| Library / Tipiṭaka / д̇ибидага • Tipiṭaka / т̇зраг̇аат̇аа-адтагат̇аа • Theragāthā-aṭṭhakathā |
6. мзл̣аж̇инад̇т̇зраг̇аат̇ааван̣н̣анаа
6. Meḷajinattheragāthāvaṇṇanā
яад̣̇аахам̣ д̇хаммамассосинд̇иаад̣̇игаа ааяасмад̇о мзл̣аж̇инад̇т̇зрасса г̇аат̇аа. гаа уббад̇д̇и? аяамби буримаб̣уд̣̇д̇хзсу гад̇аад̇хигааро д̇ад̇т̇а д̇ад̇т̇а бхавз бун̃н̃аани убажинанд̇о сумзд̇хасса бхаг̇авад̇о гаалз гулаг̇зхз ниб̣б̣ад̇д̇ид̇ваа вин̃н̃уд̇ам̣ бад̇д̇о згад̣̇ивасам̣ бхаг̇аванд̇ам̣ бин̣д̣ааяа г̇ажчанд̇ам̣ д̣̇исваа басаннамаанасо мад̇хурам̣ аамод̣̇апалам̣ ад̣̇ааси. со д̇зна бун̃н̃агаммзна д̣̇звамануссзсу сам̣саранд̇о имасмим̣ б̣уд̣̇д̇хуббаад̣̇з б̣аараан̣асияам̣ кад̇д̇ияагулз ниб̣б̣ад̇д̇ид̇ваа мзл̣аж̇инод̇и лад̣̇д̇ханаамо виж̇ж̇аасиббзсу нибпад̇д̇им̣ г̇ад̇о бан̣д̣ид̇о б̣яад̇д̇о д̣̇исаасу баагадо ахоси. со бхаг̇авад̇и б̣аараан̣асияам̣ исибад̇анз вихаранд̇з вихаарам̣ г̇анд̇ваа сад̇т̇аарам̣ убасан̇гамид̇ваа д̇хаммам̣ суд̇ваа бадилад̣̇д̇хасад̣̇д̇хо баб̣б̣аж̇ид̇ваа вибассанам̣ бадтабзд̇ваа д̇ад̣̇ахзва арахад̇д̇ам̣ баабун̣и. д̇зна вуд̇д̇ам̣ абад̣̇аанз (аба. т̇зра 2.51.57-62) –
Yadāhaṃdhammamassosintiādikā āyasmato meḷajinattherassa gāthā. Kā uppatti? Ayampi purimabuddhesu katādhikāro tattha tattha bhave puññāni upacinanto sumedhassa bhagavato kāle kulagehe nibbattitvā viññutaṃ patto ekadivasaṃ bhagavantaṃ piṇḍāya gacchantaṃ disvā pasannamānaso madhuraṃ āmodaphalaṃ adāsi. So tena puññakammena devamanussesu saṃsaranto imasmiṃ buddhuppāde bārāṇasiyaṃ khattiyakule nibbattitvā meḷajinoti laddhanāmo vijjāsippesu nipphattiṃ gato paṇḍito byatto disāsu pākaṭo ahosi. So bhagavati bārāṇasiyaṃ isipatane viharante vihāraṃ gantvā satthāraṃ upasaṅkamitvā dhammaṃ sutvā paṭiladdhasaddho pabbajitvā vipassanaṃ paṭṭhapetvā tadaheva arahattaṃ pāpuṇi. Tena vuttaṃ apadāne (apa. thera 2.51.57-62) –
‘‘сахассарам̣сий бхаг̇аваа, саяамбхуу абарааж̇ид̇о;
‘‘Sahassaraṃsī bhagavā, sayambhū aparājito;
вивзгаа вудтахид̇ваана, г̇ожарааяаабхинигками.
Vivekā vuṭṭhahitvāna, gocarāyābhinikkhami.
‘‘палахад̇т̇о ахам̣ д̣̇исваа, убаг̇ажчим̣ нараасабхам̣;
‘‘Phalahattho ahaṃ disvā, upagacchiṃ narāsabhaṃ;
басаннажид̇д̇о сумано, авадам̣ ад̣̇ад̣̇им̣ палам̣.
