| Library / Tipiṭaka / তিপিটক • Tipiṭaka / ইতিৰুত্তকপাল়ি • Itivuttakapāḷi |
৭. মেত্তাভাৰনাসুত্তং
7. Mettābhāvanāsuttaṃ
২৭. ৰুত্তঞ্হেতং ভগৰতা, ৰুত্তমরহতাতি মে সুতং –
27. Vuttañhetaṃ bhagavatā, vuttamarahatāti me sutaṃ –
‘‘যানি কানিচি, ভিক্খৰে, ওপধিকানি পুঞ্ঞকিরিযৰত্থূনি সব্বানি তানি মেত্তায চেতোৰিমুত্তিযা কলং নাগ্ঘন্তি সোল়সিং। মেত্তাযেৰ তানি চেতোৰিমুত্তি অধিগ্গহেত্ৰা ভাসতে চ তপতে চ ৰিরোচতি চ।
‘‘Yāni kānici, bhikkhave, opadhikāni puññakiriyavatthūni sabbāni tāni mettāya cetovimuttiyā kalaṃ nāgghanti soḷasiṃ. Mettāyeva tāni cetovimutti adhiggahetvā bhāsate ca tapate ca virocati ca.
‘‘সেয্যথাপি, ভিক্খৰে, যা কাচি তারকরূপানং পভা সব্বা তা চন্দিযা পভায কলং নাগ্ঘন্তি সোল়সিং, চন্দপভাযেৰ তা অধিগ্গহেত্ৰা ভাসতে চ তপতে চ ৰিরোচতি চ; এৰমেৰ খো, ভিক্খৰে, যানি কানিচি ওপধিকানি পুঞ্ঞকিরিযৰত্থূনি সব্বানি তানি মেত্তায চেতোৰিমুত্তিযা কলং নাগ্ঘন্তি সোল়সিং, মেত্তাযেৰ তানি চেতোৰিমুত্তি অধিগ্গহেত্ৰা ভাসতে চ তপতে চ ৰিরোচতি চ।
‘‘Seyyathāpi, bhikkhave, yā kāci tārakarūpānaṃ pabhā sabbā tā candiyā pabhāya kalaṃ nāgghanti soḷasiṃ, candapabhāyeva tā adhiggahetvā bhāsate ca tapate ca virocati ca; evameva kho, bhikkhave, yāni kānici opadhikāni puññakiriyavatthūni sabbāni tāni mettāya cetovimuttiyā kalaṃ nāgghanti soḷasiṃ, mettāyeva tāni cetovimutti adhiggahetvā bhāsate ca tapate ca virocati ca.
‘‘সেয্যথাপি, ভিক্খৰে, ৰস্সানং পচ্ছিমে মাসে সরদসমযে ৰিদ্ধে ৰিগতৰলাহকে দেৰে 1 আদিচ্চো নভং অব্ভুস্সক্কমানো 2 সব্বং আকাসগতং 3 তমগতং অভিৰিহচ্চ 4 ভাসতে চ তপতে চ ৰিরোচতি চ; এৰমেৰ খো, ভিক্খৰে, যানি কানিচি ওপধিকানি পুঞ্ঞকিরিযৰত্থূনি সব্বানি তানি মেত্তায চেতোৰিমুত্তিযা কলং নাগ্ঘন্তি সোল়সিং, মেত্তাযেৰ তানি চেতোৰিমুত্তি অধিগ্গহেত্ৰা ভাসতে চ তপতে চ ৰিরোচতি চ।
‘‘Seyyathāpi, bhikkhave, vassānaṃ pacchime māse saradasamaye viddhe vigatavalāhake deve 5 ādicco nabhaṃ abbhussakkamāno 6 sabbaṃ ākāsagataṃ 7 tamagataṃ abhivihacca 8 bhāsate ca tapate ca virocati ca; evameva kho, bhikkhave, yāni kānici opadhikāni puññakiriyavatthūni sabbāni tāni mettāya cetovimuttiyā kalaṃ nāgghanti soḷasiṃ, mettāyeva tāni cetovimutti adhiggahetvā bhāsate ca tapate ca virocati ca.
‘‘সেয্যথাপি , ভিক্খৰে, রত্তিযা পচ্চূসসমযং ওসধিতারকা ভাসতে চ তপতে চ ৰিরোচতি চ; এৰমেৰ খো, ভিক্খৰে, যানি কানিচি ওপধিকানি পুঞ্ঞকিরিযৰত্থূনি সব্বানি তানি মেত্তায চেতোৰিমুত্তিযা কলং নাগ্ঘন্তি সোল়সিং , মেত্তাযেৰ তানি চেতোৰিমুত্তি অধিগ্গহেত্ৰা ভাসতে চ তপতে চ ৰিরোচতি চা’’তি। এতমত্থং ভগৰা অৰোচ। তত্থেতং ইতি ৰুচ্চতি –
‘‘Seyyathāpi , bhikkhave, rattiyā paccūsasamayaṃ osadhitārakā bhāsate ca tapate ca virocati ca; evameva kho, bhikkhave, yāni kānici opadhikāni puññakiriyavatthūni sabbāni tāni mettāya cetovimuttiyā kalaṃ nāgghanti soḷasiṃ , mettāyeva tāni cetovimutti adhiggahetvā bhāsate ca tapate ca virocati cā’’ti. Etamatthaṃ bhagavā avoca. Tatthetaṃ iti vuccati –
‘‘যো চ মেত্তং ভাৰযতি, অপ্পমাণং পটিস্সতো।
‘‘Yo ca mettaṃ bhāvayati, appamāṇaṃ paṭissato;
‘‘একম্পি চে পাণমদুট্ঠচিত্তো, মেত্তাযতি কুসলো তেন হোতি।
‘‘Ekampi ce pāṇamaduṭṭhacitto, mettāyati kusalo tena hoti;
সব্বে চ পাণে মনসানুকম্পং, পহূতমরিযো পকরোতি পুঞ্ঞং॥
Sabbe ca pāṇe manasānukampaṃ, pahūtamariyo pakaroti puññaṃ.
অস্সমেধং পুরিসমেধং, সম্মাপাসং ৰাজপেয্যং নিরগ্গল়ং॥
Assamedhaṃ purisamedhaṃ, sammāpāsaṃ vājapeyyaṃ niraggaḷaṃ.
‘‘মেত্তস্স চিত্তস্স সুভাৰিতস্স, কলম্পি তে নানুভৰন্তি সোল়সিং।
‘‘Mettassa cittassa subhāvitassa, kalampi te nānubhavanti soḷasiṃ;
চন্দপ্পভা তারগণাৰ সব্বে॥
Candappabhā tāragaṇāva sabbe.
‘‘যো ন হন্তি ন ঘাতেতি, ন জিনাতি ন জাপযে।
‘‘Yo na hanti na ghāteti, na jināti na jāpaye;
মেত্তংসো সব্বভূতেসু, ৰেরং তস্স ন কেনচী’’তি॥
Mettaṃso sabbabhūtesu, veraṃ tassa na kenacī’’ti.
অযম্পি অত্থো ৰুত্তো ভগৰতা, ইতি মে সুতন্তি। সত্তমং।
Ayampi attho vutto bhagavatā, iti me sutanti. Sattamaṃ.
ততিযো ৰগ্গো নিট্ঠিতো।
Tatiyo vaggo niṭṭhito.
তস্সুদ্দানং –
Tassuddānaṃ –
চিত্তং মেত্তং 15 উভো অত্থে, পুঞ্জং ৰেপুল্লপব্বতং।
Cittaṃ mettaṃ 16 ubho atthe, puñjaṃ vepullapabbataṃ;
একধম্মেসু সুত্তন্তা, সত্তৰীসতিসঙ্গহাতি॥
Ekadhammesu suttantā, sattavīsatisaṅgahāti.
এককনিপাতো নিট্ঠিতো।
Ekakanipāto niṭṭhito.
Footnotes:
Related texts:
অট্ঠকথা • Aṭṭhakathā / সুত্তপিটক (অট্ঠকথা) • Suttapiṭaka (aṭṭhakathā) / খুদ্দকনিকায (অট্ঠকথা) • Khuddakanikāya (aṭṭhakathā) / ইতিৰুত্তক-অট্ঠকথা • Itivuttaka-aṭṭhakathā / ৭. মেত্তাভাৰনাসুত্তৰণ্ণনা • 7. Mettābhāvanāsuttavaṇṇanā
