| Library / Tipiṭaka / д̇ибидага • Tipiṭaka / жуул̣анид̣̇д̣̇зсабаал̣и • Cūḷaniddesapāḷi |
4. мзд̇д̇аг̇уумаан̣авабужчаанид̣̇д̣̇зсо
4. Mettagūmāṇavapucchāniddeso
18.
18.
бужчаами д̇ам̣ бхаг̇аваа б̣руухи мзд̇ам̣, [ижжааяасмаа мзд̇д̇аг̇уу]
Pucchāmitaṃ bhagavā brūhi metaṃ, [iccāyasmā mettagū]
ман̃н̃аами д̇ам̣ взд̣̇аг̇уу бхаавид̇ад̇д̇ам̣;
Maññāmi taṃ vedagū bhāvitattaṃ;
гуд̇о ну д̣̇угкаа самуд̣̇ааг̇ад̇аа имз, яз гзжи логасмиманзгаруубаа.
Kuto nu dukkhā samudāgatā ime, ye keci lokasmimanekarūpā.
бужчаами д̇ам̣ бхаг̇аваа б̣руухи мзд̇анд̇и. бужчаамийд̇и д̇иссо бужчаа – ад̣̇идтаж̇од̇анаа бужчаа, д̣̇идтасам̣санд̣̇анаа бужчаа, вимад̇ижчзд̣̇анаа бужчаа. гад̇амаа ад̣̇идтаж̇од̇анаа бужчаа? багад̇ияаа лагкан̣ам̣ ан̃н̃аад̇ам̣ ход̇и ад̣̇идтам̣ ад̇улид̇ам̣ ад̇ийрид̇ам̣ авибхууд̇ам̣ авибхаавид̇ам̣. д̇асса н̃аан̣ааяа д̣̇ассанааяа д̇уланааяа д̇ийран̣ааяа вибхууд̇ад̇т̇ааяа вибхааванад̇т̇ааяа бан̃хам̣ бужчад̇и – аяам̣ ад̣̇идтаж̇од̇анаа бужчаа.
Pucchāmitaṃ bhagavā brūhi metanti. Pucchāmīti tisso pucchā – adiṭṭhajotanā pucchā, diṭṭhasaṃsandanā pucchā, vimaticchedanā pucchā. Katamā adiṭṭhajotanā pucchā? Pakatiyā lakkhaṇaṃ aññātaṃ hoti adiṭṭhaṃ atulitaṃ atīritaṃ avibhūtaṃ avibhāvitaṃ. Tassa ñāṇāya dassanāya tulanāya tīraṇāya vibhūtatthāya vibhāvanatthāya pañhaṃ pucchati – ayaṃ adiṭṭhajotanā pucchā.
гад̇амаа д̣̇идтасам̣санд̣̇анаа бужчаа? багад̇ияаа лагкан̣ам̣ н̃аад̇ам̣ ход̇и д̣̇идтам̣ д̇улид̇ам̣ д̇ийрид̇ам̣ вибхууд̇ам̣ вибхаавид̇ам̣. ан̃н̃зхи бан̣д̣ид̇зхи сад̣̇д̇хим̣ сам̣санд̣̇анад̇т̇ааяа бан̃хам̣ бужчад̇и – аяам̣ д̣̇идтасам̣санд̣̇анаа бужчаа.
Katamā diṭṭhasaṃsandanā pucchā? Pakatiyā lakkhaṇaṃ ñātaṃ hoti diṭṭhaṃ tulitaṃ tīritaṃ vibhūtaṃ vibhāvitaṃ. Aññehi paṇḍitehi saddhiṃ saṃsandanatthāya pañhaṃ pucchati – ayaṃ diṭṭhasaṃsandanā pucchā.
гад̇амаа вимад̇ижчзд̣̇анаа бужчаа? багад̇ияаа сам̣саяабагканд̣̇о ход̇и вимад̇ибагканд̣̇о д̣̇взл̣хагаж̇аад̇о – ‘‘звам̣ ну ко, на ну ко, гим̣ ну ко, гат̇ам̣ ну ко’’д̇и? со вимад̇ижчзд̣̇анад̇т̇ааяа бан̃хам̣ бужчад̇и – аяам̣ вимад̇ижчзд̣̇анаа бужчаа. имаа д̇иссо бужчаа.
Katamā vimaticchedanā pucchā? Pakatiyā saṃsayapakkhando hoti vimatipakkhando dveḷhakajāto – ‘‘evaṃ nu kho, na nu kho, kiṃ nu kho, kathaṃ nu kho’’ti? So vimaticchedanatthāya pañhaṃ pucchati – ayaṃ vimaticchedanā pucchā. Imā tisso pucchā.
абарааби д̇иссо бужчаа – мануссабужчаа, амануссабужчаа, ниммид̇абужчаа. гад̇амаа мануссабужчаа? мануссаа б̣уд̣̇д̇хам̣ бхаг̇аванд̇ам̣ убасан̇гамид̇ваа бан̃хам̣ бужчанд̇и, бхигкуу бужчанд̇и, бхигкунияо бужчанд̇и, убаасагаа бужчанд̇и, убаасигааяо бужчанд̇и, рааж̇аано бужчанд̇и кад̇д̇ияаа бужчанд̇и, б̣раахман̣аа бужчанд̇и, взссаа бужчанд̇и, суд̣̇д̣̇аа бужчанд̇и, г̇ахадтаа бужчанд̇и, баб̣б̣аж̇ид̇аа бужчанд̇и – аяам̣ мануссабужчаа.
Aparāpi tisso pucchā – manussapucchā, amanussapucchā, nimmitapucchā. Katamā manussapucchā? Manussā buddhaṃ bhagavantaṃ upasaṅkamitvā pañhaṃ pucchanti, bhikkhū pucchanti, bhikkhuniyo pucchanti, upāsakā pucchanti, upāsikāyo pucchanti, rājāno pucchanti khattiyā pucchanti, brāhmaṇā pucchanti, vessā pucchanti, suddā pucchanti, gahaṭṭhā pucchanti, pabbajitā pucchanti – ayaṃ manussapucchā.
гад̇амаа амануссабужчаа? амануссаа б̣уд̣̇д̇хам̣ бхаг̇аванд̇ам̣ убасан̇гамид̇ваа бан̃хам̣ бужчанд̇и, нааг̇аа бужчанд̇и, субан̣н̣аа бужчанд̇и, яагкаа бужчанд̇и, асураа бужчанд̇и, г̇анд̇хаб̣б̣аа бужчанд̇и, махаарааж̇аано бужчанд̇и, инд̣̇аа бужчанд̇и, б̣рахмаа бужчанд̇и, д̣̇зваа бужчанд̇и – аяам̣ амануссабужчаа.
Katamā amanussapucchā? Amanussā buddhaṃ bhagavantaṃ upasaṅkamitvā pañhaṃ pucchanti, nāgā pucchanti, supaṇṇā pucchanti, yakkhā pucchanti, asurā pucchanti, gandhabbā pucchanti, mahārājāno pucchanti, indā pucchanti, brahmā pucchanti, devā pucchanti – ayaṃ amanussapucchā.
гад̇амаа ниммид̇абужчаа? бхаг̇аваа руубам̣ абхинимминаад̇и маномаяам̣ саб̣б̣ан̇г̇абажжан̇г̇ам̣ ахийнинд̣̇рияам̣. со ниммид̇о б̣уд̣̇д̇хам̣ бхаг̇аванд̇ам̣ убасан̇гамид̇ваа бан̃хам̣ бужчад̇и. бхаг̇аваа висаж̇ж̇зд̇и. аяам̣ ниммид̇абужчаа. имаа д̇иссо бужчаа.
Katamā nimmitapucchā? Bhagavā rūpaṃ abhinimmināti manomayaṃ sabbaṅgapaccaṅgaṃ ahīnindriyaṃ. So nimmito buddhaṃ bhagavantaṃ upasaṅkamitvā pañhaṃ pucchati. Bhagavā visajjeti. Ayaṃ nimmitapucchā. Imā tisso pucchā.
абарааби д̇иссо бужчаа – ад̇д̇ад̇т̇абужчаа, барад̇т̇абужчаа, убхаяад̇т̇абужчаа…бз… абарааби д̇иссо бужчаа – д̣̇идтад̇хаммигад̇т̇абужчаа, самбарааяигад̇т̇абужчаа , барамад̇т̇абужчаа… абарааби д̇иссо бужчаа – анаваж̇ж̇ад̇т̇абужчаа, ниггилзсад̇т̇абужчаа, вод̣̇аанад̇т̇абужчаа… абарааби д̇иссо бужчаа – ад̇ийд̇абужчаа, анааг̇ад̇абужчаа, бажжуббаннабужчаа… абарааби д̇иссо бужчаа – аж̇жхад̇д̇абужчаа, б̣ахид̣̇д̇хаабужчаа, аж̇жхад̇д̇аб̣ахид̣̇д̇хаабужчаа… абарааби д̇иссо бужчаа – гусалабужчаа, агусалабужчаа, аб̣яаагад̇абужчаа… абарааби д̇иссо бужчаа – канд̇хабужчаа, д̇хаад̇убужчаа ааяад̇анабужчаа… абарааби д̇иссо бужчаа – сад̇ибадтаанабужчаа, саммаббад̇хаанабужчаа, ид̣̇д̇хибаад̣̇абужчаа… абарааби д̇иссо бужчаа – инд̣̇рияабужчаа, б̣алабужчаа, б̣ож̇жхан̇г̇абужчаа… абарааби д̇иссо бужчаа – маг̇г̇абужчаа, палабужчаа, ниб̣б̣аанабужчаа….
Aparāpi tisso pucchā – attatthapucchā, paratthapucchā, ubhayatthapucchā…pe… aparāpi tisso pucchā – diṭṭhadhammikatthapucchā, samparāyikatthapucchā , paramatthapucchā… aparāpi tisso pucchā – anavajjatthapucchā, nikkilesatthapucchā, vodānatthapucchā… aparāpi tisso pucchā – atītapucchā, anāgatapucchā, paccuppannapucchā… aparāpi tisso pucchā – ajjhattapucchā, bahiddhāpucchā, ajjhattabahiddhāpucchā… aparāpi tisso pucchā – kusalapucchā, akusalapucchā, abyākatapucchā… aparāpi tisso pucchā – khandhapucchā, dhātupucchā āyatanapucchā… aparāpi tisso pucchā – satipaṭṭhānapucchā, sammappadhānapucchā, iddhipādapucchā… aparāpi tisso pucchā – indriyapucchā, balapucchā, bojjhaṅgapucchā… aparāpi tisso pucchā – maggapucchā, phalapucchā, nibbānapucchā….
бужчаами д̇анд̇и бужчаами д̇ам̣ яаажаами д̇ам̣ аж̇жхзсаами д̇ам̣ басаад̣̇зми д̇ам̣ ‘‘гат̇аяассу мз’’д̇и бужчаами д̇ам̣. бхаг̇аваад̇и г̇аараваад̇хиважанамзд̇ам̣…бз… сажчигаа бан̃н̃ад̇д̇и – яад̣̇ид̣̇ам̣ бхаг̇аваад̇и. б̣руухи мзд̇анд̇и б̣руухи аажигкаахи д̣̇зсзхи бан̃н̃абзхи бадтабзхи вивараахи вибхаж̇аахи уд̇д̇аанийгарохи багаасзхийд̇и – бужчаами д̇ам̣ бхаг̇аваа б̣руухи мзд̇ам̣.
Pucchāmi tanti pucchāmi taṃ yācāmi taṃ ajjhesāmi taṃ pasādemi taṃ ‘‘kathayassu me’’ti pucchāmi taṃ. Bhagavāti gāravādhivacanametaṃ…pe… sacchikā paññatti – yadidaṃ bhagavāti. Brūhi metanti brūhi ācikkhāhi desehi paññapehi paṭṭhapehi vivarāhi vibhajāhi uttānīkarohi pakāsehīti – pucchāmi taṃ bhagavā brūhi metaṃ.
ижжааяасмаа мзд̇д̇аг̇ууд̇и ижжаад̇и бад̣̇асанд̇хи…бз… ижжааяасмаа мзд̇д̇аг̇уу.
Iccāyasmā mettagūti iccāti padasandhi…pe… iccāyasmā mettagū.
ман̃н̃аами д̇ам̣ взд̣̇аг̇уу бхаавид̇ад̇д̇анд̇и. взд̣̇аг̇ууд̇и д̇ам̣ ман̃н̃аами, бхаавид̇ад̇д̇од̇и д̇ам̣ ман̃н̃аами, звам̣ ж̇аанаами, звам̣ ааж̇аанаами звам̣ бадиж̇аанаами звам̣ бадивиж̇жхаами. взд̣̇аг̇уу бхаавид̇ад̇д̇од̇и гат̇ан̃жа бхаг̇аваа взд̣̇аг̇уу? взд̣̇аа вужжанд̇и жад̇уусу маг̇г̇зсу н̃аан̣ам̣ бан̃н̃аа бан̃н̃инд̣̇рияам̣ бан̃н̃ааб̣алам̣…бз… д̇хаммавижаяасамб̣ож̇жхан̇г̇о виймам̣саа вибассанаа саммаад̣̇идти. бхаг̇аваа д̇зхи взд̣̇зхи ж̇аад̇иж̇араамаран̣асса анд̇аг̇ад̇о анд̇аббад̇д̇о годиг̇ад̇о годиббад̇д̇о барияанд̇аг̇ад̇о барияанд̇аббад̇д̇о восаанаг̇ад̇о восаанаббад̇д̇о д̇аан̣аг̇ад̇о д̇аан̣аббад̇д̇о лзн̣аг̇ад̇о лзн̣аббад̇д̇о саран̣аг̇ад̇о саран̣аббад̇д̇о абхаяаг̇ад̇о абхаяаббад̇д̇о ажжуд̇аг̇ад̇о ажжуд̇аббад̇д̇о амад̇аг̇ад̇о амад̇аббад̇д̇о ниб̣б̣аанаг̇ад̇о ниб̣б̣аанаббад̇д̇о. взд̣̇аанам̣ ваа анд̇аг̇ад̇од̇и взд̣̇аг̇уу; взд̣̇зхи ваа анд̇аг̇ад̇од̇и взд̣̇аг̇уу; сад̇д̇аннам̣ ваа д̇хаммаанам̣ вид̣̇ид̇ад̇д̇аа взд̣̇аг̇уу; саггааяад̣̇идти вид̣̇ид̇аа ход̇и, вижигижчаа вид̣̇ид̇аа ход̇и, сийлаб̣б̣ад̇абараамаасо вид̣̇ид̇о ход̇и, рааг̇о д̣̇осо мохо маано вид̣̇ид̇о ход̇и, вид̣̇ид̇аасса хонд̇и баабагаа агусалаа д̇хаммаа сам̣гилзсигаа бонобхавигаа сад̣̇араа д̣̇угкавибаагаа ааяад̇им̣ ж̇аад̇иж̇араамаран̣ияаа.
Maññāmi taṃ vedagū bhāvitattanti. Vedagūti taṃ maññāmi, bhāvitattoti taṃ maññāmi, evaṃ jānāmi, evaṃ ājānāmi evaṃ paṭijānāmi evaṃ paṭivijjhāmi. Vedagū bhāvitattoti kathañca bhagavā vedagū? Vedā vuccanti catūsu maggesu ñāṇaṃ paññā paññindriyaṃ paññābalaṃ…pe… dhammavicayasambojjhaṅgo vīmaṃsā vipassanā sammādiṭṭhi. Bhagavā tehi vedehi jātijarāmaraṇassa antagato antappatto koṭigato koṭippatto pariyantagato pariyantappatto vosānagato vosānappatto tāṇagato tāṇappatto leṇagato leṇappatto saraṇagato saraṇappatto abhayagato abhayappatto accutagato accutappatto amatagato amatappatto nibbānagato nibbānappatto. Vedānaṃ vā antagatoti vedagū; vedehi vā antagatoti vedagū; sattannaṃ vā dhammānaṃ viditattā vedagū; sakkāyadiṭṭhi viditā hoti, vicikicchā viditā hoti, sīlabbataparāmāso vidito hoti, rāgo doso moho māno vidito hoti, viditāssa honti pāpakā akusalā dhammā saṃkilesikā ponobhavikā sadarā dukkhavipākā āyatiṃ jātijarāmaraṇiyā.
взд̣̇аани вижзяяа гзвалаани, [сабхияаад̇и бхаг̇аваа]
Vedāni viceyya kevalāni, [sabhiyāti bhagavā]
саб̣б̣авзд̣̇анаасу вийд̇арааг̇о;
Sabbavedanāsu vītarāgo;
саб̣б̣ам̣ взд̣̇амад̇ижжа взд̣̇аг̇уу сод̇и.
Sabbaṃ vedamaticca vedagū soti.
звам̣ бхаг̇аваа взд̣̇аг̇уу.
Evaṃ bhagavā vedagū.
гат̇ам̣ бхаг̇аваа бхаавид̇ад̇д̇о? бхаг̇аваа бхаавид̇агааяо бхаавид̇асийло бхаавид̇ажид̇д̇о бхаавид̇абан̃н̃о бхаавид̇асад̇ибадтаано бхаавид̇асаммаббад̇хаано бхаавид̇аид̣̇д̇хибаад̣̇о бхаавид̇аинд̣̇рияо бхаавид̇аб̣ало бхаавид̇аб̣ож̇жхан̇г̇о бхаавид̇амаг̇г̇о, бахийнагилзсо бадивид̣̇д̇хаагуббо сажчигад̇анирод̇хо. д̣̇угкам̣ д̇асса барин̃н̃аад̇ам̣, самуд̣̇аяо бахийно, маг̇г̇о бхаавид̇о, нирод̇хо сажчигад̇о, абхин̃н̃зяяам̣ абхин̃н̃аад̇ам̣, барин̃н̃зяяам̣ барин̃н̃аад̇ам̣, бахаад̇аб̣б̣ам̣ бахийнам̣, бхаавзд̇аб̣б̣ам̣ бхаавид̇ам̣, сажчигаад̇аб̣б̣ам̣ сажчигад̇ам̣, абарид̇д̇о маханд̇о г̇амбхийро аббамзяяо д̣̇уббарияог̇аал̣хо б̣ахурад̇ано сааг̇аруубамо 3 чал̣ан̇г̇убзгкааяа саманнааг̇ад̇о ход̇и.
Kathaṃ bhagavā bhāvitatto? Bhagavā bhāvitakāyo bhāvitasīlo bhāvitacitto bhāvitapañño bhāvitasatipaṭṭhāno bhāvitasammappadhāno bhāvitaiddhipādo bhāvitaindriyo bhāvitabalo bhāvitabojjhaṅgo bhāvitamaggo, pahīnakileso paṭividdhākuppo sacchikatanirodho. Dukkhaṃ tassa pariññātaṃ, samudayo pahīno, maggo bhāvito, nirodho sacchikato, abhiññeyyaṃ abhiññātaṃ, pariññeyyaṃ pariññātaṃ, pahātabbaṃ pahīnaṃ, bhāvetabbaṃ bhāvitaṃ, sacchikātabbaṃ sacchikataṃ, aparitto mahanto gambhīro appameyyo duppariyogāḷho bahuratano sāgarūpamo 4 chaḷaṅgupekkhāya samannāgato hoti.
жагкунаа руубам̣ д̣̇исваа нзва сумано ход̇и на д̣̇уммано; убзгкаго вихарад̇и сад̇о самбаж̇аано. сод̇зна сад̣̇д̣̇ам̣ суд̇ваа, гхаанзна г̇анд̇хам̣ гхааяид̇ваа, ж̇ивхааяа расам̣ сааяид̇ваа, гааязна подтаб̣б̣ам̣ пусид̇ваа, манасаа д̇хаммам̣ вин̃н̃ааяа нзва сумано ход̇и на д̣̇уммано; убзгкаго вихарад̇и сад̇о самбаж̇аано.
Cakkhunā rūpaṃ disvā neva sumano hoti na dummano; upekkhako viharati sato sampajāno. Sotena saddaṃ sutvā, ghānena gandhaṃ ghāyitvā, jivhāya rasaṃ sāyitvā, kāyena phoṭṭhabbaṃ phusitvā, manasā dhammaṃ viññāya neva sumano hoti na dummano; upekkhako viharati sato sampajāno.
жагкунаа руубам̣ д̣̇исваа манаабам̣ руубам̣ наабхиг̇иж̇жхад̇и наабхихам̣сад̇и 5 на рааг̇ам̣ ж̇анзд̇и. д̇асса тид̇ова гааяо ход̇и, тид̇ам̣ жид̇д̇ам̣ аж̇жхад̇д̇ам̣ сусан̣тид̇ам̣ сувимуд̇д̇ам̣. жагкунаа ко банзва руубам̣ д̣̇исваа аманаабам̣ на ман̇гу ход̇и аббад̇идтид̇ажид̇д̇о 6 алийнаманасо 7 аб̣яаабаннажзд̇асо. д̇асса тид̇ова гааяо ход̇и тид̇ам̣ жид̇д̇ам̣ аж̇жхад̇д̇ам̣ сусан̣тид̇ам̣ сувимуд̇д̇ам̣. сод̇зна сад̣̇д̣̇ам̣ суд̇ваа…бз… гхаанзна г̇анд̇хам̣ гхааяид̇ваа… ж̇ивхааяа расам̣ сааяид̇ваа… гааязна подтаб̣б̣ам̣ пусид̇ваа… манасаа д̇хаммам̣ вин̃н̃ааяа манаабам̣ наабхиг̇иж̇жхад̇и наабхихам̣сад̇и на рааг̇ам̣ ж̇анзд̇и. д̇асса тид̇ова гааяо ход̇и тид̇ам̣ жид̇д̇ам̣ аж̇жхад̇д̇ам̣ сусан̣тид̇ам̣ сувимуд̇д̇ам̣. манасааязва ко бана д̇хаммам̣ вин̃н̃ааяа аманаабам̣ на ман̇гу ход̇и. аббад̇идтид̇ажид̇д̇о алийнаманасо аб̣яаабаннажзд̇асо д̇асса тид̇ова гааяо ход̇и тид̇ам̣ жид̇д̇ам̣ аж̇жхад̇д̇ам̣ сусан̣тид̇ам̣ сувимуд̇д̇ам̣.
Cakkhunā rūpaṃ disvā manāpaṃ rūpaṃ nābhigijjhati nābhihaṃsati 8 na rāgaṃ janeti. Tassa ṭhitova kāyo hoti, ṭhitaṃ cittaṃ ajjhattaṃ susaṇṭhitaṃ suvimuttaṃ. Cakkhunā kho paneva rūpaṃ disvā amanāpaṃ na maṅku hoti appatiṭṭhitacitto 9 alīnamanaso 10 abyāpannacetaso. Tassa ṭhitova kāyo hoti ṭhitaṃ cittaṃ ajjhattaṃ susaṇṭhitaṃ suvimuttaṃ. Sotena saddaṃ sutvā…pe… ghānena gandhaṃ ghāyitvā… jivhāya rasaṃ sāyitvā… kāyena phoṭṭhabbaṃ phusitvā… manasā dhammaṃ viññāya manāpaṃ nābhigijjhati nābhihaṃsati na rāgaṃ janeti. Tassa ṭhitova kāyo hoti ṭhitaṃ cittaṃ ajjhattaṃ susaṇṭhitaṃ suvimuttaṃ. Manasāyeva kho pana dhammaṃ viññāya amanāpaṃ na maṅku hoti. Appatiṭṭhitacitto alīnamanaso abyāpannacetaso tassa ṭhitova kāyo hoti ṭhitaṃ cittaṃ ajjhattaṃ susaṇṭhitaṃ suvimuttaṃ.
