| Library / Tipiṭaka / д̇ибидага • Tipiṭaka / т̇зраг̇аат̇аа-адтагат̇аа • Theragāthā-aṭṭhakathā |
6. мзгхияад̇т̇зраг̇аат̇ааван̣н̣анаа
6. Meghiyattheragāthāvaṇṇanā
анусааси махаавийрод̇и ааяасмад̇о мзгхияад̇т̇зрасса г̇аат̇аа. гаа уббад̇д̇и? аяамби буримаб̣уд̣̇д̇хзсу гад̇аад̇хигааро д̇ад̇т̇а д̇ад̇т̇а бхавз гусалаб̣ийж̇аани робзнд̇о ид̇о зганавуд̇з габбз вибассисса бхаг̇авад̇о гаалз гулаг̇зхз ниб̣б̣ад̇д̇ид̇ваа вин̃н̃уд̇ам̣ баабун̣и. д̇асмин̃жа самаяз вибассий бхаг̇аваа б̣уд̣̇д̇хагижжасса барияосаанамааг̇амма ааяусан̇каарам̣ оссаж̇ж̇и. д̇зна бат̇авийгамбаад̣̇ийсу уббаннзсу махааж̇ано бхийд̇ад̇асид̇о ахоси. ат̇а нам̣ взссаван̣о махаарааж̇аа д̇амад̇т̇ам̣ вибхаавзд̇ваа самассаасзси. д̇ам̣ суд̇ваа махааж̇ано сам̣взг̇аббад̇д̇о ахоси. д̇ад̇т̇ааяам̣ гулабуд̇д̇о б̣уд̣̇д̇хаанубхаавам̣ суд̇ваа сад̇т̇ари сан̃ж̇аад̇аг̇аараваб̣ахумаано ул̣аарам̣ бийд̇исоманассам̣ бадисам̣взд̣̇зси. со д̇зна бун̃н̃агаммзна д̣̇звамануссзсу сам̣саранд̇о имасмим̣ б̣уд̣̇д̇хуббаад̣̇з габилавад̇т̇усмим̣ саагияарааж̇агулз ниб̣б̣ад̇д̇и, д̇асса мзгхияод̇и наамам̣ ахоси. со ваяаббад̇д̇о сад̇т̇у санд̇игз баб̣б̣аж̇ид̇ваа бхаг̇аванд̇ам̣ убадтаханд̇о бхаг̇авад̇и ж̇аалигааяам̣ вихаранд̇з гимигаалааяа над̣̇ияаа д̇ийрз раман̣ийяам̣ амб̣аванам̣ д̣̇исваа д̇ад̇т̇а вихарид̇угаамо д̣̇вз ваарз бхаг̇авад̇аа ваарзд̇ваа д̇ад̇ияаваарам̣ виссаж̇ж̇ид̇о д̇ад̇т̇а г̇анд̇ваа мижчаавид̇аггамагкигаахи каж̇ж̇амаано жид̇д̇асамаад̇хим̣ алабхид̇ваа сад̇т̇у санд̇игам̣ г̇анд̇ваа д̇амад̇т̇ам̣ аарожзси. ат̇асса бхаг̇аваа ‘‘абарибаггааяа, мзгхияа, жзд̇овимуд̇д̇ияаа бан̃жа д̇хаммаа барибаагааяа сам̣вад̇д̇анд̇ий’’д̇иаад̣̇инаа (уд̣̇аа. 31) оваад̣̇ам̣ ад̣̇ааси. со д̇асмим̣ оваад̣̇з тад̇ваа вибассанам̣ вад̣дхзд̇ваа арахад̇д̇ам̣ баабун̣и. д̇зна вуд̇д̇ам̣ абад̣̇аанз (аба. т̇зра 1.12.57-65) –
Anusāsimahāvīroti āyasmato meghiyattherassa gāthā. Kā uppatti? Ayampi purimabuddhesu katādhikāro tattha tattha bhave kusalabījāni ropento ito ekanavute kappe vipassissa bhagavato kāle kulagehe nibbattitvā viññutaṃ pāpuṇi. Tasmiñca samaye vipassī bhagavā buddhakiccassa pariyosānamāgamma āyusaṅkhāraṃ ossajji. Tena pathavīkampādīsu uppannesu mahājano