| Library / Literary Works |
Mellin de Saint-Gelais
Asseuré suis d’estre prys et lyé
Asseuré suis d’estre prys et lyé,
Mais asseurer ne puis l’heure et saison
Que je changeay ma franchise à prison,
Dont mon orgueil fut tant humilié.
Si long temps fut couvert et pallié
L’amer du doulx et l’erreur de raison,
Que je cuidois entre loz et poison
Estre immortel et des dieux allié.
Euvre ne fut d’un jour ne d’une annee
Ce changement, mais de main longue et forte
En fut la reth tissue et ordonnee,
Dont aux effaictz du Ciel je la rapporte
Et aux beaulx yeulx qui de fatale sorte
Tournent mes ans, ma vie et destinee.
VOUS POURRIEZ AUSSI ÊTRE INTÉRESSÉ PAR
