| Library / Tipiṭaka / ਤਿਪਿਟਕ • Tipiṭaka / ਅਙ੍ਗੁਤ੍ਤਰਨਿਕਾਯ (ਟੀਕਾ) • Aṅguttaranikāya (ṭīkā) |
੭-੮. ਮੇਥੁਨਸੁਤ੍ਤਾਦਿવਣ੍ਣਨਾ
7-8. Methunasuttādivaṇṇanā
੫੦-੫੧. ਸਤ੍ਤਮੇ ਇਧਾਤਿ ਇਮਸ੍ਮਿਂ ਲੋਕੇ। ਏਕਚ੍ਚੋਤਿ ਏਕੋ। ਸਮਣੋ વਾ ਬ੍ਰਾਹ੍ਮਣੋ વਾਤਿ ਪਬ੍ਬਜ੍ਜਾਮਤ੍ਤੇਨ ਸਮਣੋ વਾ, ਜਾਤਿਮਤ੍ਤੇਨ ਬ੍ਰਾਹ੍ਮਣੋ વਾ। ਦ੍વਯਂਦ੍વਯਸਮਾਪਤ੍ਤਿਨ੍ਤਿ ਦ੍વੀਹਿ ਦ੍વੀਹਿ ਸਮਾਪਜ੍ਜਿਤਬ੍ਬਂ, ਮੇਥੁਨਨ੍ਤਿ ਅਤ੍ਥੋ। ਨ ਹੇવ ਖੋ ਸਮਾਪਜ੍ਜਤੀਤਿ ਸਮ੍ਬਨ੍ਧੋ। ਉਚ੍ਛਾਦਨਂ ਉਬ੍ਬਟ੍ਟਨਂ। ਸਮ੍ਬਾਹਨਂ ਪਰਿਮਦ੍ਦਨਂ। ਸਾਦਿਯਤੀਤਿ ਅਧਿવਾਸੇਤਿ। ਤਦਸ੍ਸਾਦੇਤੀਤਿ ਉਚ੍ਛਾਦਨਾਦਿਂ ਅਭਿਰਮਤਿ। ਨਿਕਾਮੇਤੀਤਿ ਇਚ੍ਛਤਿ। વਿਤ੍ਤਿਨ੍ਤਿ ਤੁਟ੍ਠਿਂ। ਇਦਮ੍ਪਿ ਖੋਤਿ ਏਤ੍ਥ ਇਦਨ੍ਤਿ ਯਥਾવੁਤ੍ਤਂ ਸਾਦਿਯਨਾਦਿਂ ਖਣ੍ਡਾਦਿਭਾવવਸੇਨ ਏਕਂ ਕਤ੍વਾ વੁਤ੍ਤਂ। ਪਿ-ਸਦ੍ਦੋ વਕ੍ਖਮਾਨਂ ਉਪਾਦਾਯ ਸਮੁਚ੍ਚਯਤ੍ਥੋ, ਖੋ-ਸਦ੍ਦੋ ਅવਧਾਰਣਤ੍ਥੋ। ਇਦਂ વੁਤ੍ਤਂ ਹੋਤਿ – ਯਦੇਤਂ ਬ੍ਰਹ੍ਮਚਾਰਿਪਟਿਞ੍ਞਸ੍ਸ ਅਸਤਿਪਿ ਦ੍વਯਂਦ੍વਯਸਮਾਪਤ੍ਤਿਯਂ ਮਾਤੁਗਾਮਸ੍ਸ ਉਚ੍ਛਾਦਨਨਹਾਪਨਸਮ੍ਬਾਹਨਸਾਦਿਯਨਾਦਿ। ਇਦਮ੍ਪਿ ਏਕਂਸੇਨ ਤਸ੍ਸ ਬ੍ਰਹ੍ਮਚਰਿਯਸ੍ਸ ਖਣ੍ਡਾਦਿਭਾવਾਪਾਦਨਤੋ ਖਣ੍ਡਮ੍ਪਿ ਛਿਦ੍ਦਮ੍ਪਿ ਸਬਲਮ੍ਪਿ ਕਮ੍ਮਾਸਮ੍ਪੀਤਿ। ਏવਂ ਪਨ ਖਣ੍ਡਾਦਿਭਾવਾਪਤ੍ਤਿਯਾ ਸੋ ਅਪਰਿਸੁਦ੍ਧਂ ਬ੍ਰਹ੍ਮਚਰਿਯਂ ਚਰਤਿ, ਨ ਪਰਿਸੁਦ੍ਧਂ, ਸਂਯੁਤ੍ਤੋ ਮੇਥੁਨਸਂਯੋਗੇਨ, ਨ વਿਸਂਯੁਤ੍ਤੋ। ਤਤੋ ਚਸ੍ਸ ਨ ਜਾਤਿਆਦੀਹਿ ਪਰਿਮੁਤ੍ਤੀਤਿ ਦਸ੍ਸੇਨ੍ਤੋ ‘‘ਅਯਂ વੁਚ੍ਚਤੀ’’ਤਿਆਦਿਮਾਹ।
50-51. Sattame idhāti imasmiṃ loke. Ekaccoti eko. Samaṇo vā brāhmaṇo vāti pabbajjāmattena samaṇo vā, jātimattena brāhmaṇo vā. Dvayaṃdvayasamāpattinti dvīhi dvīhi samāpajjitabbaṃ, methunanti attho. Na heva kho samāpajjatīti sambandho. Ucchādanaṃ ubbaṭṭanaṃ. Sambāhanaṃ parimaddanaṃ. Sādiyatīti adhivāseti. Tadassādetīti ucchādanādiṃ abhiramati. Nikāmetīti icchati. Vittinti tuṭṭhiṃ. Idampi khoti ettha idanti yathāvuttaṃ sādiyanādiṃ khaṇḍādibhāvavasena ekaṃ katvā vuttaṃ. Pi-saddo vakkhamānaṃ upādāya samuccayattho, kho-saddo avadhāraṇattho. Idaṃ vuttaṃ hoti – yadetaṃ brahmacāripaṭiññassa asatipi dvayaṃdvayasamāpattiyaṃ mātugāmassa ucchādananahāpanasambāhanasādiyanādi. Idampi ekaṃsena tassa brahmacariyassa khaṇḍādibhāvāpādanato khaṇḍampi chiddampi sabalampi kammāsampīti. Evaṃ pana khaṇḍādibhāvāpattiyā so aparisuddhaṃ brahmacariyaṃ carati, na parisuddhaṃ, saṃyutto methunasaṃyogena, na visaṃyutto. Tato cassa na jātiādīhi parimuttīti dassento ‘‘ayaṃ vuccatī’’tiādimāha.
ਸਞ੍ਜਗ੍ਘਤੀਤਿ ਕਿਲੇਸવਸੇਨ ਮਹਾਹਸਿਤਂ ਹਸਤਿ। ਸਂਕੀਲ਼ਤੀਤਿ ਕਾਯਸਂਸਗ੍ਗવਸੇਨ ਕੀਲ਼ਤਿ। ਸਂਕੇਲਾਯਤੀਤਿ ਸਬ੍ਬਸੋ ਮਾਤੁਗਾਮਂ ਕੇਲਾਯਨ੍ਤੋ વਿਹਰਤਿ। ਚਕ੍ਖੁਨਾਤਿ ਅਤ੍ਤਨੋ ਚਕ੍ਖੁਨਾ। ਚਕ੍ਖੁਨ੍ਤਿ ਮਾਤੁਗਾਮਸ੍ਸ ਚਕ੍ਖੁਂ। ਉਪਨਿਜ੍ਝਾਯਤੀਤਿ ਉਪੇਚ੍ਚ ਨਿਜ੍ਝਾਯਤਿ ਓਲੋਕੇਤਿ। ਤਿਰੋਕੁਟ੍ਟਨ੍ਤਿ ਕੁਟ੍ਟਸ੍ਸ ਪਰਤੋ। ਤਥਾ ਤਿਰੋਪਾਕਾਰਂ, ‘‘ਮਤ੍ਤਿਕਾਮਯਾ ਭਿਤ੍ਤਿ ਕੁਟ੍ਟਂ, ਇਟ੍ਠਕਾਮਯਾ ਪਾਕਾਰੋ’’ਤਿ વਦਨ੍ਤਿ। ਯਾ ਕਾਚਿ વਾ ਭਿਤ੍ਤਿ ਪੋਰਿਸਕਾ ਦਿਯਡ੍ਢਰਤਨਪ੍ਪਮਾਣਾ ਕੁਟ੍ਟਂ, ਤਤੋ ਅਧਿਕੋ ਪਾਕਾਰੋ। ਅਸ੍ਸਾਤਿ ਬ੍ਰਹ੍ਮਚਾਰਿਪਟਿਞ੍ਞਸ੍ਸ। ਪੁਬ੍ਬੇਤਿ વਤਸਮਾਦਾਨਤੋ ਪੁਬ੍ਬੇ। ਕਾਮਗੁਣੇਹੀਤਿ ਕਾਮਕੋਟ੍ਠਾਸੇਹਿ। ਸਮਪ੍ਪਿਤਨ੍ਤਿ ਸੁਟ੍ਠੁ ਅਪ੍ਪਿਤਂ ਸਹਿਤਂ। ਸਮਙ੍ਗਿਭੂਤਨ੍ਤਿ ਸਮਨ੍ਨਾਗਤਂ। ਪਰਿਚਾਰਯਮਾਨਨ੍ਤਿ ਕੀਲ਼ਨ੍ਤਂ, ਉਪਟ੍ਠਹਿਯਮਾਨਂ વਾ। ਪਣਿਧਾਯਾਤਿ ਪਤ੍ਥੇਤ੍વਾ। ਸੀਲੇਨਾਤਿਆਦੀਸੁ ਯਮਨਿਯਮਾਦਿਸਮਾਦਾਨવਸੇਨ ਸੀਲਂ, ਅવੀਤਿਕ੍ਕਮવਸੇਨ વਤਂ। ਉਭਯਮ੍ਪਿ વਾ ਸੀਲਂ, ਦੁਕ੍ਕਰਚਰਿਯવਸੇਨ ਪવਤ੍ਤਿਤਂ વਤਂ। ਤਂਤਂਅਕਿਚ੍ਚਸਮ੍ਮਤਤੋ વਾ ਨਿવਤ੍ਤਿਲਕ੍ਖਣਂ ਸੀਲਂ, ਤਂਤਂਸਮਾਦਾਨવਤੋ વੇਸਭੋਜਨਕਿਚ੍ਚਕਰਣਾਦਿવਿਸੇਸਪ੍ਪਟਿਪਤ੍ਤਿ વਤਂ। ਸਬ੍ਬਥਾਪਿ ਦੁਕ੍ਕਰਚਰਿਯਾ ਤਪੋ। ਮੇਥੁਨਾ વਿਰਤਿ ਬ੍ਰਹ੍ਮਚਰਿਯਨ੍ਤਿ ਏવਮ੍ਪੇਤ੍ਥ ਪਾਲ਼ਿવਣ੍ਣਨਾ વੇਦਿਤਬ੍ਬਾ। ਅਟ੍ਠਮਂ ਉਤ੍ਤਾਨਮੇવ।
Sañjagghatīti kilesavasena mahāhasitaṃ hasati. Saṃkīḷatīti kāyasaṃsaggavasena kīḷati. Saṃkelāyatīti sabbaso mātugāmaṃ kelāyanto viharati. Cakkhunāti attano cakkhunā. Cakkhunti mātugāmassa cakkhuṃ. Upanijjhāyatīti upecca nijjhāyati oloketi. Tirokuṭṭanti kuṭṭassa parato. Tathā tiropākāraṃ, ‘‘mattikāmayā bhitti kuṭṭaṃ, iṭṭhakāmayā pākāro’’ti vadanti. Yā kāci vā bhitti porisakā diyaḍḍharatanappamāṇā kuṭṭaṃ, tato adhiko pākāro. Assāti brahmacāripaṭiññassa. Pubbeti vatasamādānato pubbe. Kāmaguṇehīti kāmakoṭṭhāsehi. Samappitanti suṭṭhu appitaṃ sahitaṃ. Samaṅgibhūtanti samannāgataṃ. Paricārayamānanti kīḷantaṃ, upaṭṭhahiyamānaṃ vā. Paṇidhāyāti patthetvā. Sīlenātiādīsu yamaniyamādisamādānavasena sīlaṃ, avītikkamavasena vataṃ. Ubhayampi vā sīlaṃ, dukkaracariyavasena pavattitaṃ vataṃ. Taṃtaṃakiccasammatato vā nivattilakkhaṇaṃ sīlaṃ, taṃtaṃsamādānavato vesabhojanakiccakaraṇādivisesappaṭipatti vataṃ. Sabbathāpi dukkaracariyā tapo. Methunā virati brahmacariyanti evampettha pāḷivaṇṇanā veditabbā. Aṭṭhamaṃ uttānameva.
ਮੇਥੁਨਸੁਤ੍ਤਾਦਿવਣ੍ਣਨਾ ਨਿਟ੍ਠਿਤਾ।
Methunasuttādivaṇṇanā niṭṭhitā.
Related texts:
ਤਿਪਿਟਕ (ਮੂਲ) • Tipiṭaka (Mūla) / ਸੁਤ੍ਤਪਿਟਕ • Suttapiṭaka / ਅਙ੍ਗੁਤ੍ਤਰਨਿਕਾਯ • Aṅguttaranikāya
੭. ਮੇਥੁਨਸੁਤ੍ਤਂ • 7. Methunasuttaṃ
੮. ਸਂਯੋਗਸੁਤ੍ਤਂ • 8. Saṃyogasuttaṃ
ਅਟ੍ਠਕਥਾ • Aṭṭhakathā / ਸੁਤ੍ਤਪਿਟਕ (ਅਟ੍ਠਕਥਾ) • Suttapiṭaka (aṭṭhakathā) / ਅਙ੍ਗੁਤ੍ਤਰਨਿਕਾਯ (ਅਟ੍ਠਕਥਾ) • Aṅguttaranikāya (aṭṭhakathā)
੭. ਮੇਥੁਨਸੁਤ੍ਤવਣ੍ਣਨਾ • 7. Methunasuttavaṇṇanā
੮. ਸਂਯੋਗਸੁਤ੍ਤવਣ੍ਣਨਾ • 8. Saṃyogasuttavaṇṇanā
