| Library / Tipiṭaka / д̇ибидага • Tipiṭaka / ан̇г̇уд̇д̇аранигааяа • Aṅguttaranikāya |
7. мзт̇унасуд̇д̇ам̣
7. Methunasuttaṃ
50. ат̇а ко ж̇аан̣уссон̣и б̣раахман̣о язна бхаг̇аваа д̇знубасан̇гами; убасан̇гамид̇ваа бхаг̇авад̇аа сад̣̇д̇хим̣ саммод̣̇и. саммод̣̇анийяам̣ гат̇ам̣ сааран̣ийяам̣ вийд̇исаарзд̇ваа згаманд̇ам̣ нисийд̣̇и. згаманд̇ам̣ нисинно ко ж̇аан̣уссон̣и б̣раахман̣о бхаг̇аванд̇ам̣ зд̇ад̣̇авожа – ‘‘бхавамби но г̇од̇амо б̣рахмажаарий бадиж̇аанаад̇ий’’д̇и? ‘‘яан̃хи д̇ам̣, б̣раахман̣а, саммаа вад̣̇амаано вад̣̇зяяа – ‘акан̣д̣ам̣ ажчид̣̇д̣̇ам̣ асаб̣алам̣ агаммаасам̣ барибун̣н̣ам̣ барисуд̣̇д̇хам̣ б̣рахмажарияам̣ жарад̇ий’д̇и, мамзва д̇ам̣, б̣раахман̣а, саммаа вад̣̇амаано вад̣̇зяяа – ‘ахан̃хи, б̣раахман̣а, акан̣д̣ам̣ ажчид̣̇д̣̇ам̣ асаб̣алам̣ агаммаасам̣ барибун̣н̣ам̣ барисуд̣̇д̇хам̣ б̣рахмажарияам̣ жараамий’’’д̇и. ‘‘гим̣ бана, бхо г̇од̇ама, б̣рахмажарияасса кан̣д̣амби чид̣̇д̣̇амби саб̣аламби гаммаасамбий’’д̇и?
50. Atha kho jāṇussoṇi brāhmaṇo yena bhagavā tenupasaṅkami; upasaṅkamitvā bhagavatā saddhiṃ sammodi. Sammodanīyaṃ kathaṃ sāraṇīyaṃ vītisāretvā ekamantaṃ nisīdi. Ekamantaṃ nisinno kho jāṇussoṇi brāhmaṇo bhagavantaṃ etadavoca – ‘‘bhavampi no gotamo brahmacārī paṭijānātī’’ti? ‘‘Yañhi taṃ, brāhmaṇa, sammā vadamāno vadeyya – ‘akhaṇḍaṃ acchiddaṃ asabalaṃ akammāsaṃ paripuṇṇaṃ parisuddhaṃ brahmacariyaṃ caratī’ti, mameva taṃ, brāhmaṇa, sammā vadamāno vadeyya – ‘ahañhi, brāhmaṇa, akhaṇḍaṃ acchiddaṃ asabalaṃ akammāsaṃ paripuṇṇaṃ parisuddhaṃ brahmacariyaṃ carāmī’’’ti. ‘‘Kiṃ pana, bho gotama, brahmacariyassa khaṇḍampi chiddampi sabalampi kammāsampī’’ti?
‘‘ид̇ха, б̣раахман̣а, згажжо саман̣о ваа б̣раахман̣о ваа саммаа б̣рахмажаарий бадиж̇аанамаано на хзва ко маад̇уг̇аамзна сад̣̇д̇хим̣ д̣̇ваяам̣д̣̇ваяасамаабад̇д̇им̣ самаабаж̇ж̇ад̇и; аби жа ко маад̇уг̇аамасса ужчаад̣̇анабаримад̣̇д̣̇ананхаабанасамб̣ааханам̣ саад̣̇ияад̇и. со д̇ам̣ ассаад̣̇зд̇и 1, д̇ам̣ нигаамзд̇и, д̇зна жа вид̇д̇им̣ аабаж̇ж̇ад̇и. ид̣̇амби ко, б̣раахман̣а, б̣рахмажарияасса кан̣д̣амби чид̣̇д̣̇амби саб̣аламби гаммаасамби. аяам̣ вужжад̇и, б̣раахман̣а, абарисуд̣̇д̇хам̣ б̣рахмажарияам̣ жарад̇и, сам̣яуд̇д̇о мзт̇унзна сам̣яог̇зна на баримужжад̇и ж̇аад̇ияаа ж̇арааяа маран̣зна 2 согзхи барид̣̇звзхи д̣̇угкзхи д̣̇оманассзхи убааяаасзхи, на баримужжад̇и д̣̇угкасмаад̇и вад̣̇аами.
