| Library / Tipiṭaka / д̇ибидага • Tipiṭaka / жуул̣анид̣̇д̣̇зсабаал̣и • Cūḷaniddesapāḷi |
4. мзд̇д̇аг̇уумаан̣авабужчаа
4. Mettagūmāṇavapucchā
74.
74.
‘‘бужчаами д̇ам̣ бхаг̇аваа б̣руухи мзд̇ам̣, [ижжааяасмаа мзд̇д̇аг̇уу]
‘‘Pucchāmi taṃ bhagavā brūhi metaṃ, [iccāyasmā mettagū]
ман̃н̃аами д̇ам̣ взд̣̇аг̇ум̣ бхаавид̇ад̇д̇ам̣;
Maññāmi taṃ vedaguṃ bhāvitattaṃ;
гуд̇о ну д̣̇угкаа самуд̣̇ааг̇ад̇аа имз, яз гзжи логасмиманзгаруубаа’’.
Kuto nu dukkhā samudāgatā ime, ye keci lokasmimanekarūpā’’.
75.
75.
‘‘д̣̇угкасса вз мам̣ бабхавам̣ абужчаси, [мзд̇д̇аг̇ууд̇и бхаг̇аваа]
‘‘Dukkhassa ve maṃ pabhavaṃ apucchasi, [mettagūti bhagavā]
д̇ам̣ д̇з бавагкаами яат̇аа баж̇аанам̣;
Taṃ te pavakkhāmi yathā pajānaṃ;
убад̇хинид̣̇аанаа бабхаванд̇и д̣̇угкаа, яз гзжи логасмиманзгаруубаа.
Upadhinidānā pabhavanti dukkhā, ye keci lokasmimanekarūpā.
76.
76.
‘‘яо вз авид̣̇ваа убад̇хим̣ гарод̇и, бунаббунам̣ д̣̇угкамубзд̇и манд̣̇о;
‘‘Yo ve avidvā upadhiṃ karoti, punappunaṃ dukkhamupeti mando;
д̇асмаа баж̇аанам̣ убад̇хим̣ на гаяираа, д̣̇угкасса ж̇аад̇иббабхаваанубассий’’.
Tasmā pajānaṃ upadhiṃ na kayirā, dukkhassa jātippabhavānupassī’’.
77.
77.
‘‘яам̣ д̇ам̣ абужчимха агид̇д̇аяий но, ан̃н̃ам̣ д̇ам̣ бужчаама д̇ад̣̇ин̇гха б̣руухи;
‘‘Yaṃ taṃ apucchimha akittayī no, aññaṃ taṃ pucchāma tadiṅgha brūhi;
‘гат̇ам̣ ну д̇хийраа вид̇аранд̇и огхам̣, ж̇аад̇им̣ ж̇арам̣ согабарид̣̇д̣̇аван̃жа’;
‘Kathaṃ nu dhīrā vitaranti oghaṃ, jātiṃ jaraṃ sokapariddavañca’;
д̇ам̣ мз муни саад̇ху вияаагарохи, д̇ат̇аа хи д̇з вид̣̇ид̇о зса д̇хаммо’’.
Taṃ me muni sādhu viyākarohi, tathā hi te vidito esa dhammo’’.
78.
78.
‘‘гид̇д̇аяиссаами д̇з д̇хаммам̣, [мзд̇д̇аг̇ууд̇и бхаг̇аваа]
‘‘Kittayissāmi te dhammaṃ, [mettagūti bhagavā]
д̣̇идтз д̇хаммз анийд̇ихам̣;
Diṭṭhe dhamme anītihaṃ;
яам̣ вид̣̇ид̇ваа сад̇о жарам̣, д̇арз логз висад̇д̇игам̣’’.
Yaṃ viditvā sato caraṃ, tare loke visattikaṃ’’.
79.
79.
‘‘д̇ан̃жаахам̣ абхинанд̣̇аами, махзси д̇хаммамуд̇д̇амам̣;
‘‘Tañcāhaṃ abhinandāmi, mahesi dhammamuttamaṃ;
яам̣ вид̣̇ид̇ваа сад̇о жарам̣, д̇арз логз висад̇д̇игам̣’’.
Yaṃ viditvā sato caraṃ, tare loke visattikaṃ’’.
80.
80.
‘‘яам̣ гин̃жи самбаж̇аанааси, [мзд̇д̇аг̇ууд̇и бхаг̇аваа]
‘‘Yaṃ kiñci sampajānāsi, [mettagūti bhagavā]
уд̣̇д̇хам̣ ад̇хо д̇ирияан̃жааби маж̇жхз;
Uddhaṃ adho tiriyañcāpi majjhe;
зд̇зсу нанд̣̇ин̃жа нивзсанан̃жа, бануж̇ж̇а вин̃н̃аан̣ам̣ бхавз на д̇идтз.
Etesu nandiñca nivesanañca, panujja viññāṇaṃ bhave na tiṭṭhe.
81.
81.
‘‘звам̣вихаарий сад̇о аббамад̇д̇о, бхигку жарам̣ хид̇ваа мамааяид̇аани;
‘‘Evaṃvihārī sato appamatto, bhikkhu caraṃ hitvā mamāyitāni;
ж̇аад̇им̣ ж̇арам̣ согабарид̣̇д̣̇аван̃жа, ид̇хзва вид̣̇ваа баж̇ахзяяа д̣̇угкам̣’’.
Jātiṃ jaraṃ sokapariddavañca, idheva vidvā pajaheyya dukkhaṃ’’.
82.
82.
‘‘зд̇аабхинанд̣̇аами важо махзсино, сугид̇д̇ид̇ам̣ г̇од̇амануубад̇хийгам̣;
‘‘Etābhinandāmi vaco mahesino, sukittitaṃ gotamanūpadhīkaṃ;
ад̣̇д̇хаа хи бхаг̇аваа бахааси д̣̇угкам̣, д̇ат̇аа хи д̇з вид̣̇ид̇о зса д̇хаммо.
Addhā hi bhagavā pahāsi dukkhaṃ, tathā hi te vidito esa dhammo.
83.
83.
‘‘д̇з жааби нуунаббаж̇ахзяяу д̣̇угкам̣, яз д̇вам̣ муни адтид̇ам̣ овад̣̇зяяа;
‘‘Te cāpi nūnappajaheyyu dukkhaṃ, ye tvaṃ muni aṭṭhitaṃ ovadeyya;
д̇ам̣ д̇ам̣ намассаами самзжжа нааг̇а, аббзва мам̣ бхаг̇аваа адтид̇ам̣ овад̣̇зяяа’’.
Taṃ taṃ namassāmi samecca nāga, appeva maṃ bhagavā aṭṭhitaṃ ovadeyya’’.
84.
84.
‘‘яам̣ б̣раахман̣ам̣ взд̣̇аг̇умаабхиж̇ан̃н̃аа, агин̃жанам̣ гаамабхавз асад̇д̇ам̣;
‘‘Yaṃ brāhmaṇaṃ vedagumābhijaññā, akiñcanaṃ kāmabhave asattaṃ;
ад̣̇д̇хаа хи со огхамимам̣ ад̇аари, д̇ин̣н̣о жа баарам̣ акило аган̇ко.
Addhā hi so oghamimaṃ atāri, tiṇṇo ca pāraṃ akhilo akaṅkho.
85.
85.
‘‘вид̣̇ваа жа яо взд̣̇аг̇уу наро ид̇ха, бхаваабхавз сан̇г̇амимам̣ висаж̇ж̇а;
‘‘Vidvā ca yo vedagū naro idha, bhavābhave saṅgamimaṃ visajja;
со вийд̇ад̇ан̣хо анийгхо нираасо, ад̇аари со ж̇аад̇иж̇аранд̇и б̣руумий’’д̇и.
So vītataṇho anīgho nirāso, atāri so jātijaranti brūmī’’ti.
мзд̇д̇аг̇уумаан̣авабужчаа жад̇уд̇т̇ий.
Mettagūmāṇavapucchā catutthī.
Related texts:
адтагат̇аа • Aṭṭhakathā / суд̇д̇абидага (адтагат̇аа) • Suttapiṭaka (aṭṭhakathā) / куд̣̇д̣̇аганигааяа (адтагат̇аа) • Khuddakanikāya (aṭṭhakathā) / жуул̣анид̣̇д̣̇зса-адтагат̇аа • Cūḷaniddesa-aṭṭhakathā / 4. мзд̇д̇аг̇уумаан̣авасуд̇д̇анид̣̇д̣̇зсаван̣н̣анаа • 4. Mettagūmāṇavasuttaniddesavaṇṇanā