Pasannacitto sumano, avaṭaṃ adadiṃ phalaṃ.
‘‘жад̇уннавуд̇ид̇о габбз, яам̣ палам̣ ад̣̇ад̣̇им̣ д̇ад̣̇аа;
‘‘Catunnavutito kappe, yaṃ phalaṃ adadiṃ tadā;
д̣̇уг̇г̇ад̇им̣ наабхиж̇аанаами, палад̣̇аанассид̣̇ам̣ палам̣.
Duggatiṃ nābhijānāmi, phaladānassidaṃ phalaṃ.
‘‘гилзсаа жхаабид̇аа маяхам̣…бз… гад̇ам̣ б̣уд̣̇д̇хасса саасана’’нд̇и.
‘‘Kilesā jhāpitā mayhaṃ…pe… kataṃ buddhassa sāsana’’nti.
арахад̇д̇ам̣ бана бад̇ваа абарабхааг̇з бхигкуухи, ‘‘аавусо, гим̣ д̇аяаа уд̇д̇аримануссад̇хаммо ад̇хиг̇ад̇о’’д̇и будто сийханаад̣̇ам̣ над̣̇анд̇о –
Arahattaṃ pana patvā aparabhāge bhikkhūhi, ‘‘āvuso, kiṃ tayā uttarimanussadhammo adhigato’’ti puṭṭho sīhanādaṃ nadanto –
131.
131.
‘‘яад̣̇аахам̣ д̇хаммамассосим̣, бхаасамаанасса сад̇т̇уно;
‘‘Yadāhaṃ dhammamassosiṃ, bhāsamānassa satthuno;
на ган̇камабхиж̇аанаами, саб̣б̣ан̃н̃уу абарааж̇ид̇з.
Na kaṅkhamabhijānāmi, sabbaññū aparājite.
132.
132.
‘‘сад̇т̇аваахз махаавийрз, саарат̇ийнам̣ варуд̇д̇амз;
‘‘Satthavāhe mahāvīre, sārathīnaṃ varuttame;
маг̇г̇з бадибад̣̇ааяам̣ ваа, ган̇каа маяхам̣ на виж̇ж̇ад̇ий’’д̇и. – г̇аат̇аад̣̇ваяам̣ абхааси;
Magge paṭipadāyaṃ vā, kaṅkhā mayhaṃ na vijjatī’’ti. – gāthādvayaṃ abhāsi;
д̇ад̇т̇а яад̣̇аад̇и яасмим̣ гаалз. аханд̇и ад̇д̇аанам̣ нид̣̇д̣̇исад̇и. д̇хамманд̇и жад̇усажжад̇хаммам̣. ассосинд̇и сун̣им̣. сад̇т̇унод̇и д̣̇идтад̇хаммигаад̣̇иад̇т̇зхи взнзяяаанам̣ саасанадтзна сад̇т̇уно. ган̇канд̇и сам̣саяам̣. сан̇кад̇амасан̇кад̇ан̃жа анавасзсад̇о ж̇аананадтзна саб̣б̣ан̃н̃уу. гуд̇ожиби барааж̇ид̇аа бхаавзна абарааж̇ид̇з. взнзяяасад̇д̇аанам̣ сам̣саараганд̇аарад̇о ниб̣б̣аанам̣ бадивааханадтзна сад̇т̇аваахз. ид̣̇ам̣ вуд̇д̇ам̣ ход̇и – яад̇о бабхуд̇и ахам̣ сад̇т̇уно д̇хаммам̣ д̣̇зсзнд̇асса жад̇усажжад̇хаммам̣ ассосим̣ сод̇ад̣̇ваараанусаарзна убад̇хаарзсим̣ убалабхим̣, д̇ад̇о бадтааяа анавасзсасан̇кад̇аасан̇кад̇асаммуд̇ид̇хаммаанам̣ саяамбхуун̃аан̣зна ж̇аананад̇о саб̣б̣ан̃н̃уу анааваран̣ад̣̇ассаавимхи, бан̃жаннамби маараанам̣ абхибхаванад̇о д̇зхи абарааж̇ид̇ад̇д̇аа сад̣̇звагз логз аббадихад̇ад̇хаммажаггад̇д̇аа жа абарааж̇ид̇з, взнзяяасад̇д̇аанам̣ лобхаганд̇аараад̣̇ид̇о вааханадтзна сад̇т̇аваахз, махаавигганд̇ад̇ааяа махаавийрз, ан̃н̃зхи