṃ yathābhūtaṃ jānitvā, samādhinā tattha ekaggacitto hutvā, vīriyena satte ahitā nisedhetvā hite niyojeti. Tenāha –

    ‘‘бияо г̇ару бхааванийяо, вад̇д̇аа жа важанагкамо;

    ‘‘Piyo garu bhāvanīyo, vattā ca vacanakkhamo;

    г̇амбхийран̃жа гат̇ам̣ гад̇д̇аа, но жадтаанз нияож̇аяз’’д̇и. (а. ни. 7.37);

    Gambhīrañca kathaṃ kattā, no caṭṭhāne niyojaye’’ti. (a. ni. 7.37);

    аяам̣ батамо д̇хаммо барибаагааяа сам̣вад̇д̇ад̇ийд̇и, аяам̣ галяаан̣амид̇д̇ад̇аасан̇каад̇о б̣рахмажарияаваасасса аад̣̇ибхаавад̇о, саб̣б̣зсан̃жа гусалаанам̣ д̇хаммаанам̣ б̣ахугаарад̇ааяа бад̇хаанабхаавад̇о жа имзсу бан̃жасу д̇хаммзсу аад̣̇ид̇о вуд̇д̇ад̇д̇аа батамо анаваж̇ж̇ад̇хаммо ависуд̣̇д̇хаанам̣ сад̣̇д̇хаад̣̇ийнам̣ висуд̣̇д̇хигаран̣авасзна жзд̇овимуд̇д̇ияаа барибаагааяа сам̣вад̇д̇ад̇и. зд̇т̇а жа галяаан̣амид̇д̇асса б̣ахугаарад̇аа бад̇хаанад̇аа жа ‘‘убад̣дхамид̣̇ам̣, бханд̇з, б̣рахмажарияасса яад̣̇ид̣̇ам̣ галяаан̣амид̇д̇ад̇аа’’д̇и вад̣̇анд̇ам̣ д̇хаммабхан̣д̣ааг̇ааригам̣, ‘‘маа хзвам̣, аананд̣̇аа’’д̇и д̣̇вигкад̇д̇ум̣ бадисзд̇хзд̇ваа, ‘‘сагаламзва хид̣̇ам̣, аананд̣̇а, б̣рахмажарияам̣, яад̣̇ид̣̇ам̣ галяаан̣амид̇д̇ад̇аа галяаан̣асахааяад̇аа’’д̇иаад̣̇исуд̇д̇абад̣̇зхи (сам̣. ни. 1.129; 5.2) взд̣̇ид̇аб̣б̣аа.

    Ayaṃ paṭhamo dhammo paripākāya saṃvattatīti, ayaṃ kalyāṇamittatāsaṅkhāto brahmacariyavāsassa ādibhāvato, sabbesañca kusalānaṃ dhammānaṃ bahukāratāya padhānabhāvato ca imesu pañcasu dhammesu ādito vuttattā paṭhamo anavajjadhammo avisuddhānaṃ saddhādīnaṃ visuddhikaraṇavasena cetovimuttiyā paripākāya saṃvattati. Ettha ca kalyāṇamittassa bahukāratā padhānatā ca ‘‘upaḍḍhamidaṃ, bhante, brahmacariyassa yadidaṃ kalyāṇamittatā’’ti vadantaṃ dhammabhaṇḍāgārikaṃ, ‘‘mā hevaṃ, ānandā’’ti dvikkhattuṃ paṭisedhetvā, ‘‘sakalameva hidaṃ, ānanda, brahmacariyaṃ, yadidaṃ kalyāṇamittatā kalyāṇasahāyatā’’tiādisuttapadehi (saṃ. ni. 1.129; 5.2) veditabbā.

    буна жабаранд̇и буна жа абарам̣ д̇хаммаж̇аад̇ам̣. сийлаваад̇и зд̇т̇а гзнадтзна сийлам̣? сийланадтзна сийлам̣. гимид̣̇ам̣ сийланам̣ наама? самаад̇хаанам̣, гааяагаммаад̣̇ийнам̣ сусийляавасзна авиббагин̣н̣ад̇аад̇и ад̇т̇о. ат̇а ваа убад̇хааран̣ам̣, жхаанаад̣̇игусалаанам̣ д̇хаммаанам̣ бад̇идтаанавасзна аад̇хаарабхаавод̇и ад̇т̇о. д̇асмаа сийлзд̇и сийлад̇ийд̇и ваа сийлам̣. аяам̣ д̇аава сад̣̇д̣̇алагкан̣анаязна сийлад̇т̇о. абарз бана ‘‘сирадто сийд̇аладто сийладто сам̣варадто’’д̇и нируд̇д̇инаязна ад̇т̇ам̣ ван̣н̣знд̇и. д̇аяид̣̇ам̣ баарибуурид̇о ад̇исаяад̇о ваа сийлам̣ асса ад̇т̇ийд̇и сийлаваа, сийласамбаннод̇и ад̇т̇о.

    Puna caparanti puna ca aparaṃ dhammajātaṃ. Sīlavāti ettha kenaṭṭhena sīlaṃ? Sīlanaṭṭhena sīlaṃ. Kimidaṃ sīlanaṃ nāma? Samādhānaṃ, kāyakammādīnaṃ susīlyavasena avippakiṇṇatāti attho. Atha vā upadhāraṇaṃ, jhānādikusalānaṃ dhammānaṃ patiṭṭhānavasena ādhārabhāvoti attho. Tasmā sīleti sīlatīti vā sīlaṃ. Ayaṃ tāva saddalakkhaṇanayena sīlattho. Apare pana ‘‘siraṭṭho sītalaṭṭho sīlaṭṭho saṃvaraṭṭho’’ti niruttinayena atthaṃ vaṇṇenti. Tayidaṃ pāripūrito atisayato vā sīlaṃ assa atthīti sīlavā, sīlasampannoti attho.

    яат̇аа жа сийлаваа ход̇и сийласамбанно, д̇ам̣ д̣̇ассзд̇ум̣ ‘‘баад̇имогкасам̣варасам̣вуд̇о’’д̇иаад̣̇имааха. д̇ад̇т̇а баад̇имогканд̇и сигкаабад̣̇асийлам̣. д̇ан̃хи яо нам̣ баад̇и рагкад̇и, д̇ам̣ могкзд̇и можзд̇и аабааяигаад̣̇ийхи д̣̇угкзхийд̇и баад̇имогкам̣. сам̣варан̣ам̣ сам̣варо, гааяаваажаахи авийд̇иггамо. баад̇имогкамзва сам̣варо баад̇имогкасам̣варо, д̇зна сам̣вуд̇о бихид̇агааяаваажод̇и баад̇имогкасам̣варасам̣вуд̇о, ид̣̇амасса д̇асмим̣ сийлз бад̇идтид̇абхаавабарид̣̇ийбанам̣. вихарад̇ийд̇и д̇ад̣̇ануруубавихаарасаман̇г̇ибхаавабарид̣̇ийбанам̣. аажаараг̇ожарасамбаннод̇и хздтаа баад̇имогкасам̣варасса, убари висзсаанам̣ яог̇асса жа убагаарагад̇хаммабарид̣̇ийбанам̣. ан̣умад̇д̇зсу важ̇ж̇зсу бхаяад̣̇ассаавийд̇и баад̇имогкасийлад̇о ажаванад̇хаммад̇аабарид̣̇ийбанам̣. самаад̣̇ааяаад̇и сигкаабад̣̇аанам̣ анавасзсад̇о аад̣̇аанабарид̣̇ийбанам̣. сигкад̇ийд̇и сигкааяа саман̇г̇ибхаавабарид̣̇ийбанам̣. сигкаабад̣̇зсууд̇и сигкид̇аб̣б̣ад̇хаммабарид̣̇ийбанам̣.

    Yathā ca sīlavā hoti sīlasampanno, taṃ dassetuṃ ‘‘pātimokkhasaṃvarasaṃvuto’’tiādimāha. Tattha pātimokkhanti sikkhāpadasīlaṃ. Tañhi yo naṃ pāti rakkhati, taṃ mokkheti moceti āpāyikādīhi dukkhehīti pātimokkhaṃ. Saṃvaraṇaṃ saṃvaro, kāyavācāhi avītikkamo. Pātimokkhameva saṃvaro pātimokkhasaṃvaro, tena saṃvuto pihitakāyavācoti pātimokkhasaṃvarasaṃvuto, idamassa tasmiṃ sīle patiṭṭhitabhāvaparidīpanaṃ. Viharatīti tadanurūpavihārasamaṅgibhāvaparidīpanaṃ. Ācāragocarasampannoti heṭṭhā pātimokkhasaṃvarassa, upari visesānaṃ yogassa ca upakārakadhammaparidīpanaṃ. Aṇumattesu vajjesu bhayadassāvīti pātimokkhasīlato acavanadhammatāparidīpanaṃ. Samādāyāti sikkhāpadānaṃ anavasesato ādānaparidīpanaṃ. Sikkhatīti sikkhāya samaṅgibhāvaparidīpanaṃ. Sikkhāpadesūti sikkhitabbadhammaparidīpanaṃ.

    абаро наяо – гилзсаанам̣ б̣алавабхаавад̇о, баабагирияааяа сугарабхаавад̇о, бун̃н̃агирияааяа жа д̣̇уггарабхаавад̇о б̣ахугкад̇д̇ум̣ абааязсу бад̇анасийлод̇и баад̇ий, бут̇уж̇ж̇ано. анижжад̇ааяа ваа бхаваад̣̇ийсу гаммавзг̇агкид̇д̇о гхадийяанд̇ам̣ вияа анавадтаанзна бариб̣бхаманад̇о г̇аманасийлод̇и баад̇ий, маран̣авасзна ваа д̇амхи д̇амхи сад̇д̇анигааяз ад̇д̇абхаавасса бад̇анасийлод̇и ваа баад̇ий, сад̇д̇асанд̇аано жид̇д̇амзва ваа. д̇ам̣ баад̇инам̣ сам̣саарад̣̇угкад̇о могкзд̇ийд̇и баад̇имогкам̣. жид̇д̇асса хи вимогкзна сад̇д̇о ‘‘вимуд̇д̇о’’д̇и вужжад̇и. вуд̇д̇ан̃хи ‘‘жид̇д̇авод̣̇аанаа сад̇д̇аа висуж̇жханд̇ий’’д̇и (сам̣. ни. 3.100), ‘‘анубаад̣̇ааяа аасавзхи жид̇д̇ам̣ вимуд̇д̇а’’нд̇и (махаава. 28) жа.

    Aparo nayo – kilesānaṃ balavabhāvato, pāpakiriyāya sukarabhāvato, puññakiriyāya ca dukkarabhāvato bahukkhattuṃ apāyesu patanasīloti pātī, puthujjano. Aniccatāya vā bhavādīsu kammavegakkhitto ghaṭīyantaṃ viya anavaṭṭhānena paribbhamanato gamanasīloti pātī, maraṇavasena vā tamhi tamhi sattanikāye attabhāvassa patanasīloti vā pātī, sattasantāno cittameva vā. Taṃ pātinaṃ saṃsāradukkhato mokkhetīti pātimokkhaṃ. Cittassa hi vimokkhena satto ‘‘vimutto’’ti vuccati. Vuttañhi ‘‘cittavodānā sattā visujjhantī’’ti (saṃ. ni. 3.100), ‘‘anupādāya āsavehi cittaṃ vimutta’’nti (mahāva. 28) ca.

    ат̇а ваа авиж̇ж̇аад̣̇ихзд̇унаа сам̣саарз бад̇ад̇и г̇ажчад̇и бавад̇д̇ад̇ийд̇и баад̇и, ‘‘авиж̇ж̇аанийваран̣аанам̣ сад̇д̇аанам̣ д̇ан̣хаасам̣яож̇анаанам̣ санд̇хаавад̇ам̣ сам̣сарад̇а’’нд̇и (сам̣. ни. 2.124) хи вуд̇д̇ам̣. д̇асса баад̇ино сад̇д̇асса д̇ан̣хаад̣̇исам̣гилзсад̇д̇аяад̇о могко зд̇знаад̇и баад̇имогко, ‘‘ган̣тзгаало’’д̇иаад̣̇ийнам̣ вияа самаасасид̣̇д̇хи взд̣̇ид̇аб̣б̣аа.

    Atha vā avijjādihetunā saṃsāre patati gacchati pavattatīti pāti, ‘‘avijjānīvaraṇānaṃ sattānaṃ taṇhāsaṃyojanānaṃ sandhāvataṃ saṃsarata’’nti (saṃ. ni. 2.124) hi vuttaṃ. Tassa pātino sattassa taṇhādisaṃkilesattayato mokkho etenāti pātimokkho, ‘‘kaṇṭhekālo’’tiādīnaṃ viya samāsasiddhi veditabbā.

    ат̇а ваа баад̇зд̇и винибаад̇зд̇и д̣̇угкзхийд̇и баад̇и, жид̇д̇ам̣. вуд̇д̇ан̃хи ‘‘жид̇д̇зна нияяад̇ий лого, жид̇д̇зна баригассад̇ий’’д̇и (сам̣. ни. 1.62). д̇асса баад̇ино могко зд̇знаад̇и баад̇имогко. бад̇ад̇и ваа зд̇зна абааяад̣̇угкз сам̣саарад̣̇угкз жаад̇и баад̇и, д̇ан̣хаад̣̇исам̣гилзсаа. вуд̇д̇ан̃хи – ‘‘д̇ан̣хаа ж̇анзд̇и бурисам̣ (сам̣. ни. 1.55-57), д̇ан̣хаад̣̇уд̇ияо бурисо’’д̇и (ид̇иву. 15, 105) жаад̣̇и. д̇ад̇о баад̇ид̇о могкод̇и баад̇имогко.

