| Library / Tipiṭaka / д̇ибидага • Tipiṭaka / ж̇аад̇агабаал̣и • Jātakapāḷi |
471. мзн̣д̣агабан̃хаж̇аад̇агам̣ (8)
471. Meṇḍakapañhajātakaṃ (8)
94.
94.
язсам̣ на гад̣̇аажи бхууд̇абуб̣б̣ам̣, сакяам̣ 1 сад̇д̇абад̣̇амбимасми логз;
Yesaṃ na kadāci bhūtapubbaṃ, sakhyaṃ 2 sattapadampimasmi loke;
ж̇аад̇аа амид̇д̇аа д̣̇увз сахааяаа, бадисанд̇хааяа жаранд̇и гисса хзд̇у.
Jātā amittā duve sahāyā, paṭisandhāya caranti kissa hetu.
95.
95.
яад̣̇и мз аж̇ж̇а баад̇араасагаалз, бан̃хам̣ на саггун̣зяяаат̇а вад̇д̇умзд̇ам̣;
Yadi me ajja pātarāsakāle, pañhaṃ na sakkuṇeyyātha vattumetaṃ;
радтаа баб̣б̣ааж̇аяиссаами во саб̣б̣з, на хи мад̇т̇о д̣̇уббан̃н̃аж̇аад̇игзхи.
Raṭṭhā pabbājayissāmi vo sabbe, na hi mattho duppaññajātikehi.
96.
96.
махааж̇анасамааг̇амамхи гхорз, ж̇анаголаахаласан̇г̇амамхи ж̇аад̇з;
Mahājanasamāgamamhi ghore, janakolāhalasaṅgamamhi jāte;
вигкид̇д̇аманаа анзгажид̇д̇аа, бан̃хам̣ на саггун̣ома вад̇д̇умзд̇ам̣.
Vikkhittamanā anekacittā, pañhaṃ na sakkuṇoma vattumetaṃ.
97.
97.
згаг̇г̇ажид̇д̇аава згамзгаа, рахаси г̇ад̇аа ад̇т̇ам̣ нижинд̇аяид̇ваа 3;
Ekaggacittāva ekamekā, rahasi gatā atthaṃ nicintayitvā 4;
бавивзгз саммасид̇ваана д̇хийраа, ат̇а вагканд̇и ж̇анинд̣̇а зд̇амад̇т̇ам̣.
Paviveke sammasitvāna dhīrā, atha vakkhanti janinda etamatthaṃ.
98.
98.
уг̇г̇абуд̇д̇а-рааж̇абуд̇д̇ияаанам̣, ураб̣бхасса мам̣сам̣ бияам̣ манаабам̣;
Uggaputta-rājaputtiyānaṃ, urabbhassa maṃsaṃ piyaṃ manāpaṃ;
на сунакасса д̇з ад̣̇знд̇и мам̣сам̣, ат̇а мзн̣д̣асса сун̣зна сакяамасса.
Na sunakhassa te adenti maṃsaṃ, atha meṇḍassa suṇena sakhyamassa.
99.
99.
жаммам̣ вихананд̇и зл̣агасса, ассабидтад̇т̇арассукасса 5 хзд̇у;
Cammaṃ vihananti eḷakassa, assapiṭṭhattharassukhassa 6 hetu;
на жа д̇з сунакасса ад̇т̇аранд̇и, ат̇а мзн̣д̣асса сун̣зна сакяамасса.
Na ca te sunakhassa attharanti, atha meṇḍassa suṇena sakhyamassa.
100.
100.
аавзллид̇асин̇г̇иго хи мзн̣д̣о, на жа сунакасса висаан̣агаани ад̇т̇и;
Āvellitasiṅgiko hi meṇḍo, na ca sunakhassa visāṇakāni atthi;
д̇ин̣абхагко мам̣сабхож̇ано жа, ат̇а мзн̣д̣асса сун̣зна сакяамасса.
Tiṇabhakkho maṃsabhojano ca, atha meṇḍassa suṇena sakhyamassa.
101.
101.
д̇ин̣амааси балаасамааси мзн̣д̣о, на жа сунако д̇ин̣амааси но балаасам̣;
Tiṇamāsi palāsamāsi meṇḍo, na ca sunakho tiṇamāsi no palāsaṃ;
г̇ан̣хзяяа сун̣о сасам̣ б̣ил̣аарам̣, ат̇а мзн̣д̣асса сун̣зна сакяамасса.
Gaṇheyya suṇo sasaṃ biḷāraṃ, atha meṇḍassa suṇena sakhyamassa.
102.
102.
адтад̣дхабад̣̇о жад̇уббад̣̇асса, мзн̣д̣о адтанако ад̣̇иссамаано;
Aṭṭhaḍḍhapado catuppadassa, meṇḍo aṭṭhanakho adissamāno;
чаад̣̇ияамаахарад̇ий аяам̣ имасса, мам̣сам̣ аахарад̇ий аяам̣ амусса.
Chādiyamāharatī ayaṃ imassa, maṃsaṃ āharatī ayaṃ amussa.
103.
103.
баасаад̣̇авараг̇ад̇о вид̣̇зхасздто, вид̇ихаарам̣ ан̃н̃аман̃н̃абхож̇анаанам̣;
Pāsādavaragato videhaseṭṭho, vitihāraṃ aññamaññabhojanānaṃ;
104.
104.
лаабхаа вад̇а мз анаббаруубаа, яасса мзд̣̇исаа бан̣д̣ид̇аа гуламхи;
Lābhā vata me anapparūpā, yassa medisā paṇḍitā kulamhi;
бан̃хасса г̇амбхийраг̇ад̇ам̣ нибун̣амад̇т̇ам̣, бадивиж̇жханд̇и субхаасид̇зна д̇хийраа.
Pañhassa gambhīragataṃ nipuṇamatthaṃ, paṭivijjhanti subhāsitena dhīrā.
105.
105.
ассад̇арират̇ан̃жа згамзгам̣, пийд̇ам̣ г̇аамаваран̃жа згамзгам̣;
Assatarirathañca ekamekaṃ, phītaṃ gāmavarañca ekamekaṃ;
саб̣б̣зсам̣ во д̣̇амми бан̣д̣ид̇аанам̣, барамаббад̇ийд̇амано субхаасид̇знаад̇и.
Sabbesaṃ vo dammi paṇḍitānaṃ, paramappatītamano subhāsitenāti.
мзн̣д̣агабан̃хаж̇аад̇агам̣ адтамам̣.
Meṇḍakapañhajātakaṃ aṭṭhamaṃ.
Footnotes:
Related texts:
адтагат̇аа • Aṭṭhakathā / суд̇д̇абидага (адтагат̇аа) • Suttapiṭaka (aṭṭhakathā) / куд̣̇д̣̇аганигааяа (адтагат̇аа) • Khuddakanikāya (aṭṭhakathā) / ж̇аад̇ага-адтагат̇аа • Jātaka-aṭṭhakathā / [471] 8. мзн̣д̣агабан̃хаж̇аад̇агаван̣н̣анаа • [471] 8. Meṇḍakapañhajātakavaṇṇanā