жагкунаа руубам̣ д̣̇исваа манаабааманаабзсу руубзсу тид̇ова гааяо ход̇и тид̇ам̣ жид̇д̇ам̣ аж̇жхад̇д̇ам̣ сусан̣тид̇ам̣ сувимуд̇д̇ам̣. сод̇зна сад̣̇д̣̇ам̣ суд̇ваа…бз… манасаа д̇хаммам̣ вин̃н̃ааяа манаабааманаабзсу д̇хаммзсу тид̇ова гааяо ход̇и тид̇ам̣ жид̇д̇ам̣ аж̇жхад̇д̇ам̣ сусан̣тид̇ам̣ сувимуд̇д̇ам̣.
Cakkhunā rūpaṃ disvā manāpāmanāpesu rūpesu ṭhitova kāyo hoti ṭhitaṃ cittaṃ ajjhattaṃ susaṇṭhitaṃ suvimuttaṃ. Sotena saddaṃ sutvā…pe… manasā dhammaṃ viññāya manāpāmanāpesu dhammesu ṭhitova kāyo hoti ṭhitaṃ cittaṃ ajjhattaṃ susaṇṭhitaṃ suvimuttaṃ.
жагкунаа руубам̣ д̣̇исваа раж̇анийяз на раж̇ж̇ад̇и, д̣̇уссанийяз 11 на д̣̇уссад̇и, моханийяз на муяхад̇и, гобанийяз на губбад̇и, мад̣̇анийяз на маж̇ж̇ад̇и, гилзсанийяз на гилиссад̇и. сод̇зна сад̣̇д̣̇ам̣ суд̇ваа…бз… манасаа д̇хаммам̣ вин̃н̃ааяа раж̇анийяз на раж̇ж̇ад̇и, д̣̇уссанийяз на д̣̇уссад̇и, моханийяз на муяхад̇и, гобанийяз на губбад̇и, мад̣̇анийяз на маж̇ж̇ад̇и, гилзсанийяз на гилиссад̇и.
Cakkhunā rūpaṃ disvā rajanīye na rajjati, dussanīye 12 na dussati, mohanīye na muyhati, kopanīye na kuppati, madanīye na majjati, kilesanīye na kilissati. Sotena saddaṃ sutvā…pe… manasā dhammaṃ viññāya rajanīye na rajjati, dussanīye na dussati, mohanīye na muyhati, kopanīye na kuppati, madanīye na majjati, kilesanīye na kilissati.
д̣̇идтз д̣̇идтамад̇д̇о, суд̇з суд̇амад̇д̇о, муд̇з муд̇амад̇д̇о, вин̃н̃аад̇з вин̃н̃аад̇амад̇д̇о. д̣̇идтз на лимбад̇и, суд̇з на лимбад̇и, муд̇з на лимбад̇и, вин̃н̃аад̇з на лимбад̇и. д̣̇идтз ануубаяо 13 анабааяо аниссид̇о аббадиб̣ад̣̇д̇хо виббамуд̇д̇о висан̃н̃уд̇д̇о вимарияаад̣̇игад̇зна жзд̇асаа вихарад̇и. суд̇з…бз… муд̇з … вин̃н̃аад̇з ануубаяо 14 анабааяо аниссид̇о аббадиб̣ад̣̇д̇хо виббамуд̇д̇о висан̃н̃уд̇д̇о вимарияаад̣̇игад̇зна жзд̇асаа вихарад̇и.
Diṭṭhe diṭṭhamatto, sute sutamatto, mute mutamatto, viññāte viññātamatto. Diṭṭhe na limpati, sute na limpati, mute na limpati, viññāte na limpati. Diṭṭhe anūpayo 15 anapāyo anissito appaṭibaddho vippamutto visaññutto vimariyādikatena cetasā viharati. Sute…pe… mute … viññāte anūpayo 16 anapāyo anissito appaṭibaddho vippamutto visaññutto vimariyādikatena cetasā viharati.
сам̣виж̇ж̇ад̇и бхаг̇авад̇о жагку, бассад̇и бхаг̇аваа жагкунаа руубам̣, чанд̣̇арааг̇о бхаг̇авад̇о над̇т̇и, сувимуд̇д̇ажид̇д̇о бхаг̇аваа. сам̣виж̇ж̇ад̇и бхаг̇авад̇о сод̇ам̣, сун̣аад̇и бхаг̇аваа сод̇зна сад̣̇д̣̇ам̣, чанд̣̇арааг̇о бхаг̇авад̇о над̇т̇и, сувимуд̇д̇ажид̇д̇о бхаг̇аваа. сам̣виж̇ж̇ад̇и бхаг̇авад̇о гхаанам̣, гхааяад̇и бхаг̇аваа гхаанзна г̇анд̇хам̣, чанд̣̇арааг̇о бхаг̇авад̇о над̇т̇и, сувимуд̇д̇ажид̇д̇о бхаг̇аваа. сам̣виж̇ж̇ад̇и бхаг̇авад̇о ж̇ивхаа, сааяад̇и бхаг̇аваа ж̇ивхааяа расам̣, чанд̣̇арааг̇о бхаг̇авад̇о над̇т̇и, сувимуд̇д̇ажид̇д̇о бхаг̇аваа. сам̣виж̇ж̇ад̇и бхаг̇авад̇о гааяо, пусад̇и бхаг̇аваа гааязна подтаб̣б̣ам̣, чанд̣̇арааг̇о бхаг̇авад̇о над̇т̇и, сувимуд̇д̇ажид̇д̇о бхаг̇аваа. сам̣виж̇ж̇ад̇и бхаг̇авад̇о мано, виж̇аанаад̇и бхаг̇аваа манасаа д̇хаммам̣, чанд̣̇арааг̇о бхаг̇авад̇о над̇т̇и, сувимуд̇д̇ажид̇д̇о бхаг̇аваа.
Saṃvijjati bhagavato cakkhu, passati bhagavā cakkhunā rūpaṃ, chandarāgo bhagavato natthi, suvimuttacitto bhagavā. Saṃvijjati bhagavato sotaṃ, suṇāti bhagavā sotena saddaṃ, chandarāgo bhagavato natthi, suvimuttacitto bhagavā. Saṃvijjati bhagavato ghānaṃ, ghāyati bhagavā ghānena gandhaṃ, chandarāgo bhagavato natthi, suvimuttacitto bhagavā. Saṃvijjati bhagavato jivhā, sāyati bhagavā jivhāya rasaṃ, chandarāgo bhagavato natthi, suvimuttacitto bhagavā. Saṃvijjati bhagavato kāyo, phusati bhagavā kāyena phoṭṭhabbaṃ, chandarāgo bhagavato natthi, suvimuttacitto bhagavā. Saṃvijjati bhagavato mano, vijānāti bhagavā manasā dhammaṃ, chandarāgo bhagavato natthi, suvimuttacitto bhagavā.
жагку руубаараамам̣ руубарад̇ам̣ руубасаммуд̣̇ид̇ам̣, д̇ам̣ бхаг̇авад̇о 17 д̣̇анд̇ам̣ г̇уд̇д̇ам̣ рагкид̇ам̣ сам̣вуд̇ам̣; д̇асса жа сам̣варааяа д̇хаммам̣ д̣̇зсзд̇и. сод̇ам̣ сад̣̇д̣̇аараамам̣ сад̣̇д̣̇арад̇ам̣…бз… гхаанам̣ г̇анд̇хаараамам̣ г̇анд̇харад̇ам̣… ж̇ивхаа расаараамаа расарад̇аа расасаммуд̣̇ид̇аа, саа бхаг̇авад̇о д̣̇анд̇аа г̇уд̇д̇аа рагкид̇аа сам̣вуд̇аа; д̇асса жа сам̣варааяа д̇хаммам̣ д̣̇зсзд̇и. гааяо подтаб̣б̣аараамо подтаб̣б̣арад̇о подтаб̣б̣асаммуд̣̇ид̇о… мано д̇хаммаараамо д̇хаммарад̇о д̇хаммасаммуд̣̇ид̇о, со бхаг̇авад̇о д̣̇анд̇о г̇уд̇д̇о рагкид̇о сам̣вуд̇о; д̇асса жа сам̣варааяа д̇хаммам̣ д̣̇зсзд̇и –
Cakkhu rūpārāmaṃ rūparataṃ rūpasammuditaṃ, taṃ bhagavato 18 dantaṃ guttaṃ rakkhitaṃ saṃvutaṃ; tassa ca saṃvarāya dhammaṃ deseti. Sotaṃ saddārāmaṃ saddarataṃ…pe… ghānaṃ gandhārāmaṃ gandharataṃ… jivhā rasārāmā rasaratā rasasammuditā, sā bhagavato dantā guttā rakkhitā saṃvutā; tassa ca saṃvarāya dhammaṃ deseti. Kāyo phoṭṭhabbārāmo phoṭṭhabbarato phoṭṭhabbasammudito… mano dhammārāmo dhammarato dhammasammudito, so bhagavato danto gutto rakkhito saṃvuto; tassa ca saṃvarāya dhammaṃ deseti –
‘‘д̣̇анд̇ам̣ наяанд̇и самид̇им̣, д̣̇анд̇ам̣ рааж̇аабхируухад̇и;
‘‘Dantaṃ nayanti samitiṃ, dantaṃ rājābhirūhati;
д̣̇анд̇о сздто мануссзсу, яод̇иваагяам̣ д̇ид̇игкад̇и.
Danto seṭṭho manussesu, yotivākyaṃ titikkhati.
‘‘варамассад̇араа д̣̇анд̇аа, ааж̇аанийяаа жа 19 синд̇хаваа;
‘‘Varamassatarā dantā, ājānīyā ca 20 sindhavā;
гун̃ж̇араа жа 21 махаанааг̇аа, ад̇д̇ад̣̇анд̇о д̇ад̇о варам̣.
Kuñjarā ca 22 mahānāgā, attadanto tato varaṃ.
‘‘на хи зд̇зхи яаанзхи, г̇ажчзяяа аг̇ад̇ам̣ д̣̇исам̣;
‘‘Na hi etehi yānehi, gaccheyya agataṃ disaṃ;
яат̇аад̇д̇анаа суд̣̇анд̇зна, д̣̇анд̇о д̣̇анд̇зна г̇ажчад̇и.
Yathāttanā sudantena, danto dantena gacchati.
‘‘вид̇хаасу на вигамбанд̇и, виббамуд̇д̇аа бунаб̣бхаваа;
‘‘Vidhāsu na vikampanti, vippamuttā punabbhavā;
д̣̇анд̇абхуумим̣ ануббад̇д̇аа, д̇з логз виж̇ид̇аавино.
Dantabhūmiṃ anuppattā, te loke vijitāvino.
‘‘яассинд̣̇рияаани бхаавид̇аани, аж̇жхад̇д̇ан̃жа б̣ахид̣̇д̇хаа жа саб̣б̣алогз;
‘‘Yassindriyāni bhāvitāni, ajjhattañca bahiddhā ca sabbaloke;
ниб̣б̣иж̇жха имам̣ баран̃жа логам̣, гаалам̣ ган̇кад̇и бхаавид̇о са д̣̇анд̇о’’д̇и 23.
Nibbijjha imaṃ parañca lokaṃ, kālaṃ kaṅkhati bhāvito sa danto’’ti 24.
звам̣ бхаг̇аваа бхаавид̇ад̇д̇од̇и.
Evaṃ bhagavā bhāvitattoti.
ман̃н̃аами д̇ам̣ взд̣̇аг̇уу бхаавид̇ад̇д̇ам̣, гуд̇о ну д̣̇угкаа самуд̣̇ааг̇ад̇аа имзд̇и. гуд̇о нууд̇и сам̣саяабужчаа вимад̇ибужчаа д̣̇взл̣хагабужчаа анзгам̣сабужчаа – ‘‘звам̣ ну ко, на ну ко, гим̣ ну ко, гат̇ам̣ ну ко’’д̇и – гуд̇о ну. д̣̇угкаад̇и ж̇аад̇ид̣̇угкам̣, ж̇араад̣̇угкам̣, б̣яаад̇хид̣̇угкам̣, маран̣ад̣̇угкам̣, согабарид̣̇звад̣̇угкад̣̇оманассубааяаасад̣̇угкам̣, б̣яасанам̣ д̣̇угкам̣, нзраяигам̣ д̣̇угкам̣, д̇иражчаанаяонигам̣ д̣̇угкам̣, бзд̇д̇ивисаяигам̣ д̣̇угкам̣, маанусигам̣ д̣̇угкам̣, г̇аб̣бхогганд̇имуулагам̣ д̣̇угкам̣, г̇аб̣бхадтид̇имуулагам̣ д̣̇угкам̣, г̇аб̣бхавудтаанамуулагам̣ д̣̇угкам̣, ж̇аад̇ассуубаниб̣анд̇хагам̣ д̣̇угкам̣, ж̇аад̇асса бараад̇хзяяагам̣ д̣̇угкам̣, ад̇д̇уубаггамам̣ д̣̇угкам̣, баруубаггамам̣ д̣̇угкам̣, д̣̇угкад̣̇угкам̣, сан̇каарад̣̇угкам̣, вибарин̣аамад̣̇угкам̣ , жагкурог̇о сод̇арог̇о гхаанарог̇о ж̇ивхаарог̇о гааяарог̇о сийсарог̇о ган̣н̣арог̇о мукарог̇о д̣̇анд̇арог̇о гаасо саасо бинаасо д̣аахо ж̇аро гужчирог̇о мужчаа багканд̣̇игаа суулаа висуужигаа гудтам̣ г̇ан̣д̣о гилаасо сосо абамааро д̣̇ад̣̇д̣̇у ган̣д̣у гажчу ракасаа вид̇ажчигаа лохид̇абид̇д̇ам̣ мад̇хумзхо ам̣саа бил̣агаа бхаг̇анд̣̇алаа бид̇д̇асамудтаанаа ааб̣аад̇хаа сзмхасамудтаанаа ааб̣аад̇хаа ваад̇асамудтаанаа ааб̣аад̇хаа саннибаад̇игаа ааб̣аад̇хаа уд̇убарин̣аамаж̇аа ааб̣аад̇хаа висамабарихаараж̇аа ааб̣аад̇хаа обаггамигаа ааб̣аад̇хаа гаммавибаагаж̇аа ааб̣аад̇хаа сийд̇ам̣ ун̣хам̣ ж̇игхажчаа бибаасаа ужжааро бассааво д̣ам̣самагасаваад̇аад̇абасарийсабасампассам̣ д̣̇угкам̣, маад̇умаран̣ам̣ д̣̇угкам̣ , бид̇умаран̣ам̣ д̣̇угкам̣, бхаад̇умаран̣ам̣ д̣̇угкам̣, бхаг̇инимаран̣ам̣ д̣̇угкам̣, буд̇д̇амаран̣ам̣ д̣̇угкам̣, д̇хийд̇умаран̣ам̣ д̣̇угкам̣, н̃аад̇иб̣яасанам̣ д̣̇угкам̣, рог̇аб̣яасанам̣ д̣̇угкам̣, бхог̇аб̣яасанам̣ д̣̇угкам̣, сийлаб̣яасанам̣ д̣̇угкам̣, д̣̇идтиб̣яасанам̣ д̣̇угкам̣; язсам̣ д̇хаммаанам̣ аад̣̇ид̇о самуд̣̇ааг̇аманам̣ бан̃н̃ааяад̇и, ад̇т̇ан̇г̇амад̇о нирод̇хо бан̃н̃ааяад̇и, гаммасанниссид̇о вибааго, вибаагасанниссид̇ам̣ гаммам̣, наамасанниссид̇ам̣ руубам̣, руубасанниссид̇ам̣ наамам̣, ж̇аад̇ияаа ануг̇ад̇ам̣, ж̇арааяа анусадам̣, б̣яаад̇хинаа абхибхууд̇ам̣, маран̣зна аб̣бхаахад̇ам̣, д̣̇угкз бад̇идтид̇ам̣, ад̇аан̣ам̣ алзн̣ам̣ асаран̣ам̣ асаран̣ийбхууд̇ам̣ – имз вужжанд̇и д̣̇угкаа. имз д̣̇угкаа гуд̇о самуд̣̇ааг̇ад̇аа гуд̇о ж̇аад̇аа гуд̇о сан̃ж̇аад̇аа гуд̇о ниб̣б̣ад̇д̇аа гуд̇о абхиниб̣б̣ад̇д̇аа гуд̇о баад̇убхууд̇аа гим̣нид̣̇аанаа гим̣самуд̣̇аяаа гим̣ж̇аад̇игаа гим̣бабхаваад̇и, имзсам̣ д̣̇угкаанам̣ муулам̣ бужчад̇и хзд̇ум̣ бужчад̇и нид̣̇аанам̣ бужчад̇и самбхавам̣ бужчад̇и бабхавам̣ бужчад̇и самудтаанам̣ бужчад̇и аахаарам̣ бужчад̇и аарамман̣ам̣ бужчад̇и бажжаяам̣ бужчад̇и самуд̣̇аяам̣ бужчад̇и бабужчад̇и яаажад̇и аж̇жхзсад̇и басаад̣̇зд̇ийд̇и – гуд̇о ну д̣̇угкаа самуд̣̇ааг̇ад̇аа имз.
Maññāmi taṃ vedagū bhāvitattaṃ, kuto nu dukkhā samudāgatā imeti. Kuto nūti saṃsayapucchā vimatipucchā dveḷhakapucchā anekaṃsapucchā – ‘‘evaṃ nu kho, na nu kho, kiṃ nu kho, kathaṃ nu kho’’ti – kuto nu. Dukkhāti jātidukkhaṃ, jarādukkhaṃ, byādhidukkhaṃ, maraṇadukkhaṃ, sokaparidevadukkhadomanassupāyāsadukkhaṃ, byasanaṃ dukkhaṃ, nerayikaṃ dukkhaṃ, tiracchānayonikaṃ dukkhaṃ, pettivisayikaṃ dukkhaṃ, mānusikaṃ dukkhaṃ, gabbhokkantimūlakaṃ dukkhaṃ, gabbhaṭṭhitimūlakaṃ dukkhaṃ, gabbhavuṭṭhānamūlakaṃ dukkhaṃ, jātassūpanibandhakaṃ dukkhaṃ, jātassa parādheyyakaṃ dukkhaṃ, attūpakkamaṃ dukkhaṃ, parūpakkamaṃ dukkhaṃ, dukkhadukkhaṃ, saṅkhāradukkhaṃ, vipariṇāmadukkhaṃ , cakkhurogo sotarogo ghānarogo jivhārogo kāyarogo sīsarogo kaṇṇarogo mukharogo dantarogo kāso sāso pināso ḍāho jaro kucchirogo mucchā pakkhandikā sūlā visūcikā kuṭṭhaṃ gaṇḍo kilāso soso apamāro daddu kaṇḍu kacchu rakhasā vitacchikā lohitapittaṃ madhumeho aṃsā piḷakā bhagandalā pittasamuṭṭhānā ābādhā semhasamuṭṭhānā ābādhā vātasamuṭṭhānā ābādhā sannipātikā ābādhā utupariṇāmajā ābādhā visamaparihārajā ābādhā opakkamikā ābādhā kammavipākajā ābādhā sītaṃ uṇhaṃ jighacchā pipāsā uccāro passāvo ḍaṃsamakasavātātapasarīsapasamphassaṃ dukkhaṃ, mātumaraṇaṃ dukkhaṃ , pitumaraṇaṃ dukkhaṃ, bhātumaraṇaṃ dukkhaṃ, bhaginimaraṇaṃ dukkhaṃ, puttamaraṇaṃ dukkhaṃ, dhītumaraṇaṃ dukkhaṃ, ñātibyasanaṃ dukkhaṃ, rogabyasanaṃ dukkhaṃ, bhogabyasanaṃ dukkhaṃ, sīlabyasanaṃ dukkhaṃ, diṭṭhibyasanaṃ dukkhaṃ; yesaṃ dhammānaṃ ādito samudāgamanaṃ paññāyati, atthaṅgamato nirodho paññāyati, kammasannissito vipāko, vipākasannissitaṃ kammaṃ, nāmasannissitaṃ rūpaṃ, rūpasannissitaṃ nāmaṃ, jātiyā anugataṃ, jarāya anusaṭaṃ, byādhinā abhibhūtaṃ, maraṇena abbhāhataṃ, dukkhe patiṭṭhitaṃ, atāṇaṃ aleṇaṃ asaraṇaṃ asaraṇībhūtaṃ – ime vuccanti dukkhā. Ime dukkhā kuto samudāgatā kuto jātā kuto sañjātā kuto nibbattā kuto abhinibbattā kuto pātubhūtā kiṃnidānā kiṃsamudayā kiṃjātikā kiṃpabhavāti, imesaṃ dukkhānaṃ mūlaṃ pucchati hetuṃ pucchati nidānaṃ pucchati sambhavaṃ pucchati pabhavaṃ pucchati samuṭṭhānaṃ pucchati āhāraṃ pucchati ārammaṇaṃ pucchati paccayaṃ pucchati samudayaṃ pucchati papucchati yācati ajjhesati pasādetīti – kuto nu dukkhā samudāgatā ime.
яз гзжи логасмиманзгаруубаад̇и. яз гзжийд̇и саб̣б̣зна саб̣б̣ам̣ саб̣б̣ат̇аа саб̣б̣ам̣ асзсам̣ ниссзсам̣ барияаад̣̇ияанаважанамзд̇ам̣ – яз гзжийд̇и. логасминд̇и абааяалогз мануссалогз д̣̇звалогз канд̇халогз д̇хаад̇улогз ааяад̇аналогз. анзгаруубаад̇и анзгавид̇хаа наанааббагаараа д̣̇угкаад̇и – яз гзжи логасмиманзгаруубаа. д̇знааха со б̣раахман̣о –
Ye keci lokasmimanekarūpāti. Ye kecīti sabbena sabbaṃ sabbathā sabbaṃ asesaṃ nissesaṃ pariyādiyanavacanametaṃ – ye kecīti. Lokasminti apāyaloke manussaloke devaloke khandhaloke dhātuloke āyatanaloke. Anekarūpāti anekavidhā nānāppakārā dukkhāti – ye keci lokasmimanekarūpā. Tenāha so brāhmaṇo –
‘‘бужчаами д̇ам̣ бхаг̇аваа б̣руухи мзд̇ам̣, [ижжааяасмаа мзд̇д̇аг̇уу]
‘‘Pucchāmi taṃ bhagavā brūhi metaṃ, [iccāyasmā mettagū]
ман̃н̃аами д̇ам̣ взд̣̇аг̇уу бхаавид̇ад̇д̇ам̣;
Maññāmi taṃ vedagū bhāvitattaṃ;
гуд̇о ну д̣̇угкаа самуд̣̇ааг̇ад̇аа имз, яз гзжи логасмиманзгаруубаа’’д̇и.
Kuto nu dukkhā samudāgatā ime, ye keci lokasmimanekarūpā’’ti.
19.
19.
д̣̇угкасса вз мам̣ бабхавам̣ абужчаси, [мзд̇д̇аг̇ууд̇и бхаг̇аваа]
Dukkhassa ve maṃ pabhavaṃ apucchasi, [mettagūti bhagavā]
д̇ам̣ д̇з бавагкаами яат̇аа баж̇аанам̣;
Taṃ te pavakkhāmi yathā pajānaṃ;
убад̇хинид̣̇аанаа бабхаванд̇и д̣̇угкаа, яз гзжи логасмиманзгаруубаа.