    Atha vā pāteti vinipāteti dukkhehīti pāti, cittaṃ. Vuttañhi ‘‘cittena niyyatī loko, cittena parikassatī’’ti (saṃ. ni. 1.62). Tassa pātino mokkho etenāti pātimokkho. Patati vā etena apāyadukkhe saṃsāradukkhe cāti pāti, taṇhādisaṃkilesā. Vuttañhi – ‘‘taṇhā janeti purisaṃ (saṃ. ni. 1.55-57), taṇhādutiyo puriso’’ti (itivu. 15, 105) cādi. Tato pātito mokkhoti pātimokkho.

    ат̇а ваа бад̇ад̇и зд̇т̇аад̇и баад̇и, ча аж̇жхад̇д̇игаб̣аахираани ааяад̇анаани. вуд̇д̇ан̃хи – ‘‘часу лого самуббанно, часу губ̣б̣ад̇и сант̇ава’’нд̇и (су. ни. 171). д̇ад̇о ча аж̇жхад̇д̇игаб̣аахирааяад̇анасан̇каад̇абаад̇ид̇о могкод̇и баад̇имогко. ат̇а ваа баад̇о винибаад̇о асса ад̇т̇ийд̇и баад̇ий, сам̣сааро. д̇ад̇о могкод̇и баад̇имогко.

    Atha vā patati etthāti pāti, cha ajjhattikabāhirāni āyatanāni. Vuttañhi – ‘‘chasu loko samuppanno, chasu kubbati santhava’’nti (su. ni. 171). Tato cha ajjhattikabāhirāyatanasaṅkhātapātito mokkhoti pātimokkho. Atha vā pāto vinipāto assa atthīti pātī, saṃsāro. Tato mokkhoti pātimokkho.

    ат̇а ваа саб̣б̣алогаад̇хибад̇ибхаавад̇о д̇хаммиссаро бхаг̇аваа бад̇ийд̇и вужжад̇и, мужжад̇и зд̇знаад̇и могко. бад̇ино могко д̇зна бан̃н̃ад̇д̇ад̇д̇аад̇и бад̇имогко, бад̇имогко зва баад̇имогко. саб̣б̣аг̇ун̣аанам̣ ваа д̇аммуулабхаавад̇о уд̇д̇амадтзна бад̇и жа, со яат̇аавуд̇д̇адтзна могко жаад̇и бад̇имогко, бад̇имогко зва баад̇имогко. д̇ат̇аа хи вуд̇д̇ам̣ ‘‘баад̇имогканд̇иаад̣̇имзд̇ам̣ мукамзд̇а’’нд̇и вид̇т̇ааро.

    Atha vā sabbalokādhipatibhāvato dhammissaro bhagavā patīti vuccati, muccati etenāti mokkho. Patino mokkho tena paññattattāti patimokkho, patimokkho eva pātimokkho. Sabbaguṇānaṃ vā tammūlabhāvato uttamaṭṭhena pati ca, so yathāvuttaṭṭhena mokkho cāti patimokkho, patimokkho eva pātimokkho. Tathā hi vuttaṃ ‘‘pātimokkhantiādimetaṃ mukhameta’’nti vitthāro.

    ат̇а ваа баид̇и багаарз, ад̇ийд̇и ажжанд̇ад̇т̇з нибаад̇о, д̇асмаа багаарзхи ажжанд̇ам̣ могкзд̇ийд̇и баад̇имогкам̣. ид̣̇ан̃хи сийлам̣ саяам̣ д̇ад̣̇ан̇г̇авасзна, самаад̇хисахид̇ам̣ бан̃н̃аасахид̇ан̃жа вигкамбханавасзна самужчзд̣̇авасзна жа ажжанд̇ам̣ могкзд̇и можзд̇ийд̇и баад̇имогкам̣. бад̇и могкод̇и ваа бад̇имогко, д̇амхаа д̇амхаа вийд̇иггамад̣̇осад̇о бажжзгам̣ могкод̇и ад̇т̇о. бад̇имогко зва баад̇имогко. могкод̇и ваа ниб̣б̣аанам̣, д̇асса могкасса бадиб̣имб̣абхууд̇од̇и бад̇имогко. сийласам̣варо хи суурияасса арун̣уг̇г̇аманам̣ вияа ниб̣б̣аанасса уд̣̇аяабхууд̇о д̇аббадибхааг̇о жа яат̇аарахам̣ сам̣гилзсаниб̣б̣аабанад̇о. бад̇имогко зва баад̇имогко. бад̇ивад̇д̇ад̇и могкзд̇и д̣̇угканд̇и ваа бад̇имогкам̣, бад̇имогкамзва баад̇имогканд̇и звам̣ д̇аавзд̇т̇а баад̇имогкасад̣̇д̣̇асса ад̇т̇о взд̣̇ид̇аб̣б̣о.

    Atha vā paiti pakāre, atīti accantatthe nipāto, tasmā pakārehi accantaṃ mokkhetīti pātimokkhaṃ. Idañhi sīlaṃ sayaṃ tadaṅgavasena, samādhisahitaṃ paññāsahitañca vikkhambhanavasena samucchedavasena ca accantaṃ mokkheti mocetīti pātimokkhaṃ. Pati mokkhoti vā patimokkho, tamhā tamhā vītikkamadosato paccekaṃ mokkhoti attho. Patimokkho eva pātimokkho. Mokkhoti vā nibbānaṃ, tassa mokkhassa paṭibimbabhūtoti patimokkho. Sīlasaṃvaro hi sūriyassa aruṇuggamanaṃ viya nibbānassa udayabhūto tappaṭibhāgo ca yathārahaṃ saṃkilesanibbāpanato. Patimokkho eva pātimokkho. Pativattati mokkheti dukkhanti vā patimokkhaṃ, patimokkhameva pātimokkhanti evaṃ tāvettha pātimokkhasaddassa attho veditabbo.

    сам̣варад̇и бид̣̇ахад̇и зд̇знаад̇и сам̣варо, баад̇имогкамзва сам̣варо баад̇имогкасам̣варо. ад̇т̇ад̇о бана д̇ад̇о д̇ад̇о вийд̇иггамид̇аб̣б̣ад̇о вирад̇ияо жзд̇анаа жа. д̇зна баад̇имогкасам̣варзна убзд̇о саманнааг̇ад̇о баад̇имогкасам̣варасам̣вуд̇од̇и вуд̇д̇о. вуд̇д̇ан̃хзд̇ам̣ вибхан̇г̇з –

    Saṃvarati pidahati etenāti saṃvaro, pātimokkhameva saṃvaro pātimokkhasaṃvaro. Atthato pana tato tato vītikkamitabbato viratiyo cetanā ca. Tena pātimokkhasaṃvarena upeto samannāgato pātimokkhasaṃvarasaṃvutoti vutto. Vuttañhetaṃ vibhaṅge –

    ‘‘иминаа баад̇имогкасам̣варзна убзд̇о ход̇и самубзд̇о убааг̇ад̇о самубааг̇ад̇о убабанно самубабанно саманнааг̇ад̇о, д̇зна вужжад̇и баад̇имогкасам̣варасам̣вуд̇о’’д̇и (вибха. 511).

    ‘‘Iminā pātimokkhasaṃvarena upeto hoti samupeto upāgato samupāgato upapanno samupapanno samannāgato, tena vuccati pātimokkhasaṃvarasaṃvuto’’ti (vibha. 511).

    вихарад̇ийд̇и ирияаабат̇авихаарзна вихарад̇и ирийяад̇и вад̇д̇ад̇и.

    Viharatīti iriyāpathavihārena viharati irīyati vattati.

    аажаараг̇ожарасамбаннод̇и взл̣уд̣̇аанаад̣̇имижчааж̇ийвасса гааяабааг̇аб̣бхияаад̣̇ийнан̃жа агаран̣зна саб̣б̣асо анаажаарам̣ важ̇ж̇зд̇ваа ‘‘гааяиго авийд̇иггамо ваажасиго авийд̇иггамо гааяигаваажасиго авийд̇иггамо’’д̇и звам̣ вуд̇д̇абхигкусааруббааажаарасамбад̇д̇ияаа, взсияаад̣̇иаг̇ожарам̣ важ̇ж̇зд̇ваа бин̣д̣абаад̇аад̣̇иад̇т̇ам̣ убасан̇гамид̇ум̣ яуд̇д̇адтаанасан̇каад̇зна г̇ожарзна жа самбаннад̇д̇аа аажаараг̇ожарасамбанно.

    Ācāragocarasampannoti veḷudānādimicchājīvassa kāyapāgabbhiyādīnañca akaraṇena sabbaso anācāraṃ vajjetvā ‘‘kāyiko avītikkamo vācasiko avītikkamo kāyikavācasiko avītikkamo’’ti evaṃ vuttabhikkhusāruppaācārasampattiyā, vesiyādiagocaraṃ vajjetvā piṇḍapātādiatthaṃ upasaṅkamituṃ yuttaṭṭhānasaṅkhātena gocarena ca sampannattā ācāragocarasampanno.

    абижа яо бхигку сад̇т̇ари саг̇аараво саббад̇иссо саб̣рахмажаарийсу саг̇аараво саббад̇иссо хирод̇д̇аббасамбанно сунивад̇т̇о субааруд̇о баасаад̣̇игзна абхигганд̇зна бадигганд̇зна аалогид̇зна вилогид̇зна самин̃ж̇ид̇зна басаарид̇зна ирияаабат̇асамбанно инд̣̇риязсу г̇уд̇д̇ад̣̇вааро бхож̇анз мад̇д̇ан̃н̃уу ж̇ааг̇арияамануяуд̇д̇о сад̇исамбаж̇ан̃н̃зна саманнааг̇ад̇о аббижчо санд̇удто бавивид̇д̇о асам̣садто аабхисамаажааригзсу саггажжагаарий г̇аружид̇д̇ийгаараб̣ахуло вихарад̇и, аяам̣ вужжад̇и аажаарасамбанно.

    Apica yo bhikkhu satthari sagāravo sappatisso sabrahmacārīsu sagāravo sappatisso hirottappasampanno sunivattho supāruto pāsādikena abhikkantena paṭikkantena ālokitena vilokitena samiñjitena pasāritena iriyāpathasampanno indriyesu guttadvāro bhojane mattaññū jāgariyamanuyutto satisampajaññena samannāgato appiccho santuṭṭho pavivitto asaṃsaṭṭho ābhisamācārikesu sakkaccakārī garucittīkārabahulo viharati, ayaṃ vuccati ācārasampanno.

    г̇ожаро бана убаниссаяаг̇ожаро аарагкаг̇ожаро убаниб̣анд̇хаг̇ожарод̇и д̇ивид̇хо. д̇ад̇т̇а яо д̣̇асагат̇аавад̇т̇уг̇ун̣асаманнааг̇ад̇о вуд̇д̇алагкан̣о галяаан̣амид̇д̇о, яам̣ ниссааяа асуд̇ам̣ сун̣аад̇и, суд̇ам̣ барияод̣̇аабзд̇и, ган̇кам̣ вид̇арад̇и, д̣̇идтим̣ уж̇ум̣ гарод̇и, жид̇д̇ам̣ басаад̣̇зд̇и, яан̃жа анусигканд̇о сад̣̇д̇хааяа вад̣дхад̇и , сийлзна, суд̇зна, жааг̇зна, бан̃н̃ааяа вад̣дхад̇и, аяам̣ вужжад̇и убаниссаяаг̇ожаро.

    Gocaro pana upanissayagocaro ārakkhagocaro upanibandhagocaroti tividho. Tattha yo dasakathāvatthuguṇasamannāgato vuttalakkhaṇo kalyāṇamitto, yaṃ nissāya asutaṃ suṇāti, sutaṃ pariyodāpeti, kaṅkhaṃ vitarati, diṭṭhiṃ ujuṃ karoti, cittaṃ pasādeti, yañca anusikkhanto saddhāya vaḍḍhati , sīlena, sutena, cāgena, paññāya vaḍḍhati, ayaṃ vuccati upanissayagocaro.

    яо бхигку анд̇арагхарам̣ бавидто вийт̇им̣ бадибанно огкид̇д̇ажагку яуг̇амад̇д̇ад̣̇ассаавий жагкунд̣̇рияасам̣вуд̇ова г̇ажчад̇и, на хад̇т̇им̣ ологзнд̇о, на ассам̣, на рат̇ам̣, на бад̇д̇им̣, на ид̇т̇им̣, на бурисам̣ ологзнд̇о, на уд̣̇д̇хам̣ ологзнд̇о, на ад̇хо ологзнд̇о, на д̣̇исаавид̣̇исам̣ бзгкамаано г̇ажчад̇и, аяам̣ аарагкаг̇ожаро.

    Yo bhikkhu antaragharaṃ paviṭṭho vīthiṃ paṭipanno okkhittacakkhu yugamattadassāvī cakkhundriyasaṃvutova gacchati, na hatthiṃ olokento, na assaṃ, na rathaṃ, na pattiṃ, na itthiṃ, na purisaṃ olokento, na uddhaṃ olokento, na adho olokento, na disāvidisaṃ pekkhamāno gacchati, ayaṃ ārakkhagocaro.

    убаниб̣анд̇хаг̇ожаро бана жад̇д̇ааро сад̇ибадтаанаа, яад̇т̇а бхигку ад̇д̇ано жид̇д̇ам̣ убаниб̣анд̇хад̇и, вуд̇д̇ан̃хзд̇ам̣ бхаг̇авад̇аа –

    Upanibandhagocaro pana cattāro satipaṭṭhānā, yattha bhikkhu attano cittaṃ upanibandhati, vuttañhetaṃ bhagavatā –

    ‘‘го жа, бхигкавз, бхигкуно г̇ожаро саго бзд̇д̇иго висаяо, яад̣̇ид̣̇ам̣ жад̇д̇ааро сад̇ибадтаанаа’’д̇и (сам̣. ни. 5.372).

    ‘‘Ko ca, bhikkhave, bhikkhuno gocaro sako pettiko visayo, yadidaṃ cattāro satipaṭṭhānā’’ti (saṃ. ni. 5.372).

    д̇ад̇т̇а убаниссаяаг̇ожарасса буб̣б̣з вуд̇д̇ад̇д̇аа ид̇арзсам̣ васзнзд̇т̇а г̇ожаро взд̣̇ид̇аб̣б̣о. ид̇и яат̇аавуд̇д̇ааяа аажаарасамбад̇д̇ияаа, имааяа жа г̇ожарасамбад̇д̇ияаа саманнааг̇ад̇ад̇д̇аа аажаараг̇ожарасамбанно.

    Tattha upanissayagocarassa pubbe vuttattā itaresaṃ vasenettha gocaro veditabbo. Iti yathāvuttāya ācārasampattiyā, imāya ca gocarasampattiyā samannāgatattā ācāragocarasampanno.

    ан̣умад̇д̇зсу важ̇ж̇зсу бхаяад̣̇ассаавийд̇и аббамад̇д̇агад̇д̇аа ан̣уббамаан̣зсу ассад̇ияаа асан̃жижжа аабаннасзкияаагусалажид̇д̇уббаад̣̇аад̣̇ибхзд̣̇зсу важ̇ж̇зсу бхаяад̣̇ассанасийло. яо хи бхигку барамаан̣умад̇д̇ам̣ важ̇ж̇ам̣ адтасадтияож̇анабамаан̣аад̇хигаяож̇анасад̇асахассуб̣б̣зд̇хасинзрубаб̣б̣ад̇арааж̇асад̣̇исам̣ гад̇ваа бассад̇и, яоби саб̣б̣алахугам̣ д̣̇уб̣бхаасид̇амад̇д̇ам̣ баарааж̇игасад̣̇исам̣ гад̇ваа бассад̇и, аяамби ан̣умад̇д̇зсу важ̇ж̇зсу бхаяад̣̇ассаавий наама. самаад̣̇ааяа сигкад̇и сигкаабад̣̇зсууд̇и яам̣гин̃жи сигкаабад̣̇зсу сигкид̇аб̣б̣ам̣, д̇ам̣ саб̣б̣зна саб̣б̣ам̣ саб̣б̣ат̇аа саб̣б̣ам̣ анавасзсам̣ саммаа аад̣̇ияид̇ваа сигкад̇и, бавад̇д̇ад̇и барибуурзд̇ийд̇и ад̇т̇о.

    Aṇumattesu vajjesu bhayadassāvīti appamattakattā aṇuppamāṇesu assatiyā asañcicca āpannasekhiyaakusalacittuppādādibhedesu vajjesu bhayadassanasīlo. Yo hi bhikkhu paramāṇumattaṃ vajjaṃ aṭṭhasaṭṭhiyojanapamāṇādhikayojanasatasahassubbedhasinerupabbatarājasadisaṃ katvā passati, yopi sabbalahukaṃ dubbhāsitamattaṃ pārājikasadisaṃ katvā passati, ayampi aṇumattesu vajjesu bhayadassāvī nāma. Samādāya sikkhati sikkhāpadesūti yaṃkiñci sikkhāpadesu sikkhitabbaṃ, taṃ sabbena sabbaṃ sabbathā sabbaṃ anavasesaṃ sammā ādiyitvā sikkhati, pavattati paripūretīti attho.

    абхисаллзкигаад̇и ад̇ивияа гилзсаанам̣ саллзканий, д̇зсам̣ д̇анубхаавааяа бахаанааяа яуд̇д̇аруубаа. жзд̇овиваран̣асаббааяаад̇и жзд̇асо бадижчаад̣̇агаанам̣ нийваран̣аанам̣ д̣̇уурийбхаавагаран̣зна жзд̇овиваран̣асан̇каад̇аанам̣ самат̇авибассанаанам̣ саббааяаа, самат̇авибассанаажид̇д̇ассзва ваа виваран̣ааяа баагадийгаран̣ааяа ваа саббааяаа убагааригаад̇и жзд̇овиваран̣асаббааяаа.

    Abhisallekhikāti ativiya kilesānaṃ sallekhanī, tesaṃ tanubhāvāya pahānāya yuttarūpā. Cetovivaraṇasappāyāti cetaso paṭicchādakānaṃ nīvaraṇānaṃ dūrībhāvakaraṇena cetovivaraṇasaṅkhātānaṃ samathavipassanānaṃ sappāyā, samathavipassanācittasseva vā vivaraṇāya pākaṭīkaraṇāya vā sappāyā upakārikāti cetovivaraṇasappāyā.

    ид̣̇аани язна ниб̣б̣ид̣̇аад̣̇иааваханзна аяам̣ гат̇аа абхисаллзкигаа жзд̇овиваран̣асаббааяаа жа наама ход̇и, д̇ам̣ д̣̇ассзд̇ум̣ ‘‘зганд̇аниб̣б̣ид̣̇ааяаа’’д̇иаад̣̇и вуд̇д̇ам̣. д̇ад̇т̇а зганд̇аниб̣б̣ид̣̇ааяаад̇и згам̣сзнзва ваддад̣̇угкад̇о ниб̣б̣инд̣̇анад̇т̇ааяа. вирааг̇ааяа нирод̇хааяаад̇и д̇ассзва вираж̇ж̇анад̇т̇ааяа жа нируж̇жханад̇т̇ааяа жа. убасамааяаад̇и саб̣б̣агилзсуубасамааяа. абхин̃н̃ааяаад̇и саб̣б̣ассааби абхин̃н̃зяяасса абхиж̇аананааяа. самб̣од̇хааяаад̇и жад̇умаг̇г̇асамб̣од̇хааяа. ниб̣б̣аанааяаад̇и анубаад̣̇исзсаниб̣б̣аанааяа. зд̇зсу хи аад̣̇ид̇о д̇ийхи бад̣̇зхи вибассанаа вуд̇д̇аа, д̣̇вийхи маг̇г̇о, д̣̇вийхи ниб̣б̣аанам̣ вуд̇д̇ам̣. самат̇авибассанаа аад̣̇им̣ гад̇ваа ниб̣б̣аанабарияосаано аяам̣ саб̣б̣о уд̇д̇аримануссад̇хаммо д̣̇асагат̇аавад̇т̇улаабхино сиж̇жхад̇ийд̇и д̣̇ассзд̇и.

    Idāni yena nibbidādiāvahanena ayaṃ kathā abhisallekhikā cetovivaraṇasappāyā ca nāma hoti, taṃ dassetuṃ ‘‘ekantanibbidāyā’’tiādi vuttaṃ. Tattha ekantanibbidāyāti ekaṃseneva vaṭṭadukkhato nibbindanatthāya. Virāgāya nirodhāyāti tasseva virajjanatthāya ca nirujjhanatthāya ca. Upasamāyāti sabbakilesūpasamāya. Abhiññāyāti sabbassāpi abhiññeyyassa abhijānanāya. Sambodhāyāti catumaggasambodhāya. Nibbānāyāti anupādisesanibbānāya. Etesu hi ādito tīhi padehi vipassanā vuttā, dvīhi maggo, dvīhi nibbānaṃ vuttaṃ. Samathavipassanā ādiṃ katvā nibbānapariyosāno ayaṃ sabbo uttarimanussadhammo dasakathāvatthulābhino sijjhatīti dasseti.

    ид̣̇аани д̇ам̣ гат̇ам̣ вибхаж̇ид̇ваа д̣̇ассзнд̇о ‘‘аббижчагат̇аа’’д̇иаад̣̇имааха. д̇ад̇т̇а аббижчод̇и на ижчо, д̇асса гат̇аа аббижчагат̇аа, аббижчабхааваббадисам̣яуд̇д̇аа гат̇аа ваа аббижчагат̇аа. зд̇т̇а жа ад̇рижчо баабижчо махижчо аббижчод̇и ижчаавасзна жад̇д̇ааро буг̇г̇алаа. д̇зсу ад̇д̇анаа яат̇аалад̣̇д̇хзна лаабхзна ад̇ид̇д̇о убаруубари лаабхам̣ ижчанд̇о ад̇рижчо наама. яам̣ санд̇хааяа вуд̇д̇ам̣ –

    Idāni taṃ kathaṃ vibhajitvā dassento ‘‘appicchakathā’’tiādimāha. Tattha appicchoti na iccho, tassa kathā appicchakathā, appicchabhāvappaṭisaṃyuttā kathā vā appicchakathā. Ettha ca atriccho pāpiccho mahiccho appicchoti icchāvasena cattāro puggalā. Tesu attanā yathāladdhena lābhena atitto uparūpari lābhaṃ icchanto atriccho nāma. Yaṃ sandhāya vuttaṃ –

    ‘‘жад̇уб̣бхи адтаж̇жхаг̇амаа, адтабхи жааби сол̣аса;

    ‘‘Catubbhi aṭṭhajjhagamā, aṭṭhabhi cāpi soḷasa;

    сол̣асабхи жа д̣̇вад̇д̇им̣са, ад̇рижчам̣ жаггамаасад̣̇о;

    Soḷasabhi ca dvattiṃsa, atricchaṃ cakkamāsado;

    ижчаахад̇асса босасса, жаггам̣ бхамад̇и мад̇т̇агз’’д̇и. (ж̇аа. 1.5.103);

    Icchāhatassa posassa, cakkaṃ bhamati matthake’’ti. (jā. 1.5.103);

    ‘‘ад̇рижчаа ад̇илобхзна, ад̇илобхамад̣̇зна жаа’’д̇и жа. (ж̇аа. 1.2.168);

    ‘‘Atricchā atilobhena, atilobhamadena cā’’ti ca. (jā. 1.2.168);

    лаабхасаггаарасилоганигаамаяад̇ааяа асанд̇аг̇ун̣асамбхааванаад̇хиббааяо баабижчо. яам̣ санд̇хааяа вуд̇д̇ам̣ –

    Lābhasakkārasilokanikāmayatāya asantaguṇasambhāvanādhippāyo pāpiccho. Yaṃ sandhāya vuttaṃ –

    ‘‘д̇ад̇т̇а гад̇амаа гуханаа? лаабхасаггаарасилогасанниссид̇асса баабижчасса ижчаабагад̇асса бажжаяаббадисзванасан̇каад̇зна ваа сааманд̇аж̇аббид̇зна ваа ирияаабат̇асса ваа атабанаа’’д̇иаад̣̇и (вибха. 861).

    ‘‘Tattha katamā kuhanā? Lābhasakkārasilokasannissitassa pāpicchassa icchāpakatassa paccayappaṭisevanasaṅkhātena vā sāmantajappitena vā iriyāpathassa vā aṭhapanā’’tiādi (vibha. 861).

    санд̇аг̇ун̣асамбхааванаад̇хиббааяо бадиг̇г̇ахан̣з амад̇д̇ан̃н̃уу махижчо. яам̣ санд̇хааяа вуд̇д̇ам̣ –

    Santaguṇasambhāvanādhippāyo paṭiggahaṇe amattaññū mahiccho. Yaṃ sandhāya vuttaṃ –

    ‘‘ид̇хзгажжо сад̣̇д̇хо самаано ‘сад̣̇д̇ход̇и мам̣ ж̇ано ж̇аанаад̇уу’д̇и ижчад̇и, сийлаваа самаано ‘сийлаваад̇и мам̣ ж̇ано ж̇аанаад̇уу’д̇и ижчад̇ий’’д̇иаад̣̇и (вибха. 851).

    ‘‘Idhekacco saddho samāno ‘saddhoti maṃ jano jānātū’ti icchati, sīlavā samāno ‘sīlavāti maṃ jano jānātū’ti icchatī’’tiādi (vibha. 851).

    д̣̇уд̇д̇аббияад̇ааяа хисса виж̇аад̇амаад̇ааби жид̇д̇ам̣ г̇ахзд̇ум̣ на саггод̇и. д̇знзд̇ам̣ вужжад̇и –

    Duttappiyatāya hissa vijātamātāpi cittaṃ gahetuṃ na sakkoti. Tenetaṃ vuccati –

    ‘‘аг̇г̇игканд̇хо самуд̣̇д̣̇о жа, махижчо жааби буг̇г̇ало;

    ‘‘Aggikkhandho samuddo ca, mahiccho cāpi puggalo;

    сагадзхи бажжаяз д̣̇знд̇у, д̇аяобзд̇з ад̇аббияаа’’д̇и.

    Sakaṭehi paccaye dentu, tayopete atappiyā’’ti.

    зд̇з бана ад̇рижчад̇аад̣̇аяо д̣̇осз аарагаа бариваж̇ж̇зд̇ваа санд̇аг̇ун̣аниг̇ууханаад̇хиббааяо бадиг̇г̇ахан̣з жа мад̇д̇ан̃н̃уу аббижчо. со ад̇д̇ани виж̇ж̇амаанамби г̇ун̣ам̣ бадижчаад̣̇зд̇угаамад̇ааяа сад̣̇д̇хо самаано ‘‘сад̣̇д̇ход̇и мам̣ ж̇ано ж̇аанаад̇уу’’д̇и на ижчад̇и, сийлаваа, б̣ахуссуд̇о, бавивид̇д̇о, аарад̣̇д̇хавийрияо, убадтид̇ассад̇и, самаахид̇о, бан̃н̃аваа самаано ‘‘бан̃н̃аваад̇и мам̣ ж̇ано ж̇аанаад̇уу’’д̇и на ижчад̇и.

    Ete pana atricchatādayo dose ārakā parivajjetvā santaguṇanigūhanādhippāyo paṭiggahaṇe ca mattaññū appiccho. So attani vijjamānampi guṇaṃ paṭicchādetukāmatāya saddho samāno ‘‘saddhoti maṃ jano jānātū’’ti na icchati, sīlavā, bahussuto, pavivitto, āraddhavīriyo, upaṭṭhitassati, samāhito, paññavā samāno ‘‘paññavāti maṃ jano jānātū’’ti na icchati.

    свааяам̣ бажжаяаббижчо д̇худ̇ан̇г̇аббижчо барияад̇д̇иаббижчо ад̇хиг̇амаббижчод̇и жад̇уб̣б̣ид̇хо. д̇ад̇т̇а жад̇уусу бажжаязсу аббижчо бажжаяад̣̇ааяагам̣ д̣̇зяяад̇хаммам̣ ад̇д̇ано т̇ааман̃жа ологзд̇ваа сажзби хи д̣̇зяяад̇хаммо б̣аху ход̇и, д̣̇ааяаго аббам̣ д̣̇аад̇угаамо, д̣̇ааяагасса васзна аббамзва г̇ан̣хаад̇и. д̣̇зяяад̇хаммо жз аббо, д̣̇ааяаго б̣ахум̣ д̣̇аад̇угаамо, д̣̇зяяад̇хаммасса васзна аббамзва г̇ан̣хаад̇и. д̣̇зяяад̇хаммоби жз б̣аху, д̣̇ааяагоби б̣ахум̣ д̣̇аад̇угаамо, ад̇д̇ано т̇аамам̣ н̃ад̇ваа бамаан̣аяуд̇д̇амзва г̇ан̣хаад̇и. зваруубо хи бхигку ануббаннам̣ лаабхам̣ уббаад̣̇зд̇и, уббаннам̣ лаабхам̣ т̇ааварам̣ гарод̇и, д̣̇ааяагаанам̣ жид̇д̇ам̣ аараад̇хзд̇и. д̇худ̇ан̇г̇асамаад̣̇аанасса бана ад̇д̇ани ад̇т̇ибхаавам̣ на ж̇аанаабзд̇угаамо д̇худ̇ан̇г̇аббижчо. яо ад̇д̇ано б̣ахуссуд̇абхаавам̣ ж̇аанаабзд̇ум̣ на ижчад̇и, аяам̣ барияад̇д̇иаббижчо. яо бана сод̇аабаннаад̣̇ийсу ан̃н̃ад̇аро худ̇ваа саб̣рахмажаарийнамби ад̇д̇ано сод̇аабаннаад̣̇ибхаавам̣ ж̇аанаабзд̇ум̣ на ижчад̇и, аяам̣ ад̇хиг̇амаббижчо. звамзд̇зсам̣ аббижчаанам̣ яаа аббижчад̇аа, д̇ассаа сад̣̇д̇хим̣ санд̣̇ассанаад̣̇ивид̇хинаа анзгаагааравогаарааанисам̣савибхааванавасзна, д̇аббадибагкасса ад̇рижчаад̣̇ибхзд̣̇асса ижчаажаарасса аад̣̇ийнававибхааванавасзна жа бавад̇д̇аа гат̇аа аббижчагат̇аа.

    Svāyaṃ paccayappiccho dhutaṅgappiccho pariyattiappiccho adhigamappicchoti catubbidho. Tattha catūsu paccayesu appiccho paccayadāyakaṃ deyyadhammaṃ attano thāmañca oloketvā sacepi hi deyyadhammo bahu hoti, dāyako appaṃ dātukāmo, dāyakassa vasena appameva gaṇhāti. Deyyadhammo ce appo, dāyako bahuṃ dātukāmo, deyyadhammassa vasena appameva gaṇhāti. Deyyadhammopi ce bahu, dāyakopi bahuṃ dātukāmo, attano thāmaṃ ñatvā pamāṇayuttameva gaṇhāti. Evarūpo hi bhikkhu anuppannaṃ lābhaṃ uppādeti, uppannaṃ lābhaṃ thāvaraṃ karoti, dāyakānaṃ cittaṃ ārādheti. Dhutaṅgasamādānassa pana attani atthibhāvaṃ na jānāpetukāmo dhutaṅgappiccho. Yo attano bahussutabhāvaṃ jānāpetuṃ na icchati, ayaṃ pariyattiappiccho. Yo pana sotāpannādīsu aññataro hutvā sabrahmacārīnampi attano sotāpannādibhāvaṃ jānāpetuṃ na icchati, ayaṃ adhigamappiccho. Evametesaṃ appicchānaṃ yā appicchatā, tassā saddhiṃ sandassanādividhinā anekākāravokāraānisaṃsavibhāvanavasena, tappaṭipakkhassa atricchādibhedassa icchācārassa ādīnavavibhāvanavasena ca pavattā kathā appicchakathā.

    санд̇удтигат̇аад̇и зд̇т̇а санд̇удтийд̇и сагзна ад̇д̇анаа лад̣̇д̇хзна д̇удти санд̇удти. ат̇а ваа висамам̣ бажжаяижчам̣ бахааяа самам̣ д̇удти, санд̇удти. санд̇зна ваа виж̇ж̇амаанзна д̇удти санд̇удти. вуд̇д̇ан̃жзд̇ам̣ –

    Santuṭṭhikathāti ettha santuṭṭhīti sakena attanā laddhena tuṭṭhi santuṭṭhi. Atha vā visamaṃ paccayicchaṃ pahāya samaṃ tuṭṭhi, santuṭṭhi. Santena vā vijjamānena tuṭṭhi santuṭṭhi. Vuttañcetaṃ –

    ‘‘ад̇ийд̇ам̣ наанусожанд̇о, наббаж̇аббаманааг̇ад̇ам̣;

    ‘‘Atītaṃ nānusocanto, nappajappamanāgataṃ;

    бажжуббаннзна яаабзнд̇о, санд̇удтод̇и бавужжад̇ий’’д̇и.

    Paccuppannena yāpento, santuṭṭhoti pavuccatī’’ti.

    саммаа ваа н̃ааязна бхаг̇авад̇аа анун̃н̃аад̇авид̇хинаа бажжаязхи д̇удти санд̇удти. ад̇т̇ад̇о ид̇арийд̇арабажжаяасанд̇осо , со д̣̇ваад̣̇асавид̇хо ход̇и. гат̇ам̣ ? жийварз яат̇аалаабхасанд̇осо, яат̇ааб̣аласанд̇осо, яат̇аасааруббасанд̇осод̇и д̇ивид̇хо, звам̣ бин̣д̣абаад̇аад̣̇ийсу.

    Sammā vā ñāyena bhagavatā anuññātavidhinā paccayehi tuṭṭhi santuṭṭhi. Atthato itarītarapaccayasantoso , so dvādasavidho hoti. Kathaṃ ? Cīvare yathālābhasantoso, yathābalasantoso, yathāsāruppasantosoti tividho, evaṃ piṇḍapātādīsu.

    д̇ад̇рааяам̣ бабхзд̣̇аван̣н̣анаа – ид̇ха бхигку жийварам̣ лабхад̇и сунд̣̇арам̣ ваа асунд̣̇арам̣ ваа, со д̇знзва яаабзд̇и, ан̃н̃ам̣ на бад̇т̇зд̇и, лабханд̇оби на г̇ан̣хаад̇и, аяамасса жийварз яат̇аалаабхасанд̇осо. ат̇а бана багад̇ид̣̇уб̣б̣ало ваа ход̇и ааб̣аад̇хаж̇араабхибхууд̇о ваа, г̇арум̣ жийварам̣ баарубанд̇о гиламад̇и, со сабхааг̇зна бхигкунаа сад̣̇д̇хим̣ д̇ам̣ баривад̇д̇зд̇ваа лахугзна яаабзнд̇оби санд̇удтова ход̇и, аяамасса жийварз яат̇ааб̣аласанд̇осо. абаро баддажийвараад̣̇ийнам̣ ан̃н̃ад̇арам̣ махаг̇гхажийварам̣ лабхид̇ваа ‘‘ид̣̇ам̣ т̇зраанам̣ жирабаб̣б̣аж̇ид̇аанам̣, ид̣̇ам̣ б̣ахуссуд̇аанам̣ ануруубам̣, ид̣̇ам̣ г̇илаанаанам̣ д̣̇уб̣б̣алаанам̣, ид̣̇ам̣ аббалаабхийнам̣ ваа ход̇уу’’д̇и д̇зсам̣ д̣̇ад̇ваа ад̇д̇анаа сан̇гаарагуудаад̣̇ид̇о нанд̇агаани ужжинид̇ваа сан̇гхаадим̣ гад̇ваа д̇зсам̣ ваа бураан̣ажийвараани г̇ахзд̇ваа д̇хаарзнд̇оби санд̇удтова ход̇и, аяамасса жийварз яат̇аасааруббасанд̇осо.

    Tatrāyaṃ pabhedavaṇṇanā – idha bhikkhu cīvaraṃ labhati sundaraṃ vā asundaraṃ vā, so teneva yāpeti, aññaṃ na pattheti, labhantopi na gaṇhāti, ayamassa cīvare yathālābhasantoso. Atha pana pakatidubbalo vā hoti ābādhajarābhibhūto vā, garuṃ cīvaraṃ pārupanto kilamati, so sabhāgena bhikkhunā saddhiṃ taṃ parivattetvā lahukena yāpentopi santuṭṭhova hoti, ayamassa cīvare yathābalasantoso. Aparo paṭṭacīvarādīnaṃ aññataraṃ mahagghacīvaraṃ labhitvā ‘‘idaṃ therānaṃ cirapabbajitānaṃ, idaṃ bahussutānaṃ anurūpaṃ, idaṃ gilānānaṃ dubbalānaṃ, idaṃ appalābhīnaṃ vā hotū’’ti tesaṃ datvā attanā saṅkārakūṭādito nantakāni uccinitvā saṅghāṭiṃ katvā tesaṃ vā purāṇacīvarāni gahetvā dhārentopi santuṭṭhova hoti, ayamassa cīvare yathāsāruppasantoso.

    ид̇ха бана бхигку бин̣д̣абаад̇ам̣ лабхад̇и луукам̣ ваа бан̣ийд̇ам̣ ваа, со д̇знзва яаабзд̇и, ан̃н̃ам̣ на бад̇т̇зд̇и, лабханд̇оби на г̇ан̣хаад̇и, аяамасса бин̣д̣абаад̇з яат̇аалаабхасанд̇осо. ат̇а бана ааб̣аад̇хиго ход̇и, луукам̣ багад̇ивируд̣̇д̇хам̣ ваа б̣яаад̇хивируд̣̇д̇хам̣ ваа бин̣д̣абаад̇ам̣ бхун̃ж̇ид̇ваа г̇аал̣хам̣ рог̇аад̇ан̇гам̣ баабун̣аад̇и, со сабхааг̇асса бхигкуно д̣̇ад̇ваа д̇асса хад̇т̇ад̇о саббааяабхож̇анам̣ бхун̃ж̇ид̇ваа саман̣ад̇хаммам̣ гаронд̇оби санд̇удтова ход̇и, аяамасса бин̣д̣абаад̇з яат̇ааб̣аласанд̇осо . абаро бхигку бан̣ийд̇ам̣ бин̣д̣абаад̇ам̣ лабхад̇и, со ‘‘аяам̣ бин̣д̣абаад̇о жирабаб̣б̣аж̇ид̇аад̣̇ийнам̣ ануруубо’’д̇и жийварам̣ вияа д̇зсам̣ д̣̇ад̇ваа, д̇зсам̣ ваа санд̇агам̣ г̇ахзд̇ваа, ад̇д̇анаа бин̣д̣ааяа жарид̇ваа, миссагаахаарам̣ ваа барибхун̃ж̇анд̇оби санд̇удтова ход̇и. аяамасса бин̣д̣абаад̇з яат̇аасааруббасанд̇осо.

    Idha pana bhikkhu piṇḍapātaṃ labhati lūkhaṃ vā paṇītaṃ vā, so teneva yāpeti, aññaṃ na pattheti, labhantopi na gaṇhāti, ayamassa piṇḍapāte yathālābhasantoso. Atha pana ābādhiko hoti, lūkhaṃ pakativiruddhaṃ vā byādhiviruddhaṃ vā piṇḍapātaṃ bhuñjitvā gāḷhaṃ rogātaṅkaṃ pāpuṇāti, so sabhāgassa bhikkhuno datvā tassa hatthato sappāyabhojanaṃ bhuñjitvā samaṇadhammaṃ karontopi santuṭṭhova hoti, ayamassa piṇḍapāte yathābalasantoso. Aparo bhikkhu paṇītaṃ piṇḍapātaṃ labhati, so ‘‘ayaṃ piṇḍapāto cirapabbajitādīnaṃ anurūpo’’ti cīvaraṃ viya tesaṃ datvā, tesaṃ vā santakaṃ gahetvā, attanā piṇḍāya caritvā, missakāhāraṃ vā paribhuñjantopi santuṭṭhova hoti. Ayamassa piṇḍapāte yathāsāruppasantoso.

    ид̇ха бана бхигкуно сзнаасанам̣ баабун̣аад̇и манаабам̣ ваа аманаабам̣ ваа анд̇амасо д̇ин̣агудигааби д̇ин̣асант̇аарагамби, со д̇знзва санд̇уссад̇и, буна ан̃н̃ам̣ сунд̣̇арад̇арам̣ ваа баабун̣аад̇и, д̇ам̣ на г̇ан̣хаад̇и, аяамасса сзнаасанз яат̇аалаабхасанд̇осо. ат̇а бана ааб̣аад̇хиго ход̇и д̣̇уб̣б̣ало ваа, со б̣яаад̇хивируд̣̇д̇хам̣ ваа багад̇ивируд̣̇д̇хам̣ ваа сзнаасанам̣ лабхад̇и, яад̇т̇асса васад̇о апаасу ход̇и, со д̇ам̣ сабхааг̇асса бхигкуно д̣̇ад̇ваа д̇асса санд̇агз саббааяасзнаасанз васид̇ваа саман̣ад̇хаммам̣ гаронд̇оби санд̇удтова ход̇и, аяамасса сзнаасанз яат̇ааб̣аласанд̇осо. абаро сунд̣̇арам̣ сзнаасанам̣ бад̇д̇амби на самбадижчад̇и ‘‘бан̣ийд̇асзнаасанам̣ бамаад̣̇адтаана’’нд̇и, махаабун̃н̃ад̇ааяа ваа лзн̣аман̣д̣абагуудааг̇аараад̣̇ийни бан̣ийд̇асзнаасанаани лабхад̇и, со д̇аани жийвараад̣̇ийни вияа жирабаб̣б̣аж̇ид̇аад̣̇ийнам̣ д̣̇ад̇ваа яад̇т̇а гад̇т̇ажи васанд̇оби санд̇удтова ход̇и, аяамасса сзнаасанз яат̇аасааруббасанд̇осо.

    Idha pana bhikkhuno senāsanaṃ pāpuṇāti manāpaṃ vā amanāpaṃ vā antamaso tiṇakuṭikāpi tiṇasanthārakampi, so teneva santussati, puna aññaṃ sundarataraṃ vā pāpuṇāti, taṃ na gaṇhāti, ayamassa senāsane yathālābhasantoso. Atha pana ābādhiko hoti dubbalo vā, so byādhiviruddhaṃ vā pakativiruddhaṃ vā senāsanaṃ labhati, yatthassa vasato aphāsu hoti, so taṃ sabhāgassa bhikkhuno datvā tassa santake sappāyasenāsane vasitvā samaṇadhammaṃ karontopi santuṭṭhova hoti, ayamassa senāsane yathābalasantoso. Aparo sundaraṃ senāsanaṃ pattampi na sampaṭicchati ‘‘paṇītasenāsanaṃ pamādaṭṭhāna’’nti, mahāpuññatāya vā leṇamaṇḍapakūṭāgārādīni paṇītasenāsanāni labhati, so tāni cīvarādīni viya cirapabbajitādīnaṃ datvā yattha katthaci vasantopi santuṭṭhova hoti, ayamassa senāsane yathāsāruppasantoso.

    ид̇ха бана бхигку бхзсаж̇ж̇ам̣ лабхад̇и луукам̣ ваа бан̣ийд̇ам̣ ваа, со д̇знзва д̇уссад̇и, ан̃н̃ам̣ на бад̇т̇зд̇и, лабханд̇оби на г̇ан̣хаад̇и, аяамасса г̇илаанабажжаяз яат̇аалаабхасанд̇осо. ат̇а бана д̇злзна ад̇т̇иго паан̣ид̇ам̣ лабхад̇и, со д̇ам̣ сабхааг̇асса бхигкуно д̣̇ад̇ваа, д̇асса хад̇т̇ад̇о д̇злам̣ г̇ахзд̇ваа, бхзсаж̇ж̇ам̣ гад̇ваа саман̣ад̇хаммам̣ гаронд̇оби санд̇удтова ход̇и, аяамасса г̇илаанабажжаяз яат̇ааб̣аласанд̇осо. абаро махаабун̃н̃о б̣ахум̣ д̇зламад̇хупаан̣ид̇аад̣̇ибан̣ийд̇абхзсаж̇ж̇ам̣ лабхад̇и, со д̇ам̣ жийвараад̣̇ийни вияа жирабаб̣б̣аж̇ид̇аад̣̇ийнам̣ д̣̇ад̇ваа д̇зсам̣ аабхад̇зна язна гзнажи бхзсаж̇ж̇ам̣ гаронд̇оби санд̇удтова ход̇и. яо бана згасмим̣ бхааж̇анз муд̇д̇ахарийд̇агам̣, згасмим̣ жад̇умад̇хурам̣ табзд̇ваа ‘‘г̇ан̣хат̇а, бханд̇з, яад̣̇ижчасий’’д̇и вужжамаано сажасса д̇зсу ан̃н̃ад̇арзнаби рог̇о вуубасаммад̇и , ‘‘муд̇д̇ахарийд̇агам̣ наама б̣уд̣̇д̇хаад̣̇ийхи ван̣н̣ид̇ам̣, бууд̇имуд̇д̇абхзсаж̇ж̇ам̣ ниссааяа баб̣б̣аж̇ж̇аа, д̇ад̇т̇а д̇з яааваж̇ийвам̣ уссаахо гаран̣ийяо’’д̇и (махаава. 128) важанамануссаранд̇о жад̇умад̇хурам̣ бадигкибид̇ваа муд̇д̇ахарийд̇агзна бхзсаж̇ж̇ам̣ гаронд̇о барамасанд̇удтова ход̇и, аяамасса г̇илаанабажжаяз яат̇аасааруббасанд̇осо.

    Idha pana bhikkhu bhesajjaṃ labhati lūkhaṃ vā paṇītaṃ vā, so teneva tussati, aññaṃ na pattheti, labhantopi na gaṇhāti, ayamassa gilānapaccaye yathālābhasantoso. Atha pana telena atthiko phāṇitaṃ labhati, so taṃ sabhāgassa bhikkhuno datvā, tassa hatthato telaṃ gahetvā, bhesajjaṃ katvā samaṇadhammaṃ karontopi santuṭṭhova hoti, ayamassa gilānapaccaye yathābalasantoso. Aparo mahāpuñño bahuṃ telamadhuphāṇitādipaṇītabhesajjaṃ labhati, so taṃ cīvarādīni viya cirapabbajitādīnaṃ datvā tesaṃ ābhatena yena kenaci bhesajjaṃ karontopi santuṭṭhova hoti. Yo pana ekasmiṃ bhājane muttaharītakaṃ, ekasmiṃ catumadhuraṃ ṭhapetvā ‘‘gaṇhatha, bhante, yadicchasī’’ti vuccamāno sacassa tesu aññatarenapi rogo vūpasammati , ‘‘muttaharītakaṃ nāma buddhādīhi vaṇṇitaṃ, pūtimuttabhesajjaṃ nissāya pabbajjā, tattha te yāvajīvaṃ ussāho karaṇīyo’’ti (mahāva. 128) vacanamanussaranto catumadhuraṃ paṭikkhipitvā muttaharītakena bhesajjaṃ karonto paramasantuṭṭhova hoti, ayamassa gilānapaccaye yathāsāruppasantoso.

    со звам̣бабхзд̣̇о саб̣б̣оби санд̇осо санд̇удтийд̇и бавужжад̇и. д̇зна вуд̇д̇ам̣ ‘‘ад̇т̇ад̇о ид̇арийд̇арабажжаяасанд̇осо’’д̇и. ид̇арийд̇арасанд̇удтияаа сад̣̇д̇хим̣ санд̣̇ассанаад̣̇ивид̇хинаа аанисам̣савибхааванавасзна, д̇аббадибагкасса ад̇рижчад̇аад̣̇ибхзд̣̇асса ижчаабагад̇ад̇д̇асса аад̣̇ийнававибхааванавасзна жа бавад̇д̇аа гат̇аа санд̇удтигат̇аа. ид̇о бараасуби гат̇аасу зсзва наяо, висзсамад̇д̇амзва вагкаама.

    So evaṃpabhedo sabbopi santoso santuṭṭhīti pavuccati. Tena vuttaṃ ‘‘atthato itarītarapaccayasantoso’’ti. Itarītarasantuṭṭhiyā saddhiṃ sandassanādividhinā ānisaṃsavibhāvanavasena, tappaṭipakkhassa atricchatādibhedassa icchāpakatattassa ādīnavavibhāvanavasena ca pavattā kathā santuṭṭhikathā. Ito parāsupi kathāsu eseva nayo, visesamattameva vakkhāma.

    бавивзгагат̇аад̇и зд̇т̇а гааяавивзго жид̇д̇авивзго убад̇хививзгод̇и д̇аяо вивзгаа. д̇зсу зго г̇ажчад̇и, зго д̇идтад̇и, зго нисийд̣̇ад̇и, зго сзяяам̣ габбзд̇и, зго г̇аамам̣ бин̣д̣ааяа бависад̇и, зго бадиггамад̇и, зго абхиггамад̇и, зго жан̇гамам̣ ад̇хидтаад̇и, зго жарад̇и, зго вихарад̇ийд̇и звам̣ саб̣б̣ирияаабат̇зсу саб̣б̣агижжзсу г̇ан̣асан̇г̇ан̣игам̣ бахааяа вивид̇д̇аваасо гааяавивзго наама. адта самаабад̇д̇ияо бана жид̇д̇авивзго наама. ниб̣б̣аанам̣ убад̇хививзго наама. вуд̇д̇ан̃хзд̇ам̣ –

    Pavivekakathāti ettha kāyaviveko cittaviveko upadhivivekoti tayo vivekā. Tesu eko gacchati, eko tiṭṭhati, eko nisīdati, eko seyyaṃ kappeti, eko gāmaṃ piṇḍāya pavisati, eko paṭikkamati, eko abhikkamati, eko caṅkamaṃ adhiṭṭhāti, eko carati, eko viharatīti evaṃ sabbiriyāpathesu sabbakiccesu gaṇasaṅgaṇikaṃ pahāya vivittavāso kāyaviveko nāma. Aṭṭha samāpattiyo pana cittaviveko nāma. Nibbānaṃ upadhiviveko nāma. Vuttañhetaṃ –

    ‘‘гааяавивзго жа вивзгадтагааяаанам̣ нзгкаммаабхирад̇аанам̣, жид̇д̇авивзго жа барисуд̣̇д̇хажид̇д̇аанам̣ барамавод̣̇аанаббад̇д̇аанам̣, убад̇хививзго жа нирубад̇хийнам̣ буг̇г̇алаанам̣ висан̇каараг̇ад̇аана’’нд̇и (махаани. 57).

    ‘‘Kāyaviveko ca vivekaṭṭhakāyānaṃ nekkhammābhiratānaṃ, cittaviveko ca parisuddhacittānaṃ paramavodānappattānaṃ, upadhiviveko ca nirupadhīnaṃ puggalānaṃ visaṅkhāragatāna’’nti (mahāni. 57).

    вивзгоязва бавивзго, бавивзгаббадисам̣яуд̇д̇аа гат̇аа бавивзгагат̇аа.

    Vivekoyeva paviveko, pavivekappaṭisaṃyuttā kathā pavivekakathā.

    асам̣саг̇г̇агат̇аад̇и зд̇т̇а саванасам̣саг̇г̇о д̣̇ассанасам̣саг̇г̇о самуллабанасам̣саг̇г̇о самбхог̇асам̣саг̇г̇о гааяасам̣саг̇г̇од̇и бан̃жа сам̣саг̇г̇аа. д̇зсу ид̇хзгажжо бхигку сун̣аад̇и ‘‘асугасмим̣ г̇аамз ваа ниг̇амз ваа ид̇т̇ий абхируубаа д̣̇ассанийяаа баасаад̣̇игаа барамааяа ван̣н̣абогкарад̇ааяа саманнааг̇ад̇аа’’д̇и, со д̇ам̣ суд̇ваа сам̣сийд̣̇ад̇и висийд̣̇ад̇и, на саггод̇и б̣рахмажарияам̣ санд̇хаарзд̇ум̣, сигкам̣ бажжагкааяа хийнааяаавад̇д̇ад̇и, звам̣ висабхааг̇аарамман̣асаванзна уббаннагилзсасант̇аво саванасам̣саг̇г̇о наама. на хзва ко бхигку сун̣аад̇и, абижа ко саамам̣ бассад̇и ид̇т̇им̣ абхируубам̣ д̣̇ассанийяам̣ баасаад̣̇игам̣ барамааяа ван̣н̣абогкарад̇ааяа саманнааг̇ад̇ам̣, со д̇ам̣ д̣̇исваа сам̣сийд̣̇ад̇и висийд̣̇ад̇и, на саггод̇и б̣рахмажарияам̣ санд̇хаарзд̇ум̣, сигкам̣ бажжагкааяа хийнааяаавад̇д̇ад̇и, звам̣ висабхааг̇аарамман̣ад̣̇ассанзна уббаннагилзсасант̇аво д̣̇ассанасам̣саг̇г̇о наама. д̣̇исваа бана ан̃н̃аман̃н̃ам̣ аалаабасаллаабавасзна уббанно гилзсасант̇аво самуллабанасам̣саг̇г̇о наама. сахаж̇аг̇гханаад̣̇ийниби зд̇знзва сан̇г̇ан̣хаад̇и. ад̇д̇ано бана санд̇агам̣ яам̣гин̃жи маад̇уг̇аамасса д̣̇ад̇ваа ваа ад̣̇ад̇ваа ваа д̇зна д̣̇иннасса ванабхан̇г̇ияаад̣̇ино барибхог̇авасзна уббаннагилзсасант̇аво самбхог̇асам̣саг̇г̇о наама. маад̇уг̇аамасса хад̇т̇аг̇г̇аахаад̣̇ивасзна уббаннагилзсасант̇аво гааяасам̣саг̇г̇о наама. яоби жзса –

    Asaṃsaggakathāti ettha savanasaṃsaggo dassanasaṃsaggo samullapanasaṃsaggo sambhogasaṃsaggo kāyasaṃsaggoti pañca saṃsaggā. Tesu idhekacco bhikkhu suṇāti ‘‘asukasmiṃ gāme vā nigame vā itthī abhirūpā dassanīyā pāsādikā paramāya vaṇṇapokkharatāya samannāgatā’’ti, so taṃ sutvā saṃsīdati visīdati, na sakkoti brahmacariyaṃ sandhāretuṃ, sikkhaṃ paccakkhāya hīnāyāvattati, evaṃ visabhāgārammaṇasavanena uppannakilesasanthavo savanasaṃsaggo nāma. Na heva kho bhikkhu suṇāti, apica kho sāmaṃ passati itthiṃ abhirūpaṃ dassanīyaṃ pāsādikaṃ paramāya vaṇṇapokkharatāya samannāgataṃ, so taṃ disvā saṃsīdati visīdati, na sakkoti brahmacariyaṃ sandhāretuṃ, sikkhaṃ paccakkhāya hīnāyāvattati, evaṃ visabhāgārammaṇadassanena uppannakilesasanthavo dassanasaṃsaggo nāma. Disvā pana aññamaññaṃ ālāpasallāpavasena uppanno kilesasanthavo samullapanasaṃsaggo nāma. Sahajagghanādīnipi eteneva saṅgaṇhāti. Attano pana santakaṃ yaṃkiñci mātugāmassa datvā vā adatvā vā tena dinnassa vanabhaṅgiyādino paribhogavasena uppannakilesasanthavo sambhogasaṃsaggo nāma. Mātugāmassa hatthaggāhādivasena uppannakilesasanthavo kāyasaṃsaggo nāma. Yopi cesa –

    ‘‘г̇ихийхи сам̣садто вихарад̇и анануломигзна сам̣саг̇г̇зна сахасогий сахананд̣̇ий сукид̇зсу сукид̇о, д̣̇угкид̇зсу д̣̇угкид̇о , уббаннзсу гижжагаран̣ийязсу ад̇д̇анаа уяяог̇ам̣ аабаж̇ж̇ад̇ий’’д̇и (сам̣. ни. 3.3; махаани. 164) –

    ‘‘Gihīhi saṃsaṭṭho viharati ananulomikena saṃsaggena sahasokī sahanandī sukhitesu sukhito, dukkhitesu dukkhito , uppannesu kiccakaraṇīyesu attanā uyyogaṃ āpajjatī’’ti (saṃ. ni. 3.3; mahāni. 164) –

    звам̣ вуд̇д̇о анануломиго г̇ихисам̣саг̇г̇о, яо жа саб̣рахмажаарийхиби гилзсуббад̇д̇ихзд̇убхууд̇о сам̣саг̇г̇о, д̇ам̣ саб̣б̣ам̣ бахааяа явааяам̣ сам̣саарз т̇ирад̇арам̣ сам̣взг̇ам̣, сан̇каарзсу д̇иб̣б̣ам̣ бхаяасан̃н̃ам̣, сарийрз бадигууласан̃н̃ам̣, саб̣б̣аагусалзсу ж̇иг̇ужчаабуб̣б̣ан̇г̇амам̣ хирод̇д̇аббам̣, саб̣б̣агирияаасу сад̇исамбаж̇ан̃н̃анд̇и саб̣б̣ам̣ бажжубадтабзд̇ваа гамалад̣̇алз ж̇алаб̣инд̣̇у вияа саб̣б̣ад̇т̇а алаг̇г̇абхааво, аяам̣ саб̣б̣асам̣саг̇г̇аббадибагкад̇ааяа асам̣саг̇г̇о. д̇аббадисам̣яуд̇д̇аа гат̇аа асам̣саг̇г̇агат̇аа.

