| Library / Tipiṭaka / д̇ибидага • Tipiṭaka / милинд̣̇абан̃хабаал̣и • Milindapañhapāḷi |
6. мзд̇д̇аабхааванаанисам̣сабан̃хо
6. Mettābhāvanānisaṃsapañho
6. ‘‘бханд̇з нааг̇асзна, бхаасид̇амбзд̇ам̣ бхаг̇авад̇аа ‘мзд̇д̇ааяа, бхигкавз, жзд̇овимуд̇д̇ияаа аасзвид̇ааяа бхаавид̇ааяа б̣ахулийгад̇ааяа яаанийгад̇ааяа вад̇т̇угад̇ааяа анудтид̇ааяа барижид̇ааяа сусамаарад̣̇д̇хааяа згаад̣̇асаанисам̣саа баадиган̇каа. гад̇амз згаад̣̇аса? сукам̣ субад̇и, сукам̣ бадиб̣уж̇жхад̇и , на баабагам̣ субинам̣ бассад̇и, мануссаанам̣ бияо ход̇и, амануссаанам̣ бияо ход̇и, д̣̇звад̇аа рагканд̇и, наасса аг̇г̇и ваа висам̣ ваа сад̇т̇ам̣ ваа гамад̇и 1, д̇увадам̣ жид̇д̇ам̣ самаад̇хияад̇и, мукаван̣н̣о виббасийд̣̇ад̇и, асаммуул̣хо гаалам̣ гарод̇и, уд̇д̇арим̣ аббадивиж̇жханд̇о б̣рахмалогуубаг̇о ход̇ий’д̇и. буна жа д̇умхз бхан̣ат̇а ‘саамо гумааро мзд̇д̇аавихаарий миг̇асан̇гхзна баривуд̇о баванз вижаранд̇о бийл̣ияагкзна ран̃н̃аа вид̣̇д̇хо висабийд̇зна саллзна д̇ад̇т̇зва мужчид̇о бад̇ид̇о’д̇и.
6. ‘‘Bhante nāgasena, bhāsitampetaṃ bhagavatā ‘mettāya, bhikkhave, cetovimuttiyā āsevitāya bhāvitāya bahulīkatāya yānīkatāya vatthukatāya anuṭṭhitāya paricitāya susamāraddhāya ekādasānisaṃsā pāṭikaṅkhā. Katame ekādasa? Sukhaṃ supati, sukhaṃ paṭibujjhati , na pāpakaṃ supinaṃ passati, manussānaṃ piyo hoti, amanussānaṃ piyo hoti, devatā rakkhanti, nāssa aggi vā visaṃ vā satthaṃ vā kamati 2, tuvaṭaṃ cittaṃ samādhiyati, mukhavaṇṇo vippasīdati, asammūḷho kālaṃ karoti, uttariṃ appaṭivijjhanto brahmalokūpago hotī’ti. Puna ca tumhe bhaṇatha ‘sāmo kumāro mettāvihārī migasaṅghena parivuto pavane vicaranto pīḷiyakkhena raññā viddho visapītena sallena tattheva mucchito patito’ti.
‘‘яад̣̇и , бханд̇з нааг̇асзна, бхаг̇авад̇аа бхан̣ид̇ам̣ ‘мзд̇д̇ааяа бхигкавз…бз… б̣рахмалогуубаг̇о ход̇ий’д̇и, д̇зна хи ‘‘саамо гумааро мзд̇д̇аавихаарий миг̇асан̇гхзна баривуд̇о баванз вижаранд̇о бийл̣ияагкзна ран̃н̃аа вид̣̇д̇хо висабийд̇зна саллзна д̇ад̇т̇зва мужчид̇о бад̇ид̇о’д̇и яам̣ важанам̣, д̇ам̣ мижчаа. яад̣̇и саамо гумааро мзд̇д̇аавихаарий миг̇асан̇гхзна баривуд̇о баванз вижаранд̇о бийл̣ияагкзна ран̃н̃аа вид̣̇д̇хо висабийд̇зна саллзна д̇ад̇т̇зва мужчид̇о бад̇ид̇о, д̇зна хи ‘мзд̇д̇ааяа, бхигкавз…бз… сад̇т̇ам̣ ваа гамад̇ий’д̇и д̇амби важанам̣ мижчаа. аяамби убхад̇о годиго бан̃хо сунибун̣о барисан̣хо сукумо г̇амбхийро, аби сунибун̣аанам̣ мануж̇аанам̣ г̇ад̇д̇з сзд̣̇ам̣ можзяяа, со д̇аваануббад̇д̇о, виж̇адзхи д̇ам̣ махааж̇адааж̇адид̇ам̣, анааг̇ад̇аанам̣ ж̇инабуд̇д̇аанам̣ жагкум̣ д̣̇зхи ниб̣б̣ааханааяаа’’д̇и.
