| Library / Tipiṭaka / д̇ибидага • Tipiṭaka / махааваг̇г̇абаал̣и • Mahāvaggapāḷi |
180. мзн̣д̣агаг̇ахабад̇ивад̇т̇у
180. Meṇḍakagahapativatthu
296. д̇зна ко бана самаязна бхад̣̇д̣̇ияанаг̇арз мзн̣д̣аго г̇ахабад̇и бадивасад̇и. д̇асса зваруубо ид̣̇д̇хаанубхааво ход̇и – сийсам̣ нахааяид̇ваа д̇хан̃н̃ааг̇аарам̣ саммаж̇ж̇аабзд̇ваа б̣ахид̣̇ваарз нисийд̣̇ад̇и, анд̇алигкаа д̇хан̃н̃асса д̇хаараа обад̇ид̇ваа д̇хан̃н̃ааг̇аарам̣ буурзд̇и. бхарияааяа зваруубо ид̣̇д̇хаанубхааво ход̇и – згам̣язва аал̣хагат̇аалигам̣ убанисийд̣̇ид̇ваа зган̃жа суубабхин̃ж̇анагам̣ 1 д̣̇аасагаммагараборисам̣ бхад̇д̇зна баривисад̇и, на д̇аава д̇ам̣ кияяад̇и 2 яаава саа на вудтаад̇и. буд̇д̇асса зваруубо ид̣̇д̇хаанубхааво ход̇и – згам̣язва сахассат̇авигам̣ г̇ахзд̇ваа д̣̇аасагаммагараборисасса чамаасигам̣ взд̇анам̣ д̣̇зд̇и, на д̇аава д̇ам̣ кияяад̇и яаавасса хад̇т̇аг̇ад̇аа. сун̣исааяа зваруубо ид̣̇д̇хаанубхааво ход̇и – згам̣язва жад̇уд̣̇он̣игам̣ бидагам̣ убанисийд̣̇ид̇ваа д̣̇аасагаммагараборисасса чамаасигам̣ бхад̇д̇ам̣ д̣̇зд̇и, на д̇аава д̇ам̣ кияяад̇и яаава саа на вудтаад̇и. д̣̇аасасса зваруубо ид̣̇д̇хаанубхааво ход̇и – згзна нан̇г̇алзна гасанд̇асса сад̇д̇а сийд̇ааяо г̇ажчанд̇и.
296. Tena kho pana samayena bhaddiyanagare meṇḍako gahapati paṭivasati. Tassa evarūpo iddhānubhāvo hoti – sīsaṃ nahāyitvā dhaññāgāraṃ sammajjāpetvā bahidvāre nisīdati, antalikkhā dhaññassa dhārā opatitvā dhaññāgāraṃ pūreti. Bhariyāya evarūpo iddhānubhāvo hoti – ekaṃyeva āḷhakathālikaṃ upanisīditvā ekañca sūpabhiñjanakaṃ 3 dāsakammakaraporisaṃ bhattena parivisati, na tāva taṃ khiyyati 4 yāva sā na vuṭṭhāti. Puttassa evarūpo iddhānubhāvo hoti – ekaṃyeva sahassathavikaṃ gahetvā dāsakammakaraporisassa chamāsikaṃ vetanaṃ deti, na tāva taṃ khiyyati yāvassa hatthagatā. Suṇisāya evarūpo iddhānubhāvo hoti – ekaṃyeva catudoṇikaṃ piṭakaṃ upanisīditvā dāsakammakaraporisassa chamāsikaṃ bhattaṃ deti, na tāva taṃ khiyyati yāva sā na vuṭṭhāti. Dāsassa evarūpo iddhānubhāvo hoti – ekena naṅgalena kasantassa satta sītāyo gacchanti.