Upadhinidānā pabhavanti dukkhā, ye keci lokasmimanekarūpā.
д̣̇угкасса вз мам̣ бабхавам̣ абужчасийд̇и. д̣̇угкассаад̇и ж̇аад̇ид̣̇угкасса ж̇араад̣̇угкасса б̣яаад̇хид̣̇угкасса маран̣ад̣̇угкасса согабарид̣̇звад̣̇угкад̣̇оманассубааяаасад̣̇угкасса. бабхавам̣ абужчасийд̇и д̣̇угкасса муулам̣ бужчаси хзд̇ум̣ бужчаси нид̣̇аанам̣ бужчаси самбхавам̣ бужчаси бабхавам̣ бужчаси самудтаанам̣ бужчаси аахаарам̣ бужчаси аарамман̣ам̣ бужчаси бажжаяам̣ бужчаси самуд̣̇аяам̣ бужчаси яаажаси аж̇жхзсаси басаад̣̇зсийд̇и – д̣̇угкасса вз мам̣ бабхавам̣ абужчаси. мзд̇д̇аг̇ууд̇и бхаг̇аваа д̇ам̣ б̣раахман̣ам̣ наамзна аалабад̇и. бхаг̇аваад̇и г̇аараваад̇хиважанамзд̇ам̣…бз… сажчигаа бан̃н̃ад̇д̇и, яад̣̇ид̣̇ам̣ бхаг̇аваад̇и – мзд̇д̇аг̇ууд̇и бхаг̇аваа.
Dukkhassa ve maṃ pabhavaṃ apucchasīti. Dukkhassāti jātidukkhassa jarādukkhassa byādhidukkhassa maraṇadukkhassa sokaparidevadukkhadomanassupāyāsadukkhassa. Pabhavaṃ apucchasīti dukkhassa mūlaṃ pucchasi hetuṃ pucchasi nidānaṃ pucchasi sambhavaṃ pucchasi pabhavaṃ pucchasi samuṭṭhānaṃ pucchasi āhāraṃ pucchasi ārammaṇaṃ pucchasi paccayaṃ pucchasi samudayaṃ pucchasi yācasi ajjhesasi pasādesīti – dukkhassa ve maṃ pabhavaṃ apucchasi. Mettagūti bhagavā taṃ brāhmaṇaṃ nāmena ālapati. Bhagavāti gāravādhivacanametaṃ…pe… sacchikā paññatti, yadidaṃ bhagavāti – mettagūti bhagavā.
д̇ам̣ д̇з бавагкаами яат̇аа баж̇аананд̇и. д̇анд̇и д̣̇угкасса муулам̣ бавагкаами хзд̇ум̣ бавагкаами нид̣̇аанам̣ бавагкаами самбхавам̣ бавагкаами бабхавам̣ бавагкаами самудтаанам̣ бавагкаами аахаарам̣ бавагкаами аарамман̣ам̣ бавагкаами бажжаяам̣ бавагкаами самуд̣̇аяам̣ бавагкаами аажигкиссаами д̣̇зсзссаами бан̃н̃абзссаами бадтабзссаами вивариссаами вибхаж̇иссаами уд̇д̇аанийгариссаами багаасзссаамийд̇и – д̇ам̣ д̇з бавагкаами. яат̇аа баж̇аананд̇и яат̇аа баж̇аананд̇о ааж̇аананд̇о виж̇аананд̇о бадивиж̇аананд̇о бадивиж̇жханд̇о. на ид̇ихийд̇ихам̣ на ид̇игирааяа на барамбарааяа на бидагасамбад̣̇ааяа 25 на д̇аггахзд̇у на наяахзд̇у на аагаарабаривид̇аггзна на д̣̇идтиниж̇жхаанагканд̇ияаа саамам̣ саяамабхин̃н̃аад̇ам̣ ад̇д̇абажжагкад̇хаммам̣ д̇ам̣ гат̇аяиссаамийд̇и – д̇ам̣ д̇з бавагкаами яат̇аа баж̇аанам̣.
Taṃ te pavakkhāmi yathā pajānanti. Tanti dukkhassa mūlaṃ pavakkhāmi hetuṃ pavakkhāmi nidānaṃ pavakkhāmi sambhavaṃ pavakkhāmi pabhavaṃ pavakkhāmi samuṭṭhānaṃ pavakkhāmi āhāraṃ pavakkhāmi ārammaṇaṃ pavakkhāmi paccayaṃ pavakkhāmi samudayaṃ pavakkhāmi ācikkhissāmi desessāmi paññapessāmi paṭṭhapessāmi vivarissāmi vibhajissāmi uttānīkarissāmi pakāsessāmīti – taṃ te pavakkhāmi. Yathā pajānanti yathā pajānanto ājānanto vijānanto paṭivijānanto paṭivijjhanto. Na itihītihaṃ na itikirāya na paramparāya na piṭakasampadāya 26 na takkahetu na nayahetu na ākāraparivitakkena na diṭṭhinijjhānakkhantiyā sāmaṃ sayamabhiññātaṃ attapaccakkhadhammaṃ taṃ kathayissāmīti – taṃ te pavakkhāmi yathā pajānaṃ.
убад̇хинид̣̇аанаа бабхаванд̇и д̣̇угкаад̇и. убад̇хийд̇и д̣̇аса убад̇хий – д̇ан̣хуубад̇хи, д̣̇идтуубад̇хи, гилзсуубад̇хи, гаммуубад̇хи, д̣̇ужжарид̇уубад̇хи, аахааруубад̇хи, бадигхуубад̇хи, жад̇ассо убаад̣̇иннад̇хаад̇уяо убад̇хий, ча аж̇жхад̇д̇игаани ааяад̇анаани убад̇хий, ча вин̃н̃аан̣агааяаа убад̇хий, саб̣б̣амби д̣̇угкам̣ д̣̇угкаманадтзна 27 убад̇хи. имз вужжанд̇и д̣̇аса убад̇хий. д̣̇угкаад̇и ж̇аад̇ид̣̇угкам̣ ж̇араад̣̇угкам̣ б̣яаад̇хид̣̇угкам̣ маран̣ад̣̇угкам̣ согабарид̣̇звад̣̇угкад̣̇оманассубааяаасад̣̇угкам̣ нзраяигам̣ д̣̇угкам̣…бз… д̣̇идтиб̣яасанам̣ д̣̇угкам̣. язсам̣ д̇хаммаанам̣ аад̣̇ид̇о самуд̣̇ааг̇аманам̣ бан̃н̃ааяад̇и, ад̇т̇ан̇г̇амад̇о нирод̇хо бан̃н̃ааяад̇и, гаммасанниссид̇о вибааго, вибаагасанниссид̇ам̣ гаммам̣, наамасанниссид̇ам̣ руубам̣, руубасанниссид̇ам̣ наамам̣, ж̇аад̇ияаа ануг̇ад̇ам̣, ж̇арааяа анусадам̣, б̣яаад̇хинаа абхибхууд̇ам̣, маран̣зна аб̣бхаахад̇ам̣, д̣̇угкз бад̇идтид̇ам̣, ад̇аан̣ам̣ алзн̣ам̣ асаран̣ам̣ асаран̣ийбхууд̇ам̣ – имз вужжанд̇и д̣̇угкаа. имз д̣̇угкаа убад̇хинид̣̇аанаа убад̇хихзд̇угаа убад̇хибажжаяаа убад̇хигааран̣аа хонд̇и бабхаванд̇и самбхаванд̇и ж̇ааяанд̇и сан̃ж̇ааяанд̇и ниб̣б̣ад̇д̇анд̇и баад̇убхаванд̇ийд̇и – убад̇хинид̣̇аанаа бабхаванд̇и д̣̇угкаа.
Upadhinidānā pabhavanti dukkhāti. Upadhīti dasa upadhī – taṇhūpadhi, diṭṭhūpadhi, kilesūpadhi, kammūpadhi, duccaritūpadhi, āhārūpadhi, paṭighūpadhi, catasso upādinnadhātuyo upadhī, cha ajjhattikāni āyatanāni upadhī, cha viññāṇakāyā upadhī, sabbampi dukkhaṃ dukkhamanaṭṭhena 28 upadhi. Ime vuccanti dasa upadhī. Dukkhāti jātidukkhaṃ jarādukkhaṃ byādhidukkhaṃ maraṇadukkhaṃ sokaparidevadukkhadomanassupāyāsadukkhaṃ nerayikaṃ dukkhaṃ…pe… diṭṭhibyasanaṃ dukkhaṃ. Yesaṃ dhammānaṃ ādito samudāgamanaṃ paññāyati, atthaṅgamato nirodho paññāyati, kammasannissito vipāko, vipākasannissitaṃ kammaṃ, nāmasannissitaṃ rūpaṃ, rūpasannissitaṃ nāmaṃ, jātiyā anugataṃ, jarāya anusaṭaṃ, byādhinā abhibhūtaṃ, maraṇena abbhāhataṃ, dukkhe patiṭṭhitaṃ, atāṇaṃ aleṇaṃ asaraṇaṃ asaraṇībhūtaṃ – ime vuccanti dukkhā. Ime dukkhā upadhinidānā upadhihetukā upadhipaccayā upadhikāraṇā honti pabhavanti sambhavanti jāyanti sañjāyanti nibbattanti pātubhavantīti – upadhinidānā pabhavanti dukkhā.
яз гзжи логасмиманзгаруубаад̇и. яз гзжийд̇и саб̣б̣зна саб̣б̣ам̣ саб̣б̣ат̇аа саб̣б̣ам̣ асзсам̣ ниссзсам̣ барияаад̣̇ияанаважанамзд̇ам̣ – яз гзжийд̇и. логасминд̇и абааяалогз мануссалогз д̣̇звалогз канд̇халогз д̇хаад̇улогз ааяад̇аналогз. анзгаруубаад̇и анзгавид̇хаа наанаббагаараа д̣̇угкаад̇и – яз гзжи логасмиманзгаруубаа. д̇знааха бхаг̇аваа –
Ye keci lokasmimanekarūpāti. Ye kecīti sabbena sabbaṃ sabbathā sabbaṃ asesaṃ nissesaṃ pariyādiyanavacanametaṃ – ye kecīti. Lokasminti apāyaloke manussaloke devaloke khandhaloke dhātuloke āyatanaloke. Anekarūpāti anekavidhā nānappakārā dukkhāti – ye keci lokasmimanekarūpā. Tenāha bhagavā –
‘‘д̣̇угкасса вз мам̣ бабхавам̣ абужчаси, [мзд̇д̇аг̇ууд̇и бхаг̇аваа]
‘‘Dukkhassa ve maṃ pabhavaṃ apucchasi, [mettagūti bhagavā]
д̇ам̣ д̇з бавагкаами яат̇аа баж̇аанам̣;
Taṃ te pavakkhāmi yathā pajānaṃ;
убад̇хинид̣̇аанаа бабхаванд̇и д̣̇угкаа, яз гзжи логасмиманзгаруубаа’’д̇и.
Upadhinidānā pabhavanti dukkhā, ye keci lokasmimanekarūpā’’ti.
20.
20.
яо вз авид̣̇ваа убад̇хим̣ гарод̇и, бунаббунам̣ д̣̇угкамубзд̇и манд̣̇о;
Yo ve avidvā upadhiṃ karoti, punappunaṃ dukkhamupeti mando;
д̇асмаа баж̇аанам̣ убад̇хим̣ на гаяираа, д̣̇угкасса ж̇аад̇иббабхаваанубассий.
Tasmā pajānaṃ upadhiṃ na kayirā, dukkhassa jātippabhavānupassī.
яо вз авид̣̇ваа убад̇хим̣ гарод̇ийд̇и. яод̇и яо яаад̣̇исо яат̇ааяуд̇д̇о яат̇аавихид̇о яат̇аабагааро яам̣таанаббад̇д̇о яам̣д̇хаммасаманнааг̇ад̇о кад̇д̇ияо ваа б̣раахман̣о ваа взссо ваа суд̣̇д̣̇о ваа г̇ахадто ваа баб̣б̣аж̇ид̇о ваа д̣̇зво ваа мануссо ваа. авид̣̇ваад̇и авиж̇ж̇ааг̇ад̇о ан̃н̃аан̣ий авибхаавий д̣̇уббан̃н̃о. убад̇хим̣ гарод̇ийд̇и д̇ан̣хуубад̇хим̣ гарод̇и, д̣̇идтуубад̇хим̣ гарод̇и, гилзсуубад̇хим̣ гарод̇и, гаммуубад̇хим̣ гарод̇и, д̣̇ужжарид̇уубад̇хим̣ гарод̇и, аахааруубад̇хим̣ гарод̇и, бадигхуубад̇хим̣ гарод̇и, жад̇ассо убаад̣̇иннад̇хаад̇уяо убад̇хий гарод̇и, ча аж̇жхад̇д̇игаани ааяад̇анаани убад̇хий гарод̇и, ча вин̃н̃аан̣агааяз убад̇хий гарод̇и ж̇анзд̇и сан̃ж̇анзд̇и ниб̣б̣ад̇д̇зд̇и абхиниб̣б̣ад̇д̇зд̇ийд̇и – авид̣̇ваа убад̇хим̣ гарод̇и.
Yove avidvā upadhiṃ karotīti. Yoti yo yādiso yathāyutto yathāvihito yathāpakāro yaṃṭhānappatto yaṃdhammasamannāgato khattiyo vā brāhmaṇo vā vesso vā suddo vā gahaṭṭho vā pabbajito vā devo vā manusso vā. Avidvāti avijjāgato aññāṇī avibhāvī duppañño. Upadhiṃ karotīti taṇhūpadhiṃ karoti, diṭṭhūpadhiṃ karoti, kilesūpadhiṃ karoti, kammūpadhiṃ karoti, duccaritūpadhiṃ karoti, āhārūpadhiṃ karoti, paṭighūpadhiṃ karoti, catasso upādinnadhātuyo upadhī karoti, cha ajjhattikāni āyatanāni upadhī karoti, cha viññāṇakāye upadhī karoti janeti sañjaneti nibbatteti abhinibbattetīti – avidvā upadhiṃ karoti.
бунаббунам̣ д̣̇угкамубзд̇и манд̣̇од̇и бунаббунам̣ ж̇аад̇ид̣̇угкам̣ ж̇араад̣̇угкам̣ б̣яаад̇хид̣̇угкам̣ маран̣ад̣̇угкам̣ согабарид̣̇звад̣̇угкад̣̇оманассубааяаасад̣̇угкам̣ зд̇и самубзд̇и убаг̇ажчад̇и г̇ан̣хаад̇и бараамасад̇и абхинивисад̇ийд̇и – бунаббунам̣ д̣̇угкамубзд̇и. манд̣̇од̇и манд̣̇о момухо авид̣̇ваа авиж̇ж̇ааг̇ад̇о ан̃н̃аан̣ий авибхаавий д̣̇уббан̃н̃од̇и – бунаббунам̣ д̣̇угкамубзд̇и манд̣̇о.
Punappunaṃ dukkhamupeti mandoti punappunaṃ jātidukkhaṃ jarādukkhaṃ byādhidukkhaṃ maraṇadukkhaṃ sokaparidevadukkhadomanassupāyāsadukkhaṃ eti samupeti upagacchati gaṇhāti parāmasati abhinivisatīti – punappunaṃ dukkhamupeti. Mandoti mando momuho avidvā avijjāgato aññāṇī avibhāvī duppaññoti – punappunaṃ dukkhamupeti mando.
д̇асмаа баж̇аанам̣ убад̇хим̣ на гаяираад̇и. д̇асмаад̇и д̇ам̣гааран̣аа д̇ам̣хзд̇у д̇аббажжаяаа д̇ам̣нид̣̇аанаа зд̇ам̣ аад̣̇ийнавам̣ самбассамаано убад̇хийсууд̇и д̇асмаа. баж̇аананд̇и баж̇аананд̇о ааж̇аананд̇о виж̇аананд̇о бадивиж̇аананд̇о бадивиж̇жханд̇о, ‘‘саб̣б̣з сан̇каараа анижжаа’’д̇и баж̇аананд̇о ааж̇аананд̇о виж̇аананд̇о бадивиж̇аананд̇о бадивиж̇жханд̇о , ‘‘саб̣б̣з сан̇каараа д̣̇угкаа’’д̇и…бз… ‘‘саб̣б̣з д̇хаммаа анад̇д̇аа’’д̇и…бз… ‘‘яам̣ гин̃жи самуд̣̇аяад̇хаммам̣ саб̣б̣ам̣ д̇ам̣ нирод̇хад̇хамма’’нд̇и баж̇аананд̇о ааж̇аананд̇о виж̇аананд̇о бадивиж̇аананд̇о бадивиж̇жханд̇о. убад̇хим̣ на гаяираад̇и д̇ан̣хуубад̇хим̣ на гарзяяа, д̣̇идтуубад̇хим̣ на гарзяяа, гилзсуубад̇хим̣ на гарзяяа, д̣̇ужжарид̇уубад̇хим̣ на гарзяяа, аахааруубад̇хим̣ на гарзяяа, бадигхуубад̇хим̣ на гарзяяа, жад̇ассо убаад̣̇иннад̇хаад̇уяо убад̇хий на гарзяяа, ча аж̇жхад̇д̇игаани ааяад̇анаани убад̇хий на гарзяяа, ча вин̃н̃аан̣агааяз убад̇хий на гарзяяа, на ж̇анзяяа на сан̃ж̇анзяяа на ниб̣б̣ад̇д̇зяяа наабхиниб̣б̣ад̇д̇зяяаад̇и – д̇асмаа баж̇аанам̣ убад̇хим̣ на гаяираа.
Tasmā pajānaṃ upadhiṃ na kayirāti. Tasmāti taṃkāraṇā taṃhetu tappaccayā taṃnidānā etaṃ ādīnavaṃ sampassamāno upadhīsūti tasmā. Pajānanti pajānanto ājānanto vijānanto paṭivijānanto paṭivijjhanto, ‘‘sabbe saṅkhārā aniccā’’ti pajānanto ājānanto vijānanto paṭivijānanto paṭivijjhanto , ‘‘sabbe saṅkhārā dukkhā’’ti…pe… ‘‘sabbe dhammā anattā’’ti…pe… ‘‘yaṃ kiñci samudayadhammaṃ sabbaṃ taṃ nirodhadhamma’’nti pajānanto ājānanto vijānanto paṭivijānanto paṭivijjhanto. Upadhiṃ na kayirāti taṇhūpadhiṃ na kareyya, diṭṭhūpadhiṃ na kareyya, kilesūpadhiṃ na kareyya, duccaritūpadhiṃ na kareyya, āhārūpadhiṃ na kareyya, paṭighūpadhiṃ na kareyya, catasso upādinnadhātuyo upadhī na kareyya, cha ajjhattikāni āyatanāni upadhī na kareyya, cha viññāṇakāye upadhī na kareyya, na janeyya na sañjaneyya na nibbatteyya nābhinibbatteyyāti – tasmā pajānaṃ upadhiṃ na kayirā.
д̣̇угкассаад̇и ж̇аад̇ид̣̇угкасса ж̇араад̣̇угкасса б̣яаад̇хид̣̇угкасса маран̣ад̣̇угкасса согабарид̣̇звад̣̇угкад̣̇оманассубааяаасад̣̇угкасса. бабхаваанубассийд̇и д̣̇угкасса муулаанубассий хзд̇аанубассий нид̣̇аанаанубассий самбхаваанубассий бабхаваанубассий самудтаанаанубассий аахаараанубассий аарамман̣аанубассий бажжаяаанубассий самуд̣̇аяаанубассий. анубассанаа вужжад̇и н̃аан̣ам̣. яаа бан̃н̃аа баж̇аананаа…бз… амохо д̇хаммавижаяо саммаад̣̇идти. имааяа анубассанааяа бан̃н̃ааяа убзд̇о ход̇и самубзд̇о убааг̇ад̇о самубааг̇ад̇о убабанно самубабанно саманнааг̇ад̇о. со вужжад̇и анубассийд̇и – д̣̇угкасса ж̇аад̇иббабхаваанубассий. д̇знааха бхаг̇аваа –
Dukkhassāti jātidukkhassa jarādukkhassa byādhidukkhassa maraṇadukkhassa sokaparidevadukkhadomanassupāyāsadukkhassa. Pabhavānupassīti dukkhassa mūlānupassī hetānupassī nidānānupassī sambhavānupassī pabhavānupassī samuṭṭhānānupassī āhārānupassī ārammaṇānupassī paccayānupassī samudayānupassī. Anupassanā vuccati ñāṇaṃ. Yā paññā pajānanā…pe… amoho dhammavicayo sammādiṭṭhi. Imāya anupassanāya paññāya upeto hoti samupeto upāgato samupāgato upapanno samupapanno samannāgato. So vuccati anupassīti – dukkhassa jātippabhavānupassī. Tenāha bhagavā –
‘‘яо вз авид̣̇ваа убад̇хим̣ гарод̇и, бунаббунам̣ д̣̇угкамубзд̇и манд̣̇о;
‘‘Yo ve avidvā upadhiṃ karoti, punappunaṃ dukkhamupeti mando;
д̇асмаа баж̇аанам̣ убад̇хим̣ на гаяираа, д̣̇угкасса ж̇аад̇иббабхаваанубассий’’д̇и.
Tasmā pajānaṃ upadhiṃ na kayirā, dukkhassa jātippabhavānupassī’’ti.
21.
21.
яам̣ д̇ам̣ абужчимха агид̇д̇аяий но, ан̃н̃ам̣ д̇ам̣ бужчаама д̇ад̣̇ин̇гха б̣руухи;
Yaṃ taṃ apucchimha akittayī no, aññaṃ taṃ pucchāma tadiṅgha brūhi;
гат̇ам̣ ну д̇хийраа вид̇аранд̇и огхам̣, ж̇аад̇им̣ ж̇арам̣ согабарид̣̇д̣̇аван̃жа;
Kathaṃ nu dhīrā vitaranti oghaṃ, jātiṃ jaraṃ sokapariddavañca;
д̇ам̣ мз муний саад̇ху вияаагарохи, д̇ат̇аа хи д̇з вид̣̇ид̇о зса д̇хаммо.
Taṃ me munī sādhu viyākarohi, tathā hi te vidito esa dhammo.
ан̃н̃ам̣ д̇ам̣ бужчаама д̇ад̣̇ин̇гха б̣руухийд̇и ан̃н̃ам̣ д̇ам̣ бужчаама, ан̃н̃ам̣ д̇ам̣ яаажаама, ан̃н̃ам̣ д̇ам̣ аж̇жхзсаама, ан̃н̃ам̣ д̇ам̣ басаад̣̇зма, уд̇д̇ари д̇ам̣ бужчаама. д̇ад̣̇ин̇гха б̣руухийд̇и ин̇гха б̣руухи аажигкаахи д̣̇зсзхи бан̃н̃абзхи бадтабзхи вивараахи вибхаж̇аахи уд̇д̇аанийгарохи багаасзхийд̇и – ан̃н̃ам̣ д̇ам̣ бужчаама д̇ад̣̇ин̇гха б̣руухи.
Aññaṃ taṃ pucchāma tadiṅgha brūhīti aññaṃ taṃ pucchāma, aññaṃ taṃ yācāma, aññaṃ taṃ ajjhesāma, aññaṃ taṃ pasādema, uttari taṃ pucchāma. Tadiṅgha brūhīti iṅgha brūhi ācikkhāhi desehi paññapehi paṭṭhapehi vivarāhi vibhajāhi uttānīkarohi pakāsehīti – aññaṃ taṃ pucchāma tadiṅgha brūhi.