‘‘Yadi , bhante nāgasena, bhagavatā bhaṇitaṃ ‘mettāya bhikkhave…pe… brahmalokūpago hotī’ti, tena hi ‘‘sāmo kumāro mettāvihārī migasaṅghena parivuto pavane vicaranto pīḷiyakkhena raññā viddho visapītena sallena tattheva mucchito patito’ti yaṃ vacanaṃ, taṃ micchā. Yadi sāmo kumāro mettāvihārī migasaṅghena parivuto pavane vicaranto pīḷiyakkhena raññā viddho visapītena sallena tattheva mucchito patito, tena hi ‘mettāya, bhikkhave…pe… satthaṃ vā kamatī’ti tampi vacanaṃ micchā. Ayampi ubhato koṭiko pañho sunipuṇo parisaṇho sukhumo gambhīro, api sunipuṇānaṃ manujānaṃ gatte sedaṃ moceyya, so tavānuppatto, vijaṭehi taṃ mahājaṭājaṭitaṃ, anāgatānaṃ jinaputtānaṃ cakkhuṃ dehi nibbāhanāyā’’ti.
‘‘бхаасид̇амбзд̇ам̣, махаарааж̇а, бхаг̇авад̇аа ‘мзд̇д̇ааяа бхигкавз…бз... сад̇т̇ам̣ ваа гамад̇ий’д̇и. саамо жа гумааро мзд̇д̇аавихаарий миг̇асан̇гхзна баривуд̇о баванз вижаранд̇о бийл̣ияагкзна ран̃н̃аа вид̣̇д̇хо висабийд̇зна саллзна д̇ад̇т̇зва мужчид̇о бад̇ид̇о, д̇ад̇т̇а бана, махаарааж̇а, гааран̣ам̣ ад̇т̇и. гад̇амам̣ д̇ад̇т̇а гааран̣ам̣? нзд̇з, махаарааж̇а, г̇ун̣аа буг̇г̇аласса, мзд̇д̇аабхааванааязд̇з г̇ун̣аа, саамо, махаарааж̇а, гумааро гхадам̣ угкибанд̇о д̇асмим̣ кан̣з мзд̇д̇аабхааванааяа бамад̇д̇о ахоси.
‘‘Bhāsitampetaṃ, mahārāja, bhagavatā ‘mettāya bhikkhave…pe... satthaṃ vā kamatī’ti. Sāmo ca kumāro mettāvihārī migasaṅghena parivuto pavane vicaranto pīḷiyakkhena raññā viddho visapītena sallena tattheva mucchito patito, tattha pana, mahārāja, kāraṇaṃ atthi. Katamaṃ tattha kāraṇaṃ? Nete, mahārāja, guṇā puggalassa, mettābhāvanāyete guṇā, sāmo, mahārāja, kumāro ghaṭaṃ ukkhipanto tasmiṃ khaṇe mettābhāvanāya pamatto ahosi.
‘‘яасмим̣, махаарааж̇а, кан̣з буг̇г̇ало мзд̇д̇ам̣ самаабанно ход̇и, на д̇асса буг̇г̇аласса д̇асмим̣ кан̣з аг̇г̇и ваа висам̣ ваа сад̇т̇ам̣ ваа гамад̇и. д̇асса яз гзжи ахид̇агаамаа убаг̇анд̇ваа д̇ам̣ на бассанд̇и, на д̇асмим̣ огаасам̣ лабханд̇и. нзд̇з, махаарааж̇а, г̇ун̣аа буг̇г̇аласса, мзд̇д̇аабхааванааязд̇з г̇ун̣аа. ид̇ха, махаарааж̇а, бурисо сан̇г̇аамасууро абхзж̇ж̇агаважаж̇аалигам̣ саннаяхид̇ваа сан̇г̇аамам̣ од̇арзяяа, д̇асса сараа кид̇д̇аа убаг̇анд̇ваа бад̇анд̇и вигиранд̇и, на д̇асмим̣ огаасам̣ лабханд̇и, нзсо, махаарааж̇а, г̇ун̣о сан̇г̇аамасуурасса, абхзж̇ж̇агаважаж̇аалигааязсо г̇ун̣о, яасса сараа кид̇д̇аа убаг̇анд̇ваа бад̇анд̇и вигиранд̇и. звамзва ко, махаарааж̇а, нзд̇з г̇ун̣аа буг̇г̇аласса, мзд̇д̇аабхааванааязд̇з г̇ун̣аа.