    Evaṃ vutto ananulomiko gihisaṃsaggo, yo ca sabrahmacārīhipi kilesuppattihetubhūto saṃsaggo, taṃ sabbaṃ pahāya yvāyaṃ saṃsāre thirataraṃ saṃvegaṃ, saṅkhāresu tibbaṃ bhayasaññaṃ, sarīre paṭikūlasaññaṃ, sabbākusalesu jigucchāpubbaṅgamaṃ hirottappaṃ, sabbakiriyāsu satisampajaññanti sabbaṃ paccupaṭṭhapetvā kamaladale jalabindu viya sabbattha alaggabhāvo, ayaṃ sabbasaṃsaggappaṭipakkhatāya asaṃsaggo. Tappaṭisaṃyuttā kathā asaṃsaggakathā.

    вийрияаарамбхагат̇аад̇и зд̇т̇а вийрасса бхааво, гамманд̇и ваа вийрияам̣, вид̇хинаа ийраяид̇аб̣б̣ам̣ бавад̇д̇зд̇аб̣б̣анд̇и ваа вийрияам̣, вийрияан̃жа д̇ам̣ агусалаанам̣ д̇хаммаанам̣ бахаанааяа гусалаанам̣ д̇хаммаанам̣ убасамбад̣̇ааяа аарамбханам̣ вийрияаарамбхо. свааяам̣ гааяиго жзд̇асиго жаад̇и д̣̇увид̇хо, аарамбхад̇хаад̇у, ниггамад̇хаад̇у, бараггамад̇хаад̇у жаад̇и д̇ивид̇хо; саммаббад̇хаанавасзна жад̇уб̣б̣ид̇хо. со саб̣б̣оби яо бхигку г̇аманз уббаннам̣ гилзсам̣ таанам̣ баабун̣ид̇ум̣ на д̣̇зд̇и; таанз уббаннам̣ нисаж̇ж̇ам̣, нисаж̇ж̇ааяа уббаннам̣ саяанам̣ баабун̣ид̇ум̣ на д̣̇зд̇и, д̇ад̇т̇а д̇ад̇т̇зва аж̇абад̣̇зна д̣̇ан̣д̣зна ган̣хасаббам̣ уббийл̣зд̇ваа г̇ан̣ханд̇о вияа, д̇икин̣зна асинаа амид̇д̇ам̣ г̇ийвааяа бахаранд̇о вияа жа сийсам̣ угкибид̇ум̣ ад̣̇ад̇ваа вийрияаб̣алзна ниг̇г̇ан̣хаад̇и, д̇ассзвам̣ аарад̣̇д̇хавийрияасса васзна взд̣̇ид̇аб̣б̣о. д̇аббадисам̣яуд̇д̇аа гат̇аа вийрияаарамбхагат̇аа.

    Vīriyārambhakathāti ettha vīrassa bhāvo, kammanti vā vīriyaṃ, vidhinā īrayitabbaṃ pavattetabbanti vā vīriyaṃ, vīriyañca taṃ akusalānaṃ dhammānaṃ pahānāya kusalānaṃ dhammānaṃ upasampadāya ārambhanaṃ vīriyārambho. Svāyaṃ kāyiko cetasiko cāti duvidho, ārambhadhātu, nikkamadhātu, parakkamadhātu cāti tividho; sammappadhānavasena catubbidho. So sabbopi yo bhikkhu gamane uppannaṃ kilesaṃ ṭhānaṃ pāpuṇituṃ na deti; ṭhāne uppannaṃ nisajjaṃ, nisajjāya uppannaṃ sayanaṃ pāpuṇituṃ na deti, tattha tattheva ajapadena daṇḍena kaṇhasappaṃ uppīḷetvā gaṇhanto viya, tikhiṇena asinā amittaṃ gīvāya paharanto viya ca sīsaṃ ukkhipituṃ adatvā vīriyabalena niggaṇhāti, tassevaṃ āraddhavīriyassa vasena veditabbo. Tappaṭisaṃyuttā kathā vīriyārambhakathā.

    сийлагат̇аад̣̇ийсу д̣̇увид̇хам̣ сийлам̣ логияам̣ логуд̇д̇аран̃жа. д̇ад̇т̇а логияам̣ баад̇имогкасам̣вараад̣̇и жад̇убаарисуд̣̇д̇хисийлам̣, логуд̇д̇арам̣ маг̇г̇асийлам̣ паласийлан̃жа. д̇ат̇аа вибассанааяа баад̣̇агабхууд̇аа саха убажаарзна адта самаабад̇д̇ияо логияо самаад̇хи, маг̇г̇асамбаяуд̇д̇о банзд̇т̇а логуд̇д̇аро самаад̇хи наама. д̇ат̇аа бан̃н̃ааби логияаа суд̇амаяаа жинд̇аамаяаа жхаанасамбаяуд̇д̇аа вибассанаан̃аан̣ан̃жа. висзсад̇о банзд̇т̇а вибассанаабан̃н̃аа г̇ахзд̇аб̣б̣аа, логуд̇д̇араа маг̇г̇абан̃н̃аа палабан̃н̃аа жа. вимуд̇д̇ийби арияапалавимуд̇д̇и ниб̣б̣аанан̃жа. абарз бана д̇ад̣̇ан̇г̇авигкамбханасамужчзд̣̇авимуд̇д̇ийнамби васзнзд̇т̇а ад̇т̇ам̣ ван̣н̣знд̇и. вимуд̇д̇ин̃аан̣ад̣̇ассанамби згуунавийсад̇ивид̇хам̣ бажжавзгкан̣ан̃аан̣ам̣. ид̇и имзсам̣ сийлаад̣̇ийнам̣ сад̣̇д̇хим̣ санд̣̇ассанаад̣̇ивид̇хинаа анзгаагааравогаарааанисам̣савибхааванавасзна жзва д̇аббадибагкаанам̣ д̣̇уссийляаад̣̇ийнам̣ аад̣̇ийнававибхааванавасзна жа бавад̇д̇аа гат̇аа, д̇аббадисам̣яуд̇д̇аа гат̇аа ваа сийлаад̣̇игат̇аа наама.

    Sīlakathādīsu duvidhaṃ sīlaṃ lokiyaṃ lokuttarañca. Tattha lokiyaṃ pātimokkhasaṃvarādi catupārisuddhisīlaṃ, lokuttaraṃ maggasīlaṃ phalasīlañca. Tathā vipassanāya pādakabhūtā saha upacārena aṭṭha samāpattiyo lokiyo samādhi, maggasampayutto panettha lokuttaro samādhi nāma. Tathā paññāpi lokiyā sutamayā cintāmayā jhānasampayuttā vipassanāñāṇañca. Visesato panettha vipassanāpaññā gahetabbā, lokuttarā maggapaññā phalapaññā ca. Vimuttīpi ariyaphalavimutti nibbānañca. Apare pana tadaṅgavikkhambhanasamucchedavimuttīnampi vasenettha atthaṃ vaṇṇenti. Vimuttiñāṇadassanampi ekūnavīsatividhaṃ paccavekkhaṇañāṇaṃ. Iti imesaṃ sīlādīnaṃ saddhiṃ sandassanādividhinā anekākāravokāraānisaṃsavibhāvanavasena ceva tappaṭipakkhānaṃ dussīlyādīnaṃ ādīnavavibhāvanavasena ca pavattā kathā, tappaṭisaṃyuttā kathā vā sīlādikathā nāma.

    зд̇т̇а жа ‘‘ад̇д̇анаа жа аббижчо ход̇и, аббижчагат̇ан̃жа барзсам̣ гад̇д̇аа’’д̇и (ма. ни. 1.252; а. ни. 10.70) ‘‘санд̇удто ход̇и ид̇арийд̇арзна жийварзна, ид̇арийд̇аражийварасанд̇удтияаа жа ван̣н̣аваад̣̇ий’’д̇и (сам̣. ни. 2.144; жуул̣ани. каг̇г̇ависаан̣асуд̇д̇анид̣̇д̣̇зса 128) жа аад̣̇иважанад̇о саяан̃жа аббижчад̇аад̣̇иг̇ун̣асаманнааг̇ад̇зна барзсамби д̇ад̣̇ад̇т̇ааяа хид̇аж̇жхаасаязна бавад̇д̇зд̇аб̣б̣аа д̇ат̇ааруубий гат̇аа, яаа ид̇ха абхисаллзкигаад̣̇ибхаавзна висзсзд̇ваа вуд̇д̇аа аббижчагат̇аад̣̇ийд̇и взд̣̇ид̇аб̣б̣аа. гаарагассзва хи гат̇аа висзсад̇о ад̇хиббзд̇ад̇т̇асаад̇хиний. д̇ат̇аа хи вагкад̇и ‘‘галяаан̣амид̇д̇ассзд̇ам̣, мзгхияа, бхигкуно баадиган̇кам̣…бз. … агасиралаабхий’’д̇и.

    Ettha ca ‘‘attanā ca appiccho hoti, appicchakathañca paresaṃ kattā’’ti (ma. ni. 1.252; a. ni. 10.70) ‘‘santuṭṭho hoti itarītarena cīvarena, itarītaracīvarasantuṭṭhiyā ca vaṇṇavādī’’ti (saṃ. ni. 2.144; cūḷani. khaggavisāṇasuttaniddesa 128) ca ādivacanato sayañca appicchatādiguṇasamannāgatena paresampi tadatthāya hitajjhāsayena pavattetabbā tathārūpī kathā, yā idha abhisallekhikādibhāvena visesetvā vuttā appicchakathādīti veditabbā. Kārakasseva hi kathā visesato adhippetatthasādhinī. Tathā hi vakkhati ‘‘kalyāṇamittassetaṃ, meghiya, bhikkhuno pāṭikaṅkhaṃ…pe. … akasiralābhī’’ti.

    зваруубааяаад̇и ийд̣̇исааяа, яат̇аавуд̇д̇ааяа. нигаамалаабхийд̇и яат̇ижчид̇алаабхий яат̇ааружилаабхий, саб̣б̣агаалам̣ имаа гат̇аа сод̇ум̣ вижаарзд̇ун̃жа яат̇аасукам̣ лабханд̇о. агижчалаабхийд̇и нид̣̇д̣̇угкалаабхий. агасиралаабхийд̇и вибулалаабхий.

    Evarūpāyāti īdisāya, yathāvuttāya. Nikāmalābhīti yathicchitalābhī yathārucilābhī, sabbakālaṃ imā kathā sotuṃ vicāretuñca yathāsukhaṃ labhanto. Akicchalābhīti niddukkhalābhī. Akasiralābhīti vipulalābhī.

    аарад̣̇д̇хавийрияод̇и баг̇г̇ахид̇авийрияо. агусалаанам̣ д̇хаммаанам̣ бахаанааяаад̇и агосалласамбхууд̇адтзна агусалаанам̣ баабад̇хаммаанам̣ баж̇аханад̇т̇ааяа. гусалаанам̣ д̇хаммаананд̇и гужчид̇аанам̣ саланаад̣̇иад̇т̇зна анаваж̇ж̇адтзна жа гусалаанам̣ сахавибассанаанам̣ маг̇г̇апалад̇хаммаанам̣. убасамбад̣̇ааяаад̇и самбаад̣̇анааяа, ад̇д̇ано санд̇аанз уббаад̣̇анааяа. т̇аамаваад̇и уссол̣хисан̇каад̇зна вийрияат̇аамзна саманнааг̇ад̇о. д̣̇ал̣хабараггамод̇и т̇ирабараггамо асит̇илавийрияо. анигкид̇д̇ад̇хурод̇и анорохид̇ад̇хуро аносаггид̇авийрияо.

    Āraddhavīriyoti paggahitavīriyo. Akusalānaṃ dhammānaṃ pahānāyāti akosallasambhūtaṭṭhena akusalānaṃ pāpadhammānaṃ pajahanatthāya. Kusalānaṃ dhammānanti kucchitānaṃ salanādiatthena anavajjaṭṭhena ca kusalānaṃ sahavipassanānaṃ maggaphaladhammānaṃ. Upasampadāyāti sampādanāya, attano santāne uppādanāya. Thāmavāti ussoḷhisaṅkhātena vīriyathāmena samannāgato. Daḷhaparakkamoti thiraparakkamo asithilavīriyo. Anikkhittadhuroti anorohitadhuro anosakkitavīriyo.

