| Library / Tipiṭaka / திபிடக • Tipiṭaka / பாசித்யாதி³யோஜனாபாளி • Pācityādiyojanāpāḷi |
180. மெண்ட³கக³ஹபதிவத்து²கதா²
180. Meṇḍakagahapativatthukathā
296. ‘‘ப³ஹித்³வாரே’’தி எத்த² கஸ்ஸ ப³ஹித்³வாரேதி ஆஹ ‘‘த⁴ஞ்ஞாகா³ரஸ்ஸ ப³ஹித்³வாரே’’தி. ஆளகதா²லிகந்தி எத்த² ஆளகதண்டு³லபசனகங் க³ண்ஹகதா²லி ஆளகதா²லி, தாய பசிதங் ப⁴த்தங் ஆளகதா²லிகந்தி வசனத்த²ங் த³ஸ்ஸெந்தோ ஆஹ ‘‘ஆளகதண்டு³லபசனகதா²லிக’’ந்தி. ப்³யஞ்ஜனப⁴ண்டி³கந்தி ப்³யஞ்ஜனபரிக்கா²ரிகங், ப்³யஞ்ஜனபரிவாரகந்தி அத்தோ². இமினா ஸூபபி⁴ஞ்ஜனகந்தி எத்த² ஸூபஸத்³தோ³ ப்³யஞ்ஜனவாசகோ, பி⁴ஞ்ஜனகஸத்³தோ³ ப⁴ண்டி³கபரியாயோதி த³ஸ்ஸேதி. தா³ஸகம்மகரபோரிஸந்தி எத்த² தா³ஸபோரிஸா ச கம்மகரபோரிஸா ச தா³ஸகம்மகரபோரிஸங், ஸமாஹாரத்³வந்தோ³ புப்³ப³பதே³ உத்தரலோபோ, இதி இமமத்த²ங் த³ஸ்ஸெந்தோ ஆஹ ‘‘தா³ஸபுரிஸே ச கம்மகரபுரிஸே சா’’தி. போரிஸஸத்³தோ³பி புரிஸஸத்³தே³ன ஸமானோ ‘‘புரிஸோ ஏவ போரிஸோ’’தி அத்தே²ன. து⁴வப⁴த்தேனாதி எத்த² து⁴வஸத்³தோ³ நிச்சபரியாயோதி ஆஹ ‘‘நிச்சகால’’ந்தி. து³ய்ஹேன கீ²ரேனாதி ஸம்ப³ந்தோ⁴. ‘‘மெண்ட³கவத்து²ஸ்மிங் பனா’’தி பாட²தோ பட்டா²ய யாவ ‘‘க²ணஞ்ஞேவ து³ய்ஹேனா’’தி பாடா² கேஸுசியேவ அட்ட²கதா²பொத்த²கேஸு அத்தி². எத்தா²தி மெண்ட³கவத்து²ம்ஹி. கோ³ரஸேதி க³வயேஹி நிப்³ப³த்தே கீ²ரத³தி⁴தக்கனவனீதஸப்³பி³ஸங்கா²தே ரஸே. பாதெ²ய்யந்தி பத²ஸ்ஸ ஹிதங் பாதெ²ய்யங். ஞத்வாதி பாதெ²ய்யமிச்ச²தீதி ஞத்வா. பி⁴க்கா²சாரவத்தேன வாதி அஞ்ஞாதகஅபவாரிதட்டா²னதோ பி⁴க்கா²சாரவத்தேன வா. யாசித்வாபீதி பிஸத்³தோ³ பகே³வ பி⁴க்கா²சாரவத்தேனாதி த³ஸ்ஸேதி. யத்தகேன பாதெ²ய்யேனாதி ஸம்ப³ந்தோ⁴.
296. ‘‘Bahidvāre’’ti ettha kassa bahidvāreti āha ‘‘dhaññāgārassa bahidvāre’’ti. Āḷakathālikanti ettha āḷakataṇḍulapacanakaṃ gaṇhakathāli āḷakathāli, tāya pacitaṃ bhattaṃ āḷakathālikanti vacanatthaṃ dassento āha ‘‘āḷakataṇḍulapacanakathālika’’nti. Byañjanabhaṇḍikanti byañjanaparikkhārikaṃ, byañjanaparivārakanti attho. Iminā sūpabhiñjanakanti ettha sūpasaddo byañjanavācako, bhiñjanakasaddo bhaṇḍikapariyāyoti dasseti. Dāsakammakaraporisanti ettha dāsaporisā ca kammakaraporisā ca dāsakammakaraporisaṃ, samāhāradvando pubbapade uttaralopo, iti imamatthaṃ dassento āha ‘‘dāsapurise ca kammakarapurise cā’’ti. Porisasaddopi purisasaddena samāno ‘‘puriso eva poriso’’ti atthena. Dhuvabhattenāti ettha dhuvasaddo niccapariyāyoti āha ‘‘niccakāla’’nti. Duyhena khīrenāti sambandho. ‘‘Meṇḍakavatthusmiṃ panā’’ti pāṭhato paṭṭhāya yāva ‘‘khaṇaññeva duyhenā’’ti pāṭhā kesuciyeva aṭṭhakathāpotthakesu atthi. Etthāti meṇḍakavatthumhi. Goraseti gavayehi nibbatte khīradadhitakkanavanītasabbisaṅkhāte rase. Pātheyyanti pathassa hitaṃ pātheyyaṃ. Ñatvāti pātheyyamicchatīti ñatvā. Bhikkhācāravattena vāti aññātakaapavāritaṭṭhānato bhikkhācāravattena vā. Yācitvāpīti pisaddo pageva bhikkhācāravattenāti dasseti. Yattakena pātheyyenāti sambandho.
Related texts:
திபிடக (மூல) • Tipiṭaka (Mūla) / வினயபிடக • Vinayapiṭaka / மஹாவக்³க³பாளி • Mahāvaggapāḷi / 180. மெண்ட³கக³ஹபதிவத்து² • 180. Meṇḍakagahapativatthu
அட்ட²கதா² • Aṭṭhakathā / வினயபிடக (அட்ட²கதா²) • Vinayapiṭaka (aṭṭhakathā) / மஹாவக்³க³-அட்ட²கதா² • Mahāvagga-aṭṭhakathā / கப்பியபூ⁴மிஅனுஜானநகதா² • Kappiyabhūmianujānanakathā