ассоси ко рааж̇аа мааг̇ад̇хо сзнияо б̣имб̣исааро – ‘‘амхаагам̣ гира виж̇ид̇з бхад̣̇д̣̇ияанаг̇арз мзн̣д̣аго г̇ахабад̇и бадивасад̇и. д̇асса зваруубо ид̣̇д̇хаанубхааво – сийсам̣ нахааяид̇ваа д̇хан̃н̃ааг̇аарам̣ саммаж̇ж̇аабзд̇ваа б̣ахид̣̇ваарз нисийд̣̇ад̇и, анд̇алигкаа д̇хан̃н̃асса д̇хаараа обад̇ид̇ваа д̇хан̃н̃ааг̇аарам̣ буурзд̇и. бхарияааяа зваруубо ид̣̇д̇хаанубхааво – згам̣язва аал̣хагат̇аалигам̣ убанисийд̣̇ид̇ваа зган̃жа суубабхин̃ж̇анагам̣ д̣̇аасагаммагараборисам̣ бхад̇д̇зна баривисад̇и, на д̇аава д̇ам̣ кияяад̇и яаава саа на вудтаад̇и. буд̇д̇асса зваруубо ид̣̇д̇хаанубхааво – згам̣язва сахассат̇авигам̣ г̇ахзд̇ваа д̣̇аасагаммагараборисасса чамаасигам̣ взд̇анам̣ д̣̇зд̇и, на д̇аава д̇ам̣ кияяад̇и яаавасса хад̇т̇аг̇ад̇аа. сун̣исааяа зваруубо ид̣̇д̇хаанубхааво – згам̣язва жад̇уд̣̇он̣игам̣ бидагам̣ убанисийд̣̇ид̇ваа д̣̇аасагаммагараборисасса чамаасигам̣ бхад̇д̇ам̣ д̣̇зд̇и, на д̇аава д̇ам̣ кияяад̇и яаава саа на вудтаад̇и. д̣̇аасасса зваруубо ид̣̇д̇хаанубхааво – згзна нан̇г̇алзна гасанд̇асса сад̇д̇а сийд̇ааяо г̇ажчанд̇ий’’д̇и. ат̇а ко рааж̇аа мааг̇ад̇хо сзнияо б̣имб̣исааро ан̃н̃ад̇арам̣ саб̣б̣ад̇т̇агам̣ махаамад̇д̇ам̣ ааманд̇зси – ‘‘амхаагам̣ гира, бхан̣з, виж̇ид̇з бхад̣̇д̣̇ияанаг̇арз мзн̣д̣аго г̇ахабад̇и бадивасад̇и. д̇асса зваруубо ид̣̇д̇хаанубхааво – сийсам̣ нахааяид̇ваа д̇хан̃н̃ааг̇аарам̣ саммаж̇ж̇аабзд̇ваа б̣ахид̣̇ваарз нисийд̣̇ад̇и, анд̇алигкаа д̇хан̃н̃асса д̇хаараа обад̇ид̇ваа д̇хан̃н̃ааг̇аарам̣ буурзд̇и. бхарияааяа…бз… буд̇д̇асса… сун̣исааяа… д̣̇аасасса зваруубо ид̣̇д̇хаанубхааво, згзна нан̇г̇алзна гасанд̇асса сад̇д̇а сийд̇ааяо г̇ажчанд̇ийд̇и. г̇ажча, бхан̣з, ж̇аанаахи. яат̇аа маяаа саамам̣ д̣̇идто, звам̣ д̇ава д̣̇идто бхависсад̇ий’’д̇и.
Assosi kho rājā māgadho seniyo bimbisāro – ‘‘amhākaṃ kira vijite bhaddiyanagare meṇḍako gahapati paṭivasati. Tassa evarūpo iddhānubhāvo – sīsaṃ nahāyitvā dhaññāgāraṃ sammajjāpetvā bahidvāre nisīdati, antalikkhā dhaññassa dhārā opatitvā dhaññāgāraṃ pūreti. Bhariyāya evarūpo iddhānubhāvo – ekaṃyeva āḷhakathālikaṃ upanisīditvā ekañca sūpabhiñjanakaṃ dāsakammakaraporisaṃ bhattena parivisati, na tāva taṃ khiyyati yāva sā na vuṭṭhāti. Puttassa evarūpo iddhānubhāvo – ekaṃyeva sahassathavikaṃ gahetvā dāsakammakaraporisassa chamāsikaṃ vetanaṃ deti, na tāva taṃ khiyyati yāvassa hatthagatā. Suṇisāya evarūpo iddhānubhāvo – ekaṃyeva catudoṇikaṃ piṭakaṃ upanisīditvā dāsakammakaraporisassa chamāsikaṃ bhattaṃ deti, na tāva taṃ khiyyati yāva sā na vuṭṭhāti. Dāsassa evarūpo iddhānubhāvo – ekena naṅgalena kasantassa satta sītāyo gacchantī’’ti. Atha kho rājā māgadho seniyo bimbisāro aññataraṃ sabbatthakaṃ mahāmattaṃ āmantesi – ‘‘amhākaṃ kira, bhaṇe, vijite bhaddiyanagare meṇḍako gahapati paṭivasati. Tassa evarūpo iddhānubhāvo – sīsaṃ nahāyitvā dhaññāgāraṃ sammajjāpetvā bahidvāre nisīdati, antalikkhā dhaññassa dhārā opatitvā dhaññāgāraṃ pūreti. Bhariyāya…pe… puttassa… suṇisāya… dāsassa evarūpo iddhānubhāvo, ekena naṅgalena kasantassa satta sītāyo gacchantīti. Gaccha, bhaṇe, jānāhi. Yathā mayā sāmaṃ diṭṭho, evaṃ tava diṭṭho bhavissatī’’ti.