гат̇ам̣ ну д̇хийраа вид̇аранд̇и огхам̣, ж̇аад̇им̣ ж̇арам̣ согабарид̣̇д̣̇аван̃жаад̇и. гат̇ам̣ нууд̇и сам̣саяабужчаа вимад̇ибужчаа д̣̇взл̣хагабужчаа анзгам̣сабужчаа – ‘‘звам̣ ну ко, нану ко, гим̣ ну ко, гат̇ам̣ ну ко’’д̇и – гат̇ам̣ ну. д̇хийраад̇и д̇хийраа бан̣д̣ид̇аа бан̃н̃аванд̇о б̣уд̣̇д̇химанд̇о н̃аан̣ино вибхаавино мзд̇хаавино . огханд̇и гаамогхам̣ бхавогхам̣ д̣̇идтогхам̣ авиж̇ж̇огхам̣. ж̇аад̇ийд̇и яаа д̇зсам̣ д̇зсам̣ сад̇д̇аанам̣ д̇амхи д̇амхи сад̇д̇анигааяз ж̇аад̇и сан̃ж̇аад̇и огганд̇и ниб̣б̣ад̇д̇и абхиниб̣б̣ад̇д̇и канд̇хаанам̣ баад̇убхааво ааяад̇анаанам̣ бадилаабхо. ж̇араад̇и яаа д̇зсам̣ д̇зсам̣ сад̇д̇аанам̣ д̇амхи д̇амхи сад̇д̇анигааяз ж̇араа ж̇ийран̣ад̇аа кан̣д̣ижжам̣ баалижжам̣ валид̇д̇ажад̇аа ааяуно сам̣хаани инд̣̇рияаанам̣ барибааго. согод̇и н̃аад̇иб̣яасанзна ваа пудтасса бхог̇аб̣яасанзна ваа пудтасса рог̇аб̣яасанзна ваа пудтасса сийлаб̣яасанзна ваа пудтасса д̣̇идтиб̣яасанзна ваа пудтасса ан̃н̃ад̇аран̃н̃ад̇арзна б̣яасанзна ваа саманнааг̇ад̇асса ан̃н̃ад̇аран̃н̃ад̇арзна д̣̇угкад̇хаммзна ваа пудтасса сого сожанаа сожид̇ад̇д̇ам̣ анд̇осого анд̇обарисого анд̇од̣аахо анд̇обарид̣аахо жзд̇асо бариж̇жхааяанаа д̣̇оманассам̣ согасаллам̣. барид̣̇звод̇и н̃аад̇иб̣яасанзна ваа пудтасса бхог̇аб̣яасанзна ваа пудтасса рог̇аб̣яасанзна ваа пудтасса сийлаб̣яасанзна ваа пудтасса д̣̇идтиб̣яасанзна ваа пудтасса ан̃н̃ад̇аран̃н̃ад̇арзна б̣яасанзна ваа саманнааг̇ад̇асса ан̃н̃ад̇аран̃н̃ад̇арзна д̣̇угкад̇хаммзна ваа пудтасса аад̣̇зво барид̣̇зво аад̣̇званаа барид̣̇званаа аад̣̇звид̇ад̇д̇ам̣ барид̣̇звид̇ад̇д̇ам̣ ваажаа балаабо 33 виббалаабо лаалаббо лаалаббанаа лаалаббид̇ад̇д̇ам̣ 34.
Kathaṃ nu dhīrā vitaranti oghaṃ, jātiṃ jaraṃ sokapariddavañcāti. Kathaṃ nūti saṃsayapucchā vimatipucchā dveḷhakapucchā anekaṃsapucchā – ‘‘evaṃ nu kho, nanu kho, kiṃ nu kho, kathaṃ nu kho’’ti – kathaṃ nu. Dhīrāti dhīrā paṇḍitā paññavanto buddhimanto ñāṇino vibhāvino medhāvino . Oghanti kāmoghaṃ bhavoghaṃ diṭṭhoghaṃ avijjoghaṃ. Jātīti yā tesaṃ tesaṃ sattānaṃ tamhi tamhi sattanikāye jāti sañjāti okkanti nibbatti abhinibbatti khandhānaṃ pātubhāvo āyatanānaṃ paṭilābho. Jarāti yā tesaṃ tesaṃ sattānaṃ tamhi tamhi sattanikāye jarā jīraṇatā khaṇḍiccaṃ pāliccaṃ valittacatā āyuno saṃhāni indriyānaṃ paripāko. Sokoti ñātibyasanena vā phuṭṭhassa bhogabyasanena vā phuṭṭhassa rogabyasanena vā phuṭṭhassa sīlabyasanena vā phuṭṭhassa diṭṭhibyasanena vā phuṭṭhassa aññataraññatarena byasanena vā samannāgatassa aññataraññatarena dukkhadhammena vā phuṭṭhassa soko socanā socitattaṃ antosoko antoparisoko antoḍāho antopariḍāho cetaso parijjhāyanā domanassaṃ sokasallaṃ. Paridevoti ñātibyasanena vā phuṭṭhassa bhogabyasanena vā phuṭṭhassa rogabyasanena vā phuṭṭhassa sīlabyasanena vā phuṭṭhassa diṭṭhibyasanena vā phuṭṭhassa aññataraññatarena byasanena vā samannāgatassa aññataraññatarena dukkhadhammena vā phuṭṭhassa ādevo paridevo ādevanā paridevanā ādevitattaṃ paridevitattaṃ vācā palāpo 35 vippalāpo lālappo lālappanā lālappitattaṃ 36.
гат̇ам̣ ну д̇хийраа вид̇аранд̇и огхам̣, ж̇аад̇им̣ ж̇арам̣ согабарид̣̇д̣̇аван̃жаад̇и д̇хийраа гат̇ам̣ огхан̃жа ж̇аад̇ин̃жа ж̇аран̃жа соган̃жа барид̣̇зван̃жа д̇аранд̇и уд̇д̇аранд̇и бад̇аранд̇и самад̇иггаманд̇и вийд̇ивад̇д̇анд̇ийд̇и – гат̇ам̣ ну д̇хийраа вид̇аранд̇и огхам̣, ж̇аад̇им̣ ж̇арам̣ согабарид̣̇д̣̇аван̃жа.
Kathaṃ nu dhīrā vitaranti oghaṃ, jātiṃ jaraṃ sokapariddavañcāti dhīrā kathaṃ oghañca jātiñca jarañca sokañca paridevañca taranti uttaranti pataranti samatikkamanti vītivattantīti – kathaṃ nu dhīrā vitaranti oghaṃ, jātiṃ jaraṃ sokapariddavañca.
д̇ам̣ мз муний саад̇ху вияаагарохийд̇и. д̇анд̇и яам̣ бужчаами яам̣ яаажаами яам̣ аж̇жхзсаами яам̣ басаад̣̇зми. мунийд̇и монам̣ вужжад̇и н̃аан̣ам̣ . яаа бан̃н̃аа баж̇аананаа…бз… амохо д̇хаммавижаяо саммаад̣̇идти. бхаг̇аваа д̇зна н̃аан̣зна саманнааг̇ад̇о муни монаббад̇д̇о. д̇ийн̣и монзяяаани – гааяамонзяяам̣ важиймонзяяам̣ маномонзяяам̣.
Taṃ me munī sādhu viyākarohīti. Tanti yaṃ pucchāmi yaṃ yācāmi yaṃ ajjhesāmi yaṃ pasādemi. Munīti monaṃ vuccati ñāṇaṃ . Yā paññā pajānanā…pe… amoho dhammavicayo sammādiṭṭhi. Bhagavā tena ñāṇena samannāgato muni monappatto. Tīṇi moneyyāni – kāyamoneyyaṃ vacīmoneyyaṃ manomoneyyaṃ.
гад̇амам̣ гааяамонзяяам̣? д̇ивид̇хаанам̣ гааяад̣̇ужжарид̇аанам̣ бахаанам̣ гааяамонзяяам̣. д̇ивид̇хам̣ гааяасужарид̇ам̣ гааяамонзяяам̣. гааяаарамман̣з н̃аан̣ам̣ гааяамонзяяам̣. гааяабарин̃н̃аа гааяамонзяяам̣. барин̃н̃аасахаг̇ад̇о маг̇г̇о гааяамонзяяам̣. гааяз чанд̣̇арааг̇асса бахаанам̣ гааяамонзяяам̣. гааяасан̇кааранирод̇хо жад̇уд̇т̇аж̇жхаанасамаабад̇д̇и гааяамонзяяам̣. ид̣̇ам̣ гааяамонзяяам̣.
Katamaṃ kāyamoneyyaṃ? Tividhānaṃ kāyaduccaritānaṃ pahānaṃ kāyamoneyyaṃ. Tividhaṃ kāyasucaritaṃ kāyamoneyyaṃ. Kāyārammaṇe ñāṇaṃ kāyamoneyyaṃ. Kāyapariññā kāyamoneyyaṃ. Pariññāsahagato maggo kāyamoneyyaṃ. Kāye chandarāgassa pahānaṃ kāyamoneyyaṃ. Kāyasaṅkhāranirodho catutthajjhānasamāpatti kāyamoneyyaṃ. Idaṃ kāyamoneyyaṃ.
гад̇амам̣ важиймонзяяам̣? жад̇уб̣б̣ид̇хаанам̣ важийд̣̇ужжарид̇аанам̣ бахаанам̣ важиймонзяяам̣. жад̇уб̣б̣ид̇хам̣ важийсужарид̇ам̣ важиймонзяяам̣. ваажаарамман̣з н̃аан̣ам̣ важиймонзяяам̣. ваажаабарин̃н̃аа важиймонзяяам̣. барин̃н̃аасахаг̇ад̇о маг̇г̇о важиймонзяяам̣. ваажааяа чанд̣̇арааг̇асса бахаанам̣ важиймонзяяам̣. важийсан̇кааранирод̇хо д̣̇уд̇ияаж̇жхаанасамаабад̇д̇и важиймонзяяам̣. ид̣̇ам̣ важиймонзяяам̣.
Katamaṃ vacīmoneyyaṃ? Catubbidhānaṃ vacīduccaritānaṃ pahānaṃ vacīmoneyyaṃ. Catubbidhaṃ vacīsucaritaṃ vacīmoneyyaṃ. Vācārammaṇe ñāṇaṃ vacīmoneyyaṃ. Vācāpariññā vacīmoneyyaṃ. Pariññāsahagato maggo vacīmoneyyaṃ. Vācāya chandarāgassa pahānaṃ vacīmoneyyaṃ. Vacīsaṅkhāranirodho dutiyajjhānasamāpatti vacīmoneyyaṃ. Idaṃ vacīmoneyyaṃ.
гад̇амам̣ маномонзяяам̣? д̇ивид̇хаанам̣ манод̣̇ужжарид̇аанам̣ бахаанам̣ маномонзяяам̣. д̇ивид̇хам̣ маносужарид̇ам̣ маномонзяяам̣. жид̇д̇аарамман̣з н̃аан̣ам̣ маномонзяяам̣. жид̇д̇абарин̃н̃аа маномонзяяам̣. барин̃н̃аасахаг̇ад̇о маг̇г̇о маномонзяяам̣. жид̇д̇з чанд̣̇арааг̇асса бахаанам̣ маномонзяяам̣. жид̇д̇асан̇кааранирод̇хо сан̃н̃аавзд̣̇аяид̇анирод̇хасамаабад̇д̇и маномонзяяам̣. ид̣̇ам̣ маномонзяяам̣ .
Katamaṃ manomoneyyaṃ? Tividhānaṃ manoduccaritānaṃ pahānaṃ manomoneyyaṃ. Tividhaṃ manosucaritaṃ manomoneyyaṃ. Cittārammaṇe ñāṇaṃ manomoneyyaṃ. Cittapariññā manomoneyyaṃ. Pariññāsahagato maggo manomoneyyaṃ. Citte chandarāgassa pahānaṃ manomoneyyaṃ. Cittasaṅkhāranirodho saññāvedayitanirodhasamāpatti manomoneyyaṃ. Idaṃ manomoneyyaṃ .
муним̣ монзяяасамбаннам̣, ааху саб̣б̣аббахааяинам̣.
Muniṃ moneyyasampannaṃ, āhu sabbappahāyinaṃ.
гааяамуним̣ важиймуним̣, маномуниманаасавам̣;
Kāyamuniṃ vacīmuniṃ, manomunimanāsavaṃ;
муним̣ монзяяасамбаннам̣, ааху нинхаад̇абаабаганд̇и.
Muniṃ moneyyasampannaṃ, āhu ninhātapāpakanti.
имзхи д̇ийхи монзяязхи д̇хаммзхи саманнааг̇ад̇аа. ча мунино 39 – аг̇аарамунино, анаг̇аарамунино, сзкамунино 40, асзкамунино, бажжзгамунино мунимунинод̇и. гад̇амз аг̇аарамунино? яз д̇з аг̇ааригаа д̣̇идтабад̣̇аа вин̃н̃аад̇асаасанаа – имз аг̇аарамунино. гад̇амз анаг̇аарамунино? яз д̇з баб̣б̣аж̇ид̇аа д̣̇идтабад̣̇аа вин̃н̃аад̇асаасанаа – имз анаг̇аарамунино. сад̇д̇а сзкаа сзкамунино. араханд̇о асзкамунино. бажжзгасамб̣уд̣̇д̇хаа бажжзгамунино. д̇ат̇ааг̇ад̇аа араханд̇о саммаасамб̣уд̣̇д̇хаа мунимунино.
Imehi tīhi moneyyehi dhammehi samannāgatā. Cha munino 41 – agāramunino, anagāramunino, sekhamunino 42, asekhamunino, paccekamunino munimuninoti. Katame agāramunino? Ye te agārikā diṭṭhapadā viññātasāsanā – ime agāramunino. Katame anagāramunino? Ye te pabbajitā diṭṭhapadā viññātasāsanā – ime anagāramunino. Satta sekhā sekhamunino. Arahanto asekhamunino. Paccekasambuddhā paccekamunino. Tathāgatā arahanto sammāsambuddhā munimunino.
яо жа д̇улам̣ва баг̇г̇аяха, варамаад̣̇ааяа бан̣д̣ид̇о.
Yo ca tulaṃva paggayha, varamādāya paṇḍito.
баабаани бариваж̇ж̇зд̇и, са муний д̇зна со муни;
Pāpāni parivajjeti, sa munī tena so muni;
яо мунаад̇и убхо логз, муни д̇зна бавужжад̇и.
Yo munāti ubho loke, muni tena pavuccati.
асад̇ан̃жа сад̇ан̃жа н̃ад̇ваа д̇хаммам̣, аж̇жхад̇д̇ам̣ б̣ахид̣̇д̇хаа жа саб̣б̣алогз;
Asatañca satañca ñatvā dhammaṃ, ajjhattaṃ bahiddhā ca sabbaloke;
саад̇ху вияаагарохийд̇и д̇ам̣ саад̇ху аажигкаахи д̣̇зсзхи бан̃н̃абзхи бадтабзхи вивараахи вибхаж̇аахи уд̇д̇аанийгарохи багаасзхийд̇и – д̇ам̣ мз муний саад̇ху вияаагарохи. д̇ат̇аа хи д̇з вид̣̇ид̇о зса д̇хаммод̇и д̇ат̇аа хи д̇з вид̣̇ид̇о д̇улид̇о д̇ийрид̇о вибхууд̇о вибхаавид̇о зса д̇хаммод̇и – д̇ат̇аа хи д̇з вид̣̇ид̇о зса д̇хаммо. д̇знааха со б̣раахман̣о –
Sādhu viyākarohīti taṃ sādhu ācikkhāhi desehi paññapehi paṭṭhapehi vivarāhi vibhajāhi uttānīkarohi pakāsehīti – taṃ me munī sādhu viyākarohi. Tathā hi te vidito esadhammoti tathā hi te vidito tulito tīrito vibhūto vibhāvito esa dhammoti – tathā hi te vidito esa dhammo. Tenāha so brāhmaṇo –
‘‘яам̣ д̇ам̣ абужчимха агид̇д̇аяий но, ан̃н̃ам̣ д̇ам̣ бужчаама д̇ад̣̇ин̇гха б̣руухи;
‘‘Yaṃ taṃ apucchimha akittayī no, aññaṃ taṃ pucchāma tadiṅgha brūhi;
гат̇ам̣ ну д̇хийраа вид̇аранд̇и огхам̣, ж̇аад̇им̣ ж̇арам̣ согабарид̣̇д̣̇аван̃жа;
Kathaṃ nu dhīrā vitaranti oghaṃ, jātiṃ jaraṃ sokapariddavañca;
д̇ам̣ мз муний саад̇ху вияаагарохи, д̇ат̇аа хи д̇з вид̣̇ид̇о зса д̇хаммо’’д̇и.
Taṃ me munī sādhu viyākarohi, tathā hi te vidito esa dhammo’’ti.
22.
22.
гид̇д̇аяиссаами д̇з д̇хаммам̣, [мзд̇д̇аг̇ууд̇и бхаг̇аваа]
Kittayissāmite dhammaṃ, [mettagūti bhagavā]
д̣̇идтз д̇хаммз анийд̇ихам̣;
Diṭṭhe dhamme anītihaṃ;
яам̣ вид̣̇ид̇ваа сад̇о жарам̣, д̇арз логз висад̇д̇игам̣.
Yaṃ viditvā sato caraṃ, tare loke visattikaṃ.
гид̇д̇аяиссаами д̇з д̇хамманд̇и. д̇хамманд̇и аад̣̇игаляаан̣ам̣ маж̇жхзгаляаан̣ам̣ барияосаанагаляаан̣ам̣ саад̇т̇ам̣ саб̣яан̃ж̇анам̣ гзвалабарибун̣н̣ам̣ барисуд̣̇д̇хам̣ б̣рахмажарияам̣, жад̇д̇ааро сад̇ибадтаанз, жад̇д̇ааро саммаббад̇хаанз, жад̇д̇ааро ид̣̇д̇хибаад̣̇з , бан̃жинд̣̇рияаани, бан̃жа б̣алаани, сад̇д̇а б̣ож̇жхан̇г̇з, арияам̣ адтан̇г̇игам̣ маг̇г̇ам̣, ниб̣б̣аанан̃жа, ниб̣б̣аанаг̇ааминин̃жа бадибад̣̇ам̣ гид̇д̇аяиссаами аажигкиссаами д̣̇зсзссаами бан̃н̃абзссаами бадтабзссаами вивариссаами вибхаж̇иссаами уд̇д̇аанийгариссаами багаасиссаамийд̇и – гид̇д̇аяиссаами д̇з д̇хаммам̣. мзд̇д̇аг̇ууд̇и бхаг̇аваа д̇ам̣ б̣раахман̣ам̣ наамзна аалабад̇и.
Kittayissāmi te dhammanti. Dhammanti ādikalyāṇaṃ majjhekalyāṇaṃ pariyosānakalyāṇaṃ sātthaṃ sabyañjanaṃ kevalaparipuṇṇaṃ parisuddhaṃ brahmacariyaṃ, cattāro satipaṭṭhāne, cattāro sammappadhāne, cattāro iddhipāde , pañcindriyāni, pañca balāni, satta bojjhaṅge, ariyaṃ aṭṭhaṅgikaṃ maggaṃ, nibbānañca, nibbānagāminiñca paṭipadaṃ kittayissāmi ācikkhissāmi desessāmi paññapessāmi paṭṭhapessāmi vivarissāmi vibhajissāmi uttānīkarissāmi pakāsissāmīti – kittayissāmi te dhammaṃ. Mettagūti bhagavā taṃ brāhmaṇaṃ nāmena ālapati.
д̣̇идтз д̇хаммз анийд̇иханд̇и. д̣̇идтз д̇хаммзд̇и д̣̇идтз д̇хаммз н̃аад̇з д̇хаммз д̇улид̇з д̇хаммз д̇ийрид̇з д̇хаммз вибхууд̇з д̇хаммз вибхаавид̇з д̇хаммз саб̣б̣з сан̇каараа анижжаад̇и…бз… яам̣ гин̃жи самуд̣̇аяад̇хаммам̣ саб̣б̣ам̣ д̇ам̣ нирод̇хад̇хамманд̇и д̣̇идтз д̇хаммз н̃аад̇з д̇хаммз д̇улид̇з д̇хаммз д̇ийрид̇з д̇хаммз вибхууд̇з д̇хаммз вибхаавид̇з д̇хаммзд̇и – звамби д̣̇идтз д̇хаммз гат̇аяиссаами. ат̇а ваа, д̣̇угкз д̣̇идтз д̣̇угкам̣ гат̇аяиссаами, самуд̣̇аяз д̣̇идтз самуд̣̇аяам̣ гат̇аяиссаами, маг̇г̇з д̣̇идтз маг̇г̇ам̣ гат̇аяиссаами, нирод̇хз д̣̇идтз нирод̇хам̣ гат̇аяиссаамийд̇и – звамби д̣̇идтз д̇хаммз гат̇аяиссаами. ат̇а ваа, д̣̇идтз д̇хаммз санд̣̇идтигам̣ агаалигам̣ зхибассигам̣ обанзяяигам̣ бажжад̇д̇ам̣ взд̣̇ид̇аб̣б̣ам̣ вин̃н̃уухийд̇и – звамби д̣̇идтз д̇хаммз гат̇аяиссаамийд̇и д̣̇идтз д̇хаммз. анийд̇иханд̇и на ид̇ихийд̇ихам̣ на ид̇игирааяа на барамбарааяа на бидагасамбад̣̇ааяа на д̇аггахзд̇у на наяахзд̇у на аагаарабаривид̇аггзна на д̣̇идтиниж̇жхаанагканд̇ияаа, саамам̣ саяамабхин̃н̃аад̇ам̣ ад̇д̇абажжагкад̇хаммам̣, д̇ам̣ гат̇аяиссаамийд̇и – д̣̇идтз д̇хаммз анийд̇ихам̣.
Diṭṭhe dhamme anītihanti. Diṭṭhe dhammeti diṭṭhe dhamme ñāte dhamme tulite dhamme tīrite dhamme vibhūte dhamme vibhāvite dhamme sabbe saṅkhārā aniccāti…pe… yaṃ kiñci samudayadhammaṃ sabbaṃ taṃ nirodhadhammanti diṭṭhe dhamme ñāte dhamme tulite dhamme tīrite dhamme vibhūte dhamme vibhāvite dhammeti – evampi diṭṭhe dhamme kathayissāmi. Atha vā, dukkhe diṭṭhe dukkhaṃ kathayissāmi, samudaye diṭṭhe samudayaṃ kathayissāmi, magge diṭṭhe maggaṃ kathayissāmi, nirodhe diṭṭhe nirodhaṃ kathayissāmīti – evampi diṭṭhe dhamme kathayissāmi. Atha vā, diṭṭhe dhamme sandiṭṭhikaṃ akālikaṃ ehipassikaṃ opaneyyikaṃ paccattaṃ veditabbaṃ viññūhīti – evampi diṭṭhe dhamme kathayissāmīti diṭṭhe dhamme. Anītihanti na itihītihaṃ na itikirāya na paramparāya na piṭakasampadāya na takkahetu na nayahetu na ākāraparivitakkena na diṭṭhinijjhānakkhantiyā, sāmaṃ sayamabhiññātaṃ attapaccakkhadhammaṃ, taṃ kathayissāmīti – diṭṭhe dhamme anītihaṃ.
яам̣ вид̣̇ид̇ваа сад̇о жаранд̇и яам̣ вид̣̇ид̇ам̣ гад̇ваа д̇улаяид̇ваа д̇ийраяид̇ваа вибхааваяид̇ваа вибхууд̇ам̣ гад̇ваа, ‘‘саб̣б̣з сан̇каараа анижжаа’’д̇и вид̣̇ид̇ам̣ гад̇ваа д̇улаяид̇ваа д̇ийраяид̇ваа вибхааваяид̇ваа вибхууд̇ам̣ гад̇ваа, ‘‘саб̣б̣з сан̇каараа д̣̇угкаа’’д̇и… ‘‘саб̣б̣з д̇хаммаа анад̇д̇аа’’д̇и…бз… ‘‘яам̣ гин̃жи самуд̣̇аяад̇хаммам̣ саб̣б̣ам̣ д̇ам̣ нирод̇хад̇хамма’’нд̇и вид̣̇ид̇ам̣ гад̇ваа д̇улаяид̇ваа д̇ийраяид̇ваа вибхааваяид̇ваа вибхууд̇ам̣ гад̇ваа. сад̇од̇и жад̇уухи гааран̣зхи сад̇о – гааяз гааяаанубассанаасад̇ибадтаанам̣ бхаавзнд̇о сад̇о…бз… со вужжад̇и сад̇о. жаранд̇и жаранд̇о вихаранд̇о ирияанд̇о вад̇д̇знд̇о баалзнд̇о яабзнд̇о яаабзнд̇од̇и – яам̣ вид̣̇ид̇ваа сад̇о жарам̣.
Yaṃviditvā sato caranti yaṃ viditaṃ katvā tulayitvā tīrayitvā vibhāvayitvā vibhūtaṃ katvā, ‘‘sabbe saṅkhārā aniccā’’ti viditaṃ katvā tulayitvā tīrayitvā vibhāvayitvā vibhūtaṃ katvā, ‘‘sabbe saṅkhārā dukkhā’’ti… ‘‘sabbe dhammā anattā’’ti…pe… ‘‘yaṃ kiñci samudayadhammaṃ sabbaṃ taṃ nirodhadhamma’’nti viditaṃ katvā tulayitvā tīrayitvā vibhāvayitvā vibhūtaṃ katvā. Satoti catūhi kāraṇehi sato – kāye kāyānupassanāsatipaṭṭhānaṃ bhāvento sato…pe… so vuccati sato. Caranti caranto viharanto iriyanto vattento pālento yapento yāpentoti – yaṃ viditvā sato caraṃ.
д̇арз логз висад̇д̇иганд̇и висад̇д̇игаа вужжад̇и д̇ан̣хаа. яо рааг̇о саарааг̇о…бз… абхиж̇жхаа лобхо агусаламуулам̣. висад̇д̇игаад̇и гзнадтзна висад̇д̇игаа? висад̇аад̇и висад̇д̇игаа, висаалаад̇и висад̇д̇игаа, висадаад̇и висад̇д̇игаа, висамаад̇и висад̇д̇игаа, висаггад̇ийд̇и висад̇д̇игаа, висам̣харад̇ийд̇и висад̇д̇игаа, висам̣ваад̣̇игаад̇и висад̇д̇игаа, висамуулаад̇и висад̇д̇игаа, висапалаад̇и висад̇д̇игаа, висабарибхог̇аад̇и висад̇д̇игаа, висаалаа ваа бана саа д̇ан̣хаа руубз сад̣̇д̣̇з г̇анд̇хз расз подтаб̣б̣з гулз г̇ан̣з ааваасз лаабхз яасз басам̣сааяа сукз жийварз бин̣д̣абаад̇з сзнаасанз г̇илаанабажжаяабхзсаж̇ж̇абаригкаарз гаамад̇хаад̇уяаа руубад̇хаад̇уяаа аруубад̇хаад̇уяаа гаамабхавз руубабхавз аруубабхавз сан̃н̃аабхавз асан̃н̃аабхавз нзвасан̃н̃аанаасан̃н̃аабхавз згавогаарабхавз жад̇увогаарабхавз бан̃жавогаарабхавз ад̇ийд̇з анааг̇ад̇з бажжуббаннз д̣̇идтасуд̇амуд̇авин̃н̃аад̇аб̣б̣зсу д̇хаммзсу висадаа вид̇т̇ад̇аад̇и висад̇д̇игаа. логзд̇и абааяалогз мануссалогз д̣̇звалогз канд̇халогз д̇хаад̇улогз ааяад̇аналогз. д̇арз логз висад̇д̇иганд̇и логз взсаа висад̇д̇игаа 49, логз взд̇ам̣ висад̇д̇игам̣ сад̇о д̇арзяяа уд̇д̇арзяяа бад̇арзяяа самад̇иггамзяяа вийд̇ивад̇д̇зяяаад̇и – д̇арз логз висад̇д̇игам̣. д̇знааха бхаг̇аваа –
Tare loke visattikanti visattikā vuccati taṇhā. Yo rāgo sārāgo…pe… abhijjhā lobho akusalamūlaṃ. Visattikāti kenaṭṭhena visattikā? Visatāti visattikā, visālāti visattikā, visaṭāti visattikā, visamāti visattikā, visakkatīti visattikā, visaṃharatīti visattikā, visaṃvādikāti visattikā, visamūlāti visattikā, visaphalāti visattikā, visaparibhogāti visattikā, visālā vā pana sā taṇhā rūpe sadde gandhe rase phoṭṭhabbe kule gaṇe āvāse lābhe yase pasaṃsāya sukhe cīvare piṇḍapāte senāsane gilānapaccayabhesajjaparikkhāre kāmadhātuyā rūpadhātuyā arūpadhātuyā kāmabhave rūpabhave arūpabhave saññābhave asaññābhave nevasaññānāsaññābhave ekavokārabhave catuvokārabhave pañcavokārabhave atīte anāgate paccuppanne diṭṭhasutamutaviññātabbesu dhammesu visaṭā vitthatāti visattikā. Loketi apāyaloke manussaloke devaloke khandhaloke dhātuloke āyatanaloke. Tare loke visattikanti loke vesā visattikā 50, loke vetaṃ visattikaṃ sato tareyya uttareyya patareyya samatikkameyya vītivatteyyāti – tare loke visattikaṃ. Tenāha bhagavā –
‘‘гид̇д̇аяиссаами д̇з д̇хаммам̣, [мзд̇д̇аг̇ууд̇и бхаг̇аваа]
‘‘Kittayissāmi te dhammaṃ, [mettagūti bhagavā]
д̣̇идтз д̇хаммз анийд̇ихам̣;
Diṭṭhe dhamme anītihaṃ;
яам̣ вид̣̇ид̇ваа сад̇о жарам̣, д̇арз логз висад̇д̇ига’’нд̇и.
Yaṃ viditvā sato caraṃ, tare loke visattika’’nti.
23.
23.
д̇ан̃жаахам̣ абхинанд̣̇аами, махзси д̇хаммамуд̇д̇амам̣;
Tañcāhaṃ abhinandāmi, mahesi dhammamuttamaṃ;
яам̣ вид̣̇ид̇ваа сад̇о жарам̣, д̇арз логз висад̇д̇игам̣.
Yaṃ viditvā sato caraṃ, tare loke visattikaṃ.
махзси д̇хаммамуд̇д̇аманд̇и. махзсийд̇и гим̣ махзси бхаг̇аваа, маханд̇ам̣ сийлагканд̇хам̣ зсий г̇авзсий 55 бариязсийд̇и махзси, маханд̇ам̣ самаад̇хигканд̇хам̣…бз… маханд̇ам̣ бан̃н̃аагканд̇хам̣… маханд̇ам̣ вимуд̇д̇игканд̇хам̣… маханд̇ам̣ вимуд̇д̇ин̃аан̣ад̣̇ассанагканд̇хам̣ зсий г̇авзсий бариязсийд̇и махзси, махад̇о д̇амогааяасса бад̣̇ааланам̣ зсий г̇авзсий бариязсийд̇и махзси, махад̇о вибаллаасасса бабхзд̣̇анам̣ зсий г̇авзсий бариязсийд̇и махзси, махад̇о д̇ан̣хаасалласса аб̣б̣аханам̣ 56 зсий г̇авзсий бариязсийд̇и махзси, махад̇о д̣̇идтисан̇гхаад̇асса винивзтанам̣ зсий г̇авзсий бариязсийд̇и махзси, махад̇о маанад̇хаж̇асса бабаад̇анам̣ зсий г̇авзсий бариязсийд̇и махзси, махад̇о абхисан̇каарасса вуубасамам̣ зсий г̇авзсий бариязсийд̇и махзси, махад̇о огхасса нид̇т̇аран̣ам̣ зсий г̇авзсий бариязсийд̇и махзси, махад̇о бхаарасса нигкзбанам̣ зсий г̇авзсий бариязсийд̇и махзси, махад̇о сам̣саараваддасса убажчзд̣̇ам̣ зсий г̇авзсий бариязсийд̇и махзси, махад̇о санд̇аабасса ниб̣б̣аабанам̣ зсий г̇авзсий бариязсийд̇и махзси, махад̇о барил̣аахасса бадиббассад̣̇д̇хим̣ зсий г̇авзсий бариязсийд̇и махзси, махад̇о д̇хаммад̇хаж̇асса уссаабанам̣ зсий г̇авзсий бариязсийд̇и махзси, маханд̇з сад̇ибадтаанз…бз… маханд̇з саммаббад̇хаанз… маханд̇з ид̣̇д̇хибаад̣̇з… маханд̇аани инд̣̇рияаани… маханд̇аани б̣алаани… маханд̇з б̣ож̇жхан̇г̇з… маханд̇ам̣ арияам̣ адтан̇г̇игам̣ маг̇г̇ам̣… маханд̇ам̣ барамад̇т̇ам̣ амад̇ам̣ ниб̣б̣аанам̣ зсий г̇авзсий бариязсийд̇и махзси, махзсагкзхи сад̇д̇зхи зсид̇о г̇авзсид̇о бариязсид̇о – ‘‘гахам̣ б̣уд̣̇д̇хо, гахам̣ бхаг̇аваа, гахам̣ д̣̇звад̣̇зво, гахам̣ нараасабхо’’д̇и махзси. д̇хаммамуд̇д̇аманд̇и д̇хаммамуд̇д̇ам̣мам̣ вужжад̇и амад̇ам̣ ниб̣б̣аанам̣. яо со саб̣б̣асан̇каарасамат̇о саб̣б̣уубад̇хибадиниссаг̇г̇о д̇ан̣хагкаяо вирааг̇о нирод̇хо ниб̣б̣аанам̣. уд̇д̇аманд̇и аг̇г̇ам̣ сздтам̣ висздтам̣ баамогкам̣ уд̇д̇амам̣ баварам̣ д̇хамманд̇и – махзси д̇хаммамуд̇д̇амам̣.
Mahesidhammamuttamanti. Mahesīti kiṃ mahesi bhagavā, mahantaṃ sīlakkhandhaṃ esī gavesī 57 pariyesīti mahesi, mahantaṃ samādhikkhandhaṃ…pe… mahantaṃ paññākkhandhaṃ… mahantaṃ vimuttikkhandhaṃ… mahantaṃ vimuttiñāṇadassanakkhandhaṃ esī gavesī pariyesīti mahesi, mahato tamokāyassa padālanaṃ esī gavesī pariyesīti mahesi, mahato vipallāsassa pabhedanaṃ esī gavesī pariyesīti mahesi, mahato taṇhāsallassa abbahanaṃ 58 esī gavesī pariyesīti mahesi, mahato diṭṭhisaṅghātassa viniveṭhanaṃ esī gavesī pariyesīti mahesi, mahato mānadhajassa papātanaṃ esī gavesī pariyesīti mahesi, mahato abhisaṅkhārassa vūpasamaṃ esī gavesī pariyesīti mahesi, mahato oghassa nittharaṇaṃ esī gavesī pariyesīti mahesi, mahato bhārassa nikkhepanaṃ esī gavesī pariyesīti mahesi, mahato saṃsāravaṭṭassa upacchedaṃ esī gavesī pariyesīti mahesi, mahato santāpassa nibbāpanaṃ esī gavesī pariyesīti mahesi, mahato pariḷāhassa paṭippassaddhiṃ esī gavesī pariyesīti mahesi, mahato dhammadhajassa ussāpanaṃ esī gavesī pariyesīti mahesi, mahante satipaṭṭhāne…pe… mahante sammappadhāne… mahante iddhipāde… mahantāni indriyāni… mahantāni balāni… mahante bojjhaṅge… mahantaṃ ariyaṃ aṭṭhaṅgikaṃ maggaṃ… mahantaṃ paramatthaṃ amataṃ nibbānaṃ esī gavesī pariyesīti mahesi, mahesakkhehi sattehi esito gavesito pariyesito – ‘‘kahaṃ buddho, kahaṃ bhagavā, kahaṃ devadevo, kahaṃ narāsabho’’ti mahesi. Dhammamuttamanti dhammamuttaṃmaṃ vuccati amataṃ nibbānaṃ. Yo so sabbasaṅkhārasamatho sabbūpadhipaṭinissaggo taṇhakkhayo virāgo nirodho nibbānaṃ. Uttamanti aggaṃ seṭṭhaṃ viseṭṭhaṃ pāmokkhaṃ uttamaṃ pavaraṃ dhammanti – mahesi dhammamuttamaṃ.
яам̣ вид̣̇ид̇ваа сад̇о жаранд̇и вид̣̇ид̇ам̣ гад̇ваа д̇улаяид̇ваа д̇ийраяид̇ваа вибхааваяид̇ваа вибхууд̇ам̣ гад̇ваа, ‘‘саб̣б̣з сан̇каараа анижжаа’’д̇и вид̣̇ид̇ам̣ гад̇ваа д̇улаяид̇ваа д̇ийраяид̇ваа вибхааваяид̇ваа вибхууд̇ам̣ гад̇ваа, ‘‘саб̣б̣з сан̇каараа д̣̇угкаа’’д̇и… ‘‘саб̣б̣з д̇хаммаа анад̇д̇аа’’д̇и…бз… ‘‘яам̣ гин̃жи самуд̣̇аяад̇хаммам̣ саб̣б̣ам̣ д̇ам̣ нирод̇хад̇хамма’’нд̇и вид̣̇ид̇ам̣ гад̇ваа д̇улаяид̇ваа д̇ийраяид̇ваа вибхааваяид̇ваа вибхууд̇ам̣ гад̇ваа. сад̇од̇и жад̇уухи гааран̣зхи сад̇о – гааяз гааяаанубассанаасад̇ибадтаанам̣ бхаавзнд̇о сад̇о, взд̣̇анаасу…бз… жид̇д̇з… д̇хаммзсу… д̇хаммаанубассанаасад̇ибадтаанам̣ бхаавзнд̇о сад̇о… со вужжад̇и сад̇о. жаранд̇и жаранд̇о вихаранд̇о ирияанд̇о вад̇д̇знд̇о баалзнд̇о яабзнд̇о яаабзнд̇од̇и – яам̣ вид̣̇ид̇ваа сад̇о жарам̣.
Yaṃ viditvā sato caranti viditaṃ katvā tulayitvā tīrayitvā vibhāvayitvā vibhūtaṃ katvā, ‘‘sabbe saṅkhārā aniccā’’ti viditaṃ katvā tulayitvā tīrayitvā vibhāvayitvā vibhūtaṃ katvā, ‘‘sabbe saṅkhārā dukkhā’’ti… ‘‘sabbe dhammā anattā’’ti…pe… ‘‘yaṃ kiñci samudayadhammaṃ sabbaṃ taṃ nirodhadhamma’’nti viditaṃ katvā tulayitvā tīrayitvā vibhāvayitvā vibhūtaṃ katvā. Satoti catūhi kāraṇehi sato – kāye kāyānupassanāsatipaṭṭhānaṃ bhāvento sato, vedanāsu…pe… citte… dhammesu… dhammānupassanāsatipaṭṭhānaṃ bhāvento sato… so vuccati sato. Caranti caranto viharanto iriyanto vattento pālento yapento yāpentoti – yaṃ viditvā sato caraṃ.
д̇арз логз висад̇д̇иганд̇и висад̇д̇игаа вужжад̇и д̇ан̣хаа. яо рааг̇о саарааг̇о…бз… абхиж̇жхаа лобхо агусаламуулам̣. висад̇д̇игаад̇и гзнадтзна висад̇д̇игаа…бз… висадаа вид̇т̇ад̇аад̇и висад̇д̇игаа. логзд̇и абааяалогз…бз… ааяад̇аналогз. д̇арз логз висад̇д̇иганд̇и логз взсаа висад̇д̇игаа, логз взд̇ам̣ висад̇д̇игам̣ сад̇о д̇арзяяа уд̇д̇арзяяа бад̇арзяяа самад̇иггамзяяа вийд̇ивад̇д̇зяяаад̇и – д̇арз логз висад̇д̇игам̣. д̇знааха со б̣раахман̣о –
Tareloke visattikanti visattikā vuccati taṇhā. Yo rāgo sārāgo…pe… abhijjhā lobho akusalamūlaṃ. Visattikāti kenaṭṭhena visattikā…pe… visaṭā vitthatāti visattikā. Loketi apāyaloke…pe… āyatanaloke. Tare loke visattikanti loke vesā visattikā, loke vetaṃ visattikaṃ sato tareyya uttareyya patareyya samatikkameyya vītivatteyyāti – tare loke visattikaṃ. Tenāha so brāhmaṇo –
‘‘д̇ан̃жаахам̣ абхинанд̣̇аами, махзси д̇хаммамуд̇д̇амам̣;
‘‘Tañcāhaṃ abhinandāmi, mahesi dhammamuttamaṃ;
яам̣ вид̣̇ид̇ваа сад̇о жарам̣, д̇арз логз висад̇д̇ига’’нд̇и.
Yaṃ viditvā sato caraṃ, tare loke visattika’’nti.
24.
24.
яам̣ гин̃жи самбаж̇аанааси, [мзд̇д̇аг̇ууд̇и бхаг̇аваа]
Yaṃ kiñci sampajānāsi, [mettagūti bhagavā]
уд̣̇д̇хам̣ ад̇хо д̇ирияан̃жааби маж̇жхз;
Uddhaṃ adho tiriyañcāpi majjhe;
зд̇зсу нанд̣̇ин̃жа нивзсанан̃жа, бануж̇ж̇а вин̃н̃аан̣ам̣ бхавз на д̇идтз.
Etesu nandiñca nivesanañca, panujja viññāṇaṃ bhave na tiṭṭhe.
яам̣ гин̃жи самбаж̇аанаасийд̇и яам̣ гин̃жи баж̇аанааси ааж̇аанааси виж̇аанааси бадивиж̇аанааси бадивиж̇жхасийд̇и – яам̣ гин̃жи самбаж̇аанааси. мзд̇д̇аг̇ууд̇и бхаг̇аваа д̇ам̣ б̣раахман̣ам̣ наамзна аалабад̇и. бхаг̇аваад̇и г̇аараваад̇хиважанамзд̇ам̣…бз… сажчигаа бан̃н̃ад̇д̇и, яад̣̇ид̣̇ам̣ бхаг̇аваад̇и – мзд̇д̇аг̇ууд̇и бхаг̇аваа.
Yaṃ kiñci sampajānāsīti yaṃ kiñci pajānāsi ājānāsi vijānāsi paṭivijānāsi paṭivijjhasīti – yaṃ kiñci sampajānāsi. Mettagūti bhagavā taṃ brāhmaṇaṃ nāmena ālapati. Bhagavāti gāravādhivacanametaṃ…pe… sacchikā paññatti, yadidaṃ bhagavāti – mettagūti bhagavā.
уд̣̇д̇хам̣ ад̇хо д̇ирияан̃жааби маж̇жхзд̇и. уд̣̇д̇ханд̇и анааг̇ад̇ам̣ 59; ад̇ход̇и ад̇ийд̇ам̣; д̇ирияан̃жааби маж̇жхзд̇и бажжуббаннам̣. уд̣̇д̇ханд̇и д̣̇звалого; ад̇ход̇и нираяалого; д̇ирияан̃жааби маж̇жхзд̇и мануссалого. ат̇а ваа, уд̣̇д̇ханд̇и гусалаа д̇хаммаа; ад̇ход̇и агусалаа д̇хаммаа; д̇ирияан̃жааби маж̇жхзд̇и аб̣яаагад̇аа д̇хаммаа. уд̣̇д̇ханд̇и аруубад̇хаад̇у; ад̇ход̇и гаамад̇хаад̇у; д̇ирияан̃жааби маж̇жхзд̇и руубад̇хаад̇у. уд̣̇д̇ханд̇и сукаа взд̣̇анаа; ад̇ход̇и д̣̇угкаа взд̣̇анаа; д̇ирияан̃жааби маж̇жхзд̇и ад̣̇угкамасукаа взд̣̇анаа. уд̣̇д̇ханд̇и уд̣̇д̇хам̣ баад̣̇ад̇алаа; ад̇ход̇и ад̇хо гзсамад̇т̇агаа; д̇ирияан̃жааби маж̇жхзд̇и взмаж̇жхзд̇и – уд̣̇д̇хам̣ ад̇хо д̇ирияан̃жааби маж̇жхз.
Uddhaṃ adho tiriyañcāpi majjheti. Uddhanti anāgataṃ 60; adhoti atītaṃ; tiriyañcāpi majjheti paccuppannaṃ. Uddhanti devaloko; adhoti nirayaloko; tiriyañcāpi majjheti manussaloko. Atha vā, uddhanti kusalā dhammā; adhoti akusalā dhammā; tiriyañcāpi majjheti abyākatā dhammā. Uddhanti arūpadhātu; adhoti kāmadhātu; tiriyañcāpi majjheti rūpadhātu. Uddhanti sukhā vedanā; adhoti dukkhā vedanā; tiriyañcāpi majjheti adukkhamasukhā vedanā. Uddhanti uddhaṃ pādatalā; adhoti adho kesamatthakā; tiriyañcāpi majjheti vemajjheti – uddhaṃ adho tiriyañcāpi majjhe.
зд̇зсу нанд̣̇ин̃жа нивзсанан̃жа, бануж̇ж̇а вин̃н̃аан̣ам̣ бхавз на д̇идтзд̇и зд̇зсууд̇и аажигкид̇зсу д̣̇зсид̇зсу бан̃н̃абид̇зсу бадтабид̇зсу виварид̇зсу вибхаж̇ид̇зсу уд̇д̇аанийгад̇зсу багаасид̇зсу. нанд̣̇ий вужжад̇и д̇ан̣хаа. яо рааг̇о саарааг̇о…бз… абхиж̇жхаа лобхо агусаламуулам̣. нивзсананд̇и д̣̇вз нивзсанаа – д̇ан̣хаанивзсанаа жа д̣̇идтинивзсанаа жа. гад̇амаа д̇ан̣хаа нивзсанаа? яаавад̇аа д̇ан̣хаасан̇каад̇зна …бз… аяам̣ д̇ан̣хаанивзсанаа. гад̇амаа д̣̇идтинивзсанаа? вийсад̇ивад̇т̇угаа саггааяад̣̇идти …бз… аяам̣ д̣̇идтинивзсанаа.
Etesu nandiñca nivesanañca, panujja viññāṇaṃ bhave na tiṭṭheti etesūti ācikkhitesu desitesu paññapitesu paṭṭhapitesu vivaritesu vibhajitesu uttānīkatesu pakāsitesu. Nandī vuccati taṇhā. Yo rāgo sārāgo…pe… abhijjhā lobho akusalamūlaṃ. Nivesananti dve nivesanā – taṇhānivesanā ca diṭṭhinivesanā ca. Katamā taṇhā nivesanā? Yāvatā taṇhāsaṅkhātena …pe… ayaṃ taṇhānivesanā. Katamā diṭṭhinivesanā? Vīsativatthukā sakkāyadiṭṭhi …pe… ayaṃ diṭṭhinivesanā.
бануж̇ж̇а вин̃н̃аан̣анд̇и бун̃н̃аабхисан̇каарасахаг̇ад̇ам̣ вин̃н̃аан̣ам̣, абун̃н̃аабхисан̇каарасахаг̇ад̇ам̣ вин̃н̃аан̣ам̣, аанзн̃ж̇аабхисан̇каарасахаг̇ад̇ам̣ вин̃н̃аан̣ам̣. зд̇зсу нанд̣̇ин̃жа нивзсанан̃жа абхисан̇каарасахаг̇ад̇ан̃жа вин̃н̃аан̣ам̣ нуж̇ж̇а бануж̇ж̇а нуд̣̇а бануд̣̇а ж̇аха баж̇аха винод̣̇зхи б̣яанд̇ийгарохи анабхаавам̣ г̇амзхийд̇и – зд̇зсу нанд̣̇ин̃жа нивзсанан̃жа бануж̇ж̇а вин̃н̃аан̣ам̣.
Panujja viññāṇanti puññābhisaṅkhārasahagataṃ viññāṇaṃ, apuññābhisaṅkhārasahagataṃ viññāṇaṃ, āneñjābhisaṅkhārasahagataṃ viññāṇaṃ. Etesu nandiñca nivesanañca abhisaṅkhārasahagatañca viññāṇaṃ nujja panujja nuda panuda jaha pajaha vinodehi byantīkarohi anabhāvaṃ gamehīti – etesu nandiñca nivesanañca panujja viññāṇaṃ.
бхавз на д̇идтзд̇и. бхаваад̇и д̣̇вз бхаваа – гаммабхаво жа бадисанд̇хиго жа бунаб̣бхаво. гад̇амо гаммабхаво? бун̃н̃аабхисан̇кааро абун̃н̃аабхисан̇кааро аанзн̃ж̇аабхисан̇кааро – аяам̣ гаммабхаво. гад̇амо бадисанд̇хиго бунаб̣бхаво? бадисанд̇хигаа руубам̣ взд̣̇анаа сан̃н̃аа сан̇каараа вин̃н̃аан̣ам̣ – аяам̣ бадисанд̇хиго бунаб̣бхаво. бхавз на д̇идтзд̇и нанд̣̇ин̃жа нивзсанан̃жа абхисан̇каарасахаг̇ад̇ам̣ вин̃н̃аан̣ан̃жа гаммабхаван̃жа бадисанд̇хиган̃жа бунаб̣бхавам̣ баж̇аханд̇о винод̣̇знд̇о б̣яанд̇ийгаронд̇о анабхаавам̣ г̇амзнд̇о гаммабхавз на д̇идтзяяа бадисанд̇хигз бунаб̣бхавз на д̇идтзяяа на санд̇идтзяяаад̇и – бануж̇ж̇а вин̃н̃аан̣ам̣ бхавз на д̇идтз. д̇знааха бхаг̇аваа –
Bhave na tiṭṭheti. Bhavāti dve bhavā – kammabhavo ca paṭisandhiko ca punabbhavo. Katamo kammabhavo? Puññābhisaṅkhāro apuññābhisaṅkhāro āneñjābhisaṅkhāro – ayaṃ kammabhavo. Katamo paṭisandhiko punabbhavo? Paṭisandhikā rūpaṃ vedanā saññā saṅkhārā viññāṇaṃ – ayaṃ paṭisandhiko punabbhavo. Bhave na tiṭṭheti nandiñca nivesanañca abhisaṅkhārasahagataṃ viññāṇañca kammabhavañca paṭisandhikañca punabbhavaṃ pajahanto vinodento byantīkaronto anabhāvaṃ gamento kammabhave na tiṭṭheyya paṭisandhike punabbhave na tiṭṭheyya na santiṭṭheyyāti – panujja viññāṇaṃ bhave na tiṭṭhe. Tenāha bhagavā –
‘‘яам̣ гин̃жи самбаж̇аанааси, [мзд̇д̇аг̇ууд̇и бхаг̇аваа]
‘‘Yaṃ kiñci sampajānāsi, [mettagūti bhagavā]
уд̣̇д̇хам̣ ад̇хо д̇ирияан̃жааби маж̇жхз;
Uddhaṃ adho tiriyañcāpi majjhe;
зд̇зсу нанд̣̇ин̃жа нивзсанан̃жа, бануж̇ж̇а вин̃н̃аан̣ам̣ бхавз на д̇идтз’’д̇и.
Etesu nandiñca nivesanañca, panujja viññāṇaṃ bhave na tiṭṭhe’’ti.
25.
25.
звам̣вихаарий сад̇о аббамад̇д̇о,
Evaṃvihārī sato appamatto,
бхигку жарам̣ хид̇ваа мамааяид̇аани;
Bhikkhucaraṃ hitvā mamāyitāni;
ж̇аад̇им̣ ж̇арам̣ согабарид̣̇д̣̇аван̃жа, ид̇хзва вид̣̇ваа баж̇ахзяяа д̣̇угкам̣.
Jātiṃ jaraṃ sokapariddavañca, idheva vidvā pajaheyya dukkhaṃ.
звам̣вихаарий сад̇о аббамад̇д̇од̇и. звам̣вихаарийд̇и нанд̣̇ин̃жа нивзсанан̃жа абхисан̇каарасахаг̇ад̇авин̃н̃аан̣ан̃жа гаммабхаван̃жа бадисанд̇хиган̃жа бунаб̣бхавам̣ баж̇аханд̇о винод̣̇знд̇о б̣яанд̇ийгаронд̇о анабхаавам̣ г̇амзнд̇од̇и – звам̣вихаарий. сад̇од̇и жад̇уухи гааран̣зхи сад̇о – гааяз гааяаанубассанаасад̇ибадтаанам̣ бхаавзнд̇о…бз… со вужжад̇и сад̇о. аббамад̇д̇од̇и саггажжагаарий саад̇ажжагаарий адтид̇агаарий анолийнавуд̇д̇ий 61 анигкид̇д̇ажчанд̣̇о анигкид̇д̇ад̇хуро аббамад̇д̇о гусалзсу д̇хаммзсу – ‘‘гат̇аахам̣ 62 абарибуурам̣ ваа сийлагканд̇хам̣ барибуурзяяам̣, барибуурам̣ ваа сийлагканд̇хам̣ д̇ад̇т̇а д̇ад̇т̇а бан̃н̃ааяа ануг̇г̇ан̣хзяяа’’нд̇и яо д̇ад̇т̇а чанд̣̇о жа вааяаамо жа уссаахо жа уссол̣хий жа аббадивааний 63 жа сад̇и жа самбаж̇ан̃н̃ан̃жа аад̇аббам̣ бад̇хаанам̣ ад̇хидтаанам̣ ануяог̇о аббамад̇д̇о аббамаад̣̇о гусалзсу д̇хаммзсу. ‘‘гат̇аахам̣ абарибуурам̣ ваа самаад̇хигканд̇хам̣…бз… бан̃н̃аагканд̇хам̣… вимуд̇д̇игканд̇хам̣… вимуд̇д̇ин̃аан̣ад̣̇ассанагканд̇хам̣ барибуурзяяам̣ барибуурам̣ ваа вимуд̇д̇ин̃аан̣ад̣̇ассанагканд̇хам̣ д̇ад̇т̇а д̇ад̇т̇а бан̃н̃ааяа ануг̇г̇ан̣хзяяа’’нд̇и яо д̇ад̇т̇а чанд̣̇о жа вааяаамо жа уссаахо жа уссол̣хий жа аббадивааний жа сад̇и жа самбаж̇ан̃н̃ан̃жа аад̇аббам̣ бад̇хаанам̣ ад̇хидтаанам̣ ануяог̇о аббамад̇д̇о аббамаад̣̇о гусалзсу д̇хаммзсу. ‘‘гат̇аахам̣ абарин̃н̃аад̇ам̣ ваа д̣̇угкам̣ бариж̇аанзяяам̣, аббахийнз ваа гилзсз баж̇ахзяяам̣ , абхаавид̇ам̣ ваа маг̇г̇ам̣ бхаавзяяам̣, асажчигад̇ам̣ ваа нирод̇хам̣ сажчигарзяяа’’нд̇и яо д̇ад̇т̇а чанд̣̇о жа вааяаамо жа уссаахо жа уссол̣хий жа аббадивааний жа сад̇и жа самбаж̇ан̃н̃ан̃жа аад̇аббам̣ бад̇хаанам̣ ад̇хидтаанам̣ ануяог̇о аббамад̇д̇о аббамаад̣̇о гусалзсу д̇хаммзсууд̇и – звам̣вихаарий сад̇о аббамад̇д̇о.
Evaṃvihārīsato appamattoti. Evaṃvihārīti nandiñca nivesanañca abhisaṅkhārasahagataviññāṇañca kammabhavañca paṭisandhikañca punabbhavaṃ pajahanto vinodento byantīkaronto anabhāvaṃ gamentoti – evaṃvihārī. Satoti catūhi kāraṇehi sato – kāye kāyānupassanāsatipaṭṭhānaṃ bhāvento…pe… so vuccati sato. Appamattoti sakkaccakārī sātaccakārī aṭṭhitakārī anolīnavuttī 64 anikkhittacchando anikkhittadhuro appamatto kusalesu dhammesu – ‘‘kathāhaṃ 65 aparipūraṃ vā sīlakkhandhaṃ paripūreyyaṃ, paripūraṃ vā sīlakkhandhaṃ tattha tattha paññāya anuggaṇheyya’’nti yo tattha chando ca vāyāmo ca ussāho ca ussoḷhī ca appaṭivānī 66 ca sati ca sampajaññañca ātappaṃ padhānaṃ adhiṭṭhānaṃ anuyogo appamatto appamādo kusalesu dhammesu. ‘‘Kathāhaṃ aparipūraṃ vā samādhikkhandhaṃ…pe… paññākkhandhaṃ… vimuttikkhandhaṃ… vimuttiñāṇadassanakkhandhaṃ paripūreyyaṃ paripūraṃ vā vimuttiñāṇadassanakkhandhaṃ tattha tattha paññāya anuggaṇheyya’’nti yo tattha chando ca vāyāmo ca ussāho ca ussoḷhī ca appaṭivānī ca sati ca sampajaññañca ātappaṃ padhānaṃ adhiṭṭhānaṃ anuyogo appamatto appamādo kusalesu dhammesu. ‘‘Kathāhaṃ apariññātaṃ vā dukkhaṃ parijāneyyaṃ, appahīne vā kilese pajaheyyaṃ , abhāvitaṃ vā maggaṃ bhāveyyaṃ, asacchikataṃ vā nirodhaṃ sacchikareyya’’nti yo tattha chando ca vāyāmo ca ussāho ca ussoḷhī ca appaṭivānī ca sati ca sampajaññañca ātappaṃ padhānaṃ adhiṭṭhānaṃ anuyogo appamatto appamādo kusalesu dhammesūti – evaṃvihārī sato appamatto.
бхигку жарам̣ хид̇ваа мамааяид̇аанийд̇и. бхигкууд̇и бут̇уж̇ж̇анагаляаан̣аго 67 ваа бхигку сзгко ваа бхигку. жаранд̇и жаранд̇о вихаранд̇о ирияанд̇о вад̇д̇знд̇о баалзнд̇о яабзнд̇о яаабзнд̇о. мамад̇д̇аад̇и д̣̇вз мамад̇д̇аа – д̇ан̣хаамамад̇д̇ан̃жа д̣̇идтимамад̇д̇ан̃жа…бз… ид̣̇ам̣ д̇ан̣хаамамад̇д̇ам̣…бз… ид̣̇ам̣ д̣̇идтимамад̇д̇ам̣… д̇ан̣хаамамад̇д̇ам̣ бахааяа д̣̇идтимамад̇д̇ам̣ бадиниссаж̇ж̇ид̇ваа мамад̇д̇з ж̇ахид̇ваа жаж̇ид̇ваа баж̇ахид̇ваа винод̣̇зд̇ваа б̣яанд̇ийгарид̇ваа анабхаавам̣ г̇амзд̇ваад̇и – бхигку жарам̣ хид̇ваа мамааяид̇аани.
Bhikkhu caraṃ hitvā mamāyitānīti. Bhikkhūti puthujjanakalyāṇako 68 vā bhikkhu sekkho vā bhikkhu. Caranti caranto viharanto iriyanto vattento pālento yapento yāpento. Mamattāti dve mamattā – taṇhāmamattañca diṭṭhimamattañca…pe… idaṃ taṇhāmamattaṃ…pe… idaṃ diṭṭhimamattaṃ… taṇhāmamattaṃ pahāya diṭṭhimamattaṃ paṭinissajjitvā mamatte jahitvā cajitvā pajahitvā vinodetvā byantīkaritvā anabhāvaṃ gametvāti – bhikkhu caraṃ hitvā mamāyitāni.
ж̇аад̇им̣ ж̇арам̣ согабарид̣̇д̣̇аван̃жа, ид̇хзва вид̣̇ваа баж̇ахзяяа д̣̇угканд̇и. ж̇аад̇ийд̇и яаа д̇зсам̣ д̇зсам̣ сад̇д̇аанам̣…бз… ж̇аранд̇и яаа д̇зсам̣ д̇зсам̣ сад̇д̇аанам̣…бз… согод̇и н̃аад̇иб̣яасанзна ваа пудтасса…бз… барид̣̇звод̇и н̃аад̇иб̣яасанзна ваа пудтасса…бз… ид̇хаад̇и имиссаа д̣̇идтияаа…бз… имасмим̣ мануссалогз. вид̣̇ваад̇и виж̇ж̇ааг̇ад̇о н̃аан̣ий вибхаавий мзд̇хаавий. д̣̇угканд̇и ж̇аад̇ид̣̇угкам̣…бз… д̣̇оманассубааяаасад̣̇угкам̣. ж̇аад̇им̣ ж̇арам̣ согабарид̣̇д̣̇аван̃жа, ид̇хзва вид̣̇ваа баж̇ахзяяа д̣̇угканд̇и виж̇ж̇ааг̇ад̇о н̃аан̣ий вибхаавий мзд̇хаавий ид̇хзва ж̇аад̇ин̃жа ж̇аран̃жа согабарид̣̇д̣̇аван̃жа д̣̇угкан̃жа баж̇ахзяяа винод̣̇зяяа б̣яанд̇ийгарзяяа анабхаавам̣ г̇амзяяаад̇и – ж̇аад̇им̣ ж̇арам̣ согабарид̣̇д̣̇аван̃жа, ид̇хзва вид̣̇ваа баж̇ахзяяа д̣̇угкам̣. д̇знааха бхаг̇аваа –
Jātiṃjaraṃ sokapariddavañca, idheva vidvā pajaheyya dukkhanti. Jātīti yā tesaṃ tesaṃ sattānaṃ…pe… jaranti yā tesaṃ tesaṃ sattānaṃ…pe… sokoti ñātibyasanena vā phuṭṭhassa…pe… paridevoti ñātibyasanena vā phuṭṭhassa…pe… idhāti imissā diṭṭhiyā…pe… imasmiṃ manussaloke. Vidvāti vijjāgato ñāṇī vibhāvī medhāvī. Dukkhanti jātidukkhaṃ…pe… domanassupāyāsadukkhaṃ. Jātiṃ jaraṃ sokapariddavañca, idheva vidvā pajaheyya dukkhanti vijjāgato ñāṇī vibhāvī medhāvī idheva jātiñca jarañca sokapariddavañca dukkhañca pajaheyya vinodeyya byantīkareyya anabhāvaṃ gameyyāti – jātiṃ jaraṃ sokapariddavañca, idheva vidvā pajaheyya dukkhaṃ. Tenāha bhagavā –
‘‘звам̣вихаарий сад̇о аббамад̇д̇о, бхигку жарам̣ хид̇ваа мамааяид̇аани;
‘‘Evaṃvihārī sato appamatto, bhikkhu caraṃ hitvā mamāyitāni;
ж̇аад̇им̣ ж̇арам̣ согабарид̣̇д̣̇аван̃жа, ид̇хзва вид̣̇ваа баж̇ахзяяа д̣̇угка’’нд̇и.
Jātiṃ jaraṃ sokapariddavañca, idheva vidvā pajaheyya dukkha’’nti.
26.
26.
зд̇аабхинанд̣̇аами важо махзсино, сугид̇д̇ид̇ам̣ г̇од̇амануубад̇хийгам̣;
Etābhinandāmivaco mahesino, sukittitaṃ gotamanūpadhīkaṃ;
ад̣̇д̇хаа хи бхаг̇аваа бахааси д̣̇угкам̣, д̇ат̇аа хи д̇з вид̣̇ид̇о зса д̇хаммо.
Addhā hi bhagavā pahāsi dukkhaṃ, tathā hi te vidito esa dhammo.
зд̇аабхинанд̣̇аами важо махзсинод̇и. зд̇анд̇и д̇уяхам̣ важанам̣ б̣яаббат̇ам̣ д̣̇зсанам̣ анусаасанам̣ анусидтам̣ нанд̣̇аами абхинанд̣̇аами мод̣̇аами анумод̣̇аами ижчаами саад̣̇ияаами бад̇т̇аяаами бихаяаами абхиж̇аббаами. махзсинод̇и гим̣ махзси бхаг̇аваа? маханд̇ам̣ сийлагканд̇хам̣ зсий г̇авзсий бариязсийд̇и махзси…бз… гахам̣ нараасабход̇и махзсийд̇и – зд̇аабхинанд̣̇аами важо махзсино.
Etābhinandāmi vaco mahesinoti. Etanti tuyhaṃ vacanaṃ byappathaṃ desanaṃ anusāsanaṃ anusiṭṭhaṃ nandāmi abhinandāmi modāmi anumodāmi icchāmi sādiyāmi patthayāmi pihayāmi abhijappāmi. Mahesinoti kiṃ mahesi bhagavā? Mahantaṃ sīlakkhandhaṃ esī gavesī pariyesīti mahesi…pe… kahaṃ narāsabhoti mahesīti – etābhinandāmi vaco mahesino.
сугид̇д̇ид̇ам̣ г̇од̇амануубад̇хийганд̇и. сугид̇д̇ид̇анд̇и сугид̇д̇ид̇ам̣ суаажигкид̇ам̣ суд̣̇зсид̇ам̣ субан̃н̃абид̇ам̣ субадтабид̇ам̣ сувиварид̇ам̣ сувибхаж̇ид̇ам̣ сууд̇д̇аанийгад̇ам̣ субагаасид̇анд̇и – сугид̇д̇ид̇ам̣. г̇од̇амануубад̇хийганд̇и убад̇хий вужжанд̇и гилзсаа жа канд̇хаа жа абхисан̇каараа жа. убад̇хиббахаанам̣ убад̇хивуубасамам̣ убад̇хибадиниссаг̇г̇ам̣ убад̇хибадибассад̣̇д̇хам̣ амад̇ам̣ ниб̣б̣аананд̇и – сугид̇д̇ид̇ам̣ г̇од̇амануубад̇хийгам̣.
Sukittitaṃ gotamanūpadhīkanti. Sukittitanti sukittitaṃ suācikkhitaṃ sudesitaṃ supaññapitaṃ supaṭṭhapitaṃ suvivaritaṃ suvibhajitaṃ suuttānīkataṃ supakāsitanti – sukittitaṃ. Gotamanūpadhīkanti upadhī vuccanti kilesā ca khandhā ca abhisaṅkhārā ca. Upadhippahānaṃ upadhivūpasamaṃ upadhipaṭinissaggaṃ upadhipaṭipassaddhaṃ amataṃ nibbānanti – sukittitaṃ gotamanūpadhīkaṃ.
ад̣̇д̇хаа хи бхаг̇аваа бахааси д̣̇угканд̇и. ад̣̇д̇хаад̇и згам̣саважанам̣ ниссам̣саяаважанам̣ нигган̇кааважанам̣ ад̣̇взж̇жхаважанам̣ ад̣̇взл̣хагаважанам̣ нирод̇хаважанам̣ аббан̣агаважанам̣ авад̇т̇аабанаважанамзд̇ам̣ – ад̣̇д̇хаад̇и. бхаг̇аваад̇и г̇аараваад̇хиважанамзд̇ам̣…бз… сажчигаа бан̃н̃ад̇д̇и, яад̣̇ид̣̇ам̣ бхаг̇аваад̇и. бахааси д̣̇угканд̇и ж̇аад̇ид̣̇угкам̣ ж̇араад̣̇угкам̣ б̣яаад̇хид̣̇угкам̣ маран̣ад̣̇угкам̣ согабарид̣̇звад̣̇угкад̣̇оманассубааяаасад̣̇угкам̣ бахааси баж̇ахи винод̣̇зси б̣яанд̇ийгароси анабхаавам̣ г̇амзсийд̇и – ад̣̇д̇хаа хи бхаг̇аваа бахааси д̣̇угкам̣.
Addhāhi bhagavā pahāsi dukkhanti. Addhāti ekaṃsavacanaṃ nissaṃsayavacanaṃ nikkaṅkhāvacanaṃ advejjhavacanaṃ adveḷhakavacanaṃ nirodhavacanaṃ appaṇakavacanaṃ avatthāpanavacanametaṃ – addhāti. Bhagavāti gāravādhivacanametaṃ…pe… sacchikā paññatti, yadidaṃ bhagavāti. Pahāsidukkhanti jātidukkhaṃ jarādukkhaṃ byādhidukkhaṃ maraṇadukkhaṃ sokaparidevadukkhadomanassupāyāsadukkhaṃ pahāsi pajahi vinodesi byantīkarosi anabhāvaṃ gamesīti – addhā hi bhagavā pahāsi dukkhaṃ.
д̇ат̇аа хи д̇з вид̣̇ид̇о зса д̇хаммод̇и д̇ат̇аа хи д̇з вид̣̇ид̇о д̇улид̇о д̇ийрид̇о вибхууд̇о вибхаавид̇о зса д̇хаммод̇и – д̇ат̇аа хи д̇з вид̣̇ид̇о зса д̇хаммо. д̇знааха со б̣раахман̣о –
Tathā hi te vidito esa dhammoti tathā hi te vidito tulito tīrito vibhūto vibhāvito esa dhammoti – tathā hi te vidito esa dhammo. Tenāha so brāhmaṇo –
‘‘зд̇аабхинанд̣̇аами важо махзсино, сугид̇д̇ид̇ам̣ г̇од̇амануубад̇хийгам̣;
‘‘Etābhinandāmi vaco mahesino, sukittitaṃ gotamanūpadhīkaṃ;
ад̣̇д̇хаа хи бхаг̇аваа бахааси д̣̇угкам̣, д̇ат̇аа хи д̇з вид̣̇ид̇о зса д̇хаммо’’д̇и.
Addhā hi bhagavā pahāsi dukkhaṃ, tathā hi te vidito esa dhammo’’ti.
27.
27.
д̇з жааби нуунаббаж̇ахзяяу д̣̇угкам̣, яз д̇вам̣ муний адтид̇ам̣ овад̣̇зяяа;
Te cāpi nūnappajaheyyu dukkhaṃ, ye tvaṃ munī aṭṭhitaṃ ovadeyya;
д̇ам̣ д̇ам̣ намассаами самзжжа нааг̇а, аббзва мам̣ бхаг̇аваа адтид̇ам̣ овад̣̇зяяа.
Taṃ taṃ namassāmi samecca nāga, appeva maṃ bhagavā aṭṭhitaṃ ovadeyya.
д̇з жааби нуунаббаж̇ахзяяу д̣̇угканд̇и. д̇з жаабийд̇и кад̇д̇ияаа жа б̣раахман̣аа жа взссаа жа суд̣̇д̣̇аа жа г̇ахадтаа жа баб̣б̣аж̇ид̇аа жа д̣̇зваа жа мануссаа жа. баж̇ахзяяу д̣̇угканд̇и ж̇аад̇ид̣̇угкам̣ ж̇араад̣̇угкам̣ б̣яаад̇хид̣̇угкам̣ маран̣ад̣̇угкам̣ согабарид̣̇звад̣̇угкад̣̇оманассубааяаасад̣̇угкам̣ баж̇ахзяяум̣ винод̣̇зяяум̣ б̣яанд̇ийгарзяяум̣ анабхаавам̣ г̇амзяяунд̇и – д̇з жааби нуунаббаж̇ахзяяу д̣̇угкам̣.
Tecāpi nūnappajaheyyu dukkhanti. Te cāpīti khattiyā ca brāhmaṇā ca vessā ca suddā ca gahaṭṭhā ca pabbajitā ca devā ca manussā ca. Pajaheyyu dukkhanti jātidukkhaṃ jarādukkhaṃ byādhidukkhaṃ maraṇadukkhaṃ sokaparidevadukkhadomanassupāyāsadukkhaṃ pajaheyyuṃ vinodeyyuṃ byantīkareyyuṃ anabhāvaṃ gameyyunti – te cāpi nūnappajaheyyu dukkhaṃ.
яз д̇вам̣ муний адтид̇ам̣ овад̣̇зяяаад̇и. язд̇и кад̇д̇ияз жа б̣раахман̣з жа взссз жа суд̣̇д̣̇з жа г̇ахадтз жа баб̣б̣аж̇ид̇з жа д̣̇звз жа мануссз жа. д̇ванд̇и бхаг̇аванд̇ам̣ бхан̣ад̇и. мунийд̇и монам̣ вужжад̇и н̃аан̣ам̣…бз… сан̇г̇аж̇ааламад̇ижжа со муни. адтид̇ам̣ овад̣̇зяяаад̇и адтид̇ам̣ овад̣̇зяяа саггажжам̣ овад̣̇зяяа абхин̣хам̣ овад̣̇зяяа бунаббунам̣ овад̣̇зяяа анусаасзяяаад̇и – яз д̇вам̣ муний адтид̇ам̣ овад̣̇зяяа.
Yetvaṃ munī aṭṭhitaṃ ovadeyyāti. Yeti khattiye ca brāhmaṇe ca vesse ca sudde ca gahaṭṭhe ca pabbajite ca deve ca manusse ca. Tvanti bhagavantaṃ bhaṇati. Munīti monaṃ vuccati ñāṇaṃ…pe… saṅgajālamaticca so muni. Aṭṭhitaṃ ovadeyyāti aṭṭhitaṃ ovadeyya sakkaccaṃ ovadeyya abhiṇhaṃ ovadeyya punappunaṃ ovadeyya anusāseyyāti – ye tvaṃ munī aṭṭhitaṃ ovadeyya.
д̇ам̣ д̇ам̣ намассаами самзжжа нааг̇аад̇и. д̇анд̇и бхаг̇аванд̇ам̣ бхан̣ад̇и. намассаамийд̇и гааязна ваа намассаами, ваажааяа ваа намассаами, жид̇д̇зна ваа намассаами, анвад̇т̇абадибад̇д̇ияаа ваа намассаами, д̇хаммаануд̇хаммабадибад̇д̇ияаа ваа намассаами, саггароми г̇арум̣ гароми 69 маанзми бууж̇зми. самзжжаад̇и самзжжа абхисамзжжа самааг̇анд̇ваа абхисамааг̇анд̇ваа саммукаа д̇ам̣ намассаами. нааг̇аад̇и нааг̇о жа бхаг̇аваа ааг̇ум̣ на гарод̇ийд̇и – нааг̇о, на г̇ажчад̇ийд̇и – нааг̇о, на ааг̇ажчад̇ийд̇и – нааг̇о. гат̇ам̣ бхаг̇аваа ааг̇ум̣ на гарод̇ийд̇и – нааг̇о? ааг̇у вужжад̇и баабагаа агусалаа д̇хаммаа сам̣гилзсигаа бонобхавигаа сад̣̇араа д̣̇угкавибаагаа ааяад̇им̣ ж̇аад̇иж̇араамаран̣ияаа.
Taṃ taṃ namassāmi samecca nāgāti. Tanti bhagavantaṃ bhaṇati. Namassāmīti kāyena vā namassāmi, vācāya vā namassāmi, cittena vā namassāmi, anvatthapaṭipattiyā vā namassāmi, dhammānudhammapaṭipattiyā vā namassāmi, sakkaromi garuṃ karomi 70 mānemi pūjemi. Sameccāti samecca abhisamecca samāgantvā abhisamāgantvā sammukhā taṃ namassāmi. Nāgāti nāgo ca bhagavā āguṃ na karotīti – nāgo, na gacchatīti – nāgo, na āgacchatīti – nāgo. Kathaṃ bhagavā āguṃ na karotīti – nāgo? Āgu vuccati pāpakā akusalā dhammā saṃkilesikā ponobhavikā sadarā dukkhavipākā āyatiṃ jātijarāmaraṇiyā.
ааг̇ум̣ на гарод̇и гин̃жи логз, [сабхияаад̇и бхаг̇аваа]
Āguṃ na karoti kiñci loke, [sabhiyāti bhagavā]
саб̣б̣ад̇т̇а на саж̇ж̇ад̇ий вимуд̇д̇о, нааг̇о д̇аад̣̇и бавужжад̇з д̇ат̇ад̇д̇аад̇и.
Sabbattha na sajjatī vimutto, nāgo tādi pavuccate tathattāti.
звам̣ бхаг̇аваа ааг̇ум̣ на гарод̇ийд̇и – нааг̇о.
Evaṃ bhagavā āguṃ na karotīti – nāgo.
гат̇ам̣ бхаг̇аваа на г̇ажчад̇ийд̇и – нааг̇о. бхаг̇аваа на чанд̣̇ааг̇ад̇им̣ г̇ажчад̇и, на д̣̇осааг̇ад̇им̣ г̇ажчад̇и, на мохааг̇ад̇им̣ г̇ажчад̇и, на бхаяааг̇ад̇им̣ г̇ажчад̇и, на рааг̇авасзна г̇ажчад̇и, на д̣̇осавасзна г̇ажчад̇и, на мохавасзна г̇ажчад̇и, на маанавасзна г̇ажчад̇и, на д̣̇идтивасзна г̇ажчад̇и, на уд̣̇д̇хажжавасзна г̇ажчад̇и, на вижигижчаавасзна г̇ажчад̇и, на анусаяавасзна г̇ажчад̇и, на ваг̇г̇зхи д̇хаммзхи яааяад̇и нийяад̇и 73 вуяхад̇и сам̣харийяад̇и. звам̣ бхаг̇аваа на г̇ажчад̇ийд̇и – нааг̇о.
Kathaṃ bhagavā na gacchatīti – nāgo. Bhagavā na chandāgatiṃ gacchati, na dosāgatiṃ gacchati, na mohāgatiṃ gacchati, na bhayāgatiṃ gacchati, na rāgavasena gacchati, na dosavasena gacchati, na mohavasena gacchati, na mānavasena gacchati, na diṭṭhivasena gacchati, na uddhaccavasena gacchati, na vicikicchāvasena gacchati, na anusayavasena gacchati, na vaggehi dhammehi yāyati nīyati 74 vuyhati saṃharīyati. Evaṃ bhagavā na gacchatīti – nāgo.
гат̇ам̣ бхаг̇аваа на ааг̇ажчад̇ийд̇и – нааг̇о. сод̇аабад̇д̇имаг̇г̇зна яз гилзсаа бахийнаа д̇з гилзсз на бунзд̇и на бажжзд̇и на бажжааг̇ажчад̇и. сагад̣̇ааг̇аамимаг̇г̇зна…бз… анааг̇аамимаг̇г̇зна… арахад̇д̇амаг̇г̇зна яз гилзсаа бахийнаа д̇з гилзсз на бунзд̇и на бажжзд̇и на бажжааг̇ажчад̇и. звам̣ бхаг̇аваа на ааг̇ажчад̇ийд̇и нааг̇од̇и – д̇ам̣ д̇ам̣ намассаами самзжжа нааг̇а.
Kathaṃ bhagavā na āgacchatīti – nāgo. Sotāpattimaggena ye kilesā pahīnā te kilese na puneti na pacceti na paccāgacchati. Sakadāgāmimaggena…pe… anāgāmimaggena… arahattamaggena ye kilesā pahīnā te kilese na puneti na pacceti na paccāgacchati. Evaṃ bhagavā na āgacchatīti nāgoti – taṃ taṃ namassāmi samecca nāga.
аббзва мам̣ бхаг̇аваа адтид̇ам̣ овад̣̇зяяаад̇и аббзва мам̣ бхаг̇аваа адтид̇ам̣ овад̣̇зяяа саггажжам̣ овад̣̇зяяа абхин̣хам̣ овад̣̇зяяа бунаббунам̣ овад̣̇зяяа анусаасзяяаад̇и – аббзва мам̣ бхаг̇аваа адтид̇ам̣ овад̣̇зяяа. д̇знааха со б̣раахман̣о –
Appeva maṃ bhagavā aṭṭhitaṃ ovadeyyāti appeva maṃ bhagavā aṭṭhitaṃ ovadeyya sakkaccaṃ ovadeyya abhiṇhaṃ ovadeyya punappunaṃ ovadeyya anusāseyyāti – appeva maṃ bhagavā aṭṭhitaṃ ovadeyya. Tenāha so brāhmaṇo –
‘‘д̇з жааби нуунаббаж̇ахзяяу д̣̇угкам̣, яз д̇вам̣ муний адтид̇ам̣ овад̣̇зяяа;
‘‘Te cāpi nūnappajaheyyu dukkhaṃ, ye tvaṃ munī aṭṭhitaṃ ovadeyya;
д̇ам̣ д̇ам̣ намассаами самзжжа нааг̇а, аббзва мам̣ бхаг̇аваа адтид̇ам̣ овад̣̇зяяаа’’д̇и.
Taṃ taṃ namassāmi samecca nāga, appeva maṃ bhagavā aṭṭhitaṃ ovadeyyā’’ti.
28.
28.
яам̣ б̣раахман̣ам̣ взд̣̇аг̇умаабхиж̇ан̃н̃аа, агин̃жанам̣ гаамабхавз асад̇д̇ам̣;
Yaṃ brāhmaṇaṃ vedagumābhijaññā, akiñcanaṃ kāmabhave asattaṃ;
ад̣̇д̇хаа хи со огхамимам̣ ад̇аари, д̇ин̣н̣о жа баарам̣ акило аган̇ко.
Addhā hi so oghamimaṃ atāri, tiṇṇo ca pāraṃ akhilo akaṅkho.
яам̣ б̣раахман̣ам̣ взд̣̇аг̇умаабхиж̇ан̃н̃аад̇и. б̣раахман̣од̇и сад̇д̇аннам̣ д̇хаммаанам̣ б̣аахид̇ад̇д̇аа б̣раахман̣о. саггааяад̣̇идти б̣аахид̇аа ход̇и, вижигижчаа б̣аахид̇аа ход̇и, сийлаб̣б̣ад̇абараамаасо б̣аахид̇о ход̇и, рааг̇о б̣аахид̇о ход̇и, д̣̇осо б̣аахид̇о ход̇и, мохо б̣аахид̇о ход̇и, маано б̣аахид̇о ход̇и. б̣аахид̇аасса хонд̇и баабагаа агусалаа д̇хаммаа сам̣гилзсигаа бонобхавигаа сад̣̇араа д̣̇угкавибаагаа ааяад̇им̣ ж̇аад̇иж̇араамаран̣ияаа.
Yaṃ brāhmaṇaṃ vedagumābhijaññāti. Brāhmaṇoti sattannaṃ dhammānaṃ bāhitattā brāhmaṇo. Sakkāyadiṭṭhi bāhitā hoti, vicikicchā bāhitā hoti, sīlabbataparāmāso bāhito hoti, rāgo bāhito hoti, doso bāhito hoti, moho bāhito hoti, māno bāhito hoti. Bāhitāssa honti pāpakā akusalā dhammā saṃkilesikā ponobhavikā sadarā dukkhavipākā āyatiṃ jātijarāmaraṇiyā.
б̣аахид̇ваа саб̣б̣абаабагаани, [сабхияаад̇и бхаг̇аваа]
Bāhitvā sabbapāpakāni, [sabhiyāti bhagavā]
вимало саад̇хусамаахид̇о тид̇ад̇д̇о;
Vimalo sādhusamāhito ṭhitatto;
сам̣саарамад̇ижжа гзвалий со, асид̇о 75 д̇аад̣̇и бавужжад̇з са б̣рахмаа.
Saṃsāramaticca kevalī so, asito 76 tādi pavuccate sa brahmā.
взд̣̇аг̇ууд̇и взд̣̇о вужжад̇и жад̇уусу маг̇г̇зсу н̃аан̣ам̣…бз… саб̣б̣ам̣ взд̣̇амад̇ижжа взд̣̇аг̇уу сод̇и. абхиж̇ан̃н̃аад̇и абхиж̇аанзяяа ааж̇аанзяяа виж̇аанзяяа бадивиж̇аанзяяа бадивиж̇жхзяяаад̇и – яам̣ б̣раахман̣ам̣ взд̣̇аг̇умаабхиж̇ан̃н̃аа.
Vedagūti vedo vuccati catūsu maggesu ñāṇaṃ…pe… sabbaṃ vedamaticca vedagū soti. Abhijaññāti abhijāneyya ājāneyya vijāneyya paṭivijāneyya paṭivijjheyyāti – yaṃ brāhmaṇaṃ vedagumābhijaññā.
агин̃жанам̣ гаамабхавз асад̇д̇анд̇и. агин̃жананд̇и рааг̇агин̃жанам̣ д̣̇осагин̃жанам̣ мохагин̃жанам̣ маанагин̃жанам̣ д̣̇идтигин̃жанам̣ гилзсагин̃жанам̣ д̣̇ужжарид̇агин̃жанам̣, яассзд̇з гин̃жанаа бахийнаа самужчиннаа вуубасанд̇аа бадибассад̣̇д̇хаа абхаб̣б̣уббад̇д̇игаа н̃аан̣аг̇г̇инаа д̣̇ад̣дхаа, со вужжад̇и агин̃жано. гаамаад̇и уд̣̇д̣̇аанад̇о д̣̇вз гаамаа – вад̇т̇угаамаа жа гилзсагаамаа жа…бз… имз вужжанд̇и вад̇т̇угаамаа…бз… имз вужжанд̇и гилзсагаамаа. бхаваад̇и д̣̇вз бхаваа – гаммабхаво жа бадисанд̇хиго жа бунаб̣бхаво …бз… аяам̣ бадисанд̇хиго бунаб̣бхаво. агин̃жанам̣ гаамабхавз асад̇д̇анд̇и агин̃жанам̣ буг̇г̇алам̣ гаамабхавз жа асад̇д̇ам̣ алаг̇г̇ам̣ алаг̇г̇ид̇ам̣ абалиб̣уд̣̇д̇хам̣ нигканд̇ам̣ ниссадам̣ виббамуд̇д̇ам̣ висан̃н̃уд̇д̇ам̣ вимарияаад̣̇игад̇зна жзд̇асаа вихаранд̇анд̇и – агин̃жанам̣ гаамабхавз асад̇д̇ам̣.
Akiñcanaṃkāmabhave asattanti. Akiñcananti rāgakiñcanaṃ dosakiñcanaṃ mohakiñcanaṃ mānakiñcanaṃ diṭṭhikiñcanaṃ kilesakiñcanaṃ duccaritakiñcanaṃ, yassete kiñcanā pahīnā samucchinnā vūpasantā paṭipassaddhā abhabbuppattikā ñāṇagginā daḍḍhā, so vuccati akiñcano. Kāmāti uddānato dve kāmā – vatthukāmā ca kilesakāmā ca…pe… ime vuccanti vatthukāmā…pe… ime vuccanti kilesakāmā. Bhavāti dve bhavā – kammabhavo ca paṭisandhiko ca punabbhavo …pe… ayaṃ paṭisandhiko punabbhavo. Akiñcanaṃ kāmabhave asattanti akiñcanaṃ puggalaṃ kāmabhave ca asattaṃ alaggaṃ alaggitaṃ apalibuddhaṃ nikkhantaṃ nissaṭaṃ vippamuttaṃ visaññuttaṃ vimariyādikatena cetasā viharantanti – akiñcanaṃ kāmabhave asattaṃ.
ад̣̇д̇хаа хи со огхамимам̣ ад̇аарийд̇и. ад̣̇д̇хаад̇и згам̣саважанам̣…бз… авад̇т̇аабанаважанамзд̇ам̣ – ад̣̇д̇хаад̇и. огханд̇и гаамогхам̣ бхавогхам̣ д̣̇идтогхам̣ авиж̇ж̇огхам̣. ад̇аарийд̇и уд̇д̇ари бад̇ари самад̇иггами вийд̇ивад̇д̇аяийд̇и – ад̣̇д̇хаа хи со огхамимам̣ ад̇аари.
Addhā hi so oghamimaṃ atārīti. Addhāti ekaṃsavacanaṃ…pe… avatthāpanavacanametaṃ – addhāti. Oghanti kāmoghaṃ bhavoghaṃ diṭṭhoghaṃ avijjoghaṃ. Atārīti uttari patari samatikkami vītivattayīti – addhā hi so oghamimaṃ atāri.
д̇ин̣н̣о жа баарам̣ акило аган̇код̇и. д̇ин̣н̣од̇и гаамогхам̣ д̇ин̣н̣о, бхавогхам̣ д̇ин̣н̣о, д̣̇идтогхам̣ д̇ин̣н̣о, авиж̇ж̇огхам̣ д̇ин̣н̣о, сам̣саарабат̇ам̣ д̇ин̣н̣о уд̇д̇ин̣н̣о нид̇т̇ин̣н̣о 77 ад̇игганд̇о самад̇игганд̇о вийд̇ивад̇д̇о. со вуд̇т̇аваасо 78 жин̣н̣ажаран̣о г̇ад̇ад̣̇д̇хо г̇ад̇ад̣̇исо г̇ад̇агодиго баалид̇аб̣рахмажарияо уд̇д̇амад̣̇идтиббад̇д̇о бхаавид̇амаг̇г̇о, бахийнагилзсо бадивид̣̇д̇хаагуббо сажчигад̇анирод̇хо . д̣̇угкам̣ д̇асса барин̃н̃аад̇ам̣, самуд̣̇аяо бахийно, маг̇г̇о бхаавид̇о, нирод̇хо сажчигад̇о, абхин̃н̃зяяам̣ абхин̃н̃аад̇ам̣, барин̃н̃зяяам̣ барин̃н̃аад̇ам̣, бахаад̇аб̣б̣ам̣ бахийнам̣, бхаавзд̇аб̣б̣ам̣ бхаавид̇ам̣, сажчигаад̇аб̣б̣ам̣ сажчигад̇ам̣. со угкид̇д̇абалигхо сам̣гин̣н̣абаригко аб̣б̣ул̣хзсиго нираг̇г̇ал̣о арияо баннад̣̇д̇хаж̇о баннабхааро висан̃н̃уд̇д̇о бан̃жан̇г̇авиббахийно чал̣ан̇г̇асаманнааг̇ад̇о згаарагко жад̇ураабассзно банун̣н̣абажжзгасажжо 79 самаваяасадтзсано анаавиласан̇габбо бассад̣̇д̇хагааяасан̇кааро сувимуд̇д̇ажид̇д̇о сувимуд̇д̇абан̃н̃о гзвалий вусид̇аваа уд̇д̇амабурисо барамабурисо барамабад̇д̇иббад̇д̇о. со нзва аажинаад̇и на абажинаад̇и, абажинид̇ваа тид̇о. нзва баж̇ахад̇и на убаад̣̇ияад̇и, баж̇ахид̇ваа тид̇о. нзва висинзд̇и на уссинзд̇и, висинзд̇ваа тид̇о. нзва вид̇хуубзд̇и на санд̇хуубзд̇и, вид̇хуубзд̇ваа тид̇о. асзгкзна сийлагканд̇хзна саманнааг̇ад̇ад̇д̇аа тид̇о. асзгкзна самаад̇хигканд̇хзна…бз… бан̃н̃аагканд̇хзна… вимуд̇д̇игканд̇хзна… вимуд̇д̇ин̃аан̣ад̣̇ассанагканд̇хзна саманнааг̇ад̇ад̇д̇аа тид̇о. сажжам̣ самбадибаад̣̇аяид̇ваа 80 тид̇о. зж̇ам̣ самад̇иггамид̇ваа тид̇о. гилзсаг̇г̇им̣ барияаад̣̇ияид̇ваа тид̇о. абариг̇аманад̇ааяа тид̇о. гат̇ам̣ 81 самаад̣̇ааяа тид̇о? вимуд̇д̇ибадисзванад̇ааяа тид̇о . мзд̇д̇ааяа баарисуд̣̇д̇хияаа тид̇о. гарун̣ааяа …бз… муд̣̇ид̇ааяа… убзгкааяа баарисуд̣̇д̇хияаа тид̇о. ажжанд̇абаарисуд̣̇д̇хияаа тид̇о. ад̇аммаяад̇ааяа 82 баарисуд̣̇д̇хияаа тид̇о. вимуд̇д̇ад̇д̇аа тид̇о. санд̇уссид̇ад̇д̇аа тид̇о. канд̇хабарияанд̇з тид̇о. д̇хаад̇убарияанд̇з тид̇о. ааяад̇анабарияанд̇з тид̇о. г̇ад̇ибарияанд̇з тид̇о. убабад̇д̇ибарияанд̇з тид̇о. бадисанд̇хибарияанд̇з тид̇о. бхавабарияанд̇з тид̇о. сам̣саарабарияанд̇з тид̇о. ваддабарияанд̇з тид̇о. анд̇имабхавз тид̇о. анд̇имз самуссаяз тид̇о. анд̇имад̣̇зхад̇харо арахаа.
Tiṇṇo ca pāraṃ akhilo akaṅkhoti. Tiṇṇoti kāmoghaṃ tiṇṇo, bhavoghaṃ tiṇṇo, diṭṭhoghaṃ tiṇṇo, avijjoghaṃ tiṇṇo, saṃsārapathaṃ tiṇṇo uttiṇṇo nitthiṇṇo 83 atikkanto samatikkanto vītivatto. So vutthavāso 84 ciṇṇacaraṇo gataddho gatadiso gatakoṭiko pālitabrahmacariyo uttamadiṭṭhippatto bhāvitamaggo, pahīnakileso paṭividdhākuppo sacchikatanirodho . Dukkhaṃ tassa pariññātaṃ, samudayo pahīno, maggo bhāvito, nirodho sacchikato, abhiññeyyaṃ abhiññātaṃ, pariññeyyaṃ pariññātaṃ, pahātabbaṃ pahīnaṃ, bhāvetabbaṃ bhāvitaṃ, sacchikātabbaṃ sacchikataṃ. So ukkhittapaligho saṃkiṇṇaparikkho abbuḷhesiko niraggaḷo ariyo pannaddhajo pannabhāro visaññutto pañcaṅgavippahīno chaḷaṅgasamannāgato ekārakkho caturāpasseno panuṇṇapaccekasacco 85 samavayasaṭṭhesano anāvilasaṅkappo passaddhakāyasaṅkhāro suvimuttacitto suvimuttapañño kevalī vusitavā uttamapuriso paramapuriso paramapattippatto. So neva ācināti na apacināti, apacinitvā ṭhito. Neva pajahati na upādiyati, pajahitvā ṭhito. Neva visineti na ussineti, visinetvā ṭhito. Neva vidhūpeti na sandhūpeti, vidhūpetvā ṭhito. Asekkhena sīlakkhandhena samannāgatattā ṭhito. Asekkhena samādhikkhandhena…pe… paññākkhandhena… vimuttikkhandhena… vimuttiñāṇadassanakkhandhena samannāgatattā ṭhito. Saccaṃ sampaṭipādayitvā 86 ṭhito. Ejaṃ samatikkamitvā ṭhito. Kilesaggiṃ pariyādiyitvā ṭhito. Aparigamanatāya ṭhito. Kathaṃ 87 samādāya ṭhito? Vimuttipaṭisevanatāya ṭhito . Mettāya pārisuddhiyā ṭhito. Karuṇāya …pe… muditāya… upekkhāya pārisuddhiyā ṭhito. Accantapārisuddhiyā ṭhito. Atammayatāya 88 pārisuddhiyā ṭhito. Vimuttattā ṭhito. Santussitattā ṭhito. Khandhapariyante ṭhito. Dhātupariyante ṭhito. Āyatanapariyante ṭhito. Gatipariyante ṭhito. Upapattipariyante ṭhito. Paṭisandhipariyante ṭhito. Bhavapariyante ṭhito. Saṃsārapariyante ṭhito. Vaṭṭapariyante ṭhito. Antimabhave ṭhito. Antime samussaye ṭhito. Antimadehadharo arahā.
д̇ассааяам̣ бажчимаго бхаво, жаримояам̣ самуссаяо;
Tassāyaṃ pacchimako bhavo, carimoyaṃ samussayo;
ж̇аад̇имаран̣асам̣сааро, над̇т̇и д̇асса бунаб̣бхавод̇и.
Jātimaraṇasaṃsāro, natthi tassa punabbhavoti.
д̇ин̣н̣о жа бааранд̇и баарам̣ вужжад̇и амад̇ам̣ ниб̣б̣аанам̣. яо со саб̣б̣асан̇каарасамат̇о саб̣б̣уубад̇хибадиниссаг̇г̇о д̇ан̣хагкаяо вирааг̇о нирод̇хо ниб̣б̣аанам̣. со баараг̇ад̇о баараббад̇д̇о анд̇аг̇ад̇о анд̇аббад̇д̇о годиг̇ад̇о годиббад̇д̇о барияанд̇аг̇ад̇о барияанд̇аббад̇д̇о восаанаг̇ад̇о восаанаббад̇д̇о д̇аан̣аг̇ад̇о д̇аан̣аббад̇д̇о лзн̣аг̇ад̇о лзн̣аббад̇д̇о саран̣аг̇ад̇о саран̣аббад̇д̇о абхаяаг̇ад̇о абхаяаббад̇д̇о ажжуд̇аг̇ад̇о ажжуд̇аббад̇д̇о амад̇аг̇ад̇о амад̇аббад̇д̇о ниб̣б̣аанаг̇ад̇о ниб̣б̣аанаббад̇д̇о. со вуд̇д̇аваасо жин̣н̣ажаран̣о…бз… ж̇аад̇имаран̣асам̣сааро, над̇т̇и д̇асса бунаб̣бхавод̇и – д̇ин̣н̣о жа баарам̣.
Tiṇṇo ca pāranti pāraṃ vuccati amataṃ nibbānaṃ. Yo so sabbasaṅkhārasamatho sabbūpadhipaṭinissaggo taṇhakkhayo virāgo nirodho nibbānaṃ. So pāragato pārappatto antagato antappatto koṭigato koṭippatto pariyantagato pariyantappatto vosānagato vosānappatto tāṇagato tāṇappatto leṇagato leṇappatto saraṇagato saraṇappatto abhayagato abhayappatto accutagato accutappatto amatagato amatappatto nibbānagato nibbānappatto. So vuttavāso ciṇṇacaraṇo…pe… jātimaraṇasaṃsāro, natthi tassa punabbhavoti – tiṇṇo ca pāraṃ.
акилод̇и рааг̇о кило, д̣̇осо кило, мохо кило, год̇хо кило, убанаахо кило…бз… саб̣б̣аагусалаабхисан̇каараа килаа. яассзд̇з килаа бахийнаа самужчиннаа вуубасанд̇аа бадибассад̣̇д̇хаа абхаб̣б̣уббад̇д̇игаа н̃аан̣аг̇г̇инаа д̣̇ад̣дхаа со вужжад̇и акило. аган̇код̇и д̣̇угкз ган̇каа, д̣̇угкасамуд̣̇аяз ган̇каа, д̣̇угканирод̇хз ган̇каа, д̣̇угканирод̇хаг̇ааминияаа бадибад̣̇ааяа ган̇каа, буб̣б̣анд̇з ган̇каа, абаранд̇з ган̇каа, буб̣б̣анд̇аабаранд̇з ган̇каа, ид̣̇аббажжаяад̇аабадижжасамуббаннзсу д̇хаммзсу ган̇каа, яаа зваруубаа ган̇каа ган̇кааяанаа ган̇кааяид̇ад̇д̇ам̣ вимад̇и вижигижчаа д̣̇взл̣хагам̣ д̣̇взд̇хаабат̇о сам̣саяо анзгам̣саг̇г̇аахо аасаббанаа барисаббанаа абарияог̇ааханаа чамбхид̇ад̇д̇ам̣ жид̇д̇асса мановилзко. яассзд̇з ган̇каа бахийнаа самужчиннаа вуубасанд̇аа бадибассад̣̇д̇хаа абхаб̣б̣уббад̇д̇игаа н̃аан̣аг̇г̇инаа д̣̇ад̣дхаа со вужжад̇и аган̇код̇и – д̇ин̣н̣о жа баарам̣ акило аган̇ко. д̇знааха бхаг̇аваа –
Akhiloti rāgo khilo, doso khilo, moho khilo, kodho khilo, upanāho khilo…pe… sabbākusalābhisaṅkhārā khilā. Yassete khilā pahīnā samucchinnā vūpasantā paṭipassaddhā abhabbuppattikā ñāṇagginā daḍḍhā so vuccati akhilo. Akaṅkhoti dukkhe kaṅkhā, dukkhasamudaye kaṅkhā, dukkhanirodhe kaṅkhā, dukkhanirodhagāminiyā paṭipadāya kaṅkhā, pubbante kaṅkhā, aparante kaṅkhā, pubbantāparante kaṅkhā, idappaccayatāpaṭiccasamuppannesu dhammesu kaṅkhā, yā evarūpā kaṅkhā kaṅkhāyanā kaṅkhāyitattaṃ vimati vicikicchā dveḷhakaṃ dvedhāpatho saṃsayo anekaṃsaggāho āsappanā parisappanā apariyogāhanā chambhitattaṃ cittassa manovilekho. Yassete kaṅkhā pahīnā samucchinnā vūpasantā paṭipassaddhā abhabbuppattikā ñāṇagginā daḍḍhā so vuccati akaṅkhoti – tiṇṇo ca pāraṃ akhilo akaṅkho. Tenāha bhagavā –
‘‘яам̣ б̣раахман̣ам̣ взд̣̇аг̇умаабхиж̇ан̃н̃аа, агин̃жанам̣ гаамабхавз асад̇д̇ам̣;
‘‘Yaṃ brāhmaṇaṃ vedagumābhijaññā, akiñcanaṃ kāmabhave asattaṃ;
ад̣̇д̇хаа хи со огхамимам̣ ад̇аари, д̇ин̣н̣о жа баарам̣ акило аган̇ко’’д̇и.
Addhā hi so oghamimaṃ atāri, tiṇṇo ca pāraṃ akhilo akaṅkho’’ti.
29.
29.
вид̣̇ваа жа яо взд̣̇аг̇уу наро ид̇ха, бхаваабхавз сан̇г̇амимам̣ висаж̇ж̇а;
Vidvāca yo vedagū naro idha,bhavābhave saṅgamimaṃ visajja;
со вийд̇ад̇ан̣хо анийгхо нираасо, ад̇аари со ж̇аад̇иж̇аранд̇и б̣рууми.
So vītataṇho anīgho nirāso, atāri so jātijaranti brūmi.
вид̣̇ваа жа яо взд̣̇аг̇уу наро ид̇хаад̇и. вид̣̇ваад̇и виж̇ж̇ааг̇ад̇о н̃аан̣ий вибхаавий мзд̇хаавий. яод̇и яо яаад̣̇исо…бз… мануссо ваа. взд̣̇аг̇ууд̇и взд̣̇аа вужжанд̇и жад̇уусу маг̇г̇зсу н̃аан̣ам̣ бан̃н̃аа бан̃н̃инд̣̇рияам̣ бан̃н̃ааб̣алам̣ д̇хаммавижаяасамб̣ож̇жхан̇г̇о виймам̣саа вибассанаа саммаад̣̇идти 89. д̇зхи взд̣̇зхи ж̇аад̇иж̇араамаран̣асса анд̇аг̇ад̇о анд̇аббад̇д̇о годиг̇ад̇о годиббад̇д̇о барияанд̇аг̇ад̇о барияанд̇аббад̇д̇о восаанаг̇ад̇о восаанаббад̇д̇о д̇аан̣аг̇ад̇о д̇аан̣аббад̇д̇о лзн̣аг̇ад̇о лзн̣аббад̇д̇о саран̣аг̇ад̇о саран̣аббад̇д̇о абхаяаг̇ад̇о абхаяаббад̇д̇о ажжуд̇аг̇ад̇о ажжуд̇аббад̇д̇о амад̇аг̇ад̇о амад̇аббад̇д̇о ниб̣б̣аанаг̇ад̇о ниб̣б̣аанаббад̇д̇о. взд̣̇аанам̣ ваа анд̇аг̇ад̇од̇и взд̣̇аг̇уу, взд̣̇зхи ваа анд̇аг̇ад̇од̇и взд̣̇аг̇уу, сад̇д̇аннам̣ ваа д̇хаммаанам̣ вид̣̇ид̇ад̇д̇аа взд̣̇аг̇уу. саггааяад̣̇идти вид̣̇ид̇аа ход̇и, вижигижчаа…бз… сийлаб̣б̣ад̇абараамаасо… рааг̇о… д̣̇осо… мохо… маано вид̣̇ид̇о ход̇и. вид̣̇ид̇аасса хонд̇и баабагаа агусалаа д̇хаммаа сам̣гилзсигаа бонобхавигаа сад̣̇араа д̣̇угкавибаагаа ааяад̇им̣ ж̇аад̇иж̇араамаран̣ияаа.
Vidvā ca yo vedagū naro idhāti. Vidvāti vijjāgato ñāṇī vibhāvī medhāvī. Yoti yo yādiso…pe… manusso vā. Vedagūti vedā vuccanti catūsu maggesu ñāṇaṃ paññā paññindriyaṃ paññābalaṃ dhammavicayasambojjhaṅgo vīmaṃsā vipassanā sammādiṭṭhi 90. Tehi vedehi jātijarāmaraṇassa antagato antappatto koṭigato koṭippatto pariyantagato pariyantappatto vosānagato vosānappatto tāṇagato tāṇappatto leṇagato leṇappatto saraṇagato saraṇappatto abhayagato abhayappatto accutagato accutappatto amatagato amatappatto nibbānagato nibbānappatto. Vedānaṃ vā antagatoti vedagū, vedehi vā antagatoti vedagū, sattannaṃ vā dhammānaṃ viditattā vedagū. Sakkāyadiṭṭhi viditā hoti, vicikicchā…pe… sīlabbataparāmāso… rāgo… doso… moho… māno vidito hoti. Viditāssa honti pāpakā akusalā dhammā saṃkilesikā ponobhavikā sadarā dukkhavipākā āyatiṃ jātijarāmaraṇiyā.
взд̣̇аани вижзяяа гзвалаани, [сабхияаад̇и бхаг̇аваа]
Vedāni viceyya kevalāni, [sabhiyāti bhagavā]
саман̣аанам̣ яаанийд̇хад̇т̇и б̣раахман̣аанам̣;
Samaṇānaṃ yānīdhatthi brāhmaṇānaṃ;
саб̣б̣авзд̣̇анаасу вийд̇арааг̇о, саб̣б̣ам̣ взд̣̇амад̇ижжа взд̣̇аг̇уу со.
Sabbavedanāsu vītarāgo, sabbaṃ vedamaticca vedagū so.
бхаваабхавз сан̇г̇амимам̣ висаж̇ж̇аад̇и. бхаваабхавзд̇и бхаваабхавз гаммабхавз бунаб̣бхавз гаамабхавз, гаммабхавз гаамабхавз бунаб̣бхавз руубабхавз, гаммабхавз руубабхавз бунаб̣бхавз аруубабхавз, гаммабхавз аруубабхавз бунаб̣бхавз бунаббунабхавз, бунаббунаг̇ад̇ияаа бунаббунаубабад̇д̇ияаа бунаббунабадисанд̇хияаа бунаббунаад̇д̇абхааваабхиниб̣б̣ад̇д̇ияаа. сан̇г̇аад̇и сад̇д̇а сан̇г̇аа – рааг̇асан̇г̇о, д̣̇осасан̇г̇о, мохасан̇г̇о, маанасан̇г̇о, д̣̇идтисан̇г̇о, гилзсасан̇г̇о, д̣̇ужжарид̇асан̇г̇о. висаж̇ж̇аад̇и сан̇г̇з восаж̇ж̇зд̇ваа ваа висаж̇ж̇а. ат̇а ваа, сан̇г̇з б̣анд̇хз виб̣анд̇хз ааб̣анд̇хз лаг̇г̇з лаг̇г̇ид̇з балиб̣уд̣̇д̇хз б̣анд̇ханз подаяид̇ваа 95 ваа висаж̇ж̇а. яат̇аа яаанам̣ ваа ваяхам̣ ваа рат̇ам̣ ваа сагадам̣ ваа санд̣̇амаанигам̣ ваа саж̇ж̇ам̣ висаж̇ж̇ам̣ гаронд̇и вигобзнд̇и – звамзва д̇з сан̇г̇з восаж̇ж̇зд̇ваа ваа висаж̇ж̇а. ат̇а ваа, сан̇г̇з б̣анд̇хз виб̣анд̇хз ааб̣анд̇хз лаг̇г̇з лаг̇г̇ид̇з балиб̣уд̣̇д̇хз б̣анд̇ханз подаяид̇ваа ваа висаж̇ж̇аад̇и – бхаваабхавз сан̇г̇амимам̣ висаж̇ж̇а.
Bhavābhave saṅgamimaṃ visajjāti. Bhavābhaveti bhavābhave kammabhave punabbhave kāmabhave, kammabhave kāmabhave punabbhave rūpabhave, kammabhave rūpabhave punabbhave arūpabhave, kammabhave arūpabhave punabbhave punappunabhave, punappunagatiyā punappunaupapattiyā punappunapaṭisandhiyā punappunaattabhāvābhinibbattiyā. Saṅgāti satta saṅgā – rāgasaṅgo, dosasaṅgo, mohasaṅgo, mānasaṅgo, diṭṭhisaṅgo, kilesasaṅgo, duccaritasaṅgo. Visajjāti saṅge vosajjetvā vā visajja. Atha vā, saṅge bandhe vibandhe ābandhe lagge laggite palibuddhe bandhane phoṭayitvā 96 vā visajja. Yathā yānaṃ vā vayhaṃ vā rathaṃ vā sakaṭaṃ vā sandamānikaṃ vā sajjaṃ visajjaṃ karonti vikopenti – evameva te saṅge vosajjetvā vā visajja. Atha vā, saṅge bandhe vibandhe ābandhe lagge laggite palibuddhe bandhane phoṭayitvā vā visajjāti – bhavābhave saṅgamimaṃ visajja.
со вийд̇ад̇ан̣хо анийгхо нираасо, ад̇аари со ж̇аад̇иж̇аранд̇и б̣руумийд̇и. д̇ан̣хаад̇и руубад̇ан̣хаа…бз… д̇хаммад̇ан̣хаа… яассзсаа д̇ан̣хаа бахийнаа самужчиннаа вуубасанд̇аа бадибассад̣̇д̇хаа абхаб̣б̣уббад̇д̇игаа н̃аан̣аг̇г̇инаа д̣̇ад̣дхаа, со вужжад̇и вийд̇ад̇ан̣хо виг̇ад̇ад̇ан̣хо жад̇д̇ад̇ан̣хо ванд̇ад̇ан̣хо муд̇д̇ад̇ан̣хо бахийнад̇ан̣хо бадиниссадтад̇ан̣хо вийд̇арааг̇о жад̇д̇арааг̇о бахийнарааг̇о бадиниссадтарааг̇о нижчаад̇о ниб̣б̣уд̇о сийд̇ибхууд̇о сукаббадисам̣взд̣̇ий б̣рахмабхууд̇зна ад̇д̇анаа вихарад̇ийд̇и – со вийд̇ад̇ан̣хо. анийгход̇и рааг̇о нийгхо, д̣̇осо нийгхо, мохо нийгхо, год̇хо нийгхо, убанаахо нийгхо…бз… саб̣б̣аагусалаабхисан̇каараа нийгхаа. яассзд̇з нийгхаа бахийнаа самужчиннаа вуубасанд̇аа бадибассад̣̇д̇хаа абхаб̣б̣уббад̇д̇игаа н̃аан̣аг̇г̇инаа д̣̇ад̣дхаа, со вужжад̇и анийгхо. нираасод̇и аасаа вужжад̇и д̇ан̣хаа. яо рааг̇о саарааг̇о…бз… абхиж̇жхаа лобхо агусаламуулам̣. яассзсаа аасаа д̇ан̣хаа бахийнаа самужчиннаа вуубасанд̇аа бадибассад̣̇д̇хаа абхаб̣б̣уббад̇д̇игаа н̃аан̣аг̇г̇инаа д̣̇ад̣дхаа, со вужжад̇и нираасо. ж̇аад̇ийд̇и яаа д̇зсам̣ д̇зсам̣ сад̇д̇аанам̣…бз… ааяад̇анаанам̣ бадилаабхо. ж̇араад̇и яаа д̇зсам̣ д̇зсам̣ сад̇д̇аанам̣ …бз… инд̣̇рияаанам̣ барибааго. аяам̣ вужжад̇и ж̇араа. со вийд̇ад̇ан̣хо анийгхо нираасо, ад̇аари со ж̇аад̇иж̇аранд̇и б̣руумийд̇и яо со вийд̇ад̇ан̣хо анийгхо жа нираасо жа, со ко ж̇аад̇иж̇араамаран̣ам̣ ад̇ари уд̇д̇ари бад̇ари самад̇иггами вийд̇ивад̇д̇аяийд̇и б̣рууми аажигкаами д̣̇зсзми бан̃н̃абзми бадтабзми вивараами вибхаж̇аами уд̇д̇аанийгароми багаасзмийд̇и – со вийд̇ад̇ан̣хо анийгхо нираасо, ад̇аари со ж̇аад̇иж̇аранд̇и б̣рууми. д̇знааха бхаг̇аваа –
So vītataṇho anīgho nirāso, atāri so jātijaranti brūmīti. Taṇhāti rūpataṇhā…pe… dhammataṇhā… yassesā taṇhā pahīnā samucchinnā vūpasantā paṭipassaddhā abhabbuppattikā ñāṇagginā daḍḍhā, so vuccati vītataṇho vigatataṇho cattataṇho vantataṇho muttataṇho pahīnataṇho paṭinissaṭṭhataṇho vītarāgo cattarāgo pahīnarāgo paṭinissaṭṭharāgo nicchāto nibbuto sītibhūto sukhappaṭisaṃvedī brahmabhūtena attanā viharatīti – so vītataṇho. Anīghoti rāgo nīgho, doso nīgho, moho nīgho, kodho nīgho, upanāho nīgho…pe… sabbākusalābhisaṅkhārā nīghā. Yassete nīghā pahīnā samucchinnā vūpasantā paṭipassaddhā abhabbuppattikā ñāṇagginā daḍḍhā, so vuccati anīgho. Nirāsoti āsā vuccati taṇhā. Yo rāgo sārāgo…pe… abhijjhā lobho akusalamūlaṃ. Yassesā āsā taṇhā pahīnā samucchinnā vūpasantā paṭipassaddhā abhabbuppattikā ñāṇagginā daḍḍhā, so vuccati nirāso. Jātīti yā tesaṃ tesaṃ sattānaṃ…pe… āyatanānaṃ paṭilābho. Jarāti yā tesaṃ tesaṃ sattānaṃ …pe… indriyānaṃ paripāko. Ayaṃ vuccati jarā. So vītataṇho anīgho nirāso, atāri so jātijaranti brūmīti yo so vītataṇho anīgho ca nirāso ca, so kho jātijarāmaraṇaṃ atari uttari patari samatikkami vītivattayīti brūmi ācikkhāmi desemi paññapemi paṭṭhapemi vivarāmi vibhajāmi uttānīkaromi pakāsemīti – so vītataṇho anīgho nirāso, atāri so jātijaranti brūmi. Tenāha bhagavā –
‘‘вид̣̇ваа жа яо взд̣̇аг̇уу наро ид̇ха, бхаваабхавз сан̇г̇амимам̣ висаж̇ж̇а;
‘‘Vidvā ca yo vedagū naro idha, bhavābhave saṅgamimaṃ visajja;
со вийд̇ад̇ан̣хо анийгхо нираасо, ад̇аари со ж̇аад̇иж̇аранд̇и б̣руумий’’д̇и.
So vītataṇho anīgho nirāso, atāri so jātijaranti brūmī’’ti.
саха г̇аат̇аабарияосаанаа…бз… сад̇т̇аа мз, бханд̇з бхаг̇аваа, саавагохамасмийд̇и.
Saha gāthāpariyosānā…pe… satthā me, bhante bhagavā, sāvakohamasmīti.
мзд̇д̇аг̇уумаан̣авабужчаанид̣̇д̣̇зсо жад̇уд̇т̇о.
Mettagūmāṇavapucchāniddeso catuttho.
Footnotes:
Related texts:
адтагат̇аа • Aṭṭhakathā / суд̇д̇абидага (адтагат̇аа) • Suttapiṭaka (aṭṭhakathā) / куд̣̇д̣̇аганигааяа (адтагат̇аа) • Khuddakanikāya (aṭṭhakathā) / жуул̣анид̣̇д̣̇зса-адтагат̇аа • Cūḷaniddesa-aṭṭhakathā / 4. мзд̇д̇аг̇уумаан̣авасуд̇д̇анид̣̇д̣̇зсаван̣н̣анаа • 4. Mettagūmāṇavasuttaniddesavaṇṇanā
