| Library / Tipiṭaka / ਤਿਪਿਟਕ • Tipiṭaka / ਅਙ੍ਗੁਤ੍ਤਰਨਿਕਾਯ (ਅਟ੍ਠਕਥਾ) • Aṅguttaranikāya (aṭṭhakathā) |
੩. ਮੇਘਿਯਸੁਤ੍ਤવਣ੍ਣਨਾ
3. Meghiyasuttavaṇṇanā
੩. ਤਤਿਯੇ ਚਾਲਿਕਾਯਨ੍ਤਿ ਏવਂਨਾਮਕੇ ਨਗਰੇ। ਤਂ ਕਿਰ ਚਲਮਗ੍ਗਂ ਨਿਸ੍ਸਾਯ ਕਤਤ੍ਤਾ ਓਲੋਕੇਨ੍ਤਾਨਂ ਚਲਮਾਨਂ વਿਯ ਉਪਟ੍ਠਾਤਿ, ਤਸ੍ਮਾ ਚਾਲਿਕਾਤਿ ਸਙ੍ਖਂ ਗਤਂ। ਚਾਲਿਯਪਬ੍ਬਤੇਤਿ ਸੋਪਿ ਪਬ੍ਬਤੋ ਸਬ੍ਬਸੇਤਤ੍ਤਾ ਕਾਲ਼ਪਕ੍ਖੁਪੋਸਥੇ ਓਲੋਕੇਨ੍ਤਾਨਂ ਚਲਮਾਨੋ વਿਯ ਉਪਟ੍ਠਾਤਿ, ਤਸ੍ਮਾ ਚਾਲਿਯਪਬ੍ਬਤੋਤਿ વੁਤ੍ਤੋ। ਤਤ੍ਥ ਮਹਨ੍ਤਂ વਿਹਾਰਂ ਕਾਰਯਿਂਸੁ। ਇਤਿ ਭਗવਾ ਤਂ ਨਗਰਂ ਨਿਸ੍ਸਾਯ ਚਾਲਿਕਾਪਬ੍ਬਤਮਹਾવਿਹਾਰੇ વਿਹਰਤਿ। ਜਨ੍ਤੁਗਾਮਨ੍ਤਿ ਏવਂਨਾਮਕਂ ਅਪਰਮ੍ਪਿ ਤਸ੍ਸੇવ વਿਹਾਰਸ੍ਸ ਗੋਚਰਗਾਮਂ। ਜਤ੍ਤੁਗਾਮਨ੍ਤਿਪਿ ਪਠਨ੍ਤਿ। ਪਧਾਨਤ੍ਥਿਕਸ੍ਸਾਤਿ ਪਧਾਨਕਮ੍ਮਿਕਸ੍ਸ। ਪਧਾਨਾਯਾਤਿ ਸਮਣਧਮ੍ਮਕਰਣਤ੍ਥਾਯ। ਆਗਮੇਹਿ ਤਾવਾਤਿ ਸਤ੍ਥਾ ਥੇਰਸ੍ਸ વਚਨਂ ਸੁਤ੍વਾ ਉਪਧਾਰੇਨ੍ਤੋ ‘‘ਨ ਤਾવਸ੍ਸ ਞਾਣਂ ਪਰਿਪਕ੍ਕ’’ਨ੍ਤਿ ਞਤ੍વਾ ਪਟਿਬਾਹਨ੍ਤੋ ਏવਮਾਹ। ਏਕਕਮ੍ਹਿ ਤਾવਾਤਿ ਇਦਂ ਪਨਸ੍ਸ ‘‘ਏવਮਯਂ ਗਨ੍ਤ੍વਾਪਿ ਕਮ੍ਮੇ ਅਨਿਪ੍ਫਜ੍ਜਮਾਨੇ ਨਿਰਾਸਙ੍ਕੋ ਹੁਤ੍વਾ ਪੇਮવਸੇਨ ਪੁਨ ਆਗਚ੍ਛਿਸ੍ਸਤੀ’’ਤਿ ਚਿਤ੍ਤਮਦ੍ਦવਜਨਨਤ੍ਥਂ ਆਹ। ਨਤ੍ਥਿ ਕਿਞ੍ਚਿ ਉਤ੍ਤਰਿ ਕਰਣੀਯਨ੍ਤਿ ਚਤੂਸੁ ਸਚ੍ਚੇਸੁ ਚਤੁਨ੍ਨਂ ਕਿਚ੍ਚਾਨਂ ਕਤਤ੍ਤਾ ਅਞ੍ਞਂ ਉਤ੍ਤਰਿ ਕਰਣੀਯਂ ਨਾਮ ਨਤ੍ਥਿ। ਕਤਸ੍ਸ વਾ ਪਟਿਚਯੋਤਿ ਅਧਿਗਤਸ੍ਸ વਾ ਪੁਨ ਪਟਿਚਯੋਪਿ ਨਤ੍ਥਿ। ਨ ਹਿ ਭਾવਿਤਮਗ੍ਗੋ ਪੁਨ ਭਾવੀਯਤਿ, ਨ ਪਹੀਨਕਿਲੇਸਾਨਂ ਪੁਨ ਪਹਾਨਂ ਅਤ੍ਥਿ। ਪਧਾਨਨ੍ਤਿ ਖੋ, ਮੇਘਿਯ, વਦਮਾਨਂ ਕਿਨ੍ਤਿ વਦੇਯ੍ਯਾਮਾਤਿ ‘‘ਸਮਣਧਮ੍ਮਂ ਕਰੋਮੀ’’ਤਿ ਤਂ વਦਮਾਨਂ ਮਯਂ ਅਞ੍ਞਂ ਕਿਂ ਨਾਮ વਦੇਯ੍ਯਾਮ।
3. Tatiye cālikāyanti evaṃnāmake nagare. Taṃ kira calamaggaṃ nissāya katattā olokentānaṃ calamānaṃ viya upaṭṭhāti, tasmā cālikāti saṅkhaṃ gataṃ. Cāliyapabbateti sopi pabbato sabbasetattā kāḷapakkhuposathe olokentānaṃ calamāno viya upaṭṭhāti, tasmā cāliyapabbatoti vutto. Tattha mahantaṃ vihāraṃ kārayiṃsu. Iti bhagavā taṃ nagaraṃ nissāya cālikāpabbatamahāvihāre viharati. Jantugāmanti evaṃnāmakaṃ aparampi tasseva vihārassa gocaragāmaṃ. Jattugāmantipi paṭhanti. Padhānatthikassāti padhānakammikassa. Padhānāyāti samaṇadhammakaraṇatthāya. Āgamehi tāvāti satthā therassa vacanaṃ sutvā upadhārento ‘‘na tāvassa ñāṇaṃ paripakka’’nti ñatvā paṭibāhanto evamāha. Ekakamhi tāvāti idaṃ panassa ‘‘evamayaṃ gantvāpi kamme anipphajjamāne nirāsaṅko hutvā pemavasena puna āgacchissatī’’ti cittamaddavajananatthaṃ āha. Natthi kiñci uttari karaṇīyanti catūsu saccesu catunnaṃ kiccānaṃ katattā aññaṃ uttari karaṇīyaṃ nāma natthi. Katassa vā paṭicayoti adhigatassa vā puna paṭicayopi natthi. Na hi bhāvitamaggo puna bhāvīyati, na pahīnakilesānaṃ puna pahānaṃ atthi. Padhānanti kho, meghiya, vadamānaṃ kinti vadeyyāmāti ‘‘samaṇadhammaṃ karomī’’ti taṃ vadamānaṃ mayaṃ aññaṃ kiṃ nāma vadeyyāma.
ਦਿવਾવਿਹਾਰਂ ਨਿਸੀਦੀਤਿ ਦਿવਾવਿਹਾਰਤ੍ਥਾਯ ਨਿਸੀਦਿ। ਨਿਸੀਦਨ੍ਤੋ ਚ ਯਸ੍ਮਿਂ ਮਙ੍ਗਲਸਿਲਾਪਟ੍ਟੇ ਪੁਬ੍ਬੇ ਅਨੁਪਟਿਪਾਟਿਯਾ ਪਞ੍ਚ ਜਾਤਿਸਤਾਨਿ ਰਾਜਾ ਹੁਤ੍વਾ ਉਯ੍ਯਾਨਕੀਲ਼ਿਕਂ ਕੀਲ਼ਨ੍ਤੋ ਤਿવਿਧਨਾਟਕਪਰਿવਾਰੋ ਨਿਸੀਦਿ, ਤਸ੍ਮਿਂਯੇવ ਨਿਸੀਦਿ। ਅਥਸ੍ਸ ਨਿਸਿਨ੍ਨਕਾਲਤੋ ਪਟ੍ਠਾਯ ਸਮਣਭਾવੋ ਜਹਿਤੋ વਿਯ ਅਹੋਸਿ, ਰਾਜવੇਸਂ ਗਹੇਤ੍વਾ ਨਾਟਕવਰਪਰਿવੁਤੋ ਸੇਤਚ੍ਛਤ੍ਤਸ੍ਸ ਹੇਟ੍ਠਾ ਮਹਾਰਹੇ ਪਲ੍ਲਙ੍ਕੇ ਨਿਸਿਨ੍ਨੋ વਿਯ ਜਾਤੋ। ਅਥਸ੍ਸ ਤਂ ਸਮ੍ਪਤ੍ਤਿਂ ਅਸ੍ਸਾਦਯਤੋ ਕਾਮવਿਤਕ੍ਕੋ ਉਦਪਾਦਿ। ਸੋ ਤਸ੍ਮਿਂਯੇવ ਖਣੇ ਮਹਾਯੋਧੇਹਿ ਗਹਿਤੇ ਦ੍વੇ ਚੋਰੇ ਆਨੇਤ੍વਾ ਪੁਰਤੋ ਠਪਿਤੇ વਿਯ ਅਦ੍ਦਸ। ਤੇਸੁ ਏਕਸ੍ਸ વਧਂ ਆਣਾਪਨવਸੇਨਸ੍ਸ ਬ੍ਯਾਪਾਦવਿਤਕ੍ਕੋ ਉਪ੍ਪਜ੍ਜਿ, ਏਕਸ੍ਸ ਬਨ੍ਧਨਂ ਆਣਾਪਨવਸੇਨ વਿਹਿਂਸਾવਿਤਕ੍ਕੋ। ਏવਂ ਸੋ ਲਤਾਜਾਲੇਨ ਰੁਕ੍ਖੋ વਿਯ ਮਧੁਮਕ੍ਖਿਕਾਹਿ ਮਧੁਘਾਤਕੋ વਿਯ ਅਕੁਸਲવਿਤਕ੍ਕੇਹਿ ਪਰਿਕ੍ਖਿਤ੍ਤੋ ਅਹੋਸਿ। ਤਂ ਸਨ੍ਧਾਯ – ਅਥ ਖੋ ਆਯਸ੍ਮਤੋ ਮੇਘਿਯਸ੍ਸਾਤਿਆਦਿ વੁਤ੍ਤਂ। ਅਨ੍વਾਸਤ੍ਤਾਤਿ ਅਨੁਬਦ੍ਧਾ ਸਮ੍ਪਰਿવਾਰਿਤਾ। ਯੇਨ ਭਗવਾ ਤੇਨੁਪਸਙ੍ਕਮੀਤਿ ਏવਂ ਪਾਪવਿਤਕ੍ਕੇਹਿ ਸਮ੍ਪਰਿਕਿਣ੍ਣੋ ਕਮ੍ਮਟ੍ਠਾਨਂ ਸਪ੍ਪਾਯਂ ਕਾਤੁਂ ਅਸਕ੍ਕੋਨ੍ਤੋ ‘‘ਇਦਂ વਤ ਦਿਸ੍વਾ ਦੀਘਦਸ੍ਸੀ ਭਗવਾ ਪਟਿਸੇਧੇਸੀ’’ਤਿ ਸਲ੍ਲਕ੍ਖੇਤ੍વਾ ‘‘ਇਦਂ ਕਾਰਣਂ ਦਸਬਲਸ੍ਸ ਆਰੋਚੇਸ੍ਸਾਮੀ’’ਤਿ ਨਿਸਿਨ੍ਨਾਸਨਤੋ વੁਟ੍ਠਾਯ ਯੇਨ ਭਗવਾ ਤੇਨੁਪਸਙ੍ਕਮਿ।