297. звам̣ , д̣̇зваад̇и ко со махаамад̇д̇о ран̃н̃о мааг̇ад̇хасса сзнияасса б̣имб̣исаарасса бадиссун̣ид̇ваа жад̇уран̇г̇инияаа сзнааяа язна бхад̣̇д̣̇ияам̣ д̇зна бааяааси. анубуб̣б̣зна язна бхад̣̇д̣̇ияам̣ язна мзн̣д̣аго г̇ахабад̇и д̇знубасан̇гами; убасан̇гамид̇ваа мзн̣д̣агам̣ г̇ахабад̇им̣ зд̇ад̣̇авожа – ‘‘ахан̃хи, г̇ахабад̇и, ран̃н̃аа аан̣ад̇д̇о ‘амхаагам̣ гира, бхан̣з, виж̇ид̇з бхад̣̇д̣̇ияанаг̇арз мзн̣д̣аго г̇ахабад̇и бадивасад̇и, д̇асса зваруубо ид̣̇д̇хаанубхааво, сийсам̣ нахааяид̇ваа…бз… бхарияааяа… буд̇д̇асса… сун̣исааяа… д̣̇аасасса зваруубо ид̣̇д̇хаанубхааво, згзна нан̇г̇алзна гасанд̇асса сад̇д̇а сийд̇ааяо г̇ажчанд̇ий’д̇и, г̇ажча, бхан̣з, ж̇аанаахи. яат̇аа маяаа саамам̣ д̣̇идто, звам̣ д̇ава д̣̇идто бхависсад̇ий’д̇и. бассаама д̇з, г̇ахабад̇и, ид̣̇д̇хаанубхаава’’нд̇и. ат̇а ко мзн̣д̣аго г̇ахабад̇и сийсам̣ нахааяид̇ваа д̇хан̃н̃ааг̇аарам̣ саммаж̇ж̇аабзд̇ваа б̣ахид̣̇ваарз нисийд̣̇и, анд̇алигкаа д̇хан̃н̃асса д̇хаараа обад̇ид̇ваа д̇хан̃н̃ааг̇аарам̣ буурзси. ‘‘д̣̇идто д̇з, г̇ахабад̇и, ид̣̇д̇хаанубхааво. бхарияааяа д̇з ид̣̇д̇хаанубхаавам̣ бассиссаамаа’’д̇и. ат̇а ко мзн̣д̣аго г̇ахабад̇и бхарияам̣ аан̣аабзси – ‘‘д̇зна хи жад̇уран̇г̇иним̣ сзнам̣ бхад̇д̇зна баривисаа’’д̇и. ат̇а ко мзн̣д̣агасса г̇ахабад̇исса бхарияаа згам̣язва аал̣хагат̇аалигам̣ убанисийд̣̇ид̇ваа зган̃жа суубабхин̃ж̇анагам̣ жад̇уран̇г̇иним̣ сзнам̣ бхад̇д̇зна баривиси, на д̇аава д̇ам̣ кияяад̇и, яаава саа на вудтаад̇и. ‘‘д̣̇идто д̇з, г̇ахабад̇и, бхарияааяаби ид̣̇д̇хаанубхааво. буд̇д̇асса д̇з ид̣̇д̇хаанубхаавам̣ бассиссаамаа’’д̇и. ат̇а ко мзн̣д̣аго г̇ахабад̇и буд̇д̇ам̣ аан̣аабзси – ‘‘д̇зна хи жад̇уран̇г̇инияаа сзнааяа чамаасигам̣ взд̇анам̣ д̣̇зхий’’д̇и . ат̇а ко мзн̣д̣агасса г̇ахабад̇исса буд̇д̇о згам̣язва сахассат̇авигам̣ г̇ахзд̇ваа жад̇уран̇г̇инияаа сзнааяа чамаасигам̣ взд̇анам̣ ад̣̇ааси, на д̇аава д̇ам̣ кияяад̇и, яаавасса хад̇т̇аг̇ад̇аа. ‘‘д̣̇идто д̇з, г̇ахабад̇и, буд̇д̇ассаби ид̣̇д̇хаанубхааво. сун̣исааяа д̇з ид̣̇д̇хаанубхаавам̣ бассиссаамаа’’д̇и. ат̇а ко мзн̣д̣аго г̇ахабад̇и сун̣исам̣ аан̣аабзси – ‘‘д̇зна хи жад̇уран̇г̇инияаа сзнааяа чамаасигам̣ бхад̇д̇ам̣ д̣̇зхий’’д̇и. ат̇а ко мзн̣д̣агасса г̇ахабад̇исса сун̣исаа згам̣язва жад̇уд̣̇он̣игам̣ бидагам̣ убанисийд̣̇ид̇ваа жад̇уран̇г̇инияаа сзнааяа чамаасигам̣ бхад̇д̇ам̣ ад̣̇ааси, на д̇аава д̇ам̣ кияяад̇и яаава саа на вудтаад̇и. ‘‘д̣̇идто д̇з, г̇ахабад̇и, сун̣исааяаби ид̣̇д̇хаанубхааво. д̣̇аасасса д̇з ид̣̇д̇хаанубхаавам̣ бассиссаамаа’’д̇и. ‘‘маяхам̣ ко, саами, д̣̇аасасса ид̣̇д̇хаанубхааво кзд̇д̇з бассид̇аб̣б̣о’’д̇и. ‘‘алам̣, г̇ахабад̇и, д̣̇идто д̇з д̣̇аасассаби ид̣̇д̇хаанубхааво’’д̇и. ат̇а ко со махаамад̇д̇о жад̇уран̇г̇инияаа сзнааяа бунад̣̇зва рааж̇аг̇ахам̣ бажжааг̇ан̃чи. язна рааж̇аа мааг̇ад̇хо сзнияо б̣имб̣исааро д̇знубасан̇гами; убасан̇гамид̇ваа ран̃н̃о мааг̇ад̇хасса сзнияасса б̣имб̣исаарасса зд̇амад̇т̇ам̣ аарожзси.
297. Evaṃ , devāti kho so mahāmatto rañño māgadhassa seniyassa bimbisārassa paṭissuṇitvā caturaṅginiyā senāya yena bhaddiyaṃ tena pāyāsi. Anupubbena yena bhaddiyaṃ yena meṇḍako gahapati tenupasaṅkami; upasaṅkamitvā meṇḍakaṃ gahapatiṃ etadavoca – ‘‘ahañhi, gahapati, raññā āṇatto ‘amhākaṃ kira, bhaṇe, vijite bhaddiyanagare meṇḍako gahapati paṭivasati, tassa evarūpo iddhānubhāvo, sīsaṃ nahāyitvā…pe… bhariyāya… puttassa… suṇisāya… dāsassa evarūpo iddhānubhāvo, ekena naṅgalena kasantassa satta sītāyo gacchantī’ti, gaccha, bhaṇe, jānāhi. Yathā mayā sāmaṃ diṭṭho, evaṃ tava diṭṭho bhavissatī’ti. Passāma te, gahapati, iddhānubhāva’’nti. Atha kho meṇḍako gahapati sīsaṃ nahāyitvā dhaññāgāraṃ sammajjāpetvā bahidvāre nisīdi, antalikkhā dhaññassa dhārā opatitvā dhaññāgāraṃ pūresi. ‘‘Diṭṭho te, gahapati, iddhānubhāvo. Bhariyāya te iddhānubhāvaṃ passissāmā’’ti. Atha kho meṇḍako gahapati bhariyaṃ āṇāpesi – ‘‘tena hi caturaṅginiṃ senaṃ bhattena parivisā’’ti. Atha kho meṇḍakassa gahapatissa bhariyā ekaṃyeva āḷhakathālikaṃ upanisīditvā ekañca sūpabhiñjanakaṃ caturaṅginiṃ senaṃ bhattena parivisi, na tāva taṃ khiyyati, yāva sā na vuṭṭhāti. ‘‘Diṭṭho te, gahapati, bhariyāyapi iddhānubhāvo. Puttassa te iddhānubhāvaṃ passissāmā’’ti. Atha kho meṇḍako gahapati puttaṃ āṇāpesi – ‘‘tena hi caturaṅginiyā senāya chamāsikaṃ vetanaṃ dehī’’ti . Atha kho meṇḍakassa gahapatissa putto ekaṃyeva sahassathavikaṃ gahetvā caturaṅginiyā senāya chamāsikaṃ vetanaṃ adāsi, na tāva taṃ khiyyati, yāvassa hatthagatā. ‘‘Diṭṭho te, gahapati, puttassapi iddhānubhāvo. Suṇisāya te iddhānubhāvaṃ passissāmā’’ti. Atha kho meṇḍako gahapati suṇisaṃ āṇāpesi – ‘‘tena hi caturaṅginiyā senāya chamāsikaṃ bhattaṃ dehī’’ti. Atha kho meṇḍakassa gahapatissa suṇisā ekaṃyeva catudoṇikaṃ piṭakaṃ upanisīditvā caturaṅginiyā senāya chamāsikaṃ bhattaṃ adāsi, na tāva taṃ khiyyati yāva sā na vuṭṭhāti. ‘‘Diṭṭho te, gahapati, suṇisāyapi iddhānubhāvo. Dāsassa te iddhānubhāvaṃ passissāmā’’ti. ‘‘Mayhaṃ kho, sāmi, dāsassa iddhānubhāvo khette passitabbo’’ti. ‘‘Alaṃ, gahapati, diṭṭho te dāsassapi iddhānubhāvo’’ti. Atha kho so mahāmatto caturaṅginiyā senāya punadeva rājagahaṃ paccāgañchi. Yena rājā māgadho seniyo bimbisāro tenupasaṅkami; upasaṅkamitvā rañño māgadhassa seniyassa bimbisārassa etamatthaṃ ārocesi.