‘‘Yasmiṃ, mahārāja, khaṇe puggalo mettaṃ samāpanno hoti, na tassa puggalassa tasmiṃ khaṇe aggi vā visaṃ vā satthaṃ vā kamati. Tassa ye keci ahitakāmā upagantvā taṃ na passanti, na tasmiṃ okāsaṃ labhanti. Nete, mahārāja, guṇā puggalassa, mettābhāvanāyete guṇā. Idha, mahārāja, puriso saṅgāmasūro abhejjakavacajālikaṃ sannayhitvā saṅgāmaṃ otareyya, tassa sarā khittā upagantvā patanti vikiranti, na tasmiṃ okāsaṃ labhanti, neso, mahārāja, guṇo saṅgāmasūrassa, abhejjakavacajālikāyeso guṇo, yassa sarā khittā upagantvā patanti vikiranti. Evameva kho, mahārāja, nete guṇā puggalassa, mettābhāvanāyete guṇā.
‘‘яасмим̣ , махаарааж̇а, кан̣з буг̇г̇ало мзд̇д̇ам̣ самаабанно ход̇и, на д̇асса буг̇г̇аласса д̇асмим̣ кан̣з аг̇г̇и ваа висам̣ ваа сад̇т̇ам̣ ваа гамад̇и. д̇асса яз гзжи ахид̇агаамаа убаг̇анд̇ваа д̇ам̣ на бассанд̇и, д̇асмим̣ огаасам̣ на лабханд̇и, нзд̇з , махаарааж̇а, г̇ун̣аа буг̇г̇аласса, мзд̇д̇аабхааванааязд̇з г̇ун̣аа. ид̇ха бана, махаарааж̇а, бурисо д̣̇иб̣б̣ам̣ анд̇арад̇хаанам̣ муулам̣ хад̇т̇з гарзяяа, яаава д̇ам̣ муулам̣ д̇асса хад̇т̇аг̇ад̇ам̣ ход̇и, д̇аава на ан̃н̃о гожи багад̇имануссо д̇ам̣ бурисам̣ бассад̇и. нзсо, махаарааж̇а, г̇ун̣о бурисасса, муулассзсо г̇ун̣о анд̇арад̇хаанасса, яам̣ со багад̇имануссаанам̣ жагкубат̇з на д̣̇иссад̇и. звамзва ко, махаарааж̇а, нзд̇з г̇ун̣аа буг̇г̇аласса, мзд̇д̇аабхааванааязд̇з г̇ун̣аа.
‘‘Yasmiṃ , mahārāja, khaṇe puggalo mettaṃ samāpanno hoti, na tassa puggalassa tasmiṃ khaṇe aggi vā visaṃ vā satthaṃ vā kamati. Tassa ye keci ahitakāmā upagantvā taṃ na passanti, tasmiṃ okāsaṃ na labhanti, nete , mahārāja, guṇā puggalassa, mettābhāvanāyete guṇā. Idha pana, mahārāja, puriso dibbaṃ antaradhānaṃ mūlaṃ hatthe kareyya, yāva taṃ mūlaṃ tassa hatthagataṃ hoti, tāva na añño koci pakatimanusso taṃ purisaṃ passati. Neso, mahārāja, guṇo purisassa, mūlasseso guṇo antaradhānassa, yaṃ so pakatimanussānaṃ cakkhupathe na dissati. Evameva kho, mahārāja, nete guṇā puggalassa, mettābhāvanāyete guṇā.