Divāvihāraṃ nisīdīti divāvihāratthāya nisīdi. Nisīdanto ca yasmiṃ maṅgalasilāpaṭṭe pubbe anupaṭipāṭiyā pañca jātisatāni rājā hutvā uyyānakīḷikaṃ kīḷanto tividhanāṭakaparivāro nisīdi, tasmiṃyeva nisīdi. Athassa nisinnakālato paṭṭhāya samaṇabhāvo jahito viya ahosi, rājavesaṃ gahetvā nāṭakavaraparivuto setacchattassa heṭṭhā mahārahe pallaṅke nisinno viya jāto. Athassa taṃ sampattiṃ assādayato kāmavitakko udapādi. So tasmiṃyeva khaṇe mahāyodhehi gahite dve core ānetvā purato ṭhapite viya addasa. Tesu ekassa vadhaṃ āṇāpanavasenassa byāpādavitakko uppajji, ekassa bandhanaṃ āṇāpanavasena vihiṃsāvitakko. Evaṃ so latājālena rukkho viya madhumakkhikāhi madhughātako viya akusalavitakkehi parikkhitto ahosi. Taṃ sandhāya – atha kho āyasmato meghiyassātiādi vuttaṃ. Anvāsattāti anubaddhā samparivāritā. Yena bhagavā tenupasaṅkamīti evaṃ pāpavitakkehi samparikiṇṇo kammaṭṭhānaṃ sappāyaṃ kātuṃ asakkonto ‘‘idaṃ vata disvā dīghadassī bhagavā paṭisedhesī’’ti sallakkhetvā ‘‘idaṃ kāraṇaṃ dasabalassa ārocessāmī’’ti nisinnāsanato vuṭṭhāya yena bhagavā tenupasaṅkami.
Related texts:
ਤਿਪਿਟਕ (ਮੂਲ) • Tipiṭaka (Mūla) / ਸੁਤ੍ਤਪਿਟਕ • Suttapiṭaka / ਅਙ੍ਗੁਤ੍ਤਰਨਿਕਾਯ • Aṅguttaranikāya / ੩. ਮੇਘਿਯਸੁਤ੍ਤਂ • 3. Meghiyasuttaṃ
ਟੀਕਾ • Tīkā / ਸੁਤ੍ਤਪਿਟਕ (ਟੀਕਾ) • Suttapiṭaka (ṭīkā) / ਅਙ੍ਗੁਤ੍ਤਰਨਿਕਾਯ (ਟੀਕਾ) • Aṅguttaranikāya (ṭīkā) / ੩. ਮੇਘਿਯਸੁਤ੍ਤવਣ੍ਣਨਾ • 3. Meghiyasuttavaṇṇanā