298. ат̇а ко бхаг̇аваа взсаалияам̣ яат̇аабхиранд̇ам̣ вихарид̇ваа язна бхад̣̇д̣̇ияам̣ д̇зна жааригам̣ баггаами махад̇аа бхигкусан̇гхзна сад̣̇д̇хим̣ ад̣дхад̇зласзхи бхигкусад̇зхи. ат̇а ко бхаг̇аваа анубуб̣б̣зна жааригам̣ жарамаано язна бхад̣̇д̣̇ияам̣ д̇ад̣̇авасари. д̇ад̇ра суд̣̇ам̣ бхаг̇аваа бхад̣̇д̣̇ияз вихарад̇и ж̇аад̇ияаа ванз. ассоси ко мзн̣д̣аго г̇ахабад̇и – ‘‘саман̣о калу бхо г̇од̇амо сагяабуд̇д̇о сагяагулаа баб̣б̣аж̇ид̇о бхад̣̇д̣̇ияам̣ ануббад̇д̇о бхад̣̇д̣̇ияз вихарад̇и ж̇аад̇ияаа ванз. д̇ам̣ ко бана бхаг̇аванд̇ам̣ г̇од̇амам̣ звам̣ галяаан̣о гид̇д̇исад̣̇д̣̇о аб̣бхуг̇г̇ад̇о – ‘ид̇иби со бхаг̇аваа арахам̣ саммаасамб̣уд̣̇д̇хо виж̇ж̇аажаран̣асамбанно суг̇ад̇о логавид̣̇уу ануд̇д̇аро бурисад̣̇аммасаарат̇и сад̇т̇аа д̣̇звамануссаанам̣ б̣уд̣̇д̇хо бхаг̇аваа’ 5. со имам̣ логам̣ сад̣̇звагам̣ самаарагам̣ саб̣рахмагам̣ сассаман̣аб̣раахман̣им̣ баж̇ам̣ сад̣̇звамануссам̣ саяам̣ абхин̃н̃аа сажчигад̇ваа бавзд̣̇зд̇и. со д̇хаммам̣ д̣̇зсзд̇и аад̣̇игаляаан̣ам̣ маж̇жхзгаляаан̣ам̣ барияосаанагаляаан̣ам̣ саад̇т̇ам̣ саб̣яан̃ж̇анам̣ гзвалабарибун̣н̣ам̣ барисуд̣̇д̇хам̣ б̣рахмажарияам̣ багаасзд̇и. саад̇ху ко бана д̇ат̇ааруубаанам̣ арахад̇ам̣ д̣̇ассанам̣ ход̇ий’’д̇и. ат̇а ко мзн̣д̣аго г̇ахабад̇и бхад̣̇раани бхад̣̇раани яаанаани яож̇аабзд̇ваа бхад̣̇рам̣ бхад̣̇рам̣ яаанам̣ абхирухид̇ваа бхад̣̇рзхи бхад̣̇рзхи яаанзхи бхад̣̇д̣̇ияаа нияяааси бхаг̇аванд̇ам̣ д̣̇ассанааяа. ад̣̇д̣̇асам̣су ко самб̣ахулаа д̇ид̇т̇ияаа мзн̣д̣агам̣ г̇ахабад̇им̣ д̣̇уурад̇ова ааг̇ажчанд̇ам̣, д̣̇исваана мзн̣д̣агам̣ г̇ахабад̇им̣ зд̇ад̣̇авожум̣ – ‘‘гахам̣ д̇вам̣, г̇ахабад̇и, г̇ажчасий’’д̇и? ‘‘г̇ажчаамахам̣, бханд̇з, бхаг̇аванд̇ам̣ 6 саман̣ам̣ г̇од̇амам̣ д̣̇ассанааяаа’’д̇и. ‘‘гим̣ бана д̇вам̣, г̇ахабад̇и, гирияаваад̣̇о самаано агирияаваад̣̇ам̣ саман̣ам̣ г̇од̇амам̣ д̣̇ассанааяа убасан̇гамиссаси? саман̣о хи, г̇ахабад̇и, г̇од̇амо агирияаваад̣̇о агирияааяа д̇хаммам̣ д̣̇зсзд̇и, д̇зна жа саавагз винзд̇ий’’д̇и. ат̇а ко мзн̣д̣агасса г̇ахабад̇исса зд̇ад̣̇ахоси – ‘‘ниссам̣саяам̣, ко со бхаг̇аваа арахам̣ саммаасамб̣уд̣̇д̇хо бхависсад̇и, яат̇аяимз д̇ид̇т̇ияаа усууяанд̇ий’’д̇и. яаавад̇игаа яаанасса бхууми, яаанзна г̇анд̇ваа яаанаа