‘‘яасмим̣, махаарааж̇а, кан̣з буг̇г̇ало мзд̇д̇ам̣ самаабанно ход̇и, на д̇асса буг̇г̇аласса д̇асмим̣ кан̣з аг̇г̇и ваа висам̣ ваа сад̇т̇ам̣ ваа гамад̇и. д̇асса яз гзжи ахид̇агаамаа убаг̇анд̇ваа д̇ам̣ на бассанд̇и, на д̇асмим̣ огаасам̣ лабханд̇и. нзд̇з, махаарааж̇а, г̇ун̣аа буг̇г̇аласса, мзд̇д̇аабхааванааязд̇з г̇ун̣аа. яат̇аа ваа бана, махаарааж̇а, бурисам̣ сугад̇ам̣ махаалзн̣амануббавидтам̣ махад̇имахаамзгхо абхивассанд̇о на саггод̇и д̇змаяид̇ум̣, нзсо, махаарааж̇а, г̇ун̣о бурисасса, махаалзн̣ассзсо г̇ун̣о, яам̣ махаамзгхо абхивассамаано на д̇ам̣ д̇змзд̇и. звамзва ко, махаарааж̇а, нзд̇з г̇ун̣аа буг̇г̇аласса, мзд̇д̇аабхааванааязд̇з г̇ун̣аа.
‘‘Yasmiṃ, mahārāja, khaṇe puggalo mettaṃ samāpanno hoti, na tassa puggalassa tasmiṃ khaṇe aggi vā visaṃ vā satthaṃ vā kamati. Tassa ye keci ahitakāmā upagantvā taṃ na passanti, na tasmiṃ okāsaṃ labhanti. Nete, mahārāja, guṇā puggalassa, mettābhāvanāyete guṇā. Yathā vā pana, mahārāja, purisaṃ sukataṃ mahāleṇamanuppaviṭṭhaṃ mahatimahāmegho abhivassanto na sakkoti temayituṃ, neso, mahārāja, guṇo purisassa, mahāleṇasseso guṇo, yaṃ mahāmegho abhivassamāno na taṃ temeti. Evameva kho, mahārāja, nete guṇā puggalassa, mettābhāvanāyete guṇā.
‘‘яасмим̣, махаарааж̇а, кан̣з буг̇г̇ало мзд̇д̇ам̣ самаабанно ход̇и, на д̇асса буг̇г̇аласса д̇асмим̣ кан̣з аг̇г̇и ваа висам̣ ваа сад̇т̇ам̣ ваа гамад̇и. д̇асса яз гзжи ахид̇агаамаа убаг̇анд̇ваа д̇ам̣ на бассанд̇и, на д̇асса саггонд̇и ахид̇ам̣ гаад̇ум̣ нзд̇з, махаарааж̇а, г̇ун̣аа буг̇г̇аласса, мзд̇д̇аабхааванааязд̇з г̇ун̣аа’’д̇и. ‘‘ажчарияам̣, бханд̇з нааг̇асзна, аб̣бхуд̇ам̣ бханд̇з нааг̇асзна, саб̣б̣абаабанивааран̣аа мзд̇д̇аабхааванаа’’д̇и. ‘‘саб̣б̣агусалаг̇ун̣аавахаа, махаарааж̇а, мзд̇д̇аабхааванаа хид̇аанамби ахид̇аанамби, яз д̇з сад̇д̇аа вин̃н̃аан̣аб̣ад̣̇д̇хаа, саб̣б̣зсам̣ махаанисам̣саа мзд̇д̇аабхааванаа сам̣вибхаж̇ид̇аб̣б̣аа’’д̇и.
‘‘Yasmiṃ, mahārāja, khaṇe puggalo mettaṃ samāpanno hoti, na tassa puggalassa tasmiṃ khaṇe aggi vā visaṃ vā satthaṃ vā kamati. Tassa ye keci ahitakāmā upagantvā taṃ na passanti, na tassa sakkonti ahitaṃ kātuṃ nete, mahārāja, guṇā puggalassa, mettābhāvanāyete guṇā’’ti. ‘‘Acchariyaṃ, bhante nāgasena, abbhutaṃ bhante nāgasena, sabbapāpanivāraṇā mettābhāvanā’’ti. ‘‘Sabbakusalaguṇāvahā, mahārāja, mettābhāvanā hitānampi ahitānampi, ye te sattā viññāṇabaddhā, sabbesaṃ mahānisaṃsā mettābhāvanā saṃvibhajitabbā’’ti.
мзд̇д̇аабхааванаанисам̣сабан̃хо чадто.
Mettābhāvanānisaṃsapañho chaṭṭho.
Footnotes:
