| Library / Tipiṭaka / д̇ибидага • Tipiṭaka / ан̇г̇уд̇д̇аранигааяа (дийгаа) • Aṅguttaranikāya (ṭīkā) |
7-8. мзт̇унасуд̇д̇аад̣̇иван̣н̣анаа
7-8. Methunasuttādivaṇṇanā
50-51. сад̇д̇амз ид̇хаад̇и имасмим̣ логз. згажжод̇и зго. саман̣о ваа б̣раахман̣о ваад̇и баб̣б̣аж̇ж̇аамад̇д̇зна саман̣о ваа, ж̇аад̇имад̇д̇зна б̣раахман̣о ваа. д̣̇ваяам̣д̣̇ваяасамаабад̇д̇инд̇и д̣̇вийхи д̣̇вийхи самаабаж̇ж̇ид̇аб̣б̣ам̣, мзт̇унанд̇и ад̇т̇о. на хзва ко самаабаж̇ж̇ад̇ийд̇и самб̣анд̇хо. ужчаад̣̇анам̣ уб̣б̣адданам̣. самб̣ааханам̣ баримад̣̇д̣̇анам̣. саад̣̇ияад̇ийд̇и ад̇хиваасзд̇и. д̇ад̣̇ассаад̣̇зд̇ийд̇и ужчаад̣̇анаад̣̇им̣ абхирамад̇и. нигаамзд̇ийд̇и ижчад̇и. вид̇д̇инд̇и д̇удтим̣. ид̣̇амби код̇и зд̇т̇а ид̣̇анд̇и яат̇аавуд̇д̇ам̣ саад̣̇ияанаад̣̇им̣ кан̣д̣аад̣̇ибхаававасзна згам̣ гад̇ваа вуд̇д̇ам̣. би-сад̣̇д̣̇о вагкамаанам̣ убаад̣̇ааяа самужжаяад̇т̇о, ко-сад̣̇д̣̇о авад̇хааран̣ад̇т̇о. ид̣̇ам̣ вуд̇д̇ам̣ ход̇и – яад̣̇зд̇ам̣ б̣рахмажаарибадин̃н̃асса асад̇иби д̣̇ваяам̣д̣̇ваяасамаабад̇д̇ияам̣ маад̇уг̇аамасса ужчаад̣̇ананахаабанасамб̣ааханасаад̣̇ияанаад̣̇и. ид̣̇амби згам̣сзна д̇асса б̣рахмажарияасса кан̣д̣аад̣̇ибхааваабаад̣̇анад̇о кан̣д̣амби чид̣̇д̣̇амби саб̣аламби гаммаасамбийд̇и. звам̣ бана кан̣д̣аад̣̇ибхааваабад̇д̇ияаа со абарисуд̣̇д̇хам̣ б̣рахмажарияам̣ жарад̇и, на барисуд̣̇д̇хам̣, сам̣яуд̇д̇о мзт̇унасам̣яог̇зна, на висам̣яуд̇д̇о. д̇ад̇о жасса на ж̇аад̇иаад̣̇ийхи баримуд̇д̇ийд̇и д̣̇ассзнд̇о ‘‘аяам̣ вужжад̇ий’’д̇иаад̣̇имааха.
50-51. Sattame idhāti imasmiṃ loke. Ekaccoti eko. Samaṇo vā brāhmaṇo vāti pabbajjāmattena samaṇo vā, jātimattena brāhmaṇo vā. Dvayaṃdvayasamāpattinti dvīhi dvīhi samāpajjitabbaṃ, methunanti attho. Na heva kho samāpajjatīti sambandho. Ucchādanaṃ ubbaṭṭanaṃ. Sambāhanaṃ parimaddanaṃ. Sādiyatīti adhivāseti. Tadassādetīti ucchādanādiṃ abhiramati. Nikāmetīti icchati. Vittinti tuṭṭhiṃ. Idampi khoti ettha idanti yathāvuttaṃ sādiyanādiṃ khaṇḍādibhāvavasena ekaṃ katvā vuttaṃ. Pi-saddo vakkhamānaṃ upādāya samuccayattho, kho-saddo avadhāraṇattho. Idaṃ vuttaṃ hoti – yadetaṃ brahmacāripaṭiññassa asatipi dvayaṃdvayasamāpattiyaṃ mātugāmassa ucchādananahāpanasambāhanasādiyanādi. Idampi ekaṃsena tassa brahmacariyassa khaṇḍādibhāvāpādanato khaṇḍampi chiddampi sabalampi kammāsampīti. Evaṃ pana khaṇḍādibhāvāpattiyā so aparisuddhaṃ brahmacariyaṃ carati, na parisuddhaṃ, saṃyutto methunasaṃyogena, na visaṃyutto. Tato cassa na jātiādīhi parimuttīti dassento ‘‘ayaṃ vuccatī’’tiādimāha.