‘‘Idha, brāhmaṇa, ekacco samaṇo vā brāhmaṇo vā sammā brahmacārī paṭijānamāno na heva kho mātugāmena saddhiṃ dvayaṃdvayasamāpattiṃ samāpajjati; api ca kho mātugāmassa ucchādanaparimaddananhāpanasambāhanaṃ sādiyati. So taṃ assādeti 3, taṃ nikāmeti, tena ca vittiṃ āpajjati. Idampi kho, brāhmaṇa, brahmacariyassa khaṇḍampi chiddampi sabalampi kammāsampi. Ayaṃ vuccati, brāhmaṇa, aparisuddhaṃ brahmacariyaṃ carati, saṃyutto methunena saṃyogena na parimuccati jātiyā jarāya maraṇena 4 sokehi paridevehi dukkhehi domanassehi upāyāsehi, na parimuccati dukkhasmāti vadāmi.
‘‘буна жабарам̣, б̣раахман̣а, ид̇хзгажжо саман̣о ваа б̣раахман̣о ваа саммаа б̣рахмажаарий бадиж̇аанамаано на хзва ко маад̇уг̇аамзна сад̣̇д̇хим̣ д̣̇ваяам̣д̣̇ваяасамаабад̇д̇им̣ самаабаж̇ж̇ад̇и, наби маад̇уг̇аамасса ужчаад̣̇анабаримад̣̇д̣̇ананхаабанасамб̣ааханам̣ саад̣̇ияад̇и; аби жа ко маад̇уг̇аамзна сад̣̇д̇хим̣ сан̃ж̇аг̇гхад̇и сам̣гийл̣ад̇и сам̣гзлааяад̇и…бз… наби маад̇уг̇аамзна сад̣̇д̇хим̣ сан̃ж̇аг̇гхад̇и сам̣гийл̣ад̇и сам̣гзлааяад̇и; аби жа ко маад̇уг̇аамасса жагкунаа жагкум̣ убаниж̇жхааяад̇и бзгкад̇и…бз… наби маад̇уг̇аамасса жагкунаа жагкум̣ убаниж̇жхааяад̇и бзгкад̇и; аби жа ко маад̇уг̇аамасса сад̣̇д̣̇ам̣ сун̣аад̇и д̇ирогуддам̣ ваа д̇иробаагаарам̣ ваа хасанд̇ияаа ваа бхан̣анд̇ияаа ваа г̇ааяанд̇ияаа ваа род̣̇анд̇ияаа ваа…бз… наби маад̇уг̇аамасса сад̣̇д̣̇ам̣ сун̣аад̇и д̇ирогуддам̣ ваа д̇иробаагаарам̣ ваа хасанд̇ияаа ваа бхан̣анд̇ияаа ваа г̇ааяанд̇ияаа ваа род̣̇анд̇ияаа ваа; аби жа ко яаанисса д̇аани буб̣б̣з маад̇уг̇аамзна сад̣̇д̇хим̣ хасид̇алабид̇агийл̣ид̇аани д̇аани ануссарад̇и…бз… наби яаанисса д̇аани буб̣б̣з маад̇уг̇аамзна сад̣̇д̇хим̣ хасид̇алабид̇агийл̣ид̇аани д̇аани ануссарад̇и; аби жа ко бассад̇и г̇ахабад̇им̣ ваа г̇ахабад̇ибуд̇д̇ам̣ ваа бан̃жахи гаамаг̇ун̣зхи самаббид̇ам̣ саман̇г̇ийбхууд̇ам̣ барижаараяамаанам̣…бз… наби бассад̇и г̇ахабад̇им̣ ваа г̇ахабад̇ибуд̇д̇ам̣ ваа бан̃жахи гаамаг̇ун̣зхи самаббид̇ам̣ саман̇г̇ийбхууд̇ам̣ барижаараяамаанам̣; аби жа ко ан̃н̃ад̇арам̣ д̣̇званигааяам̣ бан̣ид̇хааяа б̣рахмажарияам̣ жарад̇и иминаахам̣ сийлзна ваа вад̇зна ваа д̇абзна ваа б̣рахмажариязна ваа д̣̇зво ваа бхависсаами д̣̇зван̃н̃ад̇аро ваад̇и. со д̇ам̣ ассаад̣̇зд̇и, д̇ам̣ нигаамзд̇и, д̇зна жа вид̇д̇им̣ аабаж̇ж̇ад̇и. ид̣̇амби ко, б̣раахман̣а, б̣рахмажарияасса кан̣д̣амби чид̣̇д̣̇амби саб̣аламби гаммаасамби. аяам̣ вужжад̇и, б̣раахман̣а, абарисуд̣̇д̇хам̣ б̣рахмажарияам̣ жарад̇и сам̣яуд̇д̇о мзт̇унзна сам̣яог̇зна, на баримужжад̇и ж̇аад̇ияаа ж̇арааяа маран̣зна согзхи барид̣̇звзхи д̣̇угкзхи д̣̇оманассзхи убааяаасзхи, на баримужжад̇и д̣̇угкасмаад̇и вад̣̇аами.
‘‘Puna caparaṃ, brāhmaṇa, idhekacco samaṇo vā brāhmaṇo vā sammā brahmacārī paṭijānamāno na heva kho mātugāmena saddhiṃ dvayaṃdvayasamāpattiṃ samāpajjati, napi mātugāmassa ucchādanaparimaddananhāpanasambāhanaṃ sādiyati; api ca kho mātugāmena saddhiṃ sañjagghati saṃkīḷati saṃkelāyati…pe… napi mātugāmena saddhiṃ sañjagghati saṃkīḷati saṃkelāyati; api ca kho mātugāmassa cakkhunā cakkhuṃ upanijjhāyati pekkhati…pe… napi mātugāmassa cakkhunā cakkhuṃ upanijjhāyati pekkhati; api ca kho mātugāmassa saddaṃ suṇāti tirokuṭṭaṃ vā tiropākāraṃ vā hasantiyā vā bhaṇantiyā vā gāyantiyā vā rodantiyā vā…pe… napi mātugāmassa saddaṃ suṇāti tirokuṭṭaṃ vā tiropākāraṃ vā hasantiyā vā bhaṇantiyā vā gāyantiyā vā rodantiyā vā; api ca kho yānissa tāni pubbe mātugāmena saddhiṃ hasitalapitakīḷitāni tāni anussarati…pe… napi yānissa tāni pubbe mātugāmena saddhiṃ hasitalapitakīḷitāni tāni anussarati; api ca kho passati gahapatiṃ vā gahapatiputtaṃ vā pañcahi kāmaguṇehi samappitaṃ samaṅgībhūtaṃ paricārayamānaṃ…pe… napi passati gahapatiṃ vā gahapatiputtaṃ vā pañcahi kāmaguṇehi samappitaṃ samaṅgībhūtaṃ paricārayamānaṃ; api ca kho aññataraṃ devanikāyaṃ paṇidhāya brahmacariyaṃ carati imināhaṃ sīlena vā vatena vā tapena vā brahmacariyena vā devo vā bhavissāmi devaññataro vāti. So taṃ assādeti, taṃ nikāmeti, tena ca vittiṃ āpajjati. Idampi kho, brāhmaṇa, brahmacariyassa khaṇḍampi chiddampi sabalampi kammāsampi. Ayaṃ vuccati, brāhmaṇa, aparisuddhaṃ brahmacariyaṃ carati saṃyutto methunena saṃyogena, na parimuccati jātiyā jarāya maraṇena sokehi paridevehi dukkhehi domanassehi upāyāsehi, na parimuccati dukkhasmāti vadāmi.
‘‘яаавагийван̃жаахам̣, б̣раахман̣а, имзсам̣ сад̇д̇аннам̣ мзт̇унасам̣яог̇аанам̣ ан̃н̃ад̇аран̃н̃ад̇арамзт̇унасам̣яог̇ам̣ 5 ад̇д̇ани аббахийнам̣ саманубассим̣, нзва д̇ааваахам̣, б̣раахман̣а, сад̣̇звагз логз самаарагз саб̣рахмагз сассаман̣аб̣раахман̣ияаа баж̇ааяа сад̣̇звамануссааяа ануд̇д̇арам̣ саммаасамб̣од̇хим̣ абхисамб̣уд̣̇д̇ход̇и бажжан̃н̃аасим̣ 6.
‘‘яад̇о жа кохам̣, б̣раахман̣а, имзсам̣ сад̇д̇аннам̣ мзт̇унасам̣яог̇аанам̣ ан̃н̃ад̇аран̃н̃ад̇арамзт̇унасам̣яог̇ам̣ ад̇д̇ани аббахийнам̣ на саманубассим̣, ат̇аахам̣, б̣раахман̣а, сад̣̇звагз логз самаарагз саб̣рахмагз сассаман̣аб̣раахман̣ияаа баж̇ааяа сад̣̇звамануссааяа ануд̇д̇арам̣ саммаасамб̣од̇хим̣ абхисамб̣уд̣̇д̇ход̇и бажжан̃н̃аасим̣. ‘н̃аан̣ан̃жа бана мз д̣̇ассанам̣ уд̣̇абаад̣̇и, агуббаа мз вимуд̇д̇и 9, аяаманд̇имаа ж̇аад̇и, над̇т̇и д̣̇аани бунаб̣бхаво’’’д̇и.
‘‘Yato ca khohaṃ, brāhmaṇa, imesaṃ sattannaṃ methunasaṃyogānaṃ aññataraññataramethunasaṃyogaṃ attani appahīnaṃ na samanupassiṃ, athāhaṃ, brāhmaṇa, sadevake loke samārake sabrahmake sassamaṇabrāhmaṇiyā pajāya sadevamanussāya anuttaraṃ sammāsambodhiṃ abhisambuddhoti paccaññāsiṃ. ‘Ñāṇañca pana me dassanaṃ udapādi, akuppā me vimutti 10, ayamantimā jāti, natthi dāni punabbhavo’’’ti.
звам̣ вуд̇д̇з ж̇аан̣уссон̣и б̣раахман̣о бхаг̇аванд̇ам̣ зд̇ад̣̇авожа – ‘‘абхигганд̇ам̣, бхо г̇од̇ама; абхигганд̇ам̣, бхо г̇од̇ама…бз… убаасагам̣ мам̣ бхавам̣ г̇од̇амо д̇хаарзд̇у аж̇ж̇ад̇аг̇г̇з баан̣убзд̇ам̣ саран̣ам̣ г̇ад̇а’’нд̇и. сад̇д̇амам̣.
Evaṃ vutte jāṇussoṇi brāhmaṇo bhagavantaṃ etadavoca – ‘‘abhikkantaṃ, bho gotama; abhikkantaṃ, bho gotama…pe… upāsakaṃ maṃ bhavaṃ gotamo dhāretu ajjatagge pāṇupetaṃ saraṇaṃ gata’’nti. Sattamaṃ.
Footnotes:
Related texts:
адтагат̇аа • Aṭṭhakathā / суд̇д̇абидага (адтагат̇аа) • Suttapiṭaka (aṭṭhakathā) / ан̇г̇уд̇д̇аранигааяа (адтагат̇аа) • Aṅguttaranikāya (aṭṭhakathā) / 7. мзт̇унасуд̇д̇аван̣н̣анаа • 7. Methunasuttavaṇṇanā
дийгаа • Tīkā / суд̇д̇абидага (дийгаа) • Suttapiṭaka (ṭīkā) / ан̇г̇уд̇д̇аранигааяа (дийгаа) • Aṅguttaranikāya (ṭīkā) / 7-8. мзт̇унасуд̇д̇аад̣̇иван̣н̣анаа • 7-8. Methunasuttādivaṇṇanā