бажжорохид̇ваа бад̇д̇игова язна бхаг̇аваа д̇знубасан̇гами, убасан̇гамид̇ваа бхаг̇аванд̇ам̣ абхиваад̣̇зд̇ваа згаманд̇ам̣ нисийд̣̇и. згаманд̇ам̣ нисиннасса ко мзн̣д̣агасса г̇ахабад̇исса бхаг̇аваа анубуб̣б̣им̣ гат̇ам̣ гат̇зси, сзяяат̇ид̣̇ам̣ – д̣̇аанагат̇ам̣…бз… абараббажжаяо сад̇т̇усаасанз бхаг̇аванд̇ам̣ зд̇ад̣̇авожа – ‘‘абхигганд̇ам̣, бханд̇з…бз… убаасагам̣ мам̣ бхаг̇аваа д̇хаарзд̇у аж̇ж̇ад̇аг̇г̇з баан̣убзд̇ам̣ саран̣ам̣ г̇ад̇ам̣ . ад̇хиваасзд̇у жа мз, бханд̇з, бхаг̇аваа сваад̇анааяа бхад̇д̇ам̣ сад̣̇д̇хим̣ бхигкусан̇гхзнаа’’д̇и. ад̇хиваасзси бхаг̇аваа д̇ун̣хийбхаавзна. ат̇а ко мзн̣д̣аго г̇ахабад̇и бхаг̇авад̇о ад̇хиваасанам̣ вид̣̇ид̇ваа удтааяаасанаа бхаг̇аванд̇ам̣ абхиваад̣̇зд̇ваа бад̣̇агкин̣ам̣ гад̇ваа баггаами.
298. Atha kho bhagavā vesāliyaṃ yathābhirantaṃ viharitvā yena bhaddiyaṃ tena cārikaṃ pakkāmi mahatā bhikkhusaṅghena saddhiṃ aḍḍhatelasehi bhikkhusatehi. Atha kho bhagavā anupubbena cārikaṃ caramāno yena bhaddiyaṃ tadavasari. Tatra sudaṃ bhagavā bhaddiye viharati jātiyā vane. Assosi kho meṇḍako gahapati – ‘‘samaṇo khalu bho gotamo sakyaputto sakyakulā pabbajito bhaddiyaṃ anuppatto bhaddiye viharati jātiyā vane. Taṃ kho pana bhagavantaṃ gotamaṃ evaṃ kalyāṇo kittisaddo abbhuggato – ‘itipi so bhagavā arahaṃ sammāsambuddho vijjācaraṇasampanno sugato lokavidū anuttaro purisadammasārathi satthā devamanussānaṃ buddho bhagavā’ 7. So imaṃ lokaṃ sadevakaṃ samārakaṃ sabrahmakaṃ sassamaṇabrāhmaṇiṃ pajaṃ sadevamanussaṃ sayaṃ abhiññā sacchikatvā pavedeti. So dhammaṃ deseti ādikalyāṇaṃ majjhekalyāṇaṃ pariyosānakalyāṇaṃ sātthaṃ sabyañjanaṃ kevalaparipuṇṇaṃ parisuddhaṃ brahmacariyaṃ pakāseti. Sādhu kho pana tathārūpānaṃ arahataṃ dassanaṃ hotī’’ti. Atha kho meṇḍako gahapati bhadrāni bhadrāni yānāni yojāpetvā bhadraṃ bhadraṃ yānaṃ abhiruhitvā bhadrehi bhadrehi yānehi bhaddiyā niyyāsi bhagavantaṃ dassanāya. Addasaṃsu kho sambahulā titthiyā meṇḍakaṃ gahapatiṃ dūratova āgacchantaṃ, disvāna meṇḍakaṃ gahapatiṃ etadavocuṃ – ‘‘kahaṃ tvaṃ, gahapati, gacchasī’’ti? ‘‘Gacchāmahaṃ, bhante, bhagavantaṃ 8 samaṇaṃ gotamaṃ dassanāyā’’ti. ‘‘Kiṃ pana tvaṃ, gahapati, kiriyavādo samāno akiriyavādaṃ samaṇaṃ gotamaṃ dassanāya upasaṅkamissasi? Samaṇo hi, gahapati, gotamo akiriyavādo akiriyāya dhammaṃ deseti, tena ca sāvake vinetī’’ti. Atha kho meṇḍakassa gahapatissa etadahosi – ‘‘nissaṃsayaṃ, kho so bhagavā arahaṃ sammāsambuddho bhavissati, yathayime titthiyā usūyantī’’ti. Yāvatikā yānassa bhūmi, yānena gantvā yānā paccorohitvā pattikova yena bhagavā tenupasaṅkami, upasaṅkamitvā bhagavantaṃ abhivādetvā ekamantaṃ nisīdi. Ekamantaṃ nisinnassa kho meṇḍakassa gahapatissa bhagavā anupubbiṃ kathaṃ kathesi, seyyathidaṃ – dānakathaṃ…pe… aparappaccayo satthusāsane bhagavantaṃ etadavoca – ‘‘abhikkantaṃ, bhante…pe… upāsakaṃ maṃ bhagavā dhāretu ajjatagge pāṇupetaṃ saraṇaṃ gataṃ . Adhivāsetu ca me, bhante, bhagavā svātanāya bhattaṃ saddhiṃ bhikkhusaṅghenā’’ti. Adhivāsesi bhagavā tuṇhībhāvena. Atha kho meṇḍako gahapati bhagavato adhivāsanaṃ viditvā uṭṭhāyāsanā bhagavantaṃ abhivādetvā padakkhiṇaṃ katvā pakkāmi.
ат̇а ко мзн̣д̣аго г̇ахабад̇и д̇ассаа рад̇д̇ияаа ажжаязна бан̣ийд̇ам̣ каад̣̇анийяам̣ бхож̇анийяам̣ бадияаад̣̇аабзд̇ваа бхаг̇авад̇о гаалам̣ аарожаабзси – ‘‘гаало, бханд̇з, нидтид̇ам̣ бхад̇д̇а’’нд̇и. ат̇а ко бхаг̇аваа буб̣б̣ан̣хасамаяам̣ ниваасзд̇ваа бад̇д̇ажийварамаад̣̇ааяа язна мзн̣д̣агасса г̇ахабад̇исса нивзсанам̣ д̇знубасан̇гами; убасан̇гамид̇ваа бан̃н̃ад̇д̇з аасанз нисийд̣̇и сад̣̇д̇хим̣ бхигкусан̇гхзна. ат̇а ко мзн̣д̣агасса г̇ахабад̇исса бхарияаа жа буд̇д̇о жа сун̣исаа жа д̣̇аасо жа язна бхаг̇аваа д̇знубасан̇гамим̣су , убасан̇гамид̇ваа бхаг̇аванд̇ам̣ абхиваад̣̇зд̇ваа згаманд̇ам̣ нисийд̣̇им̣су. д̇зсам̣ бхаг̇аваа анубуб̣б̣им̣ гат̇ам̣ гат̇зси, сзяяат̇ид̣̇ам̣ – д̣̇аанагат̇ам̣…бз… абараббажжаяаа сад̇т̇усаасанз бхаг̇аванд̇ам̣ зд̇ад̣̇авожум̣ – ‘‘абхигганд̇ам̣, бханд̇з…бз… зд̇з маяам̣, бханд̇з, бхаг̇аванд̇ам̣ саран̣ам̣ г̇ажчаама д̇хамман̃жа бхигкусан̇гхан̃жа. убаасагз но бхаг̇аваа д̇хаарзд̇у аж̇ж̇ад̇аг̇г̇з баан̣убзд̇з саран̣ам̣ г̇ад̇з’’д̇и. ат̇а ко мзн̣д̣аго г̇ахабад̇и б̣уд̣̇д̇хаббамукам̣ бхигкусан̇гхам̣ бан̣ийд̇зна каад̣̇анийязна бхож̇анийязна сахад̇т̇аа санд̇аббзд̇ваа самбаваарзд̇ваа бхаг̇аванд̇ам̣ бхуд̇д̇аавим̣ онийд̇абад̇д̇абаан̣им̣ згаманд̇ам̣ нисийд̣̇и. згаманд̇ам̣ нисинно ко мзн̣д̣аго г̇ахабад̇и бхаг̇аванд̇ам̣ зд̇ад̣̇авожа – ‘‘яаава, бханд̇з, бхаг̇аваа бхад̣̇д̣̇ияз вихарад̇и д̇аава ахам̣ б̣уд̣̇д̇хаббамукасса бхигкусан̇гхасса д̇хувабхад̇д̇знаа’’д̇и. ат̇а ко бхаг̇аваа мзн̣д̣агам̣ г̇ахабад̇им̣ д̇хаммияаа гат̇ааяа санд̣̇ассзд̇ваа самаад̣̇абзд̇ваа самуд̇д̇зж̇зд̇ваа самбахам̣сзд̇ваа удтааяаасанаа баггаами.
Atha kho meṇḍako gahapati tassā rattiyā accayena paṇītaṃ khādanīyaṃ bhojanīyaṃ paṭiyādāpetvā bhagavato kālaṃ ārocāpesi – ‘‘kālo, bhante, niṭṭhitaṃ bhatta’’nti. Atha kho bhagavā pubbaṇhasamayaṃ nivāsetvā pattacīvaramādāya yena meṇḍakassa gahapatissa nivesanaṃ tenupasaṅkami; upasaṅkamitvā paññatte āsane nisīdi saddhiṃ bhikkhusaṅghena. Atha kho meṇḍakassa gahapatissa bhariyā ca putto ca suṇisā ca dāso ca yena bhagavā tenupasaṅkamiṃsu , upasaṅkamitvā bhagavantaṃ abhivādetvā ekamantaṃ nisīdiṃsu. Tesaṃ bhagavā anupubbiṃ kathaṃ kathesi, seyyathidaṃ – dānakathaṃ…pe… aparappaccayā satthusāsane bhagavantaṃ etadavocuṃ – ‘‘abhikkantaṃ, bhante…pe… ete mayaṃ, bhante, bhagavantaṃ saraṇaṃ gacchāma dhammañca bhikkhusaṅghañca. Upāsake no bhagavā dhāretu ajjatagge pāṇupete saraṇaṃ gate’’ti. Atha kho meṇḍako gahapati buddhappamukhaṃ bhikkhusaṅghaṃ paṇītena khādanīyena bhojanīyena sahatthā santappetvā sampavāretvā bhagavantaṃ bhuttāviṃ onītapattapāṇiṃ ekamantaṃ nisīdi. Ekamantaṃ nisinno kho meṇḍako gahapati bhagavantaṃ etadavoca – ‘‘yāva, bhante, bhagavā bhaddiye viharati tāva ahaṃ buddhappamukhassa bhikkhusaṅghassa dhuvabhattenā’’ti. Atha kho bhagavā meṇḍakaṃ gahapatiṃ dhammiyā kathāya sandassetvā samādapetvā samuttejetvā sampahaṃsetvā uṭṭhāyāsanā pakkāmi.
мзн̣д̣агаг̇ахабад̇ивад̇т̇а нидтид̇ам̣.
Meṇḍakagahapativattha niṭṭhitaṃ.
Footnotes:
Related texts:
адтагат̇аа • Aṭṭhakathā / винаяабидага (адтагат̇аа) • Vinayapiṭaka (aṭṭhakathā) / махааваг̇г̇а-адтагат̇аа • Mahāvagga-aṭṭhakathā / габбияабхуумиануж̇аананагат̇аа • Kappiyabhūmianujānanakathā
дийгаа • Tīkā / винаяабидага (дийгаа) • Vinayapiṭaka (ṭīkā) / баажид̇яаад̣̇ияож̇анаабаал̣и • Pācityādiyojanāpāḷi / 180. мзн̣д̣агаг̇ахабад̇ивад̇т̇угат̇аа • 180. Meṇḍakagahapativatthukathā