д̣̇уд̣̇д̣̇амаанам̣ бурисад̣̇аммаанам̣ саран̣ад̇о ажжанд̇игзна д̣̇амат̇зна д̣̇аманад̇о саарат̇ийнам̣ баварабхууд̇з уд̇д̇амз саммаасамб̣уд̣̇д̇хз , ‘‘б̣уд̣̇д̇хо ну ко но ну ко’’д̇и ган̇кам̣ наабхиж̇аанаами абараббажжаяабхаавад̇о. д̇ат̇ааруубз д̣̇зсид̇з арияамаг̇г̇з д̇ад̣̇убаад̣̇ааяабхууд̇ааяа жа сийлаад̣̇ибадибад̣̇ааяа ‘‘нияяааниго ну ко на ну ко’’д̇и ган̇каа вижигижчаа на виж̇ж̇ад̇и над̇т̇ийд̇и. зд̇т̇а жа арияад̇хаммз сам̣саяаабхаавагат̇анзна арияасан̇гхзби сам̣саяаабхааво гат̇ид̇оязваад̇и д̣̇адтаб̣б̣ам̣ д̇ад̇т̇а бад̇идтид̇асса анан̃н̃ат̇аабхаавад̇од̇и.
Tattha yadāti yasmiṃ kāle. Ahanti attānaṃ niddisati. Dhammanti catusaccadhammaṃ. Assosinti suṇiṃ. Satthunoti diṭṭhadhammikādiatthehi veneyyānaṃ sāsanaṭṭhena satthuno. Kaṅkhanti saṃsayaṃ. Saṅkhatamasaṅkhatañca anavasesato jānanaṭṭhena sabbaññū. Kutocipi parājitā bhāvena aparājite. Veneyyasattānaṃ saṃsārakantārato nibbānaṃ paṭivāhanaṭṭhena satthavāhe. Idaṃ vuttaṃ hoti – yato pabhuti ahaṃ satthuno dhammaṃ desentassa catusaccadhammaṃ assosiṃ sotadvārānusārena upadhāresiṃ upalabhiṃ, tato paṭṭhāya anavasesasaṅkhatāsaṅkhatasammutidhammānaṃ sayambhūñāṇena jānanato sabbaññū anāvaraṇadassāvimhi, pañcannampi mārānaṃ abhibhavanato tehi aparājitattā sadevake loke appaṭihatadhammacakkattā ca aparājite, veneyyasattānaṃ lobhakantārādito vāhanaṭṭhena satthavāhe, mahāvikkantatāya mahāvīre, aññehi duddamānaṃ purisadammānaṃ saraṇato accantikena damathena damanato sārathīnaṃ pavarabhūte uttame sammāsambuddhe , ‘‘buddho nu kho no nu kho’’ti kaṅkhaṃ nābhijānāmi aparappaccayabhāvato. Tathārūpe desite ariyamagge tadupādāyabhūtāya ca sīlādipaṭipadāya ‘‘niyyāniko nu kho na nu kho’’ti kaṅkhā vicikicchā na vijjati natthīti. Ettha ca ariyadhamme saṃsayābhāvakathanena ariyasaṅghepi saṃsayābhāvo kathitoyevāti daṭṭhabbaṃ tattha patiṭṭhitassa anaññathābhāvatoti.
мзл̣аж̇инад̇т̇зраг̇аат̇ааван̣н̣анаа нидтид̇аа.
Meḷajinattheragāthāvaṇṇanā niṭṭhitā.
Related texts:
д̇ибидага (муула) • Tipiṭaka (Mūla) / суд̇д̇абидага • Suttapiṭaka / куд̣̇д̣̇аганигааяа • Khuddakanikāya / т̇зраг̇аат̇аабаал̣и • Theragāthāpāḷi / 6. мзл̣аж̇инад̇т̇зраг̇аат̇аа • 6. Meḷajinattheragāthā