bhītatasito ahosi. Atha naṃ vessavaṇo mahārājā tamatthaṃ vibhāvetvā samassāsesi. Taṃ sutvā mahājano saṃvegappatto ahosi. Tatthāyaṃ kulaputto buddhānubhāvaṃ sutvā satthari sañjātagāravabahumāno uḷāraṃ pītisomanassaṃ paṭisaṃvedesi. So tena puññakammena devamanussesu saṃsaranto imasmiṃ buddhuppāde kapilavatthusmiṃ sākiyarājakule nibbatti, tassa meghiyoti nāmaṃ ahosi. So vayappatto satthu santike pabbajitvā bhagavantaṃ upaṭṭhahanto bhagavati jālikāyaṃ viharante kimikālāya nadiyā tīre ramaṇīyaṃ ambavanaṃ disvā tattha viharitukāmo dve vāre bhagavatā vāretvā tatiyavāraṃ vissajjito tattha gantvā micchāvitakkamakkhikāhi khajjamāno cittasamādhiṃ alabhitvā satthu santikaṃ gantvā tamatthaṃ ārocesi. Athassa bhagavā ‘‘aparipakkāya, meghiya, cetovimuttiyā pañca dhammā paripākāya saṃvattantī’’tiādinā (udā. 31) ovādaṃ adāsi. So tasmiṃ ovāde ṭhatvā vipassanaṃ vaḍḍhetvā arahattaṃ pāpuṇi. Tena vuttaṃ apadāne (apa. thera 1.12.57-65) –
‘‘яад̣̇аа вибассий логаг̇г̇о, ааяусан̇каарамоссаж̇и;
‘‘Yadā vipassī lokaggo, āyusaṅkhāramossaji;
бат̇авий самбагамбид̇т̇а, мзд̣̇аний ж̇аламзкалаа.
Pathavī sampakampittha, medanī jalamekhalā.
‘‘од̇ад̇ам̣ вид̇ад̇ам̣ маяхам̣, сувижид̇д̇авадам̣сагам̣;
‘‘Otataṃ vitataṃ mayhaṃ, suvicittavaṭaṃsakaṃ;
бхаванамби багамбид̇т̇а, б̣уд̣̇д̇хасса ааяусан̇каяз.
Bhavanampi pakampittha, buddhassa āyusaṅkhaye.
‘‘д̇аасо маяхам̣ самуббанно, бхаванз самбагамбид̇з;
‘‘Tāso mayhaṃ samuppanno, bhavane sampakampite;
уббаад̣̇о ну гимад̇т̇ааяа, аалого вибуло аху.
Uppādo nu kimatthāya, āloko vipulo ahu.
‘‘взссаван̣о ид̇хааг̇амма, ниб̣б̣аабзси махааж̇анам̣;
‘‘Vessavaṇo idhāgamma, nibbāpesi mahājanaṃ;
баан̣абхууд̇з бхаяам̣ над̇т̇и, згаг̇г̇аа хот̇а сам̣вуд̇аа.
Pāṇabhūte bhayaṃ natthi, ekaggā hotha saṃvutā.
‘‘ахо б̣уд̣̇д̇хо ахо д̇хаммо, ахо но сад̇т̇у самбад̣̇аа;
‘‘Aho buddho aho dhammo, aho no satthu sampadā;
яасмим̣ уббаж̇ж̇амаанамхи, бат̇авий самбагамбад̇и.
Yasmiṃ uppajjamānamhi, pathavī sampakampati.
‘‘б̣уд̣̇д̇хаанубхаавам̣ гид̇д̇зд̇ваа, габбам̣ саг̇г̇амхи мод̣̇ахам̣;
‘‘Buddhānubhāvaṃ kittetvā, kappaṃ saggamhi modahaṃ;
авасзсзсу габбзсу, гусалам̣ жарид̇ам̣ маяаа.
Avasesesu kappesu, kusalaṃ caritaṃ mayā.
‘‘зганавуд̇ид̇о габбз, яам̣ сан̃н̃амалабхим̣ д̇ад̣̇аа;
‘‘Ekanavutito kappe, yaṃ saññamalabhiṃ tadā;
д̣̇уг̇г̇ад̇им̣ наабхиж̇аанаами, б̣уд̣̇д̇хасан̃н̃ааяид̣̇ам̣ палам̣.
Duggatiṃ nābhijānāmi, buddhasaññāyidaṃ phalaṃ.
‘‘ид̇о жуд̣̇д̣̇асагаббамхи, рааж̇аа аасим̣ бад̇аабаваа;
‘‘Ito cuddasakappamhi, rājā āsiṃ patāpavā;
самид̇о наама наамзна, жаггавад̇д̇ий махаб̣б̣ало.
Samito nāma nāmena, cakkavattī mahabbalo.
‘‘гилзсаа жхаабид̇аа маяхам̣…бз… гад̇ам̣ б̣уд̣̇д̇хасса саасана’’нд̇и.
‘‘Kilesā jhāpitā mayhaṃ…pe… kataṃ buddhassa sāsana’’nti.
арахад̇д̇ам̣ бана бад̇ваа сад̇т̇у саммукаа оваад̣̇ам̣ лабхид̇ваа ‘‘маяаа арахад̇д̇ам̣ ад̇хиг̇ад̇а’’нд̇и ан̃н̃ам̣ б̣яаагаронд̇о –
Arahattaṃ pana patvā satthu sammukhā ovādaṃ labhitvā ‘‘mayā arahattaṃ adhigata’’nti aññaṃ byākaronto –
66.
66.
‘‘анусааси махаавийро, саб̣б̣ад̇хаммаана баараг̇уу;
‘‘Anusāsi mahāvīro, sabbadhammāna pāragū;
д̇ассаахам̣ д̇хаммам̣ суд̇ваана, вихаасим̣ санд̇игз сад̇о;
Tassāhaṃ dhammaṃ sutvāna, vihāsiṃ santike sato;
д̇иссо виж̇ж̇аа ануббад̇д̇аа, гад̇ам̣ б̣уд̣̇д̇хасса саасана’’нд̇и. – г̇аат̇ам̣ абхааси;
Tisso vijjā anuppattā, kataṃ buddhassa sāsana’’nti. – gāthaṃ abhāsi;
д̇ад̇т̇а анусаасийд̇и ‘‘абарибаггааяа, мзгхияа, жзд̇овимуд̇д̇ияаа бан̃жа д̇хаммаа барибаагааяа сам̣вад̇д̇анд̇ий’’д̇иаад̣̇инаа овад̣̇и анусидтим̣ ад̣̇ааси. махаавийрод̇и махаавигганд̇о, вийрияабаарамибаарибуурияаа жад̇уран̇г̇асаманнааг̇ад̇авийрияаад̇хидтаанзна анан̃н̃асаад̇хааран̣ажад̇уб̣б̣ид̇хасаммаббад̇хаанасамбад̇д̇ияаа жа махаавийрияод̇и ад̇т̇о. саб̣б̣ад̇хаммаана баараг̇ууд̇и саб̣б̣зсан̃жа н̃зяяад̇хаммаанам̣ баарам̣ барияанд̇ам̣ н̃аан̣аг̇аманзна г̇ад̇о ад̇хиг̇ад̇од̇и саб̣б̣ад̇хаммаана баараг̇уу, саб̣б̣ан̃н̃ууд̇и ад̇т̇о. саб̣б̣зсам̣ ваа сан̇кад̇ад̇хаммаанам̣ баарабхууд̇ам̣ ниб̣б̣аанам̣ саяамбхуун̃аан̣зна г̇ад̇о ад̇хиг̇ад̇од̇и саб̣б̣ад̇хаммаана баараг̇уу. д̇ассаахам̣ д̇хаммам̣ суд̇ваанаад̇и д̇асса б̣уд̣̇д̇хасса бхаг̇авад̇о саамуггам̣сигам̣ д̇ам̣ жад̇усажжад̇хаммам̣ сун̣ид̇ваа. вихаасим̣ санд̇игзд̇и амб̣аванз мижчаавид̇аггзхи убад̣̇д̣̇уд̇о жаалигаа вихаарам̣ г̇анд̇ваа сад̇т̇у самийбзязва вихаасим̣. сад̇од̇и сад̇имаа, самат̇авибассанаабхааванааяа аббамад̇д̇од̇и ад̇т̇о. аханд̇и ид̣̇ам̣ яат̇аа ‘‘анусаасий’’д̇и зд̇т̇а ‘‘ма’’нд̇и звам̣ ‘‘виж̇ж̇аа ануббад̇д̇аа, гад̇ам̣ б̣уд̣̇д̇хасса саасана’’нд̇и зд̇т̇а ‘‘маяаа’’д̇и барин̣аамзд̇аб̣б̣ам̣. ‘‘гад̇ам̣ б̣уд̣̇д̇хасса саасана’’нд̇и жа иминаа яат̇аавуд̇д̇ам̣ виж̇ж̇аад̇д̇аяаануббад̇д̇имзва сад̇т̇у оваад̣̇абадигаран̣абхаавад̣̇ассанзна барияааяанд̇арзна багаасзд̇и. сийлагканд̇хаад̣̇ибарибууран̣амзва хи сад̇т̇у саасанагаарид̇аа.
Tattha anusāsīti ‘‘aparipakkāya, meghiya, cetovimuttiyā pañca dhammā paripākāya saṃvattantī’’tiādinā ovadi anusiṭṭhiṃ adāsi. Mahāvīroti mahāvikkanto, vīriyapāramipāripūriyā caturaṅgasamannāgatavīriyādhiṭṭhānena anaññasādhāraṇacatubbidhasammappadhānasampattiyā ca mahāvīriyoti attho. Sabbadhammāna pāragūti sabbesañca ñeyyadhammānaṃ pāraṃ pariyantaṃ ñāṇagamanena gato adhigatoti sabbadhammāna pāragū, sabbaññūti attho. Sabbesaṃ vā saṅkhatadhammānaṃ pārabhūtaṃ nibbānaṃ sayambhūñāṇena gato adhigatoti sabbadhammāna pāragū. Tassāhaṃ dhammaṃ sutvānāti tassa buddhassa bhagavato sāmukkaṃsikaṃ taṃ catusaccadhammaṃ suṇitvā. Vihāsiṃ santiketi ambavane micchāvitakkehi upadduto cālikā vihāraṃ gantvā satthu samīpeyeva vihāsiṃ. Satoti satimā, samathavipassanābhāvanāya appamattoti attho. Ahanti idaṃ yathā ‘‘anusāsī’’ti ettha ‘‘ma’’nti evaṃ ‘‘vijjā anuppattā, kataṃ buddhassa sāsana’’nti ettha ‘‘mayā’’ti pariṇāmetabbaṃ. ‘‘Kataṃ buddhassa sāsana’’nti ca iminā yathāvuttaṃ vijjāttayānuppattimeva satthu ovādapaṭikaraṇabhāvadassanena pariyāyantarena pakāseti. Sīlakkhandhādiparipūraṇameva hi satthu sāsanakāritā.
мзгхияад̇т̇зраг̇аат̇ааван̣н̣анаа нидтид̇аа.
Meghiyattheragāthāvaṇṇanā niṭṭhitā.
Related texts:
д̇ибидага (муула) • Tipiṭaka (Mūla) / суд̇д̇абидага • Suttapiṭaka / куд̣̇д̣̇аганигааяа • Khuddakanikāya / т̇зраг̇аат̇аабаал̣и • Theragāthāpāḷi / 6. мзгхияад̇т̇зраг̇аат̇аа • 6. Meghiyattheragāthā
