| Library / Tipiṭaka / д̇ибидага • Tipiṭaka / т̇зраг̇аат̇аа-адтагат̇аа • Theragāthā-aṭṭhakathā |
8. мзн̣д̣асирад̇т̇зраг̇аат̇ааван̣н̣анаа
8. Meṇḍasirattheragāthāvaṇṇanā
анзгаж̇аад̇исам̣сааранд̇и ааяасмад̇о мзн̣д̣асирад̇т̇зрасса г̇аат̇аа. гаа уббад̇д̇и? соби гира буримаб̣уд̣̇д̇хзсу гад̇аад̇хигааро д̇ад̇т̇а д̇ад̇т̇а бхавз виваддуубаниссаяаани бун̃н̃аани гаронд̇о ид̇о зганавуд̇з габбз б̣раахман̣агулз ниб̣б̣ад̇д̇ид̇ваа ваяаббад̇д̇о гаамз бахааяа исибаб̣б̣аж̇ж̇ам̣ баб̣б̣аж̇ид̇ваа махад̇аа исиг̇ан̣зна сад̣̇д̇хим̣ химаванд̇з васанд̇о сад̇т̇аарам̣ д̣̇исваа басаннамаанасо исиг̇ан̣зна бад̣̇умаани аахараабзд̇ваа сад̇т̇у бубпабууж̇ам̣ гад̇ваа саавагз аббамаад̣̇абадибад̇д̇ияам̣ овад̣̇ид̇ваа гаалам̣ гад̇ваа д̣̇звалогз ниб̣б̣ад̇д̇о абараабарам̣ сам̣саранд̇о имасмим̣ б̣уд̣̇д̇хуббаад̣̇з саагзд̇з г̇ахабад̇игулз ниб̣б̣ад̇д̇и, д̇асса мзн̣д̣асаригкасийсад̇ааяа мзн̣д̣асирод̇взва саман̃н̃аа ахоси. со бхаг̇авад̇и саагзд̇з ан̃ж̇анаванз вихаранд̇з сад̇т̇аарам̣ убасан̇гамид̇ваа бадилад̣̇д̇хасад̣̇д̇хо баб̣б̣аж̇ид̇ваа самат̇авибассанаасу гаммам̣ гаронд̇о чал̣абхин̃н̃о ахоси. д̇зва вуд̇д̇ам̣ абад̣̇аанз (аба. т̇зра 1.13.97-105) –
Anekajātisaṃsāranti āyasmato meṇḍasirattherassa gāthā. Kā uppatti? Sopi kira purimabuddhesu katādhikāro tattha tattha bhave vivaṭṭūpanissayāni puññāni karonto ito ekanavute kappe brāhmaṇakule nibbattitvā vayappatto kāme pahāya isipabbajjaṃ pabbajitvā mahatā isigaṇena saddhiṃ himavante vasanto satthāraṃ disvā pasannamānaso isigaṇena padumāni āharāpetvā satthu pupphapūjaṃ katvā sāvake appamādapaṭipattiyaṃ ovaditvā kālaṃ katvā devaloke nibbatto aparāparaṃ saṃsaranto imasmiṃ buddhuppāde sākete gahapatikule nibbatti, tassa meṇḍasarikkhasīsatāya meṇḍasirotveva samaññā ahosi. So bhagavati sākete añjanavane viharante satthāraṃ upasaṅkamitvā paṭiladdhasaddho pabbajitvā samathavipassanāsu kammaṃ karonto chaḷabhiñño ahosi. Teva vuttaṃ apadāne (apa. thera 1.13.97-105) –
‘‘химаванд̇ассаавид̣̇уурз, г̇од̇амо наама баб̣б̣ад̇о;
‘‘Himavantassāvidūre, gotamo nāma pabbato;
наанааругкзхи сан̃чанно, махаабхууд̇аг̇ан̣аалаяо.
Nānārukkhehi sañchanno, mahābhūtagaṇālayo.
‘‘взмаж̇жхамхи жа д̇ассааси, ассамо абхиниммид̇о;
‘‘Vemajjhamhi ca tassāsi, assamo abhinimmito;
бурагкад̇о сасиссзхи, васаами ассамз ахам̣.
Purakkhato sasissehi, vasāmi assame ahaṃ.
‘‘ааяанд̇у мз сиссаг̇ан̣аа, бад̣̇умам̣ аахаранд̇у мз;
‘‘Āyantu me sissagaṇā, padumaṃ āharantu me;
б̣уд̣̇д̇хабууж̇ам̣ гариссаами, д̣̇вибад̣̇инд̣̇асса д̇аад̣̇ино.
Buddhapūjaṃ karissāmi, dvipadindassa tādino.
‘‘званд̇и д̇з бадиссуд̇ваа, бад̣̇умам̣ аахарим̣су мз;
‘‘Evanti te paṭissutvā, padumaṃ āhariṃsu me;
д̇ат̇аа нимид̇д̇ам̣ гад̇ваахам̣, б̣уд̣̇д̇хасса абхиробаяим̣.
Tathā nimittaṃ katvāhaṃ, buddhassa abhiropayiṃ.
‘‘сиссз д̇ад̣̇аа самаанзд̇ваа, саад̇хугам̣ анусаасахам̣;
‘‘Sisse tadā samānetvā, sādhukaṃ anusāsahaṃ;
маа ко д̇умхз бамаж̇ж̇ид̇т̇а, аббамаад̣̇о сукаавахо.
Mā kho tumhe pamajjittha, appamādo sukhāvaho.
‘‘звам̣ саманусаасид̇ваа, д̇з сиссз важанагкамз;
‘‘Evaṃ samanusāsitvā, te sisse vacanakkhame;
аббамаад̣̇аг̇ун̣з яуд̇д̇о, д̇ад̣̇аа гаалан̇гад̇о ахам̣.
Appamādaguṇe yutto, tadā kālaṅkato ahaṃ.
‘‘зганавуд̇ид̇о габбз, яам̣ бубпамабхиробаяим̣;
‘‘Ekanavutito kappe, yaṃ pupphamabhiropayiṃ;
д̣̇уг̇г̇ад̇им̣ наабхиж̇аанаами, б̣уд̣̇д̇хабууж̇ааяид̣̇ам̣ палам̣.
Duggatiṃ nābhijānāmi, buddhapūjāyidaṃ phalaṃ.
‘‘згабан̃н̃аасагаббамхи , рааж̇аа аасим̣ ж̇алуд̇д̇амо;
‘‘Ekapaññāsakappamhi , rājā āsiṃ jaluttamo;
сад̇д̇арад̇анасамбанно, жаггавад̇д̇ий махаб̣б̣ало.
Sattaratanasampanno, cakkavattī mahabbalo.
‘‘гилзсаа жхаабид̇аа маяхам̣…бз… гад̇ам̣ б̣уд̣̇д̇хасса саасана’’нд̇и.
‘‘Kilesā jhāpitā mayhaṃ…pe… kataṃ buddhassa sāsana’’nti.
со ад̇д̇ано буб̣б̣зниваасам̣ ануссаранд̇о –
So attano pubbenivāsaṃ anussaranto –
78.
78.
‘‘анзгаж̇аад̇исам̣саарам̣, санд̇хаависсам̣ аниб̣б̣исам̣;
‘‘Anekajātisaṃsāraṃ, sandhāvissaṃ anibbisaṃ;
д̇асса мз д̣̇угкаж̇аад̇асса, д̣̇угкагканд̇хо абарад̣̇д̇хо’’д̇и. – г̇аат̇ам̣ абхааси;
Tassa me dukkhajātassa, dukkhakkhandho aparaddho’’ti. – gāthaṃ abhāsi;
д̇ад̇т̇а анзгаж̇аад̇исам̣сааранд̇и анзгаж̇аад̇исад̇асахассасан̇кяам̣ ид̣̇ам̣ сам̣саараваддам̣, ад̣̇д̇хуно ад̇хиббзд̇ад̇д̇аа ажжанд̇асам̣яог̇згаважанам̣. санд̇хаависсанд̇и сам̣сарим̣, абараабарам̣ жавануббаж̇ж̇анавасзна бариб̣бхамим̣. аниб̣б̣исанд̇и д̇асса нивад̇д̇аган̃аан̣ам̣ авинд̣̇анд̇о алабханд̇о. д̇асса мзд̇и звам̣ сам̣саранд̇асса мз. д̣̇угкаж̇аад̇ассаад̇и ж̇аад̇иаад̣̇ивасзна уббаннад̣̇угкасса, д̇иссаннам̣ ваа д̣̇угкад̇аанам̣ васзна д̣̇угкасабхаавасса. д̣̇угкагканд̇ход̇и гаммагилзсавибаагаваддаббагааро д̣̇угкарааси. абарад̣̇д̇ход̇и арахад̇д̇амаг̇г̇аббад̇д̇ид̇о бадтааяа бариб̣бхадто жуд̇о на абхиниб̣б̣ад̇д̇иссад̇и. ‘‘абарадто’’д̇и ваа баато, абаг̇ад̇асамид̣̇д̇хид̇о самужчиннагааран̣ад̇д̇аа абаг̇ад̇од̇и ад̇т̇о. ид̣̇амзва жа т̇зрасса ан̃н̃ааб̣яаагаран̣ам̣ ахоси.
Tattha anekajātisaṃsāranti anekajātisatasahassasaṅkhyaṃ idaṃ saṃsāravaṭṭaṃ, addhuno adhippetattā accantasaṃyogekavacanaṃ. Sandhāvissanti saṃsariṃ, aparāparaṃ cavanuppajjanavasena paribbhamiṃ. Anibbisanti tassa nivattakañāṇaṃ avindanto alabhanto. Tassa meti evaṃ saṃsarantassa me. Dukkhajātassāti jātiādivasena uppannadukkhassa, tissannaṃ vā dukkhatānaṃ vasena dukkhasabhāvassa. Dukkhakkhandhoti kammakilesavipākavaṭṭappakāro dukkharāsi. Aparaddhoti arahattamaggappattito paṭṭhāya paribbhaṭṭho cuto na abhinibbattissati. ‘‘Aparaṭṭho’’ti vā pāṭho, apagatasamiddhito samucchinnakāraṇattā apagatoti attho. Idameva ca therassa aññābyākaraṇaṃ ahosi.
мзн̣д̣асирад̇т̇зраг̇аат̇ааван̣н̣анаа нидтид̇аа.
Meṇḍasirattheragāthāvaṇṇanā niṭṭhitā.
Related texts:
д̇ибидага (муула) • Tipiṭaka (Mūla) / суд̇д̇абидага • Suttapiṭaka / куд̣̇д̣̇аганигааяа • Khuddakanikāya / т̇зраг̇аат̇аабаал̣и • Theragāthāpāḷi / 8. мзн̣д̣асирад̇т̇зраг̇аат̇аа • 8. Meṇḍasirattheragāthā
