| Library / Tipiṭaka / ਤਿਪਿਟਕ • Tipiṭaka / ਜਾਤਕਪਾਲ਼ਿ • Jātakapāḷi |
੪੭੧. ਮੇਣ੍ਡਕਪਞ੍ਹਜਾਤਕਂ (੮)
471. Meṇḍakapañhajātakaṃ (8)
੯੪.
94.
ਯੇਸਂ ਨ ਕਦਾਚਿ ਭੂਤਪੁਬ੍ਬਂ, ਸਖ੍ਯਂ 1 ਸਤ੍ਤਪਦਮ੍ਪਿਮਸ੍ਮਿ ਲੋਕੇ।
Yesaṃ na kadāci bhūtapubbaṃ, sakhyaṃ 2 sattapadampimasmi loke;
ਜਾਤਾ ਅਮਿਤ੍ਤਾ ਦੁવੇ ਸਹਾਯਾ, ਪਟਿਸਨ੍ਧਾਯ ਚਰਨ੍ਤਿ ਕਿਸ੍ਸ ਹੇਤੁ॥
Jātā amittā duve sahāyā, paṭisandhāya caranti kissa hetu.
੯੫.
95.
ਯਦਿ ਮੇ ਅਜ੍ਜ ਪਾਤਰਾਸਕਾਲੇ, ਪਞ੍ਹਂ ਨ ਸਕ੍ਕੁਣੇਯ੍ਯਾਥ વਤ੍ਤੁਮੇਤਂ।
Yadi me ajja pātarāsakāle, pañhaṃ na sakkuṇeyyātha vattumetaṃ;
ਰਟ੍ਠਾ ਪਬ੍ਬਾਜਯਿਸ੍ਸਾਮਿ વੋ ਸਬ੍ਬੇ, ਨ ਹਿ ਮਤ੍ਥੋ ਦੁਪ੍ਪਞ੍ਞਜਾਤਿਕੇਹਿ॥
Raṭṭhā pabbājayissāmi vo sabbe, na hi mattho duppaññajātikehi.
੯੬.
96.
ਮਹਾਜਨਸਮਾਗਮਮ੍ਹਿ ਘੋਰੇ, ਜਨਕੋਲਾਹਲਸਙ੍ਗਮਮ੍ਹਿ ਜਾਤੇ।
Mahājanasamāgamamhi ghore, janakolāhalasaṅgamamhi jāte;
વਿਕ੍ਖਿਤ੍ਤਮਨਾ ਅਨੇਕਚਿਤ੍ਤਾ, ਪਞ੍ਹਂ ਨ ਸਕ੍ਕੁਣੋਮ વਤ੍ਤੁਮੇਤਂ॥
Vikkhittamanā anekacittā, pañhaṃ na sakkuṇoma vattumetaṃ.
੯੭.
97.
ਏਕਗ੍ਗਚਿਤ੍ਤਾવ ਏਕਮੇਕਾ, ਰਹਸਿ ਗਤਾ ਅਤ੍ਥਂ ਨਿਚਿਨ੍ਤਯਿਤ੍વਾ 3।
Ekaggacittāva ekamekā, rahasi gatā atthaṃ nicintayitvā 4;
ਪવਿવੇਕੇ ਸਮ੍ਮਸਿਤ੍વਾਨ ਧੀਰਾ, ਅਥ વਕ੍ਖਨ੍ਤਿ ਜਨਿਨ੍ਦ ਏਤਮਤ੍ਥਂ॥
Paviveke sammasitvāna dhīrā, atha vakkhanti janinda etamatthaṃ.
੯੮.
98.
ਉਗ੍ਗਪੁਤ੍ਤ-ਰਾਜਪੁਤ੍ਤਿਯਾਨਂ, ਉਰਬ੍ਭਸ੍ਸ ਮਂਸਂ ਪਿਯਂ ਮਨਾਪਂ।
Uggaputta-rājaputtiyānaṃ, urabbhassa maṃsaṃ piyaṃ manāpaṃ;
ਨ ਸੁਨਖਸ੍ਸ ਤੇ ਅਦੇਨ੍ਤਿ ਮਂਸਂ, ਅਥ ਮੇਣ੍ਡਸ੍ਸ ਸੁਣੇਨ ਸਖ੍ਯਮਸ੍ਸ॥
Na sunakhassa te adenti maṃsaṃ, atha meṇḍassa suṇena sakhyamassa.
੯੯.
99.
ਚਮ੍ਮਂ વਿਹਨਨ੍ਤਿ ਏਲ਼ਕਸ੍ਸ, ਅਸ੍ਸਪਿਟ੍ਠਤ੍ਥਰਸ੍ਸੁਖਸ੍ਸ 5 ਹੇਤੁ।
Cammaṃ vihananti eḷakassa, assapiṭṭhattharassukhassa 6 hetu;
ਨ ਚ ਤੇ ਸੁਨਖਸ੍ਸ ਅਤ੍ਥਰਨ੍ਤਿ, ਅਥ ਮੇਣ੍ਡਸ੍ਸ ਸੁਣੇਨ ਸਖ੍ਯਮਸ੍ਸ॥
Na ca te sunakhassa attharanti, atha meṇḍassa suṇena sakhyamassa.
੧੦੦.
100.
ਆવੇਲ੍ਲਿਤਸਿਙ੍ਗਿਕੋ ਹਿ ਮੇਣ੍ਡੋ, ਨ ਚ ਸੁਨਖਸ੍ਸ વਿਸਾਣਕਾਨਿ ਅਤ੍ਥਿ।
Āvellitasiṅgiko hi meṇḍo, na ca sunakhassa visāṇakāni atthi;
ਤਿਣਭਕ੍ਖੋ ਮਂਸਭੋਜਨੋ ਚ, ਅਥ ਮੇਣ੍ਡਸ੍ਸ ਸੁਣੇਨ ਸਖ੍ਯਮਸ੍ਸ॥
Tiṇabhakkho maṃsabhojano ca, atha meṇḍassa suṇena sakhyamassa.
੧੦੧.
101.
ਤਿਣਮਾਸਿ ਪਲਾਸਮਾਸਿ ਮੇਣ੍ਡੋ, ਨ ਚ ਸੁਨਖੋ ਤਿਣਮਾਸਿ ਨੋ ਪਲਾਸਂ।
Tiṇamāsi palāsamāsi meṇḍo, na ca sunakho tiṇamāsi no palāsaṃ;
ਗਣ੍ਹੇਯ੍ਯ ਸੁਣੋ ਸਸਂ ਬਿਲ਼ਾਰਂ, ਅਥ ਮੇਣ੍ਡਸ੍ਸ ਸੁਣੇਨ ਸਖ੍ਯਮਸ੍ਸ॥
Gaṇheyya suṇo sasaṃ biḷāraṃ, atha meṇḍassa suṇena sakhyamassa.
੧੦੨.
102.
ਅਟ੍ਠਡ੍ਢਪਦੋ ਚਤੁਪ੍ਪਦਸ੍ਸ, ਮੇਣ੍ਡੋ ਅਟ੍ਠਨਖੋ ਅਦਿਸ੍ਸਮਾਨੋ।
Aṭṭhaḍḍhapado catuppadassa, meṇḍo aṭṭhanakho adissamāno;
ਛਾਦਿਯਮਾਹਰਤੀ ਅਯਂ ਇਮਸ੍ਸ, ਮਂਸਂ ਆਹਰਤੀ ਅਯਂ ਅਮੁਸ੍ਸ॥
Chādiyamāharatī ayaṃ imassa, maṃsaṃ āharatī ayaṃ amussa.
੧੦੩.
103.
ਪਾਸਾਦવਰਗਤੋ વਿਦੇਹਸੇਟ੍ਠੋ, વਿਤਿਹਾਰਂ ਅਞ੍ਞਮਞ੍ਞਭੋਜਨਾਨਂ।
Pāsādavaragato videhaseṭṭho, vitihāraṃ aññamaññabhojanānaṃ;
੧੦੪.
104.
ਲਾਭਾ વਤ ਮੇ ਅਨਪ੍ਪਰੂਪਾ, ਯਸ੍ਸ ਮੇਦਿਸਾ ਪਣ੍ਡਿਤਾ ਕੁਲਮ੍ਹਿ।
Lābhā vata me anapparūpā, yassa medisā paṇḍitā kulamhi;
ਪਞ੍ਹਸ੍ਸ ਗਮ੍ਭੀਰਗਤਂ ਨਿਪੁਣਮਤ੍ਥਂ, ਪਟਿવਿਜ੍ਝਨ੍ਤਿ ਸੁਭਾਸਿਤੇਨ ਧੀਰਾ॥
Pañhassa gambhīragataṃ nipuṇamatthaṃ, paṭivijjhanti subhāsitena dhīrā.
੧੦੫.
105.
ਅਸ੍ਸਤਰਿਰਥਞ੍ਚ ਏਕਮੇਕਂ, ਫੀਤਂ ਗਾਮવਰਞ੍ਚ ਏਕਮੇਕਂ।
Assatarirathañca ekamekaṃ, phītaṃ gāmavarañca ekamekaṃ;
ਸਬ੍ਬੇਸਂ વੋ ਦਮ੍ਮਿ ਪਣ੍ਡਿਤਾਨਂ, ਪਰਮਪ੍ਪਤੀਤਮਨੋ ਸੁਭਾਸਿਤੇਨਾਤਿ॥
Sabbesaṃ vo dammi paṇḍitānaṃ, paramappatītamano subhāsitenāti.
ਮੇਣ੍ਡਕਪਞ੍ਹਜਾਤਕਂ ਅਟ੍ਠਮਂ।
Meṇḍakapañhajātakaṃ aṭṭhamaṃ.
Footnotes:
Related texts:
ਅਟ੍ਠਕਥਾ • Aṭṭhakathā / ਸੁਤ੍ਤਪਿਟਕ (ਅਟ੍ਠਕਥਾ) • Suttapiṭaka (aṭṭhakathā) / ਖੁਦ੍ਦਕਨਿਕਾਯ (ਅਟ੍ਠਕਥਾ) • Khuddakanikāya (aṭṭhakathā) / ਜਾਤਕ-ਅਟ੍ਠਕਥਾ • Jātaka-aṭṭhakathā / [੪੭੧] ੮. ਮੇਣ੍ਡਕਪਞ੍ਹਜਾਤਕવਣ੍ਣਨਾ • [471] 8. Meṇḍakapañhajātakavaṇṇanā