сан̃ж̇аг̇гхад̇ийд̇и гилзсавасзна махаахасид̇ам̣ хасад̇и. сам̣гийл̣ад̇ийд̇и гааяасам̣саг̇г̇авасзна гийл̣ад̇и. сам̣гзлааяад̇ийд̇и саб̣б̣асо маад̇уг̇аамам̣ гзлааяанд̇о вихарад̇и. жагкунаад̇и ад̇д̇ано жагкунаа. жагкунд̇и маад̇уг̇аамасса жагкум̣. убаниж̇жхааяад̇ийд̇и убзжжа ниж̇жхааяад̇и ологзд̇и. д̇ирогудданд̇и гуддасса барад̇о. д̇ат̇аа д̇иробаагаарам̣, ‘‘мад̇д̇игаамаяаа бхид̇д̇и гуддам̣, идтагаамаяаа баагааро’’д̇и вад̣̇анд̇и. яаа гаажи ваа бхид̇д̇и борисагаа д̣̇ияад̣дхарад̇анаббамаан̣аа гуддам̣, д̇ад̇о ад̇хиго баагааро. ассаад̇и б̣рахмажаарибадин̃н̃асса. буб̣б̣зд̇и вад̇асамаад̣̇аанад̇о буб̣б̣з. гаамаг̇ун̣зхийд̇и гаамагодтаасзхи. самаббид̇анд̇и судту аббид̇ам̣ сахид̇ам̣. саман̇г̇ибхууд̇анд̇и саманнааг̇ад̇ам̣. барижаараяамаананд̇и гийл̣анд̇ам̣, убадтахияамаанам̣ ваа. бан̣ид̇хааяаад̇и бад̇т̇зд̇ваа. сийлзнаад̇иаад̣̇ийсу яаманияамаад̣̇исамаад̣̇аанавасзна сийлам̣, авийд̇иггамавасзна вад̇ам̣. убхаяамби ваа сийлам̣, д̣̇уггаражарияавасзна бавад̇д̇ид̇ам̣ вад̇ам̣. д̇ам̣д̇ам̣агижжасаммад̇ад̇о ваа нивад̇д̇илагкан̣ам̣ сийлам̣, д̇ам̣д̇ам̣самаад̣̇аанавад̇о взсабхож̇анагижжагаран̣аад̣̇ивисзсаббадибад̇д̇и вад̇ам̣. саб̣б̣ат̇ааби д̣̇уггаражарияаа д̇або. мзт̇унаа вирад̇и б̣рахмажарияанд̇и звамбзд̇т̇а баал̣иван̣н̣анаа взд̣̇ид̇аб̣б̣аа. адтамам̣ уд̇д̇аанамзва.
Sañjagghatīti kilesavasena mahāhasitaṃ hasati. Saṃkīḷatīti kāyasaṃsaggavasena kīḷati. Saṃkelāyatīti sabbaso mātugāmaṃ kelāyanto viharati. Cakkhunāti attano cakkhunā. Cakkhunti mātugāmassa cakkhuṃ. Upanijjhāyatīti upecca nijjhāyati oloketi. Tirokuṭṭanti kuṭṭassa parato. Tathā tiropākāraṃ, ‘‘mattikāmayā bhitti kuṭṭaṃ, iṭṭhakāmayā pākāro’’ti vadanti. Yā kāci vā bhitti porisakā diyaḍḍharatanappamāṇā kuṭṭaṃ, tato adhiko pākāro. Assāti brahmacāripaṭiññassa. Pubbeti vatasamādānato pubbe. Kāmaguṇehīti kāmakoṭṭhāsehi. Samappitanti suṭṭhu appitaṃ sahitaṃ. Samaṅgibhūtanti samannāgataṃ. Paricārayamānanti kīḷantaṃ, upaṭṭhahiyamānaṃ vā. Paṇidhāyāti patthetvā. Sīlenātiādīsu yamaniyamādisamādānavasena sīlaṃ, avītikkamavasena vataṃ. Ubhayampi vā sīlaṃ, dukkaracariyavasena pavattitaṃ vataṃ. Taṃtaṃakiccasammatato vā nivattilakkhaṇaṃ sīlaṃ, taṃtaṃsamādānavato vesabhojanakiccakaraṇādivisesappaṭipatti vataṃ. Sabbathāpi dukkaracariyā tapo. Methunā virati brahmacariyanti evampettha pāḷivaṇṇanā veditabbā. Aṭṭhamaṃ uttānameva.
мзт̇унасуд̇д̇аад̣̇иван̣н̣анаа нидтид̇аа.
Methunasuttādivaṇṇanā niṭṭhitā.
Related texts:
д̇ибидага (муула) • Tipiṭaka (Mūla) / суд̇д̇абидага • Suttapiṭaka / ан̇г̇уд̇д̇аранигааяа • Aṅguttaranikāya
7. мзт̇унасуд̇д̇ам̣ • 7. Methunasuttaṃ
8. сам̣яог̇асуд̇д̇ам̣ • 8. Saṃyogasuttaṃ
адтагат̇аа • Aṭṭhakathā / суд̇д̇абидага (адтагат̇аа) • Suttapiṭaka (aṭṭhakathā) / ан̇г̇уд̇д̇аранигааяа (адтагат̇аа) • Aṅguttaranikāya (aṭṭhakathā)
7. мзт̇унасуд̇д̇аван̣н̣анаа • 7. Methunasuttavaṇṇanā
8. сам̣яог̇асуд̇д̇аван̣н̣анаа • 8. Saṃyogasuttavaṇṇanā