    бан̃н̃аваад̇и вибассанаабан̃н̃ааяа бан̃н̃аваа. уд̣̇аяад̇т̇аг̇ааминияаад̇и бан̃жаннам̣ канд̇хаанам̣ уд̣̇аяан̃жа ваяан̃жа бадивиж̇жханд̇ияаа. арияааяаад̇и вигкамбханавасзна гилзсзхи аарагаа д̣̇уурз тид̇ааяа нид̣̇д̣̇осааяа. ниб̣б̣зд̇хигааяаад̇и ниб̣б̣зд̇хабхааг̇ияааяа. саммаа д̣̇угкагкаяаг̇ааминияаад̇и ваддад̣̇угкасса кзбанад̇о ‘‘д̣̇угкагкаяо’’д̇и лад̣̇д̇ханаамам̣ арияамаг̇г̇ам̣ саммаа хзд̇унаа н̃ааязна г̇ажчанд̇ияаа.

    Paññavāti vipassanāpaññāya paññavā. Udayatthagāminiyāti pañcannaṃ khandhānaṃ udayañca vayañca paṭivijjhantiyā. Ariyāyāti vikkhambhanavasena kilesehi ārakā dūre ṭhitāya niddosāya. Nibbedhikāyāti nibbedhabhāgiyāya. Sammā dukkhakkhayagāminiyāti vaṭṭadukkhassa khepanato ‘‘dukkhakkhayo’’ti laddhanāmaṃ ariyamaggaṃ sammā hetunā ñāyena gacchantiyā.

    имзсу жа бана бан̃жасу д̇хаммзсу сийлам̣ вийрияам̣ бан̃н̃аа жа яог̇ино аж̇жхад̇д̇игам̣ ан̇г̇ам̣, ид̇арад̣̇ваяам̣ б̣аахирам̣ ан̇г̇ам̣. д̇ат̇ааби галяаан̣амид̇д̇асанниссаязнзва сзсам̣ жад̇уб̣б̣ид̇хам̣ иж̇жхад̇и, галяаан̣амид̇д̇ассзвзд̇т̇а б̣ахуубагаарад̇ам̣ д̣̇ассзнд̇о сад̇т̇аа ‘‘галяаан̣амид̇д̇ассзд̇ам̣, мзгхияа, бхигкуно баадиган̇ка’’нд̇иаад̣̇инаа д̣̇зсанам̣ вад̣дхзд̇и. д̇ад̇т̇а баадиган̇канд̇и згам̣сзна ижчид̇аб̣б̣ам̣, авассам̣бхаавийд̇и ад̇т̇о. яанд̇и гирияаабараамасанам̣. ид̣̇ам̣ вуд̇д̇ам̣ ход̇и – ‘‘сийлаваа бхависсад̇ий’’д̇и зд̇т̇а яад̣̇зд̇ам̣ галяаан̣амид̇д̇асса бхигкуно сийлаванд̇ад̇ааяа бхаванам̣ сийласамбаннад̇д̇ам̣, д̇асса бхигкуно сийласамбаннад̇д̇аа зд̇ам̣ д̇асса баадиган̇кам̣, авассам̣бхаавий згам̣сзнзва д̇асса д̇ад̇т̇а нияож̇анад̇од̇и ад̇хиббааяо. баад̇имогкасам̣варасам̣вуд̇о вихариссад̇ийд̇иаад̣̇ийсуби зсзва наяо.

    Imesu ca pana pañcasu dhammesu sīlaṃ vīriyaṃ paññā ca yogino ajjhattikaṃ aṅgaṃ, itaradvayaṃ bāhiraṃ aṅgaṃ. Tathāpi kalyāṇamittasannissayeneva sesaṃ catubbidhaṃ ijjhati, kalyāṇamittassevettha bahūpakārataṃ dassento satthā ‘‘kalyāṇamittassetaṃ, meghiya, bhikkhuno pāṭikaṅkha’’ntiādinā desanaṃ vaḍḍheti. Tattha pāṭikaṅkhanti ekaṃsena icchitabbaṃ, avassaṃbhāvīti attho. Yanti kiriyāparāmasanaṃ. Idaṃ vuttaṃ hoti – ‘‘sīlavā bhavissatī’’ti ettha yadetaṃ kalyāṇamittassa bhikkhuno sīlavantatāya bhavanaṃ sīlasampannattaṃ, tassa bhikkhuno sīlasampannattā etaṃ tassa pāṭikaṅkhaṃ, avassaṃbhāvī ekaṃseneva tassa tattha niyojanatoti adhippāyo. Pātimokkhasaṃvarasaṃvuto viharissatītiādīsupi eseva nayo.

    звам̣ бхаг̇аваа сад̣̇звагз логз уд̇д̇амагаляаан̣амид̇д̇асан̇каад̇асса ад̇д̇ано важанам̣ анаад̣̇ияид̇ваа д̇ам̣ ванасан̣д̣ам̣ бависид̇ваа д̇аад̣̇исам̣ виббагаарам̣ бад̇д̇асса ааяасмад̇о мзгхияасса галяаан̣амид̇д̇ад̇аад̣̇инаа сагалам̣ саасанасамбад̇д̇им̣ д̣̇ассзд̇ваа, ид̣̇аанисса д̇ад̇т̇а аад̣̇араж̇аад̇асса буб̣б̣з язхи гаамавид̇аггаад̣̇ийхи убад̣̇д̣̇уд̇ад̇д̇аа гаммадтаанам̣ на самбаж̇ж̇и, д̇асса д̇зсам̣ уж̇увибажжанийгабхууд̇ад̇д̇аа жа бхааванаанаяам̣ багаасзд̇ваа, д̇ад̇о барам̣ арахад̇д̇асса гаммадтаанам̣ аажигканд̇о, ‘‘д̇зна жа бана, мзгхияа, бхигкунаа имзсу бан̃жасу д̇хаммзсу бад̇идтааяа жад̇д̇ааро д̇хаммаа уд̇д̇ари бхаавзд̇аб̣б̣аа’’д̇иаад̣̇имааха. д̇ад̇т̇а д̇знаад̇и звам̣ галяаан̣амид̇д̇асанниссаязна яат̇аавуд̇д̇асийлаад̣̇иг̇ун̣асаманнааг̇ад̇зна. д̇знзвааха ‘‘имзсу бан̃жасу д̇хаммзсу бад̇идтааяаа’’д̇и. уд̇д̇арийд̇и аарад̣̇д̇хад̇арун̣авибассанасса рааг̇аад̣̇ибариссаяаа жз уббаж̇ж̇зяяум̣, д̇зсам̣ висод̇ханад̇т̇ам̣ д̇ад̇о уд̣̇д̇хам̣ жад̇д̇ааро д̇хаммаа бхаавзд̇аб̣б̣аа уббаад̣̇зд̇аб̣б̣аа вад̣дхзд̇аб̣б̣аа жа.

    Evaṃ bhagavā sadevake loke uttamakalyāṇamittasaṅkhātassa attano vacanaṃ anādiyitvā taṃ vanasaṇḍaṃ pavisitvā tādisaṃ vippakāraṃ pattassa āyasmato meghiyassa kalyāṇamittatādinā sakalaṃ sāsanasampattiṃ dassetvā, idānissa tattha ādarajātassa pubbe yehi kāmavitakkādīhi upaddutattā kammaṭṭhānaṃ na sampajji, tassa tesaṃ ujuvipaccanīkabhūtattā ca bhāvanānayaṃ pakāsetvā, tato paraṃ arahattassa kammaṭṭhānaṃ ācikkhanto, ‘‘tena ca pana, meghiya, bhikkhunā imesu pañcasu dhammesu patiṭṭhāya cattāro dhammā uttari bhāvetabbā’’tiādimāha. Tattha tenāti evaṃ kalyāṇamittasannissayena yathāvuttasīlādiguṇasamannāgatena. Tenevāha ‘‘imesu pañcasu dhammesu patiṭṭhāyā’’ti. Uttarīti āraddhataruṇavipassanassa rāgādiparissayā ce uppajjeyyuṃ, tesaṃ visodhanatthaṃ tato uddhaṃ cattāro dhammā bhāvetabbā uppādetabbā vaḍḍhetabbā ca.

    асубхаад̇и згаад̣̇асасу асубхагаммадтаанзсу яат̇аарахам̣ яад̇т̇а гад̇т̇ажи асубхабхааванаа. рааг̇асса бахаанааяаад̇и гаамарааг̇асса баж̇аханад̇т̇ааяа. аяамад̇т̇о саалилааяагобамааяа вибхаавзд̇аб̣б̣о – зго хи бурисо асид̇ам̣ г̇ахзд̇ваа годид̇о бадтааяа сааликзд̇д̇з саалияо лааяад̇и, ат̇асса вад̇им̣ бхинд̣̇ид̇ваа г̇ааво бависим̣су. со асид̇ам̣ табзд̇ваа, яадтим̣ аад̣̇ааяа, д̇знзва маг̇г̇зна г̇ааво нийхарид̇ваа, вад̇им̣ баагад̇игам̣ гад̇ваа, буна асид̇ам̣ г̇ахзд̇ваа саалияо лааяи. д̇ад̇т̇а сааликзд̇д̇ам̣ вияа б̣уд̣̇д̇хасаасанам̣ д̣̇адтаб̣б̣ам̣, саалилааяаго вияа яог̇ааважаро, асид̇ам̣ вияа бан̃н̃аа, лааяанагаало вияа вибассанааяа гаммагаран̣агаало, яадти вияа асубхагаммадтаанам̣, вад̇и вияа сам̣варо , вад̇им̣ бхинд̣̇ид̇ваа г̇аавийнам̣ бависанам̣ вияа сахасаа аббадисан̇кааяа бамаад̣̇ам̣ ааг̇амма рааг̇асса уббаж̇ж̇анам̣, асид̇ам̣ табзд̇ваа, яадтим̣ аад̣̇ааяа, бавидтамаг̇г̇знзва г̇ааво нийхарид̇ваа, вад̇им̣ бадибаагад̇игам̣ гад̇ваа, буна тид̇адтаанад̇о бадтааяа саалилааяанам̣ вияа асубхагаммадтаанзна рааг̇ам̣ вигкамбхзд̇ваа, буна вибассанааяа гаммагаран̣агаалод̇и ид̣̇амзд̇т̇а убамаасам̣санд̣̇анам̣. звам̣бхууд̇ам̣ бхааванаавид̇хим̣ санд̇хааяа вуд̇д̇ам̣ ‘‘асубхаа бхаавзд̇аб̣б̣аа рааг̇асса бахаанааяаа’’д̇и.

    Asubhāti ekādasasu asubhakammaṭṭhānesu yathārahaṃ yattha katthaci asubhabhāvanā. Rāgassa pahānāyāti kāmarāgassa pajahanatthāya. Ayamattho sālilāyakopamāya vibhāvetabbo – eko hi puriso asitaṃ gahetvā koṭito paṭṭhāya sālikhette sāliyo lāyati, athassa vatiṃ bhinditvā gāvo pavisiṃsu. So asitaṃ ṭhapetvā, yaṭṭhiṃ ādāya, teneva maggena gāvo nīharitvā, vatiṃ pākatikaṃ katvā, puna asitaṃ gahetvā sāliyo lāyi. Tattha sālikhettaṃ viya buddhasāsanaṃ daṭṭhabbaṃ, sālilāyako viya yogāvacaro, asitaṃ viya paññā, lāyanakālo viya vipassanāya kammakaraṇakālo, yaṭṭhi viya asubhakammaṭṭhānaṃ, vati viya saṃvaro , vatiṃ bhinditvā gāvīnaṃ pavisanaṃ viya sahasā appaṭisaṅkhāya pamādaṃ āgamma rāgassa uppajjanaṃ, asitaṃ ṭhapetvā, yaṭṭhiṃ ādāya, paviṭṭhamaggeneva gāvo nīharitvā, vatiṃ paṭipākatikaṃ katvā, puna ṭhitaṭṭhānato paṭṭhāya sālilāyanaṃ viya asubhakammaṭṭhānena rāgaṃ vikkhambhetvā, puna vipassanāya kammakaraṇakāloti idamettha upamāsaṃsandanaṃ. Evaṃbhūtaṃ bhāvanāvidhiṃ sandhāya vuttaṃ ‘‘asubhā bhāvetabbā rāgassa pahānāyā’’ti.

    мзд̇д̇аад̇и мзд̇д̇аагаммадтаанам̣. б̣яаабаад̣̇асса бахаанааяаад̇и вуд̇д̇анаязнзва уббаннагобасса баж̇аханад̇т̇ааяа. аанаабаанассад̇ийд̇и сол̣асавад̇т̇угаа аанаабаанассад̇и. вид̇аггубажчзд̣̇ааяаад̇и вуд̇д̇анаязнзва уббаннаанам̣ вид̇аггаанам̣ убажчзд̣̇анад̇т̇ааяа. асмимаанасамуг̇гхаад̇ааяаад̇и асмийд̇и уббаж̇ж̇анагасса нававид̇хасса маанасса самужчзд̣̇анад̇т̇ааяа. анижжасан̃н̃инод̇и худ̇ваа абхаавад̇о уд̣̇аяаб̣б̣аяаванд̇ад̇о бабхан̇г̇уд̇о д̇аавагаалигад̇о нижжаббадибагкад̇о жа ‘‘саб̣б̣з сан̇каараа анижжаа’’д̇и (д̇ха. ба. 277; жуул̣ани. хзмагамаан̣авабужчаанид̣̇д̣̇зса 56) бавад̇д̇аанижжаанубассанаавасзна анижжасан̃н̃ино. анад̇д̇асан̃н̃аа сан̣таад̇ийд̇и асаарагад̇о авасавад̇д̇анад̇о барад̇о рид̇д̇ад̇о д̇ужчад̇о сун̃н̃ад̇о жа ‘‘саб̣б̣з д̇хаммаа анад̇д̇аа’’д̇и (д̇ха. ба. 279; жуул̣ани. хзмагамаан̣авабужчаанид̣̇д̣̇зса 56) звам̣ бавад̇д̇аа анад̇д̇аанубассанаасан̇каад̇аа анад̇д̇асан̃н̃аа жид̇д̇з сан̣тахад̇и, ад̇ид̣̇ал̣хам̣ бад̇идтаад̇и. анижжалагкан̣з хи д̣̇идтз анад̇д̇алагкан̣ам̣ д̣̇идтамзва ход̇и. д̇ийсу хи лагкан̣зсу згасмим̣ д̣̇идтз ид̇арад̣̇ваяам̣ д̣̇идтамзва ход̇и. д̇зна вуд̇д̇ам̣ – ‘‘анижжасан̃н̃ино хи, мзгхияа, анад̇д̇асан̃н̃аа сан̣таад̇ий’’д̇и. анад̇д̇алагкан̣з д̣̇идтз асмийд̇и уббаж̇ж̇анагамаано суббаж̇ахова ход̇ийд̇и ааха – ‘‘анад̇д̇асан̃н̃ий асмимаанасамуг̇гхаад̇ам̣ баабун̣аад̇ий’’д̇и д̣̇идтзва д̇хаммз ниб̣б̣аананд̇и д̣̇идтзязва д̇хаммз имасмим̣язва ад̇д̇абхаавз абажжаяабариниб̣б̣аанам̣ баабун̣аад̇и. аяамзд̇т̇а сан̇кзбо, вид̇т̇аарад̇о бана асубхаад̣̇ибхааванаанаяо висуд̣̇д̇химаг̇г̇з (висуд̣̇д̇хи. 1.102) вуд̇д̇анаязна г̇ахзд̇аб̣б̣о.

    Mettāti mettākammaṭṭhānaṃ. Byāpādassa pahānāyāti vuttanayeneva uppannakopassa pajahanatthāya. Ānāpānassatīti soḷasavatthukā ānāpānassati. Vitakkupacchedāyāti vuttanayeneva uppannānaṃ vitakkānaṃ upacchedanatthāya. Asmimānasamugghātāyāti asmīti uppajjanakassa navavidhassa mānassa samucchedanatthāya. Aniccasaññinoti hutvā abhāvato udayabbayavantato pabhaṅguto tāvakālikato niccappaṭipakkhato ca ‘‘sabbe saṅkhārā aniccā’’ti (dha. pa. 277; cūḷani. hemakamāṇavapucchāniddesa 56) pavattaaniccānupassanāvasena aniccasaññino. Anattasaññā saṇṭhātīti asārakato avasavattanato parato rittato tucchato suññato ca ‘‘sabbe dhammā anattā’’ti (dha. pa. 279; cūḷani. hemakamāṇavapucchāniddesa 56) evaṃ pavattā anattānupassanāsaṅkhātā anattasaññā citte saṇṭhahati, atidaḷhaṃ patiṭṭhāti. Aniccalakkhaṇe hi diṭṭhe anattalakkhaṇaṃ diṭṭhameva hoti. Tīsu hi lakkhaṇesu ekasmiṃ diṭṭhe itaradvayaṃ diṭṭhameva hoti. Tena vuttaṃ – ‘‘aniccasaññino hi, meghiya, anattasaññā saṇṭhātī’’ti. Anattalakkhaṇe diṭṭhe asmīti uppajjanakamāno suppajahova hotīti āha – ‘‘anattasaññī asmimānasamugghātaṃ pāpuṇātī’’ti diṭṭheva dhamme nibbānanti diṭṭheyeva dhamme imasmiṃyeva attabhāve apaccayaparinibbānaṃ pāpuṇāti. Ayamettha saṅkhepo, vitthārato pana asubhādibhāvanānayo visuddhimagge (visuddhi. 1.102) vuttanayena gahetabbo.

    зд̇амад̇т̇ам̣ вид̣̇ид̇ваад̇и зд̇ам̣ ааяасмад̇о мзгхияасса мижчаавид̇аггажорзхи гусалабхан̣д̣убажчзд̣̇асан̇каад̇ам̣ ад̇т̇ам̣ ж̇аанид̇ваа. имам̣ уд̣̇аананд̇и имам̣ гаамавид̇аггаад̣̇ийнам̣ авинод̣̇анз винод̣̇анз жа аад̣̇ийнаваанисам̣сад̣̇ийбагам̣ уд̣̇аанам̣ уд̣̇аанзси.

    Etamatthaṃviditvāti etaṃ āyasmato meghiyassa micchāvitakkacorehi kusalabhaṇḍupacchedasaṅkhātaṃ atthaṃ jānitvā. Imaṃ udānanti imaṃ kāmavitakkādīnaṃ avinodane vinodane ca ādīnavānisaṃsadīpakaṃ udānaṃ udānesi.

    д̇ад̇т̇а куд̣̇д̣̇аад̇и хийнаа лаамагаа. вид̇аггаад̇и гаамавид̇аггаад̣̇аяо д̇аяо баабавид̇аггаа. д̇з хи саб̣б̣авид̇аггзхи бад̇игидтад̇ааяа ид̇ха куд̣̇д̣̇аад̇и вуд̇д̇аа ‘‘на жа куд̣̇д̣̇амаажарз’’д̇иаад̣̇ийсу (ку. баа. 9.3; су. ни. 145) вияа. сукумаад̇и н̃аад̇ивид̇аггаад̣̇аяо ад̇хиббзд̇аа. н̃аад̇ивид̇агго ж̇анабад̣̇авид̇агго амараавид̇агго бараануд̣̇д̣̇аяад̇ааяа бадисам̣яуд̇д̇о вид̇агго лаабхасаггаарасилогабадисам̣яуд̇д̇о вид̇агго анаван̃н̃ад̇д̇ибадисам̣яуд̇д̇о вид̇аггод̇и зд̇з хи вид̇аггаа гаамавид̇аггаад̣̇аяо вияа д̣̇аарун̣аа на хонд̇ийд̇и анол̣ааригасабхаавад̇ааяа сукумаад̇и вуд̇д̇аа. ануг̇ад̇аад̇и жид̇д̇зна анувад̇д̇ид̇аа. вид̇аггз хи уббаж̇ж̇амаанз жид̇д̇ам̣ д̇ад̣̇ануг̇ад̇амзва ход̇и д̇асса аарамман̣аабхиниробанад̇о. ‘‘ануг̇г̇ад̇аа’’д̇иби баал̣и, ануудтид̇аад̇и ад̇т̇о. манасо уббилааваад̇и жзд̇асо уббилаавид̇ад̇д̇агараа.

    Tattha khuddāti hīnā lāmakā. Vitakkāti kāmavitakkādayo tayo pāpavitakkā. Te hi sabbavitakkehi patikiṭṭhatāya idha khuddāti vuttā ‘‘na ca khuddamācare’’tiādīsu (khu. pā. 9.3; su. ni. 145) viya. Sukhumāti ñātivitakkādayo adhippetā. Ñātivitakko janapadavitakko amarāvitakko parānuddayatāya paṭisaṃyutto vitakko lābhasakkārasilokapaṭisaṃyutto vitakko anavaññattipaṭisaṃyutto vitakkoti ete hi vitakkā kāmavitakkādayo viya dāruṇā na hontīti anoḷārikasabhāvatāya sukhumāti vuttā. Anugatāti cittena anuvattitā. Vitakke hi uppajjamāne cittaṃ tadanugatameva hoti tassa ārammaṇābhiniropanato. ‘‘Anuggatā’’tipi pāḷi, anuuṭṭhitāti attho. Manaso uppilāvāti cetaso uppilāvitattakarā.

    зд̇з авид̣̇ваа манасо вид̇аггзд̇и зд̇з гаамавид̇аггаад̣̇игз мановид̇аггз ассаад̣̇аад̣̇ийнаваниссаран̣ад̇о н̃аад̇ад̇ийран̣абахаанабарин̃н̃аахи яат̇аабхууд̇ам̣ аж̇аананд̇о. хураа хурам̣ д̇хаавад̇и бханд̇ажид̇д̇од̇и аббахийнамижчаавид̇аггад̇д̇аа анавадтид̇ажид̇д̇о ‘‘гад̣̇аажи руубз, гад̣̇аажи сад̣̇д̣̇з’’д̇иаад̣̇инаа д̇асмим̣ д̇асмим̣ аарамман̣з ассаад̣̇аад̣̇ивасзна абараабарам̣ д̇хаавад̇и бариб̣бхамад̇и. ат̇а ваа хураа хурам̣ д̇хаавад̇и бханд̇ажид̇д̇од̇и абарин̃н̃аад̇авид̇аггад̇д̇аа д̇аннимид̇д̇аанам̣ авиж̇ж̇аад̇ан̣хаанам̣ васзна бариб̣бхаманамаанасо ид̇халогад̇о баралогам̣ аад̣̇аананигкзбзхи абараабарам̣ д̇хаавад̇и сам̣сарад̇ийд̇и ад̇т̇о.

    Ete avidvā manaso vitakketi ete kāmavitakkādike manovitakke assādādīnavanissaraṇato ñātatīraṇapahānapariññāhi yathābhūtaṃ ajānanto. Hurā huraṃ dhāvati bhantacittoti appahīnamicchāvitakkattā anavaṭṭhitacitto ‘‘kadāci rūpe, kadāci sadde’’tiādinā tasmiṃ tasmiṃ ārammaṇe assādādivasena aparāparaṃ dhāvati paribbhamati. Atha vā hurā huraṃ dhāvati bhantacittoti apariññātavitakkattā tannimittānaṃ avijjātaṇhānaṃ vasena paribbhamanamānaso idhalokato paralokaṃ ādānanikkhepehi aparāparaṃ dhāvati saṃsaratīti attho.

    зд̇з жа вид̣̇ваа манасо вид̇аггзд̇и зд̇з яат̇аавуд̇д̇аббабхзд̣̇з гаамавид̇аггаад̣̇игз мановид̇аггз ассаад̣̇аад̣̇ид̇о яат̇аабхууд̇ам̣ ж̇аананд̇о. аад̇аабияод̇и вийрияаваа. сам̣варад̇ийд̇и бид̣̇ахад̇и. сад̇имаад̇и сад̇исамбанно. ануг̇г̇ад̇зд̇и д̣̇уллабхавасзна ануббаннз. ид̣̇ам̣ вуд̇д̇ам̣ ход̇и – зд̇з вуд̇д̇аббагаарз гаамавид̇аггаад̣̇игз мановид̇аггз жид̇д̇асса уббилаавид̇ахзд̇уд̇ааяа манасо уббилаавз вид̣̇ваа вибассанаабан̃н̃аасахид̇ааяа маг̇г̇абан̃н̃ааяа саммад̣̇зва ж̇аананд̇о, д̇асса сахааяабхууд̇аанам̣ саммаавааяаамасад̇ийнам̣ ад̇т̇ид̇ааяа аад̇аабияо сад̇имаа д̇з арияамаг̇г̇абхааванааяа ааяад̇им̣ уббад̇д̇ирахз ануг̇г̇ад̇з ануббаннз зва маг̇г̇агкан̣з сам̣варад̇и, н̃аан̣асам̣варавасзна бид̣̇ахад̇и, ааг̇аманабат̇ам̣ бажчинд̣̇ад̇и, звам̣бхууд̇о жа жад̇усажжаббаб̣од̇хзна б̣уд̣̇д̇хо арияасааваго арахад̇д̇аад̇хиг̇амзна асзсам̣, анавасзсам̣ зд̇з гаамавид̇аггаад̣̇игз баж̇ахааси самужчинд̣̇ийд̇и. зд̇т̇ааби ‘‘ануг̇ад̇з’’д̇иби батанд̇и. д̇ассад̇т̇о хздтаа вуд̇д̇оязва.

    Ete ca vidvā manaso vitakketi ete yathāvuttappabhede kāmavitakkādike manovitakke assādādito yathābhūtaṃ jānanto. Ātāpiyoti vīriyavā. Saṃvaratīti pidahati. Satimāti satisampanno. Anuggateti dullabhavasena anuppanne. Idaṃ vuttaṃ hoti – ete vuttappakāre kāmavitakkādike manovitakke cittassa uppilāvitahetutāya manaso uppilāve vidvā vipassanāpaññāsahitāya maggapaññāya sammadeva jānanto, tassa sahāyabhūtānaṃ sammāvāyāmasatīnaṃ atthitāya ātāpiyo satimā te ariyamaggabhāvanāya āyatiṃ uppattirahe anuggate anuppanne eva maggakkhaṇe saṃvarati, ñāṇasaṃvaravasena pidahati, āgamanapathaṃ pacchindati, evaṃbhūto ca catusaccappabodhena buddho ariyasāvako arahattādhigamena asesaṃ, anavasesaṃ ete kāmavitakkādike pajahāsi samucchindīti. Etthāpi ‘‘anugate’’tipi paṭhanti. Tassattho heṭṭhā vuttoyeva.

    батамасуд̇д̇аван̣н̣анаа нидтид̇аа.

    Paṭhamasuttavaṇṇanā niṭṭhitā.




    Next: 2. уд̣̇д̇хад̇асуд̇д̇аван̣н̣анаа • 2. Uddhatasuttavaṇṇanā




    Related texts:



    д̇ибидага (муула) • Tipiṭaka (Mūla) / суд̇д̇абидага • Suttapiṭaka / куд̣̇д̣̇аганигааяа • Khuddakanikāya / уд̣̇аанабаал̣и • Udānapāḷi / 1. мзгхияасуд̇д̇ам̣ • 1. Meghiyasuttaṃ


    © 1991-2023 The Titi Tudorancea Bulletin | Titi Tudorancea® is a Registered Trademark | Terms of use and privacy policy
    Contact